چهارشنبه, ۰۴ ربیع الاول ۱۴۴۲هـ| ۲۰۲۰/۱۰/۲۱م
ساعت: مدینه منوره
Menu
القائمة الرئيسية
القائمة الرئيسية

موږ ستاسو له توقیفونو څخه نه وېرېږو او تاسو د خلافت دولت د تاسیس مخنیوی هم نه شئ کولای! Featured

  • خپور شوی په ترکیه

د ۲۰۲۰م، د سپټمبر په ۲۲مه په انټالیا کې د امنیت ریاست، د حزب التحریر ۱۴غړي ونیول، ۸ ورځې وروسته یې د ناحق توقیف په پای کې محکمې ته ولېږل، چې د ۱۱ غړو پر زنداني کولو یې پرېکړه وکړه او همدارنګه ۲ تنه یې په مشروط ډول خوشي کړل. دغه راز یو بل بیا د عامه څارنوال په غوښتنه خوشې شو. په دې اړه د حزب التحریرـ ولایه ترکیه مطبوعاتي دفتر دریځ په لاندې ډول دی:

حزب التحریر یو سیاسي حزب دی چې ايډیالوژي یې اسلام او فعالیتونه یې فکري او سیاسي دي. هېڅکله زور زیاتي او تاوتریخوالي ته ژمن نه دی، چې دا یې په خپلو فعالیتونو، خپرونو او اعلامیو کې په ډاګه کړي دي. چا چې د ترهګرۍ ضد قانون لوستی وي، پوهېږي چې د هر ډول زور زیاتي، تاوتریخوالي، ظلم، ډار او ترهګریزو ډلو لپاره شرایط شته، تر څو ترهګریز سازمان وبلل شي. د پوهېدو لپاره یې یوازې سالم عقل کافي دی او اړتیا نشته چې یو څوک دې فقیه وي. دغه راز هغوی په دې پوهېږي چې حزب التحریر د تاوتریخوالي او دښمنۍ لار نه غوره کوي.

د ترهګریزو سازمانونو په فهرست کې د حزب درجه بندي کول، په بېلا بېلو تورونو یې د غړو نیول، د دوی نا عادلانه محکمه او نور نه یوازې عجیب دي، بلکې دا د دوی ناوړه ارادې ښيي. حزب التحریر خپل بېلا بېل فعالیتونه لکه؛ کنفرانسونه، غونډې، لاریونونه، مطبوعاتي کنفرانسونه او همدا راز سیاسي تحلیلونه وړاندې کوي، چې د مسلمانانو ګټې په نظر کې نیسي. دا ټول فعالیتونه نه یوازې له زور زیاتي او تاوتریخوالي خالي دي، بلکې ټول هغه ترهګریز فعالیتونه غندي، چې د مسلمانانو پر وړاندې پېښېږي. دغه راز د مسلمانانو د وینو، ناموس او پيسو ساتونکي دي. پر دې سربېره حزب التحریر د ترهګریز سازمان په توګه طبقه بندي کول، په څرګنده توګه ښيي چې ټوله مساله یوه سیاسي مساله ده نه فقهي.

د اساسي قانون محکمې د حزب التحریر اړوند انفرادي غوښتنې و ارزولې او پرېکړه یې وکړه، چې د دوی په قضیو کې له حق څخه سرغړونه شوې ده او په ډاګه یې کړه چې د حزب التحریر په محکمه کې وړاندې شوي شواهد کافي نه دي، چې په دې سره د حزب التحریر ځینې غړي خوشې او پر محکمو یې بیا غور وشو.  فرعي محاکمو د اساسي قانون د محکمې له پرېکړې سره مخالفت وکړ، چې دا په قضايي سیسټم کې په ښکاره ډول د قانون وضعیت په ډاګه کوي. د اساسي قانون محکمه تر ټولو لوړ قضايي مقام دی، چې د هغې د شتون قانونيت باید وڅېړل شي، چې ایا پرېکړه یې اغیزمنه ده! که فرعي محکمې د حزب التحریر د نیول شوو غړو پر وړاندې حکم صادر کړی وي، د اساسي قانون محکمه به خپله پخوانۍ پرېکړه او قانون تکرار کړي، چې دا محکمه د دې  غړو حقونه تر پښو لاندې کوي. له دې امله د دې شبابو نیول او زندانونو ته یې اچول، سربېره پر دې چې د پروسې د پړاو په اړه پوه دي، له فقهي اړخ سره هېڅ اړه نه لري او د کوم فکري منطق له مخې توضیح کېدلای هم نه شي. له همدې امله دا یوازې د مخلصو مسلمانانو پر وړاندې ژوره کرکه څرګندوي.

په پای کې موږ وایو؛ کله چې حزب التحریر یاد شي، نو خلافت د هغې تر څنګ یادېږي، که د خلافت یادونه وشي، حزب التحریر یې تر څنګ یادېږي. حزب التحریر د اسلامي هېوادونو د یووالي، شتمنۍ، ځواک، خپلو پولو او د یوه دولت تر چتر لاندې، د خپل لښکر لپاره کار کوي، چې هغه د نبوت پر منهج راشده خلافت دی. د حزب التحریر پر وړاندې خنډونه جوړول، له خپلې موخې د دوی اړول او له منځه وړل، په حقیقت کې د حق لارې خلافت دولت، د تاسیس پر وړاندې د خنډ جوړولو په مانا دی. هغه څوک چې غواړي  راشده خلافت بیا د اسلامي امت برخه نه شي، دوی بیا یوازې د ښکېلاکګرو  په لاسونو کې وسلې کېدلای شي. دوی پرېږدئ چې پوه شي د خلافت دولت بېرته راستنېدل، د حق او خوښۍ خبره ده او تاسو نه شئ کولای چې پر وړاندې یې خنډ وګرځئ. دا یو مسوولیت، شرعي حکم  او موجود واقعیت دی چې ماتې نه خوري.  

د حزب التحریرـ ولایه ترکیه مطبوعاتي دفتر

 

 

د مطلب ادامه...

راتلونکی خلیفه به د متعصم په څېر، زموږ د لوڼو او خویندو عزت او عفت وساتي Featured

الله سبحانه وتعالی په اسلام کې زموږ د لوڼو او خویندو حیثیت او مقام ډېر لوړ بللی دی. په داسې حال کې چې اوسمهال له بده مرغه د حسینې د ناوړه سیکولر رژیم تر چتر لاندې، د جنسي تيري ښکار ګرځېدلې دي. د بنګله دېش د محصلینو لیګ (BCL) د سیلهیت MC کالج په لیلیه کې، چې یو سیاسي سازمان دی، څو کسانو پر یوه مېرمن په داسې حال کې  ډله ییز جنسي تيري کړی، چې مېړه یې په رسۍ تړلی و، دا یوه زړه بوږنوونکې پېښه ده او دغه ظالم رژيم یې پټه ساتي. دغه جنایتکاران له ډېرو کلونو راهیسي د رژیم له لوري په امن کې ساتل کېږي، تر څو خلکو ته د وېرې ډک چاپېریال رامنځ ته کړي. کوم جرمونه چې دوی تر سره کوي، په پای کې د د رژيم د قضاییه قوې له لارې، له دې ځای څخه تېښته کوي. د بنګله دېش رژیم غله زموږ د زیانمنو مېرمنو له عزت او عفت څخه سرغړونه کوي، په داسې حال کې چې قضاییه قوه مجرمین پرېږدي. نو یوازې جنسي تېري کوونکي BCL نه شي کولای د دې جرمونو مسوول وګڼو، ځکه چې همدا جنایت کار رژيم له کلونو کلونو راهیسي د دوی باور پیاوړی کوي، تر څو جرمونه ترسره کړي. نو دا د حیرانتیا خبره نه ده چې کله یو رژیم  له مجرمینو او غلو څخه تشکیل شوی وي، د حق ویلو په تور د حزب التحریر مخلص فعالین د کلونو کلونو لپاره په زندانونو کې اچوي، خو مجرمین له ځنډ پرته ازادوي چې  بېرته خپلو ناوړه کارونو ته دوام ورکړي.

اې خلکو، هر څومره چې تاسو ناوړه سیکولر رژیم او خوښۍ یې وزغمئ، همداسې به زموږ ښځې په امن او خوندي چاپېریال کې تګ راتګ نه شي کولای. راځئ چې یوازې پر جنسي تېري کوونکو خپله انرژي ونه لګوو، ځکه چې اصلي ستونزه دا نه ده، بلکې دا د اوږد مهاله ستونزې یوه نښه ده، چې هغه سیکولر ډموکراټیک نظام دی، چې په مسلسله توګه د جنسي تېریو او مجرمینو تولید او ساتنه کوي. نو، له دې رژیم څخه د عدالت غوښتنه کول هېڅ ګټه نه لري، د دې پر ځای هڅه کوي تر څو موږ د جنسي تيري له کلتور سره عادت کړي، چې د همدې لیګ د جنسي تېري کوونکو کچه یې ورځ تر بلې لوړېږي.

اې خلکو، له دې ناورین څخه د وتلو اصلي لاره دا ده، چې په نظامي ځواک کې خپلو مخلصو ملګرو او د کورنۍ غړو ته دعوت ورکړئ، تر څو دا جنایت کار سیکولر رژیم له منځه یوسي، دوی باید ژر تر ژره حزب التحریر ته نصرت ورکړي، تر څو زموږ اصلي ډال ـ د نبوت پر منهج دویم راشده خلافت تاسیس کړي، چې زموږ  د میندو او لوڼو عزت او عفت خوندي کړي. افسران دعوت کړئ، تر څو داسې کار وکړي لکه څنګه چې صالح خلیفه متعصم د یوې ځوانې یتیمې نجلۍ ژړا ته ځواب ورکړی و، چې د رومي سرتېرو له لوري یې سپکاوی شوی و، متعصم یو غښتلی نظامي ځواک ولېږلو او په مالتا کې یې د رومن یوه مهمه اډه فتح کړه چې یوازې د دې مسلمانې له عزت څخه دفاع وکړي. د تاریخ په اوږدو کې، خلافت تل زموږ د خویندو او لورګانو د عزت ساتلو ډال و. دا د دوی مسوولیت و چې د رسول الله صلی الله علیه وسلم لاره تعقیب کړي، چې د بنو قینقا قبایلو پر وړاندې یې خپل وسله وال ځواک ولېږلو، هغه یې محاصره او بیا یې له خپلې خاورې څخه وشړل تر څو د یوې مسلمانې مېرمنې د عزت ساتنه وکړي. هغه ښځه چې د یوه یهودي له لوري یې سپکاوی شوی و، نو راځئ چې له مخلصو مسلمانو وسله والو څخه وغواړو، چې زموږ د لوڼو او خویندو پر وړاندې تاوتریخوالی پای ته رسولی شي. رسول الله صلی الله علیه وسلم فرمايي:

«وَاللَّهِ لَيُتِمَّنَّ هَذَا الأَمْرَ حَتَّى يَسِيرَ الرَّاكِبُ مِنْ صَنْعَاءَ إِلَى حَضْرَمَوْتَ، لاَ يَخَافُ إِلاَّ اللَّهَ أَوِ الذِّئْبَ عَلَى غَنَمِهِ‏»(صحیح البخاري)

ژباړه: ... ولاچې الله سبحانه وتعالی به دغه دین (اسلام) بشپړوي او پای ته به یې رسوي؛ تر هغه ځایه پورې چې یو مسافر له صنعا څخه تر حضر الموت پورې ځي او د الله سبحانه و تعالی او د پسونو لپاره یې د لېوه له ډار پرته له بل هېڅ شي څخه وېره ونه لري.

د حزب التحریرـ ولایه بنګله دېش مطبوعاتي دفتر

 

د مطلب ادامه...

په تفصیلي ډول د تبرج واقعیت

  • خپور شوی په فقهي

پوښتنه:

السلام‌علیکم‌ورحمت‌الله‌وبرکاته!

ښاغلی شیخ صاحب! یوه پوښتنه لرم، هغه دا چې کله ښځې عامه ځایونو ته ځي او خپل مخ پر مکیاج سره پټوي، نو ایا دغه ښځې د تبرج په اصطلاح کې شاملې دي؟ په شریعت کې د انوثیت مانا څه ده؟

وعلیکم‌السلام‌ورحمت‌الله‌وبرکاته!

ځواب:

دواړه پوښتنې دې یوه مساله ده، نو دواړو ته یو ځواب ورکوم. پخوا مو څو ځلې د تبرج پوښتو ته ځوابونه ورکړي وو، چې دلته یې د ۲۰۱۶م، د اکتوبر ۹مې ځواب رانقلوم، انشاءالله همدا به بسنه وکړي.

مخکې له دې چې د دغې مسالې تفصیلي ځواب ته ورشم، په اړه یې ځينې موارد بیانوم، چې د اجتماعي نظام، (ښځې ته کتل) په باب کې په تفصیل سره بیان شوي او دلته یې لویې کرښې رانقلوم:

عامه ځایونو ته چې کله ښځه راوځي، باید شرعي لباس؛ جلباب واغوندي، خپل عورت پټ کړي او تبرج ونه کړي.

له مخ او د لاسونو له مخونو پرته د ښځې ټول بدن عورت دی او د عورت لوڅول ورته حرام دي، دغه راز دا مساله په توجه جلبولو نه مقیدیږي. په دې مانا چې که د ښځې عورت د نر توجه جلب کړي او که نه، ښځې ته د عورت لوڅول حرام دي.

تبرج په لغت کې سړیو ته د ښځې د زینت ښکاره کول دي. په عربي کې راغلي دي: تبرج بېګانه وو ته د ښځې د زینت ښکاره کولو دي او دا یو ناوړه عمل دی. خو خپلو مېړونو ته یې زینت ښکاره کول ناوړه او حرام عمل نه دی. په قاموس المحیط کې راغلي (تبرجت)؛ یعنې ښځې خپل زینت خلکو ته وروښود... . په مختار الصحاح کې راغلي: خکلو ته د ښځې ښکلا او زینت ورښودولو ته تبرج وایي. په مقاییس اللغه کې راغلي: تبرج د ښکاره کولو په مانا دی. تبرج د ښځې هغه ښکلا ښکاره کول دي، چې د «اظهار» او  «ښکاره او ظهور» له کلمې څخه پېژندل کېږي. یعنې په تبرج کې لازمه ده، چې د ښځې زینت توجه جلب کړي. داسې لکه، زینت چې د سړي  لپاره نندارې ته وړاندې کړي، نو په دغه ډول یې شرعي مانا هم له لغوي مانا سره یو شی ده. الله سبحانه وتعالی فرمایلي دي:

﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾

(النور: 31)

ژباړه: باید پښې پر ځمکه په داسې ډول ونه وهي، چې خلک یې پر پټ زینت پوه شي.

نو باید ښځه په زوره پر ځمکه پښه ونه وهي، چې د زینت غږ یې واورېدل شي او سړی پر دې پوه شي، چې پر پښه یې پایزیب یا کوم بل زینت دی. تبرج په لغت او شریعت کې د ښځې د زینت ښکاره کېدل دي، چې ولیدل شي، نه یوازې زینت.

تبرج د هغه زینت ښکارېدنې په مانا دی، چې نور یعنې پردي خلک یې وویني او دغه مساله د عورت له پټولو سره توپیر لري. ځکه د عورت لوڅول حرام دي، که یې څوک وویني او که نه. تبرج یوازې زینت ته نه وایي او دا باید ووایم چې یو عادي زینت دی، چې د خلکو د توجه لامل نه ګرځي او دا زینت ښځو ته روا دی او بل هغه زینت دی، چې د خلکو د توجه جلبولو لامل ګرځي، چې همدا زینت د تبرج په نامه یادیږي او حرام دی. دغه راز تبرج په دوو حالاتو کې رامنځته کېږي:

د ښځې د بدن پر مباح برخه زینت؛ یعنې هغه غړي چې عورت نه دي. لکه د لاسونو مخونه، مخ او جامې او دا په داسې حال کې دي، چې د خلکو د توجه جلبولو لامل ونه ګرځي.

د ښځې پر نامباح غړي زینت، پرته له دې چې عورت لوڅ کړای شي؛ مثلاً، کله چې ښځه خپل مړوند په دست بند او یا بل کوم څه زینت کړي او کله چې دغه ښځه خپل لاس وښوروي، نو خلک پرې پوه شي د دغه ښځې لباس زینت شوی، نو دا بیا په تبرج کې راځي. دغه راز که چېرې د دغې ښځې لاس پټ هم وي بیا هم تبرج دی.

خو که چېرې د ښځې پر مباح غړي داسې زینت و، چې د خلکو پام یې ځانته رااړاوه، نو دا هم تبرج ګڼل کېږي او حرام دی. یعنې په داسې ډول، چې کله ښځه د سړیو تر څنګ تېره شي، د سړیو توجه د هغې ښځيتوب ته ورواوړي او که وروانوړي بیا تبرج نه ګڼل کېږي. پر دې مسالې پوهېدل کوم ستونزمن کار نه دی، ځکه په ښځو کې د ښځیتوب او نر کې د نارینه نښې ډېرې واضح دي، ښځه او نر یې ښه پېژني او پر دې هم پوهېږي، چې ایا دغه زینت د توجه جلبولو و او که نه. په ځانګړي ډول ښځه؛ ځکه ښځه پر دې ښه پوهېږي، چې زینت یې عادي دی او که غیر عادي؟ ایا د سړیو توجه جلبولی شي او که نه؟

خو د غیر مباح غړي زینت، پرته له دې چې عورت ښکاره شي؛ دا داسې دی لکه ښځه چې په خپله پښه پایزیب ټینګ کړي او د تګ پر مهال پښه په داسې ډول پر ځمکه ووهي، چې خلک یې د پایزیب اواز واوري او پرې پوه شي، نو دا ډول عمل تبرج ګڼل کېږي او حرام دی. که څه هم د ښځې پښه په دغه حالت کې پټه وي.

د پورته مطالبو له بیانولو وروسته، ستاسو د پوښتنې د ځواب جزیاتو ته ورځم:

د ګوتیو په ګوته کولو سینګار په اړه باید ووایم؛ که چېرې ګوتیې په داسې ډول وي، چې د چا توجه نه جلبوي، نو پروا نه لري، خو کله کله داسې ګوتیې هم وي، چې ځلیږي او یا شرنګهار کوي او د خلکو پام ځانته رااړوي، نو په داسې حال کې یې کارول حرام دي. دغه راز کله کله ښځې داسې غوږولۍ او یا نور څه کاروي، چې د خلکو پام ځانته رااړوي.

له جلباب څخه بیرون د غاړکۍ پر غاړه کول، که توجه جلب کړي او که نه روا نه دي. ځکه له جلباب څخه موخه دا ده، چې داخلي زینت پټ کړي. دغه راز دا هم روښانه ده، چې غاړکۍ د غاړې سینګار دی او غاړه پخپله عورت ده او دا لازمه ده، چې عورت تر جلباب لاندې پټ شي. که ښځه غاړکۍ اچوي، باید په جلباب کې یې پټه کړي.

کله چې د لاسونو پر بازوګانو او مړوندونو په داسې ډول د سینګار توکي تړل کېدل، چې که لاسونه وښوروي غږ یې پورته کېږي، نو دغه ډول سینګار بیا تبرج ګڼل کېږي او حرام دی. 

جلباب هغه جامه ده، چې د ښځې جامې او زینت پټوي. یعنې پخپله جلباب د زینت ځای نه دی، نو پر جلباب برسېره زینت روا نه دی.

د ښځې سترګې تورول د خلکو نظر نه راجلبوي؛ ځکه رانجه د سترګو په داخل کې وي او که ښځه رنګ په سترګو او یا له سترګو پورته ځای باندې وموښي، نو نظر راجلبوي.

دغه راز که ښځې خپل مخ پاک کړ او چرک ترې لیرې شو او یا هم که یې پر مخ باندې ځواني دانې وي او د مخ په پاکولو سره یې د مخ ښکلا څرګنده شوه او دا یې د مخ عادي حالت و، نو توجه نه راجلبوي. خو که یې پر مخ رنګ وموښه، دا بیا نظر راجلبوي. دغه راز د نظر په جلبولو کې د اوسېدو ځای توپیر لري. لکه: په کلي او ښار کې ژوند کول. مهمه دا ده؛ هغه زینت چې په غیر عادي ډول وي او په داسې یوه سیمه کې وي، چې هلته توجه جلبوي، نو دا زینت بیا تبرج ګڼل کېږي.

په پای کې باید ووایم: د عادت له مخې ښځه پر دې پوهېږي، چې زینت یې د سړیو توجه راجلبوي او که نه؟ یعنې د هغه زینت پېژندل ستونزمن کار نه دی، چې توجه جلبوي او ښځې په خپل احساس سره دغه مساله درک کوي. مسلمانه او تقوا داره ښځه یوازې له حرامو نه، بلکې له هغه څه هم ځان ساتي، چې شک پکې وي. ځینې صحابه وو له ځينو مباحاتو ځان ساته، ځکه ډېر داسې مباحات شته، چې حرامو ته نیږدې دي. رسول الله صلی الله علیه وسلم فرمایلي دي:

«لَا يَبْلُغُ العَبْدُ أَنْ يَكُونَ مِنَ المُتَّقِينَ حَتَّى يَدَعَ مَا لَا بَأْسَ بِهِ حَذَراً لِمَا بِهِ البَأْسُ»

ژباړه: هغه څوک متقي دی، چې د حرام له وېرې ډېر مباحات هم پرېږدي. (دغه حدیث ترمذي استخراج کړی او ویلي یې دي، چې حسن دی.)

هیله ده چې دغه ځواب به ستاسو لپاره بسنه وکړي. الله سبحانه وتعالی له ټولو دا او باحکمته دی.

ستاسو ورور عطاء بن خلیل ابوالرشته

ژباړن: حبیب الله حبیب

د مطلب ادامه...

د اوسنیو واکمنانو خلاف، خلیفه به له ځنډ پرته امریکا له افغانستان څخه وباسي Featured

  • خپور شوی په پاکستان

د ۲۰۲۰م، د سپټمبر په ۲۶مه د پاکستان لومړي وزیر عمران خان له واشنګټن پوسټ سره په خبرو کې، له افغانستان څخه د امریکا د ژر تر ژره وتلو په اړه خبرداری ورکړ او زیاته یې کړه چې پاکستان د ترهګرۍ پر وړاندې جګړه کې، له اتیا زرو زیاتو خلکو قرباني ورکړې ده. په داسې حال کې چې د باجوه ـ عمران رژیم منافقت د هېچا له سترګو پټ نه دی. کله چې تحریک انصاف په اپوزسیون کې و، د ناټو د اکمالاتي لارو د بندولو لپاره یې لاریونونه وکړل، د ترهګرۍ پر وړاندې جګړه یې د امریکا جګړه وبلله، د امریکا د اشغال پر وړاندې یې د افغان مقاومت ملاتړ وکړ او د امریکا امر یې وغانده. هغوی چې اوس په واک کې دي، د باجوه ـ عمران رژيم د طالبانو او امریکا تر منځ د خبرو اترو لپاره د ګومارل شوي اسانچاري په توګه عمل کوي، د ټرامپ له لوري د ۲۰۱۸م د وروستي فرمان پر مهال، پر امریکا بريدونه، د ترهګرۍ په توګه غندي او پر هغوی ویاړي چې د امریکا په جګړه کې یې خپل ژوندونه بایللي دي.

اېمان، جهاد او څو زره وسه وسله وال مجاهدین و، چې امریکا ته یې په افغانستان کې ماتې ورکړه. په داسې حال کې چې د پاکستان په سیاسي او پوځي رهبرۍ کې ډېر غداران وو، چې د امریکا لپاره یې اسانتیاوې برابرولې. د پاکستان په رهبرۍ کې غدارانو د امریکا یرغل اسانه کړ او قبیلوي عملیات یې ترسره کړل، تر څو د مقاومت لپاره ځای کم کړي. اوس د باجوه ـ عمران غدار رژیم له امریکا سره مرسته کوي، تر څو د افغانستان په سیاسي جوړښت کې د قدرت د شریکولو په معامله کې، خپل سیاسي قدرت وساتي او په دې توګه خپل خطرناک نفوذ ته پلمه جوړه کړي.   

هغه کسان چې په افغانستان کې اسلامي حاکمیت ته لیواله دي، پرېږدئ غور وکړي، چې د هند نیمې قارې مسلمانانو له اوږده مقاومت او سترې قربانۍ وروسته ځان د برېټانیا د امپراتورۍ له ځواکونو څخه څنګه خلاص کړ، تر څو د اسلام تر چتر لاندې ژوند وکړي. په داسې حال کې چې د پاکستان د خپلواکۍ له ګټلو څخه ۷۳ کلونه تېر شوي، خو اوس هم له اسلام څخه مخ اړوي، ځکه چې د سیکولر، ډیموکراټیک ځواک جوړښت چې برېټانیا رامنځ ته کړی و، تر اوسه پر ځای پاتې دی. په دې توګه، د امریکایي ځواکونو پوځي اډې باید په بشپړه توګه ویجاړې شي، تر څو  د امریکا سیکولر واکمن جوړښت له منځه لاړ شي، ګني د افغانستان د میلیونونو مسلمانانو قربانۍ به عبث تللې وي. په پاکستان کې د باجوه ـ عمران رژیم رول د امریکا د ډموکراسۍ د بقا د نفوذ لپاره،  په دې هېواد کې د امریکا د نوي سفیر ویلیم ای توډ له لوري په ګوته شوی دی، چې د ۲۰۲۰م، د سپټمبر په ۲۲مه یې د سنا مجلس د بهرنیو اړیکو کمېټې ته ویلي و: «په افغانستان کې سوله زموږ دواړو هېودانو په ګټه ده، د دې هدف د تر لاسه کولو لپاره د امریکا او پاکستان همکاري اړینه ده.»

یو مخلص مسلمان واکمن هېڅکله د ښکېلاکګرو ځواکونو د وتلو ځنډول نه غواړي، ډموکراسي د کفر نظام دی او څوک چې ورځي د وژونکي ښکېلاک په جال کې به نښلي. د ډموکراسۍ طاغوت باید رد شي، له همدې امله د نبوت پر منهج د راشده خلافت د بیا راستندېدلو لپاره متمرکز کار د مسلمانانو یوازینۍ سیاسي لیدلوری دی. د اشغال د پای ته رسولو لپاره به د خلیفه سم لارښود، مسلمان وسله وال ځواکونه متحرک کړي، چې د امپراطوریو په هدیره کې د امریکا راج خښ او ځواکونه یې په دومره زور سره وباسي چې هېڅکله بیا راستنېدلو ته زړه ښه نه کړي. الله سبحانه و تعالی فرمایي:

﴿وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ[بقرة: ۱۹۱] 

ژباړه: له هغوی سره چې هر چېرې مخامخ شئ وجنګېږئ، هغوی له هغه ځایه وباسئ، چې تاسو یې ایستلي یاست...

د حزب التحریرـ ولایه پاکستان مطبوعاتي دفتر

 

 

د مطلب ادامه...

له امریکا نه د سولې او آرامۍ تمه له شیطانه د هدایت د تمې په څېر ده! Featured

پر داسې مهال چې د بین‌الافغاني سولې خبرې اترې د قطر په دوحه کې روانې دي، په افغانستان کې جګړه زیاته شوې او په وروستیو کې په شرقي ولایتونو ننګرهار او لغمان کې د دوو خونړيو چاودنو له امله لږ تر لږه ۲۳ کسان ووژل شول او تر ۹۰ زیات ټپيان شول. دواړه اړخونه یو پر بل د لوړتیا لپاره جګړه او خبرې اترې هممهاله پر مخ وړي. دا په داسې حال کې ده چې د امریکا د بهرنیو چارو وزیر ویلي، چې دوی د افغانستان د جګړې بار له خپلو اوږو ټيټ کړی دی. د افغانستان د سولې لپاره د امریکا ځانګړي استازي زلمي خلیلزاد هم په خپلو څرګندونو کې زیاته کړې چې تر دې وروسته افغانان امریکا نه شي پړه کولی. هغه حتی ویلي چې د بین‌الافغاني خبرو اترو د بریا لپاره هېڅ تضمین نشته او که دغه خبرې اترې مطلوبې پایلې ته ونه رسېږي، په افغانستان کې د ۹۰مې میلادي لسیزې په څېر د کورنۍ جګړې احتمال ممکن دی.

د حزب‌التحریر ـ ولایه افغانستان مطبوعاتي دفتر د قضیې د مختلفو اړخونو د روښانه کېدلو لپاره لاندې ټکي مهم ګڼي:

اول: امریکا په افغانستان کې خونړۍ جګړه پيل کړه، د خپلو ګټو لپاره یې دوې لسیزې دوام ورکړ او اوس یې ظاهراً داسې پای ته رسوي، چې یوازې خپلې ګټې یې تضمین شي. حتی که افغانستان د جګړې په اور کې هم وسوځي؛ خو چې د امریکا ملي ګټو، نظامي تاسیساتو، ملکي ادارو او د امریکايي اتباعو ژوند ته زیان ونه رسېږي، امریکایان اصلاً ځان مسوول نه ګڼي.

دویم: د امریکا دریځ د سولې په قضیه‌ کې هم منافقانه او دوه‌ګونی دی. بین‌الافغاني خبرې اترې داسې مدیریت کوي، چې د دواړو مرکچي اړخونو تر منځ د جدي اختلافونو او کشمکشونو لامل شي او په پای کې د منځګړي په رول کې قضیې ته ننوځي، څو اختلافونه حل کړي. امریکا په خپل دغه کار سره غواړي نړیوالو ته داسې پيغام ولېږدوي، چې په افغانستان کې د ستونزو اساسي لامل امریکا نه، بلکې خپله افغانان دي، چې په مهمو مسایلو کې هوکړې ته نه رسېږي. که د امریکا لاسوهنه نه وي، دوی خپلې چارې هم نه شي تنظیمولی. په داسې حال کې چې امریکا په افغانستان کې د وروستۍ ۴۰ کلنې جګړې یو اصلي اړخ دی، چې په خپلو څو ګونو سیاستونو یې دغه خاوره بحران او تفرقې ته ټېل وهلې ده.

د افغانستان مسلمان او مجاهد خلک باید د سولې او جګړې د ختمېدو په شعارونو ونه غولېږي او تل باید په یاد ولري چې له امریکا څخه د سولې او آرامۍ تمه داسې ده لکه له شیطانه د هدایت تمه. مانا دا چې د امریکا سوله د جګړې بله پاڼه ده. په واقعیت کې د افغانستان جګړه یوازې په خبرو اترو او د هوکړو په لاسلیکولو نه حل کېږي، ځکه د افغانستان ستونزه یوه کورنۍ ستونزه نه، بلکې یوه سیمه‌ييزه او نړیواله ستونزه ده او په سیمه کې د امریکا د حضور تر مهاله به دا جګړه دوام لري. دا د افغانستان د مسلمانو خلکو او اسلامي ډلو مسوولیت دی، چې په سیمه کې د امریکا او غرب سیاسي، نظامي، استخباراتي او اقتصادي نفوذ له منځه یوسي او د –راشده خلافت دولت– تر واحد چتر لاندې په راټولېدو سره خپل برخلیک په لاس کې واخلي او خپل فکري او سیاسي وحدت تضمین کړي.

د حزب‌التحریر - ولایه افغانستان مطبوعاتي دفتر

د مطلب ادامه...

د افغانستان د سولې پروسه؛ د امریکا د ستراتيژیکو موخو او ټاکنو په ګرو کې!

خبر:

په قطر کې د بین الافغاني خبرو اترو له درې اونۍ بن‌بست او د جنګ په جبهو کې له بې ساري تاوتریخوالي وروسته د امریکا ځانګړی استازی زلمی خلیلزاد دوحې ته رسېدلی او پر خپله ټویټرپاڼه یې لیکلي، چې سیمې ته ځي څو په دغه بهیر کې له ښکېلو اړخونو سره د افغانانو په مالکیت او رهبرۍ د سولې خبرو اترو او د سولې له هوکړې وروسته د سیمه‌ييزې اړیکې، سوداګرۍ او پراختیا د زیاتوالي په اړه خبرې اترې وکړي. خلیلزاد زیاتوي چې افغانان او نړیواله ټولنه د دوحې د سولې خبرې اترې په دقت څاري او تمه کېږي چې دغه خبرې اترې د افغانستان د سیاسي راتلونکي لپاره د لارې د یوې نقشې چمتو کولو او دایمي او هر اړخیز اوربند لامل شي.

تبصره:

په داسې حال کې چې امریکا له طالبانو سره د سولې له هوکړه‌لیک څخه د امریکا د متحده ایالاتو او نړۍ په عامه افکارو کې په پوره ډول ګټه اخلي؛ خو د بین الافغاني خبرو اترو برخلیک چې څه ډول غواړي هغسې له خنډونو سره مخ کوي، ترڅو له خپل استعماري سنت سره سم لومړی ستونزه رامنځته کړي او وروسته یې د خیر غوښتونکي منځګړي په توګه حل کوي، ترڅو له یوې خوا پر پروسه تسلط او له بلې خوا د ستونزو په حل کې امریکا ته د اړتیا احساس ژوندی وساتي.

په امریکا کې د سولې طرفدار رهبران وايي، هغه «تروریستي» ډله چې ۱۹ کاله یې له امریکايي او ناټو ځواکونو سره جګړه او دښمني کوله، اوس یې پر ستراتيژيک دوست او هم‌پيمانه بدله شوې او په افغانستان کې یې د بهرنیو ځواکونو پر وړاندې خپله جګړه درولې ده. همدارنګه تضمین یې ورکړی چې هېڅ تروریستي ډله د افغانستان خاوره د امریکا او د هغې د متحدینو پر وړاندې نه شي کارولي. پورتني دواړه موارد د دې لامل شوي، چې د امریکايي ځواکونو د وتلو لپاره لار هواره شوې او د افغانستان په جګړه کې د امریکا لګښتونه په بې‌ساري ډول راکم شوي او امریکايي ځواکونه هم خپلو کورونو ته د بېرته تګ په حال کې دي. نو د امریکا متحده ایالات د امریکا د تاریخ د خورا اوږدې جګړې د پای ته رسولو په حال کې دي.

په داسې حال کې چې امریکا په دې جګړه کې له نظامي اړخه روښانه ماتې خوړلې ده، غواړي د سولې د پروسې له لارې خپله ماتې پر بریا بدله کړي او داسې وښيي چې د افغانستان د جګړې رېښې د افغانانو په فطرت کې دي او امریکا د دوی خټه له جګړې څخه سولې غوښتنې ته نه شي بدلولی. د امریکا متحده ایالاتو یوه برخه موخې چې د افغانستان د لاسپوڅي دولت له لارې یې تعقیبولې، تر لاسه کړې او پاتې سیمه‌يیزې موخې به په افغانستان کې له راتلونکي نظام سره د سیاسي، اقتصادي، استخباراتي او ډيپلوماتیکو اړیکو له لارې تعقیب کړي.

خو تر درې اونیو زیات وخت تېرېږي چې په دوحه کې د بین الافغاني خبرو اترو د پرانیستې مراسم ترسره شوي دي. د دواړو پلاوو د تماس ډلو یو له بل سره تر لس ځله زیات لیدلي دي؛ خو تر اوسه دواړه اړخونه حتی د خبرو اترو د پر مخ وړلو د کړنلارې پر تدوین یوې محسوسې پایلې ته نه دي رسېدلي. په داسې حال کې چې د افغانستان دولت او طالبانو تر منځ د جنګ جبهې په ټول هېواد کې په بې ساري ډول ګرمې شوې دي.

امریکا د سولې د هغې پروسې له پر مخ وړلو څخه چې بیه یې یوازې د افغانانو وینه ده، له یوې خوا د افغانستان له مسلمانو او مجاهدو خلکو څخه د دې خاورې د اشغال پر وړاندې د تقریباً دوو لسیزو جهاد غچ اخلي او له بله اړخه غواړي وښيي چې سوله د افغانانو خپله کورنۍ موضوع ده؛ افغانان په خپله خټه او فطرت کې جنګیالي دي؛ له دې لارې قصد لري، د متحده ایالاتو او نړیوالو عامه افکارو ته ناسم تصویر وړاندې کړي. په داسې حال کې چې د خلیلزاد څرګندونې چې پورته یې یادونه وشوه او د مایک پمپیو څرګندونې چې د بین الافغاني خبرو اترو د پرانیستې په مراسمو کې یې وویل: له افغانستان سره د امریکا اړیکې او همکارۍ د راتلونکي سیاسي نظام په ډول پورې مشروطې دي، چې د افغانانو تر منځ د اوسنیو خبرو اترو له لارې منځ ته راځي. دا ډول څرګندونې د افغانستان د سولې په پروسه کې د امریکا د مستقیمې لاسوهنې ښودونکې دي. مګر د امریکا لاسوهنه په دې کچه کې محدوده نه ده، بلکې هغه بمبارۍ چې همدا اوس په جنګي جبهو کې د دولتي ځواکونو په نامه ادامه لري او تل د افغانستان ملکي وګړي پکې قرباني کېږي، د دوی له خوا تمویل او د هغوی په مستقیم دستور ترسره کېږي.

په داسې حال کې چې ټول پوهېږي چې د جګړې یو اساسي اړخ (د افغانستان دولت) خپله امریکا منځ ته راوړی، تمویل او رهبري یې کوي. ټول مدني او سیکولر حرکتونه یې هم د همدغه نظام تر چتر لاندې منسجم کړي دي، ترڅو په دې اسلامي خاوره کې په ځانګړې توګه د بین الافغاني خبرو اترو په بهیر کې د غربي ارزښتونو لپاره غږ اوچت کړي او د یوه لیبرال او کثرت‌پال نظام لپاره مبارزه کوي چې د ټولو لږکیو لکه همجنسپالو، مرتد شوو او د امریکا د ملاتړو کسانو حقونه پکې تضمین شوي وي، که څه هم په راتلونکي کې د هغه دولت تر نامه لاندې وي، چې د دولت په نامه او قوانينو کې يې اسلام د مختاړو او وورستاړو په توګه لیکل شوی هم وي.

نو په قضیه کې د ښکېلو ټولو مسلمانو اړخونو لپاره اړینه ده ترڅو د امریکا اصلي څېره سمه درک کړي او خبیث پلانونه یې د اسلام پر اساس د وحدت او یووالي په وسیله له ناکامۍ سره مخ کړي. د سولې خبرې اترې ژر تر ژره بندې کړي، یو د بل پر وړاندې د جګړې جبهې پرېږدي او د اشغالګرو پر وړاندې په یوه مرصوص صف کې جهاد پیل کړي. تر دومره کچې خپل جهاد او دفاع ته دوام ورکړي، ترڅو خبیثه امریکا د خپل تاریخ په خورا اوږده جګړه کې پر ګونډو شي او خپله ماتې په ښکاره ومني، ترڅو ونه شي کولی چې خپل کورني او نړیوال کړکېچونه هممهاله مدیریت کړي، تر هغې چې د مستکبرې امریکا د نړیوالې ماتې او کورنۍ تجزیې لامل شي او په دا ډول شرایطو کې به په یوه اسلامي خاوره کې د راشده خلافت دولت د ظهور زمینه هم ممکنه شي.

﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾ (الانفال: ۲۴)

ژباړه: اې مومنانو! د الله فرمان او د پیغمبر دستور ومنئ کله مو چې داسې څه ته دعوتوي چې تاسو ته (مادي، معنوي، دنیوي او اخروي) ژوند دربښي.

سیف الله مستنیر

د حزب التحریر – ولایه افغانستان د مطبوعاتي دفتر رییس

د مطلب ادامه...

یوازې د نبوت پر منهج راشده خلافت کولای شي، چې فلسطین ازاد او د امریکا ملنډو ته د پای ټکی کېږدي Featured

  • خپور شوی په کینیا

امریکا له کینیا غواړي چې د اسراییلو د سیاسي او سوداګریزو ګټو ملاتړ وکړي، یا د نړۍ له تر ټولو ستر اقتصاد سره د ازادې سوداګرۍ تړون (FTA) هېر کړي او یا هم د امریکا او یهودي شرکت تر منځ د سوداګرۍ پر وړاندې خنډ ونه ګرځي. د امریکا دا وینا نه یوازې دا چې د یوه فرمان بڼه لري، بلکې دا بهرنۍ پالیسي یې هم له تېري څخه خالي نه بلل کېږي. پر دې سربېره دا هم په ګوته کوي، چې ولې امریکا د فلسطین په سپېڅلې خاوره کې د مسلمانانو پر وړاندې د جنایت کارانو د جنایتونو ملاتړ کوي. د امریکا بهرنۍ پالیسي ځان مکلف بولي، چې د نړۍ هېوادونو په چارو کې لاسوهنه وکړي او د دوی پر بهرنیو سیاستونو امر وکړي. ځکه له شک پرته په افریقا کې کینیا د نورو هېوادونو په څېر، د اشغال تر جوش لاندې ده، نو له همدې امله نه شي کولای په جدي ډول د امریکا د سیاسي فشار پر وړاندې مقاومت وکړي. دا په داسې حال کې ده چې کینیا ډېری وخت نه یوازې اسرایيل پېژندلي، بلکې د فلسطین او یهودي دولت تر منځ د حل ملاتړ کوي. دا امر په واشنګټن کې د فلسطین سپېڅلې خاورې ته د لوړ خیانت په تړون کې، له یهودي دولت سره د عربي اماراتو او بحرین له لاسلیک کولو څخه یوازې څو ورځې وروسته کېږي. دا روښانه ده چې د فلسطین خپلواکي او د قدس نړیوال کېدل او همدار راز د مسلمانانو او یهودیانو تر منځ د وېش پلان او پالیسي په عملي توګه د امریکا له لوري ډيزاین او پر مخ وړل کېږي. دا روښانه کوي، چې امریکا د فلسطین مسالې معمار او اغیزمن مدیر دی او د اسلامي امت لپاره دوزخ ده. موږ وایو چې یهودي دولت، په بشپړه توګه په اسلامي خاوره کې پروت دی او د دې خاورې له اشغال پرته هېڅ ځای نه لري. دا سپېڅلې خاوره، چې مسجد الاقصی هم پکې دی؛ د مسلمانانو لومړنۍ قبله او درېیم مسجد دی! په پای کې له یهودیانو سره هر ډول نړیوالې اړیکې یا سوداګریزې ګټې به دوی ته جواز ورکړي، په داسې حال کې چې دا کار زموږ په دین کې منع بلل شوی دی. د فلسطین مساله یوه اسلامي مساله ده، چې موږ یې غربي او غیر اسلامي حل ته زړه نه ښه کوو. له همدې امله موږ په اسلامي خاورو کې د نبوت پر منهج د اسلامي واکمنۍ، د بېرته راستنېدلو لپاره نه ستړې کېدونکې هلې ځلې کوو. په حقیقت کې یوازې خلافت کولای شي، چې د فلسطین او پاتې نورو اسلامي خاورو د ازادۍ او دفاع لپاره د مسلمانانو لښکرې سره یو ځای کړي.

شباني موالیما په کینیا کې د حزب التحریر مطبوعاتي استازی

 

د مطلب ادامه...

له سود خوړونکي کارمشر څخه د معاش اخیستلو حکم

  • خپور شوی په فقهي

پوښتنه

السلام‌علیکم‌ورحمت‌‌الله‌وبرکاته!

د یو ورور پوښتنې زه له ستونزو سره مخ کړم او ما دا غوره وبلله چې هغه دلته مطرح کړم. که څه هم هڅه مې وکړه چې هغه ته یې واضحه کړم، خو هغه قناعت ونه کړ.

پوښتنه د عمومي دندې په اړه ده چې د پانګوالۍ په نظام کې ترسره کېږي، هغه نظام چې ډېره برخه او یا یې لږ اقتصاد د سود پر بنسټ دی؛ د دې مسلې په درک سره هغه دولتونه چې د دندې په مقابل کې معاش ورکوي،  دغه مال او یا د هغه یوه برخه د اجنبي دولتونو له سودي پورونو او یا د پیسو د نړیوال صندوق له لوري ورکول کېږي.

پوښتنه دا ده چې ایا موږ مامورینو د دندې په مقابل کې سودي پیسې تر لاسه کړې؟ که ځواب هو وي، نو له دې پدیدې څخه د خلاصون لاره څه ده او ایا بې دندې ژوند ته دوام ورکولی شو؟

تر هر څه وړاندې له تاسو نه مننه او الله سبحانه وتعالی دې د دغو ځوابونو په مقابل کې خیر درکړي. ستاسو ورور عمار له تونس څخه.

ځواب:

وعلیکم‌السلام‌ورحمت‌الله‌وبرکاته!

د هغه معاش په اړه چې یو مامور او یا یې کارمند د دندې په مقابل کې تر لاسه کوي، حکم یې په هغه کار پورې اړه لري چې هغه یې ترسره کوي. که یو تن حرام کار ترسره کوي، د بېلګې په توګه: دا شخص په مخابراتو او یا داسې ځای کې دنده ترسره کوي چې هغه اداره د مسلمانانو او دعوت کوونکو د ځورولو لپاره فعالیت کوي، په دغه کار کې یې معاش حرام دی. ځکه دغه کس له حرام عمل څخه معاش تر لاسه کوي.

په هغه صورت کې چې د کارمند کار مباح وي، د بېلګې په توګه: یو شخص د ښوونکي، انجینیر او یا ډاکتر په توګه په دولتي ادارو او روغتونونو کې کار کوي، په داسې کارونو کې مامور ته معاش اخیستل جایز دي. په دې برخه کې که مال سودي وي یا غیر سودي، جایز وي او یا غیر جایز د کارمند د معاش په اړه کومه ستونزه نه رامنځته کوي. که چېرته کارمند د دغه ګډ کار له لارې معاش تر لاسه کړي، یعنې حلال او حرام، جایز دي. باید یادونه وشي چې دلته باید د کار حکم ته وکتل شي، که یو کارمند د غلا، غصب او یا له بلې حرام لارې معاش تر لاسه کوي، چې هغه په ذات کې حرامه وي، لکه شراب، د خنځیر غوښه او ورته نور حرام څیزونه چې په ذات کې حرام دي، په دغه صورت کې بیا معاش اخیستل حرام دي.

حرام مال په څو ډوله دی:

حرام باالذات: لکه شراب. د داسې حرامو نه ډالۍ روا ده، نه اجرت او نه پېر او پلور. د شرابو کاروبار او څوک چې هغه پېري او پلوري، دا حرام دي. رسول الله صلی الله علیه وسلم فرمایلي دي:

«حُرِّمَتِ الْخَمْرُ بِعَيْنِهَا»

ژباړه: د شرابو ذات حرام دی.

نسایي دغه حدیث روایت کړی دی.

بل ډول یې داسې حرام دي چې د بل تن د حق په دلیل حرام شوي دي. د بېلګې په توګه؛ د غلا او مغصوبه مالونه. دا ډول مال غله او غاصب ته یې حرام دی، نو ډالۍ او اجرت یې هم جایز نه دی. دغه مال کاسب او هغه چاته حرام دی چې تر لاسه کوي یې، ځکه یاد مال یې د څښتن حق دی، هر ځای چې پیدا شي، بیرته یې څښتن ته ورکول کېږي. احمد له سمره څخه روایت کوي چې رسول الله صلی الله علیه وسلم وفرمایل:

«إِذَا سُرِقَ مِنَ الرَّجُلِ مَتَاعٌ، أَوْ ضَاعَ لَهُ مَتَاعٌ، فَوَجَدَهُ بِيَدِ رَجُلٍ بِعَيْنِهِ، فَهُوَ أَحَقُّ بِهِ، وَيَرْجِعُ الْمُشْتَرِي عَلَى الْبَائِعِ بِالثَّمَنِ»

ژباړه: کله چې د یو کس څخه مال غلا شو، یا یې مال ضایع شو، وروسته همغه مال له بل کس سره پیدا شو، نو په دغه صورت کې هغه مال خپل اصلي څښتن ته ورکول کېږي. د پیسو او بیې څښتن باید هغه له اصلي پلورونکي څخه واخلي.

دغه حدیث ښکاره نص دی چې غلا شوی مال باید بیرته خپل اصلی څښتن ته ورکړل شي. په همدغه ترتیب، مغصوبه مال باید له غاصب څخه واخیستل شي او څښتن ته یې ورکړل شي. څنګه چې له سمره څخه روایت شوی چې رسول الله صلی الله علیه وسلم وفرمایل:

«عَلَى اليَدِ مَا أَخَذَتْ حَتَّى تُؤَدِّيَ»

ژباړه: چاچې یو څه اخیستي وي، باید بیرته یې ادا کړي.

بل ډول حرام مال هغه دی چې د باطلې معاملې په دلیل حرامېږي. د بېلګې په توګه: سود او قمار. کله چې له کوم کس سره له سود او حلالو څخه ګډ مال وو، د هغه مال سودي برخه کاسب ته حرامه ده؛ خو که کوم کس په حلاله طریقه دغه مال تر لاسه کړي، هغه ته نه حرامېږي. د بېلګې په توګه: که کوم سود خوړونکی مال وپلوري او بیا یې بیه واخلي، یا دا چې یوه مېرمن خپله نفقه له سود خوړونکي څخه واخلي، همدارنګه که سود خوړونکی خپل مال خپلو خپلوانو ته ورکړي او یا بل ډول معاملات ترسره کړي؛ په دغه صورت کې ګنهګار سود خوړونکی کس دی. د بیې اخیستونکی، هغه مېرمن چې نفقه اخلي او یا کوم کس مال د ډالۍ په توګه تر لاسه کوي، هغه ته ګناه نشته. ځکه په دغه صورت کې هغه کسان نه ګنهګارېږي چې یاد توکي تر لاسه کوي. په دې اړه څو دلیلونو ته اشاره کوو:

الله سبحانه وتعالی فرمایلي دي:

﴿وَلَا تَكْسِبُ كُلُّ نَفْسٍ إِلَّا عَلَيْهَا وَلَا تَزِرُ وَازِرَةٌ وِزْرَ أُخْرَى﴾

(انعام: ۱۶۴)

ژباړه: د هر کار ترسره کوونکی د خپل کړي عمل مسول دی. د ګنهګار کس ګناهونه پر نورو نه اچول کېږي.

رسول الله صلی الله علیه وسلم په مدینه کې له یهودو سره معامله کوله، په داسې حال کې چې پر دې پوهېده چې د یهودو ډېری مالونه له سود څخه تر لاسه کېږي. الله سبحانه وتعالی فرمایلي دي:

﴿فَبِظُلْمٍ مِنَ الَّذِينَ هَادُوا حَرَّمْنَا عَلَيْهِمْ طَيِّبَاتٍ أُحِلَّتْ لَهُمْ وَبِصَدِّهِمْ عَنْ سَبِيلِ اللَّهِ كَثِيراً* وَأَخْذِهِمُ الرِّبَا وَقَدْ نُهُوا عَنْهُ وَأَكْلِهِمْ أَمْوَالَ النَّاسِ بِالْبَاطِلِ﴾ (نساء: 160)

ژباړه: د هغه ظلم پر اساس چې یهود یان یې مرتکب شوي، د الله سبحانه وتعالی له دین څخه د ډېرو خلکو د منع کېدو له امله، د سود خوړو په دلیل، چې هغه منع شوی و او د ډېرو خلکو مالونه یې په باطله توګه خوړلي دي، هغه څیزونه چې پاک او حلال وو، هغوی ته حرام شوي دي.

یعني رسول الله صلی الله علیه وسلم د یهودیانو هدیه منله، څنګه چې احمد او هغه له ابن عباس څخه روایت کړی چې یوې یهودې مېرمنې رسول الله صلی الله علیه وسلم ته یو پسه ورکړ، رسول الله صلی الله علیه وسلم هغه پسه هغې مېرمنې ته بیرته ورولېږه او ویې فرمایل:

«مَا حَمَلَكِ عَلَى مَا صَنَعْتِ؟»

ژباړه: کومه څه د دې لامل شوي چې دا کار دې ترسره کړ؟

مېرمنې یې وویل، پر دې پوهېدل غواړم چې که ته نبي وې، الله سبحانه وتعالی به تا پوه کړي او که نبي نه وې، خلک له تانه راحت کړم.

له ځینو اصحابو او تابیعنو څخه په صحیح روایت سره روایت شوی چې هغوی له سود خوړونکي کس څخه ډالۍ اخیستلو ته اجازه ورکړې ده.

۱. ابن مسعود ته یو تن راغی او ورته ویې ویل: زه داسې ګاونډی لرم چې سود خوري او هغه تل ماته بلنه راکوي، ابن مسعود وویل: «هدیه ستا ده او ګنهګار همغه سړی دی.» دغه روایت عبدالرزاق صنعاني په خپل مصنف کې روایت کړی دی.

۲. له حسن څخه پوښتنه وشوه، ایا د هغه صراف ډوډۍ چې سودي او مخلوط معاملات ترسره کوي، وخوړل شي؟ ویې ویل: «قَدْ أَخبرَكُمُ اللَّهُ عَنِ الْيَهُودِ وَالنَّصَارَى، إِنَّهُمْ يَأْكُلُونَ الرِّبَا، وَأَحَلَّ لَكُمْ طَعَامَهُمْ» الله سبحانه وتعالی تاسو خبر کړي یاست چې یهود او نصارا سود خوري، خو الله سبحانه وتعالی د هغوی ډوډۍ تاسو ته حلاله کړې ده. دغه روایت عبدالرزاق صنعاني پخپل مصنف کې له معمر څخه روایت کړی دی.

۳. له منصور څخه روایت شوی چې ویلي یې دي: ابراهیم ته مې وویل، یو تن ته د کار لپاره ورغلم، ویې منلم او د کار اجازه یې راکړه، ویې ویل: ویې منه، ورته ومې ویل، د سود څښتن دی، بیرته یې راته وویل: «اقْبَلْ مَا لَمْ تَأْمُرْهُ أَوْ تُعِنْه» یعنې: ویې منه، ځکه له هغه سره دې مرسته نه ده کړې او امر دې نه دی ورته کړی. دغه روایت عبدالرزاق صنعاني پخپل مصنف کې له معمر څخه روایت کړی دی.

 د پورتنیو دلیلونو پر اساس، غوره دا ده چې له سود اخیستونکي او سود خوړونکي کس سره معامله ونه شي، د هغه لپاره مال ونه پلورل شي او ډالۍ یې ونه منل شي؛ چې په همدغه ترتیب پلورونکی د خپل مال په مقابل کې په سود ککړې پیسې تر لاسه نه کړي. همدارنګه هدیه یې وانه خیستل شي، که هغه له سودي مال څخه وي. په همدغه ترتیب، مسلمانان له هر ډول چټلۍ او ناپاکۍ څخه لېرې پاتې کېږي. رسول الله صلی الله علیه وسلم له ډېرو مباحاتو څخه ځان لېرې ساته، څو له حرامو لېرې پاتې شي. له رسول الله صلی الله علیه وسلم څخه روایت دی چې هغه وویل:

«لَا يَبْلُغُ العَبْدُ أَنْ يَكُونَ مِنَ المُتَّقِينَ حَتَّى يَدَعَ مَا لَا بَأْسَ بِهِ حَذَراً لِمَا بِهِ البَأْسُ»

ژباړه: یو بند تر هغه متقي نه بلل کېږي، څو د احتیاط له امله د ځینو مباحو له ترسره کولو ډډه وکړي.

دغه حدیث ترمذي روایت کړی او یلي یې دي چې حسن دی.

لنډه دا چې د یو کس لپاره جایزه ده چې له مخلوط او سودي مال څخه پېر، پلور و کړي او هدیه یې ومني. همدارنګه جایزه ده چې یو تن له سود خوړونکي کس څخه معاش تر لاسه کړي؛ خو غوره دا ده چې له سود خوړونکي کس سره پېر او پلور ونه شي او هدیه یې وانه خیستله شي. همدانګه کار ورسره ونه شي او معاش یې وانه خیستل شي. پر همدغه اساس، هغه کسان چې په عمومي دندو کې کار کوي، له حرج پرته د معاش اخیستل ورته روا دي او په دغه صورت کې کار کوونکی نه ګنهکارېږي؛ بلکې ګناه د کار د څښتن وي. هیله مند یم چې دغه ځواب همدومره بسنه وکړي. الله سبحانه وتعالی تر ټولو ښه پوهېدونکی، عالم او پخپل کار کې حکمت لرونکی دی.

ستاسو ورور عطاءبن خلیل ابوالرشته

ژباړن: بهیر «ویاړ»

د مطلب ادامه...

اې ملتپاله رژیمونو! ولې مظلوم مسلمانان ځوروئ او ځای نه ورکوئ!؟ ایا کډوال د پټنځای په لټه کې دي، که د جرم؟

خبر:

د سپټمبر په ۷مه، شاوخوا ۳سوه روهینګیايي کډوال تقریبا د ۶میاشتو لپاره په بحر کې له پاتې کیدو وروسته، انډونیزیا ته راغلل. په دې ډله کې 181 ښځې او 14 ماشومان وو او د سماترا شمالي ساحل کې د ځایي مسلمانانو لخوا وژغورل شول. دغه کډوال په جنوبي بنګله دېش کې په دې هیله د مالیزیا پر لور روان شوي، چې په میانمار کې تر تعقیب وروسته، په اکثریت مسلمان لرونکي هېواد کې پټنځای ترلاسه کړي. خو د کورونا ویروس د ناروغۍ له امله د پولې د تړل کېدو په پلمه، د رارسیدو پرمهال ایستل شوي وو. ویل کېږي له ۳۰ زیات کډوال د سفر پر محال وژل شوي وو. له دې پیښې یوه ورځ وروسته، د دوو سرتیرو لخوا د ویډیو په بڼه د شاهدیو راپورونه خپاره شول، چې د میانمار اردو یې پریښې وه. دوی د نسل وژنې په کمپاین کې د روهینګیا مسلمانانو د له منځه وړو لپاره، د میانمار د اردو د ارادې پیژندل شوي حقیقت تصدیق کولو شواهد وړاندې کړل. دغو سرتېرو د میانمار د اردو لخوا پر روهنګیایي ملکي وګړو د اعدام، ډله ییزو وژنو، د کلیو ویجاړولو او د جنسي ځورونو بې شمېره قضیې په ډاګه کړې؛ هغه چې د لوړ پوړو چارواکو لخوا ویل کېدل: هېڅوک درنه ژوندي پاتې نه شي، که ماشومان دي او که لویان!

تبصره:

په میانمار کې د روهینګیا مسلمانانو له کړاوونو او وحشتونو سربیره، په سیمه کې ملتپال مسلمان رژیمونه دا بې کسه او مظلوم مسلمانان د ځینو ناروغیو په پلمه په کمپونو کې محدودوي او یا یې هم په جرم له تورنولو وروسته، د زندان تورو تمبو ته لېږي. دا کډوال د بنګله دېش د کاکس بازار په کمپ کې له ټولو انساني حقونو محروم دي. هغه چې په سلګونو روهنګیایي مسلمان کډوال پکې په دې تمه شپې او ورځې تېروي، چې ګوندې د مالیزیا په اسلامي خاورو کې به د روهنګیایي جابر رژیم له ظلمه خوندي پټنځای پیدا کړي او د همدې لپاره خپل ژوند په خطر کې اچوي. د راپور پر اساس سږ کال یوازې اته سوه روهنګیایي کډوال مالیزیا ته رسیدلي او  داسې انګیرل کېږي، چې پاتې یې بنګله دېش سره پر کرښه مړه شوي. دې فاسدو ریژیمونو ددې پرځای چې د خپلو مسلمانو وروڼو او خویندو د ساتنې په پار مرسته وکړي، ترڅو مالیزیا ته ورسېږي، برعکس دوی یې په بحر کې ډوبېدو ته اړ کړل ځکه چې د دې ملېشو افکار د ملي پولو په چټل فکر سره مسموم او زهري شوي دي. که کوم عزتمند انسان د روهینګیا مسلمانانو په حالت، چې له ناخوالو سره مخ دي او سرپنا ته اړتیا لري، پوه شي، نو زړه به یې له ډیره غمه ټوټه ټوټه شي. دا د اسلامي نړۍ رژیمونو لپاره د مرګ ځای دی.

مالیزیایي چارواکو ویلي، چې یوازې سږ کال مو له روهېنګیایي کډوالو ډکې ۲۲ کښتۍ بېرته شړلي دي. په داسې حال کې چې د روان کال په جون کې د اندونیزیا سیمه ییزو چارواکو، هغو سل روهېنګیایي مسلمانانو ته، چې له څلور میاشتني سفر وروسته ساحل ته په رسیدو وو، د پټنځای له ورکولو ډډه کړې ده. ګډوال د قاچاقبرانو له خوا وهل شوي او د ژوندي پاتې کېدو لپاره یې خپلو میتیازو څښلو ته اړ کړي دي. د یادې کښتۍ کډوال، د اچه (Aceh) ځایي مسلمانانو وژغورل، د اچه سیمي مسلمانان، د ځایي چارواکو د ناانساني کړنو او روان حالت له کبله، سخت په غوسه وو. ان کله چې اندونیزیا ته د وروستي روهینګیايي کډوالو په رارسېدو، همدې ځايي مسلمانانو  د خواړو او کالیو مرسته ورسره وکړه. د عیسیه اوسیدونکو رویټرز ته وویل: «موږ د دوی حالت ته اندیښمن یو ... دوی د انسانیت په نوم مرستې ته اړتیا لري ... دوی زموږ په څېر انسانان دي.»  د بشریت لپاره دا د اېماني او اسلامي کړنو یوه بېلګه ده، چې د انسان پالنې او بشري حقونو له بنسټونو سره پکې څرګند توپیر ښکاري؛ هغه چې د ملتپالو او نشنلستي دولتونو لخوا پرمخ وړل کېږي!

نه یوازې دا چې دغې کرغېړنو ملتپاله رژیمونو روهینګیایان له دې غمجن حالت سره مخ کړل، بلکې په دې اړه یې د پردي پالو تر عنوان لاندې، له نفرت او کرکې ډک تبلیغات رامنځته کړل. لکه مالیزیا چې دغه هېواد ته د ننوتلو د جرم په خاطر یې بې ګناه کسانو ته توقیف خونې او زندانونه جوړ کړل او له همدې لارې دوی ته د ځورونې او استعمار نوی څپرکی پرانېزي. د روان کال د مې په لومړۍ اونۍ کې شاوخوا شپږسوه بې سنده مهاجر په مالیزیا کې نیول شوي وو. په داسې حال کې چې په جون کې د دغې هېواد یوې محکمې ۳۱ روهینګیايي نارینه او ۹ ښځې، د مالیزیا د کډوالۍ له قانون څخه د سرغړونې په جرم په ۷میاشتې بند محکوم کړي وو. ان ځينې سړي یې په سوټیو وهلي وو او وروسته یې دغه کار درولی و. د روهینګیا ماشومان هم تورن شوي او د زندان له شرایطو سره مخ دي. د مالیزیا حکومت نوي مقررات تصویب کړي، ترڅو د کورونو مالکان خپل ملکیتونه مهاجرو ټولنو ته په کرایه ورکړي او دا د روهینګیا پروړاندې د رژیم لخوا رامنځته شوی شدید منفي حرکت دی. دغه راز اوس ځینې مرستندویه کارګران د حکومتي چارواکو له خوا د شخړې د ترلاسه کولو له امله کډوالو ته خواړه او نور اړین توکي چمتو کوي.

د اسلامي خاورو دغه ملي او نشنلیستي دولتونو، د پانګوالي تر چتر لاندې ټول انسانیت له پامه غورځولی دی. د دوی د بې زړه او ډارنو قوانینو پر بنسټ، له ظلم او بې وسه قربانیو څخه د خلاصون لپاره د پټنځای لټول هم جرم دی. په حقیقت کې دا هغه رژیمونه دي، چې د پردیو په لاس جوړ شوي او د امت په نظر همدوی ریښتیني مجرمین دي. الله سبحانه وتعالی مومنانو ته امر کوي، چې د خپلو مظلومو وروڼو لاسنیوی وکړي او فرمایي:

﴿في الدین فعلیکم النصر...﴾[8:72]

ژباړه: تاسو به په دین کې بریا ترلاسه کړئ! او که دوی د دین لپاره له تاسو څخه مرسته وغواړي، نو تاسو باید مرسته ورسره وکړئ.

دا یو حقیقت دی چې د روهینګیا مسلمانان د دغې رژیمونو لپاره ارزښت نه لري. په داسې حال کې چې رسول الله صلی الله علیه وسلم فرمایي: «المسلم اخو المسلم، لا یظلمه، ولایسلمه» ژباړه: مسلمان د مسلمان ورور دی؛ نه پرې ظلم کوي او نه یې ظلم ته پرېږدي. همدارنګه الله سبحانه وتعالی د مومن د پاکوالي او لوړوالي په هکله فرمایي:

﴿لزوال الدنیا أهون علی الله من قتل مؤمن بغیر حق﴾

ژباړه: الله تعالی ته د نړۍ له ختمیدو د مؤمن ناحقه قتل سخت دی.

د نړۍ له مینځه وړل په دې معنی دي چې په ناحقه یو مومن ووژل شي.

په حقیقت کې دغو بې شعوره نشنلستي او ملي رژیمونو، امت په خالي میدان پرېښود او مظلومو پناه غوښتونکو ته په سپکه سترګه ګوري، نو دغه رژیمونه پر امت د یوې ورځې د حاکمیت وړ هم نه دي!  ایا موږ د نبوت پر منهج سمدستي د خلافت دولت رامنځته کولو ته اړتیا نه لرو!؟ هغه دولت چې زموږ د مال، ځان، عزت او ناموس ساتنه کوي او د هر چا لپاره سیوری جوړوي!؟

د حزب التحریر مرکزی مطبوعاتي دفتر ته

لیکواله: ډاکټر نسرین نواز

د حزب التحریر مرکزي مطبوعاتي دفتر د ښځو برخې رییسه

 

د مطلب ادامه...

په مالي کې پوځي کودتا

  • خپور شوی په سیاسي

(ژباړه)

پوښتنه

د ۲۰۲۰م، د اګېسټ په ۲۷مه اناضول خبري اژانس، د مالي پوځي شورا په قول اعلان وکړ، چې د مالي ولسمشر ابراهیم ابوبکر‌کیتا له زندانه خوشې شو. د ۲۰۲۰م د اګېسټ په ۱۸مه، په مالي کې د ولسمشر ابراهیم ابوبکر‌کیتا پر وړاندې د پوځي کودتا خبر ورکړل شوی و او له همدې کبله کیتا او د هغه لومړی وزیر بوبوسیسیه نیول شوي وو. پوښتنه دا ده، چې د دغې کودتا تر شا د چا لاس دی او ایا د اروپا او امریکا په جنجالونو پورې اړه لري او که نه؟

ځواب

د مالي د روان حالت د ښه پوهېده لپاره، لاندې موارد څېړو:

 ۱ـ  هغه څه چې اوسمهال په مالي کې رامنځته شوي، له هغه څه سره یې تشبه کوو، چې اته کاله پخوا پکې رامنځته شوي وو. د ۲۰۱۲م د مارچ په ۲۲مه، د هغه وخت ولسمشر امادو «احمدو» توماني توري پر وړاندې یوه ډله ټیټ رتبه افسرانو کودتا وکړه، چې هغه وخت د ولسمشر، د دویم ځلي ولسمشرۍ یوازې یوه میاشت پاتې وه. هغه وخت مو ویلي وو، چې د کودتا تر شا د امریکا لاس دی. په هغه پوښتنه کې چې د ۲۰۱۲م د مارچ په ۲۴مه شوې وه، داسې ځواب مو ورکړی وو: «هغه څه مو چې وویل د دې ښکارندویي کوي، چې د کودتا تر شا د امریکا لاسونه وو. امریکا غواړي ځان دغې اسلامي خاورې ته ورسوي، نفوذ پکې زیات کړي او ځان د هغوی پخواني ښکېلاک کوونکي (فرانسه) پر ځای، چې اوس هم نفوذ پکې لري، ځایپرځای کړي. د امریکا موخه دا وه، چې د مالي ټاکنې ګډوډې کړي، ځکه د مالي سیاسي کادرونه په فرانسه پورې تړلي او امریکا په دې کودتا سره وکولی شول، د فرانسې د مزدورانو او د هغوی د سیاست پلوو کارونه ګډوډ کړي. اوس ویلی شو چې د مالي پر پوځیانو د امریکا د تسلط له کبله؛ دغه خاوره په امریکا پورې تړلې ده.»

اوسمهال هم ځینو پوځیانو، چې تر ټولو لوړ رتبه یې جنرالان دي، د ابوبکر کیتا پر وړاندې، چې په لومړي ځل د ۲۰۱۳م، د اګېسټ په ۱۵مه او دویم ځل د ۲۰۱۸م، د اګېسټ په ۱۲مه د ولسمشر په توګه وټاکل شو، کودتا وکړه. پوځیانو د (کاتي) په نوم له خپل محل څخه، چې تر پلازمېنې پنځلس کیلو متره فاصله لري، حرکت وکړ او دا هغه پوځي محل دی، چې د ۲۰۱۲م، کودتا کوونکو هم حرکت ترې راکړی وو. د ۲۰۱۲م، د مارچ له کودتا وروسته فرانسې وکولی شول د امنیت له شورا داسې پرېکړې صادرې کړي، چې هغوی ته یې اجازه ورکوله، څو د مالي په شمال کې مداخله وکړي. دغه فیصلې عبارت وې له؛ د ۲۰۱۲م، د سپټمبر د ۲۳مه، ۲۰۷۱ ګڼه فیصله او د ۲۰۱۲م، د ډسمبر۲۰مه، ۲۰۸۵ ګڼه فیصله، چې له القاعدې او بنسټپاله ډلو سره د جګړې په پلمه صادرې شوې؛ خو حقیقت دا دی، چې د فرانسې د ښکېلاک د ملاتړ په موخه صادرې شوې وې. د دغو پرېکړو پر اساس نړیوال ځواکونه جوړ شول. د دغو ځواکونو شمېر ۱۵زره سرتیري وو، چې اساس یې اروپا او فرانسې جوړاوه. دغه راز فرانسې د افریقا ګډ ځواکونه، (د سواحلو دولتونو پنځه ګونه ځواکونه) په نوم جوړ کړ، چې له موریتانیا، مالي، نیجر، بورکینوفاسو او چاد څخه تشکیل شوي وو. هغه ځای چې د فرانسې نفوذ پکې قوي دی، نو په دې ترتیب فرانسه په دې وتوانېده چې د ۲۰۱۲م، له کودتا یونیم کال وروسته، په مالي کې خپل نفوذ قوي کړي. دغه قوت په ۲۰۱۳م، د اګېسټ په ۱۵مه او دویم ځل د ۲۰۱۸م، د اګیسټ په ۱۲مه، د ابوبکر کیتا د ټاکل کېدو پر مهال، رامنځته شو. که څه هم امریکا د مالي په وګړو کې د فرانسې په کچه نفوذ نه لري، خو په پوځیانو کې یې لري. د همدغې نفوذ له کبله دوی وتوانېدل، چې اوسنۍ کودتا تر پخوانۍ هغې ځواکمنه ترسره کړي. امریکا له خپلې لومړۍ کودتا وروسته، چې یونیم کال یې دوام وکړ، په سیاسي کادرونو او مدني ټولنو کې پر جلب او جذب پیل وکړ او د اوسنۍ کودتا لپاره یې په پوځیانو او عامو وګړو کې پر نفوذ بسنه ونه کړه.

۱ـ د ۲۰۲۰م، د اګېسټ په ۱۹مه، د نوې کودتا رهبر جنرال قاسمي کویتا، ځان د هغې کمېټې رییس معرفي کړ، چې ده ورته (د خلکو د نجات ملي کمېټه) وویله. د ۲۰۲۰م، د اګېسټ په ۱۸مه د سه شنبې په ورځ، دی او هغه پوځیان چې کودتا یې تر سره کړه، د ټلوېزیون پر شیشه راڅرګند شول. دغه راز کودتا کوونکو، ولسمشر کیتا او لومړی وزیر سیسیه او همدارنګه وزیران او نور مسوولین، چې ۱۷تنه کېدل، زنداني کړل. وروسته یې په ټلوېزیون کې د کیتا ځینې سرتیري ښکاره کړل، تر څو ووایي چې هغوی د اردو رهبري پریښې ده. دغه راز یې په خپلو خبرو کې وویل: «زه د دې پلوی نه یم، چې په قدرت کې زما د پاتې کېدو لپاره دې وینه تویې شي.» (سرچینه: رویټرز، ۲۰۲۰م د اګېسټ ۱۹مه)

د کودتا کوونکو ویاند اسماعیل واغي وویل: «زموږ هېواد په جنجالونو او ناامنۍ کې غرق دی او لوی دلیل یې د هغو کسانو تېروتنې دي، چې د هېواد برخلیک یې په لاس کې دی. (سرچینه: رویټرز ۲۰۲۰م، د اګېسټ ۱۹مه) هغه زیاته کړه: «ډېر ژر به انتقالي شورا د انتقالي رییس په مشرۍ جوړه کړو، دغه شورا به له پوځیانو او غیر پوځیانو تشکیل شي. موږ له مدني ټولنې، حزبونو او ډېری خلکو سره په اړیکه کې یو او ټول په دې هڅه کې یو، چې د قدرت انتقال ترتیب کړو. په هغه ملي کمېټه کې چې انتقالي شورا جوړه کړې ۶کسه پوځیان او ۱۸کسه غیر پوځیان شامل دي او پخپله د تشریعي انتقالي پلاوي رول پر غاړه لري، تر څو د شورا رییس د غړو په واسطه وټاکل شي.» (سرچینه: الجزیره، ۲۰۲۰م د اګېسټ ۲۱مه) نو له دې ښکاري، چې پوځيانو کودتا له ځینو سیاستوالو، مخالفو حزبونو، د مدني ټولنو سازمانونو او ځینو انجمنونو سره په هماهنګۍ تر سره کړې ده. کله چې هغوی په سیاست لاس پورې کوي، نو ښکېلاکګر دولتونه مرسته ورسره کوي او پېري یې. نو له دې ښکاري چې امریکا د دوی ډېری کسان ځانته راجلب کړي، ځکه امریکا د کیتا حکومت د دویمې دورې له پای ته رسېدو مخکې، د هغه په سقوط وتوانېده. پر اردو له تمرکز او پوځیانو کې د مزدورانو پر جذب سربېره یې وکولی شوای چې په راتلونکې کې د خپلو مزدورانو بریا تضمین کړي.  

۳ـ داسې ښکاري چې امریکا دا ځل هڅه کوي، چې کودتا یې ولسي اساس ولري او د همدې لپاره یې له تېرې مې میاشتې په زمینه برابرولو پیل وکړ. ځکه خو لارویونونه زیات شول او زرګونه لاریون کوونکي، د مې میاشتې له لومړیو، د مالي پلازمېنې، باماکو ښار کوڅو ته راووتل او د ولسمشر کیتا استعفا یې وغوښته. دغه راز هغه او حکومت یې په فساد، د عامه خدماتو وړاندې کولو کې پر کمزورتیا، په ټاکنو کې پر تقلب، په رهبرۍ کې پر ناتوانۍ او همدارنګه له ټرورېزم او بنیاد‌پالنې سره په مبارزه کې په ناکامۍ تورن کړ. مشخصو حزبونو د (جون۵) یا (ام۵) په نامه د اېتلاف جوړولو پرېکړه وکړه. د جون ۵ اېتلاف رییس او د لاریونونو رهبري کوونکی نوهوم توجو وویل: «زه د هغو پوځیانو همکار یم، چې قدرت یې په لاس کې دی.» دغه راز هغه د ایکواس ډلې مجازات، د هغه څه پر وړاندې یو تندلاری غبرګون وباله، چې ځینو رهبرانو په هېواد کې د سیاسي بې ثباتۍ او کودتا وېره درلوده. هغه په خپل ځای ودرېد، پوځي کودتا کوونکو ته په سلام ویلو سره یې کودتا داسې وبلله: «دغه کودتا د دې لپاره ده، چې د یوه ډیموکرات، مدني او سیکولار دولت د رامنځته کېدو لپاره د مالي د خلکو ارمانونه پوره کړي.» (سرچینه: الجزیره، ۲۰۲۰م د اګېسټ۲۱مه)

نو داسې ښکاري چې په مالي کې دغه لاریونونه خودسره نه وو، بلکې د هغو مزدورانو له خوا رهبري کېدل، چې د ښکېلاکګرو افکار (ډیموکراسي، مدنیت او سیکولرېزم) یې په فکر کې وو. هغوی له پوځیانو سره تړون کړی وو او کودتا ته یې لبیک ویلی وو. امریکا د دې نیت لري، چې مالي په سیمه کې د کودتاوو، سرچینه وګرځوي او په دې ډول په غرب او افریقا کې هغه نظامونه سقوط کړي، چې په انګلیس او فرانسه پورې تړلي دي.   

۴ـ وروسته په مالي کې د کودتا په اړه، په ساحل سیمه کې د امریکا استازي جي پیتر فام په خپل ټوېټر پاڼه ولیکل: «متحده ایالات په حکومتونو کې له هر ډول ناقانوني تغیر سره مخالف دي.» هغه زیاته کړه: «متحده ایالاتو وروسته له هغې چې د ولسمشر ابراهیم کیتا ځینې پوځیان څنډې ته کړل، نو د مالي له اردو سره یې د سیاسي حالت تر روښانه کېدو، د هر ډول همکاریو اړیکې درولي دي.» دغه راز هغه وویل: «رامنځته شوو پېښو ته د کودتا ویل، هغه پرېکړه ده چې قانونو ته له مراجعې وروسته به په ډاګه شي.» (سرچینه: رویټرز، ۲۰۲۰م د اګېسټ ۲۲مه)  دغه ډول څرګندونې دا ښيي چې امریکا کودتا او کودتا کوونکي نه غندي او د حکومتونو له ناقانوني تغیر سره، د هغوی د استازي خبرې، عامې خبرې دي او په کودتا پورې هېڅ تړاو نه لري. امریکا ان په مصر کې د سیسي او په سوډان کې پوځي کودتا تایید کړه او هغوی یې کودتا کوونکي ونه بلل؛ ځکه د دوی کار و. د مالي په کودتا کې یې هم همدا ډول موقف ونیوه، ځکه استازي یې وویل؛ دا چې رامنځته شوې پېښې کودتا ده او که نه، قانون ته به مراجعه وکړو! دا په ډاګه کوي، چې د دغې کودتا تر شا د امریکا لاس دی. دغه ادعا، هغه خبرې تاییدوي چې د الجزیرې قطري سایټ د ۲۰۲۰م، د اګېسټ په ۲۱مه خپرې کړې وې: «امریکا د هغو پوځيانو په ګډون، چې د کیتا پر وړانډې یې کودتا وکړه، د مالي ځینو سرتېرو ته منظم پوځي تمرینات ورکړل.»

نو هغو کسانو چې کودتا یې رهبري کړه، امریکا تمرینات ورکړي وو او هغوی یې د خپل ځان لپاره مزدور تربیه کړي دي. د ۲۰۱۲م، په کودتا کې هم همداسې وشول او موږ د هغه پوښتنې په ځواب کې چې په همدې اړه شوې وه، داسې وویل: «د ۲۰۱۲م، د مارچ په ۲۴مه العصر انټرنېټي سایټ، د امریکا له امورو خبرې منبع له قوله خبر ورکړ، چې یوه امریکایي ډيپلومات د نوم نه ښودلو په شرط، رسنیو ته وویل: «امادو «احمدو» د امریکا د سفارت له خوا، د پوځي تمریناتو تر لاسه کولو او له ټرورېزم سره د مبارزې لپاره ګومارل شوی و. هغه زیاته کړه: «احمدو څو ځلې د ځانګړو کارونو لپاره امریکا ته سفر کړی دی.»

له دې پلوه امریکا کټ مټ هغه ګامونه اخلي، چې د ۲۰۱۲م، په کودتا کې یې د اروپایانو څنډې ته کولو او د هغوی ځای نیولو لپاره پورته کړي وو، تر څو په دې ډول دغه خاوره په یوازې ځان مستعمره کړي. خو د دې امکان شته چې دا ځل یې تر پخوا تمرکز زیات وي، ځکه په فرانسه پورې تړلو کسانو پر وړاندې یې، په سیاسي حزبونو او مدني ټولنو کې یو څه خلک راپیداکړي دي.  

۵ـ د فرانسې غبرګون، چې په مالي کې اصلي نفوذ لري، دا و؛ کودتا یې سخته وغنده او د فرانسې ولسمشرۍ اعلان وکړ: «ولسمشر مکرون حالت له نیږدې څاري او دوه زړي هڅې غندي.» (سرچینه: فرانس‌پرس، ۲۰۲۰م د اګېسټ ۱۸مه) د فرانسې د بهرنیو چارو وزیر (لودریان) هم په خپلو خبرو کې وویل: «فرانسه دغه خطرناکه پېښه په سختو ټکو غندي.» (سرچینه: الجزیره، ۲۰۲۰م د اګېسټ ۱۹مه) د ۲۰۲۰م د اګېسټ په ۲۰مه، کله چې مکرون د المان له لومړۍ وزیرې میرکل سره د مالي د بدلونونو د څېړلو لپاره ولیدل، ویې ویل: «فرانسه او المان په مالي کې رامنځته شوې کودتا غندي او د غیر پوځي حاکمیت د ژر راګرځېدو غوښتونکي دي. باید کوم څه د دې لامل نه شي چې د ساحل سیمې، د اسلام پالنې د تندلارو د توتریخوالي له فعالیتونو غافل شو.» د فرانسې دفاع وزیر فلورانس بارلي هم وویل: «پر دې سربېره چې د مالي ولسمشر، دوې ورځې مخکې د یوې پوځي کودتا په ترڅ کې له واکه لیرې شو، فرانسه به په مالي کې د تندلارو پر وړاندې خپلو پوځي عملیاتو ته دوام ورکړي.» (سرچینه: رویټرز، ۲۰۲۰م د اګېسټ ۲۰مه) دغه خبرې د کودتا په اړه، د فرانسې د ناارامۍ اوج ښيي؛ هغه ناارامي چې دا په ډاګه کوي، چې د کودتا اصلي موخه د فرانسې نفوذ و. ځکه فرانسې د مالي او د مالي ګاونډیو هېوادونو پانګې غلا کولې او دغه خاورې له رنګارنګ او کم پیدا معدني موادو ډکې دي. دغه راز فرانسه، مالي د افریقا په غرب کې د خپل ملاتړ د ستراتيژیک ملګري په توګه بولي، ځکه له ساحلي دولتونو سره واحده سیمه رامنځته کوي او که چېرې یې له یوې سیمې نفوذ کم شي، په نورو سیمو کې هم کمیږي. فرانسه هڅه کوي هلته خپل پوځي حضور قوي کړي؛ هغه پوځي حضور چې د ۵۱۰۰کسه د اروپا سرتېرو او د ۱۱۰۰کسه الماني سرتېرو په مرسته، د (برخان) په نامه عملیاتو کې هلته حضور لري.» فرانسې د افریقا ګډو ځواکونو د تمویل لپاره، د خلیج دولتونو، لکه اماراتو څخه مرسته وغوښته. انګلیس هلته ۲۵۰ سرتېري له دریو الوتکو سره او همدارنګه د اروپا اتحادیه۶۲۰سرتېري لري. امریکا له مالي ملاتړ او د (برخان) ځواکونو له تجهیزاتو سره مخالفه ده او د استخباراتي معلوماتو له لارې برخه غواړي. دغه راز د هوا له لارې، د خپلو بې پیلوټه الوتکو د څار غوښتنه کوي.

۶ـ د افریقا اتحادیې او ایکواس سازمان هم دغه کودتا وغنده او د افریقا اتحادیې رییس موسی فقی محمد په خپله ټوېټر پاڼه ولیکل: «د ولسمشر ابراهیم کیتا، لومړي وزیر او نورو حکومومتي غړو نیول کېدل، غندم او د دوی ژر تر ژره ازادېدل غواړم.» د افریقا غربي دولتونو اقتصادي غونډې (ایکواس)، چې ۱۵ دولتونه یې غړیتوب لري، ټولو په یوه خوله د مالي پر وړاندې خپلې پولې وتړلې او د مالونو هر ډول صادرات او واردات یې وځنډول. دغه راز د پرېکړو له هر ډول پلاوي څخه یې د مالي غړیتوب لغوه اعلان کړ. د ۲۰۲۰م د اګېسټ په ۲۲مه، د دغه انجمن په استازیتوب یو پلاوی مالي ته ولاړ او د کودتا کوونکو له رهبرانو سره یې ولیدل. تمه وه چې دغه لیدنه به یو ساعت دوام وکړي، خو شل دقیقې وه. د خبري اژانسونو په وینا؛ دغه پلاوی د دې لپاره راغلی و، چې د کودتا کوونکو رهبرانو ته قناعت ورکړي، تر څو کیتا بېرته واک ته راولي او قدرت ورکړي، خو په خپل مسوولیت کې ناکام شول. د کودتا رهبرانو د دوی دغه غوښتنه رد کړه او په خپله کودتا یې ټینګار وکړ او  ویې ویل؛ د انجمن له خوا له رالېږل شوي پلاوي سره خبرې، یوازې د انتقالي پړاو په وخت کې ممکنې دي. د لا زیاتو معلوماتو لپاره باید ووایم؛ د افریقا په غرب کې، د افریقا اتحادیه او ایکواس سازمان، تر ډېره د اروپا د مزدورانو په لاس کې دي.

۷ـ لنډه دا چې؛ امریکا په افریقا، د مالي په ګډون په ځانګړي ډول اسلامي خاورو کې، د دې هڅه کوي، چې اروپا په ځانګړي ډول فرانسې او انګلیس ته مزاحمت وکړي. ځکه مالي هغه اسلامي خاوره ده، چې ښکېلاکګر هلته د خپل نفوذ د زیاتېدو لپاره له یوبل سره سیالي کوي، څو یې پانګه لوټ کړي، لکه څنګه چې اوسمهال فرانسه زیاته برخه پانګه لوټوي. همدرانګه ښکېلاکګر په دې هڅه کې دي، چې د افریقا په غرب کې، د مالي له ستراتیژیک موقعیت څخه ګټه  واخلي؛ هغه ځای چې د ساحل له دولتونو سره، یوه سیمه یې، شمال ته هم تللې ده. دا په داسې حال کې ده، چې د دغې سیمې مسلمان وګړي له فقر، بېچارګۍ او بېلابېلو ناروغیو ځوریږي او د دوی مزدور حاکمان، د ښکېلاکګرو غوښتنې پوره کوي، تر څو یې په بدل کې په ټیټ سر او بې ثباته څوکۍ پاتې شي.  

مالي یو کمزوری هېواد دی او د ښکېلاکګرو په لاس کې دی. هلته مسلمانان قدرت نه لري، چې د ښکېلاکګرو پر وړاندې د خلکو ملاتړ وکړي. دغه ښکېلاکګر په اسانۍ او بې مانا پلمو د پوځي مداخلې پرېکړه کوي او د خلافت دولت په شان (که د الله تعالی خوښه وه، ژر به تاسییس شي) هېڅ کوم بل اسلامي قدرت نشته، چې د ښکېلاکګرو د مداخلو پر وړاندې راپورته شي او دوی ته داسې درس ورکړي، چې هېڅکله یې هېر نه کړي. نو د دغه دولت لپاره نه ستړې کېدونکې هڅې او کار، له لویو واجباتو او مهمو کارونو ګڼل کېږي. ځکه یوازې همدغه دولت موږ ته د کفارو پر وړاندې عزت او نصرت راکوي او ملاتړ مو کوي. رسول الله صلی الله علیه وسلم فرمایي: 

«و إنما الإمام جنة یقاتل من ورائه و یتقی به».(رواه مسلم)

ژباړه: امام د سپر په شان دی، چې تر شا یې جګړه کېږي او هغه ته پناه وروړل کېږي.

ژباړن: حبیب الله حبیب

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې