سه شنبه, ۰۸ رمضان ۱۴۴۵هـ| ۲۰۲۴/۰۳/۱۹م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     12 ربیع الثانی 1441

میلادی نېټه :     دوشنبه, 09 ډسمبر 2019 م

شمېره:      ۱۴۴۱/۲۸

ولايه پاكستان
مطبوعاتي دفتر

مطبوعاتي اعلامیه
اې د پاکستان حکامو! د خلافت د ملاتړو ځورول د الله سبحانه و تعالی د قهر سبب کېږي، له دې کاره لاس واخلئ

د خلافت د داعي عبدالهادي له تښتولو نیږدې درې اونۍ تېرېږي؛ خو د روغتیا او ځای په اړه یې تر اوسه کورنۍ ته کوم معلومات نه دي ورکړل شوي. د روان کال د نومبر په ۲۰مه، د رژیم جنایتکارانو، چې د ځینو یې یونیفورم پر تن و او د ځینو نه، نیمه شپه د غلو په څېر په کراچۍ کې د عبدالهادي پر کور چاپه ووهله او نوموړی یې له خپل بوډا پلار سره – چې د زړه ناروغي لري- ونیو. په دې توګه رژیم له هغو مسلمانانو سره ډېر وحشیانه عمل کوي چې د قران او سنتو د حاکمیت غوښتنه کوي؛ د کورنو حرمت ته فکر نه کوي او نه د ناروغ او بوډا خیال ساتي. خو که خبره د ابهینندان او ګلباشان وي، بیا نرمېږی او په اشغال شوي کشمیر کې د مودي د وحشت پر وړاندې هم صبر او هم حوصله کوي.

د باجوه-عمران رژیم د نبوت پر منهج د خلافت د داعیانو په ځورولو سره خپله هغه ادعا تر پښو لاندې کوي، چې ګواکي هغه دولت به جوړوي چې وروستي پیغمبر محمد صلي الله علیه وسلم تاسیس کړی و. د دوی لپاره د هغه پرهېزګاره نسل بېلګه سمه نه ده، دغه رژیم د مشرکو قریشو پر لار ځي، هغوی هم مسلمانان یوازې د دې لپاره ځورول چې یوازې د الله سبحانه و تعالی عبادت ته یې دعوت کاوه. کټ مټ لکه قریش، دغه رژیم هم د اسلام د دښمنانو پر وړاندې نرم او زړه‌سوانده دی؛ خو د مومنانو پر وړاندې سخت‌زړی دی.

اې د پاکستان مسلمانانو! پاکستاني حکامو عبدالهادي سره له دې ونیو، چې د نوي پاکستان (نیا پاکستان) پروژه له تاریخي ناکامۍ سره مخ شوه او د پاکستان لپاره د مخ پر وړاندې تګ یوازينۍ لار د اسلام حاکمیت دی. دوی په هغه دولت کې چې د اسلام په نامه جوړ شوی، د خلافت له دعوتګرو او ملاتړو سره ظلم کوي او هغوی ځوروي؛ الله سبحانه و تعالی خبرداری ورکوي:

﴿إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

[البروج:۱۰]

ژباړه: چاچې پر مومنو نارینه‌وو او ښځو باندې ظلم او تېری وکړ او بیا یې توبه ونه اېستله، هرو مرو د هغوی لپاره د دوزخ عذاب او د هغوی لپاره د سوزېدو سزا ده.

دغه ګنهکاره حکام د هغو مسلمانانو پر وړاندې بې رحمه دي چې د ما انزل الله د حاکمیت لپاره دعوت کوي او د شریعت پلي کول غواړي؛ رسول الله صلي الله علیه وسلم په یوه قدسي حدیث کې فرمایي:

«إِنَّ اللَّهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ»

(بخاري)

ژباړه: الله سبحانه وتعالی فرمایلي دي، زه د هغه چا پر وړاندې د جګړې اعلان کوم چې زما دوست (ولي) ځوروي.

نو اې د اسلامي امت مخلصینو، په ځانګړي ډول ژورنالېستانو او د بشري حقونو فعالانو، ځانونه مو د حکامو په دغه ښکاره او ناوړه ګناه کې مه شریکوئ او د خلافت د دعوتګرو او ملاتړو د ځورنې د پای ته رسولو لپاره غږ اوچت کړئ!

حزب التحریر-ولایه پاکستان مطبوعاتي دفتر

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې