الآية (7) ج4 "هو الذي أنزل الكتاب منه آيات محكمات..."
لفضيلة الشيخ يوسف مخارزة (أبو الهمام)
الثلاثاء، 06 محرم الحرام 1439هـ الموافق 26 أيلول/سبتمبر 2017م
لمشاهدة الحلقات السابقة اضغط هنا
(ژباړه)
خبر:
د ترکیې ولسمشر رجب طیب اردوغان له مېانماره بنګلهدېش ته له تښتېدونکو او پناهِغوښتونکو مسلمانانو سره د خپل هېواد د مرستو د چمتوالي اعلان وکړ. هغه د علم او ټکنالوژۍ په برخه کې د اسلامي همکاریو د سازمان په لومړۍ ناسته کې، چې د قزاقستان په پلازمېنه استانه کې جوړه شوې وه؛ د مسلمانانو د صفونو پر یووالي او یو بل سره پر مرسته ټینګار وکړ او ویې ویل: «له شګ پرته روهنګیایي مسلمانان اوس له ګڼو سختو کړکېچونو او کړاونو سره مخ دي.» نوموړي زیاته کړه: «د میانمار مسلمانان له بېرحمه کړنو سره مخ دي او د خپلو کورونو پرېښودلو ته اړ شوي. پر موږ لازمه ده ،چې د دغو غیر عادلانه او ناوړه کړنو مخنیوی وکړو. موږ غواړو د دغه انساني ناورین د مخنیوي لپاره د بنګلهدېش او میانمار له حکومتونو سره مرسته وکړو». اردوغان د دغو خبرو په لړ کې په بنګلهدېش کې له پناهغوښتونکو سره پر مرسته ټینګار وکړ او یوه اړتیا یې وبلله، هغه وویل: «موږ له بنګالي چارواکو سره خبرې وکړې او ورته ومو ویل، چې موږ په دغه برخه کې د مرستې غوښتونکي یو.» (سرچینه: نووستي)
تبصره:
اې اردوغانه! نږدې ده موږ دا یې هېر کړو، چې ته د داسې یو پیاوړي هېواد ولسمشر یې، چې د پرتمین تاریخ يې درلود. هغه هېواد چې له مظلومانو سره په مرسته او د بې عدالتیو په له منځه وړلو کې یې لوی لاس درلود. نور نو موږ هغه دولت نه وینو، چې تل به د کمزورو لپاره ګرمه غېږه وه او له ختيځ او لوېديځه به یې پناه وروړه. همدا راز نږدې ده هېر کړو، چې اوسنی حکومت له لومړنیو حکومتونو څخه و، چې په فلسطین کې یې د یهودو رژیم په رسمیت وپېژانده. نه یوازې دا، بلکې له هغه ورسته، چې یاد غاصب رژیم د ترکیي مسلمان بچیان د مرمرې په بېړۍ کې ووژل؛ له اسراییلو سره یې اړیکې عادي او هوکړهلیکونه یې لاسلیک کړل.
نږدې ده هېر کړو، چې اردوغان په سپينه ماڼۍ کې د خپلو بادارانو د رضایت لپاره ټول امکانات وکارول. غواړي هېر مو شي، چې لرې او نږدې یې غولولي او په شام کې یې خپلو مسلمانو وروڼو ته شا کړه، خپلې پولې یې د دوی پر مخ وتړلې او په حلب او نورو ښارونو کې یې مکر او چل ورسره کړی دی. هغه تر اوسه هم په ټول توان هڅه کوي، چې لومړی د خپل ملت له بچیانو سره، چې له له پنځه لسو کلونو يې زیات حکومت ورباندې وکړ او وروسته بیا له هغو سره، چې د عراق او سوریې په موضوع کې ورسره هم نظره دي؛ له دروغو او بې حرمته ډکه توره پایله ولري. نوموړی په داسې سراب پسې ځي، چې شفاء بښونکی، د دائمي ژوند لامل او بې حسابه یې بولي، خو په حقیقت کې دی په دې فکر کې تېروتی او سخت په تاوان کې دی؛ ځکه دا داسې ګمان دی چې هېڅکله واقعیت نه لري.
دغه دروغجن او موقف غوښتونکي ولسمشر او په سپینه ماڼۍ کې یې بادارانو تر پرونه دا ګمان کاوه، چې استانه د شام د انقلاب لپاره ورستۍ ټاکنه ده، چې موضوع به یې تصفیه او د پای ټکی ورته کېږدي. هغه د شام او اهل لپاره یې له خیانته ډکې څرګندونې کړې او نن یې د پخوا په څېر خپلې پوچې او خالي څرګندونې تکرار کړې او ویې ویل: «په میانمار کې زموږ وروڼه د لطف او مهربانۍ وړ دي.» ته به وایې چې تشویش یې کوي، له تکلیفه یې ځورېږي او د چارو غمخور یې دی! نوموړی د میانمار دغه وحشتناکه نسلوژنه یوه "ستونزه" بولي.
اې اردوغانه! د میانمار مسلمانانو پر وړاندې دا ټول ناوړه جناینونه، نژاد ورکونه او نسلوژنې، چې د سر پر سترګو یې وینې څنګه دا ټولې ستونزې یوه وړه ستونزه بولې!؟ څنګه دې مېرمن هم دغه رامنځته شوي جنایتونه رانقلوی!؟ نو اې درواغجنه ولسمشره! په کوم مخ د مسلمانانو د صفونو د یو ځایکېدو او یووالي خبرې کوې!؟ د کوم صف او یووالي خبرې کوې!؟ یا دا ادبیات ستا له زړه او لاسونو څخه دي، چې ستا موخې نه شي افاده کولی؟ یا هم ستا په څېر خلک نه پوهېږي، چې دا ښکلې کلیمې څه څېزونه بیانوي؟ وایې بودایان له روهینګیایي مسلمانانو سره ظالمانه او خونړی چلند کوي، خو له دغو څرګندونو ورسته دې څه وکړل؟ یا فکر کوې چې هغه هم روسیه ده، چې د تاسف اظهار دې وکړ، نرمي دې ورسره وکړه؛ ترڅو دې وبښي!؟ یا دا چې د میانمار حکام او دولت یې د امریکا په څېر بولې، چې د کفري هېوادونو راس او نفود لرونکې ده او ته نه غواړې چې احساسات یې را وپاروې او ویې ځوروې د دې لپاره،چې ورسته به بین المللي توازن ګډوډ شي.
اې د مرګ په سکرات کې ډوبه رئیسه، ویښ شه! پوه شه میانمار یوازې یوه نظامي مانور ته، چې په عراق، شام او قطر کې یې تر سره کوې اړتیا لري. د میانمار دغه کوچنی دولت د ډېر وخت لپاره د مسلمانانو اردو ته اړتیا نه لري، بلکې که چېرې د اردو رهبري یو قهرمان، مخلص او غیرتي پر غاړه واخلي، چې دین او امت ته احساسات ولري؛ نو په څو محدودو ساعتونو کې به مخکې له دې چې د مسلمانانو اردو هغوی ته ورسېږي، له وېرې وتښتي. پر تا واجب ده، پر هغه څه، چې شیطان وسوسه کړي وو او هېر شوي یې وو سمعې ته ور ورسوې؛ ترڅوپه میانمار کې زموږ د وروڼو په حق کې له انصافه کار واخلي. هغه خلک چې موږ د دوی او دوی زموږ دي، خو په یاد کار دې موږ له تا څخه د بېزارۍ اعلان کوو.
اې ولسمشره اردوغانه! پوه شه چې الله سبحانه وتعالی د میانمار خلک یوازې نه پرېږدي، که څه هم خپلوانو یې یوازې پرېښودل. له شک پرته هغوی داسې خدای لري، چې هر څه ویني او اوري؛ هغه سبحانه وتعالی یې ملګری او مرستندوی دی. ته او ملګري به دې هېڅکله هم د هغوی د عزت، لویۍ او دوستۍ ویاړ ونه لرئ. تا او ملګرو دې د خیانت او ذلت جامې پر تن کړې او بل څه هم نه دي پاتې، چې ستاسو د دغو بدو کړنو بدبویۍ پټې کړي؛ هغه بدې کړنې، چې د تعفن بوی یې موږ اذیت او سرټیټي کړي یو. موږ ډاډه یو، چې دا پېښې به د رباني خلافت لپاره پیلیزه وي، چې دغه خلافت به د دین د ازادۍ، نصرت او د امت د لوړولو او عزت وياړ ولري او دا دولت به ستاسې له کمې او زهرجنې ډلې څخه د بشریت د ازادولو ویاړ ولري. که څه هم تاسې یې راتګ لرې بولئ، خو موږ یې نږدې بولو. الله سبحانه وتعالی به خپله ژمنه پوره کړي او موږ به پر ځمکه د نبوت پر منهج د راشده خلافت وارثین وګرځوي. هغه خلافت چې زموږ په لاسونو به تاسیس شي، چې ستاسو د تخت او تاج له منځه تګ به ورسره مل وي. لکه څنګه چې موږ د هغې ورځې په تمه یو، تاسې یې هم په تمه شئ.
ډاکتر ماهر صالح
په اردن کې د فکري ځوانانو، د حق لارې د بندیانو او د نورو مسلمانانو د بچیانو د دفاع لپاره دوامدارې مبارزې ته په پام سره، حزب التحرير ولایه اردن د خپلو بندیانو د خوشې کولو لپاره په دې ولایت کې سر تا سري مبارزه پیل کړې، ترڅو د دوی پر وړاندې بې عدالتي لرې کړي او د رژیم د امنیتي ادارو بې عدالتي، زور زیاتی، ربړونه، سپکاوی، بد چلند او همدا راز د دوی پر وړاندې د نظامي محکمې غيرعادلانه شرطونه خلکو ته څرګند کړي. د دوی یوازینۍ ګناه دا ده، چې وايې، زموږ رب الله دی او د حق له کلمې څخه، چې الله سبحانه و تعالی او د هغه رسول صلی علیه وسلم يې امر کړی نه پر شا کېږو. د مسلمانانو خلیفه امیرالمومنین عمر بن الخطاب رض په دې اړه ویلي: «زه به هغه څوک چې د حق کلمه وایي بندي نه کړم، نه به يې وربړوم، نه به پرې څوک واکمن کړم او نه به یې ژوند تنګ کړم. هغه به د حق کلمه ویله.» ابوبکر صدیق رضی الله عنه هم په دې اړه وایي: "که موږ حق وانه ورو، نو په موږ کې خیر نشته او که تاسې حق و نه وایاست نو په تاسې کې خیر نشته".
د دوی بله ګناه دا ده،چې وايي: موږ پر خپل رب ایمان لرو، د رښتینولۍ ملاتړي یو، رژیم ته پر نېکۍ امر او له بدۍ يې منع کوو، ترڅو د رښتینولۍ لاره خپله کړي. د دوی کړنې او مفاهیم د ویجاړۍ، زورزیاتي او د هغو جرمونو د رامنځته کېدو سبب نه ګرځي، چې د الله له قانون سره په ټکر کې وي. دوی د هغو خلکو په پرتله خپل هیواد او خلکو ته ډېره پاملرنه کوي، چې له هیواد سره د دوستۍ ادعا کوي، په داسې حال کې چې هغوی هیواد بې ارزښته کړی او د خپلو خلکو وقار يې تر پښو لاندې کړی. د حزب شباب خلکو ته ښيې، چې فساد کوونکو ته وخت ورکول کیږي، د دوی پر کړنو سترګې پټېږي او ملاتړ يې کېږي. دغو خلکو هیواد چور کړی دی او د غربت او فساد کچه يې لوړه کړې، ځکه چې کورنی رژیم امتیاز ورکوي او ظالم کورني او بهرني ښکېلاکي ځواکونه یې ملاتړ کوي.
دغه مبارزه به په بېلا بېلو ډولونو د حزب التحرير د شبابو او نورو مسلمانانو پر وړاندې د بې عدالتۍ، ظلم او څارنې انځور وړاندې کوي. دغه مبارزه په اردن کې پر عامو خلکو، سیاستوالو لکه: وزیرانو، مرستیالانو، لوړپوړو چارواکو، پر هغو سیاستوالو چې دولتي دنده نه لري، پر قضایي قوې، قانونپوهانو، د سوداګریزو اتحادیو پر استازو، شیخانو، پر قومي او د کمپونو پر مشرانو، د رسنیو پر استازو، لیکوالو، مبلغینو او امامانو ټینګار کوي؛ چې د دغو بې عدالتیو پر وړاندې دریځ ونیسي، د خپلو مظلومو او دیني وروڼو پر وړاندې د روانو بې عدالتیو مخنیوی خپله مشروع وجیبه وګڼي.
پیغمبر صلی الله علیه وسلم فرمايي:
»مَا مِنْ امْرِئٍ يَخْذُلُ امْرَأً مُسْلِمًا عِنْدَ مَوْطِنٍ تُنْتَهَكُ فِيهِ حُرْمَتُهُ وَيُنْتَقَصُ فِيهِ مِنْ عِرْضِهِ إِلَّا خَذَلَهُ اللَّهُ عَزَّ وَجَلَّ فِي مَوْطِنٍ يُحِبُّ فِيهِ نُصْرَتَهُ. وَمَا مِنْ امْرِئٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا نَصَرَهُ اللَّهُ فِي مَوْطِنٍ يُحِبُّ فِيهِ نُصْرَتَهُ« (رواه ابوداوود)
که یو مسلمان بل مسلمان په داسې ځای کې پرېږدي چې پر عزت یې تېری کیږي، نو الله سبحان وتعالی به نوموړی په داسې ځای کې پرېږدي چې هلته د الله سبحانه وتعالی مرستې ته اړ وي او کوم مسلمان چې په داسې ځای کې د بل مسلمان ملاتړ وکړي، چې هلته یې پر عزت او حرمت تېری کېږي؛ الله سبحانه وتعالی به یې په داسې ځای کې ملاتړ وکړي، چې د هغه سبحانه وتعالی د ملاتړ غوښتنه کوي.
د حزب التحریر- ولایه اردن مطبوعاتي دفتر
للشيخ علي أبو أحمد
خطبة جمعة بعنوان كفى بالموت واعظا يا قادات الفصائل! ألقاها الأخ أحمد القاصر في أحد مساجد مدينة الأتارب في ريف حلب الغربي.
الجمعة، 09 محرم الحرام 1439هـ الموافق 29 أيلول/سبتمبر 2017م
الأربعاء، 07 محرم الحرام 1439هـ الموافق 27 أيلول/سبتمبر 2017م
خبر
په دې ورځو کې داسې ګمراه کوونکي خبرونه خپرېږي چې د دوی په خبره د روهینګیا د غمیزې اصلي سرغړونکي اسلامي ترهګرې ډلې دي لکه د اراکان د روهینګیايانو د نجات پوځ (ARSA). په سينګاپور کې د سپټمبر له (۱۲- ۱۴مې) پورې د جنوب ختيځې اسيا ټولنې د ملي پوليسو ۳۷مه غونډه جوړه شوې وه؛ ترڅو د ميانمار د راخين ايالت د بشري ناورين په اړه بحث وکړي. په دغه غونډه کې د اندوبيزيا د پوليسو لوی درستيز کارنوين خپل ميانماري سيال ته له ترهګرۍ سره د مبارزې او بشري حقونو په روزنه کې کې د همکارۍ وړانديز وکړ.
د سپټمبر د ۱۲مې د نیو سټرایټ ټایمر ورځپاڼې د راپور په اساس ويل شوي ځینې نور هم داسې هڅه کوي څو د روهینګیا د غمیزې په اړه لویو ځواکمنو ترهګرو شبکو ته خبرداری ورکړي، د مثال په توګه د مالېزیا د دفاع وزیر هشام الدین حسين په خپله بیانیه کې د اسلامي دولت ملاتړي د روهینګیايي مسلمانو لږکیو په ځورونې تورن کړي وو. نوموړي خبرداری ورکړی و چې داعش یا اسلامي خلافت ډله په دې هڅه کې ده چې په سیمه کې لوی اډه جوړه کړي، په دې سره به دوی د روان کړکېچن وضیعت لپاره د روهینګیا له هغې مظلومې طبقې څخه ښه استفاده وکړای شي چې په ژوند کې بل انتخاب نه لري.
پیټر موفورډ د یوروشیا ګروپ د سیاسي مشاورینو د جنوب ختیځې اسیا مشر څرګنده کړه چې اندونیزیایي سختدریځي چېرته چې ډېر مسلمانان ژوند کوي اوس په میانمار کې کورني مذهبي تاوتریخوالي ته لمن وهي. د نوموړي په خبره دغو لویو اسلامي سیاسي ډلو تردې وړاندې د جاکارتا د پخواني والي (باسوکي جانجا پورناما) په مقابل کې لويې مظاهرې تنظیم کړې وې؛ خو اوسمهال د روهينګیا په ملاتړ مظاهرې او غونډې تنظیموي، چې د سپټمر په اوومه يې په خپله اعتراضي غونډه کې د میانمار د بودایانو پر وړاندې د جهاد اواز پورته کړ. مامفورد د سپټمر په ۱۳مه سي ان بي سي ته وویل: «د راخین د اوسني کړکېچ په اړه داسې اندېښنې شته چې ښايي اسلامي سختدریځي به له نورو ځایونو څخه جنوب ختیځې اسیا ته د خپلو موخو د پياوړي کولو لپاره راشي.»
تبصره:
د روانې غمیزې په اړه د اسلامي امت قانوني غبرګون ته غلط تعبير او معنا ورکول، په اراکان کې د شخړو اصلیت ته بل رنګ ورکول او حقیقت پټول دي. له شک پرته په دغو عملونو سره د روهينګیا د غمیزې اصلي ترهګر خلکو ته بل ډول ښودل کېږي. ترهګر څوک دی؟
له شک پرته د میانمار دولت حقیقي ترهګر دی؛ ځکه چې دوی د هېواد په داخل کې د افراطي بودايي ځواکونو په مرسته او د سان سوچي په پټ ملاتړ، په بهر کې د چین دولت، یهودي بنسټونو او همدا راز د پانګوالو ادارو په همغږۍ یوځای دا هڅه کوي چې د راخین ولایت شتمنۍ لوټ کړي. هو، میانمار او د پردې ترشاه له هغوی را چاپېر ټول ځواکونه په دې هڅه کې دي چې هېوادونه استعمار کړي، نو په همدې دلیل دوی اصلي ترهګر ګڼل کېږي.
په میانمار کې ترهګرۍ ته قانوني بڼه ورکول شوې ده، ځکه چې د ۱۹۸۲م کال د تابعيت په قانون کې روهینګیایان د تابعیت له حقونو څخه بې برخې شوي دي. اوسنی وضعیت په اصل کې د دوی هغه قانوني جواز دی چې اوس یې د خپل نظامي قدرت له لارې پلی کوي. افراطي بودایان د نوموړو لږکیو په اړه د بېګانه توب اوازې خپروي، د کڼې او ګونګۍ ډیموکراسۍ رهبره انګ سان سوچې بیا د همغه قانوني جواز په لرلو سره د عاموژنې او نسلوژنې تګلاره کاروي.
پر دې ټولو ناخوالو سربېره، دا خو لا پرېږده چې اسلامي واکمنان نوموړي هېودا ته د روان ترورېزم مقابلې ته خپل ځواکونه ولېږي؛ بلکې ډېری مسلمان واکمنان لږ تر لږه دا هم نه شي کولی چې په زړورتیا سره د میانمار حکومت ته د ترهګر لقب ورکړي. په داسې حال کې چې د ستونزو حقیقي جرړه همدا حکومت دی. بل خوا د میانمار رژیم لوړ رتبه غړي په ډېره بې پروایۍ سره هغه جهادي ډلې تورنوي چې له ځان څخه د دفاع په حال کې دي، لکه د اراکان د روهینګیانو د نجات پوځ (ARSA)، چې د بېګناه عوامو د وینو تويولو مخنیوي لپاره د هغوی د ځمکنۍ بشپړتیا او مسلمانانو د وقار لپاره کار کوي. خو په حقیقت کې همدوی بیا د روهینګیا په روان ناروين کې لاس لري، روانې پروژې د هغو ډلو له لارې پلې کوي چې اسلام، جهاد او خلافت يې بدنام کړل لکه داعش او داسې نورې جنايتکارې ډلې.
د جنوب ختیځې اسیا اقتصادي ټولنه هم له اوږدې مودې را په دېخوا د نوموړو حالاتو په وړاندې د دې لپاره غلې ده چې دوی په کورنيو موضوعاتو کې د نه لاسوهنې په اړه ژمنه لري. په مالیزیا او اندونیزیا کې هم مسلمان واکمنان کمزوري دي، پرته له دې چې ځینې بشري مرستې وکړي یا په موقتي توګه د مهاجرو لپاره کمپونه جوړ کړي، حتی دا هم نه شي کولی چې د روهينګیا مهاجرو ته دایمي تابعیت ورکړي. د مالیزیا مخلص مسلمانان د خپل توان په اندازه همدومره کولی شي چې د ایماني اخلاص په وجه د روهينګیا مهاجر تر یو وخته ژوندي وساتي.
نو د یو هېواد له داسې یو دولتي سیستم څخه به څه تمه ولرو چې په سلګونو میلیونه مسلمانانو ته د دې اجازه نه ورکوي څو د خپلو خویندو او وروڼو مرسته وکړي؟ د جنوب ختیځې اسیا ټولنې څخه به څه تمه و کولی شو، چې اقتصادي ګټو ته پر انسانیت ارزښت ورکوي؟ له داسې دوه مخو نړیوالو قوانینو څخه به څه تمه وکولی شو چې د مسلمانانو په اړه یې تل معیار بدل وي؟ بلاخره له داسې نړیوال نظم څخه به تمه ولرو چې د میانمار له وحشي رژیم څخه خپل ملاتړ او ساتنې ته دوام ورکوي؟
اوسهال دوی ته دا ډېره اسانه او په زړه پورې ده، چې د میانمار د بې رحمه رژیم پرځای سېکولران؛ قهرېدلی اسلامي امت ملامت کړي، یا د جنوب ختیځې اسیا ټولنې د نه لاسوهنې د بې ګټو ارزښتونو له منځه وړلو پرځای د دوی لپاره دا اسانه او په زړه پورې ده چې اسلامي خوځښتونه وځپي، دا هم ورته ډېره اسانه ده چې د حقیقي ترهګرو پرځای په مسلمانانو د ترهګرۍ ټاپې ولګوي!
اې مخلصو مسلمانانو! موږ باید په زغرده د روهینګیا د مسلمانانو خویندو او وروڼو غمیزې ته د پای ټکی کېږدو. د دې وخت رارسېدلی چې نور په دې سېکولرو واکمنانو باور کولو ته د پای ټکی کېږدو! د الله سبحانه وتعالی دا وینا په یاد ولرئ چې فرمایي:
﴿يَا أَيُّهَا الَّذِينَ آمَنُوا لا تَتَّخِذُوا بِطَانَةً مِنْ دُونِكُمْ لا يَأْلُونَكُمْ خَبَالا وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِنْ كُنْتُمْ تَعْقِلُونَ﴾
[آل عمران: ۱۱۸]
ژباړه: اې مومنانو! له خپلو خلکو پرته له نورو (غیر مسلمانانو) سره خپل رازونه مه شریکوئ. هغوی ستاسې د ورکولو لپاره هیڅ فرصت له لاسه نه ورکوي. تاسې ته چې په هر څه زیان اوړي، هغوی خوښي پرې څرګندوي. د دوی د زړه دښمني يې له خولې څرګندیږي او هغه څه چې یې په خپلوسینو کې پټ ساتلي دي، ډېر ستر دي. موږ تاسو ته څرګندې لارښونې کړي دي، که تاسو پوهېږئ.
د حزب التحریر مرکزي مطبوعاتي دفتر لپاره
فیکا کومارا
د حزب التحریر د مرکزي مطبوعاتي دفتر غړې
(ژباړه)
پوښتنه
السلام علیکم ورحمت الله وبرکاته!
په اوسني عصر کې مختلف ناسم افکار او غلطې عقيدې چې له ټولو اسلامي عقایدو او روحیې سره په تضاد او ټکر کې دي، اسلامي امت يي له هرې خوا چاپیرکړی دی؛ چې خورا مهمه یې د ډیموکراسۍ موضوع ده او تر ټولو خطرناکه قضیه ده. دا په داسې حال کې ده چې په اندونیزیا کې ځيني مسلمانان پر دې باور دي چې ډیموکراسي له اسلام څخه ده. دوي د خپلې خبرې د ثبوت لپاره له شرعي دلایلو (قرآن او سنت) څخه په غلطو مفاهیمواو ګمراه کوونکو برداشتونو استدلال کوي. زه غواړم چې خپله پوښتنه په لاندې دریو مواردو کې خلاصه کړم:
۱. ښاغلی شیخ صاحب! د ډیموکراسۍ په هکله ستاسو نظر څه دی؟
۲. له دې خطرناکې ستونزې څخه د نجات لاره څه ده ؟
۳. هوډ لرم چې (له دیموکراسۍ څخه دخلاصون لاره) تر عنوان لاندې یو کتاب ولیکم، په دې هکله ستاسو نظر څه دی او څه نصیحت راته کوئ؟
ځواب
وعلیکم السلام ورحمت الله وبرکاته!
ډیموکراسي د خلکو دسیادت او حاکمیت په معنی ده، یعنې خلک خپله شریعت جوړوي او له الله سبحانه وتعالی پرته حلال او حرام ټاکي. دا په داسې حال کې ده چې الله جل جلاله فرمايي:
﴿إِنِ الْحُكْمُ إِلَّا لِلَّهِ يَقُصُّ الْحَقَّ وَهُوَ خَيْرُ الْفَاصِلِينَ﴾
[الانعام: ۵۷]
ژباړه: حکم یوازې د الله دی، حق له باطله جدا کوي او هغه د (حق او باطل) تر ټولو ښه جدا کوونکی دی.
په هغه حدیث کې چې طبراني په الکبیر کې له عدي بن حاتم څخه روایت کوي، دی فرمايي: د پیغمبرصلی الله علیه وسلم حضور ته په داسې حال کې حاضر شوم چې، په غاړه کې مې د سرو زرو یو صلیب پروت و، رسول الله صلی الله علیه وسلم وفرمايل:
«يَا عَدِيُّ اطْرَحْ هَذَا الْوَثَنَ مِنْ عُنُقِكَ»
ژباړه: اې عدي دا د کفر علامه دې له غاړې لرې کړه.
وروسته مې د سرو زروهغه صلیب له غاړې لرې کړ، د رسول الله صلی الله علیه وسلم حضور ته په داسې حال کې حاضر شوم چه هغه صلی الله علیه وسلم د توبې مبارکې سورې په تلاوت بوخت و او دغه مبارک آیت ﴿اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللهِ﴾ يي تلاوت کړ. چې له تلاوته فارغ شو، ما ورته وویل: موږ خو خپل دیني علما او پارسایان په خدايي نه دي نیولي؟ ده صلی الله علیه وسلم وفرمایل:
﴿أَلَيْسَ يُحَرِّمُونَ مَا أَحَلَّ اللهُ فَتُحَرِّمُونُهُ، ويُحِلُّونَ مَا حَرَّمَ اللهُ فَتَسْتَحِلُّونَهُ؟﴾
آیا داسې نه و چې دوی د الله حلال حرامول او تاسو هم هغه حرام ګڼل او د الله حرام يی حلالول او تاسو هم حلال ګڼل؟
ما وویل: هو، همداسې وو. ويې فرمایل:
ترجمه: «دا دوی عبادت دی.»
نو پر دغه اساس هر څوک چې له الله سبحانه وتعالی څخه پرته تشریع کوي، د سترې ګناه مرتکب ګرځي. نو ډیموکراسي ځکه یو کفري نظام دی، چې تشریع د بشر د خالق له لورې نه ګڼي، بلکې د بشر تشریع ته ژمن دی. بله خبره دا چې په ډیموکراسي کې څلورګونې آزادۍ شته. د بېلګې په ډول: د عقېدې آزادي، د بیان آزادي، د ملکیت آزادي او فردي آزادي. یعني هر شخص اختیار لري هر ډول عقیده چې وغواړي اختیار کړي. یعنې شخص ته جواز شته، چې هر ډول چې وغواړي خپل دین بدل کړي. همدارنګه اجازه لري چې هر څه ووايی، حتی مقدساتو ته سپکاوی وکړي. انسان ته اجازه ورکوي هر حرام او حلال په نامشروع ډول خپل ملکیت کې داخل کړي. همدارنګه اجازه ورکوي چې انسان هر ډول نامشروع اړیکې (زنا) ترهغه وخته پورې وساتي، چې طرفین خوښ وي. دا په داسې حال کې ده چې دا ټولې چارې په اسلام کې حرامې دي. زنا حرامه ده، په نامشروع وسایلو کې تملیک حرام دی. سپکاوی او ښکنځل حرام دي.
همدارنګه دیموکراسي له مطلقو آزاديو سره کفري نظام دی. دا ځکه چې دا ډول مجوزات په یو ډول په شرعي احکامو کې حلال ګڼل دي. په دې هکله د (ډیموکراسي کفري نظام دی) په نامه یو کتاب لیکل شوی دی. کولای شي نوموړی کتاب په خپل هیواد کې د حزب التحریر د مطبوعاتي دفتر له لارې ترلاسه کړې. په دې کتاب ډیموکراسي او داچې هغه څه ډول کفري نظام دی، بیان شوي دي.
په پای کې تاسو ته سلام وړاندې کوم او د هغه څه په بدل کې، چې د اسلام او مسلمانانو د خیر لپاره دې لیکلي، له الله سبحانه وتعالی څخه د اجر او ثواب غوښتنه کوم.
ستاسو ورور عطا بن خلیل ابوالرشته
سلسلة من اللقاءات الأسبوعية تتناول أهم القضايا والأحداث المستجدة
يسر المكتب الإعلامي المركزي لحزب التحرير من خلال هذه الصفحة أن يسلط الضوء على كل عدد جديد يصدر من جريدة الراية ليبرز الخير العميم الذي فيه، فكونوا معنا..
