پنجشنبه, ۱۱ جمادی الاول ۱۴۴۰هـ| ۲۰۱۹/۰۱/۱۷م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     10 ربیع الثانی 1440

میلادی نېټه :     دوشنبه, 17 ډسمبر 2018 م

شمېره:      ۱۴۴۰/۱۸

ولايه پاكستان
مطبوعاتي دفتر

مطبوعاتي اعلامیه
دوې پښې په یوه موزه کې نه ځایېږي! د ډیموکراسۍ جرړې وباسئ او پر ځای یې د نبووت پر منهج خلافت تاسیس کړئ

د پاکستان د لومړي وزیر د ۲۰۱۸ کال د ډسمبر ۱۵مې نېټې له ټویټ نه ښکاري چې راشده خلافت په ټولنه کې د بحث موضوع ګرځېدلې. په ټویټ کې د ډاکټر اسرار احمد لخوا یوه ویډیو ښودل کېږي چې پکې د پاکستان د بنسټ اېښودونکي، محمد علي جناح نقل قول را اخیستل شوی چې وایي؛ پاکستان باید د راشده خلافت یوه نمونه شي او مسلمانان باید د ځمکې پر سر خپل حاکمیت جوړ کړي. د پاکستان د خلکو احساسات اسلامي دي، خو په قاطع ډول غربي قوانین پکې پلي کېږی؛ د باجوه-عمران رژیم غواړي په عین وخت کې په دوو بېړیو کې سپاره شي. د دوی دا کار د دې سبب شوی چې رژیم یې د خندا شي او نیوکې پرې وشي. تر دې لا بده دا چې، پر اسلام او له اسلام سره د مسلمانانو په وابستګۍ لوبې کوي، دا کار به یې د الله سبحانه وتعالی په غذب ککړ کړي. الله سبحانه وتعالی فرمایي: 

                                             (وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنتُمْ تَعْلَمُونَ)                                          

ژباړه: «باطل ته د حق جامې مه ور اغوندئ او له پوهېدو سره سره د حق پټولو هڅه مه کوئ!» [البقره ۲:۴۲]

مسلمانانو ته پکار ده څو هغه حکام چې په حقیقت کې د غرب غلامي کوي او مسلمانان تش په خبرو خوشالوي؛ رد کړي. مسلمه امت را ویښ شوی، د خپل ژوند په هدف پوه شوي چې یوازې د هغه څه حکومت غواړي چې الله سبحانه وتعالی ویلي. د مسلمانانو حکام خپلې وروستۍ هڅې کوي چې د اسلام او اسلامي حکومت بیا راتګ شاته وغورځوي او خپل کفري حکومت د اسلام په جامو کې پټ کړي.  پرېږدئ چې مسلمانان ډیموکراسۍ ته نه ووایي او د نبوت پر منهج خلافت بیا راوستلو لپاره سره په قاطعیت یو موټی شي.

پرېږدئ چې مسلمانان د داسې دولت د جوړولو لپاره کار وکړي چې ټول قوانین به یې له قران او سنتو اخیستل شوي وي؛ داسې دولت چې ټول اسلامي هېوادونه د دې پر ځای چې د ویسټفالین ملي دولتو په کرښو سره بېل وي، بېرته یو ځای کړي. داسې دولت چې پوځ یې د پردي پوځ تېرې ته توند ځواب ورکوي، خپل زور ورښیي او په ځواب کې یې له مېز، قلم، ورقې او خبرو اترو کار نه اخلي. داسې دولت چې اقتصادي سرچینې یې د مسلمانانو د سوکالۍ او ارامۍ لپاره کاروي، اشغالګرو ته یې نه تسلیموي. احمد د حذیفه بن الیمن په سند روایت کوي چې رسول الله صلي الله علیه وسلم فرمایي:

«تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ اللَّهُ أَنْ يَرْفَعَهَا ثُمَّ تَكُونُ مُلْكًا عَاضًّا فَيَكُونُ مَا شَاءَ اللَّهُ أَنْ يَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ ثُمَّ سَكَتَ»

ژباړه: تر هغه چې الله سبحانه وتعالی وغواړي، په تاسو کې به نبووت او پیغمبر وي او که الله سبحانه وتعالی وغواړي له منځه یې وړي او وروسته به د نبووت پر تګلاره خلافت واکمن وي. تر هغه چې الله سبحانه وتعالی غوښتي وي، دوام کوي. تر دې وورسته چې کله الله سبحانه وتعالی هغه له مخې لېري کړي، پر تاسو به ظالمې واکمنۍ او پادشاهۍ حاکمې وي او تر هغه دوام کوي چې الله سبحانه وتعالی غوښتي وي. تر دې وروسته کله چې الله سبحانه وتعالی وغواړي، هغه له منځه وړي او وروسته به د نبوت پر تګلاره خلافت تاسیس شي. تر دغو خبرو وروسته چوپ شو.

حزب التحریر مطبوعاتي دفتر – ولایه پاکستان

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې