یکشنبه, ۱۲ جمادی الثانی ۱۴۴۰هـ| ۲۰۱۹/۰۲/۱۷م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
امریکا: د راډیکال اسلام خطر یو حقیقت دی
بسم الله الرحمن الرحيم
امریکا: د راډیکال اسلام خطر یو حقیقت دی

د امریکا د بهرنیو چارو وزیر مایک پامپیو د ۲۰۱۹م کال د جنوری په لسمه مصر ته ولاړ او ددغه هېواد له ولسمشر عبدالفتاح السیسي سره یې ولیدل او له مصره یې د امریکا ملاتړ اعلان کړ. هغه پر خپل ټویټر ولیکل: «په قاهره کې مې له سیسي سره خبرې ښې وې، د امریکا متحده ایالات په ټول جدیت سره د خپلو هوکړو پر بنسټ د دیني ازادۍ د ملاتړ او له ترورېزم سره د مبارزې په خاطر، چې زموږ ټول ملګري په منځني ختیځ کې ګواښي، له مصر سره ولاړ دي.» همدارنګه هغه له خپل مصري سیال سامح شکري سره یو خبري کنفرانس جوړ کړ او مخکینۍ خبرې یې په دغه کنفرانس کې هم تکرار کړې او زیاته یې کړه: «ولسمشر ټرمپ به تل د مصر او نورو هېوادونو لپاره د یوه ښه شریک په توګه پاتې شي او یقیناً چې امریکا به له ترورېزم سره د مبارزې په لپاره له مصره خپل ملاتړ ته دوام ورکړي.»  

بېشکه د راډیکال اسلام خطر یو حقیقت دی. همدارنګه پامپیو د مصر په پوهنتون کې خبرې وکړې، په داسې حال کې چې د اوباما پر سیاست یې نیوکه کوله، وویل: « پرون مو ملګرو موږ ته اړتیا لرله، خو موږ په کافي اندزه د هغې تند لارۍ او د تند‌لارې ایډیالوژۍ د اهمیت خطر کم کړ، چې د تندلارو ډولو د جوړېدو لامل کېده.» هغه وویل: «موږ له خپلو تېروتنو دا زده کړل، چې د امریکا شا تګ به په سیمه کې د ګډوډۍ لامل شي او که خپلو دوستانو ته پام ونه کړو، ستونزې به پیدا شي.» ده زیاته کړه: «موږ د یوه ځواکمن اسرائیل د بقا لپاره هڅه کوو.»

سامح شکري له خپل امریکايي سیاله، له مصر سره د امریکا د ډېرو مرستو غوښتنه وکړه او همدارنګه ټول اسلامي خوځښتونه یې له واحدې ایډیالوژۍ څخه را ولاړ وبلل او د مصر، سوریې او د افریقا په لودیځ کې د هغوی د ځينو د نومونو د اخیستلو په واسطه یې د پاملرنې وړ وګرځول. هغه یاده کړه چې مصر د ثبات د ټيګښت لپاره د امریکا لپاره یو ځواکمن ستراتېژیک شریک دی یعنې د امریکا او مزدورانو د امنیت  ټينګښت، په سیمه کې د امریکا د نفود او د دوی د لاسپوڅو د حاکمیت دوام  او استقرار او د یهودو د دولت استقرار او د هغه قوي ملاتړی.

بېشکه د نړۍ حاکمیت ته د اسلام د بیا راګرځېدو لپاره د مبارزې پر هڅو تمرکز او د هغه له بیا راتګ څخه د امریکا حقیقي وېره په ډاګه کړې ده او پر همدغه دلیل هغه د یوه متشدد، راډیکال او یا ترورییستي اسلام په توګه تعبیروي او امریکا په مصر او سیمه کې د نړۍ حاکمیت ته د اسلام د بیا راتګ سره د مقابلې په خاطر د خپلو مزدورانو ملاتړ کوي. هغوي اسلام ته د امت د راګرځېدل درک کړي دي او له امت څخه د داسې خوځښتونو راوتل، د ژوند ډګر ته د اسلام پر بیا راتلو دلالت کوي او دا هغه څه دي چې دوی ترې وېرېږي او د ورکولو غوښتونکي یې دي؛ خو الله سبحانه وتعالی د هغوی لپاره په کمین کې ناست دی او خپل دین به، که څه هم امریکا، مزدوران او شریکان یې نه خوښوي غوره او بریالی کړي او له هغو کسانو سره چې ایمان یې راوړي او نېک عملونه کوي خپله وعده به، د ځمکې پر مخ د ظالمو او فاسقو حکامو پر ځای د دوی پر ځایناستي کېدو او د امنیت او قدرت په ورکولو سره عملي کړي.

ذبیح الله رضوان

ژباړن: زمری دوست

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې