شنبه, ۱۳ جمادی الاول ۱۴۴۰هـ| ۲۰۱۹/۰۱/۱۹م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     23 جمادی الثانی 1438

میلادی نېټه :     چهارشنبه, 22 مارچ 2017 م

شمېره:      PR17016

ولايه پاكستان
مطبوعاتي دفتر

مطبوعاتي اعلامیه
د اوبو د خبرو اترو له امله اړیکې په چټکۍ عادي کېږيخلافت به د «ستر هند» پلان په شنډولو د اوبو ستونزه هواره کړي

(ژباړه)

د ۲۰۱۷ د مارچ په ۲۰ مه د اوبو او برېښنا وزیر خواجه اصف یوه خبري کنفرانس ته وویل: «پاکستان خوښ دی چې د اندوس د اوبو پر سر يې له هندي چارواکو سره بیا خبرې اترې پیل کړې... امریکا هڅه کوي چې په لوړه کچه په دغه موضوع کې ښکېل وي. د روان کال د اپریل له ۱۱ تر ۱۳ مې به په «راټل» او «کشان ګنګا» اوبو د پروژې په اړه په واشنګټن کې د وزیرانو په کچه خبرې اترې وشي.» اوسمهال امریکا پلوي «بهاراتیا جاناتا» یا (BJP) ګوند، چې د هند په مهمو ولایتونو کې يې ټاکنې وګټلې، غواړي چې له پاکستان سره خپلې اړیکې عادي کړي. د دوښمنۍ پر ښکاره اړیکو سربیره، تمه کېده چې په هند کې به د امریکا لاسپوڅي د اړیکو د ښه کېدو خبرې اترې پیل کړي، په داسې حال کې چې په پاکستان کې د امریکا مزدور رژیم په لېوالتیا سره سترګې په لاره و چې امریکا په دغه پلان کې خپل رول ولوبوي.

په تېرو دریو کلونو کې هند د پاکستان د پولو په مهمو برخو بریدونه کوي، چې په پایله کې يې په زرګونو ملکي وګړي او پوځیان وژل شوي او زیات مالي زیانونه يې هم اړولي. د دې تر څنګ د هند دولت په اشغال شوي کشمیر کې له تېر جولای راهیسې پر مسلمانانو ظلمونه او تیري زیات کړي، تر دې چې د کشمیري مسلمانانو د ړندولو لپاره يې ړوندونکې مرمۍ کارولې دي. د راپورنو له مخې د هند د دولت د دغو مرمیو له امله ۵۰۰ کسان ټپیان شوي، چېاوږدمهالې طبي درملنې او څو ډوله عملیاتو ته اړتیا لري. خو ځینې خپلواک راپورونه د ټپيانو شمېر تر ۴۵۰۰ څخه هم لوړ ښیي. هند پر دې هم بسنه ونه کړه، د افغانستان له خاورې څخه يې د پاکستان د بې ثباته کولو او لاسوهنې لپاره ګټه واخیسته. د «کولبوشان یادیف» په نیول کېدو داسې اسناد او شواهد په لاس راغلل چې په دغو ناامنیو کې  د هند په لاس درلودل ثابت کړل. پر دغو ټولو بریدونو سربېره د مریکا مزدوران د هند پر وړاندې په سیاسي او نظامي رهبرۍ کې «د محدودیت سیاست» غوره کړ، تر څو BJP  پر پاکستان د بریدونو له لارې وتوانیږي چې ټاکنې وګټي. اوسمهال چې امریکا پلوي بهاراتیا جاناتا ګوند د هند په مهمو ایالتونو کې ټاکنې وګټلې، د ټرمپ اداره د بجوا نواز له رژیم څخه غواړي چې د هند او پاکستان اړیکې د «اندوس د اوبو تړون» له لارې عادي کړي.

یوه لسیزه وړاندې حزب التحریر ولایه پاکستان خبرداری ورکړی و چې د پاکستان او هند اړیکې عادي کېدل د امریکا پلان دی، تر څو په سیمه کې د هند نفوذ وساتي او د چین او اسلامي خلافت د راتګ مخه ډپ کړي. د ۲۰۰۳ د ‌ډېسمبر په ۱۴ مه د حزب التحریر ولایه پاکستان مطبوعاتي ویاند نوید بت امت ته خبرداری ورکړ: «امت باید هڅه وکړي چې ژر تر ژره خلافت تاسیس کړي، تر څو په «ستر هند» پورې اړوند د هندوانو او عسویانو پلانونه شنډ کړي.» همداراز د ۲۰۱۷ د فیبروري په ۱۷مه حزب التحریر ولایه پاکستان یو بیان خپور کړ چې سرلیک یې داسې و: « د پاکستان چارواکي د ټرمپ د خوښۍ لپاره د «اخند بهارت» (ستر هند) پلان لپاره کار کوي او له کشمیر سره خیانت کوي.» همداراز خبر داری يې ورکړ: «اې د پاکستان مسلمانانو! د پاکستان خاین چارواکي موږ د ستر هند پلان لپاره "د اړیکو ښه والی" او "باور جوړولو اقدامات" تر نامه لاندې یوځای کوي او اشغال شویکشمیر په هند خرڅوي.»

پاکستان د امریکا په اطاعت هېڅ هم نه دی تر لاسه کړي او هېڅکله به یې تر لاسه هم نه کړي، ځکه ښکېلاګر تل تر خپل استعمار لاندې هېوادونو د ځپلو او مطیع کولو په هڅه کې دي، چې هغوی په سیاسي ځانوژنه له امریکا او نورو استعمارګرانو سره یو ځای شوي. د امریکا په پيروۍ پاکستان «د اندوس د اوبو تړون» له امله له درېیو څخه زیات سیندونه هندوانو ته پریښودل. همداراز له امریکا په پيروۍ د پاکستان  نور سیندونه هم نېږدي دي چې د غاصب هند د ګټې لپاره کار ترې واخیستل شي. د اوبو ستونزه ځکه رامنځته شوه، چې د کشمیر یوه برخه هند اشغال کړې او دا ستونزه به د کشمیر په ازادۍ هواره شي، چې کشمیر د پاکستان یو برخه شي. دا به د سلام په قلمرو کې د هند نیمې قارې د راوستلو لپاره یو ښه ګام وي، لکه څنګه چې د څو پېړیو لپاره د اسلامي نظام تر حاکمیت لاندې وه. د ستر هند پلان د ناکامۍ لپاره لومړی ګام د پاکستان د پوځ متدینو او مخلصو چارواکو ته ورګرځي، تر څو د شیخ عطاء بن خلیل ابو رشته په رهبري حزب التحریر ته نصرت ورکړي او په پاکستان کې د رسول الله صلی الله علیه وسلم په منهج راشده خلافت تاسیس کړي.

﴿فَمَنِ ٱعْتَدَىٰ عَلَيْكُمْ فَٱعْتَدُواْ عَلَيْهِ بِمِثْلِ مَا ٱعْتَدَىٰ عَلَيْكُمْ﴾ (البقره: ۱۹۴)

نو که څوک پر تاسو تېری وکړي، تاسو هم په هماغه ډول تېری پرې وکړئ.

د حزب التحریر- ولایه پاکستان مطبوعاتي دفتر

 

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې