الإثنين، 14 محرّم 1440| 2018/09/24
Saat: (M.M.T)
Menu
القائمة الرئيسية
القائمة الرئيسية

المكتب الإعــلامي
ولایہ پاکستان

ہجری تاریخ    30 من جمادى الأولى 1439هـ شمارہ نمبر: PR18011
عیسوی تاریخ     جمعہ, 16 فروری 2018 م
  • خلافت قائم کرو اور اکھنڈ بھارت کا خاتمہ کرو 
  • خلیفہ راشد کی قیادت میں پاکستان آرمی بھارت کی دہشت گرد فوج کو شکست فاش دے سکتی ہے

15 فروری 2018 کو آزادکشمیر کے بٹل سیکٹر میں مسلمان بچوں کو اسکول لے جانے والی گاڑی پر بزدل بھارتی افواج نے فائرنگ کی  جس کا پاکستان آرمی نے فوری اور بھر پور جواب دیتے ہوئے لائن آف کنٹرول پر واقع اس بھارتی  چیک پوسٹ کو زمین بوس، پانچ بھارتی فوجیوں کو جہنم وصال اور کئی کوزخمی کردیا۔ پاکستان آرمی کے اس بھر پور جواب نے یقناً اللہ سبحانہ و تعالیٰ کو خوش  اور  ایمان والوں کی دعائیں لی ہیں۔

 

یقیناً پاکستان آرمی نہ صرف مشرقی سرحد پر بھارتی افواج کی جارحیت کا بھر پور جواب دینے کی صلاحیت رکھتی ہے بلکہ وہ  بھارتی فوج کو گھٹنوں کے بل جھکنے اور خطے میں بھارتی مکروہ عزائم اور سازشوں کا مکمل  اور فیصلہ کن طور پر خاتمہ بھی کرسکتی ہے۔ اس مقصد کے حصول میں واحد روکاٹ پاکستان کے حکمران ہیں  جنہوں نے ہماری افواج کو مغربی سرحد پر افغانستان کے ساتھ مصروف کررکھا ہے تا کہ وہاں قابض امریکی افواج کو قبائلی مزاحمت سے تحفظ فراہم کیا جائے جبکہ اس کے ساتھ ساتھ یہ حکمران مقبوضہ کشمیر میں ہونے والی جہاد کی حمایت ختم کررہے ہیں جس کے کئی ایک ثبوتوں میں سے ایک ثبوت چند دن قبل انسداد دہشت گردی کے ایکٹ میں امریکہ و بھارت کے کہنے پر ہونے والی ترمیم ہے جس کا مقصد جہاد کشمیر کی فنڈنگ پر قدغن لگانا ہے۔

 

حقیقت میں امریکہ نواز حکمران پاکستان آرمی کی راہ میں روکاٹ ہیں جو انہیں اس کام سے روکتے ہیں جس کا کرنا انتہائی ضروری ہے جبکہ وہ اسے کرنے کی پوری صلاحیت بھی رکھتے ہیں۔ مشرف نے سب سے پہلے 2002  یہ دعوی کیا تھا کہ  جہاد کشمیر پر پابندی کے نتیجے میں کشمیر کے مسلمانوں کی تکالیف کو ختم کرنے کے لیے امریکی حمایت حاصل ہوگی۔ اس کے بعد مشرف نے یہ دعوی کیا کہ 2003 میں بھارت کے ساتھ ہونے والے فائربندی کے معاہدے کو امریکہ کی گارنٹی حاصل ہے تا کہ پاکستان قبائلی علاقوں میں امریکی جنگ پر توجہ مرکوز کرسکے۔  یہ بات قطعی طور پر واضح ہے کہ امریکہ کی گارنٹیاں صرف اور صرف مسلمانوں کو نقصان پہنچنے کی گارنٹیاں  ہوتی ہیں اور بھارت کے مکروہ عزائم اور سازشوں کے لیے مزید مواقع پیدا کردیتی ہیں ۔ یقیناً امریکہ پر انحصار کرکے پاکستان کے حکمرانوں نے اس بات کو یقینی بنایا ہے کہ بھارت مقبوضہ اور آزاد کشمیر کے مسلمانوں کے خلاف  جارحیت میں اضافہ کرسکے اور وہ مسلسل فائربندی کی خلاف ورزیاں کررہا ہے اور امریکہ اس کی کسی قسم کی کوئی سرزنش بھی  نہیں کررہا ۔ اس کے علاوہ امریکہ کی نام نہاد “دہشت گردی” کے خلاف جنگ میں پاکستان کی خدمات اور قربانیوں کے اعتراف  کے طور پر  امریکہ نے افغانستان کے دروازے  بھارت پرکھول کر اس  کی انٹیلی جنس کو افغان سرزمین پاکستان کے خلاف استعمال کرنے کی کھلی اجازت بھی دے رکھی ہے تا کہ بھارت پاکستان کے خلاف بلوچستان اور دوسرے علاقوں میں مزیدنئے محاذ کھول سکے۔

اب بھی صورتحال تبدیل کی جاسکتی ہے اگر مسلمانوں پر ایسے حکمران حکومت کررہے ہوں جو اسلام اور مسلمانوں کے مفاد کو مقدم رکھیں اور امریکہ کے مطالبوں ، وعدوں  اور گارنٹیوں کوکسی قسم کی کوئی اہمیت نہ دیں۔ اسلامی حکمرانی میں مسلمانوں پر حملہ کرنے والی اقوام کے ساتھ کوئی فوجی اتحاد، معاونت، انٹیلی جنس کے تبادلے، فلیگ میٹنگز، سفارتی تعلقات اور معاشی تعلقات نہیں رکھے جاتے۔ اسلام مسلمانوں سے مطالبہ کرتا ہے کہ وہ ہندو ریاست کے قبضے کے خلاف اس وقت تک لڑیں جب تک کہ وہ ختم نہ ہوجائے۔ اللہ سبحانہ و تعالیٰ نے فرمایا،

 

وَلَن يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلًا

“اور اللہ تعالیٰ کافروں کو ایمان والوں پر ہر گز راہ نہ دے گا”(النساء:141)۔ 

 

اور اللہ سبحانہ و تعالیٰ نے فرمایا،

فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ

” جو تمہارے خلاف جارحیت کا ارتکاب کرے تو تم بھی اس پر حملہ کرو جیسا کہ انہوں نے تم پر حملہ کیا “(البقرۃ:194)۔

اور اللہ سبحانہ و تعالیٰ نے فرمایا،

وَأَخْرِجُوهُم مِّنْ حَيْثُ أَخْرَجُوكُمْ

“اور انہیں نکالو جہاں سے انہوں نے تمہیں نکالا ہے”(البقرۃ:191)۔

 

امریکہ کو مغربی سرحد پر افغان مسلمانوں کے ہاتھوں اپنی موت آپ مرنے کے لیے چھوڑ دو جنہوں نے پہلے ہی امریکہ کو دھول چٹا  دی ہے اور ہماری افواج   شہادت یا غازی بننے کے جذبے کے ساتھ  مشرقی سرحد پر ایک کے بعد ایک نہ ختم ہونے والی طوفانی موجوں کی طرح بھارتی افواج پر ٹوٹ پڑیں ۔ ہم میں جتنے بھی لڑنے والے مرد ہیں انہیں جمع کیا جائے اور انہیں فوری فوجی تربیت فراہم کرکے  لڑنے کے لیے فوج کے ساتھ بھیجا جائے۔ مقبوضہ کشمیر کے مسلمانوں کو کھلی مالی اور انٹیلی جنس معاونت فراہم کی جائے  تا کہ وہ آزادی اور الحاق پاکستان کی اپنی جدوجہد میں کامیابی حاصل کریں۔

 

ہمارے ایٹمی اثاثوں کو حرکت میں لایا جائے تا کہ بھارت کوئی انتہائی قدم نہ اٹھا سکے اور خوف سے مفلوج ہوجائے۔ اور یہ سب کچھ اس وقت تک جاری رکھاجائے جب تک بھارتی ریاست کے قبضے کا خاتمہ نہ ہوجائے اور پورے برصغیر پر اسلام کی بالادستی نہ قائم ہوجائے جیسا کہ ماضی میں  پورا ہندوستان کئی صدیوں تک اسلامی حکمرانوں کے زیر سایہ رہا تھا۔ تو  مسلمانوں کو نبوت کے طریقے پر خلافت کے قیام کی جدوجہد کرنے دو تا کہ یہ سب کچھ حقیقت میں ڈھل سکے۔  

   

ولایہ پاکستان میں حزب التحریر کا میڈیا آفس

المكتب الإعلامي لحزب التحرير
ولایہ پاکستان
خط وکتابت اور رابطہ کرنے کا پتہ
تلفون: 
http://www.hizb-ut-tahrir.info
E-Mail: [email protected]

Leave a comment

Make sure you enter the (*) required information where indicated. HTML code is not allowed.

دیگر ویب سائٹس

مغرب

سائٹ سیکشنز

مسلم ممالک

مسلم ممالک