یکشنبه, ۲۱ ذیقعده ۱۴۴۱هـ| ۲۰۲۰/۰۷/۱۲م
ساعت: مدینه منوره
Menu
القائمة الرئيسية
القائمة الرئيسية

بشریت نور د کپیټلېزم دا دروند بار پر اوږو نه شي وړی، د بشریت د ژغورنې لپاره اسلام حاکم کړئ

  • خپور شوی په سیاسي

په پاکستان کې په سیمه ییزه او نړیواله کچه دا روښانه شوې چې کپیټلېزم په سخت کړکېچ کې دی. ان د کرونا ویروس له خپرېدو مخکې د نړیوال اقتصاد د ټیټېدو شواهد وو. په نړیواله کچه عامه بېړنۍ روغتیا وضعیت نور هم خراب کړ. 

د څو غربي کپيټلېسټانو په لاس کې د ټولې شتمنۍ راټولېدل اوس نه د غرب خلکو ته د زغم وړ دي او نه نورې نړۍ ته. ان په دغه ناوړه حالت کې هم د په امریکا کې د میلیاردرانو شتمني سلګونو میلیاردو ډالرو ته ورسېده. د څو ځانګړو کپيټلېسټانو شتمني تر ټرېلیونونو رسېږي او نوره نړۍ بیا د مالیې له لوړېدو، د پورونو له ډېرېدو، د سوداګریو له نړېدو، د بېکارۍ له اوج ته رسېدو او بېوزلۍ له زیاتېدو سخت په ستونزو کې دي. پاکستان د نړیوال اقتصاد له ټیټېدو سره له ډېرو ستونزو سره مخ دی، اقتصاد یې پر صادراتو، د پیسو په لېږد او با ارزښته شیانو په واردولو پورې تړلی. د کووېډ-۱۹ پر مهال قرنطین یې اقتصاد نور هم کمزوری کړ، سوداګرۍ ودرېدې، عایدات نه وو او د بېکارۍ کچه لوړه شوه.

څو غربي کپيټلېسټان او سیمه‌ییز همکاران یې په خپل حال دي، بلکې لا چاغېږي. یوه اصلي وسیله یې پر پاکستان باندې سودي پورونه دي. اوسمهال یې له اووه ټريلیونو روپیو نه درې ټرېلیونه سود دی. د تېر کال سود یې په نړۍ کې بې ساری و. روان کال هم همداسې درواخلئ، د دغه سود د ورکړې لپاره یې سږ کال د مالیې ټارګېټ پنځه ټریلیونه روپۍ دی، له تېر کال څخه یو ټریلیون زیات، د پیسو نړیوال صندوق یا آی اېم اېف ترې غوښتي چې تر ۲۰۲۴/۲۰۲۵ م کلونو پورې هر کال مالیه تر لسو ټریلیونو روپیو زیاته کړي.

د نړۍ او سیمې په کچه نور د کپیټلېزم دوام د منلو نه دی. کوم څه چې یو وخت خلکو ته د بهترین اقتصادي ماډل په توګه وړاندې شوی و، اوس د خلکو په وحشتناک خوب بدل شوی. اوس تر بل هر وخت ډېر د اسلام حاکمیت او د اسلام بې نظیره اقتصادي نظام ته اړتیا ده چې شتمني ځانګړو کسانو ته نه ور ټولوي، بلکې وېشي یې. له څو ځانګړو کسانو سره د پیسو راټولول؛ لکه د سود پر اساس مالیه، د معدنونو او انرژۍ خصوصي ملکیت کول او د سهامو د شرکت جوړښت له منځه وړل به دغه نړۍ اسوده کړي چې اوس یې په اوږو د کپيټالېزم دروند بار دی. 

د حزب التحریر مرکزي مطبوعاتي دفتر ته

مسباح عمیر-پاکستان

 

د مطلب ادامه...

د حزب التحریرـ مرکزي مطبوعاتي دفتر ښځو برخې د سریبرینیکا د نسل وژنې ۲۵ یاد په اړه کمپاین پیل کړ: Featured

«۲۵ کلونه تېر شول: له سریبرینیکا څخه درس او عبرت»

سریبیایي ځواکونو په بوسنیا کې د سریبرینیکا پر مسلمانانو د ۱۹۹۵م، د جولای په ۱۱مه ډله ییز برید وکړ، چې په لسګونو زرو مسلمانانو د سریبیا د پوځ له برید څخه په شمال ختیځه بوسنیا کې پناه واخیسته. دغه ښارګوټی د ملګرو ملتونو له لوري د «خوندي سیمې» په توګه اعلان او پېژندل شوی و، چې د ملګرو ملتونو په وسیله خوندي و. د سریبرینیکا د نیولو په ورځو کې د سربیانو له لوري ۸ زره مسلمان نارینه او ماشومان په بې رحمانه توګه وژل شوي وو. دا له دویمې نړیوالې جګړې راهیسې په اروپایي خاوره کې تر ټولو ناوړه جنایت بلل شوی دی. د ډله ییزې وژنې تر څنګ له ۲۵زرو څخه تر ۳۰زرو مسلمانې مېرمنې، ماشومان او بوډاګان د صربستان له لوري د مسلمانانو د توکمیز کمپاین د یوې برخې په توګه له خپلې خاورې شړل شوي وو. د سریبرینیکا له مسلمانانو سره ملګرو ملتونو ژمنه کړې وه‎ چې هغوی به ساتي، خو هېڅکله یې ملاتړ ونه کړ. دغه راز دوی ته ژمنه ورکړل شوې وه چې غربې حکومتونو ته به د ناټو له لارې د سریبیانو بريدونه ودروي، خو دا مرسته هېڅ عملي نه شوه. په حقیقت کې، ملګري ملتونه نه یوازې د سریبرینیکا نیولو او ورپسې د ډله ییزې وژنې په مخنیوي کې پاتې راغلي، بلکې په دې ښار کې یې د بوسنیا مسلمان جنګیالي بې وسلې او د دوښمن پر وړاندې یې کمزوري کړل. د پوټکواري کلي کې د ملګرو ملتونو بله سوله ساتې اډه، په لسګونو زره مسلمانان چې د سریبرینیکا اوسېدونکي وو او له سریبیايي ځواکونو څخه یې د ساتنې غوښتنه کوله، خو د سریبیایي ځواکونو له لوري سیمې ته له ورننوتلو سره سم د ترور له کمپاین سره مخ شول.

دوی په سلګونو مسلمانان ووژل، ماشومان یې غرغره کړل او پر بې شمېره مسلمانو ښځو او نجونو یې جنسي تېری وکړ.  د دغو جرمونو ډېری برخه ملګرو ملتونو ولیدل او په درولو کې یې پاتې راغلل.

د سریبرینیکا له وحشیانه نسل وژنې څخه پنځه ویشت کاله وروسته یې هم قربانیان د زرګونو سرتېرو پر وړاندې عدالت ته سترګې پر لاره دي، چې د دوی او  هغوی د کورنیو پر وړاندې یې خورا ډېر جنایتونه ترسره کړي دي. دلته هېڅ داسې هیله نشته چې دوی به کله د عدالت لپاره خپله مبارزه ګټي. د سریبرینیکا نسل وژنه یوازې د بوسینا په جګړه کې د بوسنیایي مسلمانانو پر وړاندې د سرب ځواکونو له لوري د تر سره شوو ظلمونو یوه برخه وه، په داسې حال کې چې د نړۍ مسلمانو او غیر مسلمانو حکومتونو تر څار لاندې هم و. د بوسنیا درې کلنې جګړې، له ۱۹۹۲م څخه تر ۱۹۹۵م پورې، په بوسنیا کې د سرب ګوندونو په توګه له سلګونو ښارونو او کلیو څخه د مسلمانانو نسلونه پاک کړل. د سریبیا جمهوري دولت هڅه وکړه چې د لویې سریبیا په اړه د خپل ملي لیدلوری له مخې د ډرینا سیند په اوږدو کې له توکمیزه پلوه سوچه سریبیایي سیمه رامنځته کړي.

د دوی ځواکونو په سیستماتیک ډول کورونه ویجاړ کړل او په لسګونو زره مسلمانان، چې ښځې، ماشومان او مشران پکې وو، په بې رحمانه توګه ووژل. د جګړې په جریان کې ۱۰۰زره کسان ووژل شول، ۲.۲ میلیونه بې ځایه شول او پر ۵۰ زره مسلمانو ښځو او نجونو د سربي ځواکونو له لوري جنسي تېری وشو، چې  د دې نه بښونکي جنایت له کبله ډېری مېرمنې اميدواره شوې. دغه راز په زرګونو بوسنیايي مسلمانان د سرب د سرتېرو په کمپونو کې بندي شوي وو، چې هلته نه یوازې له لوږې سره لاس او ګرېوان وو، بلکې شکنجه شوي او حتی وژل شوي هم وو.

 د سریبرینیکا له ډله ییزې وژنې کلونه وروسته، نړۍ ژمنه وکړه چې «هېڅکله به بیا دا جنایت نه ترسره کېږي، دا معاصر تاریخ به له دې تور داغ څخه عبرت واخلي. نن ورځ موږ د بوسنیا جګړه، وژنې او جنایتونه وینو او د سریبرینیکا نسل وژنه په نړۍ کې د مسلمانانو پر وړاندې تکرار شوې ده... په ځينو وختونو کې د سریبرینیکا له جنایتونو ناوړه هم تر سره شوي دي. لکه په سوریه، میانمار، کشمير، فلسطین، یمن، ختیځ ترکستان او د هندوستان په ګډون د مسلمانانو پر وړاندې د ملګرو ملتونو او غربي او مسلمانو دولتونو د مسلسلې بې باورۍ او پېچلتیا شاهدان یو.

د سریبرینیکا نسل وژنې د ۲۵مې کالیزې لپاره، د حزب التحریر مرکزي مطبوعاتي دفتر د ښځو برخې یو رښتینی کمپاین پیل کړی دی: «د ۲۵ کلونو په تېرېدلو سره: له سریبرینیکا څخه درس او عبرت» رښتیني عبرتونه روښانه کوي، چې باید له دې بشري تراژيدۍ څخه زده کړه وشي. دا چې د نسل وژنې ميراث چې زموږ امت ته زیان رسوي، هغه څنګه له منځه وړل کېږي، تر څو تاریخ تکرار نه شي. دا به په ګوته کړي چې څنګه د تېرو ظالمانه پېښو یادونه باید له موږ سره مرسته وکړي، تر څو زموږ د هېواد په ګډون د مسلمانانو په توګه د امنیت او عدالت د تر لاسه کولو لپاره خپل راتلونکی بدل کړو. په حقیقت کې رسول الله صلی الله علیه وسلم فرمايي:

«لاَ يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

ژباړه: مومن باید له یو غار څخه دوه ځله ونه چیچل شي.

کمپاین کولای شئ په لاندې پتو وڅارئ:

http://www.hizb-ut-tahrir.info/en/index.php/hizbuttahrir/19753.html
https://www.facebook.com/WomenSharia/

ډاکټر نسرین نواز

د حزب التحریر  مرکزي مطبوعاتي دفتر د ښځو برخې مشره

 

د مطلب ادامه...

اسلامي احکامو او ارزښتونو ته سپکاوی ادامه لري؛ آیا څوک شته چې دفاع ترې وکړي؟ Featured

د افغانستان د ستراتیژيکو مطالعو انستیتیوت د «زده‌کړه او سیاست: د افغانستان د پوهنې په نصاب کې د دیني راډیکالېزم رېښه‌موندنه» په نامه یوه څېړنه خپره کړې، چې په ښکاره یې پکې پر اسلامي ارزښتونو، عقایدو او احکامو بریدونه کړي او ټينګار پکې شوی چې د اسلامي مسایلو تدریس د راډيکالېزم او افراطیت لامل کېږي.

دغه بنسټ یوازې د څېړنې پر خپرولو بسنه نه ده کړې، بلکې په ډېره بې‌شرمۍ حللاره ورکوي څو د افغانستان د پوهنې کتابونه له اسلامي مسایلو پاک کړل شي. په داسې حال کې چې دا ډول څېړنې او نظرونه خپله تاوتریخوالي ته لار هواروي؛ دا هغه موخه ده چې غربي ډونران او تمویلوونکي یې په لټه کې دي. دغه انستیتیوت د دې لپاره چې د خلکو له نیوکو ځان خلاص کړای شي، د دا ډول څېړنو او لیکنو ټول مسوولیت د لیکوال او څېړونکي پر اوږو وراچوي. په داسې حال کې چې دغه انستیتیوت په خپلو پرلپسې څېړنو او نظرپوښتنو کې تل پر اسلام ایډيولوژيکه او یو اړخیزه حمله کړې ده او اسلامي ارزښتونه یې له «راډيکالېزم»، «بنسټپالنې» او «تندلارۍ» سره مترادف تعریف کړي دي.

که څه هم د تېرو شلو کلونو په بهیر کې د افغانستان د پوهنې درسي نصاب څو ځله بیاکتل شوی او یوه ستره برخه اسلامي ارزښتونه ترې حذف کړل شوي او د ډيموکراسۍ پر مفاهېمو بدل شوي دي. مګر له اسلام سره د سیکولرانو دښمني دومره ژوره ده، چې حتی د پوهنې په نصاب کې یې د اسلام فردي مسایل هم ونه زغمل، په «راډيکالېزم» پورې یې وتړل او له درسي نصابه د ټول اسلام د حذف غوښتنه کوي. په دې څېړنه کې الله سبحانه و تعالی، د اسلام پيغمبر صلی الله علیه وسلم، اسلامي عقایدو، د اسلام له نظره د ژوند موخې، جهاد، مجاهد، زکات او نورو اسلامي ارزښتونو او عقایدو ته سپکاوی شوی دی. دلته د دغه سپکاوي‌لیک یوې کوچینۍ برخې ته اشاره کوو:

  • په څېړنه کې په ډېره بې‌باکۍ نیوکه شوې چې ولې د -پښتو او دري- ژبو او ادبیاتو ټول کتابونه په حمد او نعت یعنې د الله سبحانه او تعالی او رسول الله صلی الله علیه وسلم پر ثنا او ستاینه پيلېږي. (ص۳۸)

  • د څېړنې په یوه برخه کې په ډېره بې‌شرمۍ ویل شوي دي چې باید د ښوونځي زده‌کوونکو ته ونه ویل شي چې "سم او د انتخاب وړ دین یوازې اسلام دی"؛ دا مسله د دیني «راډیکالېزم» لامل کېدای شي. (ص۶۶)

  • په څېړنه کې په ډېره زړورتیا ویل شوي چې د نورو پر بتانو او خدایانو باید حمله ونه شي. همدارنګه بیان شوې، د افغانستان د پوهنې په کتابونو کې چې څنګه الله سبحانه وتعالی ذکر شوی، دا د نورو خدایانو د حذف لامل کېږي، یوازې د مسلمانانو خدای پاتې کېږي او دا په زده‌کوونکو کې د دیني «راډيکالېزم» لامل کېږي. (ص۵۷-۵۸)

  • په څېړنه کې په ډېره بې‌باکۍ راغلي چې په درسي نصاب کې د مسلمانانو د لومړۍ قبلې بیت المقدس انځور راوړل د دیني «راډيکالېزم» لامل کېږي. (ص۷۹-۸۱)

  • په څېړنه کې پر دې موضوع ډېر فضولانه انتقاد شوی چې ولي په درسي کتابونو کې راغلي چې د زکات یوه مستحقه ډله مجاهدین دي. (ص۴۴-۴۵) حال دا چې  دغه موضوع قطعي حکم او د قرآن‌کریم صریح آيت دی، چې مجاهدین له هغو اتو ډلو څخه یوه ده، چې زکات باید ورکړل شي.

  • په څېړنه کې په ډېرې بې ادبۍ د مجاهد دا ډول تصویر وړاندې شوی دی: «مجاهد پر خپل قطعي نظر له خپل ځانه پرته د هر انسان د له منځه وړلو لپاره راولاړېږي» (ص۴۴-۴۵) په داسې حال کې چې دغه ټکی خورا ستر اسلامي ارزښت، د اسلام تاریخ او د افغانستان هغه ستره برخو خلکو ته سپکاوی دی، چې د شوروي او امریکا پر وړاندې جهاد کې یې ونډه درلوده.

  • په څېړنه کې ډېر چټيات ویل شوي، چې د دغه متن «د ژوند لومړۍ موخه د یوه الله عبادت دی» تدریس او دا چې د نېکمرغۍ لاره یوازې مستقیمه لاره [صراط مستقیم] ده، د زده‌کوونکو د قطعي لیدلوري او راډيکالېزم لامل کېږي. (ص۵۳-۵۴)

په واقعیت کې په ډيموکراتیک نظم او د سیکولرانو په حاکمیت کې هر څوک او هر بنسټ جرات پيدا کوي څو د بیان ازادۍ او څېړنې په نامه اسلامي ارزښتونه او عقاید تر پوښتنې لاندې راولي. په مقابل کې یې هېڅ ارګان او بنسټ نشته چې د دا ډول بې‌حیایۍ، سپکاوي او حملو مخه ونیسي او پر وړاندې یې ودرېږي. په داسې حال کې چې که څو کاله مخکې دا ډول سپکاوی‌لیک خپور شوی وای، له سختو غبرګونو سره مخ کېده؛ خو نن د اسلام د حاکمیت په نشتوالي کې مقدساتو ته سپکاوی کېږي او فضا یې داسې جوړه کړې چې که څوک یې پر وړاندې غږ اوچت کړي، په بېلابېلو نومونو او ټاپو ځپل، ترور او خفه کېږي.

د حزب‌التحریر - ولایه افغانستان مطبوعاتي دفتر

د مطلب ادامه...

کله چې د غرب تمدن د کورنۍ تر انګړه راورسېد د سیکولرېزم ټغر باید ژر تر ژره ټول او د خلافت خور شي

  • خپور شوی په سوډان

د کار او ټولنیزې پراختیا وزیرې لینا الشیخ تایید کړه، چې وزارت یې د ښځو پر وړاندې له تاوتریخوالي سره د مبارزې لپاره د یوې څانګې په رامنځته کولو سره د ښځو ساتنې ته د خپلو لومړیتوبونو په سر کې ځای ورکړی، تر څو په سوډان کې د ښځو د وضعیت د ښه والي او عزت د ساتنې لپاره کار وکړي. نوموړې په سوډان کې د جنډر پر اساس د تاوتریخوالي د مخنیوي په موخه د ګام اخیستلو لپاره د یو سند تصویب هم تایید کړ او  یادونه یې وکړه، چې وزارت یې د پولیسو او کورنیو چارو وزارت او ماشوم ساتنې واحد سره په همغږۍ کې د کورني تاوتریخوالي راپورونه د تر لاسه کولو لپاره د ټیلفون پر کرښه ځانګړې څارنه پیل کړې ده، چې له نړیوالو معیارونو سره سم رواني، ټولنیزو، روغتیايي او حقوقي ملاتړ ته هم پکې اشاره شوې وه. (سونا د ۲۰۲۰م، د جون ۱۹مه)

له بده مرغه د انتقالي حکومت وزیران په غرب کې ژوند کوي، فساد، انحطاط او ټولنیز بېلوالی په دوی پورې تړلی دی... بیا هم دوی زموږ د ساتنې او د قانون په رڼا کې د ښه ژوند ژمنې کوي، تر څو خپلې موخې او اهداف د غربي تمدن له زوال څخه راوباسي!! دا مساله هم د یادولو وړ ده چې ډېری غربي هېوادونه ټولنې ته له سخت زیان رسولو وروسته خپل قوانین تعدیلوي. دا د دې لپاره چې ښځې د رول ارزښت له شدید حالت څخه راوګرځوي، چې فېمینست نظریاتو یې د کورنۍ جوړښت ته زیان ورسولو. زموږ په هېواد کې حکومتونه او سازمانونه د ناوړه غربي ټولنیزې تجربې پر لور حرکت کوي، د قانون مسوده چمتو کوي او د ناوړه غربي افکارو پر اساس پالیسۍ جوړوي، چې ادعا کوي دا د پرمختګ نښه ده او دوی به د ښځو لپاره ښه شرایط برابر کړي. په داسې حال کې چې دا مسموم شوي افکار او نظریات دي، چې په غرب کې هم بې ګټې ثابت شول!!

د ملګرو ملتونو پلاوي هېڅکله هم دا خوب نه و لیدلی چې په یوه اسلامي هېواد کې د رسمي رسنۍ په چوکاټ کې د قانون په جوړولو کې ونډه واخلي، چې د خپل حساسیت له امله یې پر ټولنیز اړخ باندې اغیز کوي!! مګر دا کار د انتقالي دورې په رڼا کې کېږي. په سوډان کې یې د ټولنیز امنیت لپاره خپلې هڅې کړندۍ کړې دي، تر څو زموږ د ټولنې لپاره د بهرنیو ارزښتونو په پلي کولو سره، موږ له کلتوري میراث څخه لیري کړي، لکه د ښځو پر وړاندې د تاوتریخوالي مبارزه، د جنسیت پر اساس تاوتریخوالی او جنسي تاوتریخوالی... دغه پټې مفکورې یوازې د ټولنې د نړیوال کېدو او کورنۍ د ټوټه کېدو د اجنډا لپاره لاره هواروي، چې له غرب څخه یې سرچینه اخیستې ده او دا په سوډان کې د میرمنو له حقیقي ستونزو سره هېڅ اړخ نه لګوي.

 په لنډه توګه د وزیرې له لوري د اعلان شوو تقنیني، قضايي او اداري تدابیرو نیول، نه یوازې د کورني تنظیم په اړه د ټولو شرعي احکامو لغوه کول دي، بلکې د هغه پر ځای د بشر په لاس د جوړ شوو قوانینو ځای پر ځای کول دي، چې د سپکاوي لامل کېږي. د پلرونو او مېړونو پر وړاندې د ښځو او ماشومانو د واک لوړولو په وسیله د کورني موقف د له منځه وړلو سربېره د کورنۍ هویت هم له منځه وړي. د داسې تګلارو د فعاله کولو لپاره لاس په کار دي چې کورني مسوولیتونه د سړي په قوامیت وننګوي او میندې خپل اصلي مسوولیتونه له لاسه ورکړي...

د جنډر پر وړاندې د تاوتریخوالي انګېرنه د ناروغ سړي تخیل ته اشاره کوي چې غواړي ټولنه خرابه کړي او د تاوتریخوالي د موجودیت په تېرېدلو سره د کورني ژوند یووالي او اتحاد ته جدي زیان ورسوي، ځکه چې لنډ لیدلوری سیکولر انفرادي لید ته ګوري، دا د بشري غوښتنو او ارمانونو لپاره له ارزښتونو او ايډيالوژيو لیرې دی. د غرب نمونه اخیستل له داسې اختلالاتو څخه ډکه ده چې د خپل ناوړه ژوند په هره شېبه کې یې خلک له ستونزو سره مخ کړي دي، چې په پایله کې د تاوتریخوالي د خطرناک تناسب له امله د ځان وژنې لامل کېږي.

اې د سوډان خلکو: سالم عقل مو باید دې ته اړ کړي چې د پایلو په اړه څېړنه وکړئ او مخکې له دې چې تبر مو سر غوڅ کړي هغه ليرې کړئ. د هغو هېوادونو د وضعیت په اړه فکر وکړئ چې د غرب پیروي کوي، تاسو څنګه په ټولنه کې د غربې چټلې مفکورې د ککړتیا تل ته رسېدلي یئ!! ایا کورنۍ له منځه نه دي تللې، د طلاق او بېلوالي شمېر نه دی ډېر شوی، چې د کورني تاوتریخوالي لامل ګرځېدلی، تر څو د کورنۍ هر اړخ اغیزمن کړي او د کورني ژوند همغږي له منځه یوسي؟

اې په سوډان کې مسلمانو میندو: دا ناوړه دوکې او درواغ د ښځو د ژوند د معیار لوړولو لپاره نه دي، بلکې د پانګوال غربي تمدن نړیوال کول دي، چې یوازې مادي ارزښتونه په پام کې نیسي، لکه څنګه چې هیلري کلینټن وویل: «د ښځو پر اقتصادي ګډون محدودیتونه کولای شي، چې د نړۍ په هره برخه کې زموږ د پراخه اقتصادي ودې او عایدو مخه ډپ کړي.» دا یوه داسې ايډیالوژي ده چې په منظمه توګه د شتمنۍ تولید د نورو مهمو انساني اړتیاوو او ارزښتونو څخه لوړ ساتي.

اې مسلمانانو: زموږ د باورونو، د خپلو کورنیو د یووالي او د ټولنې د افکارو خلاف د لاسوهنې مخنیوي د دې زړو رژيمونو د له منځه وړلو پرته نه کېږي او د نبوت پر منهج د راشده خلافت تاسیس کولای شي چې د شرم او ظلم دروازې وتړي، ښځې او کورنۍ له هر زیان څخه وساتي او د الله سبحانه و تعالی د رښتیني قانون په وسیله د دوی ځواک له منځه یوسي.

د حزب التحریرـ ولایه سوډان د ښځو برخې رسمي ویانده

 

 

د مطلب ادامه...

د اټومي قدرتونو (چین او هند) تر منځ په کشمکشونو کې د هغو کسانو لپاره درسونه او عبرتونه چې د کشمیر د ازادۍ تمه لري

خبر

د ۲۰۲۰م د جون په ۲۰مه چین هندي ځواکونه په خپل لومړي دولتي راپور کې د همالیایي سرحد پر سر د دوشنبې ورځې د خونړۍ جګړې مسوول وبلل. د چین د بهرنیو چارو وزارت ویاند لایجین جو وویل: «د هند ځواکونه د چین تر کنترول لاندې سیمې ته رااوښتي وو او حمله یې کړې وه، ځکه نو سخته نښته وشوه.»

د ۲۰۲۰م په جون میاشت کې د چین او هند تر منځ وژونکو بریدونو د دغو دوو قدرتونو دوښمني د اسلام پروړاندې ښکاره کړه. هغه مسلمانان چې له دې څخه د اشغال شوي کشمیر د ازادېدو تمه لري باید درس ترې واخلي. یاد دوه کفري دولتونه، اټومي قدرتونه دي، خو د جګړې نه کولو لپاره د یو او بل پروړاندې د نظامي ځواکونو ډېرولو ته دوام ورکوي. هېڅ لوری د جنجال د حل لپاره په امریکا غږ نه کوي. په دواړو لورو کې خلک ووژل شول، خو بیا هم هېڅ لوري له مذاکراتو پرته بله لار ونه موندله، چې له خپلې خاورې او هېواد څخه ورباندې دفاع وکړي. امریکا د چین پروړاندې درې جګړې پر مخ وړي، چې یوه یې هم د کرونا ویروس دویمه څپه او د اقتصاد کمزوري کول دي. دغه راز هندوستان هم د کرونا ویروس له بحران او کمزروي اقتصاد سره مخ دی.

په پاکستان کې د هندوستان پر ماتې خوشحالۍ کېدلې، چې دغو خوشحالیو هم خوږې هم ترخې درلودې. د باجوه ـ عمران رژیم له اټومي جګړې څخه د وېرې په پلمه ځان په شا کړ، چې تر اوسه دغه پلمه نه د هند او نه هم د چین له خوا شوې ده. پوځي ځواکونو ته اړتیا وه، نو ځکه یې هلته ځواکونه زیات کړل. ولې د باجوه ـ عمران رژیم د اشغال شوي کشمیر په سر نه درېږي تر څو هندو دولت په شا وتمبوي؟

د ۲۰۱۹م د اګیسټ په ۵مه د دې پرځای چې باجوه ـ عمران رژیم د اشغال شوي کشمیر پر سر د هندو دولت پر وړاندې له زوره کار واخلي، نوموړي د زغم، ځان ساتنې، احساساتي خبرو، قهرجنو ټويټونو، لوړو شعارونو، له خپل بادار (امریکا) څخه د مرستې غوښتلو غبرګونونه ښودل او ابهاینندان هندي پیلوټ چې په پاکستاني خاوره یې حمله کړې وه، په دریو ورځو کې ازاد کړ. د اشغال شوي کشمیر هر انچ خاوره نه، بلکې تر خپل کنټرول لاندې خاوره یې د ځان لپاره سور خط وټاکه. د باجوه ـ عمران د رژیم ټیټ موقف مودي ته جرات ورکوي تر څو د اشغال شوي کشمیر پر مسلمانانو باندې خپل ظلم ته دوام ورکړي. دغه راز له اشغال شوي کشمیر څخه د لداخ سیمې بېلې کړي او نفوس شمېرنه کې هم تغیرات راولي.

د باجوه ـ عمران سیکولر رژیم هېڅکله هم پر خپل موقف ثابت نه دی ولاړ او نه به هېڅکله زموږ له حقونو څخه دفاع وکړي. دا د متحده ایالتونو او دولت ـ ملت محدوده عقیده ده، چې د دې پرځای چې خپل ځان الله سبحانه وتعالی او د هغه په رسول الله صلی الله علیه وسلم پورې وتړي ځان د پیسو په نړیوال سازمان او  په نړیوال دولتي سازمان پورې تړي. دا به هېڅکله هم مسلمانانو ته کامیابي ورپه برخه نه کړي. د باجوه ـ عمران رژیم د دې پرځای چې د دوښمن پر زړه  د برید کولو لپاره پاملرنه وکړي، زموږ او زموږ د پوځونو په منځ کې د جګړې جوړولو ته پاملرنه کوي. دوی موږ د ژوند او داریۍ په له لاسه ورکولو وېروي، خو د الله سبحانه وتعالی په لاره کې جهاد یو لوی تجارت دی، چې الله سبحانه وتعالی د نېکو کارانو لپاره د یوې لویې ډالۍ (جنت) ژمنه ورسره تړلې ده.

اسلام غواړي چې د اشغال شوي کشمیر خاوره د پوځونو په وسیله ازاده کړي. نن ورځ مناسب وخت دی ځکه چې هندوستان اوس د کشمیر د مسالې په شمول له چین سره په جګړه کې دی او د کوید ۱۹ ناورین یې اقتصاد له ماتې سره مخ کړی دی. دغه راز په کور دننه له اقلیتونو سره په جنجالونو بوخت دی. امریکایي باداران او ساتونکي یې د ولسمشرۍ ټاکنو او توکم پالنې لپاره په لارویونونو بوخت دي، اقتصاد یې نړېدلی، روحیه یې له لاسه ورکړې، پوځونه وباسي او همدارنګه د ناروغیو له ناورینونو سره لاس او ګرېوان دي. 

موږ اوس اسلامي رهبرۍ ته سخته اړتیا لرو تر څو مسلمانان سره یو موټي کړي او مسلمانان د پوځونو په لاس له ظلمه وژغوري. موږ داسې رهبرۍ ته اړتیا لرو چې د سیکولرېزم، دولت ـ ملت مفکوره، د امریکا ډیموکراتیک ولسمشرۍ او پارلماني دولتونه او همدارنګه د پیسو نړیوال سازمان قانون، ارزښتونه او ټولې تیوري ګانې وررد کړي. دا به یوازې هغه وخت امکان ولري چې پر موږ  یوازې هغه څه حاکم شي چې الله سبحانه وتعالی رانازل کړي، پرته له دې چې له نورو مفکورو سره جوړجاړی او یا ورسره یو ځای شي. دا یوازې موږ یو چې د رسول الله صلی الله علیه وسلم په تګلاره بیا خلافت تاسیس کړو نو بیا زموږ پوځي ځواکونه کولی شي چې د جګړې په ډګر کې د الله سبحانه وتعالی رضا ترلاسه کړي. الله سبحانه وتعالی په دې هکله فرمایي:

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُم بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ﴾[سورة توبه: ۳۸]

ژباړه: اې مومنانو ولې کله چې تاسو ته ویل کېږي چې د الله سبحانه وتعالی په لاره کې د جهاد لپاره حرکت وکړئ، نو سستي کوئ او زړونه مو په دونیا پورې تړئ؟ ایا د دې نړۍ په ژوند باندې د هغه نړۍ له ژوند څخه خوشحاله یئ؟ فاني نړۍ ته په ابدي نړۍ لومړیتوب ورکوئ؟ د دې نړۍ جامې او متاع د هغې نړۍ د جامو او متاع په پرتله ډېر ناچیزه شی دي.

د حزب الترحریر مرکزي مطبوعاتي دفتر ته

لیکوال: سعد جنجو

۱۴۴۱هـ.ق د ذوالقعدې ۴مه

۲۰۲۰م د جون ۲۵مه

د مطلب ادامه...

د مسلمانانو پوځونه به عذر ونه مني، بلکې د غاصبینو پوځونه به یې خپل کور پاریس ته استوي

  • خپور شوی په تونس

فرانس پرېس د جون په ۲۳مه د یوې مرکې په ترڅ او د دې پوښتنې په ځواب کې چې ایا فرانسه باید په تونس کې د جنایتونو له امله بښنه وغواړي، ولسمشر قیس سعید وویل: لکه څنګه چې فرانسوي متل دی «بښنه غوښتل داسې مانا لري لکه څوک چې د ځان غندنه کوي» هغه وویل: «تونس د ساتنې تر نظم لاندې و، لکه الجریا تر مستقیم اشغال لاندې نه و» هغه زیاته کړه: «دا به غوره وای چې په مالي زیان او یا هم په هېواد کې د پروژو د لېږلو له امله بښنه شوې وای» د فرانسې د بښنې د لیست په پام کې نیولو سره چې د پارلمان له لوري لغوه شوی و پاک نه و، ځکه چې دا وروسته له ۶۰ کالونو څخه رامنځته شوی دی. 

په الله قسم دا ظلم دی، چې د دولت مشر د فرانسې له هغه استعمار څخه یادونه کوي، چې زموږ خلک یې وژلي، زموږ پر تور سرو یې جنسی تېری کړی، زموږ مالونه یې لوټ کړي او دې ته دوام ورکوي، تر څو داسې وښيي چې دوی ورسره د محافظت تړون لري او داسې یې نه بولي لکه د الجریا اشغال، مالي زیان هم نه مني، تر څو بښنه وغواړي، ځکه چې بښنه غوښتل دوی ته د ځان د غندلو په مانا ده!! ایا ولسمشر قیس سعید نه پوهېږي چې د محافظ الثاني تړون، چې په ۱۸۸۱م کې د محمد الصادق له لوري لاسلیک شوی و (د بارډو تړون) د فرانسې د پوځ تر ګواښ لاندې و چې پلازمینه یې تر بريد لاندې راوستې وه، چې دغه سیمه د الجیریا له اشغال شوې سیمې څخه ده. تړون د هېواد خپل حاکمیت له لاسه ورکړ چې د فرانسې کمیشنر ـ د هیواد باالفعل واکمن شو!؟ ایا پیسې کولای شي د شهیدانو وینې، زموږ د مېرمنو وقار او هغه بې عدالتۍ او ظلمونه چې زموږ د پلرونو له خوا تجربه شوي جبران کړي!؟ ایا حقونه داسې تر لاسه کېږي!؟ 

پرته له دې چې «د فرانسې د بښنې» د لیست پر هدف پوه شو چې تر شا یې د چا لاس دی، چې بښنه نن غوښتل شوې ده یا دا چې په دې ټولو بڼو، ارکانو او نښو کې څه اړتیا ده چې غرب خپل نفوذ پراخوي. د ولسمشر قیس سعید څرګندونې به د تونس په تاریخ کې د شرم وړ کرښې وي، چې یوازې هغه وخت کېدای شي پاکې شي چې تونس د خلافت مرکز ته واړول شي. پوځونه به نه باسي او عذر به نه مني، بلکې د غاصبینو پوځونه به یې خپل کور پاریس ته استوي، تر څو یې د شیطان وسواس هېر شي. انشاءالله د نبوت پر منهج دویم راشده خلافت به تاسیس شي او په ټولو اسلامي خاورو که به د روبیدات د واکمنۍ ټغر ډېر ژر ټول شي.

رسول الله صلی الله علیه وسلم فرمایلي دي:

«ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

ژباړه: بیا به د نبوت پر منهج خلافت تاسیس شي.

د حزب التحریرـ ولایه تونس مطبوعاتي دفتر

 

د مطلب ادامه...

د اسلامي نړۍ اوسنیو پوځونو ته د لسو غوره مسلمانو قومندانانو لوی درسونه

  • خپور شوی په تثقیفي

د اسلامي تاریخ په لوستلو، د دغه امت داسې اتلان پیدا کولی شئ چې د پیغمبر صلی الله علیه وسلم دغه وینا ثابتوي:

«مَثَلُ أُمَّتِي مَثَلُ الْمَطَرِ لَا يُدْرَى أَوَّلُهُ خَيْرٌ أَوْ آخِرُهُ» (ترمذي)

ژباړه: زما امت باران ته ورته دی؛ معلومه نه ده چې اول یې ښه دی که اخر.

د نبوت له پیله تر اوسه ډېر وخت داسې شوي چې مسلمانان په ډېر ناوړه حالت کې وي، نیکي او مهرباني پکې زیاته شوي وې او بېرته هغې سطحې ته رسېدلي چې ګټه یې پکې ده. دلته د مسلمانانو اوسني پوځیان باید هغو لویو درسونو ته پام وکړي چې په اسلامي تاریخ کې نامتو قومندانان یې ورته لري. ښه ده چې د لاسته راوړنو او د خلافت له لوی دولت سره یې د همکارۍ پر اساس د ځینو غوره مسلمانو قومندانانو یادونه وکړو.

۱. حمزه ابن عبدالمطلب رحمه الله علیه:

حمزه ابن عبدالمطلب د پیغمبر صلی الله علیه وسلم رضایي ورور، ملګری او تره و. نوموړی د ۶۲۵م کال د مارچ په ۲۲مه (د درېیم هـ ق کال د شوال په ۳مه) د اُحد په غزا کې شهید شو. لقبونه یې اسد الله اسد الجنه وو او پیغمبر صلی الله علیه ولسم د سید الشهداء لقب ورکړ.

(حکیم)«سيد الشهداء حمزة بن عبد المطلب ورجل قام إلى إمام جائر فأمره ونهاه فقتله»

ژباړه:  سید الشهداء حمزه بن عبدالمطلب او هغه کس چې د ظالم حاکم پر وړاندې ودرېږي، په نېکۍ امر وکړي او له بدۍ منعه او د دې لپاره ووژل شي.

ده رحمت الله علیه په ۶۱۲م کال کې اسلام ومانه، د حمزه بن عبدالمطلب په مسلمانېدو د مسلمانانو قوت لا زیات شو. پیغمبر صلی الله علیه وسلم د حمزه رحمت الله علیه په مشرۍ پر قریشو لومړی برید تنظیم کړ، په دغه برید کې دېرش سواره مهاجرین ورسره وو. نوموړی العیس سیمې ته نیږدې ساحل کې له ابو جهل ابن هشام او د هغه له درې سوه سورو کسانو سره مخ شو، جګړه پیلېده چې مجدي ابن امر الجوهاني مداخله وکړه، خلک تیت شول او جګړه ونه شوه.

حمزه د بدر په غزا کې هم و. تل به یې په سینه یوه بڼکه وه چې د جګړې په میدان کې ښه پېژندل کېده. په مخامخ جګړه کې یې اوتبه ابن ربیعه وواژه او له علي سره یې د اوتبه د ورور، شیبه په وژلو کې مرسته وکړه. وروسته بیا حمزه د بنو قینوقه پر وړاندې لښکر کشۍ کې د اسلام بیرغ لېږداوه.

۲. خالد ابن ولید رحمته الله علیه:

د اسلامي خلافت له بهترینو قومندانانو څخه و. په ۵۹۲م کې زیږېدلی او په ۶۴۲م کې وفات شوی. په ۳۵ کلنۍ کې مسلمان شو. دا چې ډېر زړور و او د اسلام دوښمنان ترې وېرېدل، لقب یې سیف الله شو. نوموړي په ټول ژوند کې یوه جګړه هم نه وه بایللې. دی د دروغجنو پیغمبرانو پر وړاندې جګړه، د عراق، د سوریې یوې برخې، یمامې په فتحو او تر سلو زیاتو نورو جګړو کې بریالی و. خالد ابن ولید یو تکړه پوځي سټراټېجېسټ هم و، تکتیکونه یې ان اوس هم کارول کېږي. خالد بن ولید رحمت الله علیه په ځانکدن کې وویل:

«لقد شهدتُ مائة زحف أو زُهاءَها، وما في جسدي موضع شبر إلا وفيه ضربةٌ أو طعنة أو رَمْية، ثم هأنذا أموت على فراشي كما يموت العَيْر، فلا نامت أعين الجبناء»

ژباړه: ما د شهادت لاسته راوړلو لپاره په ډېرو جګړو کې ګډون وکړ، په بدن کې مې هېڅ ځای داسې نه دی پاتې چې ټپي نه وي، خو اوس د زاړه اوښ په شان په خپله بستره کې مړ کېږم. د ډارنو سترګې دې هېڅ وخت نه ارامېږي.

دی رحمت الله علیه داسې یو پوځي و چې د سیف الله (د الله توره) لقب ښه ورسره ښایي، داسې توره چې د کفر او د اسلام او مسلمانانو د دوښمنانو پر وړاندې پورته شوه.

۳. ابو عبیده ابن جراح رحمت الله علیه:

په ۱۸ کلنۍ کې مسلمان شو. د ده له پوځي بریالیتوبونو څخه د دمشق فتح، د مدیترانې د ختیځو سیمو هېوادونو فتح او همداراز د سپېڅلي ښار، بیت المقدس یادونه کولی شو. ده همداراز ارمنستان او اناتولیا ته په لښکرکشیو کې هم ونډه اخیستې وه. دا هغه کس دی چې په احد غزا کې یې د پیغمبر صلی الله علیه وسلم په دفاع کې یې غاښ مات شو. دی ډېر نېکمرغه دی، پیغمبر صلي الله علیه وسلم «د امت ساتونکی» بللی او د عشرة المبشرة بالجنه له ډلې و.

۴. طارق ابن زیاد

د اتمې میلادي پېړۍ تر ټولو لوی قومندان او د هسپانیې د فاتح په نوم مشهور دی. کله چې ۳۵-۴۲ کلن و، د مسلمانانو د خلیفه په امر له ۱۰۳۰۰ جنګیالیو سره د ویسیګوټیک ظالم پاچا، کېنګ روډېریک – چې ۱۰۰۰۰۰جنګیالي ورسره وو- مقابلې ته واستول شو. زړورتیا یې ټولو ته ښکاره وه. د ګیبرالټر ساحل ته چې ورسېد، خپلو ټولو کښتیو ته یې اور ورته کړ، باوري و چې ماتې نه خوري. کېنګ روډېریک ماتې وخوړه او ووژل شو. د هسپانیې خلک له ظلم څخه د خلاصېدو او د خپلو نوو حکامو په لیدو ډېر خوشاله شول.

۵- محمد بن قاسم:

په ۷۱۱م کال کې مسلمان سوداګر سېند (د سیمې نوم دی) ته نیږدې له سایلن (اوسنۍ سریلانکا) تېرېدل چې کښتۍ یې لوټ شوې او دوی زنداني. خبر د خلافت مرکز ته ورسېد، هغه وخت خلیفه الوحید بن عبدالمالک و. خلیفه د عراق والي، حجاج بن یوسف ته یو لیک واستاوه او ترې ویې غوښتل چې د سېند حکام دې د دغه کار لپاره بښنه وغواړي او همداراز دې نیول شوی مسلمانان ازاد کړي. حجاج د امت د یوه بهترین قومندان په مشرۍ هلته لښکر واستاوه. د ده نوم د مسلمانانو –په ځانګړې توګه د هند نیمې وچې د مسلمانانو- په زړه کې ځانګړی ځای لري. ده دا مسوولیت واخیست چې یوه بهرني هېواد ته د خلافت دولت د لښکر مشري وکړي. دا کس محمد بن قاسم نومېږي. دی له یوې دیندارې کورنۍ څخه دی، د ۱۵-۱۷ کلونو په عمر یې سېند فتح کړ. په دریو کالو کې، تر ۷۱۴ پورې ټول سېند او سویلي پنجاب فتح شول. د هند نیمې وچې د شمال لوېدیځې برخې په فتح کولو، اسلامي پوځ د هغې سیمې بت پرستان له تیارې څخه د اسلام رڼا ته راوستل.

۶. قطیبه بن مسلم:

دا هم د اسلام یو له بهترینو قومندانانو دی چې ډېره یادونه یې نه کېږي. لومړی د خراسان والي و، وروسته بیا بهترین قومندان شو. د ده له کارنامو څخه د دغو یادونه کوو؛ د خلیفه پر وړاندې را ولاړو شوو کسانو ارامول، د تخارستان، بخارا، خوارزم او ماوارا النهر فتح. دغو سیمو ته اوس ازبکستان، تاجکستان، ترکمنستان، قرغزستان او قزاقستان وايي.

۷. محمد الفاتح:

څو صحابه – چې د پیغمبر صلی الله علیه وسلم احادیث یې لیکل- له پیغمبر صلي الله علیه وسلم چاپېر شول او پوښتنه یې ترې وکړه؛ 

أَيُّ الْمَدِينَتَيْنِ تُفْتَحُ أَوَّلًا قُسْطَنْطِينِيَّةُ أَوْ رُومِيَّةُ؟

 ژباړه: کوم ښار به لومړی فتح کېږي؟ قسطنطنیه او که روم؟

«مَدِينَةُ هِرَقْلَ تُفْتَحُ أَوَّلًا يَعْنِي قُسْطَنْطِينِيَّة» (رواه احمد)

ژباړه: هرکلوس (هرقل) ښار به لومړی فتح کېږي، یعنې قسطنطنیه

ده صلي الله علیه وسلم همداراز وړاندوینه کړې چې:

«لَتُفْتَحَنَّ الْقُسْطَنْطِينِيَّةُ فَلَنِعْمَ الْأَمِيرُ أَمِيرُهَا وَلَنِعْمَ الْجَيْشُ ذَلِكَ الْجَيْشُ» (رواه احمد)

ژباړه: تاسو به قسطنطنیه فتح کړئ. کوم امیر چې دا فتح کوي، بهترین امیر دی او هغه پوځ، بهترین پوځ دی.

دا خبرې نسل په نسل راغلې او د امت په تاریخ کې یې انعکاس وکړ، په ځینو لویو رهبرانو، جنګیالیو او عالمانو کې د هیلې، انګېزې او مخلصانه هڅو سبب شوې. هر مخلص مسلمان غوښتل چې دا بهترین امیر او یا په دغه بهترین پوځ کې وي. بالاخره دا چاره له هجرت څخه ۸۵۷ کاله وروسته د جمادي الاول په ۲۰مه وشوه، ۲۱ کلن محمد ابن مراد د رسول الله صلی الله علیه وسلم دا وړاندوینه پوره کړه. قسطنطینیه او د الفاتح لقب یې واخیست. په دغه ښار یې اسلامبول (د اسلام ښار) نوم کېښود، مسیحي اوسېدونکي یې وساتل او خپلو لښکر کشیو ته یې دوام ورکړ چې دا ښار نور هم پراخ کړي او بالاخره بیزانتین یې لاسته راوړ. د دغه ښار د جوړونې حکم یې وکړ، د ښار اوسېدونکو ته یې د پاکو اوبو سرچینې برابرې کړې، د وږو پر مخ یې د پخلي خونې خلاصې کړې او د ډېرو جوماتونو او پوهنتونونو د جوړولو امر یې وکړ چې اوس یې هم وینو. ویې ویل چې د نامسلمانانو ساتنه د ذمي تړون له مخې ده او ان استانبول یې د خپلې حکمرانۍ مرکز کړ. دا فتح کوم ساده کار نه و. سخت ژمی یې د ښار د نیولو لپاره په پلان تېر کړی، د دې لپاره یې د وخت تر ټولو نوې ټکنالوژي جوړه کړه او په لوړه کچه لوژیستیکي ځواک یې برابر کړ.

۸. صلاح الدین ایوبي:

یوه ټوټه شوې اسلامي نړۍ د صلیبیانو پر وړاندې چې د قدس مسجد الاقصی – د مسلمانانو درېیم تر ټولو سپېڅلی ځای- ته نیږدې سیمې یې نیولې، کمزورې شوې وه. اسلامي جنګي ډلو د صلیبیانو هجوم دومره جدي نه ګاڼه. تر کابو ۱۰۰ کاله استعمار وروسته، د امام الدین الخطیب په خبره د نورالدین په وسیله «الله اسلام بیا پیاوړی کړ» او بیا صلاح الدین ایوبي، چې د اسلام په تاریخ کې شاید تر ټولو مشهور پوځي وي، د صلیبیانو لاس پرې کړ. دا جګړه لکه د نورو ډېرو په شان د روژې په مبارکه میاشت، ۵۸۲ کال کې وشوه. دا د حطین جګړه وه چې د ډېرو په نظر پر صلیبیانو د لاسبرۍ کیلي ګڼل کېږي، چې بیا د رجب په ۲۷مه د قدس د ازادېدو سبب شوه. دا نېټه د پیغمبر صلی الله علیه وسلم له معراج سره سمه ده.

۹. سیف الدین قوتوز:

له منګولیا څخه خونخواره جنګیالي راغلل، هر هغه ښار یې له خاورو سره یو کاوه چې نه ورته تسلیمېده. په ۶۵۶هـ ق کې یې پر بغداد برید وکړ، یوه اونۍ یې غارت او وژنې وکړې، ځینې شمېرې ښیي چې ۱۸۰۰۰۰۰ کسان ووژل شول. په ټوله اسلامي نړۍ کې د مغولو وېره خوره وه، دا برید ډېر وحشتناک و، یو جدي ګواښ و چې اسلام او مسلمانان یې د نړۍ له کُرې لرې کولی شوای. په دغه سخت حالت کې الله سبحانه و تعالی د امت ساتونکی، سیف الدین قوتوز (د مصر مملوک) راپورته کړ. ده مسلمانان یو موټی کړل، جګړې ته یې تیار کړل، له اسلامي ځمکو مرستې ورسره وشوې او پوځیان ورسره یو ځای شول. په هغو عالمانو کې چې مسلمانان یې د قوتوز تر شا درېدو ته هڅول، لوی عالم العز بن عبدالسلام هم و. بلاخره د ۶۵۸ هـ ق کال د روژې میاشتې په ۲۵مه، د جمعې په ورځ د عین جلوت جګړه ونښته او مغول مات شول.

۱۰- ټیپو سلطان

ټيپو سلطان د ۱۷۵۰م کال په نومبر کې زېږېدلی او د ۱۷۹۹م کال د مې میاشتې په ۴مه شیهد شو. دی د میسور حاکم و، د میسور د پړانګ په نامه هم مشهور دی. نور لقبونه یې «سلطان فتیح علي خان صاحب»، « ټیبو صاحب»، «سلطان بهادر خان ټیپو»، «فتیح علي ټیپو سلطان بهادر» دي. دا لقبونه یې د شخصیت روښانه تصویر ورکوي؛ یو زړور، پیاوړی او فاتح شخصیت. ده د جګړې په ډګر کې له راکېټونو استفاده وکړه. په ۱۵ کلنۍ، ۱۷۶۶م کال کې یې له پلار سره یو ځای د انګرېزانو پر وړاندې د میسور په لومړۍ جګړه کې ګډون وکړ. په ۱۶ کلنۍ کې یې د یوې ډلې سپرو جنګیالیو مشري وکړه. له ۱۷ کلنۍ وروسته د مهمو ډیپلوماټیکو او پوځي دندو خپلواک امتیاز ورکړل شو. دی د کافرو برېتانیایانو پر وړاندې جګړه او له اسلامي خاورې په دفاع کې شهید شو. د سلطان ټیپو زړورتیا، ځیرکۍ، خلاقیت او نبوغ د دغو متکبرو کفارو په زړونو کې درنه وېره اچولې وه.  د ده د پېژندلو لپاره دا بسنه کوي چې د حیدراباد حاکم، نظام علي خان ته د ده لنډ لیک ولولو، په دغه لیک کې سلطان ټیپو له نظام علي خان څخه غوښتي وو چې د اشغالګرو برېتانیایانو پر وړاندې جګړه کې ورسره یو ځای شي. دی لیکي: « زه له تا غواړم چې د هند د مسلمانانو لپاره پیاوړی وې او زه دا هیله لرم چې د خدای او اسلام په لار کې خپل ځان او مال قرباني کړم. زما لویه اندېښنه دې ته ده چې مسلمانان یو موټی کړی، نو مسلمانان باید له ما سره مرسته وکړي او د کافرو ملاتړ ونه کړي.» له دغه لیک څخه ښکاري چې دا داسې یو حاکم او قمندان و چې ټول فکر یې اسلام او مسلمانانو ته و.

اې د اسلامي نړۍ پوځيانو!!! اې د راتلونکي خلافت دولت انصارو!!!

دا و د بشریت لپاره د بهترین امت مقام او حکام. زموږ له غوره تاریخ څخه باید درسونه زده کړئ. د مسلمانانو قمندانانو بېلګې باید د اسلامي نړۍ د پوځي مشرانو لپاره الګو وي. د هغو خلکو له ډلې مه کېږئ چې صلیبي حکام خپله الګو نیسي او له هغوی یې زده کوي.

پوځي مشران باید زموږ د مخکینیو؛ خالد بن ولید، صلاح الدین ایوبي، طارق بن زیاد، سیف الدین قوتوز، ټيپو سلطان او ... پشان د امت د یوالي لپاره کار وکړي، د الله سبحانه و تعالی په لار کې وجنګېږي، د الله سبحانه و تعالی نړۍ لوړه او د امریکا، یهودو، مسیحیانو، هندوانو، بودایانو او د صلیبیانو د ملګرو نړۍ ټيټه کړي. دا چاره د دغو غلامو حکامو تر حاکمیت لاندې ناشونې ده. دا یوازې هغه وخت کېږي چې د اسلامي ځمکو د پوځیانو یو قمندان، د غلامانو په لرې کولو، د اشغال په ختمولو او د دویم ځل لپاره د نبوت پر منهج خلافت تاسیسولو سره حکام راولي لکه ابوبکر صدیق او عمر فاروق.

په دې توګه به خپل بایللی عزت بیا لاسته راوړوو، هغه عزت چې اوسني حکام یې د بېرته راتګ مخه نیسي؛ که داسې نه وي هېڅکله به خپل اصلي مقام ته ونه رسېږو. موږ باوري یو چې د خالد بن ولید نسل په شام؛ د صلاح الدین ایوبي نسل په مصر؛ د محمد بن قاسم نسل په پاکستان او د محمد فاتح نسل په ترکیه کې ډېر دی، دا یوازې د وخت موضوع ده. هغوی چې د خیر په لاسته راوړلو کې مخکښ دي، په جنت کې به هم مخکښ وي او د دونیا عزت به هم لاسته راوړي. الله سبحانه و تعالی فرمايي:

﴿سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ

[ حدید:۲۱]

ژباړه: د خپل رب د مغفرت او د هغه جنت خوا ته وځغلئ او یو له بل څخه د وړاندې کېدو هڅه وکړئ، چې د هغه (جنت) پراختیا د اسمانونو او ځمکې په څېر ده، د هغو خلکو لپاره تیار کړای شوی دی، چې پر الله تعالی او د هغه پر پیغمبرانو یې اېمان راوړی وي. دا د الله فضل دی، چاته چې وغواړي ورکوي یې او الله د ستر فضل خاوند دی.

اې د مسلمانانو پوځیانو! د اسلام او مسلمانانو لپاره را ولاړ شئ! د دغو فاسدو او اشغالګرو غلامانو حکامو خدمت بس دی! تاسو مسلمانان یئ! د طاغوت خدمت مه کوئ!

د نبوت پر منهج خلافت د بیا تاسیسولو لپاره د حزب التحریر چیغه بدرګه کړئ! انصار شئ! د خپلو نیکونو پشان زړور مجاهدین شئ چې اسلام یې په ټوله نړۍ کې خپور کړ! الله سبحانه و تعالی خو دې مرسته راسره وکړي!

ځکه خو د اسلامي نړۍ پوځی مشران باید په اسلامي هېوادونو کې د اوسنیو سیکولر نظامونو جرړې وباسي او حزب التحریر ته نصرت ورکړي. الله سبحانه و تعالی فرمایي:

﴿فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ﴾ [غافر:۴۴]

ژباړه: زه چې نن څه وایم، ډېر ژر به هغه وخت راشي چې تاسو یې در یاد کړئ. زه خپله معامله الله ته سپارم. الله د خپلو بندګانو (د اعمالو) ښه لیدونکی دی.

﴿مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا[احزاب:۲۳]

ژباړه: له مومنانو څخه ځینې داسې شخصیتونه شته چې له الله سره یې کړې ژمنه پوره کړې ده؛ له هغو څخه چا خپل نذر پوره کړ او څوک د وخت راتلو ته په تمه دي. هغوی په خپله کړنلاره کې یې هېڅ تبدیلي را نه وسته.

د حزب التحریر مرکزي مطبوعاتي دفتر لپاره

حمید بن احمد

د مطلب ادامه...

فېسبوک د هغو کسانو په همکارۍ چې له فکري او سیاسي پلوه ناکام شوي، د حزب التحریرـ ولایه تونس د فېسبوکپاڼې پر وړاندې جګړه پیل کړې ده Featured

  • خپور شوی په تونس

د فېسبوک ادارې په پر له پسې توګه د حزب التحریرـ ولایه تونس د مطبوعاتي دفتر فېسبوکپاڼه پرون، د ۲۰۲۰م کال، د جون په ۱۸مه د یوولسم ځل لپاره وتړله. دا کار وروسته له هغې کېږي چې حزب التحریرـ ولایه تونس یوه اعلامیه خپره کړی وه چې سرلیک یې و: «په تونس کې د امریکايي ځواکونو ځای پر ځای کول لوی شر دی» حزب تونس ته د امریکایي صلیبي ځواکونو د ننوتلو په اړه خبر ورکوي، په دې سره د فېسبوک ادارې دا اړخ هم روښانه شو چې د حزب التحریر د پاڼو پر وړاندې یې جګړه پیل کړې ده.

د پاڼو تکراري تړل هغه مهال زیات شول چې د حزب التحریر له لوري د کارپوهانو، مفکرانو، قاضیانو، وکیلانو، پروفیسورانو او سیاسیونو څخه غوښتنه وشوه، تر څو د حزب التحریر پر متمدن بدیل چې د دوی په واک کې ورکړل شوی دی فکر وکړي، چې اساس یې اسلام دی او د یوې شرعي اړتیا په توګه رامنځته شوی دی. حزب نن ورځ د شرعي مسوولیتونو سربېره په پر له پسې توګه د سیاسي بیانونو، کمپاینونو او خبرو اترو له لارې د تونس خلک له کړکېچ څخه ډک نظام څخه د ایستلو هڅه کړې ده. دا په اقتصادي اړخ کې د اسلامي احکامو عظمت ښيي، د پاڼو له پوښښ سربېره، هغه لاریونونه او ویناوې چې د حزب غړي يې د هېواد په بېلا بېلو ایالتونو کې تر سره کوي، په تونس کې د مسلمانانو بېلا بېلې مسالې په ګوته کوي.   

د فېسبوک ادارې یو ځل بیا ثابته کړه چې د استعماري دولتونو او د هغوی له محلي وسایلو سره اړخ لګوي، چې اجیرانو ته یې د استخباراتي معلوماتو او راپور ورکولو په وسیله غواړي د خلافت د پروژې په پټ ساتلو کې مرسته وکړي او د دعوتګرانو پر وړاندې یې خنډونه جوړ کړي. د غربي تمدن افلاس په سیاسي او فکري توګه له اسلام سره د مقابلې توان نه لري، نو ځکه یې د مخنیوي لپاره د دېکتاتورۍ رژیمونو له تګلارې کار اخلي. د حزب التحریرـ ولایه تونس اختیار تر هغه څه لوړ دی، چې فېسبوک او د دوی بوټ پاکان یې فکر کوي.

د خلافت د پروژې پر وړاندې به د فېسبوک ادارې دوښمني په ټولو اسلامي خاورو کې انعکاس ولري. د خلافت دولت چې موږ به یې ډېر ژر انشاءالله تاسیس کړو، نه یوازې فېسبوک به بندوي او د چین په څېر به خپلې شبکې رامنځ ته کوي، بلکې فېسبوک او د هغه څانګې به په نړیوالو بازارونو کې څارې، تر څو د خلافت دولت ټولنیزي شبکې د کمزورو خلکو لپاره فکري او سیاسي چوکاټ رامنځته کړي، چې په پاڼو کې د پانګوال نظام بې عدالتي او د سیکولریزم تتوالی شنډ کړي.

﴿وَيَقُولُونَ مَتَى هُوَ قُلْ عَسَى أَن يَكُونَ قَرِيباً[اسرا: ۵۱]

ژباړه: هغوی به په سر خوځولو پوښتنه وکړي: «ښه نو دا به کله وي؟» ورته ووایه: «ولې حیرانېږئ؟ هغه وخت نږدې راتلونکی دی.

د حزب التحریرـ ولایه تونس مطبوعاتي دفتر

 

د مطلب ادامه...

دغه فاسد نظام، چې زموږ وینې زبېښي، رد کړئ، او اشغالګر پانګوال مو له سره لرې کړئ!

په داسې حال کې چې موږ د خپلو ناروغانو د درملنې، د کورني د تغذیې او د بچیانو د روزنې لپاره هڅه کوو؛ اوسني نظام، چې زموږ وینه زبېښي، هغه بودیجه تایید کړه چې د ۲۰۲۰م کال د جون په ۱۲مه اعلان شوه. دغه راز زموږ چارې او ستونزې په تمامه مانا له پامه غورځېدلې دي. ان که ټوله بودجه  له اووه زره میلیارده روپیو هم ډېره وي، نږدې ۳۰۰۰ میلیارده روپۍ باید موږ د پورونو له کبله ورکړو. دا د پیسو د نړیوال صندوق غوښتنه ده، د لګښتونو د تامین لپاره د روان کال مالیاتي هدف نیږدې ۵۰۰۰ میلیارده روپۍ دی، په داسې حال کې چې تېر کال تر ۴۰۰۰ میلیارده کم مالیاتي هدف پوره کولو زموږ ملاوې ماتې کړې. د نیږدې راتلونکي په اړه د باجوه- عمران دولت له دواړو خواوو، هم په کور دننه او هم له بهر څخه پرېمانه پورونه اخیستي او د پیسو نړیوال صندوق تر ۲۰۲۴ - ۲۰۲۵ م کلونو پورې ۱۰ زرو میلیاردو روپیو ته د مالیې د لوړولو غوښتنه کوي.

اوسنی پانګوال او اشغالګر نظام په منظم ډول پاکستان غرقوي، دا ورته مهمه نه ده چې څوک باید د حکومت په راس کې وي. په ۱۹۷۱م کال کې د پاکستان کورني پورونه ۱۴ میلیاردو روپیو ته رسېدل، په داسې حال کې چې بهرني پورونه یې بیا ۱۶میلیارده ډالر وو. تر ۱۹۹۱ میلادي کال پورې د دغه هېواد کورني پورونه۴۴۸ میلیاردو ته رسېدل، خو بهرني پورونه یې بیا ۳۷۷ میلیارده روپۍ کېدې. دغه راز تر ۲۰۱۱ میلادي کال پورې داخلي پورونه تر ۶ زرو واوښتل او بهرني پورونه هم تر ۴۷۵۰ میلیاردو روپیو پورې لوړ شول. د ۲۰۲۰ میلادي کال تر مارچ پورې کورني پورونه ۲۲۵۰۰ میلیاردو او بهرني پورونه ۱۲۷۰۰ میلیاردو روپیو ته لوړ شول. سربېره پر دې هرځال چې د کپیټلییزم اشغالګر نظام حاکم شوی، هغه ملت یې په پورونه کې ډوب کړی دی. که هغه په ختیځ کې سریلانکا ده چې د پیسو د نړیوال صندوق د پورونو تر درانه فشار لاندې ده او که په لوېدیځ کې ارجنټاین دی چې له ۲۰۰۰ میلادي کال راهیسې د درنو پورونو له کبله ښه ورځ نه لري.

هغه کسان چې په دغه اشغالګر او ظالم نظام کې حاکم دي، دوی د خپلې بقا لپاره له موږ سره چل کوي، له همدې کبله هر دولت پخواني دولتونه په دې برخه کې ملامت ګڼي او په دې سره ځان ته کاذب ډاډ ورکوي، په داسې حال کې چې په دا ډول فرېب سره نورو پانګوالو ته لاره پرانیزي چې له موږ څخه ناوړه ګټه پورته کړي. تېر کال د باجوه- عمران رژیم د پیسو د نړیوال صندوق په غوښتنه د ۲۰۱۹ میلادي کال په جولای کې د پاکستان د مرکزي بانک د کلیدي پالیسۍ نرخ ۱۳.۲۵ سلنه لوړ کړ.

بالاخره په دې سره د دولت د پورونو نرخ ۱۳.۶ سلنې ته لوړ شو چې هغه مهال په نړۍ کې تر ټولو لوړ نرخ و. سږکال هم د عمران- باجوه رژیم غواړي چې د پیسو د نړیوال صندوق د یوې بلې غوښتنې د پوره کولو لپاره خپل پورونه د پاکستان د سهامو بازارونو ته پرېږدي او په دې سره زموږ په پیسو او مالیو یوځل بیا لوبه وکړي. عمران خان د ۲۰۲۰ میلادي کال د مې په ۲۰مه په ډېر افتخار سره اعلان وکړ:« له مالي اړخه تاریخي نوښت» په دې توګه د ده دولت د پاکستان د سهامو په بورس کې د سود پر اساس پورونو ارزښت ۲۰۰ بېلیونه روپۍ اعلان کړ.

اې د پاکستان مسلمانانو!

په داسې حال کې چې موږ د اړمنو کسانو، د مات شوي اقتصاد د بیا رغولو، د خپلو بچیانو د روزلو، د ناروغانو د درملنې او د الله سبحانه وتعالی په لار کې د جهاد لپاره چې کشمیر ازاد کړو، پیسې نه لرو؛ د باجوه – عمران رژیم بیا په زیاته اندازه پیسې چې په ډېرې سختۍ سره موږ پیدا کوو، په یوه او بل نوم رانه اخلي او په داسې لارو چارو یې مصرفوي چې الله سبحانه وتعالی په هغه لار کې مصرفول کلک منعه کړي دي.

په حقیقت کې تر هغې چې د کپیټلیزم اشغالګر نظام پر موږ حاکم وي، د تېښتې هېڅ لاره نه لرو. دغه نظام باید له منځه ولاړ شي او پرځای یې باید اسلامي نظام، خلافت حاکم شي.

یوازینی نظام چې موږ له دې پورونو د ګټې پر لور بوولی شي، هغه د نبوت پر منهج د خلافت تاسیس دی. ځکه په خلافت کې هېڅ داسې نظام نشته چې د کپیټلیزم په څېر موږ په پورونو کې ډوب کړي. الله سبحانه وتعالی فرمایي:

 (يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِن كُنتُم مُّؤْمِنِينَ * فَإِن لَّمْ تَفْعَلُوا فَأْذَنُوا بِحَرْبٍ مِّنَ اللَّهِ وَرَسُولِهِ وَإِن تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ)

ژباړه: ای مومنانو! که په رښتیا سره مو ایمان راوړی وي، نو له الله سبحانه وتعالی څخه ووېرېږئ او ستاسو چې پر خلکو کوم سود پاتې دی، هغه ور پرېږدئ. خو که دا کار مو ونه کړ، نو خبر اوسئ چې د الله سبحانه وتعالی او د هغه د پیغمبر له لوري له تاسو د جګړې اعلان دی. که اوس توبه وباسئ(سود پرېږدی)، نو تاسې د خپلې پانګې د اخیستو حقدار یئ، مه تاسې تېری کوئ او نه به پر تاسو تېری وشي. (البقره: ۲۷۹- ۲۸۰)

 د پور د اصلي مبلغ په توګه له ګټې(سود) پرته خلافت تاسو ته ډاډ درکوي چې ټول ولایتي حاکمان او چارواکي به د پورونو په پړا کې ټول مسوولیت پرغاړه اخلي. دغه څه له دې کبله دي چې دوی د هغو زیانونو له کبله مسوول دي چې امت ته یې رسولي دي.

له همدې کبله د کپیټلیزم د غاصب نظام پر خلاف، خلافت زموږ د مبارک دین (اسلام) د ټولو اوامرو پوره کولو ته ژمن دی او پر همدې به تمرکز کوي. دغه نظام(خلافت) به سم او له اسلام سره برابر اقتصادي سیاستونه اجرا کوي چې د قران کریم او نبوي احادیثو او سنتو پر اساس ولاړ دي. دغه څه د سوداګرۍ، کرنې، صنعت او نورو برخو کې خلافت ته اجازه ورکوي چې د نړۍ په تر ټولو ستر اقتصاد بدل شي، لکه څه ډول چې څو پېړۍ د نړۍ تر ټولو ستر اقتصاد و.

زموږ د چارو د تنظیم د بودجې لپاره خلافت زموږ له تولیداتو څخه هغه اندازه اخلي چې پر موږ واجب دي. له شریعي احکامو سره سم له موږ څخه زکات ټولوي، له غیرمسلمانانو څخه جزیه ټولوي او جنګي غنیمتونه هم راټولوي او په دې سره زموږ چارې مخ ته وړي.

سربېره پر دې خلافت له عامه شتمینو لکه نفت، ګاز، برېښنا او معدني موادو څخه په ترلاسه کېدونکو پیسو او تولیداتو هم څارنه کوي، ځکه چې اسلام دولت ته د دې اجازه نه ورکوي چې دغه سرچینې خصوصي کړي.

دغه راز خلافت له هغو فابریکو او کارخانو څخه چې لوړ عایدات لري، لکه د لېږد رالېږد د وسایلو فابریکې او نورو الکترونیکي کارخانو څخه یوه اندازه پیسې د ماليې په ډول راټولوي. دغو ټولو او ډېرو سرچینو ته په کتو، که بیا هم کافي نه وي، خلافت زموږ د ژوند سټنډرډونو ته په کتو، هغه څه چې زموږ له اړتیا زیات وي، دولت ته ورکوو.

اې د پاکستان مسلمانانو او په ځانګړې توګه زموږ پوځونو!

هغه حاکمان چې د استعمار لخوا پر موږ ګومارل شوي، موږ یې دوی ته په کافي اندازه کمزوري کړي یو او استعمار ته په ازاد ډول لاس ورکوي ترڅو موږ نور هم کمزوري شو. دوی په دې هڅه کې دي چې بهرني اربابان او دغه فاسد چارواکي شتمن شي او موږ دې ورځ تر بلې د فقر پر لور روان یو، په داسې حال کې چې موږ په کافي اندازه سرچینې په لاس کې لرو. اوس هغه وخت رارسېدلی چې د هغه نظام او حاکمیت لپاره کار وکړو چې الله سبحانه وتعالی یې غوښتنه لري. راځئ له حزب التحریر سره مو د مرستې لپاره لاسونه ورکړئ، دغه حزب چې د نبوت د منهج د خلافت تاسیس ته کار کوي، اجازه ورکړئ چې د پوځ شبابان دعوت کړي او په دې سره یوه ورځ هغه حکم پرځای شي چې الله سبحانه وتعالی یې غوښتنه کوي.

(يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ)

ژباړه: اې ایمان راوړونکو! د الله سبحانه وتعالی او د هغه د پيغمبر بلنې ته لبیک ووایئ، چې کله پیغمبر تاسې ته د هغه شي پر لور بلنه درکوي چې تاسې ته ژوند بښونکی دی او وپوهېږئ چې الله سبحانه وتعالی د انسان او د هغه د زړه ترمنځ حایل دی او د همغه لوري ته به تاسې ورغونډ کړای شی. (الانفال: ۲۴)

حزب التحریر-ولایه پاکستان

 

د مطلب ادامه...

په دارالکفر کې په رسمي بڼه د حزب ثبتول

  • خپور شوی په سیاسي

عرفان ابو نوید ته:

 (ژباړه)

پوښته:

زموږ ښاغلی شیخ او جلیل القدره عالم شیخ عطاء بن خلیل ابوالرشته صاحب. الله سبحانه وتعالی دې تاسو وساتي.

په اندونیزیا کې د حزب التحریر په اړه یوه اړینه پوښتنه:

په اندونیزیا کې مسلمانو ځوانانو له ما څخه په دې هېواد کې د حزب التحریر په اړه پوښتنه وکړه، چې په اندونیزیا کې په رسمي ډول د دولت د چارو په وزارت کې ثبت او راجسټر دی. همدا شان ځینې (لږ) خلک دا ادعا کوي چې حزب په اندونیزیا کې د حق او باطل تر منځ توپیر نه کوي. العیاذبالله.

۱. شیخ صاحب، دې پوښتنې ته یو جامع ځواب څه کېدای شي؟

۲. د اندونیزیا په څېر دارلکفر دولتونو کې د حزب د راجسترولو حکم څه دی؟

ایا موږ ته په دې اړه دلایل وړاندې کولی شئ؟ الشافعي په الامم کې ویلي:  هغه څه چې په دارالاسلام کې حلال دي، هغه په دارالکفر کې هم حلال دي او هغه څه چې په دارالاسلام کې حرام دي هغه په دارالکفر کې هم حرام دي... دروند شیخ صاحب، موږ غواړو ستاسې له پوهې ځانونه برخمن کړو،  الله سبحانه وتعالی دې تاسې ته نصرت درکړي او تاسې ته دې د اسلامي امت په ملاتړ کې د کوټلو ګامونو د اوچتولو توفیق در په برخه کړي او زه له الله سبحانه وتعالی غواړم چې دا ستاسو په نیکو اعمال کې حساب کړي.

ستاسې ورور عرفان ابو نوید.

ځواب:

وعلیکم السلام ورحمة الله وبرکاته!

هو زما وروره هغه څه چې په دارالاسلام کې حلال دي هغه په دارالکفر کې هم حلال دي او هغه څه چې په دارالاسلام کې حرام دي هغه په دارالکفر کې هم حرام دي. خو ستاسې پوښتنه په اداري چارو پورې اړه لري او دا د مباح چارو تر عنوان لاندې راځي. هغه که دارالاسلام وي یا دارالکفر. د مثال په توګه د هویت تذکرې یا پاسپورټ د ترلاسه کولو لپاره غوښتنلیک ډکول یا د ترافیکي نښو مراعتول یا د الوتکې او اورګاډي ټکټ اخیستل یا په کارځای، پوهنتون او ښوونځي کې د کاري وختونو مراعتول، یا په کارځای کې د حاضرو او غیرحاضرو کسانو لېست چمتو کول. دا ټولې اداري چارې دي چې په دارالاسلام او دارالکفر دواړوکې جایز دي او دې چارو ته غاړه ایښودل جواز لري.

ان دا هم جواز لري، چې د دارالکفر ځینې اداري سبکونه دارالاسلام ته رانقل شي. د عمر رضی الله عنه له لوري له رومیانو او فارسیانو څخه د دیوان د رانقلولو کیسه خورا مشهوره ده، په دیوان کې به د غنیمتونو د وېش ثبت ايښودل کېده.

خرج ابن أبي شيبة في مصنفه عَنْ أَبِي سَلَمَةَ، عَنْ أَبِي هُرَيْرَةَ، أَنَّهُ قَدِمَ عَلَى عُمَرَ مِنَ الْبَحْرَيْنِ، قَالَ: فَقَدِمْتُ عَلَيْهِ فَصَلَّيْتُ مَعَهُ الْعِشَاءَ، فَلَمَّا رَآنِي سَلَّمْتُ عَلَيْهِ فَقَالَ: «مَا قَدِمْتَ بِهِ؟» قُلْتُ: قَدِمْتُ بِخَمْسِمِائَةِ أَلْفٍ... فَقَالَ لِلنَّاسِ: «إِنَّهُ قَدِمَ عَلَيَّ مَالٌ كَثِيرٌ فَإِنْ شِئْتُمْ أَنْ نَعُدَّهُ لَكُمْ عَدًّا، وَإِنْ شِئْتُمْ أَنْ نَكِيلَهُ لَكُمْ كَيْلًا» ، فَقَالَ رَجُلٌ: يَا أَمِيرَ الْمُؤْمِنِينَ إِنِّي رَأَيْتُ هَؤُلَاءِ الْأَعَاجِمَ يُدَوِّنُونَ دِيوَانًا وَيُعْطُونَ النَّاسَ عَلَيْهِ، قَالَ:فَدَوَّنَ الدَّوَاوِينَ وَفَرَضَ لِلْمُهَاجِرِينَ فِي خَمْسَةِ آلَافٍ خَمْسَةَ آلَافٍ وَلِلْأَنْصَارِ فِي أَرْبَعَةِ آلَافٍ أَرْبَعَةَ آلَافٍ، وَفَرَضَ لِأَزْوَاجِ النَّبِيِّ صَلَّى اللهُ عَلَيْهِ وَسَلَّمَ، فِي اثْنَيْ عَشَرَ أَلْفًا اثْنَيْ عَشَرَ أَلْفًا

ژباړه: ابن شیبه په خپل مصنف کې له ابوهریره رضی الله عنه څخه روایت کوي چې وايي: زه له بحرین څخه عمر رضی الله عنه ته راغلم بیا وايي: زه ده ته راغلم او د ماخوستن لمونځ مې یو ځای ورسره ادا کړ، ده چې کله زه ولیدم، ما سلام ورواچاوه. عمر پوښتنه راڅخه وکړه: «څه شي دلته راوستی یې؟» ما ورته وویل: «ما تا ته پنځه سوه زره درهمه راوړي دي...» په دې سره عمر منبر ته پاڅېد، د الله سبحانه وتعالی له حمد او ثناء وروسته يې وویل: اې خلکو! یوه لویه اندازه مال موږ ته رارسېدلی دی، که چېرې ستاسې خوښه وي په مناسبه اندازه به يې په پر خلکو وویشو او یا که مو خوښه وي په حساب به يې جمع کړو. د خلکو له منځ څخه یو نفر وویل: اې امیرالمومینیه! ما عجم لیدلي دي چې د حساب کتاب (دیوان) لري، دوی د همدې دیوان له مخې خلکو ته مرستې ورکوي او ثبتوي یې. عمر رضی الله عنه وویل: تاسې هم دیوان تاسیس کړئ او مهاجرینو ته په پنځو زرو کې پنځه زره او انصارو ته په څلورو سوو کې څلور سوه او امهات المومنین ته په دوولس زره کې دوولس زره ونډه وټاکئ.

اوس بیرته ستا پوښتنې ته راګرځو: د اندونیزیا له دولت سره د حزب د ثبتولو حکم څه دی؟

کوم څه چې هلته ترسره شوي، یوازې د خبرولو او مالوماتو برابرولو تر کچې دي، هغوی ته د حزب د نوم، د کار د طریقې او د فعالیت په اړه خبر ورکړل شوی دی... او په دې شیانو باندې د دوی په خبرولو کې کومه ستونزه نشته. که چېرې موږ پوه شو، چې دوی له کفري قوانینو پرته زموږ معلومات قبلوي، بیا نو زموږ حزب د یوې اداري چارې په توګه ثبتوو. په اوس وخت کې هېڅ هېواد هم د کفري قوانینو له پلي کولو پرته د یوه حزب ثبتولو ته اماده نه دی؛ پرته له دې دریو هېوادونو څخه لکه: لبنان، اندونیزیا او تونس... ان دا درې هېوادونه هم یوه بهانه لټوي، ترڅو حزب له ثبت څخه وباسي...

ستاسې د مالوماتو لپاره، په عثماني خلافت کې قانون داسې وو، چې د حزبونو د ثبتولو لپاره یوازې خبر او معلومات ورکول کافي وو، دا د ۱۹۰۹ زیږدیز کال د ګوندونو قانون وو، دا قانون له یوه حزب څخه یوازې دومره غواړي چې دولت ته د خپلې اصلې پتې او رسمي مرکز په اړه خبر ورکړي او دا قانون اوس هم په لبنان کې پلی کېږي. ځکه دوی تراوسه د دې قانون له تعدیل سره موافقه نه ده کړې. له همدې کبله د حزب د ثبتولو پر مهال دا جمله هم ورسره اضافه شوه: «د عثماني دولت د ۱۹۰۹ کال د قانون له مخې»

په لنډ ډول هغه څه چې په دارالکفر کې حرام دي هغه په دارالاسلام کې هم حرام دي. معنی دا چې شراب په دارالکفر او دارالاسلام دواړو کې حرام دي، که یو مسلمان په دارالکفر کې شراب څښي نو ده یو حرام عمل ترسره کړی دی.

او د حلالو چارو په برخه کې، که چېرې په دارالاسلام کې اداري چارو ته غاړه ایښودل کېږي، لکه د کار وختونه، د سهار له اتو بجو څخه بیا د غرمې تر دوولسو بجو پورې، دا پابندي بیا په دارالکفر کې هم روا ده. دا حکم د ګوند پر ثبتولو او د هویت تذکرې پر اخیستلو او د پاسپورټ پر جوړولو هم پلی کېږي... خو دا جواز نه لري چې حزب دې د کفري قوانیونو په ړنا کې ثبت شي. دا کار حرام دی او همدا ډول دا هم جایز نه ده چې د هویت کارډ دې د شراب څښلو په شرط سره ترلاسه شي، دا او دې ته ورته نور جواز نه لري.

که اداري چارې په دارالاسلام کې جایز وې، نو په دارالکفر کې هم جایز دي، تر هغو چې داسې شرط نه وي ایښودل شوی چې حرام وي. په اندونیزیا کې د حزب د ثبتولو په اړه، دا یوازې یوه اداري چاره ده، په دې چاره کې کوم کفري قانون ته غاړه نه ده ایښودل شوې، یوازې خبر او معلومات ورکړل شوي دي. هر هغه هېواد چې زموږ ثبتول د یوې اداري چارې په توګه یوازې په خبر او معلوماتو ورکولو سره ترسره کوي، پرته له دې چې کفري قوانین پکې مراعت شي، دا کار روا او جایز دی. البته که چېرې دوی په دې لړ کې له کفري قوانینو څخه یو شرط کېږدي، بیا نو دا کار حرام دی او جواز نه لري. زه هیله لرم چې موضوع به روښانه شوې وي.

ستاسې ورور عطاء بن خلیل ابوالرشته

ژباړن: سطان ولید

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې