پنجشنبه, ۱۷ رمضان ۱۴۴۵هـ| ۲۰۲۴/۰۳/۲۸م
ساعت: مدینه منوره
Menu
القائمة الرئيسية
القائمة الرئيسية

پوتین یو ځل بیا له خلافته و وېرېد

  • خپور شوی په سیاسي

(ژباړه)

د)  ۲۰۱۷م( کال د جون پر ۱۲مه، د امريکا تفریحي تلویزوني شبکې «Showtime» څلورمه مستنده برخه ”د پوتین مرکې“ تر نامه لاندې خپره کړه، چې دا برخه په لوېديځ کې د امریکايي نامتو فلم جوړونکي اولیور سټون «Oliver Stone» له لوري جوړه شوې وه. په همغه وخت کې نوموړې مرکه د چينل ون «Channel One» روسي دولتي تلویزوني شبکې له لارې نندارې ته وړاندې شوه. د ( ۲۰۱۷م) کال د جون پر ۱۵مه، د روسي رسنيو تر څنګ د کریملین بهرنیو رسنیزو شبکو لکه «نن روسیې» او «سپوټنیک» له لارې خبر خپور شو، چې پوتین اولیور سټون ته ویلي وو، چې مسکو به هیڅکله هم روسیې ته اجازه ورنه کړي، چې خلافت شي.

که څه هم، په رسمي توګه نوموړی فلم د واقعي او بې طرفه استناد  ادعا کوي، خو تردې دمه د فلم کره والی او پوتین ته د لیکوال بشپړه وفاداري هر چا ته څرګنده شوه. د فلم په درېیمه برخه کې سټون له پوتین څخه د سوريې په پوځي عملیاتو کې د روسي هوايي ځواک د برخې اخیستنې لاملونو په اړه و پوښتل. پوتين په ځواب کې وويل: «دوی به له سهیلي اروپا څخه تر مرکزي آسيا پورې خلافت رامنځته کړي، چې دا تر ټولو ستر خطر دی». دې خبرې د خبريال ږغ د صحنې  تر شا پر پرده  منعکس کړ. دوی د نړۍ د نقشې پر مخ د تورې پراخې سیمې په څېر را څرګندېږي. د خلافت لمن له استثنا پرته ټولو مسلمانو هیوادونو ته غځیږي او تر پیرینین، اپینین او د بالکان تر ټاپووزمو پورې رسیږي.  د دې تر څنګ، د خلافت شمالي سرحدونه یې په فلم کې داسې انځور کړل چې د مرکزي اسیا په سیمه کې په مستقیم ډول له روسيې سره څېرمه پوله لري. په پايله کې، د مرکې نیمه برخه په سوریه کې د روسیې خونړیو عملیاتو ته ځانګړې شوې وه او پوتين په درېيمه برخه کې خپلې خبرې په دغو الفاظو پای ته ورسولې: « تاسو پوهيږئ د نړۍ هيڅ دین د شر سرچینه نه شي کېدای. په اسلام کې ډيرې زیاتې ډلې او تقسیمات شته، چې دوې اصلي ډلې يې شيعه او سني دي. موږ وينو چې تر اوسه د دوی دواړو تر منځ ډېر ژور توپیرونه شتون لري. سره له دې، زه پر دې باور لرم چې يوه ورځ به دوی پر دغو توپیرونو لاس بري شي یا به مسکو د خلافت یوه برخه شي». اولیور سټون د ټوکې په ډول وویل: «ښه، موږ به دې ته اجازه ور نه کړو. په هر حال، پوه شه چې واشنګټن ښايي د خلافت برخه نه شي.» پوتین په احمقانه ډول و خندل.

په ښکاره ډول، د خلافت په اړه د دوی  څرګندونې، د خلافت نقشې د پراخوالي اړوند مسلسله ویډیو، چې د عصري اروپا سیمه هم پکې ګډون لري ( هغه خاوره چې یو وخت تر اسلامي حاکمیت لاندې وه) او د سټون بې خندا ټوکه، دا ټول هغه څه دې چې د کریملین په پلوۍ یو بشپړ څرګند تبلیغاتي پیغام وړاندې کوي، چې پوتین له راتلونکي خلافت څخه د نړۍ ساتنه کوي.

له يو طرفه د( ۲۰۱۸م) کال د ټاکنیزو نوماندۍ پر مهال، پوتين روسي وګړي له خلافته وېرول، ځان یې د اړتیا له مخې د ۶ نورو کلونو لپاره پر چوکۍ د پاتې کېدو په پلمه مستحق ګاڼه او د سوریې په جګړه کې يې د نوي قربانیانو له حقونو څخه د دفاع لپاره ځان ته حق ورکاوه. د ده دا چل بریالی شو، د بېلکې په توګه د روسي پیلوټانو څخه د یو پلار په سوریه کې ووژل شو، د هغه د زوی په مړینه کې يې داسې وینا وکړه: « دی په داسې حال کې مړ شو چې وسله په لاس د خپلې پلرنی خاورې څخه یې دفاع کول، ترڅو دغه تور میکروب موږ ته سرایت و نه کړي، له دې امله موږ نه غواړو چې بورقه په سر کړو او هر څلور ساعته دعا وکړو. » له همدې امله روسان پوتین ته له خلافت څخه د نجات ورکوونکي او ژغورنکي په سترګه ګوري.

له بله طرفه په ځانګړي ډول نوموړی فلم په بهرنیو مرکزونو کې خپرېدو ته په پام کې نیول شوی و، چې فلم غربي مخاطبانو دواړو (سیاسي مخورو او عامو خلکو) ته یو مهم پیغام درلود. پوتين غواړي د اوسنۍ نړۍ له سترو قدرتونو څخه یو وي او د بهرنیانو له بندیزونو څخه لرې او خپلواک وي. پوتين په دې ډول اروپايانو ته وويل: «موږ ګډ دښمن لرو، له مخالفت څخه باید لاس واخلو.» سره له دې چې ټول فلم د پوتین او لیکوال دواړو له خوا مسلمانانو ته له کرکې څخه ډک پیغام درلود. پرته له شکه، له فلم څخه موخه په لوېديځ کې د ازادۍ د ارزښتونو او بهیرونو راټيټول او مايوسه کول وو، چې د امریکا د انتخاباتو پر پایلو يې د ټرمپ په بریا کې او په اروپا کې د ملتپالو په ځواکمن کېدو کې رغنده رول درلود. له هغه چا څخه مننه چې پوتين یې په لوېديځ کې زیات مشهوره کړ، په ځانګړې توګه له سټون څخه چې مخکې یو سخت لبرال کس، يو ځل بيا یې د شوروي مخالفینو سره همدردي ښکاره کړه او نن ورځ د پوتين د یو تبلیغاتي کس په څېر بدل شو. پوتين د یوې منظمې او څرګندې  مفکورې له مخې د سیالې امپرالیسټي مشرې امریکا څخه د داسې احترام وړ موقف په لټه کې دی. دغه موقف په ښکاره ډول د  Oscarجایزې ګټونکي فلمي ډایریکټر لپاره په زړه پورې دی. په رښتیني توګه، پوتین د هغو کسانو په څېر یو کس دی، چې الله یې يادونه کړې:

وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ أَلَا إِنَّهُمْ هُمُ الْمُفْسِدُونَ وَلَكِن لَّا يَشْعُرُونَ

(البقره:۱۱-۱۲)

کله چې هغوی ته و ویل شول، پر مځکه فساد مه کوئ، نو هغوی و ویل: یقینا موږ خو اصلاح را وستونکي یو. پام کوئ! په حقیقت کې همدوی فساد کوونکي دي، خو شعور نه لري.

د یادونې وړ ده چې د پوتین دا لومړی ځل نه دی، بلکې مخکې یې هم د خلافت یادونه کړې. په ( ۲۰۰۴م) کال کې، د هغه د واکمنی پر مهال، کله چې ده غوښتل په هیواد کې د خپلې واکمنۍ ځواکمنتیا ثابته کړي او سیاسي زور وښيې، نو له یوې روسي تلویزوني شبکې سره یې په مرکه کې وویل: « په هر صورت، د دوی  موخې په نړیواله سطحه ډېرې مهمې دي، د مثال په توګه د خلافت په رامنځته کېدو کې. زموږ لپاره دا واقعي، منفي او نه منونکي پایلې دي. په اصل کې د دوی دا موخه، زموږ لپاره  د هیواد په سهیل کې د  لویو سیمو د لاسه ورکولو او د ټول دولت د احتمالي بې نظمۍ په مفهوم ده.»

ښه، پوتینه، مسلمانان به په حقیقت کې خلافت بیا را ژوندی کړي؛ خپل هغه رښتینی دولت به را ژوندی کړي چې روسیه، امریکا یا بل هغه څوک به پرېنږدي چې د مېرمنو، زړو خلکو او ماشومانو پر سرونو مو بمونه پرته له جزايي مسولیته را اورول. وخت به راشي، د هغه خطر په اړه ستاسو ناوړه دروغ به څرګند شي، چې د نړۍ د خالق د دین له لوري تاسو ورسره مخ کیږی. روم او سپینه ماڼۍ به زموږ وي او ته، پوتینه، د دغه ژوند د تاریخ په تورو تیارو کې به تباه شې. ستا په شان قاتلان به هم ستا له برخلیک سره مخ وي او د اخرت په ژوند کې هر مجرم ته سختې سزاګانې ساتل شوې.

لیکوال: ایلډر خامزین

د حزب التحریز د مرکزي مطبوعاتي دفتر غړی

د الرایه جریدې د ۱۳۸ مې ګڼې لپاره

د مطلب ادامه...

پر حرص برلاسي کېدل

(ژباړه)

﴿وَأَمَّا مَن بَخِلَ وَاسْتَغْنَىٰ وَكَذَّبَ بِالْحُسْنَىٰ فَسَنُيَسِّرُهُ لِلْعُسْرَىٰ وَمَا يُغْنِي عَنْهُ مَالُهُ إِذَا تَرَدَّى

[لیل: ۸- ۱۱]

ژباړه: چا چې بخیلي وکړه او ( له خپل خدای څخه یې) بې پروایې وکړه او نیکي یې دروغ وګڼله، هغوی ته به موږ سخت ځای ( دوزخ) ته د ورتګ لار اسانه کړو، هغه مهال به يې مال څه په درد ورته وخوری، کله چې تبا شي او په کنده کې ولوېږي.

د یوه خوشحاله ژوند لپاره څه شی بسنه کوي؟ کېدای شي دغې پوښتنې ته سلګونه ځوابونه ورکړو. په حقیقت کې دا ځواب ډېر اوږد او بنسټيز دی او ستاسې بېلابېلې او نوې ازادي ګانې ښکاره کوي. اسلام د یو کس لپاره د الله سبحانه وتعالی له رضا سره د خپلو هيلو ارتباط ورکول ډېره اسانه کړي دي. الله سبحانه وتعالی موږ ته حق راکړی د هغه څه په لاس ته راوړلو کې چې حرام نه وي، هڅه وکړو.

موږ په خپل تاریخ کې داسې کسان لرل چې غټې پانګې یې درلودې او د هغو له ګټو برخمن وو؛ خو داسې حالت راغی چې یوه شېبه یې هم فکر ونه کړ، چې هغه د الله سبحانه تعالی په لار کې نفقه کړي؛ خو دا کار هغه وخت شونی دی چې یو مسلمان دا درک کړې وي، چې سعادت یوازې د الله سبحانه وتعالی په رضا کې دی او یوازې هغه څه چې موږ یې بايد حریص وو، د دنیا او اخرت بریالیتوب دی.

په حقیقت کې د مسلمانانو د انحطاط بنسټ همدا حرص او خیانت دث. دا حرص د پانګوالي نظام دی، چې خلک یې د پیسو لاسته راوړلو په ماشين اړولي دي. هغه حرص چې ابو العزیز ابن سعود یې اړ کړ چې امت او خپل اخرت پر کفارو وپلوري، هغه حرص چې لاسپوڅي چارواکي یې اړ کړل چې پر خپلو بې ګناه خلکو ناوړه ظلمونه وکړي او دا حرص و چې د ترکيې دولت د سوریې خلک پرېښودل چې مړه شي. هغه حرص چې د پاکستان اوردو د کشمیر له ازادولو منع کوي، هغه حرص چې ال سعود یې تر ټولو ډېر جذب کړی او هغه حرص چې د مسلمانانو حکامو واک او پانګه یې نا توانه کړې.

د مسلمانانو خلیفه عمر بن عبدالعزیز الله رحمة علیه فرمایلي دي: «زما زړه د دنیا هېڅ مال نه غواړي، چې زړه پرې بايلم؛ خو د غوره څيز هیله کوي، زما زړه جنت غواړي که ترلاسه شي په دنيا کې تر هغه غټ څه نشته.» که حاکم داسې وي، نو رعیت به یې څنګه وي؟ رسول الله صلی الله علیه وسلم فرمايلي دي:

«يوشك الأمم أن تداعى عليكم كما تداعى الأكلة إلى قصعتها فقال قائل ومن قلة نحن يومئذ قال بل أنتم يومئذ كثير ولكنكم غثاء كغثاء السيل ولينزعن الله من صدور عدوكم المهابة منكم وليقذفن الله في قلوبكم الوهن» فقال قائل يا رسول الله وما الوهن قال: «حب الدنيا وكراهية الموت»

ژباړه: ستاسو د دښمنانو له زړونو څخه به هغه وېره ووځي چې له تاسې څخه يې لري او ستاسو په زړونو کې به وهن پیدا شي. یوه وپوښتل: اې د الله رسوله! وهن څه ته وایي؟ رسول الله صلی الله عليه وسلم وفرمايل: له دنیا سره مینه او  مرګ له یاده اېستل.

له دنيا سره مينه چې زموږ په بدن کې پيچکاري شوې د دنيا له مادياتو څخه ده چې زموږ په ټولنه کې شته. موږ يې په روشن فکره او غښتلو کسانو بدل کړي يو او د نورو د مالونو لاسته راوړلو مينه چې خلک يې حرامو ته اړ کړي دي.

په دې وروستيو کې په پاکستان د واده مراسمو نمانځلو نوی ډول، چې د واده مراسمو د نمانځلو اوږد نوم لري پيدا شوی. دا لمانځنه يو کال دوام کوي او لويه ننداره رامنځته کوي.  په حقیقت کې دا د پانګې ښودنه ده، چې پر حسادت سربېره، په نورو کې د پانګې لاسته راوړلو حرص ډېروي، که دا کار د خلکو غولونې او يا په دام کې اچولو له لارې وي، بايد ترلاسه شي. زموږ په یاد دي، چې همدا حرص و چې یهودان یې الله سبحانه وتعالی ته ذلیل کړل او هغوی یې اړ کړل چې د الله سبحانه وتعالی نافرمانی وکړي.

﴿وَلَتَجِدَنَّهُمْ أَحْرَصَ النَّاسِ عَلَى حَيَاةٍ وَمِنَ الَّذِينَ أَشْرَكُواْ يَوَدُّ أَحَدُهُمْ لَوْ يُعَمَّرُ أَلْفَ سَنَةٍ وَمَا هُوَ بِمُزَحْزِحِهِ مِنَ الْعَذَابِ أَن يُعَمَّرَ وَاللّهُ بَصِيرٌ بِمَا يَعْمَلُونَ

[بقره: ۹۶]

ژباړه: ته به هغوی (یهودان) له بل هر چا څخه د ژوند حریصان ومومې، ان تر دې چې دوی په دې کار کې له مشرکانو څخه هم وړاندې شوي دي، هر یو دا غواړي چې زر کاله ژوند وکړي، په داسې حال کې چې اوږد عمر هغوی له عذابه نشي ژغورلی، څه عملونه چې دوی کوي الله سبحانه وتعالی خو هغه ویني.

موږ مسلمانان باید په دې پوه شوو چې دا حرص موږ د الله سبحانه وتعالی نافرمانۍ ته اړ کوي او د دنیا لاسته راوړلو هیلې مو ګمراه کوي. موږ باید د انفاق لارې زده کړو او باید د خپلو وروڼو او خویندو د حق لپاره خپل غږ پورته کړو، هغه حق چې نن ورځ ظالمو چارواکو غصب کړی دی.

لیکواله:‌ اخلاق جهان

د حزب التحریر مرکزي مطبوعاتي دفتر لپاره

د مطلب ادامه...

اې د مصر چارواکو؛ له امته غلا کړی قدرت مو ونه غولوي!

(ژباړه)

خبر:

د ۲۰۱۷ د جولای په ۳مه "اکسټرا نیوز" شبکې په یوه بېړني خبر کې وویل، چې ولسمشر السيسي ویلي: «د مصر د حکومت رهبري د ترهګرۍ پر وړاندې په مبارزه کې یوازې نه ده او د مصر ټول ملت د دغې  پدیدې پر وړاندې مبارزه کوي.»

تبصره:

د مصر ولسمشر پر دیني انقلاب یا هم په سپینه ماڼۍ کې د خپل بادار پر غرور اتکا کړې، په یاد حالت راضي نه دی، په ګمراهۍ کې دومره ژور تللی، چې غواړي د مصر خلک د اسلام او هغو دعوتګرو پر وړاندې چې خلک د خلافت بیا تاسیس ته را بولي، سره یو ځای کړي؛ هغه هم په داسې وخت کې چې اسلام یې د ترهګرۍ برنامه او دعوتګران یې ترهګر ښودلي دي.

د مصر ولسمشر د خپل غربي لیدلوري له مخې، اسلام د ترهګرۍ مفکوره او اسلامي افکار یې زموږ د اسلامي خاورې مصالحو ته یوازینی خطر بللی. یاد فکر یې د غیر مذهبي انقلاب په مرسته اعلان کړ او په دې هڅه کې دی چې د خپلو ملاتړو او د الازهر علماوو په ګډون له ټولو شته وسایلو او امکاناتو څخه د اسلام پر ضد کار واخلي او پر اسلام باندې برید ګرو ته لاره هواره کړي تر څو وکولی شي پر اسلام تور ولګوي او پر څېره یې خاورې وشیندي. دی غواړي د مصر اوسېدونکي په هغه جګړه کې چې د اسلام او دعوتګرو پر ضد یې روانه کړې، له ځان سره ودروي او ګومان کوي چې د مصر خلک به یې د غوښتنو پیروي وکړي.

په حقیقت کې د السیسي د ظلمونو، کړاونو، وینې تویونې او په اور کې د خلکو د سوځولو پر وړاندې د مصر د خلکو چوپتیا، دی غولولی او مغرور کړی دی، خو له دې ناخبره دی چې د مصر خلک مسلمان دي او د اسلام تر سیوري لاندې یې ژوند کړی دی. د دوی له زړونو او ضمیرونو څخه د اسلام لرې کول نه یوازې ستونزمن؛ بلکې ناشوني هم دي. که د مصر د خلکو پرړواندې ظالم او ځپونکی حکومت نه وی او که د دې زمینه مساعده وی چې واقعي سیاسیونو خپل نظرونه په ازاد ډول ورکولی شوی، تر څو د خلکو په زړونو کې یې د بدلون هیلې را ټوکولې وی او واقعي بدیل (د نبوت پر منهج خلافت) یې چې په ژوند کې بدلون راوړي، درک کړی وی، نو د السیسي غوندې کس به نه و توانېدلی، چې دومره موده حکومت پرې وکړي.

هو! په ډاګه وایو چې د مصر چارواکو د یادې خاورې خلک نه دي پېژندلي او نه دي پوهېدلې چې دوی له اسلام او اسلامي احکامو سره مینه لري. هغه وخت زموږ دا ادعا ثابتېږي چې ځپونکي حکومتونه له منځه ولاړ شي او د غږ اوچتولو لپاره ازاد ډګر رامنځ ته شي، تر څو خلک په ښکاره د زړونو نا ویل شوې خبرې بیان کړي. په هغه ورځ به ووینو چې دغه خلک به د اسلامي شریعت د پلې کېدو شعارونه ورکوي. هغه څه چې په رښتیا يې غرب انديښمن کړی او غواړي چې په چټکۍ د یادې زمینې د جوړېدو مخه ونیسي او د واقعي اسلام او د هر هغه شخص پر څېره چې دعوت لېږدوي، خاورې شيندي او ککړوي یې.

نو ځکه دی اسلام ترهګري بولي او دعوتګران زندانونو ته لېږي، دوی او کورنۍ یې په شهادت رسوي. سره له دې چې د مصر چارواکي په یاده خاوره کې د انقلاب د رامنځته کېدو مخه د زور، ډار او فشار له لارې نیسي، په یوه مړۍ ډوډۍ یې بوختوي او د هغه څه له درک څخه، چې د اصلي بدیل یعني خلافت د ملاتړ زمینه ورته برابروي، لرې ساتي، منحرفوي یې او له سترګو یې پنا کوي. د مصر خلک د مبارک له وخت څخه، چې پر ضد یې راپورته شول، تېر شوي او السیسي له هغه څخه هم بد بولي؛ خو څه یې چې د انقلاب د ځنډ لامل کېږي، هغه امریکا ده.

اې ولسمشره السیسي! کوم قدرت دې چې له امت څخه غلا او چور کړی، و دې نه غولوي. کله دې  چې یاد قدرت له لاسه ورکړ، نور به نه ته او نه دې باداران په امن کې وئ. ډېر ژر به امت هغه څه چې ترې غلا کړي مو دي، درنه واخلي او ډېر ژر به امت خپل قدرت او قیادت بیرته تر لاسه کړي. ستاسو له شر څخه د امت د ژغورنې زېری هره شېبه د امت ور ټکوي. هغه کسان چې د اسلام او دعوتګرانو پر ضد یې را پارو، هېڅکله به دې غوښتنې ته ځواب ونه وایي. همدغه خلک به ډېر ژر د جګړې نیزه ستا، ستا د هم کتارانو او د ماڼۍ د بادارانو پر لور ونیسي. همدغو خلکو ستا د له منځه وړلو او راپرځولو لپاره د دعا لاس پورته کړي، دا څرګند واقعیت دی چې مسلمانان او غیر مسلمانان دې د ظلم په اور کې سوځولي او کباب کړي دي.

او تاسو اې د کنانې خلکو! دا دی ستاسو ولسمشر او دا ده د هغه اسلام ضد مفکوره، هغه تاسو د خپلو وروڼو او اولادونو پر ضد را پاروي، هغه غواړي ستاسو د ژوند په غلا کولو ستاسو دین فاسد کړي؛ نو د فساد غوښتنې غږ ته یې غوږ مه نیسئ او زړه مه ورته ښه کوئ، هغو دعوتګرو ته لاس ورکړئ چې خیر او صلاح مو غواړي، شپه او ورځ مو د دین او دنیا د صلاح په موخه د خلافت په مرسته د اسلام د پلې کېدو هڅې کوي. دا دعوتګران د حزب التحریر ځوانان دي. نو د دین او دنیا د صلاح په موخه مو له هغوی سره مرسته وکړئ، له هغوی او دعوت څخه یې ملاتړ وکړئ. رهبري مو هغوی ته وسپارئ، دوی له تاسو سره صادق او ښه لارښوونکي دي؛ داسې لارښوونکي چې هېڅکله هم دروغ نه درته وایي او نه مو ذلیلوي. له ټولو مهمه دا چې، همدوی دي چې تاسو ته واقعي او د تطبیق وړ برنامې وړاندې کوي.

او تاسو اې د مصر په اردو کې د امت بچیانو!  ایا په تاسو کې داسې پوه خلک چې اسلام او اهل ته یې مرسته ورکړي، نشته؟ ایا په تاسو کې داسې پوه کسان نشته، چې د الله سبحانه وتعالی لپاره یې غضب را وپارېږي، په مصر کې د مزدورانو او خاینانو رېښې له بیخه وباسي او حاکمیت او قدرت چې یو امانت دی، په حزب التحریر کې د امت مخلصو بچیانو ته وسپاري، تر څو یې په مرسته د نبوت پر منهج خلافت راولي؟ داسې خلافت چې د غرب رېښې، تروریستي فعالیتونه او د نفوذ لمن يې زموږ له خاورو څخه ورټوله کړي او هغه کرښې چې امت یې سره وېشلی دی له منځه یوسي؛ هغه څه یې چې زموږ له پانګو غلا کړي بیرته راوګرځوي او امت هغه عزت او سرلوړۍ ته چې په نړۍ کې یې درلود، ور وګرځوي. ایا په تاسو داسې څوک نه پيدا کېږي، چې د الله سبحانه و تعالی بشپړ دین ته نصرت ورکړي؛ تر څو د هغو خاینانو رېښې، چې هره ورځ یې لاسونه د مصر د خلکو پر وینو ککړ دي او تل ورسره چل او مکر کوي، له منځه یوسي؟ ایا په تاسو کې داسې نران نشته، چې د امت غلاکړل شوې شتمني له دغو خاینو او لوټمارانو څخه واخلي او د امت عزت او کرامت بیرته راوګرځوي؟

د کنانې خلکو ته د اسلام له لېږد او د خلافت له لارې یې له پلي کولو پرته د ژغورنې بله لار نشته؛ که له اسلام څخه پرته بل څه پر تاسو حاکمیت وکړي، د یادو ګوډاګیانو په څېر، ان له هغوی څخه بد به یو په بل پسې پر تاسو حاکمیت وکړي. نو تاسو د خلافت په مرسته د اسلام په پلي کېدو کې سابقون شئ، تاسو د خلافت د بیرغونو (لواء او رایه) رپوونکي او اوچتونکي شئ. د الله سبحانه و تعالی فضل پر هغه چا دی چې په خپلو لاسونو کې د خلافت بیرغونه رپوي او د قیامت پر ورځ به دوی ته زېری وي. هغه څه مو چې تاسو ته وویل ډېر ژر به یې یاد کړئ، موږ یې کار او پایله الله سبحانه و تعالی ته وسپارله.

﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾ [انفال: ۲۴]

اې ایمان راوړونکو! د الله او د هغه بلنې ته لبیک ووایئ  چې پیغمبر کله تاسې ته د هغه شي په لوري بلنه درکړي، چې تاسې ته ژوند بښونکی دی او وپوهېږئ چې الله د انسان او د هغه د زړه تر منځ حایل دی او د همغه لوري ته به ورغونډ کړای شئ.

لیکوال: عبدالله عبدالرحمن

د حزب التحریر-ولایه مصر مطبوعاتي دفتر لپاره

د مطلب ادامه...

ایا اوسني ایتلافونه او محورونه ستونزې حلولی شي!؟

خبر:

په دې ورځو کې د افغانستان سیاسي فضا د ځینو ایتلافونو او محورونو د جوړېدو شاهده وه. څه وخت مخکې «د افغانستان د ژغورنې لپاره د ایتلاف عالي شورا» د قدرت انحصار، د نظام ړنګېدو او سیاسي کډوډیو د مخنیوي په موخه جوړ شو. همدارنګه یوه نوي سیاسي حرکت د «د افغانستان د خلکو محور» په نوم د« اساسي قانون او سیاسي مشروعیت ته راګرځېدل» تر شعار لاندې، چې د کرزي د دولت له څېرو نه جوړ دی، خپل شتون اعلان کړ. ویل کېږي چې په نږدې ورځو کې به د حزب اسلامي رهبر ګلبدین حکمتیار هم یو سیاسي جریان جوړ کړي.

تبصره:

د دولت ضد ایتلافونو او محورونو جوړېدل دا په ډاګه کوي، چې خلک، قومي رهبران، متنفذین او حتی دولتي چارواکي په پراخ ډول د امریکا په لاس له جوړ شوي نظامه ناراضه دي. له شکه پرته په داسې حالاتو کې د نظام د دیکتاتورۍ او فساد پر وړاندې د ایتلافونو او محورونو جوړېدل ظاهراً یو نېک کار دي؛ خو په دې شرط، چې سیاسي خوځښتونه په مشخص فکر، تعریف شوې لاره او تدوین شوي پروګرام سیاسي مبارزه وکړي.

له بده مرغه اوسني ایتلافونه او محورونه د دولت ژورو او پراخو تشو ته ځواب نه شي ویلی یا په لویه کچه یو سیاسي تغیر نه شي را منځته کولی؛ ځکه سیاسي خوځښتونه دولت ته د اصلاحي وړاندیزونو یو لیست وړاندې کوي، چې زیاتره یې په دولتي او اداري کچه د اصلاحاتو یا د افرادو او څېرو د تغیر او تبدیل ښودونکي دي. هغه اصلاحات، چې په اساساتو کې د حاکم نظام تابع او د اوسني وضعیت ادامه ده.

یا دا چې دا خوځښتنونه داسې هیلې او ارزوګانې مطرح کوي، چې نظام دې داسې او یا هسې شي او یا دې په پلانۍ برخه کې د دولت پالیسي اصلاح شي. په ښکاره ډول سیاسي خوځښتونه د یو سر تر پښو فاسد، چټل او لاسپوڅي نظام په اډانه کې اصلاحات غواړي. په داسې حال کې، چې دا نظام اصلاح او پیوند ته نه، بلکې اساسي تغیر ته اړتیا لري. 

د دې تر څنګ دا حرکتونه د دموکراتیکو اصولو لکه: انتخاباتو، لویې جرګې او مدني عدل غوښتنې په پام کې نیولو سره، غواړي خپله مبارزه پر مخ یوسي؛ په داسې حال کې چې کله دا حرکتونه د دا ډول اډانې پر اساس قدرت ته ورسېږي، نو په افغانستان کې د ډیموکراسۍ او پانګوالۍ د اوسني فاسد نظام د ماشین یوه پرزه کېږي؛ چې هېڅکله د دغه وضعیت پر تغیر باندې نه برلاسي کېږي.  

له دې امله پر ځای ده، چې دا پوښتنه وکړو، د روښنایۍ غورځنګ او تبسم هغه لسګونه زره کسییز لاریونونه چې ښارونه يې ونیول، پایلې یې څه وې؟ او کوم تغیرات یې رامنځته کړل؟ په تېرو دوو میاشتو کې د زنبق څلولاري د چهارشنبې له برید وروسته د پراخو لاریونونو شاهد وو، خو پر ډېرو تلفاتو سربېره ولې کوم بدلون رامنځته نه شو او ولې يې د اوسني حالت په تغیر کې یې هېڅ اغېز نه درلود؟ یا لسګونه مات ایتلافونه چې په تېرو کلونو کې رامنځته شوي، خو د یوه باد په راتګ يې ولې لړزانده رېښې له بېخه وختې؟

ځواب یې په یوه ټکی کې ویل کېږي. دا خوځښتونه د افغانستان په قضیه کې د یوه پراخه او روښانه لیدلوري او د افغانستان د پېچلي سیاسي، اقتصادي او اجتماعي وضعیت لپاره یو د اعتبار وړ بدیل په وراندې کولو کې پاتې راغلي، چې د هغه په رڼا کې یو اساسي تغیر رامنځته کړي. د پورتنیو خوځښتونو تګلاره په کمو اصلاحاتو او لږو تغیراتو سره د فعلي نظام ادامه ده. له همدې امله یې کوم محسوس تغیر نه دی رامنځته کړی.

همدارنګه د اوسنیو سیاسي خوځښتونو رهبران هم پخوانۍ تېروتنې تکراروي او د اصلاحاتو غوښتونکي دي. لکه څرنګه چې د افغانستان ژغورنې ائتلاف له رهبرانو نه عطاء نور وايي: «د ائتلاف غړي د نظام ستنې دي او موخه يې د نظام اصلاح ده». د دغه ایتلاف بل رهبر محمد محقق وایي: «ولسمشر دې انحصار پرېږدي او قدرت دې ووېشي.» په داسې حال کې چې دا نظام اصلاح او تمرکز ته اړتیا نه لري؛ بلکې د دغه نظام رېښې باید وایستل شي او په الهي نظام بدل شي.

د دې تر څنګ «د افغانستان د خلکو محور» سیاسي خوځښت اصلي شعار «اساسي قانون او سیاسي مشروعیت ته راګرځېدل» ټاکلی دی. په داسې حال کې چې د افغانستان اساسي قانون خپله د فساد او اوسني ناوړه وضعیت اصلي سرچینه ده، چې قانون جوړونه او حکومتوالي يې د بشر عقل ته پرېښې، چارواکي د خپل نفس او د غربي کاپي شوو قوانینو مطابق حکومت کوي او په پایله کې د فردي، ټېمي او قومي ګټو د تامین په لټه کې دي.

نو په افغانستان او ټولو اسلامي د خاورو کې د ثبات او ارامۍ راوستو لپاره د اساسي تغیر یوازینۍ لار او د ستونزو د حل اصلي نسخه هماغه شرعي طریقه ده. شرعي طریقه حکم کوي، چې د سیاسي حرکتونو او خوځښتونو د مبارزې موخه باید اسلام او اسلامي ژوند ته رسېدل وي. په ضمن کې د یو فاسد نظام په جوړښت کې په اصلاحاتو له هغه د خیر تمه نه شو لرلی؛ بلکې هغه نظام باید له بېخ او بنیاده وخېژي او پر الهي نظام او قوانینو بدل شي. دلته نو د سیاسي ایتلافونو او محورونو پر کار باورمند کېدلی شو. که نه نو اوسنی وضعیت، همغه دېګ، همغه شلغمه ده.

مصدق سهاک

د حزب التحریرـ ولایه افغانستان د مطبوعاتي دفتر غړی

د مطلب ادامه...

تلفزيون الواقية: لقاء بعنوان "القيادة الأمريكية من الخلف إمارة على الضعف!"

أجرى تلفزيون الواقية لقاء مع الأستاذ إسماعيل عمير (أبو البراء) من ولاية الأردن تحت عنوان "القيادة الأمريكية من الخلف إمارة على الضعف!".
 
تقديم: الأستاذ هيثم الناصر (أبو عمر)
 
الخميس، 04 ذو القعدة 1438هـ الموافق 27 تموز/يوليو 2017م
د مطلب ادامه...

تلفزيون الواقية: برنامج "حلقة على الهواء مع أحمد القصص"

يسر المكتب الإعلامي المركزي لحزب التحرير أن يقدم لمتابعي وزوار صفحات المكتب الإعلامي المركزي برنامجاً مرئياً جديداً من برامج تلفزيون الواقية بعنوان حلقة على الهواء مع أحمد القصص، يتناول فيه الأستاذ الفاضل أحمد القصص كتاب نظام الإسلام، فكونوا معنا..

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې