شنبه, ۱۷ ربیع الثانی ۱۴۴۱هـ| ۲۰۱۹/۱۲/۱۴م
ساعت: مدینه منوره
Menu
القائمة الرئيسية
القائمة الرئيسية

ایا بغدادي رښتیا ووژل شو؟

  • خپور شوی په سیاسي

(ژباړه)

هغه څه چې مهم دي، هغه د انقلاب له پیل راهیسې په سوریه کې له یو میلیون ډېرو کسانو وژل دي، چې د دغو ټولو وژنو قاتل معلوم هم دی. دغه جنګي جنایتونه تر هغه څه ډېر دي، چې رسنیو سترګې پرې پټې کړې دي. دا جنایت کوونکی بشار اسد دی، چې په دوامداره توګه تر خپل واک لاندې سیمې تر خاورو لاندې کوي او د نوموړي او جنایت کوونکې روسیې الوتکې پر سوریه بمونه غورځوي او خلک یې وژني. له همدې کبله له هغو کسانو سره کنفرانسونه او خبري غونډې جوړوي، چې د سوریې له مظلومو او بې وسه خلکو سره د خواخوږۍ او ملګرۍ ادعا لري.

ښايي لوستونکي دا پوښتنه وکړي، چې ولې دې د بشار د نظام او د روسیې له جنایتونو پیل وکړ؛ په داسې حال کې چې موضوع د بغدادي وژل کېدل دي؟ هو، لوستونکي باید پوښتنه وکړي. د دغې پوښتنې ځواب دا دی چې ډېری وخت رسنۍ وړې قضیې تر پوښښ لاندې راولي، څو حساسې او د شخړو راپورته کوونکې قضیې هېرې شي. پر همدې اساس، موږ باید د رسنیو په تبلیغاتو پسې لاړ نه شو، بلکې پر مهمو او برخلیک ټاکونکو قضیو تمرکز وکړو. د دغو قضیو په تړاو څېړنه وکړو او د ژغورنې کرښې یې رسم کړو. اوس چې پر دغې مسلې خبرې کېږي، موږ باید لاندې حقیقتونو ته پام وکړو:  

لومړی؛ دا لومړی ځل نه دی چې د بغدادي د وژل کېدو خبر ورکول کېږي.

دویم) دا لومړی ځل نه دی چې نړیوال ایتلاف داسې موخې په نښه کوي، چې له دوی سره د جنګېدونکو سازمانونو د بمبارولو ادعا کوي. وروسته یې ادعا باطله اعلانېږي، لکه څنګه چې د ایتلاف الوتکو د حلب په یو کلي کې د «الجنبه» په نوم مسجد بمبار کړ او ادعا یې وکړه چې دوی د القاعده ډلې پر یوې غونډې برید کړی؛ خو وروسته څرګنده شوه چې هغوی د جماعت دعوت غړي په نښه کړي دي.

موږ باید داسې پوښتنې وکړو، چې د دغې پېښې پر سیاسي پیغامونو مو خبر کړي او دغه پوښتنې په دې ډول دي: له دغه خبر څخه څوک ګټه اخلي؟ د دغه خبر له اورېدو وروسته خلک څه فکر کوي؟ هغه ګواښوونکې پېښې څه دي، چې ځینې وخت یې پټوي او ځینې وخت دوام ورکوي؟ هغه لیدلوری څه دی چې تر دې وروسته په ادلېب کې رامنځته کېږي؟ دغه خبر د سوچي له هوکړې او د سوریې د نظام په ګټه د ډېرو سیمو له منځه وړلو سره څه اړیکه لري؟

دغه پوښتنې موږ دې ته اړ کوي چې د سوریې پر نوو رامنځته کېدونکو پېښو خبرې وکړو. وروسته مو دې ته پام کېږي، هغه څه چې په ختیځ فرات کې دوام لري، داسې لویه مسله ده چې د پټېدو هڅې یې کېږي. د «سولې پسرلي» عملیات، چې اردوغان او یو شمېر نورو ډلو پیل کړل، د انقلاب په تړاو به ناوړه او له غمه ډکه پایله ولري. پراخه سیمې په ختیځ فرات کې د سوریې د جنایت کوونکي حکومت له لوري سقوط شوې دي او دا د سوریې د پیل شوي انقلاب او خلکو په اړه تازه جنایت دی، چې د ترکیې د جنایتونو په لېست کې ثبتېږي.   

د بغدادي د وژل کېدو خبر د دې لپاره دی، چې په رسنیو کې د خبرونو سرټکی شي. په داسې حال کې چې د بشار جنایت کوونکی رژیم او روسیه هڅه کوي چې په «الکبینه» کې نوې سیمې د لاذقیه له کلیو څخه تر لاسه کړي. دغه عمل د پوتین او اردوغان له دوه اړخیزه هوکړې وروسته ترسره شو او دواړه لوري ټینګار کوي چې د سوچې هوکړه په طبیعي ډول دوام وکړي. ایا د دغې هوکړې طبیعي کېدل د ترکیې لپاره دا مانا لري چې هر ورځ د سوریې خلک ووژل شي او بمونه پرې ورېږي؟! یا دا چې په ختیځ فرات کې لویې سیمې نظام ته وسپاري؟!

د زیتون ونې تر عملیاتو وروسته، چې د حلب د شمالي کلیو جنګیالي هم هلته حاضر وو، اردوغان د «تل رفعت» او د دغه ښار د شاوخوا سیمو ازادولو ژمنه ورسره کړې وه او د «فرات سپر» تر عملیاتو وروسته یې هم ژمنه کړې وه، چې «منیج» ازاد به کړي؛ خو دغه یوه ژمنه هم عملي نه شوه او اوس د «سولې پسرلي» په نوم عملیات پیل شوي؛ څو نظام ته ډېرې سیمې په لاس ورکړي. ایا تر دې وروسته د ترکیې په نظام پورې تړلې دغه ډلې پاتې کېږي؟! یا هغه واقعیت درک کوي چې موږ تل د دوی تر غوږونو رساوه.

د بغدادي د وژل کېدو خبر ته راګرځو. په هغه ځای کې چې د بغدادي د وژل کېدو ادعا کېږي، د انقلاب د وروستي تمځای په توګه پر حلب له راتلونکو بریدونو سره مرسته کوي. په اوسنیو جنایتونو کې له بشار اسد سره ګډ ملګري ملتونه د نوموړي پر تېرو جنایتونو سترګو پټولو ته یوه توجیه پيدا کوي او ښايي له دغه خبر وروسته په رسمي ډول د جنایت کوونکي بشار اسد ملاتړ هم اعلان کړي؟ په ځانګړي ډول د ترکیې تر هغه اعلان وروسته چې د موضوع د پراخېدو لپاره له هغوی سره په استخباراتي ډول فعالیت کوي.

 د پوهې څښتنان پوهېږي، چې ټول مسلمانان په ځانګړي ډول د شام خلک د خپلو دښمنانو تر ښکېلاک لاندې یو. الوتکې مو په سیمو کې الوتنې کوي، خلک وژني او داسې څوک نشته چې پوښتنه ترې وکړي. هغوی خپل عملونه ترسره کوي، وروسته د هغوی روایت راته وایي او له موږ څخه غواړي، چې هغه ومنو او تر دې وروسته د همغه روایت پر بنسټ موږ محاکمه کوي. دا کار ځکه کېږي چې مسلمانان هغه دولت نه لري، چې د الله سبحانه وتعالی د شریعت پر بنسټ د دوی د چارو سرپرستي وکړي. له هغوی ملاتړ وکړي، د جنایت کوونکو له شر څخه یې وژغوري او دښمنانو ته یې غاښ ماتوونکی ځواب ورکړي.

د شام ځینې خلک ووژل شول، ځینې مهاجر شول، ځینې له خپلو اصلي سیمو بېځایه شول او د ښکېلاکګرو او د هغوی د مزدورانو تر بیراغ لاندې د ژغورنې په تمه دي. هغوی په دې لاره کې هر څه له لاسه ورکړل او له هغوی سره د تېرو څو کلونو په ترڅ کې دغه ظلمونه او دوکې شوې دي. دا هر څه د دې لپاره چې د امت بچیان تر را ویښېدو وړاندې له منځه یوسي. خو اوس ښکېلاکګر ړانده شوي. دغه امت په ډېری هېوادونو کې یو بل ته لاس ورکړی او د هغو مزدورانو د له منځه وړلو غوښتنه کوي، چې غرب د مسلمانانو د شتمنیو د لوټولو لپاره په دندو ګمارلي دي.  

په وروستیو کې باید ووایو چې د مسلمانانو او د هغوی د دښمنانو تر منځ جګړه یو حتمي امر دی او پایله یې هم اړینه او د متقیانو ده. خو دغه پایله له موږ څخه دا غواړي چې د خپل توان په اندازه خپل مسوولیت پرځای کړو او په بشپړ قوت سره پر خپل دین منګولې ولګوو. د هغه نصرت په اړه ناهیلي نشو، چې الله سبحانه وتعالی یې له خپلو بنده ګانو سره ژمنه کړې. ځکه موږ د الله سبحانه وتعالی له دین پرته له منځه ځو او که د الله سبحانه وتعالی د شریعت په کښتۍ کې سپاره نه وو، ډوبېږو. که له هغو انسانانو سره د فعالیت کولو مرسته ونه کړو، چې د الله سبحان وتعالی د دین د نصرت لپاره کار کوي، بله د ژغورنې لار نه لرو. الله سبحانه وتعالی فرمایي:

﴿فَاصْبِرْ إِنَّ الْعَاقِبَةَ لِلْمُتَّقِينَ﴾

ژباړه: صبر وکړئ، ځکه پایله د متقیانو ده.

لیکوال: منیر ناصر

د حزب التحریر ـ ولایه سوریې د مطبوعاتي دفتر غړی

ژباړه: بهیر «ویاړ»

د مطلب ادامه...

د روپور د هستوي انرژۍ د تاسیساتو د خوندیتوب د څار پروژه، چې ۱۷،۱۱ بیلیونه ټاکا مصرف پرې راځي، یوازې د حسینې د رژیم امپریالېسټ بادارانو او کپیټلېست همکارانو ته ګټه رسوي

خبر:

د ملي اقتصادي شورا اجرایي کمېټې سه شنبه د روپور هستوي انرژۍ د تاسیساتو د خوندیتوب د څار د زیربناوو د ودې لپاره یوه پروژه وړاندې کړه، چې ۱۷،۱۰۶بیلیونه ټاکا لګښت پرې راځي. د پروژې د پروپوزل له مخې د دغه لګښت ډېره برخه د سلا مشورې خدماتو ته ځانګړې شوې، چې د روسیې او هند له لوري به کېږي. له ټول لګښت څخه به ۱۳،۳۲ بیلیونه ټاکا چې ۷۷ سلنه کېږي، د سلا مشورې خدماتو ته ځانګړې شوې. (Dhaka Tribune، د ۲۰۱۹م کال د اکتوبر ۲۹مه)

تبصره:

موږ له ډېر پخوا راهیسي دا خبره کوو چې د پرمختګ په نامه دغه لویې پروژې اصلاً د رژیم د امپریالېسټ بادارانو او د سیمې کپيټلیسټو همکارانو د ګټې لپاره جوړې شوې. د اقتصاد د ودې لپاره په مناسب لګښت د اساسي برېښنا د تولید خبره ان زموږ د حکامو په ذهن کې هم نشته. دا خبره ښکاره ده چې دغه لویې پروژې د پراخ فساد په سرچینو بدلې شوې او د امپریالېسټانو لپاره د زرو مرغان دي. زموږ پر پورونو ولاړ اقتصاد لا هم په دې تمه دی، چې له دغو تش په نامه لویو پروژو څخه ګټه واخلي. موږ پوهېږو چې د روپور هستوي انرژۍ تاسیساتو لګښت په مبهم ډول له څلورو بیلیونو ډالرو څخه چې د همدغه کال په سر کې ویل شوی و، ۱۳ میلیونو ډالرو ته لوړ شو.

اوس د خوندیتوب د څار لپاره ۱۷،۱۱ بیلیونه ټاکا اضافه لګښت!؟ موږ حیران شوو! ایا دوی د خوندیتوب د څار په اړه هغه وخت فکر ونه کړ چې دومره له خطره ډکه پروژه یې پیلوله؟ اوس څه شی د دې سبب شول چې په دومره لوړه بیه د څار خوندیتوب لپاره پلان جوړ کړي؟ په حقیقت کې دا پروژه د حسینې د ناکام رژیم د خوندي کولو لپاره ده او خلک د هغه خوندیتوب بیه پرې کوي چې حسینه یې له خپلو بادارانو غواړي. موږ پخوا هم د لویو پروژو د لګښتونو د لوړېدو شاهدان وو، هغه که د بودیجي د بیا زمانبندۍ په نامه وو او که له اصلي پروژو سره د فرعي پروژو د تړلو په نوم؛ مثلاً د پاډما د پل جوړولو د پروژې لګښت په ۲۰۰۷م کال کې ۱۰۱،۶۲ بیلیونه ټاکا، په ۲۰۱۱م کال کې ۲۰۵،۰۷ بیلیونه ټاکا او په ۲۰۱۸م کال کې ۳۰۱،۹۳بیلیونه ټاکا ته لوړ شو («د پاډاما پل لګښت بیا لوړ شو» ۲۰۱۸م کال د جون ۲۲مه،  The Daily Star).

مشرک هند او غربي امپریالېسټان تل له ځان سره زموږ د پیسو د وړلو پلانونه راوړي او دلته یې فرمانبرداره اجېنټه حسینه په ډېرې ځیرکۍ ورته پلي کوي؛ دا د بنګلدېش د لویو پراختیایي پروژو په اړه خواشنوونکی او تریخ حقیقت دی. دا هېڅ له عقل سره جوړ نه راځي چې د دغو بدنامیو ازمایل مو تر اوسه نه دي ختم کړي او دغو مبهمو او مرموزو پروژو ته نوره بودیجه ځانګړې کوو. دا ځل ډېره بودیجه هندي او روسي متخصصینو ته د سلا مشورې لپاره ورکول کېږي. زموږ حکامو نه شوی کولی، چې حتا د بالښت په اندازه کمو موادو په لاسته راوړلو کې هم شفافیت تامین کړي. نو څنګه تمه ترې کولی شو چې له بهرنیو کمپنیو څخه به د سلا مشورې خدمات تر لاسه کړی شي؟ د دې لپاره چې دوی خپل ظالم رژیم روان وساتي، کپیټلیسټ-ډیموکراټيک حکام تر ثابت او دوامداره فشار لاندې دي چې خپلو امپریالېسټ بادارانو او کپیټلیسټ همکارانو ته خدمت وکړي.

تش په نامه لویې انکشافي پروژې د ځانګړو موخو لپاره ډیزاین کېږي، په حقیقت کې زموږ اقتصاد ته وده نه ورکوي او نه مو د ژوند د سټنډرډونو په پرمختګ کې کومه ګټه لري. د ریښتیني بدلون لپاره باید دغه ظالم حاکم نظام بدل کړو او پر ځای یې باید د نبوت پر منهج راشده خلافت تاسیس کړو؛ هغه به یوازې له الله سبحانه و تعالی څخه ساتنه او خوندیتوب غواړي، نه له کافرو او مشرکو هېوادونو څخه.

د حزب التحریر مرکزي مطبوعاتي دفتر ته

محمد کمال

د حزب التحریر-ولایه بنګلدیش د مطبوعاتي دفتر غړی

 
د مطلب ادامه...

د کشمیر د ازادولو په موخه د پوځي اقدام په تړاو د عمران خان نه زړه توب د ټرمپ، مودي او جنرال راوت د اجنډا ملاتړ کول دي Featured

  • خپور شوی په پاکستان

 

﴿كُتِبَ عَلَيْكُمُ الْقِتَالُ وَهُوَ كُرْهٌ لَكُم﴾

[بقره:۲۱۶]

ژباړه: پر تاسو باندې جهاد فرض شوی دی که څه هم تاسو یې نه خوښوئ

د کشمیر د ازادولو په موخه د پوځي اقدام په تړاو د عمران خان نه زړه توب د ټرمپ، مودي او جنرال راوت د اجنډا ملاتړ کول دي

د عمران خان د اکټوبر د ۲۷مې ثبت شوې وېډیو پر بنسټ چې نوموړی وايي چې د کشمیر ازادېدل یې هېڅ موخه نه ده، په اصل کې د ټرمپ، مودي او جنرال راوت د پلانونو او تګلارو د ملاتړ په معنا ده. په دغه وېډیو کې عمران خان په ښکاره د الله سبحانه وتعالی دغه حکم رد کړی دی چې هر هغه څوک چې د اشغال شوې ځمکې د ازادولو توان ولري، مکلف دی چې یادې ځمکې ازادې کړي. نوموړي ویلي وو، چې د جهاد په موخه د کنټرول له کرښې تېرېدونکي کسان د کشمیریانو او پاکستان ګډ دښمنان دي او په دغه ډول یې د پاکستان د زړه ورو وسلوالو ځواکونو پر سپېڅلو او رښتینو احساساتو سړې اوبه وشیندلې.

کله چې هند په اګېسټ کې د کشمیر ځانګړی حالت لغوه کړ، ټرمپ د باجوه-عمران رژیم ته امر وکړ چې خپل وسلوالو ځواکونو او خلکو ته اجازه ور نه کړي، چې په کشمیر کې د خپلو مظلومو وروڼو او خویندو مرسته وکړي. له همدې امله رژیم په پرله پسې توګه د امت د تېر اېستلو هڅه کوي او او په ناوړه ناکامۍ سره د غوړه مالۍ لاره نیسي. دغه خاین رژیم تر اوسه یوازې د ۳۰ دقیقو لپاره درېدل، د تورو لاسبندونو اچول او د ونو کېنول د اشغال شوي کشمیر د ازادولو د حللارې په توګه پېشنهاد کړي دي. دا یوازې تش په نامه پلمې دي، ځکه د ملګرو ملتونو د استعماري سازمان لخوا د کشمیر په تړاو د رژیم ټولې هیلې له خاورو سره خاورې شوې دي او هېڅوک په کشمیر کې د هندي ځواکونو د وحشیانه کړنو خلاف غږ نه شي پورته کولی؛ د کشمیر ازادول خو بیخي لرې خبره ده. مودي له کشمیر څخه تر ټولو لوی بې سرپوښه زندان جوړ کړی او په خپله خوښه ډېری هغه ورک شوي کسان په ډېرې بې رحمۍ سره قرباني کوي، چې په پاکستاني وسلوالو ځواکونو کې زموږ د زمریانو د ډزو په بدل کې یې نیولي دي.

زموږ مظلوم وروڼه او خویندې د ازادۍ د زړه ور پوځ د حرکت په تمه دي. په داسې حال کې چې د ټرمپ، مودي او جنرال راوت  اجیر (باجوه-عمران رژیم) لاهم زموږ ملا راماتوي. د دغه خاین رژیم دریځ د هغه غدار (ابو رغال) په څېر دی، چې د «ابري» په لاس یې د سپېڅلې کعبې ورانولو ته لاره هواره کړه. ابو رغال هغه غدار و چې نوم به یې د خاین له کلیمې سره په مترادف ډول اخیستل کېده. نو الله سبحانه وتعالی په خپلو رښتینو سرتېرو (مرغانو) سره، چې وسلې یې وکړې وې، هغه سرکښه لښکرې ختمې کړې. په ورته ډول د اسلامي امت رښتینې لښکرې همدا نن چمتو دي، چې د هغو خاینو واکمنانو ناوړه پلانونه له خاورو سره خاورې کړي، چې په دغې دنیا کې په خیانت سره تورن دي، په داسې حال کې چې د اخرت حال به یې تر دې هم بدتر وي. د اوس وخت تر ټولو اړین اقدام دا دی، چې د نبوت پرتګلاره د خلافت د تاسیس لپاره د خلافت مدافعینو ته د نصرت ورکړئ، ترڅو راشد خلیفه اسلامي لښکرې د ازادۍ د جګړې لپاره سره راټولې او د الله سبحانه وتعالی او رسول الله صلی الله علیه وسلم احکام پلي کړي.

﴿كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ

[البقره: ۲۱۶]

ژباړه: پر تاسو باندې جهاد فرض شوی دی، که څه هم تاسو یې نه خوښوئ، کېدای شي یو شی درته په زړه پورې نه وي، خو همغه ستاسو لپاره غوره وي او کېدای شي چې یو شی درته په زړه پورې وي، خو همغه ستاسو لپاره ناوړه وي. تاسو نه پوهېږئ او یوازې الله سبحانه وتعالی پوهېږي.

د حزب التحریر-ولایه پاکستان مطبوعاتي دفتر

 

د مطلب ادامه...

نړیوالو سازمانونو د غرب د چټل تمدن د ثبات هڅې پیل کړې دي

  • خپور شوی په تونس

د بښنې نړیوال سازمان په یو پرانیستي لیک کې راغلي: «نوی پارلمان باید د بشر حقونو ته لومړیتوب ورکړي.» دغه سازمان د پارلمان پر غړو غږ کړی، چې د شورا د ټاکلو په موخه په راتلونکو شپږو میاشتو کې د ټولنیزې جنسي برابرۍ د ضمانت او پر همجنسبازانو د محدودیتونو د لرې کولو په شمول ۱۰ نورې مهمې مسلې روښانه کړي.
سیاسي ډلو دغه غوښتنې منلې او خپل ملاتړ یې ور څخه څرګند کړی دی. په حقیقت کې دغه لیک د دغو غوښتنو تر شا د هغو ډلو اصلي څېره په ډاګه کوي، چې د بشري حقونو په نامه پر ناوړه رنګ پوښل شوې ده.
نو په همدې تړاو:
موږ پر دولتي چارواکو، نوو ټاکل شوو معاوینینو، سیاسونو او د نظر پر خاوندانو غږ کوو، چې د بشري حقوقو په نامه د دا ډول خبرو او ادعاوو جدیت درک کړي او د هغو غربي اجنډاوو مخه ونیسي چې د تېراېستلو، چالاکۍ او پیسو په مرسته غربي نظام او تمدن پلی کوي. د امت پر تحریف سربېره زموږ له اساسي مسلو څخه یوه هم د سیاسي، اقتصادي او فرهنګي انحصار څخه خلاصون دی، خو له بده مرغه چې موږ د هغه څه خلاف لاهم په جزیاتو کې لګیا یو، چې اسلام اړین بللي دي. د شته وضعیت د بدلون په موخه د اسلامي تمدن پروژو ته د «یوازیني بدیل» په توګه هڅې نه دي شوې. له همدې امله موږ په امت کې پر ژوندیو قواو غږ کوو، چې دغه یوازینی بدیل درک او پلی کړي! په هغه غولوونکي شعار "ایدیالوژیک بیان ته نه" باندې دوکه نه شي چې غرب د امت د انقلاب پر وړاندې راپورته کړی! او د خپل کلتور په مرسته هغو فکري او سیاسی پروژو ته لاره پرانیزي چې د ژوند څخه د اسلام د بیلتون پر اساس ډېزاین شوې دي. دوی په ډېره زړه ورتیا سره هغه تګلارې چې حتی غرب کې له شرمناکې ماتې سره مخ شوي موږ ته د نړیوال حقیقت! په توګه وړاندې کوي.
الله ج فرمایلي دي:

[يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ * وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ العقاب]
[ انفال:۲۴ـ۲۵]
ژباړه: اې مومنانو! د الله او د هغه د پیغمبر بلنې ته لبیک ووایاست چې کله پیغمبر تاسو ته د هغه شي په لوري بلنه درکوي چې تاسو ته ژوند بښونکي دي او پوهېږئ چې الله د انسان او د هغه د زړه ترمنځ حایل دی او د همغه لوري ته به تاسې ورغونډ کړای شئ او له هغه فتنې څخه ځان وژغورئ چې د هغه ناوړه اغېزه به په ځانګړي توګه یوازې پر هغو خلکو پورې محدوده پاته نه شي چې په تاسو کې چا ګناه کړې وي او وپوهېږئ چې الله ج سخت سزا ورکونکی دی.
په ولایه تونس کې د حزب التحریر مطبوعاتي دفتر

د مطلب ادامه...

د حزب التحریر-ولایه سوډان یوه پلاوي د دیني چارو او اوقاف له وزیر سره وليدل Featured

  • خپور شوی په سوډان

د حزب التحریر-ولایه سوډان د شورا غړي استاد عبدالله عبدالرحمن په مشرۍ، د حزب د عامه اړیکو د مرکزي کمېټې رییس ناصر رضا، د حزب التحریر-ولایه سوډان رسمي ویاند ابراهیم عثمان (ابوخلیل) او د حزب التحریر د غړي محمود عبدالرحیم حمیدي په ګډون یوه پلاوي د سوډان د دیني چارو او اوقاف له وزیر استاد نصر الدین مفریح سره د نوموړي وزارت په دفتر کې په درېیو مهمو موضوعاتو خبرې وکړې.
لومړی؛ هغه ته یې په ډاګه کړه چې حزب التحریر یو سیاسي حزب دی، ایډیالوژي یې اسلام ده او هڅه کوي چې د نبوت په تګلاره د دویم راشده خلافت په تاسیس سره اسلامي ژوند بېرته را ژوندی کړي؛ ځکه په اسلام کې له خلافت پرته د واکمنۍ (دولت جوړونې) هېڅ بدیل نشته. دغه حزب د دولت لپاره ۱۹۱ ماده ییز اساسي قانون لري، چې له قران او سنتو څخه په صحیح ډول اجتهاد شوی دی. دغه اسلامي اصول او مفاهیم امت ته وړاندي شوي، چې ویې لولي او په خپل ژوند کې یې پلي کړي.
دویم؛ اسلام یوازینی رښتینی دین دی او پاتې نور هر څه په ناحقه دي. په همدې اړه الله سبحانه وتعالی فرمایي:

﴿إِنَّ الدِّينَ عِنْدَ اللَّهِ الإسْلامُ﴾
[العمران: ۱۹]
ژباړه: د الله سبحانه وتعالی پر وړاندې رښتینی دین، اسلام دی.
﴿وَمَنْ يَبْتَغِ غَيْرَ الْإِسْلامِ دِينًا فَلَنْ يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ﴾
[العمران: ۸۵]
ژباړه: هرڅوک چې له اسلام پرته بل دین غوره کړي، هېڅکله به ورڅخه قبول نشي او په اخرت کې به هم د ناکام او زیانمن وي.

اسلام ته د کفارو دعوتول د مسلمانانو مکلفیت دی؛ ځکه دا د امت مسوولیت دی، چې دوی د کفر له تیارو څخه د اسلام روښنایۍ ته ورسوي.
درېیم: د جمعې منبر یو مسوولیت دی، ځکه دا د رسول الله صلی الله علیه وسلم منبر دی. له همدې امله هر هغه څوک چې د دغه منبر مسوولیت لري، نو د خلکو د خبرو او تورونو خیال باید ونه ساتي او یوازې باید له الله سبحانه وتعالی څخه وډار شي. سربېره پردې کفري استعمارګر هڅه کړي چې له دغو منبرونو څخه د اعتدال تر نامه لاندې هغه اسلام خلکو ته وړاندې کړي چې امریکا یې غواړي له اسلام څخه داسې یو کشیشي مذهب جوړ کړي، چې د خلکو له ژوند سره هېڅ اړیکه ونه لري، ځکه دوی د امت په بیدارۍ کې د منبرونو ارزښت درک کړی دی.

ابراهیم عثمان (ابوخلیل)
د حزب التحریر-ولایه سوډان رسمي ویاند

د مطلب ادامه...

د امریکا جنګي جرایم؛ د راشده تغییر اړتیا لاډېروي!

خبر:

په دوو وروستیو کلونو کې د شپنیو او هوايي بریدونو غیرنظامي قربانیان د پام وړ زیات شوي. په دغو بریدونو کې د ۰۱، ۰۲، ۰۳ او ۰۴ په نامه ځانګړو واحدونو او «د خوست ساتونکي ځواک» -چې په ظاهر کې د افغانستان د ملي امنیت تر ریاست لاندې کار کوي؛ خو په واقعیت کې یې ګومارنه، زده کړه، تجهیز او مدیریت د سي آی اې په لاس کې دی- د قانون تر پولو بهر چلندونه لکه «صحرايي محاکمې» او بېلابېل «جنګي جرمونه» کړي دي. د بشري حقونو د څار سازمان په خپل نوي ۵۰ مخیز راپور کې د افغانستان په مختلفو ولایتونو کې له قربانیانو او عیني شاهدانو سره د مرکې پر اساس دغه ځانګړي واحدونه پر جدي سرغړونو لکه د شپنیو عملیاتو په جریان کې د غیرنظامیانو پر وژلو تورن کړي دي او له امریکا او د افغانستان له حکومته یې غوښتي چې باید ټولې نیمه نظامي ډلې -چې د امنیتي ځواکونو د قوماندې له اډانې بهر دي- ژر تر ژره منحل او بې وسلې کړي او د جنګي جرمونو او بشري حقونو د سرغړونو د ټولو تورونو په اړه له خپلواکو څېړنو سره همکاري وکړي.

تبصره:

لومړی؛ هغه جنګي جنایتونه چې امریکا، ناټو او مزدورو ځواکونو یې په تېرو ۱۸ کلونو کې د افغانستان د خلکو په حق کې کړي دي، د بشري حقونو د بنسټونو او موسسو په وسیله اصلاً د ثبت او شمارلو وړ نه وو او نه دي؛ ځکه د بشري حقونو ډېری بنسټونه او موسسې د امریکا او ناټو د هژموني، بهرني سیاست د پروګرامونو او جنګي ماشین یوه برخه دي او په ډېرو اسلامي خاورو کې د امریکا او د هغې د متحدینو د جنګي جرایمو پر وړاندې د غولوونکو سازمانونو په توګه دنده تر سره کوي، ترڅو د خلکو پارېدلي احساسات د یوه راپور په خپرولو او د کوم جنګي پروګرام او پالیسۍ په نقد مړه کړي.

دویم؛ د کپیټلیست غرب په ځانګړې توګه د امریکا تاریخ له دا ډول جنایتونو ډک دی او د افغانستان جنایتونه تر هغو جرایمو اوس هم ډېر ورته کم ښکاري چې پانګوالو دولتونو په خپل تاریخ کې سر ته رسولي. نو تل د خلکو پر وړاندې د جنګ پر شدت ټینګار کوي او حتی ظاهراً د سولې تر خواږه نامه لاندې زموږ په خاوره کې خپل جنګي او تروريستي پروګرامونه په خورا وحشت او دهشت مخ ته وړي.

درېیم؛ د غرب په ځانګړې توګه د امریکا جرایم يوازې په جنګي جرایمو کې نه خلاصه کېږي، ولې! له هغه مهاله چې پانګوالو او د کپيټلېزم چټلې ایډيولوژۍ او خونړي ډیموکراسي نظام په نړیواله کچه د چارو واګې په لاس کې اخیستې دي، ټول بشریت په تېره بیا اسلامي امت تر ظلم، فقر، لوږې، بندیزونو، جګړو او مهاجرتونو لاندې راغلی او یاد جنایتونه لا تر اوسه ښه په قوت دوام لري.

څلورم؛ کله چې موږ د افغانستان له څلورو خواوو د امریکا، ناټو او د هغو د مزدورو ځواکونو د ترور او وحشت دردناک روایتونه اورو او له دې سره هم مهاله وینو چې افغان سیاستوال او پيروان یې د ټاکنو په چټله لوبه، د سولې په پروسه، قومي، سمتي او مذهبي تعصباتو بوخت کړي دي، ترڅو عامه افکار او د خلکو ذهنیت له خپلو جرایمو منحرف کړي او زموږ د خاورو شتمنۍ لوټ کړي.

د بشري حقونو د څار سازمان راپور د امریکا، د هغې د متحدینو او اجیرانو د جنایتونو پر پخوانیو راپورونو یو بل ورزیات شو؛ خو متمدنه نړۍ د ارقامو او راپورونو له ثبت او ارايې پرته د بشریت په برخلیک کې بل بدلون نه ویني. نو دوی ته شرم دی چې ځان متمدنه نړۍ نوموي؛ حال دا چې په دغو جرایمو او جنایتونو کې هر زیانمن او قرباني حداقل یو انسان دی. دوی خپله ښه پوهېږي چې ولې په خپلو خاورو کې وژل کېږي، بې کوره کېږي او کډوال کېږي!؟ ولې د دې کشالې د حل ريښه يي لټون نه کوي، بلکه تل یې لا پېچلې کوي او په دې اړه د ثبت او راپورورنو لېستونه لا ډېر اوږدېږي؟ دوی که ایمان نه لري، خو وجدان یې هم کوم ټکان نه خوري، ترهغه چې خپل وګړي او ګټې یې په خطر او ګواښ کې ونه لوېږي، ځکه دوی بې دينه پانګوال او استعمارګر دي!

نو ایا موږ د اسلام د دښمنانو د جرمونو او دسیسو په اړه یوازې شکایت الله متعال ته یوسو، که له امته او د هغه له برخلیک ټاکونکې قضیې څخه د اسلامي خاورو د چارواکو نه ملاتړ  او له کفارو سره په دغو جرایمو او دسیسو کې د دوی ګډون هم له الله متعال سره شریک کړو او عملاً درک کړو چې چېرې دی په دې اړه د امت قوي موقف!؟ چېرې دی هغه مسلمان حاکم چې د اسلام دښمنانو ته په دې اړه غاښ ماتوونکی ځواب ورکړي؟ ایا ټول مسلمان چارواکي له امریکا او کفارو سره د ترور، وحشت او دسیسو د پروګرامو پر تنفیذ بوخت دي او که د مسلمانانو د وینې، شتمنیو او عزت په بیه یوازې خپلې چوکۍ او تش په نامه قدرت ساتي!؟

نو دا بسنه نه کوي چې د ترور او وحشت د دې سناریو مسوولیت یوازې د امریکا، متحدینو او مزدورانو پر غاړه واچوو، بلکې ټول هغه کسان چې پوه زړونه او لیدونکې سترګې لري، باید د کفارو ټول پروګرامونه رد کړي او له دوی سره هر ډول همکاري ودروي، خپله برخلیک ټاکونکې قضیه لومړی درک کړي، وروسته یې د لاسه ته راوړو لپاره مبارزه وکړي او په پایله کې یوازې د خپل رب شریعت د راشده خلافت په تاسیس سره د ژوند په ټولو برخو کې تطبیق کړي. هغه مهال امریکا، د هغې متحدینو او مزدورانو ته داسې تاریخي درس ورکولی شي، چې حتی د شیطان وسوسې هم هغه د دوی له ذهنونو هېر نه کړي او په افغانستان او نورو اسلامي خاورو کې به د خپلو وروڼو حقیقي ډال شي؛ ځکه:

"إنما الإمام جنة يقاتل من ورائه ويتقى به" (رواه مسلم)

له شک پرته امام(خلیفه) هغه ډال دی، چې تر شا یې جګړه کوئ او هغه ته پنا وروړئ.

سیف الله مستنیر

د حزب التحریر- ولایه افغانستان د مطبوعاتي دفتر رییس

د مطلب ادامه...

د ایتلاف غړي اوس هم نه پوهېږي، چې سلمان د حوثیانو تر ټولو ستر ملاتړی دی

  • خپور شوی په سیاسي

(ژباړه(

یو شمېر خلک په ځانګړي ډول هغه کسان چې د سلمان یرغل تاییدوي، د نوموړي په اړه د خیر ګمان کوي او پر دې باور دي چې د ملک سلمان عمل د حوثیانو د له منځه وړلو لپاره دی. دا هر څه په دې موخه ترسره کېږي، چې د ایران په مرسته د حوثیانو له خوا لرې کړای شوی ولسمشر هادي یو ځل بیا واک ته ورسېږي.

اوس هم د یمن په جکړه کې د امریکا او انګلیس شخړې په قصدي ډول په رسنیو کې انحراف شوې دي او ډېری خلکو ته دغه موضوع ګونګه ده. د دواړو لورو رسنۍ پر دې تمرکز لري چې خلک د دغه ناوړه یرغل په حقیقت پوه نه شي. د حوثیانو رسنۍ د دښمن د ظالم بللو غږ پورته کوي او د یمن د خلکو مظلومیت یادوي، ملي احساسات یې راپورته کړي او د دښمن پر وړاندې په جګړه کې د خلکو د چمتوالي لپاره فعالیت کوي. دوی د دغه کار لپاره په رسنیو کې حماسي فعالیتونه کوي. په ورته وخت کې هڅه کوي چې ملاتړي یې په خاص او خلک په عام ډول د اتلولۍ د تر لاسه کولو په موخه د جګړې پر اوسني واقعیت پوه نه شي.
همدارنګه د ایتلاف ټولې رسنۍ له شته جریانونو سره د حوثیانو له منګولو د یمن د ازادۍ او د هادي د بیرته واکمنۍ لپاره هڅې کوي، چې د یمن قانوني ولسمشر یادېږي. د دوی په وینا، هادي د یمن قانوني ولسمشر دی، د ال سعود او خلیج حکامو ته یې پنا وړې او حوثیانو په زور له واکه ګوښه کړی دی. خو حقیقت دا دی چې امریکا د حوثیانو بنسټیزه ملاتړې ده. د حوثیانو هغه غږ دغه حقیقت یې پټ کړی، چې پر امریکا د مرګ نارې وهي او هره ورځ چیغې وهي. پر دغه حقیقت له زیرکو انسانانو پرته، چې د هېڅ لوري پلوي نه کوي، نو څوک نه پوهېږي. ځکه امریکا خپلې ډېری نقشې پخپله نه عملي کوي، بلکې د خپلو مزدورانو په واسطه یې عملي کوي. امریکا هڅه کوي، څو حوثیان په یوازني قدرت بدل کړي. که دغه کار ناشونی هم وي، په سیمه کې به یې د یو ځواکمن قدرت په توکه معرفي کړي. امریکا دغې موخې ته د رسېدو لپاره له دوو سیمه ییزو قدرتونو ایران او سعودي عربستان څخه ګټه اخلي.
ایران د یو ځواکمن قدرت په توګه د حوثیانو په بدلون کې ډېر ورو رول لوبوي، ځکه امریکا د حوثیانو تثقیف، د وسلو برابرېدنه، نظامي تمرینونه او د سیاستوالو روزنه د یمن دننه ایران ته په غاړه ورکړې ده، څو په ورته وخت کې واک ته له رسېدو سره سم د سیاسي چارو پرمخ وړلو وړتیا هم ولري. له همدې امله، لسګونه کلونه کېږي چې ایران په پټه توګه د امریکا له لوري ورکړل شوی پروګرام پرمخ وړي. وروسته په تدریجي ډول ټولو خلکو ته د ایران دغه رول معلوم شو. که څه هم ایران هڅه وکړه چې د حوثیانو پر مټ دغه موضوع پټه کړي، خو بیاهم خلک پرې خبر شول. سعودي بیا واک ته د حوثیانو په رسولو کې چټک رول لوبوي. د همدغه یرغل له لارې یې واک تر لاسه کړی او د صالح ټولې وسلې او امکانات یې حوثیانو ته وسپارل. که څه هم د ایران رول د سعودي د رول په پرتله توپیر کوي.
سعودي ایران ته د لومړي ملګري او دوست په توګه ځکه ګوري چې باور ورباندې لري او د ایران له مشورې پرته هېڅ کار نه کوي. په داسې حال کې چې سعودي خپل تر ټولو لوی دښمن بولي. له همدې امله له هغوی کرکه کوي. د حوثیانو واک ته د رسېدو په برخه کې د سعودي رول د ایران د رول بشپړول دي، که څه هم ایران ډېره برخه حوثیانو ته ورکړه او په پټه یې ملاتړ وکړ.
ایران په دغه چاره کې بریالی شو او اوس حوثیان د انګلیس له مزدورانو، د هادي، ال احمر او همدارنګه د صالح له پیراوانو سره د شخړو وس لري. اوس سعودي عربستان د ایران د رول بشپړوونکي په توګه ډګر ته راغلی، ترڅو حوثیانو ته واک ورکړي. دغې موخې ته د رسېدو لپاره باید پنځه ګامه تېر شي، چې تر اوسه له څلورو ګامونو تېر شوی او د پنځم ګام پورته کېدو په هڅه کې دی. دغه ګامونه په لاندې ډول دي:
د صالح د قدرت له منځ وړل: دوی صالح د حوثیانو واک ته د رسېدو په مخ کې لومړی خنډ باله او د صالح تر مړینې وروسته دغې موخې ته ورسېدل. د ده په وژل کېدو سره د نوموړي واک او قدرت له منځه ولاړ.

د هادي د رول لرې کېدل: کله چې د ایتلاف په مرسته د هادي ځواکونه د صنعا دروازو ته ورسېدل، نو د هادي پلویانو پر سلمان باور وکړ او د حوثیانو د ماتې خوب یې لیده. سلمان د هادي له پلویانو سره خیانت وکړ او هغوی یې د صنعا پر لور له پرمختګ څخه وګرځول. هغه کسان چې پر دغې موخې نه پوهېدل، د سلمان د الوتکو په واسطه وځپل شول.
د یوازني قدرت په توګه د حوثیانو راپورته کول دا ښيي، چې له پیسو اخیستونکو پرته د ایتلاف غړي ډېر نه دي، چې له هېواد سره یې خیانت وکړ او همدارنګه غواړي چې د حوثیانو په ولسي کېدو او په ځانګړي ډول له دې وروسته د قدرت په تر لاسه کولو سره خپل رول ولوبوي.
د دغې مسلې راپورته کول چې حوثیان تر دې وروسته یو فاع کوونکی قدرت نه، بلکې بریدګر قدرت دی، په ځلونه یې پر سعودي د توغندیو بریدونه وکړل او وروستی برید یې هم پر ارامکو شرکت برید و. همدارنګه دا مسله چې سعودي نور د حوثیانو بریدونو ته ځواب نه شي ورکولی او د حوثیانو د قدرت پر وړاندې عاجز دی، دا د جګړې درول او پای ته رسول ښيي.
د جګړې بندولو، د حوثیانو د قدرت قانوني کېدو او لوړ ښودلو په تړاو د ایتلاف غړو هېوادونو نیوکه هم د یادولو وړ ده. په ځانګړي ډول پر ارامکو باندې تر برید وروسته د حوثیانو هغه نظامي عملیات چې د «نصر من الله» تر نوم لاندې ترسره شول. هغه سیمې چې په دغو کلونو کې د ایتلاف تر واکمنۍ لاندې وې، په څو اونیو کې یې ونیولې. حوثیانو د امریکا په مرسته او د سعودي په چوپتیا سره ډېرې سیمې ونیولې او په سلګونه کسان یې په کتاف او واودي کې بندیان کړل.
د سعودي واکمنانو تر دې وروسته پر دغه هېواد د توغندیزو بریدونو د بندولو اعلان وکړ او هغوی هم پر یمن د بمبار درولو غوښتنه وکړه. ځکه حوثیان او سلمان د امریکا دوې مزدورې څېرې دي. ډېر ژر د امریکا امر مني، د جګړې درولو اعلان کوي، د حوثیانو پر قانوني کېدو اعتراف کوي او هغوی او پیراوان یې د یمن په واکمنۍ کې د هغې سیاسي لارې پر بنسټ شریکوي، چې امریکا یې غواړي او مزدور حوثیان تل همغې لارې ته رابولي.
انګلیس او مزدوران یې هڅه کوي چې سیاسي حل لاره له ننګونو سره مخ کړي، څو امریکا او سعودي د انتقالي مجلس پر قانوني کېدو اعتراف وکړي او د هغوی په سیاسي حل لاره کې ور ګډ شي. پر همدغه بنسټ، یمن له یوه لوري د امریکا او مزدورانو او له بل لوري د انګلیس او پیراوانو د شخړو تر منځ پاتې کېږي. ځینې وختونه دغه شخړې ډېرېږي او ځینې وخت ارامې وي. خو په هر حالت کې د یمن مظلوم خلک په دغه جګړه کې قرباني ورکوي.
اې د یمن خلکو! ترڅو به کفار او د هغو مزدوران پر تاسو خپل پلانونه پلي کوي، ستاسو وینه به تویوي او شتمنۍ به مو لوټوي؟! ترڅو به د پانګوالۍ په قوانینو سره پر تاسو واکمني کوي او اسلام، چې ستاسو ژغورنکی دی، ستاسو له ژوند لرې کوي؟! پر تاسو واجب دی چې د مزدورانو او د هغوی د اربابانو حقیقت وپېژنئ او څه ډول چې الله سبحانه وتعالی امر کړی، هغوی ته دښمن ووایاست او د الله سبحانه وتعالی د شریعت د واکمنۍ لپاره په حزب التحریر کې له خپلو وروڼو سره د اسلامي خلافت بیا راژوندي کېدو او تاسیس لپاره مبارزه وکړئ؛ ترڅو د کفارو او د هغوی د مزدورانو له خوا ستاسو غصب شوی حق بیرته واخلي. په هغه وخت کې به د خلافت تر چتر لاندې له مسلمانو سره ژوند کوئ، لکه څنګه مو چې مشرانو همداسې ژوند کاوه.

لیکوال: استاد شایف «شرادي»
ژباړه: بهیر «ویاړ»

د مطلب ادامه...

ترکیه سوریې ته ننوته، ورپسې څه کېږي؟

خبر:

د سوریې په شمال کې د ترکیې پوځي عملیات.

تبصره:

په سوریه کې د امریکا سټراټېژي یوه ساده فلم ته ورته ده، چې راتلونکې صحنه یې مخکې له مخکې پیش‌بیني کېږي. د ۲۰۱۸م کال په ډسمبر کې موږ د «له سوریې څخه د امریکایي پوځیانو د وتلو تر شا څه دي؟» تر سرلیک لاندې یوه مقاله خپره کړې وه، چې لاندې ټکو ته پکې اشاره شوې وه: «د سیاست په  پایله کې، د سوریې کمزوري رژیم له ادلېب پرته –چې د مخالفینو پاتې شوني پکې دي- او شمالی سیمې – چې د کردانو نیمه خود مختاره سیمه ده- تقریباً د سوریې په ټولو سیمو خپل کنټرول بېرته لاسته راوړی. د لوبې پای نیږدې ښکاري. د سوریې د رژیم د یووالي او بېرته پر پښو درېدو پر وړاندې یوازینی خنډ د دوی مخالفان او په شمال کې کردان دي.

د کردانو د سیمې په اړه؛ امریکا دوی وروزل، د ترکیې پر وړاندې یې وساتل او په اغېزناکه توګه یې د بغدادي د ډلې او اسلامي ډلو پر وړاندې په جګړه کې ترې ګټه واخیسته. د پوځیانو ایستل به دوی له یوه لوري د ترکیې د ګواښونو پر وړاندې او له بل لوري د بشار الاسد پر وړاندې چې غواړي پر ټوله سوریه واک ولري، بې دفاع پرېږدي.

کردي رهبرانو دغه ګرمي حس کړه او کله یې چې د امریکایي پوځیانو له وتلو واورېدل، ژر یې له دمشق سره د مخالفتونو د حل و فصل لپاره خبرو ته کېناستل. په دې توګه کردان، نامستقیم ډول د سوریې له دولت سره خبرو اترو ته اړ کړای شول، چې دا کار به بلاخره له واحدې سوریې سره د سوریې د شمال د یو ځای کېدو لامل شي.»

نن دا خبره رښتیا شوه. امریکا د سوریې په شمال کې د کردانو له سیمې ووته او ترکیې ته یې د داخلېدو لپاره شنه چراغونه ولګول. دا کار د دې سبب شو چې د کردي سوري ډیموکراټیک پوځونه (SDF) د اړتیا له مخې د بشار الاسد له رژیم سره ادغام شي او د دوی ډېر په زړه‌ پورې خیال، د خودمختاره کردي دولت لرلو ته د خدای پامانۍ لاس پورته کړي.

په پایله کې، د اسد رژیم ۷۰۰۰۰ ښه روزل شوي جنګیالي او ۳۰۰۰۰ د وسلو لارۍ –چې کردانو ته امریکا ورکړې وې- لاسته راوړې. په بل عبارت؛ د سوریې شمال ته د ترکي پوځیانو تګ په اغېزناکه توګه د اسد ظالم رژیم پیاوړی کړ.

یو نظر دا دی چې د سوري ډیمکوکراټیکو ځواکونو (SDF) په وتلو به د سوریې په شمال «خوندي سیمه» کې به هغه دوه میلیونه سوري کډوال مېشت شي، چې اوس په ترکیه کې دي. پوښتنه دا ده چې که بلاخره ترکي پوځیان د سوریې ډیموکراټیکو ځواکونو (SDF) له په شا کولو وروسته له دغې سیمې ووځي، سیمه به د چا په واک کې وي؟ د ترکیې او که د سوریې د رژیم؟

د ترکیې ولسمشر اردوغان په دې اړه واضح خبره کوي. هلته د ترکي پوځیانو شتون موقتي دی او کله چې د سوریې ډیموکراټیک ځواکونه SDF د سوریې په شمال کې د خوندي سیمو لپاره له پلان شوو سیمو نه په شا او همداراز سوري کډوال پکې ځای پر ځای شي، ترکي پوځیان به هغه سیمه پرېږدي. ترکیه، روسیه ایران– چې د سوریې په کړکېچونو کې ډېر دخیل دي- دغه ټول متعهد هېوادونه به د سوریې حاکمیت او ځمکنۍ بشپړتیا ته درناوی کوي. د ایران د ولسمشر روحاني په خبره: «د سوریې ځمکنۍ بشپړتیا، نه بېلېدو، حاکمیت او ازادۍ ته په درناوی او د دغه هېواد په کورنیو چارو کې د بهرنیو قدرتونو د لاسوهنې پای ته رسېدل».

دا په دې معنی ده چې د سوریې شمال ته د ترکي پوځیانو تګ –چې امریکا تنظیم کړ- له رژیم سره د کردانو په یو ځای کولو سره د بشار ظالم رژیم پیاوړی کړ او د سوریې د ځمکني وحدت لپاره یې جدي ګامونه پورته کړل. په بل عبارت؛ د سوریې په شمال کې «خوندي سیمه» به بلاخره د ترکیې، روسیې او ایران تر منځ د هوکړې له مخې د سوریې رژیم ته ورکړل شي، دا چاره د سوریې لپاره د جنیوا له اساسي قانون–چې امریکا او ملګرو ملتونو منلی-  سره هوکړه ده.

دغه موضوع د روسیې د بهرنیو چارو وزارت یوې ویاندې ماریا زاخاروا په دغو خبرو خلاصه کړه: «دا په دې معنا ده چې په اخر کې به د سوریې مشروع دولت –له ترکیې سره پر پوله سربېره- پر خپل ټول ملي قلمرو بشپړ کنټرول ولري.»

دا د سوریې د ظالم رژیم د ستاینې، له بشار الاسد سره د همکارۍ په معنا ده او د سوریې له خلکو سره خیانت دی چې د دغه ظالم رژیم او نظام پر وړاندې راپاڅېدل او د بدلون لپاره یې له خپل ژوند څخه تېر شول.

د ترکیې د بهرنیو چارو وزیر مولود جووس اوغلو له وړاندې دا خبره تایید کړې وه او ویلي وو چې که بشار الاسد ډیموکراټیکې ټولټاکنې وګټلې، ترکیه او د نړۍ نور قدرتونه به له ده سره د کار کولو په اړه فکر وکړي. 

په دې وروستیو کې د ترکیې او صربستان په سوداګریز مارکېټ کې، کله چې له اردوغان څخه په راتلونکي کې د بشار الاسد سره د همکارۍ د شونتیا په اړه وپوښتل، ده ځواب ورکړ: «زه به پخپله خبرې ورسره ونه کړم او دا یوه بېله موضوع ده، خو زموږ استخباراتي ادارې له یو بل سره خبرې کوي.» ده زیاته کړه: «موږ په سوریه کې خپلې اړیکې د روسیې په واسطه ساتو.»  

نو راتلونکې صحنې دا دي چې «خوندي سیمې» به د سوریې ظالم رژیم ته تسلمېږي، پر ادلېب به قریب الوقوع برید کېږي او د سوريې لپاره به د جنیوا سیکولر اساسي قانون معرفي او پلی کېږي.

موږ باید په وار وار د چا په ضعیفو او احمقانه پروپاګندو غلط نه شو. عمر ابن خطاب رحمته الله علیه څومره ښه وایي: زه څوک نه تېرباسم او نه څوک پرېږدم چې ما تېرباسي!

د حزب التحریر مرکزي مطبوعاتي دفتر لپاره

اوکی پالا

په هالنډ کې د حزب التحریر مطبوعاتي استازی

 
د مطلب ادامه...

له هند سره د کرتارپور دهليز د پرانېستې هوکړه ليک؛ د مستعمره کشمیر له مسلمانانو سره خیانت دی Featured

  • خپور شوی په پاکستان

د باجوه ـ عمران رژیم د ۲۰۱۹م کال د اکټوبر په ۲۴مه له هند سره د کرتارپور دهلېز د پرانېستې په موخه یو هوکړه ليک لاسلیک کړ. په دې ډول یې د مستعمره کشمير مسلمانانو ته یو سوړ او له ظلم څخه ډک پيغام واستاوه، چې د دوی پر وړاندې د هند پر ظلمونو سترګې پټې کړي او همدا راز د ټرامپ له حکم سره سم له هند سره د عادي اړيکو لړۍ ته دوام ورکړي. کله چې هند د مستعمره کشمير د یو ځای کېدو اعلان وکړ، له اته میلیونو څخه ډېر کشمیریان یې د شاوخوا دریو میاشتو لپاره په خپلو کورونو کې بندیان او کشميري ماشومان او ځوانان یې اختطاف کړل. د کرتارپور دهلېز پرانېسته د کشمیر مسلمانان پر شا باندې د چاړې وهل دي. هند د کشمیر له مسلمانانو سره په ظلم کې وهڅول شو، لکه څرنګه چې د باجوه ـ عمران رژيم نه یوازې له هند سره په خپلو اړيکو کې تنازل نه غواړي، بلکې په پرېمانه توګه یې خپلې اړېکې په مستعمره کشمير کې ټینګې کړې دي. د دې لپاره چې خپله درغلي پټه کړي، د باجوه ـ عمران رژيم د هغه ادعا تر شا ځان پټوي چې له هوکړه ليک څخه موخه یې د هند غلي کول نه، بلکې د هغو سیکانو زړونه لاسته راوړل دي چې په هند کې ژوند تېروي. هغه هم په څه ډول؟ د هند د اساسي قانون له تعدیل وروسته غواړي چې د کشمير ځانګړي دريځ ته د پای ټکی کېږدي. د مودي رژيم څنګه کولای شي په دغه چل او فرېب کې ځان ښکېل کړي؟ رښتیا، دا کوم رژيم دی چې د احمق په لټه کې دی؟ 

اې د پاکستان مسلمانانو او په ځانګړي توګه وسله والو ځواکونو! د پاکستان بې غیرته مشري هېڅ سره کرښه نه لري او د الله سبحانه وتعالی د اوامرو پر ځای د بشر په لاس جوړ شوی قانون پلی کوي. هغه ملکي او نظامي واکمنان چې ځي او راځي ډېری وخت خپله د خپلو تنظیم شوو سرو کرښو څخه سرغړونه کوي. دوی تل د پاکستان د ګټو د ساتنې ادعا کوي، په داسې حال کې چې دوی نه یوازې مسلمانان د سیاسي، بلکې اقتصادي او نظامي اړخه هم ځپي. کله چې هند په ۱۹۷۱م کال د هغه وخت تر ټول ستر مسلمان هېواد (پاکستان) د استعمار په زور په څو کتلو بېل کړ؛ چارواکو به ادعا کوله چې نیم پاکستان خو مو په لاس کې دی، حتا هغه پاتې برخه یې هم په امن کې ده. د هند تر استعمار لاندې سیاچین ګلیشر په اړه د واکمنانو استدلال دا و، چې کومو هڅو ته اړتیا نه ليدل کېږي، ځکه هلته حتا واښه هم نه شنه کېږي. په داسې حال کې چې کشیمر زموږ شارګ دی او د اسلامي نړۍ یو له سترو غوره وسله والو ځواکونو څخه بلل کېږي. اوسني واکمنان نه یوازې د خپلواکۍ د تر لاسه کولو لپاره قاطع جګړه نه پیلوي، بلکې د پاکستان د وسله والو ځواکونو مخنیوی کوي او د نړیوالې ټولنې وېره، نړیوال قوانین او خپله جګړه خپروي.

ترڅو چې د دغه کفري نظام ريښې د الله سبحانه وتعالی د حکم پر اساس نه وي ایستل شوې، تر همغه وخته پورې به موږ له سپکاوي سره مخ وو، په داسې حال کې چې د وضعیت د ښه والي وړتیا هم لرو. ایا دا به ډېر وخت ونیسي، چې د پاکستان د وسله والو ځواکونو مومن افسران د بشر په لاس جوړ شوی قانون، چې یوازې د دښمنانو ګټې ساتي، ورټي؟ په حقیقت کې څومره چې د خلافت د ګټونکو نصرت ځنډېږي، اوسنۍ خاینې واکمنۍ مشرۍ به له زموږ سره خیانت ته دوام ورکوي. یوازې د نبوت پر اساس د بیا ځلي خلافت تاسیس به زموږ د وسله والو ځواکونو مشري په لاسونو کې اخلي، زموږ پر وړاندې شته خنډونه به له منځه وړي او زموږ پر وړاندې د دښمنانو ظالمانه یرغل به په قطعي توګه پای ته رسوي. الله سبحانه وتعالی فرمایي:

 ﴿وَقٰتِلُوهُم حَتّٰى لَا تَكُونَ فِتنَةٌ وَّيَكُونَ الدِّينُ لِلّٰهِ

 [البقره: ۱۹۳]

ژباړه: او تاسې له هغوی سره وجنګېږئ، تر دې چې فتنه پاتې نه شي او دین د الله سبحانه وتعالی لپاره شي. بیا که هغوی لاس په سر شول، نو پوه شئ چې له ظالمانو پرته د بل چا پر وړاندې لاس غځول روا نه دي.

د حزب التحریر-ولایه پاکستان مطبوعاتي دفتر

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې