دوشنبه, ۲۲ صَفر ۱۴۴۱هـ| ۲۰۱۹/۱۰/۲۱م
ساعت: مدینه منوره
Menu
القائمة الرئيسية
القائمة الرئيسية

د کارټرپور بندر د پرانېستې مراسمو ته د من موهن سینګ رابللو یو ځل بیا ثابته کړه، چې له ټرمپ او مودي سره د باجوه ـ عمران رژيم یووالی له هر څه لوړ دی

  • خپور شوی په پاکستان

اوسني راجه دایر د هند د پوځ له مشر جنرال باپان راوټ سره یو ځای د کشمير مسلمانان شاوخوا دوې میاشتې یرغمل کړي وو، چې د کنټرول له کرښې ازاد کشمير ته را تېر نه شي. په داسې حال کې چې ملکي وګړي او عسکر نږدې هره ورځ د دغې کرښې لپاره د هندي پوځ له لوري له توپير پرته د ډزو او هاوان د مرمیو له امله قرباني ورکوي. د دې پر ځای چې محمد بن قاسم په وسله وال ځواک کې راښکاره شي او د هند په مستعمره کشمير کې مظلوم مسلمانان ازاد کړي، د باجوه ـ عمران رژیم په یوه نازک حالت کې خپله خاینه څېره ښيي او د کارټر پور بندر د پرانېستې مراسمو ته د هند پخوانی لومړ وزیر من موهن سینګ را بولي. د باجوه ـ عمران رژیم چې کله د هند له بې رحمانه یرغل سره مخ شي، خپل منافقت ښکاره کوي او د امت د غوښتنو په پام کې نیولو سره سمدلاسه یوازې زموږ اصیل مسلمان لښکر چمتو کوي. رژيم یوازې د سینګار په څېر ظاهري کړنې کوي، د یو خبریال په څېر د یووالي لپاره دېرش دقیقې درېږي او د تش په نامه «نړیوالې ټولنې» د ظلمونو هغه خبرونه تازه کوي، چې په مستعمره کشمير کې ترسره کېږي. دوی داسې خبرونه خپروي چې ګواکي د «نړیوالې ټولنې» تش په نامه اتلان د هند له ظلمونو څخه خبر نه دي او په هېڅ ځای کې له مسلمانانو سره په ظلم کې ښکېل نه دي! 

رژيم د نړۍ په کچه د اټومي ذخیرې او شپږم ستر پوځ قومانده پر غاړه لري، چې د شهادت هیله من دي، خو دوی بیا هم خپلو مشرانو ټرمپ او مودي ته د تابع کېدو لپاره نوی معیار جوړوي. د مسلمانانو د خلاصون لپاره د هر ډول ګام پورته کولو پر ځای، رژيم د غاښونو بې مانا تمرینونه وکړل، ته به وایې چې ټرمپ او مودي ته دا ډاډ ورکوي، چې دا عمل یوازې د کور د ننه غوسه ناکو خلکو د ارامولو لپاره کېږي. رژیم هند ته د خپلې فضا د بندولو په اړه په زړه پورې نه و او د هند د سفارت د عملیاتو د بندولو لپاره یې هېڅ ګام پورته نه کړ. په عین وخت کې، غدار رژيم د اقتصادي کړکېچونو له لارې د غیر فعاله کېدو لپاره یو غلچکی کمپاین پيل کړی دی. په داسې حال کې چې د باجوه ـ عمران رژیم د لوېديځ سرحد په اوږدو کې د بېوزلۍ تر شا پټېږي. د افغانستان مقاومت چې د پاکستان داخلي ناخالص تولید له لسمې برخې څخه لږ دی، امريکا یې په ګونډو کړې ده؛ په داسې حال کې چې د دوی داخلي ناخالص توليد له ۱۹ ټرېلیون څخه ډېر دی. د ټرمپ او مودي پیروي نه یوازې د دې لامل شوې چې رژیم په ښکاره ډول د الله سبحانه و تعالی او د هغه د رسول صلی الله علیه وسلم له حکمونو څخه سرغړونه وکړي، بلکې د دوی کمزوری غبرګون د سټراټيژيکو ملي ګټو لپاره د امنیت خطر ګرځېدلی دی. د کشمیر موضوع یوازې د بشري حقونو موضوع نه ده، بلکې دا د اسلامي امت د زړه خبره ده. رژيم له هندي مشرکينو او صلیبیانو سره د یووالي په ساتلو کې اخرت پرېښود.

د پاکستان د وسله والو ځواکونو مومن افسران باید مخ پر وړاندې ګامونه واخلي او حزب التحریر ته نصرت ورکړي، ترڅو د نبوت پر تګلاره خلافت، د پاکستان د وسله والو ځواکونو زمریان ازاد کړي او په پای کې مسلمانان وژغوري.  

الله سبحانه و تعالی فرمایلي:

﴿الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا

[النساء:٧٦]

ژباړه: کومو خلکو چې د ایمان لاره غوره کړې ده، هغوی د الله سبحانه وتعالی په لاره کې جنګېږي او کومو کسانو چې د کفر لاره غوره کړې ده، هغوی د طاغوت (شیطان) په لاره کې جنګېږي؛ نو د شیطان له ملګرو سره وجنګېږئ او باوري اوسئ چې د شیطان دسیسې په حقیقت کې ډېرې کمزورې دي.

د حزب التحریرـولایه پاکستان مطبوعاتي دفتر

د مطلب ادامه...

بریتانیا له ایران سره شخړې لا زیاتوي

خبر:

د بریتانیا لومړی وزیر بوریس جانسن غواړي له ایران سره په غه هېواد کې د هغو بریتانیایي دوه تابعته زندانیانو د خلاصون په اړه خبرې وکړي، چې په ایران کې په جاوسوسۍ تورن شوي وو. پر دې سربېره نوموړی هڅه کوي، چې د ایران د نفتي ټانکرونو د درولو په اړه هم خبرې وکړي. ظاهراً دا خبرې د کړکېچ کمولو په موخه ښکاري؛ خو اصلاً کړکېچ لوړ ساتي. په روانه اونۍ کې جانسن وویل چې دی د دغې موضوع په اړه د بریتانیا رول «د اروپایي او امریکایي دوستانو تر منځ د یوه پل» په توګه ویني، خو کله چې د بریتانوي پوځیانو د دخیلولو په اړه ترې وپوښتل شول، ویې ویل: «که وغوښتل شول موږ به پر هغه څه تمرکز وکړو چې ګټور وي؛ خو دا په راتلونکي پلان پورې اړه لري». جانس کولی شوی د ایران له ولسمشر روحاني سره په ملګرو ملتونو کې وګوري؛ خو څنګه چې تمه وه روحاني او ټرمپ سره ونه کتل.

تبصره:

د بریتانیا بي بي سي دا اونۍ هم په ایران کې د بریتانیایي دوه تابعته بندیانو په اړه رپوټونه ورکول، په داسې حال کې چې د انګلستان د بهرنیو چارو وزیر ډومینیک راب د ایران دغه کار غیر قانوني، ظلم او د نه منلو وړ وباله.

سټینا اېمپېرو د نفتو ټانکر، چې له جولای راهیسې درول شوي وو، له هغه وروسته د ایران له بندر څخه لاړل، چې د سعودي د تېلو پر تاسیساتو د برید په هکله د ایران د تورنولو په اړه جانسن، د فرانسې ولسمشر اېمانوېل مکرون او د جرمني لومړۍ وزیرې مېرکل په نیویارک کې د ملګرو ملتونو د اسامبلۍ تر څنګ بیانیه خپره کړه. دوی وویل: «دا موږ ټولو ته روښانه ده چې ایران د دغه برید له مسولیت څخه وېرېږي. بله د باور وړ توضیح هم نشته. موږ د نورو څېړنو ملاتړي یو، ترڅو خبره لا روښانه شي». په دغه بیانیه کې د ۲۰۱۵م کال د اټومي هوکړو په اړه راغلي: «د ایران لپاره اوس د دې وخت دی چې د خپل اټومي پروګرام پر سر د خبرو اترو اوږدمهاله چوکاټ ومني او همداراز د مزایلو د پروګرام او نورو هغو خبرو پر سر چې هغه د سیمې په امنیت پورې اړه لري».

بوریس جانسن وروسته په تناقض سره وویل، چې په معامله کې نمګړتیاوې وې او زیاته یې کړه: «که رښتیا ووایم، زه د ټرمپ د یوې نوې معاملې هیله لرم». 

د دې ترڅنګ د ایران د بهرنیو چارو وزیر جاوید ظریف له سي ان ان سره په یوه مرکه کې اشاره وکړه، چې ایران غواړي چې که بېرته تحریمونه ترې لرې شي او سوکاله شي؛ نو د دایمي غیر اټومي کېدو او له خپلو اټومي تاسیساتو څخه د څار منلو ته اماده دی.

د کال په لومړیو کې د بریتانیا له لوري د ګرېس ون او سټېنا اېمپېریل ټانکرو بندول له ایران سره شخړې لا زیاتې کړې. بریتانیا که څه هم د سولې او د شخړې کمولو ژبه کاروي، خو په حقیقت کې په وروستیو میاشتو کې نور په حرکت راولي او له ایران سره جګړه تودوي. کله چې ښکاره شوه چې ایران او امریکا خپلې ښکاره شخړې حل کوي، بریتانیا ځان پکې ور دخیل کړ چې شخړې او مخالفتونه بیا راپورته کړي. امریکا لا اوس ایران کاروي چې په سیمه کې وېره خوره کړي؛ او پر نورو فشار راوړي چې د منځني ختیځ لپاره د امریکا د پلان په پلي کولو کې مرسته وکړي. دا وضعیت له ۱۹۸۰مې لسیزې راهیسې روان دی، چې په فلسطین کې د بریتانیا، اروپا او ان د صهیونیستي اشغال په شمول د امریکا اشغالګر سیالان پکې سیالي کوي.

د حزب التحریر مرکزي مطبوعاتي دفتر لپاره

په بریتانیا کې د حزب التحریر مطبوعاتي استازی

یحیا نسبت

د مطلب ادامه...

په الجزایر کې د نفوذ په موخه د نړیوالې سیالۍ واقعیت څه دی؟

  • خپور شوی په سیاسي

(ژباړه)

پوښتنه:

الجزایر هغه هېواد دی، چې کابو ټول وګړي یې مسلمانان دي او د فرانسې د ۱۳۲ کلن اشغال په پایله کې یې یو میلیون اوسېدونکي شهیدان شول. په دغه هیواد کې د ۲۰۱۹م کال د فبرورۍ له ۲۲مې راهیسې عمومي لاریونونه روان دي او د ظلم پر وړاندې یې د وېرې پولې ماتې کړې دي، خو لا هم څوک د اسلام لپاره غږ نه پورته کوي، لامل یې څه دی؟ په الجزایر کې د نفوذ په موخه د نړیوالې سیالۍ واقعیت څه دی؟ ایا دغه سیالي په اوسنیو پېښو کې رول لري؟ تر دې وروسته د ټاکنو په تړاو څه هیلمندي کېدلی شي؟

ځواب:

د دې لپاره چې پاسنۍ پوښتنې روښانه شي، پر لاندې ټکو بحث کوو:

لومړی: په روانو خوځښتونو کې له اسلام څخه د ملاتړ نه کولو لامل:

۱- هو، الجزایر یو رښتینی اسلامي هیواد دی او دا هغه مهال ثابت شو، چې دولت د ۱۹۹۰مې لسیزې په لومړیو کې ازادو او عادلانه ټاکنو ته د اجازې ورکولو اعلان وکړ؛ د دغه اعلان په پایله کې ډېری کسانو د الهي قانون د حاکمیت غوښتنه وکړه، چې دا غږ د الجزایر په لارو او کوڅو کې د میلیونونو کسانو لخوا بدرګه شو. اروپا په غوسه شوه او فرانسې د پوځي مداخلې خبرداری ورکړ. اروپا او فرانسې د ۱۹۹۲م کال په لومړیو کې د الجزایر چارواکي وهڅول چې د ۱۹۹۱م کال د ټاکنو پایلې رد کړي، دغه مهال یو ځل بیا پوځ مداخله وکړه او پر دغه هیواد یې خپل کنټرول اعلان کړ. د الجزایر د چارواکو ملاتړ تر ډېره د تروږمیو له پلازمېنې (پاریس) څخه کېږي، چې په غلطۍ سره د رڼاګانو پلازمېنه ورته وایي. د فرانسې استخباراتو له سیمه ییزو امنیتي ادارو سره په همږغۍ د وحشي عام وژنې پر اور تېل وشیندل او دا په ۱۹۹۰مه لسیزه کې د هغو عام وژنو پیل و، چې په الجزایر کې د سلګونو زرو مسلمانانو د مړینې لامل شو. له دې وروسته فرانسې او بریتانیې په ډېره بې شرمۍ سره د دغو ټول وژنو پړه پر اسلامپالو واچوله، په داسې حال کې چې په دغو ټول وژنو کې د الجزایر رژیم ګرم و. دا ادعا نوره هم خپره شوه او رژیم د هر څاڅکې وینې د تویېدو او ټول وژنې تړاو له اسلامپالو سره ورکاوه. دا دوره نږدې لس کاله وغځېده، نو ځکه ورته «توره لسیزه» وایي. رژیم له دغه فرصت څخه ګټه واخیسته او د خلکو په مغزونو کې یې وېره واچوله، څو د اسلام لپاره خپل غږ پورته نه کړي. چا به چې د اسلام حاکمیت وغوښت، تور به یې پرې پورې کړ چې دوی یو ځل بیا تورې لسیزې ته ورګرځېدل غواړي. فرانسوي رسنیو د وېرې دغه بیرغ پورته کړ او په پاریس کې له اسلام څخه ویره د سیاستوالو تر منځ یو روان وګرځېده. د الجزایري خوځښت پر وړاندې د اسلام غوښتنې پر مهال هغه وېره او عقده چې فرانسویانو او اروپایانو درلوده، په چټکۍ سره الجزایري رژیم ته ورسېده. هغو ګوندونو چې په هېواد کې تصمیم نیونکو کړیو ته نږدې وو، داسې ویل: «اسلامپالي به د سېکولرانو پر وړاندې را پورته شي، سېکولران به ختم کړي او دوی د اسلامي دولت پلان لري، چې د اړتیا په صورت کې به ښایي د دوی په جسدونو جوړ شي.» (انډپنډنټ ۲۰۱۹/۳/۲۱). له همدې امله رژیم خلکو ته «د راډیکل اسلام د وېرونکې څېرې» په اړه خبرداری ورکړ، چې وینو تویولو ته تیار دی؛ په داسې حال کې چې همدغه رژیم په مسلمانانو پسې را اخیستې او وینې یې تویوي. «د الجزایر امنیتي ځواکونو پر یوه پېژندل شوي مخالف علي بالحاج، چې د اسلام ژغورنې جبهې یو بنسټګر و، برید وکړ او پر سرک یې کش کړ.» (عربي۲۱، ۲۰۱۹/۲/۲۳). دا یې یوه بېلګه ده چې په الجزایر کې د لاریونونو په دویمه ورځ پېښه شوه.

۲- دا د امریکا له لوري د اسلام پر وړاندې د جګړې هغه بېله برخه ده، چې د «اسلامي ترورېزم» غټ سرلیک یې ورکړی دی. په دغه جګړه کې د اسلامي نړۍ مخلص حرکتونه، ګوندونه، اتحادیې او شخصیتونه هدف ګرځول کېږي او د تروریزم ټاپه پرې وهل کېږي. وروسته بیا بیراغونه او ځینې نورې اسلامي نښې ناقانونه اعلانوي او هغه کسان چې د اسلام احکامو ته ژمن دي د تندلاري، تروریست او داسې نور په لقبونو تورنوي. دغو ټولو کړنو په الجزایر کې پر مشهورو حرکتونو سیوری غوړولی دی.

۳- یو لامل چې د الجزایر په خوځښت کې یې د اسلام غوښتلو شعار پیکه کړی، هغه د خلکو په اذهانو کې د ځینو اسلامي خوځښتونو تصویر دی، چې له اسلامي شخصیتونو څخه یې لري او «منځلاري» ورته وایي. دوی ولیدل چې دغو ډلو ځینې وخت ځانونه د اپوزیسیون حرکتونه بلل او ځینې وخت به یې په دولت کې ونډه اخستله او د وزارتونو له موقف او پارلماني څوکیو څخه به یې خوند اخیست. د دوی دغه ګډون د خلکو زیاته برخه تر خپل اغېز لاندې راوستله، په ځانګړې توګه هغه خلک چې پر دغه ډول خوځښتونو یې باور درلود او د اسلام لپاره یې کار کاوه، ځکه دوی ولیدل چې دغه خوځښتونه هم د رژیم لپاره کار کوي. دوی شرعي قوانینو ته ژمن پاتې نه شول او په پارلمان کې یې د بشر په لاس جوړ شوي هغه قوانین پلي کړل او د دوی په هغو رژیمونو کې یې برخه واخیسته، چې له اسلام سره یې هېڅ اړیکه نه درلوده. همدا لامل دی چې د الجزایر ډېری اوسېدونکو په دغو خوځښتونو کې د اسلام یادونه ونه کړه.

۴- په الجزایر کې د نفوذ خپرولو په موخه نړیوالې سیالۍ او د لوېدیځ ناهیلي کوونکې هڅې روانې دي، په ځانګړې توګه د فرانسې هڅې چې د یو سېکولر کلتور خپرول غواړي. دوی په لاریونکوونکو کې هغه سېکولر رهبري په نښه کړې، چې د دوی پیروي وکړي او په الجزایر کې یې سیاسي نفوذ وساتي. باید یادونه وکړو، چې په نړیوالو سیالیو کې د الجزایر ښکېلې ډلې دې ته ژمنې دي، چې د الجزایر اسلامي پېژندګلوي ختمه کړي او دولت ته سېکولر شخصیتونه ور وپېژني.

دا هغه بنسټیز لاملونه دي، چې په الجزایر کې یې د مشهورو خوځښتونو رهبرۍ ته د سېکولر شخصیتونو راتګ ته لار هواره کړې ده. د دغو ټولو تېرایستنو، ناسمو معلوماتو او سیاسي بدنیتیو تر شا لوېدیځ او د دوی مزدوران دي. که څه هم دوی په ښکاره پر دې بریالي شوي، چې په خوځښت کې د اسلام د را ښکاره کېدلو مخه ونیسي، خو اسلام بیا هم د الجزایر د اوسېدونکو او یو میلیون شهیدانو په سینه کې شته او د اسلام را ښکاره کېدل به د الله سبحانه وتعالی په ارادې سره ونه ځنډېږي.

﴿إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً﴾

 [الطلاق:۳]

ژباړه: الله سبحانه وتعالی د خپل کار پوره کوونکی دی. الله سبحانه وتعالی په رښتینې توګه د هر شي لپاره یوه اندازه ټاکلې ده.

دویم: په الجزایر کې د نړیوالې سیالۍ په اړه:

۱- د بریتانیې او فرانسې تر منځ:

الف: په ۱۹۶۵م کال کې د بومدین له کودتا راهیسې په الجزایر کې د برتانیې نفوذ برلاسی دی، سره له دې چې فرانسې یو څه پرمختګ کړی. سره له دې چې ولسمشر شاذلي د فرانسې مزدور خالد نذیر په ۱۹۹۳م کال د دفاع له وزارت څخه لرې کړ، خو له هغه وروسته بیا هم د فرانسې نفوذ په پوځ کې په تدریج سره کمزوری شو او داسې حالت ته را ورسېد چې یوازې د «پوځي کلتور» په برخه کې یې پر فرانسه تکیه کوله او کومه سیاسي وفاداري یې ورته نه درلوده. بوتفلیقه په دې مشهور و، چې بریتانیې ته وفادار و، د ده د اوږدې واکمنۍ پر مهال چې له ۱۹۹۹م کال راهیسې یې دوام درلود، له زیان پرته په تدریجي توګه د فرانسې د پرمختګ خنډ شو. د دولت په جوړښت کې د فرانسې د نفوذ د ختمولو موضوع د پهلوانۍ سیالۍ ته ورته وه، هغه داسې چې دواړو لورو د نفوذ په موضوع کې د یو او بل د وهلو کومې نښې نه لیدل کېږي، چې دغه موضوع دې د سیالۍ په توګه څرګنده کړي. کله چې بوتفلیقه په ۲۰۱۵م کال د سپټمبر په ۱۳مه د عمومي استخباراتو د ادارې مشر چې په جنرال توفیق مشهور و، لرې کړ؛ په دې توګه یې په الجزایر کې یې د فرانسې نفوذ ته سخته ضربه ورکړه. هغه مهال فرانسې په پوځ کې خپل نفوذ له لاسه ورکړی و، نو په الجزایر کې یې د خپل نفوذ د ساتلو لپاره هڅه کوله چې پر استخباراتو د دویم امنیتي ځواک په توګه تکیه کړې وه. دغه دردونکې ضربې تر ایرو لاندې اور ته پوکی وواهه او په الجزایر کې یې د دوو بانفوذه لورو تر منځ د ارمتیا اړیکه وخوځوله.

ب: په الجزایر کې دوه داسې حالتونه شته، چې د بریتانیې او فرانسې تر منځ د نفوذ د زیاتوالي سیالي یې د پهلوانۍ له حالت څخه ایستلې او د دوی تر منځ شخړه اوس د «لاس اچولو» تر بریده رسېدلې ده، که څه هم دا شخړه د «هډوکو ماتولو» تر حالته نه ده رسېدلې. هغه دوه حالتونه، چې د دغو دوو هېوادونو تر منځ یې سیالي ګرمه ساتلې ده:

لومړی: په ۲۰۱۶م کال له اروپایي ټولنې څخه د بریتانیې د وتلو ټولپوښتنې د فرانسې او بریتانیې تر منځ درځ نور هم پراخ کړ او په دغې مسله کې یې د فرانسې تند دریځ په ډاګه کړ. له اروپایي ټولنې سره د بریتانیې د لومړۍ وزیرې په خبرو اترو کې هم د فرانسې دریځ تند و او د نوي لومړي وزیر جانسن پلانونه هم په ډاګه کوي چې له اروپایي ټولنې څخه له کوم تړون پرته وځي او دغه حالت پر فرانسه یو لوی ګزار دی. همداراز له ایران سره له اټومي تړون څخه د امریکا د وتلو په شخړه کې هم دغه اختلافات را برسېره شول. هغه داسې چې فرانسې د امریکا پر ضد او بریتانیې د امریکا په پلوۍ دریځ نیولی و او په دې توګه د دوی تر منځ نور هم درځ پراخ شو. د بریتانیې او فرانسې د دریځونو تر منځ دغه اختلافات د الجزایر په څېر په نورو ځایونو کې هم را ښکاره شول.

دوهم: فرانسې ولیدل چې په الجزایر کې د ۲۰۱۹م کال د فبرورۍ د ۲۲مې مشهور خوځښت او بې ثباتۍ د بریتانیې د نفوذ ستنې ولړزولې او دا يې د ځان لپاره یو فرصت وګاڼه، چې په الجزایر کې خپل پراخ نفوذ بیرته تر لاسه کړي. له همدې امله په ناڅاپي توګه دغه مشهور خوځښت د دې لامل شو، چې د ۲۰۱۵م کال د فرانسې د اور پټ بڅرکي را ژوندي کړي.

ج: په پایله کې د دوی تر منځ د سیالۍ حالت د «لاس اچولو» تر بریده ورسېد. امنیتي ادارو له یوه پلان څخه پرده پورته کړه، چې پوځي کودتا ته ورته و او غوښتل یې چې قاید صالح (غاید صلاح) د پوځ د لوی درستیز له څوکۍ څخه لرې کړي. له همدې امله امنیتي ځواکونو په فرانسه کې د محمد مدین (جنرال توفیق) او او بشیر تارتک په نومونو د استخباراتي ادارې دوه مخکني مشران او ځواکمن کسان د ۲۰۱۹م کال د مې په ۵مه ونیول. بیا په همدې ورځ د کارګر ګوند مشرې لویزه حنون پع نیول کېدو سره یې د سعید بتفلیقه پام ځان ته را واړاوه، هغه څوک چې په الجزایر کې د فرانسې وړ کس بلل کېږي او د هغه د ورور ولسمشر بوتفلیقه له استعفا وروسته یې دوی محاکمه کړل. «یوې الجزایري پوځي محکمې په بلیدة کې څلور تورن کسان چې د پوځ او دولت د چارواکو پر وړاندې په توطیه جوړولو تورن وو، په ۱۵ کاله بند محکوم کړل. دا حکمونه یې د سعید بوتفلیقه، د کارګر ګوند مشرې لویزه حنون او متقاعد جنرال محمد مدین په شتون کې واورول. همداراز پوځي محکمې په بلیدة کې د دفاع پخوانی وزیر خالد نذیر په غیاب کې په شل کاله بند محکوم کړ» (سکای نیوز عربي ۲۰۱۹/۹/۲۵). فرانسې په الجزایر کې د پوځي مشرتابه پر وړاندې د نیول کېدو له امله اعتراض وکړ. د برتانوۍ اندپنډنټ ورځپانه لیکي: «د ۲۰۱۹ م کال د مې په ۱۸مه هغه مهال چې لویزة حنون ونیول شوه، د پخواني لومړي وزیر جان مارک ایرولټ په ګډون ۱۰۰۰ فرانسوي شخصیتونو یو تړون لاسلیک کړ، چې د هغې د خوشي کولو غوښتنه یې کوله. ورځپاڼه زیاتوي: «د فرانسې په پارلمان کې د جمهوري غوښتونکو د ګوند مرستیال جان لاسالي د خپل هېواد پر ګټو د دغو پېښو د اغېز په اړه اندېښنه وښودله او ویې ویل: په الجزایري پوځي بنسټ کې د نوي نسل د افسرانو او جنرالانو را پورته کېدل، چې د ملت پالنې جوړښتونو او چوکاټونو ته ژمن دي، په الجزایر کې د فرانسې ګټې ګواښي؛ په ځانګړې توګه په کلتوري، اقتصادي او سیاسي برخو کې». دا د فرانسې د خپګان یو نښه ده، په دې مانا چې دغه سیالي تاوده ډګر ته داخلېږي، په داسې حال کې چې برتانیا په رژیم کې د پوځ د لوی درستیز په ملاتړ برلاسې ده.

۲- د الجزایر په لوبه کې د خپل نفوذ لپاره د امریکا هڅې:

امریکایي رسنیو هڅه وکړه، په دغه مشهور خوځښت کې ځینو را ښکاره شوو شخصیتونو ته وده ورکړي؛ چې ښه بېلګه یې کریم طابو دی، چې د سوسیالیستي ځواکونو په جبهه کې د منشي دنده لري. الحرة امریکایي تلوېزوني چینل د ۲۰۱۹م کال د سپټمبر پر ۱۲مه کریم طابو «په دغه مشهور خوځښت کې د مخکښې څېرې» په توګه ونوماوه او د هغه ویډیوګانو ته یې فضا جوړه کړه. دوی هغه داسې وښود «چې د الجزایر په پلازمېنه کې د مشهور خوځښت د یوې برخې په توګه لاریونونه رهبري کوي او له واک سره د هغه مخالفت رښتنی او له نورو څخه بېل دی.» له دې څخه ښکاري چې د الجزایر په مشهور خوځښت کې له دا ډول فعالانو سره د امریکا اړیکې شته. د الجزایر امنیتي ادارې دغه فعالان او نور کسان ونیول او په دې یې تورن کړل چې د پوځ مورال کمزوری کوي؛ دا پر دې دلالت کوي چې د الجزایر په مشهور خوځښت کې له یو شمېر مهرو سره د امریکا اړیکې شته او همدا تمه ترې کېدله. تر اوسه دغه خلک دا وړتیا نه لري، چې په الجزایر کې سیاسي حالات د امریکا په خوښه تر خپل اغېز لاندې راولي او د دې تر څنګ امریکا لا تر اوسه په دې هم نه ده بریالۍ شوې، چې په پوځي او یا دولتي ادارو کې خپل نفوذ ته وده ورکړي.

پر دغو ټولو سربېره الجزایري ډګر له امریکا سره د اروپایي سیالۍ لپاره تقریباً خلاص دی، خو د فرانسې پر وړاندې بیا بریتانیا بیا جدي هڅه کوي چې د نظامي سیستم له لارې د فرانسې وزرې په دغه ډګر کې ور وتړي. د الجزایر په اروپایي واکمنۍ کې امریکا د خپل نفوذ د خپرولو په هڅه کې نه ده بریالۍ شوې، که څه هم په الجزایر کې واکمن لوری وېرېږي چې د اوږدې مودې شخړې (مشهور خوځښت) ښایي امریکا ته په دې برخه کې د بریالي کېدو زمینه برابره کړي او خپلو هغو موخو ته ورسېږي چې له کلونو راهیسې یې په هڅه کې ده، خو فرانسه هم ښايي د خوځښت پر وړاندې خپل پلویان ځواکمن کړي او اسانتیاوې ورته چمتوي کړي.

درېیم: هغه هیلې چې له ټاکنو څخه کېږي، په لاندې ډول د پوهېدو وړ دي:

۱- بریتانیا او هغوی چې د دولت او پوځ په رهبرۍ کې دي، په دې وتوانېدل چې د فرانسې کسان په اغېزمنه توګه د دولت له جوړښت څخه وباسي. دغه سیستم پر ټاکنو له دې امله برید ونه کړ، چې دغې اوضاع ته بدلون ورکړي؛ په داسې حال کې چې لا هم خوځښت روان دی او قاید صالح خپل موقف داسې څرګند کړ: «تر دې وړاندې موږ په دې اړه خبرې کولې چې د ولسمشرۍ ټاکنې ژر وکړو او نن ورځ بیا هم په یقین سره وایم چې دغه ټاکنې باید په ټاکل شوې موده کې وشي. (انډپنټډنټ ۲۰۱۹/۹/۱۴) همداراز د روښانه دریځ په اړه هغه وایي: « زما په اند اوسنی وخت یو روښانه دریځ غواړي او تر شنډه لاندې ویلو ته یې اړتیا نشته... هغه که له الجزایر سره وي او یا د الجزایر له دښمنانو سره.» (انډپنټډنټ ۲۰۱۹/۹/۱۴) دا په دې دلالت کوي چې انګلیس پلوه دولتي سیستم بېړه کوي، چې اوس ټول کارونه پای ته ورسوي، ځکه چارې د دوی په خوښه روانې دي. فرانسه او په دوی پورې تړلي اړخونه نه غواړي دا ټاکنې وشي او یا هم هڅه کوي چې د خپلې خوښې د حالاتو تر راتګ پورې یې وځنډوي. دوی په دې اړه په ښکاره څه نه وایي، خو په ډیپلوماتیکه لهجه وایي چې دا د هېواد د چارو په اړه د الجزایر د خلکو خپله پرېکړه ده.  

۲- د دولت سیستم غواړي چې له خپلو پلویانو څخه داسې نوماندان د ولسمشریزو ټاکنو لپاره وړاندې کړي، چې یوازې څېرې یې بدلې وي؛ لکه څنګه چې دوو پخوانیو لومړي وزیرانو د علي بن فلیس او عبدالمجید تبون د ډسمبر په ۱۲مه د ټاکنو لپاره د خپلې نوماندۍ اعلان وکړ (رویټرز ۲۰۱۹/۹/۲۸). دوی او دوی ته ورته کسان د دولتي سیستم د باور وړ څېرې دي او له دوی څخه یې ځینې اوس د اپوزیسیون رول لوبوي. علي بن فلیس د ملي ازادۍ جبهې ګوند مشر خپل ځان اپوزیسیون ګوند معرفي کوي او د بدلون لپاره غږ پورته کوي. د دغه ګوند مشر علي بن فلیس د ۲۰۰۰ او ۲۰۰۳ کلونو تر منځ د بوتفلیقه د دولت مشر و، په دې مانا چې دغه سیستم غواړي رژیم د نږدې څېرو په مټ نوی کړي او په دې سره د الجزایر خلک وغولوي او خوځښت (حرک) پای ته ورسوي.

۳- پر دې سربېره د دغه مشهور خوځښت ډېری ګډونوال ټاکنې د همدې رژیم تر سیوري لاندې د هغو تش په نامه اپوزیسیون ګوندونو په پرتله چې د ټاکنو پلوي کوي، په ډېر شدت سره ردوي او دا چاره هېواد یو له لاندې حالتونو سره مخ کوي:

یا به اوسنی رژیم اړ کېږي چې ټاکنې په وروستیو شېبو کې وځنډوي، لکه څنګه چې د ۲۰۱۹م کال د اپریل د ۱۸مې په ټاکنو کې پېښ شول او وځنډې دې. یا به په ډېره نیمګړې کچه ټاکنې کېږي، چې په داسې حال کې به دغه مشهور خوځښت دوام کوي او دا چې ټاکنې وشي، نو ځینې ځواکونه ښايي له دغه خوځښت څخه خپله لاره بېله کړي. هغه مهال به بیا حالات د واکمنې کړۍ له خوا د تاوتریخوالي لور ته ځي، څو خوځښت ته د پای ټکی کېږدي او دا به وایي چې مشروع ولسمشر وټاکل شو او د ده پرېکړې باید پلي شي. په دغه ډول به چارې د واخله او راکړه تر منځ روانې وي.

۴- په دې توګه به اوسنی خوځښت د رښتني بدلون او اغېزمن نوښت په راوستلو کې ناکامه شي. که څه هم دغه خوځښت په خپله را پورته شو، خو د برتانیې او فرانسې لاسوهنو، ډلو او پلویانو په داسې لار روان کړ، چې خپل اغېز له لاسه ورکړي. په ځانګړې توګه کله چې له رژیم سره د پوځ د رهبرۍ اړېکې په ډاګه شوې، چې رژیم د دغه خوځښت نه بېلېدونکې برخه وه او خوځښت ته یې د کار کولو او نه کولو سپارښتنې کولې. په دې مانا چې په الجزایر کې بدلون یوازې هغه مهال شونی دی، چې د پوځ له اسلام او اسلام ته له ژمنو خلکو څخه خپل ملاتړ وکړي. دا هغه مهال کېدای شي چې د برتانیې او لوېدیځ لوړپوړي جنرالان او مزدوران لرې شي او د مخلصو افسرانو ډلې ته د راتګ اسانتیا برابره شي، چې په پوځ کې د چارو د واګې تر لاسته راوړلو وروسته د هغه رښتنې بدلون ملاتړ وکړي، چې امت یې د اسلام پر بنسټ هیله لري. د دې مانا دا نه ده چې پوځ دې دولت په لاس کې واخلي، بلکې دوی به داسې خلک وي چې د رښتنولۍ ملاتړ وکړي، څو هغه رښتینې رهبري رامنځته کړي، چې امت ورته په تمه دی. دوی باید د راشده خلافت په تاسیس سره د اسلامي ژوند تګلاره یو ځل بیا را ژوندۍ کړي، چې په دې سره به امت هم یو ځل بیا را ویښ شي او موږ به هغه حالت ته ور وګرځو، چې د الله سبحانه وتعالی یې اراده لري.

﴿كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ﴾

[العمران:۱۱۰]

ژباړه: اوسمهال په نړۍ کښې هغه غوره ډله چې د انسانانو د لارښودني او اصلاح لپاره رامنځته شوې، تاسو یاست؛تاسو پر نېکۍ امر کوئ او له بدۍ څخه منعه کوئ او پر الله سبحانه وتعالی ایمان لرئ.

﴿وَيَوْمَئِذٍ يَفْرَحُ الْمُؤْمِنُونَ * بنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾

 [الروم:۴-۵]

ژباړه: او په دغه ورځ به مسلمانان د الله سبحانه وتعالی پر بښل شوي بري باندې خوشحاله وي. الله سبحانه وتعالی له هر هغه چا سره مرسته کوي چې خوښه یې شي او هغه برلاسى او پوره رحم لرونکی دى.

د مطلب ادامه...

ایا د غرب او د هغوی د سازمانونو د رضایت په پرتله دا غورنه نه ده، چې خپله ټولنه له فساد او اخلاقي رذالتونو څخه وساتل شي؟

  • خپور شوی په سیاسي

(ژباړه)

د العطا خیریه بنسټ د ښځو چارو د ادارې او په انګلیستان کې د میکا موسسې په ملاتړ په بیت حنون کې چې تر غزې مهم ښار دی، فلسطیني نجونو ته ورزشي لوبې جوړې کړې دي. په دغو لوبو کې له ۱۲څخه تر ۱۵کلنو نجونو پورې ګډون کړی و. د دغو لوبو موخه د ځوانو فلسطیني نجونو په ځانګړې توګه غزې تړانګې ته د نژدې نجونو د حقونو ساتل ښودول کېږي. دغه لوبې له ځان سره له پورته پیغامونو سربېره د فلسطین د قضیې تر شا نور پیغامونه هم لري.

په اسلامي او عربي نړۍ کې د ښځو لپاره په بېلابېلو نومونو او وسیلو سره د بنسټونو او حرکتونو جوړل د مسلمانو ښځو پر وړاندې یو ډول جګړه ده. که د دغو حرکتونو موخو او پلانونو ته ځیر شو، نو دا په ډاګه کوي چې یاد حرکتونه د فکري جګړې بنسټونه دي. دغه بنسټونه داسې شکمن رول لوبوي، چې له ځان سره لوی لوی خطرونه هم لېږدوي. دا حرکتونه په غرب پورې تړلي او ملاتړ یې کوي. دوی هڅه کوي چې په دې سره د عملي اسلام مخه ډپ کړي.

دغه بنسټونه په لومړیو کې د بېوزلو کسانو د اساسي اړتیاوو په پوره کولو تمرکز کوي لکه: روغتیایي او تعلیمي اړتیاوې او طبیعي پېښې (سیلاب، لوږه، هغه جګړې چې ډېری کسان ګډوالۍ ته اړ کوي)؛ خو د وخت په تېرېدو سره دغه سازمانونه خپل فعالیتونه، پروګرامونه او رول ډېروي. که دولتونه وغواړي د خپلې ورانوونکې غونډې اجنډا په اسلامي خاورو کې پلې کړي، نو له دغو بنسټونو سره خپلو مالي مرستو ته دوام ورکوي. یاد بنسټونه بیا په پایله کې د دوی پروګرامونو لکه: چاپېریال ساتنه، ټولنیز عدالت، د بشر، ښځې، ماشومانو او ځوانانو حقونه، ډېموکراسي، تاوتریخوالي او داسې نورو ته ارزښت ورکوي.

دغه مرکزونه خپله تګلاره د فکرې پروګرامونو پر ځای پر تفریحي پروګرامونو او یا هم یتیمانو ته د خوراکي توکو په وېش پیلوي، خو کله چې ښځې پر ځان راماتې کړي، وروسته بیا خپل دوکه ورکوونکي پلانونه پلي کوي. دغه چټل مرکزونه د ورزشي لوبو، د پخلي د پروګرامونو، ښځو ته د ګټورو لاسي صنایعو، د ماشومانو د روزنې او زده کړې د پروګرامونو له لارې د مسلمانو ښځو ذهنونه مسموموي. لکه څنګه یې چې د تفریحي ځایونو په وسیله مسمومول. موخه یې په دغو مرکزونو کې د ښځو د ګډون لپاره تشویق دی او د داسې فضا د رامنځته کېدو هڅه کوي، چې ښځې د خپل ځان او بچیانو په اړه ډاډمنې شي.

فلسطین یو له هغو خاورو څخه ده، چې دا ډول بنسټونه پکې جوړشوي دي. په ۱۹۹۳م کال کې د اسلو له ننګین هوکړه لیک او خپلو جوړښتونو ته د فلسطین له ګرځېدو وروسته په ښځو پورې اړونده فعالیتونو په پراخه کچه زیات شول. د فلسطین بېلابېل ښارونه او کلي د اروپا او نړیوالې ټولنې روغتیایي، فرهنګي او بشر دوستۍ سخاوتمندانه فعالیتونو ونیول. اوس د دغو خیریه بنسټونو شمېر زرګونو ته رسېږي. که د ښځو دغه سازمانونه او پروژې وڅېړو، نو پوه به شو چې دغه سازمانونه د مرسته کوونکو تر کنټرول لاندې دي او یوازې د دوی د موخو لپاره فعالیت کوي. که مرسته کوونکي وغواړي ډیموکراسي عامه کړي، لسګونه بنسټونه ورته جوړوي. که وغواړي یوازې ښځو او ماشومانو ته کار وکړي، په اسانۍ سره ډېر بنسټونه ورته جوړولی شي. که وغواړي تاوتریخوالی رامنځته کړي، د دغو بنسټونو په وسیله یې په ډېرې اسانۍ سره کولی شي. دغه بنسټونه د تفریحي پروګرامونو، مرستې او ورزشي لوبو په چوکاټ کې د ښځو د جذب لپاره جوړیږي.

همدا اوس د بېلا بېلو موضوعاتو په اړه زرګونه بنسټونه جوړشوي دي. هغه بنسټونه چې یوازې مرسته کوونکو ته غوږ دي او د هغوی موخې تعقیبوي؛ لکه: اروپایي ټولنه، نړیوال بانک، امریکایي اقتصادي بنسټ (USAID)  او داسې نورې موسسې.

باید ووایو چې په فلسطیني ټولنه کې دغه خیریه بنسټونه د ښځو لپاره عملي او واقعي پروګرامونه نه لري. دغه موسسې پر رسمي موضوعاتو لکه: تاوتریخوالی، ژر واده کول، مساواتو او نورو مسایلو تمرکز کوي. په حقیقت کې دا داسې ستونزې نه دي، چې د ښځو پر ژوند یې دې اغېز کړی وي. دا بنسټونه پر داسې پروګرامونو کار کوي، چې پر جنسیت پورې اړه لري او له غربي مفهوم سره سم د ښځو پر ازادۍ او حقونو تمرکز کوي؛ لکه: جنسیتي مساواتو ته لاسرسی، د پوهې د لوړوالي لپاره د زده کړې پروګرامونه، چې د ښځو د مهارتونو او تجروبو د زیاتوالي لامل شي او د ښځو د خپلواکۍ ساتل، چې د نرانو له سرپرستۍ څخه راووځي. دغه راز غواړي ښځې له غربي مفاهیمو سره سمې د خپلو حقونو غوښتلو ته تشویق کړي.

دا حالت یوازې په غربي برخه کې نه دی، بلکې په غزه کې هم د ښځو اړوند لسګونه خیریه بنسټونه او مرکزونه شته، چې د غرب په مرسته او ملاتړ جوړ شوي دي. هغه مرکزونه چې له خپلو شخصي ګټو پرته بل هېڅ موخه نه لري، نه غواړي ډېر کم خیر هم مسلمانانو ته ورسیږي. له دې ډلې، د فلسطین د ښځو اتحادیه، د ښځو کمېټه، د ښځو د پرمختګ او مطالعاتو د پراختیا بنسټ، د ښځو د چارو مرکز او د العطا خیریه بنسټ، چې دغه لوبې د دوی په څارنه جوړېږي. که څه هم دغه لوبې په ښکاره د نجونو د تفریح او خوشحالۍ لامل ښکاري، خو په حقیقت کې هغه پروګرامونه دي، چې د فلسطین مبارکې خاورې د نجونو د فاسدولو لپاره جوړې شوي دي. دغه لوبې په حقیقت کې د غربي فاسد فرهنګ عامول، د اسلامي مفاهیمو او احکامو پر وړاندې لویه ضربه او د نجونو د حیا او شرم د مخنیوي له منځه وړل دي. دغه راز د نڅا د لوبو یا د دبکه (د منځنۍ اسیا په هېوادونو کې یو ډول نڅا ده) په لور یو ګام دی. همداراز د موسیقۍ او  مُد (ډول) وړاندې په دې پلمه کوي، چې دوی د فلسطین د میراثونه ژوندي ساتي. د فلسطین له قضیې ملاتړ کوي او نړیوالو ته یې په متمدن ډول او له تاوتریخوالي پرته څرګندوي. 

موږ پوهیږو چې د نجونو او ښځو ورزش او فعالیتونه به له شریعت سره په ټکر کې نه وي، خو هغه څه چې په شریعت کې منعه دي، هغه جنسیتي اختلاط او د عورت لوڅول دي. په دې مانا که چېرې د سندرو ویل، د منډو وهلو لوبې او د نجونو دبکه، د ښځو په ځانګړي ځای کې وي له شریعت سره ستونزه نه لري. نو موږ به ولې د ښځې ازادي له اسلامي شریعت سره په مخالفت کې اچوو؟!

ښځې کولی شي زده کړې او کار وکړي، سوداګریز شرکتونه او موسسې مدیریت کړي. د ټولنیزو، فرهنګې او اقتصادي ادارو په خدمت کې ګډون وکړي. خو د هغه مشروعیتونو په چوکاټ کې چې غیرتي پروردګار یې ورکړي دي، نه د انسانانو له خوا په ورکړل شویو مشروعیتونو کې. اسلام د ښځو لپاره سخت دریځه او ناعادلانه نه دی. ښځې کولی شي تفریح او ورزش وکړي. ښځې کولی شي یو بل ته خپل ښایست، جامې او سینګار وښيي، په داسې حال کې چې نران نه وي. اسلامي شریعت په وخت او ځای پورې محدود نه دی. تمدن او پرمختګ له اسلام سره ستونزه نه لري؛ بلکې موږ د اسلام خلاف روان یو، ځکه له دا ډول ستونزو سره مخ شوي یو.

نو دا پوښتنه رامنځته کېږي، چې ایا د دا ډول فعالیتونو مخه نیول د غزې تړانګې د مسوولینو دنده نه ده؟! په داسې حال کې چې په غربي برخه کې د دغو بنسټونو فاسدوونکي او وبجاړوونکي فعالیتونه په خپلو سترګو ویني. ایا د غرب او د هغوی د سازمانونو د رضایت په پرتله دا ښه نه ده، چې خپله ټولنه له فساد او اخلاقي رذالتونو څخه وساتل شي؟ دا په ښځو پورې اړوند حرکتونه، سازمانونه او بنسټونه، چې په پټه او ښکاره هر څه کوي، یوازې د ملاتړ کوونکو په خدمت کې دي. هغه ملاتړي چې تل د اسلامي امت د فاسدولو په هڅه کوي. غواړي د امت ټولنیز بنسټ یې خراب کړي، خلک یې بې‌‌اتفاقه او په کوچنیو ډلو  ووېشي. څو په دې سره د مسلمانانو له بېدارۍ او په پایله کې د اسلامي دولت د بیا تاسیس مخه ونیسي. هغه دولت چې د رسول الله صلی الله علیه وسلم د تګلارې انځور وړاندې کوي. انشاء الله، چې الله سبحانه وتعالی به مو یې ډېر ژر شاهدان کړي.

لیکواله: مسلمه الشامي

ژباړن: حبیب الله

د مطلب ادامه...

د حزب التحریر د وېبپاڼو وروستي لنډمهاله بندول Featured

د دښمنانو له ټولو هغو هڅو او دسیسو سره سره چې غواړي د خلافت فکر د مسلمانانو له ذهنونو څخه لرې کړي، دغه فکر په اسلامي امت کې په خورا لوړه کچه عام شوی. "د خلافت د بیا تاسیس غوښتنې" د غربي دولتونو ټول سیاسي او فکري سازمانونه له لویې اندېښنې سره مخ کړي دي، دوی پوره هڅه کوي چې عامه ذهنونو ته د دعوت د سپېڅلي فکر د رسېدلو مخنیوی وکړي.

هغه "تخینکي تجارتي" شرکتونه هم د دښمن له کاروان سره یو ځای شول چې تل یې د بې پرېتوب ادعا کړې ده! دغه شرکتونه د هغو دولتونو سیاسي الې دي، چې په ښکاره د خلافت له مفکورې سره دښمني کوي. د  Cloudflare شرکت )له کلونو خدمت وروسته)، اوس Stackpath شرکت هم ناڅاپه د حزب التحریر له وېبپاڼو څخه له کومې خبرتیا پرته د DNS، د وېبپاڼې د خونديتوب او منځپانګې سپارلو خدمتونه بند کړل. له همدې امله په تېرو دوو میاشتو کې دوه ځله دغه وېبپاڼې بندې شوې. زموږ وېبپاڼې هغو شرکتونو بندې کړې وې، چې د خوندې کولو ژمنه یې کړې وه؛ نو دا څه ډول درغلي او خیانت دی!؟

د مسلمانانو د مشهور دښمن او د سپینې ماڼۍ د اوسني مشر ډونالډ ټرمپ ذهنیت د خپلو ژمنو خلاف ښکاري. داسې معلومېږي چې د ده ذهنیت په دغو دوو شرکتونو کې پوره نفوذ کړی وي او ښايي دا په امریکا کې نورو تجارتي او تخنیکي شرکتونو ته د دغه نفوذ د تګ پیل وي.

د خپلو غلطیو د توجیه لپاره لومړي شرکت د حزب التحریر ناقانونيتوب پلمه کړی او دویم شرکت یې بیا د بندیدلو علت له منل شوو اصولو او تګلارو څخه د حزب التحریر سرغړونه بللې ده!

پر دې سربېره چې موږ دواړو شرکتونو ته د دوی د کړنو په اړه پوره ثبوتونه او اسناد وړاندې کړل او   دوی ته مو ثابته کړه چې حزب التحریر یو سیاسي او فکري حزب دی. دغه حزب د نړۍ په ډېری هېوادونو کې فعالیت کوي. په ډېرو مشهورو ښارونو کې کنفرانسونه ترسره کوي، میدانونو ته راوځي او خپل فکر په ټولنو کې خپروي. دا کومه جنګي ډله نه ده، له تېرو اوو لسیزو راهیسې په خپله ثابته تګلاره پېژندل شوې ده او په ډېرو لویو نړیوالو ارشیفونو کې د سیاسي ماخذ په توګه ذکر شوې ده.

موږ دواړو شرکتونو ته په ډاګه کړه، چې حزب التحریر کوم ناقانونه حزب نه دی، د نړۍ په ډېرو لویو هېوادونو کې فعالیت لري؛ پرته له هغو هېوادو چې په نړیواله کچه دیکتاتوران یادیږي او په خپلو هېوادونو کې د هر ډول سیاسي فعالیت مخه نیسي، لکه د منځني ختیځ ځینې هېوادونه.

همداراز موږ دوی ته وښوده چې حزب التحریر په ښکاره او قانوني توګه په هغه هېواد کې هم فعالیت کوي، چې دغه دوه شرکتونه پکې دي.

د پورتنیو ټولو ثبوتونو پر وړاندې دغو دوو شرکتونو موږ هغه قانوني دېپارتمنت ته واستولو، چې د خپل اېمیل ادرس تر شا ورک دي. یوازې پیغام، نیوکې او پوښتنې تر لاسه کولای شي، خو ځواب نه ورکوي او دا په حقیقت کې له دسیسوي چوپتیا پرته بل څه نه دي.

دا د ډونالډ ټرمپ د ښکاره دښمنۍ او خیانت فکر دی، داسې معلومیږي چې دغه فکر یادو شرکتونو ته نفوذ کړی او د دوی لخوا ورسره منل شوی دی. ځکه هغه شرکتونه څنګه د خپل هېواد له قوانینو څخه د سرغړونې جرات کولی شي؟! په داسې حال کې چې مرکزي دفترونه یې په امریکا ( هغه هېواد چې په قانون او قضاوت باندې خورا مشهور دی) کې دي. دوی به څنګه د داسې کار جرات کړی و؟ له دې څخه ښکاري چې د دوی ولسمشر د خیانت په تړاو هېڅ څرګند فکر نه لري او پر خپلو ژمنو نه درېږي.

دا په واقعت کې د نبوت پرتګلاره د خلافت د تاسیس ضد کمپاین دی. له دې څخه ښکاري چې دوی په فکري توګه ماتې خوړلې او اوس هڅه کوي چې زموږ مخه ډپ کړي او د حزب التحریر د قوي، نېغې او سپېڅلې ایډیالوژۍ مخنیوی وکړي.

حزب التحریر د هغو رښتینو او مخلصو مسلمانانو ډله ده، چې د الله سبحانه و تعالی دغه امر ته یې لبیک ویلی دی:

﴿وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُولَٰئِكَ هُمُ الْمُفْلِحُونَ

[ ال عمران:۱۰۴]

ژباړه: په تاسو کې باید یوه ډله هرو مرو داسې وي چې نیکۍ ته بلنه وکړي؛ په ښو امر وکړي او له بدو منعه وکړي. څوک چې دا کار وکړي، هغوی به بریالي وي.

دغه ډله نن ورځ له اوو لسیزو ثابت پاتې کېدو وروسته له ملت څخه په یوه امت بدله شوې ده. دا ډله اوس له خپلې ثابتې تګلارې څخه خبره ده او د یوه لوی او عظیم امت په منځ کې د خلافت د زرینو ورځو په هیله کار کوي.

د امریکا د دولت او د هغې د بدنیتو او تخریبوونکو مرستیالانو کمپاین د دوی فکري ماته (افلاس) ښيي. دا د دوی د ماتې ښکاره ثبوت دی، چې غواړي زموږ خولې وتړي او د حزب التحریر د قوي، نېغې، ښکاره او سپېڅلې ایډیالوژۍ مخه ونیسي. د وېبپاڼو بندېدل به هېڅکله هم حزب التحریر د هغه دعوتګر، مخلصین او ملاتړي کمزوري نه کړي. د الله سبحانه وتعالی په مرسته د دوی شمېر ورځ تر بلې ډېرېدونکی دی، الله سبحانه وتعالی فرمایې:

﴿وَقَدْ مَكَرَ الَّذِينَ مِن قَبْلِهِمْ فَلِلَّهِ الْمَكْرُ جَمِيعاً يَعْلَمُ مَا تَكْسِبُ كُلُّ نَفْسٍ وَسَيَعْلَمُ الْكُفَّارُ لِمَنْ عُقْبَى الدَّارِ

[رعد:۴۲]

ژباړه: له دوی څخه مخکې چې کوم خلک تېر شوې دي، هغوی هم غټ غټ چلونه کړي دي. خو د اصلي پرېکړې تدبیر په ټوله معنا یوازې د الله سبحانه وتعالی په لاس کې دی. هغه پوهېږي چې څوک به څه و ګټي او د حق منکران به ډېر ژر پوه شي، چې پایله د چا په ګټه تمامیږي.

انجنیر صلاح الدین عضاضه

د حزب التحریر مرکزي مطبوعاتي دفتر مشر

د صدور ګڼه: 

 

د مطلب ادامه...

د یوسف چهاد پر واک د پاتې کېدو دومره وخت نه دی پاتې؛ خو بیا هم خلک له پامه غورځوي! Featured

  • خپور شوی په تونس

 (ژباړه)

د ولسمشریزو ټولټاکنو له لومړي پړاو لږ وخت وروسته په لومړۍ دولتي غونډه کې چې په کصباح کې وشوه، لومړي وزیر یوسف چهاد وویل چې د تونس په جنوب نوارا سیمه کې به د ۲۰۱۹م کال په نومبر کې تولیدات پیل شي، چې د هېواد ۵۰ سلنه د ګازو او ۲۰ سلنه د نفتو لګښت به خوندي کړي.

که څه هم د پروژې د نیمې برخې مالکیت اتریشي کمپنۍ OMV لري. د پروژې ګټه چې لومړي وزیر یوسف چهاد یې یادونه وکړه، لکه د انرژۍ په کمښت کې ۴۰ سلنه ښه والی او همداراز د سوداګرۍ د عاید د کسر ۷ سلنه ښه والی، دا تاییدوي چې تونس پراخه شتمني او د انرژۍ ډېرې لویې زېرمې لري، په داسې حال کې چې دا حقیت تېرو پرله‌پسې رژیمونو نه مانه.

موږ نه پوهېږو چې لومړي وزیر یوسف چهاد ولې موږ ته ونه ویل چې په هېواد کې د ګازو او نفتو پراخه سیمې د تېرو دولتونو له لوري بهرنیو کمپنیو ته سپارل شوې، لکه د میسکار سمیه چې سل سلنه مالکیت یې په ۱۹۹۸م کال کې «British Gas» ته ورکړل شو او د دغه کار پایله د انرژۍ په توازن کې کسر و. د تونس خپل تولید په کال کې ۶۰ سلنه د اړتیا وړ انرژي برابرولی شي او دغه سیمه په ورځ کې ۱۰ میلیون متر مکعبه طبعي ګاز تولیدوي. تونس اوس د خپلې اړتیا وړ ګاز او برېښنا په پېرلو باندې د هېواد له بودیجې څخه ملیونونه ډالر لګوي. کوم سالم عقل لرونکی انسان به دا ومني چې د هېواد د تولید په پېرلو باندې دومره غټې پیسې ولګول شي!؟ څنګه بهرنۍ کمپنۍ کولی شي چې زموږ خپله شتمني واخلي، هغه شتمني چې اصلاً عامه ملکیت دی چې باید د دولت له لوري خلکو ته منظم په پیسو یا د خدماتو په چوکاټ کې ووېشل شي!؟

اې د الزیتونه هېواد مسلمانانو!

موږ پوهېږو چې د استعمارګرو د لاسونو لنډول او زموږ د شتمنۍ بېرته راوړل د دغو کمزورو او غلامو حکامو د وس خبره نه ده. دا دولتونه خو دومره نه شي کولی چې په ارزانه بیه د خوړو مالګې د استخراج قراردادونه بدل کړي چې د استعمار له پیل راهیسې استخراجېږي، بهرنۍ کمپنۍ خو بيخي نه شي ایستلی او نه زموږ شتمني خوندي کولی شي. دا کار یوازې هغه څوک کولی شي چې خپل دین ته مخلص او له خپل امت سره تړلي وي. موږ، په حزب التحریر کې ستاسو وروڼه، له ټولو - هغو کسانو چې ځوانمرده دي او د عزت او شرافت احساس لري - غواړو چې د هېواد د شتمنۍ دغه لوټول ودروي. همداراز تاسو ته خبر درکوو چې خلافت به – که خدای غوښتل ژر به تاسیس شي - د عزت او شرافت مقامونه هېر نه کړي، له تاسیس کېدو وروسته به یې هر څومره ژر چې کېږي د بهرنیو کمپنیو ریښې وباسي او بیا به هېڅکله دې خواته د راتلو جرات ونه کړي. همداراز به د هېواد ټول کانونه، نفت، ګاز او نور عامه ملکیت ستاسو د ګټې لپاره هم د تولید له اړخه او هم په مارکېټ کې د دولت له لوري سم وڅاري او پیسې به یې په صنعت کې ولګوي. په ځانګړي ډول د ماشنونو په صنعت کې چې د کرنې په برخه او نورو برخو کې اسانتیاوې برابرې کړي، پوځ به پرې پیاوړی کړي او د بشري سرچینو په باسواده کولو کې به ګټه ترې واخلي. 

الله سبحانه و تعالی فرمایي:

 ﴿وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ

[حدید: ۲۵]

ژباړه: او اوسپنه مو راکوزه کړه چې په هغه کې ډېر زور او د خلکو لپاره ګټې دي. دا د دې لپاره شوي چې الله (سبحانه و تعالی) معلومه کړي چې څوک د هغه له لیدلو پرته د هغه او د هغه د پیغمبرانو مرسته کوي. بېشکه چې الله (سبحانه و تعالی) ډېر قوي او برلاس دی.

حزب التحریر-ولایه تونس مطبوعاتي دفتر

د مطلب ادامه...

امریکا غواړي د غولونکي «دفاعي مرستو تړون» تر نامه لاندې پر بنګله دېش خپله ولکه ټینګه کړي

اې مسلمانانو د حسینې مخه ونیسئ، چې دنده یې د امریکایي شیطاني دسیسو بشپړول دي!

امریکا غواړي په سویل او سویل ختیځه اسیا کې د خپل واک د پیاوړي کولو په موخه له بنګله دېش سره د دوه اړخیزه لاسته راوړنو او همکاریو (ACSA)  تر نامه لاندې د «دفاعي مرستو تړون» او د عمومي امنیت په تړاو د نظامي معلوماتو (GSOMIA)  اوږد مهاله تړونونه ولري.

د دغې موضوع په اړه د بنګله دېش-امریکا ترمنځ خبرې له اوږدې مودې راهیسې روانې دي. د حسینې دولت وایي، چې تړونونو ته په کتو سره به یو څه وخت ونیسي، څو یوې ښې هوکړې ته ورسېږو. واقعیت دادی چې حسینې د یو ګوډاګۍ واکمنې په توګه له وړاندې خپلو امریکایي بادارانو ته غاړه اېښې ده. اوس غواړي د ځينو مجلسونو او بحثونو د سمبالولو له لارې خپلې کړنې سمې وښیي. حسینه په ۲۰۰۸م کال کې د امریکا، انګلستان، او هند په مرسته واک ته ورسېده. دې له همغه وخت وروسته خپلو امپریالست، کافر-مشرک بادارانو ته په خدمت کولو پیل وکړ. د نړۍ جیو پولیټیکي واقعت ته په کتو سره امریکا هڅه کوي، چې د بنګله دېش په خاوره خپل دفاعي اسلوب پیاوړي کړي، څو په سیمه کې د چین او نږدې راتلونکي خلافت (رښتنی خلافت) مخه ونیسي. له شک پرته حسینه د امریکا له خوا په دې ګومارل شوې، چې له دوی سره د دفاعي مرستو تړون ولري او دا د خپل  دغه ماموریت د بشپړولو لپاره مخ پر وړاندې روانه ده.

اې مسلمانانو! له هغې جنایتکارې امریکا سره د دفاعي مرستو یا نورو تړونونو اجازه مه ورکوئ، چې لاسونه یې په عراق، سوریه او افغانستان کې ستاسو د وروڼو او خویندو په وینو سره دي. تاسو خو خبر یاست چې امریکا د اسلام پر ضد جګړه کوي، د څو لسیزو راهیسې په ډېره بې رحمۍ سره په ټوله نړۍ کې مسلمانان وژني او شتمنۍ یې لوټوي. په داسې حال کې به موږ څنګه له خپل اصلي دښمن سره د دفاعي مرستو د تړون فکر وکړو؟ دا ډول تړونونه د بنګله دېش خلکو ته له سپکاوي او بېوزلۍ پرته بل څه ورکولی شي؟

امریکا دغه تړونونه پر موږ د ولکې او کنټرول د پیاوړي کولو په موخه کوي، په داسې حال کې چې زموږ سېکولر او ډيموکراټ چارواکي د خپل ملت په اړه هېڅ فکر نه کوي. دوی د تېرو څو لسیزو راهیسې یوازې د دښمنانو پلانونه پلي کړي او زموږ واک او صلاحیت یې غربي امپریالستانو او په سیمه کې د هغوی متحدینو (هند) ته سپارلی دی. تاسو باید دغه سېکولر ډېموکراتیک نظامونه له منځه یوسئ، ځکه داسې خاینین واک ته رسوي، چې زموږ ګټې د امپریالستانو د ګټو د خوندېتوب قرباني کوي.

اې د فوځ رښتینو افسرانو! تاسو باید له کفري دولتونو او د الله سبحانه وتعالی له ښکاره دښمنانو سره مرسته ونه کړئ. دغه تړونونه د امریکا د اړتیا او ګټو د خوندي کولو په موخه شوي دي او زموږ خلکو ته له سپکاوي پرته بل څه نه شي ورکولی. په یاد ولرئ! الله سبحانه وتعالی په ګناه او تجاوز کې له لاس درلودلو څخه منعه کړي یو. د حسینې لاسپوڅی دولت له منځه یوسئ او حزب التحریر ته د نبوت پر تګلاره د دویم راشده خلافت د تاسیس په موخه خپل نصرت (مادي ملاتړ) وسپارئ، ځکه همدا ستاسو اسلامي مکلفیت دی. خلافت به یو پیاوړی فوځ جوړ او پر ټوله نړۍ به خپل اېډیالوژیکي حاکمیت واکمن کړي. خلک به د غربي امپریالستانو له ظلم او بې عدالتۍ څخه وژغوري. پر بنګله دېش باندې به د غرب او نورو کفارو واکمني ختمه کړي او امت به بېرته خپل زوړ وقار او برم لاسته راوړي، انشاالله.

﴿وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ‏﴾

[مائده:۲]

ژباړه: د نیکۍ او خدای پالنې په کارونو کې له هر چا سره مرسته وکړئ او په ګناه او ناوړه کارونو کې د هېچا ملاتړ مه کوئ. له الله سبحانه وتعالی څخه وډارشئ، ځکه د هغه سبحانه وتعالی عذاب ډېر سخت دی.

د حزب التحریرـولایه بنګله دېش مطبوعاتي دفتر

د مطلب ادامه...

امریکا او د هغې لاسپوڅي افغان دولت ته د افغانو ښځو او ماشومانو وینه ارزښت نه لري Featured

افغان او امریکایې ځواکونو د سپټمبر د میاشتې په ۲۲مه د هلمند ولایت د موسی کلا په ولسوالۍ کې  د واده پر مراسمو  برید وکړ. په یاد برید کې لږ تر لږه ۴۰ ملکي وګړي مړه او ۱۸ نور ټپیان شول. ګډ ځواکونه ادعا کوي چې برید یې د طالبانو پر پټنځای کړی دی، په داسې حال کې چې د هلمند د ولایتي شورا غړی عبدالمجید اخنزاده وایي، چې د وژل شوو ډېری برخه ملکي وګړي دي. د امریکایي بې پیلوټه الوتکې دا وژونکی برید له هغه برید وروسته کیږي، چې د سپټمبر په ۱۹مه یې د افغانستان په ختیځ ولایت ننګرهار کې شاوخوا ۷۰ بې ګناه بزګران مړه او پټیان کړل.

له تېرو څو میاشتو راهیسې د طالبانو پر وړاندې د افغان امنیتي او ښکېلاکګرو ځواکونو په عملیاتو کې  د ملکي وګړو مرګ ژوبله خورا ډېره شوې ده. د ملګرو ملتونو د جون د۳۰مې په راپور کې راځي، چې د روان کال په لومړیو ۶ میاشتو کې د امریکایي او افغان ځواکونو په عملیاتو کې ۷۱۷ ملکي وګړي وژل شوي دي. دا د نورو وسلوالو ډلو له خوا د وژل شوو ملکي وګړو په پرتله ډېر دي.

د مسلمانانو د وینو توېدلو پر وړاندې د امریکا بې پروایي د حیرانۍ وړ نه ده، ځکه جنایتکاره صلیبي امریکا خپلې استعماري، سیاسي او اقتصادي ګټې د مسلمانانو د وینو تویولو په بیه خوندي کوي او دا ورته کوم لوړ قېمت نه دی، ځکه موږ یې په افغانستان، عرق او سومالیا کې شاهدان یو. تر ټولو دردوونکې خبره دا ده، چې افغان ځواکونه له ښکېلاکګرې امریکا سره اوږه په اوږه په سیمه کې د واشنګټن د اجنډا د پلي کولو لپاره خپلې میندې، خویندې، لوڼې او ماشومان وژني. په ۲۰۰۱م کال کې د امریکا له نیواک راپدېخوا د افغان چارواکو موخه د خلکو خدمت نه، بلکې د خپل واک، شخصي ګټو او د امریکایي بادارانو د ګټو خوندي کول وو. د دغو ټولو وژنو پر وړاندې د ولسمشر غني غبرګون ډېر مایوسوونکی و، د دې پرځای چې د دغو وژنو په تړاو امریکا پالیسي او له هغې څخه خپل ملاتړ وغندي، په ډېرې ساده ګۍ سره یې په نظامي عملیاتو کې د پاملرنې غوښتنه وکړه. امریکایي ځواکونو له تېرو ۱۸ کلونو راپدېخوا د افغان دولت او چارواکو په مرسته په دغه خاوره کې د وینو ویالې بهولې، زموږ خویندې یې سپکې کړې او د خلکو پر وړاندې یې په پوره جرات او قوت سره ویجاړي، ترور او  جرمونه کړي دي.

په افغانستان کې به تر څه وخته ښځې، ماشومان او نور بې ګناه ملکي وګړي د ښکېلاکګرو د بې رحمه لاسوهنو قرباني کېږي؟ ځمکه د دوی وینو او اوښکو په سر اخیستې! زموږ د افغانو خویندو او ماشومانو قیمتي وینه څومره بې ارزښته شوې ده! د دوی مړینه په احصایوي شمېرو کې نه نیول او یوازې د ښکېلاکګرو اجنډاوو د خوندي کولو په موخه ترې کار اخیستل کېږي. سربېره پردې د سپټمبر ۲۸مې ټاکنې د افغانستان خلکو ته کومه لاسته راوړنه نه لري. دوی د امریکا تر واک لاندې رژیم ته څنګه رایه ورکولی شي؟ موږ شاهدان یو، چې دا ډول ټاکنې یوازې د امریکایي لاسپوڅو او ګوډاګیانو واک ته د رسېدو په موخه کیږي، په داسې حال کې چې د خلکو کړاو او ناهیلي ورځ تربلې ډېرېږي. دا ډول ټاکنې له ماتو شوو ژمنو، دروغجنو هیلو، غولونو او د خلکو تر منځ د بې اتفاقۍ او تاوتریخوالي له اچولو پرته بل څه نه دي. ناامني، مرګ، ویجاړی، بېوزلي، بیکاري، فساد او ناوړه روغتیایي او زده کړه ییز نصاب لا هم د خرابۍ په لور روان دي.

په افغانستان کې به د مسلمانانو وینه تر هغه بهېږي، څو چې د امریکایي ښکېلاکګر او د هغوی د غربي مرستندویانو او لاسپوڅو نظامونو ریښې له بیخه ونه ایستل شي. دا یوازې هغه وخت امکان لري، چې د نبوت پر تګلاره اسلامي خلافت تاسیس او د هر بهرني قوت او دولت لاسوهنې او نفوذ ختم شي. دا به د نړۍ تر ټولو لوی سیاسي، اقتصادي او نظامي قوت وي، چې له خپلو وګړو څخه به ساتنه کوي. د مسلمانانو په خاوره کې به د رښتیني سولې او ټیکاو ټینګولو ته ژمن وي او ټوله نړۍ به د اسلام په نور روښانه کړي.

﴿تَرَى كَثِيرًا مِّنْهُمْ يَتَوَلَّوْنَ الَّذِينَ كَفَرُواْ لَبِئْسَ مَا قَدَّمَتْ لَهُمْ أَنفُسُهُمْ أَن سَخِطَ اللّهُ عَلَيْهِمْ وَفِي الْعَذَابِ هُمْ خَالِدُونَ

[مائده:۸۰]

ژباړه: ته نن ورځ له هغوی څخه ډېری داسې خلک وینې، چې د مومنانو پر ضد د کفارو ملاتړ او ملګرتیا کوي. په رښتیا هم دا حالت چې خپلو نفسونو ورسره مخ کړي، د دوی لپاره ناوړه پایلې لري. دا چې الله سبحانه وتعالی ورباندې په غضب شوی، نو دوی به په تلپاتې عذاب کې وي.

ډاکتر نسرین نواز

د حزب التحریر مرکزي مطبوعاتي دفتر د ښځو د څانګې رییسه

د مطلب ادامه...

د حسینې تش په نامه چاڼیز عملیات د هېڅ درد درملنه نشي کولی او یوازې خپل ناوړه تصویر پر پاکوي

که غواړئ بنګله دیش له فساد څخه وژغورئ، نو د حسینې پر ضد د راشده خلافت د تاسیس له هڅو سره یو ځای شئ

شیخ حسینه د خپل حکومت د پرمختګ او د ګوند د ناوړه تصویر په پاکولو سره، په خپل ګوند کې د ننه د فساد پر وړاندې تش په نامه ګډوډ تصفیوي عملیات پیل کړل، چې یوه بېلګه یې د ډاکه ښار په سپورټي کلپونو کې د ناقانونه قمارخونو پر ضد ګام اخیستل وو. د جوبا لیګ (د حاکم عوامي ليګ د خویندو سازمان) څو مشران له ناقانونه قمارخانو سره د سوداګرۍ په تړاو ونیول شول.

دا ګامونه هغه وخت پورته شول، چې فساد د حکومت بېلا بېلې پروژې له ماتې سره مخ کړې:

  • د برېښنا په یوه فابریکه کې د هر بالښت بیه ۶ زره تاکا ده.
  • په یو دولتي روغتون کې د ICU د هر تخت پوښ بیه ۳.۷۵ میلیونه تاکا ده.
  • د کاغذونو د هر ډبلي بیه ۱۰۰ زره تاکا ده.
  • د ریل ګاډي د پټلۍ په یوه پروژه کې د هرې تختې بیه ۵۰۰ زره تاکا ده.
  • د هر مهر لاک بیه ۳۰۰ زره  تاکا ده.
  • د یوه کلینر تنخوا ۴۰۰ زره تاکا ده.

له شک پرته، د حسینې تش په نامه پرمختیايي پروژې له چور او چپاول پرته بل څه نه دي. دا ټولو ته ښکاره ده چې د دې د ډلې ټول کسان په ژور فساد کې ښکېل دي. د خلکو غوسه او خپګان د اور په څېر لمبې وهي. په داسې وضعیت کې حسینه غواړي د ډرامې په څېر د فساد پر وړاندې ودرېږي، څو خپل فساد پټ او خلک دوکه کړي. د خویندو سازمان حاکم ګوند یو څو مشران د ورانکارو پرازیټونو په توګه یاد شوي، په دې سره به حسینه له خپلې ناوړه واکمنۍ بښنه وغواړي، خپل ناوړه تصویر به پاک کړي او د همدې ډرامې هېرو (اتله) به شي.

اې مسلمانانو! د حسینې په څېر دوکه ورکوونکې واکمنې څخه غوره تمه کېدای شي؟ پلار یې هم، چې ځان د «امت پلار» بولي، د خپل مفسد تصویر د پاکولو لپاره یې همداسې پر خلکو تورونه لګول: «د هېواد له خپلواکۍ وروسته هر څوک د طلا کان تر لاسه کوي، په داسې حال کې چې ما د غلو کان تر لاسه کړ!! زما په ښي اړخ کې غله، په چپ اړخ کې غله، په شا کې غله، په مخکې غله، غله او غله...!!» د خپلواکۍ تر جګړې وروسته د وچکالۍ په لړ کې د ده دوه زامنو ودونه وکړل او د طلا تاجونه یې پر سر کړي وو، په داسې حال کې چې زرګونه وګړي له لوږې مړه کېدل!

ایا پرازیټونه او مزدوران به د تش په نامه سېکولر ډيموکراټیکې واکمنۍ لاندې وده ونه کړي؟ ایا فساد، ګډوډي، مخدره توکي او قمار خونې به د سیکولر ډیموکراټيکې واکمنۍ لاندې پراختیا ونه مومي؟ سېکولر نظام، چارواکو ته اجازه ورکوي چې د الله سبحانه وتعالی د حکم پر ځای له خپل صلاحیت څخه په قانوني توګه ګټه واخلي، چې په پایله کې یې مفسد او حریص کسان سیاست ته رادانګي. یاد کسان بیا قانون ته مشروعیت وروبښي، خپلې ګټې او شتمنۍ د زور په وسیله ساتي لکه، له پارلمان څخه په ګټې اخیستنې سره پټ پورونه او د بانکي غلو ګټې خوندي کوي. دغه ستر قدرت د یوې سترې ونې په څېر شاوخوا ساحه تر خپل کنټرول لاندې راولي، چې پرازيټي ډلې ترې لاندې د خوندي کېدو ځای مومي او وده کوي. موږ اړتیا وینو چې حسینه او د هغې د قدرت سرچینې لکه، سېکولر ډيموکراټيک نظام باید له منځه لاړ شي، ځکه په دې سره به فساد او ګډوډۍ ختمې او د فحشا او منکر مخه به ونیول شي. الله سبحانه وتعالی د حسینې په څېر چارواکو په اړه فرمایي:

﴿وَمَن لَّمْ يَحْكُم بِمَآ أنزَلَ ٱللَّهُ فَأُوْلَـٰئِكَ هُمُ ٱلظَّالِمُونَ

[المائده: ۴۵]

ژباړه: هر هغه کسان چې د الله سبحانه وتعالی له نازل کړي قانون سره سمه پرېکړه ونه کړي، ظالمان دي.

اې مسلمانانو! یوازې خلافت دغه فساد له منځه وړلی شي. په خلافت کې، خلیفه قوانین نشي جوړولی او شریعت له وړاندې ښودلې چې دولت څه ډول خپلې سرچينې راټولې او وسپمولی شي. مانا دا چې په هغه حالت کې به مفسد کسان نه غواړي چې قدرت ته راشي، ځکه په اسلام کې چارواکي قوانین نه شي جوړولی، بلکې دوی یوازې هغه قوانین کوي، چې مخکې په قران او سنتو کې بیان شوي دي. دویم، اسلام امر کوي چې د چارواکو شتمنۍ باید قدرت ته له رسېدو او پرېښودو وړاندې معلومې وي. که چېرې د چارواکو مال په نامنظم ډول ډېر شي، هغه ترې اخیستل کېږي او بیت المال (د دولت خزانه) ته سپارل کېږي. د حضرت عمر رضی الله تعالی عنه د خلافت پرمهال به چې هغه والیان ګومارل، نو پر دنده له ګومارلو او ګوښه کولو وړاندې به یې د هغوی شتمنۍ اندازه کولې؛ که ډېره شوې شتمني به یې ترې اخیسته او د دولت خزانې ته به یې سپارله. د خلافت دولت تر ۱۴۰۰کلنې واکمنۍ لاندې دا ډول ډېرې بېلګې موندلی شئ.

نو، اې مسلمانانو! پام مو وي، چې نور مو باید اوسني مفسد نظامونه دوکه نه کړي او خپله موخه باید یوازې د راشده خلافت تاسیس وګرځوئ. په دې سره به د نړۍ له نورو مسلمانانو سره یو ځای بنګله دېش هم له فساد څخه وژغورئ او د نبوت پر اساس د راشده خلافت د تاسیس لپاره له هغو سیاسي هڅو سره یو ځای شئ، چې مشري یې حزب التحریر پر غاړه لري.

الله سبحانه و تعالی فرمايي:

﴿وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا

[الاسراء: ۸۱]

ژباړه: او اعلان وکړه چې؛ حق راغی او باطل له منځه لاړ، په رښتیا هم چې باطل له منځه تلونکی دی.

د حزب التحریر-ولایه بنګله دیش مطبوعاتي دفتر

د مطلب ادامه...

د اکټوبر اومه؛ په افغانستان کې اشغال او ډيموکراسي له سختې ناکامۍ سره مخ شوي دي!

خبر:

د اکټوبر اومه د افغانستان د اشغال او یرغل له ۱۹مې کلیزې سره سمون لري. ۱۸ کاله وړاندې امریکايي او ناټو ځواکونو افغانستان د بشري حقونو، د ښځو حقونو، دولت جوړونې، ملت جوړونې او افغانانو ته د ډیموکراسۍ راوړلو تر شعارونو  لاندې له «ترورېزم» سره د مبارزې په پلمه اشغال کړ. د ډيموکراسۍ د ۱۸ کلونو په تېرېدو افغانانو د پورتني هېڅ شعار عملي کېدل تجربه نه کړل، حتی د امریکايي ترورېزم ګواښ له خلکو څخه د ۱۸ کلونو په پرتله په ځلونو زیاته قرباني اخلي. امریکا، ناټو او مزدور چارواکي یې له یوې خوا له مخکینیو «ترورېستانو» سره د سولې پروسې ته دوام ورکوي او له بلې خوا يې د جمهوري ریاست ټاکنې ترسره کړې.

تبصره:

باید په ډاګه او پوره جرات سره ووایو چې ډيموکراټيک ارزښتونه د افغانستان مسلمانو او مجاهدو خلکو په ټولیز ډول رد کړي دي. نو د ډيموکراټيک نظام د دوام لپاره یې په تدریجي ډول د جمهوري ریاست په ټاکنو کې خپله ونډه کمه کړې ده. لکه څنګه چې په دې ډيموکراټيکه پروسه کې د خلکو د ګډون شمېرې ښيي، چې په ۲۰۰۴ کې ٪۸۴، په ۲۰۰۹ کې ٪۳۹، په ۲۰۱۴م کې ٪۳۵ او په ۲۰۱۹م کې ٪۲۰ ته د خلکو ګډون راکم شوی دی.  

پر دې سربېره د افغانستان خلکو ته د بشري حقونو خورا ستر ناقضین خپله اشغالګر ځواکونه او د افغانستان خاین چارواکي ثابت شوي دي؛ ځکه په پنځو وروستیو کلونو کې یې تر ۵۰ زره زیات افغان ځواکونه، لسګونه زره ملکي وګړي او رزګونه طالب سرتېري د ترور او وحشت په بېلابېلو طریقو وژلي دي. همدارنګه د ملګرو ملتونو د بشري مرستو د همغږۍ دفتر (اوچا) په خپل نوي راپور کې ویلي: «د ۲۰۱۹ کال د بشردوستانه مرستو په اړوند زموږ ټولیزه څېړنه ښيي، چې د کال تر پایه په اټکلي ډول کابو یو میلیون بېځایه شوي بشردوستانه مرستو ته اړتیا لري.»

د ښځو د حقونو په اړه؛ د دولت، بهرنیو موسسو او د کفارو سفارتونو ټولې هڅې په دې خاوره کې د مسلمانې کورنۍ د پاشلو لپاره دي. نو په ټولو پروژو او په دولتي او غیر دولتي ادارو کې یې د جنډر تر پالیسۍ لاندې د ښځو پر ګومارلو تمرکز اصلي لومړیتوب و، چې په پایله کې یې غوښتل مسلمانې ښځې هم د غربي هغو غوندې د وسیلې په توګه وکاروي؛ خو دا هیله یې هم له فاحشې ناکامۍ سره مخ شوې ده.

د ملت جوړونې او دولت جوړونې په برخه کې د جمهوري ریاست او پارلماني ټاکنو هرې دورې د افغانستان خلک له مخکې زیات یو له بله بېل کړي دي. نو هغه یوازینۍ محسوسه پایله چې د افغانستان خلک یې په ټوله معنی احساسوي، هغه د سیاسي رهبرانو تر منځ تفرقه، لارورکيتوب او بې ثباتي ده. نو د مختلفو اړخونو او پوړونو رهبران په ټولنه کې د امریکايي ډیموکراسۍ پر اوسني نظم بې اعتماده شوي دي. په افغانستان کې د امریکايي ډيموکراسۍ پلي کول هم د فساد د مختلفو ډولونو، فقر، فحشا، قتل، فتنې او بېکارۍ لامل شوي او خلک یې پر دې معتقد کړي چې ډيموکراټيک ارزښتونه د افغانانو ستونزې نه شي حلولی.

پورتني کړکېچ زیږوونکي وضعیت ته پام امریکا او لاسپوڅو چارواکو یې په افغانستان کې د زړونو او مغزونو جګړه بایللې او د غرب په ځانګړې توګه د امریکاعامه افکار هم د دې جګړې د دوام پر ضد دي. نو له همدې امله امریکا په افغانستان کې د خپلې جګړې له پلمې راټيټه شوې او له ۱۸ کاله مخکینیو «ترورېستانو» سره یې نېغې خبرې اترې پيل کړي دي او د خپلې آبرو په ساتلو غواړي چې د جګړې له دغې کندې څخه ځان بریالی وباسي او خپل استخباراتي، سیاسي، اقتصادي او فرهنګي نفوذ هم وساتي.

په داسې حساسو شرایطو کې د افغانستان د مسلمانانو لپاره یوازینۍ حللاره دا ده، چې ټول بشري ارزښتونه، حللارې او نظامونه –که یې امریکا او اروپا افغانانو او د دوی رهبرانو ته وړاندې کوي که چین او روسیه– په پرېکنده توګه رد کړي او یوازې د اسلام پر ژغورونکو ارزښتونو، حللارو او نظام «د نبوت پر تګلاره د خلافت دولت بیا تاسیس» منګولې ولګوي. د دې موخې د ترلاسه کولو لپاره په تاسو کې د امت خورا ستر سیاسي حزب شته، چې اسلام د فکري عمل او سیاسي مبارزې په جریان کې خلکو ته داسې وړاندې کوي، چې د امت ټولې ستونزې او معاصر بحرانونه حل کولی شي. نو بیړه وکړئ او د امت خورا ستر فکري او سیاسي قیادت د امت په ويښتابه سره ثمر ته ورسوئ.

سیف الله مستنیر

د حزب التحریر-ولایه افغانستان د مطبوعاتي دفتر رییس

 
د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې