سه شنبه, ۰۲ رجب ۱۴۴۱هـ| ۲۰۲۰/۰۲/۲۵م
ساعت: مدینه منوره
Menu
القائمة الرئيسية
القائمة الرئيسية

د نړۍ په کچه له ډیموکراسۍ څخه ناخوښي؛ حتمي خبره ده

خبر:

څو ورځې مخکې یو رپوټ خپور شو، په دغه رپوټ کې د کمبرېج پوهنتون څېړونکو له ۴ میلیون څخه د ډېرو خلکو لېوالتیا څېړلې وه او تر څنګ یې د هغو سروې‌ګانو معلومات هم وو، چې د ۱۹۹۵-۲۰۲۰م کلونو په منځ کې په شاوخوا ۱۵۴ هېوادونو کې شوې وې. په ۲۰۱۹م کال کې له ډیموکراسۍ څخه د ناخوښو کسانو سلنه ۵۷،۵ وه. په څېړنه کې راځي چې په ۲۰۱۹م کال کې له ډيموکراسۍ څخه د خلکو ناخوښي او نارضایتي تر ټولو لوړ حد ته رسېدلې وه.

تبصره:

په ډېری ډیموکراټيکو هېوادونو لکه امریکا، اسټرالیا او انګلستان کې له ډیموکراسۍ څخه د خلکو نارضایتي په خپل لوړ حد کې ده. رپوټ وايي، په امریکا کې -په ځانګړي ډول- له ډیموکراسۍ څخه د خلکو د رضایت کچه په حیرانوونکي ډول ټيټه شوې. رپوټ زیاتوي چې د ډیموکراسۍ او په نړۍ کې د امریکا د مقام په اړه د امریکایانو په لیدلوري کې ډېر ژور بدلون راغلی. د دغه بدلون لاملونه څه دی؟

لومړی؛ په غرب کې اکثراً ډیموکراسي عوامو ته د مستقیمې یا آتني ډیموکراسي (د ډیموکراسۍ لومړۍ بڼه چې د یونان په آتن کې وه.) په بڼه لېږل کېږي، یعنې له کوم منځني کس پرته د خلکو خپل حکومت. سره له دې په عمل کې داسې نه ده، ځکه چې خلک د خپلو استازو ټاکلو ته اړ ایستل کېږي چې د دوی پر ځای حکومت وکړي. دغه ټاکل شوي استازي بیا د دې پر ځای چې د عوامو – چې دوی یې ټاکلي- له غوښتنې سره سم کار وکړي، د ټولنې قدرتمنې ډلې ته کار کوي. دا ځکه چې د دوی پر بریالي کولو باندې د دغې قدرتمنې ډلې ډېرې پیسې لګېدلې، د دغه لګښت په ځواب کې استازي ځان د دوی احسانمند بولي او د عوامو د ګټو پر ځای د دوی ګټو ته کار کوي. دا بیا د دې سبب کېږي چې دغه څو قدرت لرونکي کسان پر مقننه قوه بشپړ واک ولري، ازادۍ ورکړي، ګټې یې خوندي شي او په هره برخه کې د عوامو  په پرتله لومړیتوب ورکړل شي.

دویم؛ د اجرایه او مقننه قوو تر منځ د نویو قانونو پر سر جوړجاړی او معامله کېږي او کله چې په اجرایه قوه کې اېتلافونه او ډلې وي، جوړجاړی لا ډېرېږي او په دې توګه نوی قانون د ستونزې په حل کې ګټور نه واقع کېږي. دا پر هغو خلکو اغېز کوي چې ډیموکراسي یې ستونزه نه حل کوي او کوم دلیل نه ورته پاتې کېږي چې په ډیموکراټیکه پروسه کې ګډون وکړي.

درېیم؛ د اجرایه او مقننه قوو تر منځ د ډلې‌-‌ډلې او ګوند-ګوند کېدو خبرې د قانون جوړونې پروسه فلجوي. عوام داسې فکر کوي چې سیاسیون په هره بیه او عدالت د خپل قدرت قرباني کوي. د ټرمپ احضار دغه موضوع ښه روښانه کوي.

په پای کې؛ د ډیموکراسۍ د ناکامۍ بنسټ پر دغه حقیقت ولاړ دی چې انسانان د یو څو کسانو د ګټې لپاره قانون جوړوي. انسانان نیمګړتیاوې لري، تبعیض او د یوې خوا پلوي کوي او پوهه یې محدوده ده؛ ځکه خو د دوی په لاس جوړ شوی قانون د اکثریت د منحرف کېدو او تبعیض سبب کېږي.

په اسلام کې بشر نه، بلکې الله سبحانه وتعالی خالق او قانون جوړوونکی دی. اسلام عوامو ته اجازه ورکوي چې خپل خلیفه وټاکي چې د اسلام مطابق پر دوی حکومت وکړي. یوازې خلافت دا مسولیت لري چې له الهي سرچینو څخه قانون راوباسي او پلی یې کړي. په دې کې کوم جوړجاړی او معامله نشته چې د امت شورا او عوام غلي کړي. دغه پروسه نه یوزاې دا چې ستونزې حل کوي، بلکې خلافت ته د پېښو پر وړاندې د غبرګون ثبات او وړتیا ورکوي؛ داسې نه لکه غربي ډیموکراسي.

الله سبحانه وتعالی فرمایي:

﴿أَفَمَنْ يَمْشِي مُكِبًّا عَلَى وَجْهِهِ أَهْدَى أَمَّنْ يَمْشِي سَوِيًّا عَلَى صِرَاطٍ مُسْتَقِيمٍ

[الملک:۲۲]

ژباړه: ښه فکر وکړئ، کوم یو کس د سمې لارې موندونکی دی؟ ایا هغه کس چې پړ مخې روان وي او که هغه کس چې جګه غاړه پر یوه هوار سړک روان وي؟

د حزب التحریر مرکزي مطبوعاتي دفتر ته

عبدالمجید بهاټي

د مطلب ادامه...

په مرکزي اسیا کې د امریکا نوې ستراتیژي

خبر:

 د امریکا د بهرنیو چارو وزارت په خپل سایټ کې د مرکزي اسیا لپاره نوې ستراتیژي خپره کړې، چې د دغه هېواد د بهرنیو چارو وزیر مایک پامپیو په تاشکند کې د سیمي د بهرنیو چارو له وزیرانو سره شریکه کړه. امریکا به د یادې ستراتیژۍ له مخې د مرکزي اسیا له هېوادونو سره په ګډه د ترورېزم او سختدریځۍ پر ضد جګړې ته دوام ورکوي او تر څنګ به یې له قانون جوړوونکو ادارو سره د پولو په ټاکلو کې یو ځای کار کوي. د بهرنیو چارو وزارت په خبره امریکا په سیمه کې د پولو د خوندیتوب او د کار کوونکو د روزلو لپاره ۹۰ میلیونه ډالر ځانګړي کړي دي. دغه نوې ستراتیژي په سیمه کې د امریکا د پلانونو شپږو اساسي ټکو ته اشاره کوي.

۱. د مرکزي اسیا له هېوادونو څخه ملاتړ او په سیمه کې د یادو هېوادونو پر حاکمیت او ازادۍ ټینګار کول.

۲. په مرکزي اسیا کې د ترورېستي خطرونو له منځه وړل.

۳. په افغانستان کې د امنیت لپاره له یادو هېوادونو څخه ملاتړ کول او پر دغو هېوادونو نفوذ درلودل.

۴. د مرکزي اسیا او افغانستان تر منځ د اړیکو پراخول.

۵. د بشري حقونو د قانون رول ته ارزښت ورکول.

۶. په مرکزي اسیا کې امریکایي پانګوالۍ ته پراخوالی ورکول.

تبصره:

د امریکا د بهرنیو چارو وزیر مایک پامپیو د فبرورۍ په دویمه د مرکزي اسیا ځینو هېوادونو ته په خپل سفر کې خبریالانو ته وویل: «موږ د مرکزي اسیا بریالیتوب غواړو. هر هېواد یې باید خپلواک وي او موږ نه غواړو چې په سیمه کې دې یو هېواد هم بېوزله او د بل غلام وي.» پرته له دې بل څه نه شي کېدلی، چې په سیمه کې د روسیې پر ځای د امریکا د حاکمیت هیلې څرګندې کړي.

د امریکا د بهرنیو چارو پخواني وزیر جان کېري هم په ۲۰۱۵م کال کې دې ته ورته یو لوی سفر درلود، چې په ترڅ کې یې د C5+1 یعنې قرغزستان، ازبکستان، قزاقستان، تاجکستان، ترکمنستان او امریکا تر منځ یو ګډ چوکاټ جوړ کړ. د یاد چوکاټ موخه دا وه، ترڅو امریکا په سیمه کې خپل له لاسه ورکړی نفوذ بېرته تر لاسه کړي. هغه مهال امریکا په مرکزي اسیا کې په عملي ډول نفوذ نه درلود، ځکه روسیې ورباندې پوره سیاسي واک درلود. له همدې امله د چین اقتصادي پرمختګ د امریکا لپاره لوی خنډ و.

له همغه وخت څخه د C5+1 چوکاټ دوام وکړ، خو کله چې په منځني ختیځ کې وضعیت کړکېچن شو او امریکا هم دغه سیمه دوی ته پرښوده، نو دغو ځواکونو خپل مسیر بدل نه کړ.

څيړونکي د امریکا دا ګام د دغه هېواد یوه هڅه بولي، چې غواړي په دې سره یو ځل بیا له لاسه ورکړی چوکاټ تر لاسه کړي. امریکا د دغه چوکاټ ژوندي کولو ته هوسېږي او هڅه کوي چې یو ځل بیا پر یادو سیمو خپل نفوذ ټینګ کړي.

خو د ارزښت وړ یادونه او پروسه بیا دا ده؛ مهمه نه ده چې پر سیمه د امریکا او روسیې د نفو سیالي په کومه اندازه ده، بلکې مهمه دا ده چې دوی د اسلامي ډلو په ځپلو کې له یو بل سره هېڅ ټکر نه لري. دوی د تېرې پېړۍ تر وروستۍ (۹۰ مې) لسیزې پورې له هغو ظالمو دیکتاتوري قدرتونو سره هېڅ ستونزه نه درلوده، چې په سیمه کې د اسلام د مخنیوي لپاره تاسیس شوي وو. نو موږ باید پوه شو چې هر استعماري هېواد هغه که امریکا او یا روسیه وي، چې د دغې سیمې پرمختګ غواړي، تر څنګ یې د سختدریځۍ او ترورېزم پر وړاندې مبارزې ته ډېره پاملرنه کوي.

د حزب التحریر مرکزي مطبوعاتي دفتر ته

لیکوال: محمد منصور

د مطلب ادامه...

اې حکامو! له چین څخه د کرونا ویروس خبر اورئ، خو زموږ د خویندو او وروڼو چیغې نه اورئ

خبر:

د ترکیې روغتیا وزیر فهرتین کوکا پر ټوله نړۍ غږ وکړ، چې په چین کې د رامنځته شوي کرونا ویروس پر وړاندې سره متحد شئ. نوموړي پرته له دې چې د نړیوالو رابللو یا له هغوی څخه مرستې غوښتلو ته په تمه شي، خپلې خبرې وکړې. [News agencies 6/2/2020]

تبصره:

دا یوه مهمه او د بحث وړ موضوع ده، چې د کرونا ویروس لومړی په ووهان ښار کې راپیدا او وروسته بیا نورو ښارونو ته هم خپور شو، چې ټول ټال ۴۰۰ کسان یې ووژل. د روغتیا وزیر همدا خبره کوله چې له له چین سره باید مرسته وشي، ځکه چین د روانې پېړۍ یو خونخوار هېواد دی او د روان ویروس زغم ورته سخت دی. ایا پوهېږئ چې د روغتیا وزیر په مهال کې د مرستې غوښتنه کوي؟ ایا خبر یئ چې د روغتیا وزیر د کوم ارزښت پر اساس له کافر چین سره د یووالي غوښتنه کوي؟

په داسې حال کې چې د اویغور میلیونونه مسلمانان د کافر چین په زندانونو کې تر سخت ظلم او وحشت لاندې شپې او ورځې تېروي. له خپل دین څخه یې اړوي او اجباري زندانونو ته یې لېږي. مسلمانې خویندې مو د خپل عزت او ابرو د ساتلو لپاره له خپلو کورونو څخه تښتي. پر دې سربېره د چین کمونېست دولت د هر مسلمان پر کور خپل یو کس درولی، ترڅو له عبادت کولو څخه یې منعه کړي.

د دې تر څنګ دغه ظالم دولت یو لوی کمپاین پیل کړی، ترڅو د ختیځ ترکستان مسلمان ځوانان له اسلام څخه لرې وساتي او په ذهنونو کې یې کفري افکار خپاره کړي. دوی هڅه کوي چې مسلمانان له روژې نیولو، نارینه له ږیرې پرېښودلو، ښځې له حجاب اغوستلو او ځوانان جوماتونو ته له تللو څخه منعه کړي. دوی د ختیځ ترکستان مسلمان وروڼه د سختو شکنجو له امله دوو لارو (مرګ او مهاجرت) ته اړ کړي دي. په داسې حال کې چې زموږ مسلمان وروڼه د یوه داسې مشر په تمه دي، چې له دغه وحشتناک او ظالم نظام څخه یې وژغوري.

د ترکیې د روغتیا وزیر په داسې حال کې د مسلمانانو د قاتل هېواد لپاره د مرستې غوښتنه کوي، چې د مسلمانانو پر وړاندې هر ډول جنایتونه او ظلمونه روا عمل بولي. ایا تاسو په داسې خبرو کولو سره له الله سبحانه وتعالی څخه نه وېرېږئ؟ له چین څخه د کرونا ویروس خبر تر تاسو پورې رسېږي، ایا د کافر دولت تر شکنجو لاندې د مسلمانو خویندو او وروڼو چیغې تر تاسو پورې نه رسېږي؟ د یاد ویروس له امله د ۴۰۰ چینایانو پر مړینې خبر یاست، ایا په چینایي زندانونو کې تر سخت ظلم لاندې د میلیونونو مسلمانانو پر مظلومیت خبر نه یئ؟

په داسې حال کې چې رسول الله صلی الله علیه وسلم فرمایي:

«الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ»

ژباړه: یو مسلمان د بل مسلمان ورور دی، ځکه هېڅکله پر هغه ظلم نه کوي او نه یې ظالم ته سپاري.

خو تاسو په خپلو کې له کفارو سره د مرستې سیالي کوئ او مسلمان وروڼه مو له یاده ایستلي دي. په حقیقت کې د الله سبحانه وتعالی په نزد دا یوه لویه ګناه ده؛ ايا تاسو ترې خبر یاست؟

ایا دا امکان لري چې په ختیځ ترکستان کې د خپلو  مسلمانو وروڼو له مظلومیت او چیغو څخه بې خبره وئ؟ زموږ د خویندو پر عزت تېری کېږي، ایا د ژړاوو او فریادونو اواز یې ستاسو تر ماڼیو نه رسېږي؟ د خدای لپاره، ایا پر مسلمانو خویندو او وروڼو روان ظلم نه وینئ؟ که یې وینئ، نو زړونه مو تيږې اوښتې دي که څنګه؟ یا د سیاسي ګټو د لاسته راوړلو لپاره چوپ یئ؟ یا دا چې د مسلمانو خویندو او وروڼو قربانۍ ته رښتینی سیاست وایئ؟ یا هم د خپل رب په پرتله د چین پر وړاندې حساب او کتاب درته ارزښت لري؟

دا یو حقیقت دی چې له کافر چین سره روانې سوداګرئ له حقیقت ویلو څخه منعه کړي یئ، خو د خپلو مسلمانو وروڼو او خویندو اوازونه مو هم واورئ. د هغې ورځې د راتلو په اړه پوه شئ، چې شتمني به مو بیا هغه مهال هېڅ ګټه نه لري. ستاسو مسوولیت دا دی، چې یوازې د خپلو مسلمانو وروڼو ټپونو ته پټۍ شئ، نه د چین کافر دولت ته. د ختيځ ترکستان مسلمانان ستاسو دیني وروڼه او خویندې دي؛ له همدې امله پر تاسو فرض دي چې د بې دینه دولت له ظلمونو څخه یې وژغورئ. که غواړئ چې د رب پر وړاندې مو د نېکۍ تله درنه شي، نو له الهي امر او نهیې سره سم عمل وکړئ.

اساسي خبره دا ده چې یوازې د الله سبحانه وتعالی له دوستانو او مومنانو سره مرسته وکړو؛ برعکس د هغه سبحانه وتعالی له دښمنانو، ګنهکارانو او مجرمینو سره باید اړیکې پرې کړو او ترې متنفر شو. دا د اسلام غوښتنه ده او الله سبحانه وتعالی پرې راضي کېږي. الهي رضایت دا نه دی، چې د اوسنیو چارواکو په څېر د الله سبحانه وتعالی له دښمنانو سره دوستي وکړو او له دوستانو سره یې دښمني. له بده مرغه پر موږ ډېری واکمن کسان د کفارو خوښۍ ته ارزښت ورکوي. په هر حال ټولو هغو کسانو ته به څرګنده شي، چې د کفارو د خوښۍ لپاره کار کوي، چې په دې ډول به هېڅکله الهي رضایت تر لاسه نه کړي.

موږ دغه چارواکي ښه پېژنو، دوی په کفارو پسې د غلامانو په څېر تړلي دي او د مسلمانانو چیغو ته ځواب نه شي ویلی. یوازې رښتینی خلافت د مسلمانانو له ژوند او وینو څخه په سمه توګه ساتنه کولی شي، چیغو ته یې ځواب وایي او مرسته ورسره کولی شي.

﴿وَيَوْمَئِذٍ يَفْرَحُ ٱلْمُؤْمِنُونَ

[الروم: ۴]

ژباړه: پر هغه ورځ به مسلمانان خوشحاله وي.

د حزب التحریر مرکزي مطبوعاتي دفتر ته

لیکوال: عبدالله امام اوغلو

د مطلب ادامه...

د فلسطین د پسرلي وخت اوس رارسېدلی

خبر:

د فبرورۍ په لومړۍ د فلسطین ولسمشر محمود عباس د عربو له اتحادیې څخه په بریالي ډول بهر شو. کله یې چې د منځني ختیځ په اړه د ولسمشر ټرمپ پلان رد کړ، نو ګواښ یې وکړ چې دوی د هغه چا تاریخ ته نشي کتلی چې بیت المقدس او مسجد الاقصی یې پر اسراییلو خرڅ کړل. (الجزیره)

تبصره:

رسول الله صلی الله علیه وسلم د یوه مومن ځانګړنه داسې بیان کړې ده. ابوهریره رضی الله عنه روایتوي، چې رسول الله صلی الله علیه وسلم وفرمایل:

«لَا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

ژباړه: مومن باید له یوه غاره دوه ځله ونه چیچل شي.

نور عربي پسرلی له منځه لاړ. دا کار به استعمار ته نور هم زموږ د خاورو د تباهۍ او د میلیونونو خلکو د ازار او ازیت لار هواره کړي. دا به د دوی لاسپوڅو، استبدادي مرستو او نورو ناکامیو ته قانوني بڼه ورکړي، لکه څنګه چې د پوځونو مشران یې خپل لاسپوڅي ټاکلي، ترڅو د خپلو ملي ګټو لپاره خلک ووژني.

بل نوي کس ته اړتیا نشته، چې د فلسطین خلک شاتګ ته رهبري کړي، ځکه همدغه مکارانه لارې وې چې حتا ځینې دایرې به یې هم را تنګولې. نور به بین المللي ټولنې، انستیتیوتونو، نړیوالو قوانینو او د نړیوالې ټولنې د امنیت شورا د ځانغوښتونکو غړو بې ځایه حللارو ته اړتیا نه لیدل کېږي.

د روانې پېړۍ له پیل راهیسې لږترلږه ۳۰۰۰ فلسطیني ماشومان یهودي ظالم دولت په شهادت رسولي. بیا هم زموږ ډېری لاسپوڅي چارواکي دوی ته د جوړښت او توافق په برخه کې تسلیمېږي، ترڅو نور هم زموږ خاورې او ژوند د کافر یهودي دولت په واک کې ورکړي.

وړاندې تر دې چې زرګونه ماشومان ووژل شي، باید درک کړو چې غرب موږ ته هېڅ پام نه کوي او د یهودي دولت لپاره داسې ځانګړي قوانین لري چې پر اساس یې اسلامي امت له خپلو حقونو څخه بې برخې کړی دی.

د ازادۍ او عدالت په اړه د دوی دروغجنې ژمنې یوازې خبرې دي او هېڅکله د غلامو ملتونو لپاره نه عملي کېږي. نور موږ باید د دوی په ژمنو ونه غولېږو او اجازه ورنه کړو چې یاده ستونزه یوازې په فلسطین پورې وتړي. دا پر فلسطینیانو یو فشار او محاصره وه، ترڅو دوی له یهودي کافر دولت سره خبرو اترو ته تیار کړي او جنایتکاران تل دې ته ورته چلونه جوړوي.

یاده قضیه د ټول اسلامي امت (۱،۳میلیونه) مسلمانانو ګډه قضیه ده. بیت المقدس او فلسطین په ۱۹۴۸م کال نه، بلکې په ۱۹۲۴م کال د اسلامي امت له لاسه ووت، کله چې اسلامي خلافت ړنګ شو. کله چې د اسلام په خوښه ټاکل شوی امیرالمومنین نه وي؛ نو فلسطین، اسلامي خاورې او ټول اسلامي امت خپل سپر له لاسه ورکوي. رسول الله صلی الله علیه وسلم په هغه حدیث شریف کې چې ابوهریره رضی الله عنه روایت کړی، موږ ته داسې اخطار راکړی دی.

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ فَإِنْ أَمَرَ بِتَقْوَى وَعَدَلَ فَإِنَّ لَهُ بِذَلِكَ أَجْرًا وَإِنْ أَمَرَ بِغَيْرِ ذَلِكَ فَإِنَّ عَلَيْهِ فِيهِ وِزْرًا»

ژباړه: د مسلمانانو امام هغوی ته د ډال په څېر دی او کله چې مسلمانانو ته د جګړې امر وکړي، د هغه پیروي به کوي او دی به له مسلمانانو څخه ساتنه کوي. که نوموړی تقوا ولري او د حق غوښتونکی وي، نو هغه ته به ثواب ورکړل شي او که له دې پرته بله لار غوره کړي، نو د خپلو اعمالو په جزا به ورسېږي.

امام او دولت به زموږ ګټې خوندي کړي. یوازینۍ ثابته حللاره، چې د پېړیو لپاره به په فلسطین کې ټولو ته سوله او امنیت راولي، د اسلامي دولت (خلافت) بیا ځلي تاسیس دی؛ هغه دولت چې د لومړي ځل لپاره رسول الله صلی الله علیه وسلم تاسیس کړی و. کله به چې اروپایانو د نژادي او عقیدوي تضاد له امله له یهودانو څخه ملکیتونه غصب او دوی به یې قتل عام کول؛ نو اسلامي خلافت به له یهودیانو څخه ساتنه کوله او یهودیانو به هم ښه راغلاست ورته ویل.  

د حزب التحریر مرکزي مطبوعاتي دفتر ته

لیکوال: محمد حمزه

د مطلب ادامه...

عباس او دسیسه جوړوونکې ډلې د عرب لیګ له تریبون څخه فلسطیني مسلې ته له خیانت ډکې حللارې ته غاړه کېښوده! Featured

  • خپور شوی په فلسطین

د الله سبحانه وتعالی او د هغه د رسول الله صلی الله علیه وسلم پر وړاندې د خاینینو یوې ډلې په عرب لیګ کې سره وکتل، ترڅو د شرمناکې معاملې په اړه دريځ ونیسي. د ټرمپ د تړون په اړه د دوی دريځ کمزوری او له دسیسې ډک کار دی. دا ناسته د ولسمشرانو په کچه نه، بلکې د بهرنیو چارو د وزیرانو په کچه وه. دوی د معمول په څېر ځوروونکې ویناوې وکړې، چې د فلسطین د مسلې په اړه یې له خیانت څخه ډکې حللارې ته د یهودي دولت او دوه دولتونو په رسیمت پېژندلو ته غاړه کېښوده. دوی همدا راز یهودانو ته ۷۸سلنه سپېڅلې خاوره د امتیاز په توګه ومنله.

 دوی د عربستان نوښت ته خپله غاړه اېښودل تایید کړل، چې په عامه توګه بشپړ نارمل حالت ته د یهودانو راګرځول و؛ ځکه چې له یهودي دولت سره د دوی نامعلومې اړېکې نه دي بندې شوې. د دوی خیانت او دسیسې تاییدوي چې دوی د یهودي دولت د سفارتونو یا له دوی سره د لاسلیک شوو تړونونو ختمولو ته له اشارې پرته په خپلو ویناوو یا په خپله وروستۍ اعلامیه کې اړیکه نه ده نیولې، نو ځکه یې ناسته کمزورې، ذلیله او د یهودي حضور ډاډ ورکوونکې وه. 

عباس د معمول په څېر فرصت تر لاسه کړ، ترڅو د خپل رول او ناوړه واک په اړه ویاړ وکړي، چې یهودانو ته وړیا خدمت کوي. په داسې حال کې که چېرې د فلسطیني ادارې هڅې نه وای، دوی به دا خدمتونه په خوب کې هم نه وای لیدلي. د هغه ظلم دې کچې ته رسېدلی چې یهودانو ته یې د دوی د اجېنټ  او د هغوی د ناوړه امنیت د رول په یادولو سره وویل: «زه اوس دا وړتیا لرم چې داسې معلومات درکړم، چې تاسو په خوب کې هم نه وي ليدلي.» هغه ټینګار وکړ چې دې ایالت ته د رسېدو یوازینۍ لاره خبرې اترې دي او اشاره یې وکړه چې هغه له خبرو اترو څخه لاس نه اخلي، حتا که پرمختګ یې هم نه وي کړی!

عباس د خبرو اترو او یهودانو ته د خدمتونو کولو په اړه د هغه درغلي د مسلمانانو د احساساتو او د هغو بې رحمانه چلندونو لپاره یوه درنه ننګونه ده، چې که هغه د غدارانو په ډله کې نه وای ناست، نو د دې کیسۍ د بیانولو جرأت یې نه کاوه؛ چې پيل، پای او پېښې یې د لمر په څېر روښانه دي.

عباس له الله سبحانه وتعالی او له صالح مومنانو سره د دښمنۍ تر څنګ ټینګار کوي، چې هغه به له کفري هېوادونو سره د اسلام دښمنان څاري. دی وایي، موږ امنیتي تړونونه لرو او چمتو یو چې له هر هغه هېواد سره چې له ترهګرۍ سره مبارزه کوي، همکاري وکړو او موږ دا پاليسي څارو او له هغې څخه به بهر نشو! په بل عبارت، هغه له اسلام سره په مبارزه کې خپله ژمنه تاییدوي. هغه فکر کوي چې امريکا او یهودیان به هغه سپک نه کړي، په هر صورت دوی د اوسلو له تړون څخه د نوي خیانت غوښتنه وکړه، ځکه چې یاد خیانت د عباس، د هغه د سازمان، ټولو هېوادونو او واکمنانو څخه لوی دی. هغوی له داسې شرم سره ځانونه مخامخ کړل، چې مبارزه ورسره نه شي کړلی، ځکه چې د یهودیانو واقعیت د الله سبحانه وتعالی په کتاب کې د هغو خلکو لپاره څرګند دی، چې ایمان لري، الله سبحانه و تعالی فرمایي:

﴿أَمْ لَهُمْ نَصِيبٌ مِّنَ الْمُلْكِ فَإِذاً لاَّ يُؤْتُونَ النَّاسَ نَقِيراً

[النسأ: ۵۳]

ژباړه: ایا یهودیان په حکومت کې برخه وال دي؟ که داسې وی، نو دوی به نورو خلکو هېڅ حق نه وی ورکړی.

سربیره پردې، دوی هېڅ تړون نه پوره کوي، هغه که هر څومره کمزوری هم وي. الله سبحانه وتعالی فرمايي:

 ﴿أَوَكُلَّمَا عَاهَدُوا عَهْدًا نَبَذَهُ فَرِيقٌ مِنْهُمْ

 [البقره: ۱۰۰]

ژباړه: ایا تل داسې نه دي شوي، چې کله یې څه ژمنه کړې؛ نو له هغوی څخه یوې نه یوې ‌ډلې ورته شا کړې ده؟

سربېره پر دې هغه د اسلام په دښمنانو پورې تړلی دی او له نړیوالې ټولنې، امنیت شورا او عمومي شورا څخه یې غوښتنه وکړه، چې نړیوال پرېکړه لیکونه پلي کړي او پر یهودي دولت فشار راوړي چې کمزوري دولت ته خپل واک ورکړي. په هر صورت دا ډېره لېرې خبره ده او الله سبحانه وتعالی فرمایي:

﴿بَشِّرِ الْمُنَافِقِينَ بِأَنَّ لَهُمْ عَذَابًا أَلِيمًا * الَّذِينَ يَتَّخِذُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ أَيَبْتَغُونَ عِنْدَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا

[النسأ: ۱۳۸-۹]

ژباړه: منافقانو ته دا زېری ورکړه، چې مومنان پرېږدي او له کافرانو سره ملګرتیا کوي، چې د هغو لپاره دردناکه عذاب تیار دی. هغه کسان چې مومنان پرېږدي او له کافرانو سره د دوستۍ اړيکې ټینګوي، ایا دا خلک د عزت د لاس ته راوړلو لپاره هغوی ته ورځي؟ په داسې حال کې چې هر راز عزت یوازې د الله سبحانه و تعالی لخوا دی.

د عباس په خبرو کې تر ټولو لوی شی د هغه پایله ده؛ لکه څنګه چې هغه په ​​زړه پورې ایت ته اشاره وکړه، چې په جهاد کې د زغم غوښتنه کوي:

﴿يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ

[العمران: ۲۰۰]

ژباړه: اې مومنانو! له زغم څخه کار واخلئ او د باطل پالونکو پر وړاندې مېړانه وښیئ. د حق د خدمت لپاره ملا وتړئ او له الله سبحانه وتعالی څخه وېرېدونکي اوسئ، هیله ده چې بری ومومئ.

هغه دغه اسناد په داسې ځای کې وکارول، چې د یهودي حضور د ساتنې لپاره یې د الله سبحانه وتعالی د دین، د هغه سبحانه وتعالی د بندګانو په امنیت را وستلو کې نه پاملرنه ښيي. نوموړي د رسول الله صلی الله علیه وسلم د حدیث په ذکر کولو سربېره د فلسطین د ادارې خیانت ته غاړه ایښې ده.

اې د سپېڅلې خاورې خلکو:

د مجرمینو او خاینینو له ډلې څخه تمه نه کېږي، چې د الله سبحانه و تعالی دین ته د عقیدې جومات ته د خلاصون لپاره راټول شي، ځکه چې د هغه  ازادي یوازې ناستو، ویناوو او کنفرانسونو ته اړتیا نه لري، بلکې د لښکرو د مشرانو پرېکړو ته اړتیا لري. کارکوونکي به د الله سبحانه و تعالی او د هغه د رسول الله صلی الله علیه وسلم په ملاتړ د جګړې لپاره عمومي غوښتنه اعلان کړي او لاریون به یې پرته له دې چې ودرېږي، د اقصی په شاوخوا کې به تکبیرونه راپورته کړي.

لکه څنګه چې د پېړۍ معاملې، د اوسلو له خیانت څخه ډک تړون او PLO د نه پاملرنې پایله ده. که چېرې دا د PLO او عربي هېوادونو دريځونو او د سولې او خیانت په برخه کې د دوی ډېرې هڅې نه وای، نو یهودیان او ټرمپ به دې درجې ته نه وی رسېدلي. له پېړۍ معاملې سره د دوی مصنوعي مخالفت مه کوئ، دوی له دې څخه د انکار کولو یا منلو لپاره د ځان مالک نه، بلکې د واک مشران یې د واک لپاره ليوالتیا لري، حتا که دا مسله د تيږې یوه ټوټه وي! د دوی لپاره، قدرت لویه مالي سرچینه ده، خو د خیانت اړتیا له دې څخه لویه ده او دوی نه شي کولای ترې تېر شي.

په حقیقت کې د یهودیانو او د هغوی د ساتونکو راتلونکی به ان شأالله ډېر ژر ختم شي. بیت المقدس به د دویم راشده خلافت مرکز وي، چې د رسول الله صلی الله علیه وسلم زیری به رښتیا کړي او الله سبحانه و تعالی فرمایي:

﴿وَيَقُولُونَ مَتَى هُوَ قُلْ عَسَى أَن يَكُونَ قَرِيباً

ژباړه: هغوی به په سر خوځولو سره پوښتنه وکړي: «ښه نو، دا به کله وي؟» ورته ووایه: «ولې حیرانېږئ؟ هغه وخت نږدې راتلونکی دی.

[الاسرا: ۵۱]

د حزب التحریرـ ولایه فلسطین مطبوعاتي دفتر

د مطلب ادامه...

اروپايي رهبرانو په هالاکاوسټ تاریخي پېښه کې یو ځل بیا خپل دوه‌مخیتوب وښود

خبر:

د اوسشوېتز له ازادۍ ۷۵ کاله وروسته، د تېرې جنورۍ په پای کې د اروپايي هېوادونو رهبران په بیت المقدس کې د هالاکاوسټ او د یهودو پر وړاندې جګړې په یاد‌غونډه کې سره راټول شول. شهزاده چارلز، د جرمني ولسمشر فرانک والټر شټېنمېیر، د فرانسې ولسمشر اېمانوېل مکرون او د ډنمارک لومړی وزیر مېټ فرېدیکسن هم په دغو ګډونوالو کې شامل وو.

تبصره:

غربي رهبران هره ورځ نه سره راټولېږي. په هر حال، دوی په اشغال شوي بیت المقدس کې سره راټول شوي وو، چې د اوسشویتز د ازادۍ ۷۵مه کلیزه ونمانځي. دوی ادعا کړې چې دغه غونډه په هغې پېښه کې د بشریت پر وړاندې د ظلمونو د یادولو لپاره ده، خو ګډونوال او کوربه یې داسې کسان نه وو چې په بشري ارزښتونو وپېژندل شي.

د غونډې په ګډونوالو او ویناوالو کې یو د روسیې ولسمشر ولادیمیر پوتین و، دی یو نامتو جنګي جنایتکار دی چې په چیچین او سوریه کې یې ډېرې وژنې او ظلمونه کړي. دی همداراز د سیاسي مخالفینو او مهمو ژورنالېستانو په وژلو او شکنجه کولو مشهور دی.  بل ویناوال یې لوی جنګي جنایتکار، د یهودي رژیم لومړی وزیر، بنیامین نتنیاهو و چې په غزه او ټول فلسطین کې یې ډېر ظلمونه او قتلونه کړي.

د اوسشوېتز ظلمونه په پولنډ کې شوي وو او ډېری قربانیان یې هم پولنډیان وو، نو باید دا یاد‌غونډه په پولنډ کې شوې وی؛ خو دوی دا کار په اشغال شوي فلسطین کې وکړ! په یوه داسې دولت کې د نسل‌وژنې د یاد غونډې نیول، چې پخپله د فلسطین د بومیانو د نسل‌وژنې او عام‌وژنې په پایله کې جوړ شوی. دا په اصل کې نه یوازې دوه‌مخیتوب او ریاکاري ده، بلکې پر قربانیانو یې ریشخند وهل هم دي!

لوی شرم خو دا و چې د دغې غونډې اصلي څېره، په غزه کې د زرګونه ماشومانو، لویانو او ښځو قاتل، لوی جنګی جنایتکار، بنیامین نتنیاهو و. غربي رهبران چې هر وخت له پوتین او نتنیاهو غوندې جنګي جنایتکارانو سره یو ځای شي، خپله اصلي څېره ښيي. د دوی دا ډول چلند او ریاکارۍ، د زغملو نه دي.

د دغې تاریخي غونډې له یادولو باید درسونه زده شوي وی. له هالاکاوسټ څخه غربي رهبرانو څه زده‌ کړل؟ له ۱۹۳۰ او ۱۹۴۰م کال راهیسې چې اروپایان په عام‌وژنو کې برخه اخلي او هغه کډوال خپلو هېوادونو ته نه پرېږدي چې له دغو عام‌وژنو ورتښتي، دوی څه بدلون کړی؟ یوه ذره هم نه. دوی په نسل وژنو کې مستقیماً او نامستقماً ونډه لرله؛ لکه په بوسنیا او روانډا کې. عین کار په سوریه او یمن کې هم کوي. نن ورځ غربي هېوادونه د دوغو دوو هېوادونو د خلکو په پراخه کچه وژلو کې مستقیمه او په ناستقیمه توګه دخیل دي. کډوال یې خپلو هېوادونو ته نه پرېږدي او همداسې بې پروایي ورسره کوي چې ومري. دوی همدغه کار د هالاکاوسټ پر وخت هم وکړ.

په حقیقت کې هېڅ شي بدلون نه دی کړی. دوه مخیتوب او د کپیټالېسټي نړۍ رسوایي لا زیاته شوې. کله چې مسلمانان د الله سبحانه و تعالی په خوښه اسلامي دولت تاسیس او فلسطین ازاد کړي، نو له خلکو سره په خپلو اسلامي چلند –چې قران یې امر کړی- سره به نړۍ ته وښيي چې عدالت څنګه وي. دغه دولت به د هغه ورځې چې تاریخي ظلم پکې شوی وي، داسې یادوي چې عملاً به د مظلومانو لاس نیسي او د ظالمانو پر وړاندې به درېږی؛ الله سبحانه وتعالی فرمایي:

﴿يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ

[نساء: ۱۳۵]

ژباړه: اې مومنانو، د عدالت علمبرداران او د خدای لپاره شاهدان و اوسئ....

د حزب التحریر مرکزي مطبوعاتي دفتر ته

تیم الله ابو لبان

د مطلب ادامه...

د دې حديث مانا څه ده. «لا يَرُدُّ الْقَضَاءَ إِلا الدُّعَاءُ» له دعا پرته هېڅ شی الهي برخليک (قضا) نشي بدلولی

  • خپور شوی په فقهي

(ژباړه)

پوښتنه:

التفکير الاسلامي يو له تبني شويو کتابونو څخه دی؛ په دغه کتاب کې راغلي، چې تقدير (قدر) او الهي برخليک (قضا) يا د الله سبحانه وتعالی علم د دعا پر مټ نه بدلېږي. که څه هم ځيني قراني او د نبوي سنتو نصوص شته، چې ما ته له دغه فهم سره په ټکر کې ښکاري. له نبي کريم صلی الله عليه وسلم څخه روایت دی چې فرمايي:

«لا يَرُدُّ الْقَضَاءَ إِلا الدُّعَاءُ»

ژباړه: له دعا پرته هېڅ شی الهي برخليک (قضا) نشي بدلولی.

يو شمېر نور حديثونه هم له دې مانا سره شته او دا په ثبوت رسوي چې دعا الهي برخلیک بدلوي. نو موږ څنګه په ياد کتاب کې لیکل شوي مسایل له هغو نصوصو سره ورته کولی شو، چې يادونه ترې وشوه؟ الله سبحانه وتعالی دې اجر درکړي.

ځواب:

زه فکر کوم چې تاسې د التفکير الاسلامي پرځای د الفکر الاسلامي (اسلامي افکار) کتاب حواله ورکوی، چې له همدې امله په پوښتنه کې غلطي رامنځته شوې. بله غلطي په پوښتنه کې ده، چې تاسې وایئ دا «يو له تبني شويو کتابونو» څخه دی، په داسې حال کې چې دا کتاب تبني شوی نه دی او په اداري فهرست کې یو له هغو کتابونو څخه دی چې یوازې د حزب التحرير له لوري خپور شوی دی. که څه هم پر دې کتاب د امير يا د حزب د بل غړي نوم د ځينو ملاحظانو په موخه ليکل شوی، خو په حلقو کې نه تدريسېږي، نو تاسې د الفکر الاسلامي (اسلامي افکار) کتاب خبره را اخیستې ده. په هر صورت لکه څرنګه چې ما مخکې يادونه وکړه تاسې د ياد کتاب حواله ورکوی او په کتاب کې راغلي مسایل وایی: «دا باید حتمي روښانه شي چې د دعا پر مټ د الله سبحانه وتعالی علم نه بدلېږي، نه هم د الهي برخليک مخه نيولی شي او نه هم الهی تقدير بدلولای شي. هېڅ شی له دليل پرته نشي پېښېدلی، ځکه د الله سبحانه وتعالی علم هرو مرو ثابت دی او د الله سبحانه وتعالی امر هرو مرو پرځای کېږي. که هغه په دعا بدلېدلی، نو دا به الهي برخليک (قضا) نه وی او الهی تقدیر د الله سبحانه وتعالی له لوري را منځته شوی دی، له همدې امله د دعا او ننواتو پر مټ نه بدلېږي. تاسو ويلي چې د لاندې حديث سره په ټکر کې دی:

«إِنَّ الدُّعَاءَ يَرُدُّ الْقَضَاءَ»

ژباړه: دعا ليکل شوی الهي برخليک (قضا) ستنوي.

په بل روايت کې راځي:

«لَا يَرُدُّ الْقَدَرَ إِلَّا الدُّعَاءُ»

ژباړه: له دعا پرته هېڅ شی الهي تقدیر (قدر) نشي منعه کولی.

ستاسو پوښتنه دا ده چې څنګه باید دغه ته مطابقت وکړل شي؟

زه له ځواب څخه مخکې تاسو ته ځينې اړوند موضوعات د ځواب د سريزې په ډول بيانوم:

۱: په اسلام کې دعا او د الله سبحانه وتعالی په خوښه د هغې د ځواب په تړاو يو شمېر اياتونه او احاديث شته، چې ځينې يې په لاندې ډول دي:

الله سبحانه وتعالی فرمايي:

﴿وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ﴾

 [غافر: ۶۰]

ژباړه: او ستاسو رب فرمايي: تاسو ما وبلئ چې زه ستاسو دعا قبوله كړم. بېشكه هغه كسان چې زما له عبادت څخه تكبر كوي، ژر ده چې دوى به دوزخ ته ننوځي، په داسې حال كې چې خوار او ذلیله به وي.

الحاکم په خپل مستدرك کې له ابوهريره «رض» څخه روايت کوي، چې نبي کريم صلی الله عليه وسلم فرمايلي دي:

«لَيْسَ شَيْءٌ أَكْرَمَ عَلَى اللَّهِ مِنْ الدُّعَاءِ»

ژباړه: الله سبحانه وتعالی ته د دعا په پرتله بل هېڅ شی هم ارزښت نه لري.

امام احمد په خپل مسند کې له ابي سعيد څخه روايت کوي، چې نبي کريم صلی الله عليه وسلم فرمايلي دي:

«مَا مِنْ مُسْلِمٍ يَدْعُو بِدَعْوَةٍ لَيْسَ فِيهَا إِثْمٌ وَلَا قَطِيعَةُ رَحِمٍ إِلَّا أَعْطَاهُ اللَّهُ بِهَا إِحْدَى ثَلَاثٍ إِمَّا أَنْ تُعَجَّل لَهُ دَعْوَتُهُ وَإِمَّا أَنْ يَدَّخِرَهَا لَهُ فِي الْآخِرَةِ وَإِمَّا أَنْ يَصْرِفَ عَنْهُ مِنْ السُّوءِ مِثْلَهَا قَالُوا إِذاً نُكْثِرُ قَالَ اللَّهُ أَكْثَرُ»

ژباړه: هېڅ مسلمان به نه وي چې له الله سبحانه وتعالی څخه په خوله غوښتنه وکړي، په داسې حال کې چې دی د ګناه مرتکب نه وي او له کورنۍ سره یې صله رحمي قطع کړې نه وي، خو الله سبحانه وتعالی به له دغو درو شيانو څخه يو ورکړي: یا به د ده دعا ژر قبوله شي، يا به هغه دعا د ده لپاره په اخرت کې وساتل شي او يا به الله سبحانه تعالی له ده څخه کومه راتلونکې بدمرغي یا شر لېري کړي، چې د ده له کړې دعا سره به ورته وي. دوی (اصحابو رضي الله عنهم) وويل: بیا نو موږ بايد ډېرې دعاګانې وکړو. رسول الله صلی الله عليه وسلم وفرمايل: الله لوی دی. (دا حديث حاکم په خپل مستدرک کې له ابي سعيد رض څخه روايت شوی دی.)

دا دلیلونو ښیي چې الله سبحانه وتعالی له خپل مومن بنده څخه ده (سبحانه تعالی) ته په زياتو دعاګانو خوشاله کېږي او دا چې د مسند احمد په حواله دعا ته یو له دغو دریو ځوابونو څخه ورکول کېږي او دا ځواب په لوح محفوظ کې لیکل شوی دی. هر څه چې پېښېږي هغه له ازل څخه لیکل شوي دي، لکه څنګه چې لاندې په الهي تقدیر (قدر) کې ښودل کېږي.

۲: که چېري په يوه موضوع کې داسې قطعي دليل شتون ولري، چې پر بنسټ یې يو ځانګړی حکم څرګندېږي؛ خو په همغه موضوع کې ظني دليل له صحيح روايت (سند) سره هم وي، چې يو بل داسې حکم څرګندوي چې شک (شبهه) پکې وي، خو له قطعي دليل سره په ټکر کې وي؛ نو په داسې حال کې د یوه په پرتله د دواړو دلایلو شتون ډېر مهم دی. که چېرې د هغو دلایلو يوځای کول ناشوني وي، نو بيا هغه قطعي دليل یې په پام کې نيول کېږي او ظني دليل يې د مانا (درایه) له مخې ردېږي، که څه هم چې سند (روايت) يې صحيح دی؛ خو که سند یې کمزوری وي، نو بیا د سند د کمزورۍ له مخې ردېږي.

۳: د ليکل شوي الهي تقدير (قدر) له دلايلو څخه:

الله سبحانه وتعالی فرمايي:

﴿وَكَانَ أَمْرُ اللَّهِ قَدَراً مَقْدُوراً﴾

[الأحزاب:۳۸]

ژباړه: او د الله سبحانه وتعالی امر یوه قطعي ټاكل شوې پرېکړه ده.

د [قَدَراً] (ليکل شوي الهي تقدير) مانا دلته دا ده؛ هغه موضوع چې الله سبحانه وتعالی له ازل څخه د هغې په اړه پرېکړه کړې وي. د [مَقْدُوراً] مانا بیا دا ده، چې حتمي به پېښېږي. له همدې امله دا مانا لري چې دا یو قطعي شوې پرېکړه ده، چې هرو مرو به پېښېږي.

یو بل ځای الله سبحانه وتعالی فرمايي:

﴿عَالِمِ الْغَيْبِ لا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلا فِي الأَرْضِ وَلا أَصْغَرُ مِنْ ذَلِكَ وَلا أَكْبَرُ إِلا فِي كِتَابٍ مُبِين﴾

[ سبإ: ۳]

ژباړه: هغه رب چې په غیبو خبر دى او حتا له یوې زرې څخه کوچنی او لوی څېز په اسمانونو او ځمکه کې له هغه څخه پټ نه دي او په ښکاره کتاب کې ثبت دي.

بل ځای فرمایي:

﴿مَا أَصَابَ مِنْ مُصِيبَةٍ فِي الأَرْضِ وَلا فِي أَنْفُسِكُمْ إِلا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ﴾

 [الحديد: ۲۲]

ژباړه: په ځمکه او ستاسو ځانونو کې به تر هغه مهال څه مصیبت پېښ نه شي، تر دې چې د دغو (ځانونو) له پیدا کېدو وړاندې په کتاب کې نه وي لیکل شوي؛ له شک پرته چې الله سبحانه وتعالی ته ډېر اسانه دي.

 

همدا راز د الهي تقدير (قدر) یا د لوح محفوظ د لیکنې په تړاو ځينې احاديث شته، چې ځينې يې په لاندې ډول دي:

له ابوهريره رضی الله عنه څخه روايت دی، چې نبي کريم صلی الله عليه وسلم فرمايي:

«جَفَّ الْقَلَمُ بِمَا أَنْتَ لاَقٍ»

(بخاري)

ژباړه: قلم د هغه څه تر لیکلو وروسته وچ شوی، چې ته ورسره مخ کېږې.

  يعني د هغه څه په اړه لا له وړاندې لیکل شوي دي، چې ته به په راتلونکي کې ورسره مخ شې.

له نبي کريم صلی الله عليه وسلم څخه د جبرايل د راتګ په تړاو د حضرت عمر رضی الله عنه حديث دی؛ چې د اسلام او ايمان په اړه يې پوښتنه وکړه او په ياد حديث کې راغلي دي: «ما د ايمان (عقیدې) په اړه پوه کړه.» نبي کريم صلی الله عليه وسلم ځواب ورکړ:

«أَنْ تُؤْمِنَ بِاللَّهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الآخِرِ وَتُؤْمِنَ بِالْقَدَرِ خَيْرِهِ وَشَرِّهِ»

(مسلم)

ژباړه: ایمان دا دی، چې ته پر الله سبحانه وتعالی، د هغه پر ملايکو، کتابونو، پيغمبرانو، د اخرت پر ورځ، قدر، خیر او شر باندې ایمان ولرې. يعنې پر دې ايمان لرل چې الله سبحانه وتعالی د مخلوقاتو تر پيدايښت مخکې خېر او شر ټاکلي وو.

له جابر رضی الله عنه څخه روايت دی، چې نبي کريم صلی الله عليه وسلم وفرمايل:

«لاَ يُؤْمِنُ عَبْدٌ حَتَّى يُؤْمِنَ بِالْقَدَرِ خَيْرِهِ وَشَرِّهِ حَتَّى يَعْلَمَ أَنَّ مَا أَصَابَهُ لَمْ يَكُنْ لِيُخْطِئَهُ وَأَنَّ مَا أَخْطَأَهُ لَمْ يَكُنْ لِيُصِيبَهُ»

(ترمذي)

ژباړه: د الله سبحانه وتعالی بندګان تر هغې مومن کېدلی نه شي، ترڅو چې پر قدر ايمان ونه لري، يعني خېر او شر باندې. داسې چې دی پوه شي، چې له هر پېښېدونکي شي څخه خلاصون نشته او څه شی چې د ده لپاره نه دي ټاکل شوي، هغه ورته نه پېښېږي.

 ابي العباس عبدالله ابن عباس رضی الله عنه روايتوي: یوه ورځ د رسول الله صلی الله عليه وسلم تر شا پر سورلۍ سپور وم، چې هغه مبارک صلی الله عليه وسلم وويل:

«يا غُلاَمُ، إِنِّي أُعَلِّمُكَ كَلِمَاتٍ، احْفَظْ اللَّهَ يَحْفَظْكَ، احْفَظْ اللَّهَ تَجِدْهُ تُجَاهَكَ، إِذَا سَأَلْتَ فَاسْأَلِ اللَّهَ، وَإِذَا اسْتَعَنْتَ فَاسْتَعِنْ بِاللَّهِ، وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ، رُفِعَتْ الأَقْلامُ وَجَفَّتْ الصُّحُفُ»

(ترمذي)

ژباړه: ای هلکه! زه به دې په ځينو موضوعاتو پوه کړم. د الله سبحانه وتعالی د اوامرو پر وړاندې بيدار اوسه، نو هغه سبحانه وتعالی به ستا ساتنه وکړي. د الله سبحانه وتعالی د حقونو ساتونکی اوسه، دی به د تل لپاره ستا ملتيا وکړي. که غوښتنه کوې، یوازې له هغه سبحانه وتعالی څخه یې وکړه. که مرستې ته اړتيا لرې، نو يوازې له هغه سبحانه وتعالی څخه د مرستې لپاره دعا وکړه. په ياد ولره! که ټول خلک يوځای شي، ترڅو ګټه درته ورسوي، نو دوی به له هغه څه پرته چې الله سبحانه وتعالی درته ټاکلي وي، هېڅ ګټه ونه رسوي. که چېرې ټول سره يوځای شي چې زيان درته ورسوي، نو دوی به پرته له هغه هېڅ زیان درته ونه شي رسولی، چې الله سبحانه وتعالی درته ټاکلی وي. اوس قلمونه پورته شوي او رنګ یې وچ شوی دی.

۴: اوس پر هغو دوو حديثونو بحث کوو، چې وايې دعا الهي برخليک بدلوي يا په بله اصطلاح ټاکل شوی الهي تقدير بدلوي:

الحاکم له ابن عباس او ثوبان رضی الله عنهما څخه په خپل مستدرک کې دوه صحیح حديثونه روايت کوي، چې نبي کريم صلی الله عليه وسلم فرمايي:

«إِنَّ الدُّعَاءَ يَرُدُّ الْقَضَاءَ»

ژباړه: دعا الهي برخليک (قضاء) بدلوي.

الحاکم له عبدالله ابن ابي الجعد هغه له ثوبان رضی الله عنه څخه یو بل ځای روایتوي، چې رسول الله صلی الله عليه وسلم وفرمايل:

«لَا يَرُدُّ الْقَدَرَ إِلَّا الدُّعَاءُ»

ژباړه: له دعا پرته هېڅ شی الهي تقدير (قدر) بدلولی نه شي.

الحاکم وایي: «د دغه حديث سند صحيح دی، خو دوی نه دی روايت کړی.»

۵: د الهي تقدير (قدر) په تړاو راغلو نصوصو په ځانګړي ډول د قطعي اياتونو له مطالعې او د دلایلو له ویلو وروسته دا جوتېږي، چې په ځمکه او جنت کې هېڅ داسې څه نشته، چې الله سبحانه وتعالی یې دې په اړه امر کړی وي، خو لیکلي یې دې نه وي. د الله سبحانه تعالی له امر او مخکینۍ لیکنې پرته هېڅ شی نه رامنځته کېږي. هغه څه چې الله سبحانه وتعالی یې په اړه امر کړی وي، هرو مرو پېښېږي او حتمي کېدونکي دي؛ يعنې هغه څه چې ټاکل شوي (قدر) د هغو مخنيوی او بندول ناشوني دي.

له پورتنیو یادو شوو دوو حديثونو څخه جوتېږي، چې دعا د ليکل شوي الهي تقدير (قدر) يا قضا مخه نيسي. دلته يې مانا هم ورته ده، نو دلته شک (شبهه) شته، چې د قدر په تړاو له قطعي دليل سره په ټکر کې ده او لکه څنګه چې پورته يادونه وشوه؛ که شونې وي، نو لومړی بايد هغه دوه حديثونه سره یو ځای شي، چې قطعي دليل لري او که نه، نو د حديث مفهوم ردېږي (درایه).

۶: ځکه خو د پورته مطلب تر څېړنې وروسته زه د الله سبحانه وتعالی په توفيق سره وايم:

الف - حديث شريف:

«لَا يَرُدُّ الْقَدَرَ إِلَّا الدُّعَاءُ»

ژباړه: له دعا پرته هېڅ شی الهي تقدير (قدر) نشي بدلولی.

د دغو الفاظو سمه مانا (د قدر مخنيوی) دی، يعنې له لوح محفوظ څخه د هغه لېري کول دي. ياد حديث د پورته مانا په درلودلو سره د (درایه) له لوري ردېږي، ځکه چې ليکل شوي موضوعات يا الهي برخليک په لوح محفوظ کې لیکل شوي دي او هغه بايد حتماً پېښ شي او هېڅ شی به د هغه مخه ونشي نيولی، يعنې له لوح محفوظ څخه به پاک نه شي. له همدې امله پورتنی حديث د مانا له مخې ردېږي او که له بل حديث سره يو ځای نه شي، نو دلته قطعي دلايل د قدر په تړاو په پام کې نيول کېږي، يعني قدر هرو مرو پېښېږي او مخه يې نه نيول کېږي. خو د مانا (درایه) تر ردولو وړاندې بايد هڅه وشي، چې قطعي او ظني دلايل سره يوځای شي، ځکه د یوه په پرتله د دواړو کارول ډېر لومړیتوب لري.

ب: په اصول فقه کې که د قرينې (نښې) لپاره حقيقت څرګند نه شي، د حقيقي مانا مخه نیسي. دلته د قدر په تړاو پورته قطعي دلايل بيان شوي دي او له همدې امله که د ژبې له اصولو سره سم شوني وي، له حديث څخه مجازي مفهوم اخيستل کېږي. خو دلته دا شونې ده او د قدر او قضا الفاظ په دغه حديث کې مجازي مانا ورکوي، چې له پايلې څخه یې يو کس پوهېږي؛ يا په بله مانا د هغه علت یې لامل شوی دی، نو علت يې بيانېږي او موخه یې په نيت پورې تړاو پيدا کوي، لکه چې ویل کېږي: «باران ځمکه زرغونوي» دلته سبب (باران) بيان شو او موخه یې پايله ده. ثمره (نبات) او دلته قدر هم بيان شوی دی، خو هدف يې مجازې مانا ده، يعني د هغه پايله، اغېز او موخه يې د قضا او قدر مخنيوی نه دی، خو د هغه د اغېز مخنيوی دی. د بېلګې په توګه: که قضا ياقدر يو مسلمان ته پېښ شي لکه ناروغي يا د ماشوم او پيسو له لاسه ورکول يا په سوداګرۍ کې زيان ليدل او داسې نور؛ نو دعا د هغه اغېز بدلولی شي لکه د الحسن بن علي رضی الله عنه په حديث کې چې وايي، رسول الله صلی الله عليه وسلم ماته لارښوونه وکړه، چې د وترو په قنوت کې دغه دعا وايه:

«اللَّهُمَّ اهْدِنِي فِيمَنْ هَدَيْتَ... وَقِنِي شَرَّ مَا قَضَيْتَ... »

ژباړه: الهي ما د هغو کسانو له ډلې څخه وګرځوه، چې تا هدايت ورته کړی دی... او له هغه شر څخه مې وژغوره چې تا ټاکلی دی.

مومن چې کله په دعا کې له الله څخه غوښتنه کوي، چې الله سبحانه وتعالی يې د قضا له شر څخه وژغوري، نو الله سبحانه وتعالی به د هغې پېښې اغېز ورته اسانه کړي او له ده سره به د هغې په زغملو کې مرسته وکړي او دی به پر هغه پېښه زغموونکی واوسي. نو الله سبحانه وتعالی به د ده ژوند تر هغې قضا وروسته چې ده ته پېښه هم شي، ورته اسانه کړي. يعني الله سبحانه وتعالی به ده ته قضا اسانه او اغېز به یې پر ده کم کړي. دا همداسې ده لکه د ده دعا چې په مجازي ډول قضا بدله کړې وي. یعنې الله سبحانه تعالی له ده سره مرسته وکړه، ترڅو د قضا تاب راوړي او ده ته یې صبر ور په نصیب کړ. تاسې فکر وکړئ، څومره ډېر خلک د تېغونو په مټ ټپي شوي، بې سکه او لړزېدلي دي؟ څومره ډېر خلک له کړاوونو تېر شوي، خو د دوی ژبه لا تراوسه د الله سبحانه وتعالی په ذکر لنده ده. يو څوک الله سبحانه وتعالی ته ځکه دعا کوي چې له بدمرغۍ یا شر او د هغې له اغېز څخه يې وساتي او نوموړی زغم لرونکی او ثابت قدمه وګرځوي، داسې چې ګواکي دعا په مجازي ډول د شر مخه نيولې ده.

له همدې امله قدر حتماً راتلونکی دی او بايد هرو مرو پېښ شي، خو په اخلاص او باور سره د مومن دعا پر ده باندې د هغه د اغېز مخه نيسي، يعنې اغېز به يې اسانه او کم وي او دی به يې د زغمولو وس ولري، د ياد شر بار به پرې کم شي او دی به داسې ژوند ولري چې ګواکي هېڅ کړاو یې نه دی لیدلی. ټول پېښېدونکي شيان په لوح محفوظ کې لیکل شوي دي، الله سبحانه وتعالی هغه بيان کړي او له ازله څخه علم پرې لري. يعنې هغه په لوح محفوظ کې ثبت دي، چې پر نوموړي بنده به يو کړاو راځي او هغه به ورته پېښېږي او دی به له الله سبحانه وتعالی څخه د دعا په مټ د هغه له شر څخه د ساتنې غوښتنه کوي. الله سبحانه وتعالی به نوموړي ته ځواب ورکوي او له ده سره به مرسته کوي، چې د هغه کړاو په اړه به داسې زغم ولري، چې ګواکي دی په مجازي ډول له هغه کړاو سره مخ شوی نه دی.

دا هغه څه دي چې له حدیث څخه مفهوم شوي دي. زما په اند دا  قوي (نظر) دی؛ الله سبحانه وتعالی تر ټولو پوه او د حکمت څښتن دی.

۷: د نورو مالوماتو لپاره، زه لاندې ټکو ته اشاره کوم:

الف: زما کتاب (التیسير في اصول التفسير) کې راغلي دي:

 «د دعا ځواب دا مانا نه لري چې برخليک ته دې بدلون ورکړي يا هغه څه چې په لوح محفوظ کې ليکل شوي دي يا دې د الله سبحانه وتعالی په علم کې بدلون راولي. يعنې د الله سبحانه وتعالی ځواب دا مانا نه ورکوي چې هغه سبحانه وتعالی د خپل بنده د دعا په اړه علم نه لري او دا معنی هم نه ورکوی چې په لوح محفوظ کې په دې اړه نه دي لیکل شوي، بلکې الله سبحانه وتعالی په هغه علم لري او هغه له ازل څخه په لوح محفوظ کې لیکل شوي دي. قدر د الله سبحانه وتعالی علم دی، يعني هغه څه چې په لوح محفوظ کې ليکل شوي دي او هر هغه څه چې وروسته به پېښ شي، هغه له ازل څخه ليکل شوي دي. الله سبحانه وتعالی پوهېږي چې پلانی به دعا او ننواتې وکړي. که الله سبحانه وتعالی د هغه ځواب ورکوي، دا له وړاندې ليکل شوي دي چې هغه کس د دغه شي غوښتنه کوي او دی به دغه شی ترلاسه کوي. دعا يوه نوې چاره نه ده چې د الله سبحانه وتعالی په علم کې دې نه وي يا دې په لوح محفوظ کې ليکل شوې نه وي، یا دې غبرګون نه وي ورته څرګند. ټول هغه څه چې پېښېدونکي دي په لوح محفوظ کې لیکل شوي دي. الله سبحانه وتعالی په ناليدونکو شيانو علم لري او پوهېږي چې هغه بنده په الفاظو او عمل کې څه کوي او هر څه له ازل څخه مخکې ليکل  لیکل شوي دي. دعا او دعا ته ځواب د الله سبحانه تعالی له علم څخه لوړ نه دي، بلکې په لوح محفوظ کې هغسي لیکل شوي دي لکه څنګه چې پېښېږي. الله سبحانه وتعالی له ليدونکو او ناليدونکو شيانو خبر دی.

﴿لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ﴾

[سبا:۳]

ژباړه: حتا د یوې زرې په اندازه هم یو څېز په اسمانونو او ځمکه کې له هغه سبحانه وتعالی څخه نه پټېږي.

ب: امام ابو محمد حسين بغوي «رح» چې په ۵۱۶هـ.ق کال وفات شو، په خپل "شرح السنة" کتاب کې وايې: [عبدالواحد ابن احمد المليحي له عبدالله ابن ابي الجعد هغه له ثوبان څخه روايت کوي، چې نبي کريم صلی الله عليه وسلم فرمايي:

«لا يَرُدُّ الْقَدَرَ إِلا الدُّعَاءُ»

ژباړه: له دعا پرته هېڅ شی الهي برخليک (قدر) بدلولی نه شي...

ابو حاتم السجستاني وويل: هغه څوک چې دوامداره دعا کوي، له قضا سره سم به داسې ځواب ترلاسه کړي، چې ګواکي بدل شوی دی.]

ج- نور الدين أبو الحسن علي بن سلطان محمد الهروي القاري چې په ۱۰۱۴هـ.ق کال وفات شوی په خپل "مرقاة المفاتيح شرح مشكاة المصابيح" کتاب کې وايې:

[«لا يَرُدُّ الْقَضَاءَ إِلا الدُّعَاءُ»

ژباړه: له دعا پرته هېڅ شی الهي برخليک (قدر) بدلولی نه شي.

 قضا يوه ټاکل شوې موضوع ده... يا هم د ده موخه د قضا له بدلون څخه ده. که د ده موخه د قضا اسانه کول او د پېښېدونکي موضوع سپکول دي، داسې چې ګواکي هغه موضوع له سره هېڅ پېښه شوې نه وي...]

زه هيله لرم چې همدومره به بسنه وکړي او حمد او ستاینه دې وي د جهانونو څښتن لره. 

ژباړن: صديق احمدزی

د مطلب ادامه...

د کرونا پر ضد د چینایانو مبارزې پانګوال خواشیني کړي دي

 خبر:

بي بي سي راپور خپور کړی چې چينایانو تیاری نیولی، ترڅو په ووهان ښار کې د کرونا په ویروس اخته کسانو د درملنې لپاره یو روغتون جوړ کړي. د دوی په وینا، چې دغه روغتون به په شپږو ورځو کې ګټې اخیستنې ته وسپارل شي. 

دغه وبا د لومړي ځل لپاره د ووهان په ایالت کې را پیدا شوه او دغه ایالت شاوخوا ۱۱میلیونه اوسېدونکي لري. د یاد ښار روغتونونه په دغې ناروغۍ له اخته شوو کسانو څخه ډک دي، په داسې حال کې چې درملتونونه یې له درملو څخه خالي کېږي.

د دغه هېواد د مطبوعاتو په خبره یاد روغتون به ۱۰۰۰ بسترونه ولري. چینایي مطبوعات په ژوندۍ بڼه ښيي، چې ځمکه کیندونکو وسایلو په ۲۵۰۰۰متر مربع ځمکه کې کار پیل کړی دی. په بیجنګ کې هم په ۲۰۰۳م کال په سارس ویروس د اخته کسانو د درملنې لپاره همداسې یو روغتون جوړ شوی و. 

په بهرنیو اړیکو کې د نړیوالې روغتیا لوړپوړي کارکوونکي «یانژونګ هانګ» وویل: «چین په نړیواله کچه په دا ډول لویو پروژو کې ریکارډ لري، چې په کم وخت کې یې ګټې اخیستنې ته سپارلې دي.»

نوموړي په بیجینګ کې هغه روغتون ته اشاره وکړه، چې په ۲۰۰۳م کال کې د ۷ ورځو  په اوږدو کې جوړ شوی و. همدارنګه هغه زیاته کړه چې د اوسنۍ پروژې کاري ټیم د پخواني ریکارډ ماتولو هڅه وي. د ووهان ښار مرکز کې د بیجنګ د روغتون په څېر نور ساختمانونه هم جوړ شوي دي.

هغه زیاته کړه: «دغه ځان غوښتونکی هېواد هر ډول وسایلو ته لاسرسی لري. دوی په لوړو اداري او مالي ستونزو برلاسي کېدلی شي او په دغې برخه کې له ټولو سرچینو څخه ګټه اخیستلی شي. چین په انجنیرۍ برخه کې ډېر پرمختګ کړی او دوی په کم وخت کې د لوړو بلډینګونو په جوړولو کې ریکارډ لري. دا د غربیانو لپاره ډېره سخته ده، چې حتا د دا ډول کارونو تصور وکړي.»

تبصره:

په رښتیا هم چې د پانګوالو هېوادونو د اوسېدونکو لپاره دا حیرانوونکې خبره ده، چې یوه لویه ساختماني یا پرمختیایي پروژه د یو کال پر ځای په یوه اونۍ ګټې اخیستنې ته سپارل کېږي. کله خلک د پانګوالۍ د ګټو سیالۍ او پرمختګونه ویني، نو ډېر کار کوي، خو په خپل بشري فکر سره د عامه موخو د لاسته راوړلو لپاره یو ځای کار نه شي کولی.

بریتانیا د روغتیا د ملي خدمتونو په برخه کې د نړۍ د هیلو خلاف یوازې په زړو او ناکاره روغتونونو بسنه کړې او خلک هم له دولت څخه دا هیله نه لري، چې دوی ته دې پوره پاملرنه وکړي. دولت به هېڅکله دا وړتیا پیدا نه کړي، چې په ټولو ځايونو کې د زړو روغتیایي تاسیساتو پرځای نوي روغتونونه جوړ کړي. همدا اوس یې هېواد په شمالي سیمو کې د لوړ سرعت رېل ګاډي په جوړولو کې له ستونزو او ګډوډیو سره لاس او ګرېوان دی، چې یاده پروژه ښایي په دوه نورو لسیزو کې هم ګټې اخیستنې ته ونه سپارل شي.

بریتانیا په نړۍ کې پنځم لوی اقتصادي هېواد دی او تر اوسه په دا ډول پرمختیایي پروژو کې هېڅکله هم له مالي ستونزو سره نه دی مخ شوی. یو شی چې په غرب کې معمول دي، هغه دا که چېرې له دغې پروژې څخه سیاسي ګټه پورته کېدلی، نو بیا به پانګوالو په خپلو بې ځایه سیالیو کې د هر ډول فساد پر وړاندې تر وروستۍ کچې خپلې پیسې لګولې؛ مانا دا چې یادې پروژې ځکه ګټې اخیستنې ته نه سپارل کېږي، چې لګښت یې ډېر دی او هم تر ډېره د دوی د شخصي ګټو لامل نه کېږي. په پانګواله ټولنه کې د ودانولو یا رغولو تاریخ همدا ډول دی، چې هر کس هڅه کوي بېل بېل یې وخوري او حتا ځینې لوی پانګوال پرې سیالي کوي.

د بي بي سي خپرونې به هېڅ کله هم دا ډول کینې او حسادتونه پټ نه کړي؛ دوی هڅه کوي چې یاده مسله داسې څرګنده کړي چې د دا ډول پروژو د جوړولو لپاره د امکاناتو برابرول د چین د ځان غوښتونکي حکومت طبیعت دی. جیورج سوروس بیا په روانه اونۍ کې په داووس کې د خپلو خبرو پر مهال چین او امریکا دواړه هېوادونه په ځان غوښتونکو حکومتونو تورن کړل.  

مسلمانان باید د خپلو سیالانو او د هغوی په وینا د خپلو نیمګړتیاوو تر اغېز لاندې را نه شي. د پانګوالو ډېره کوچنۍ ستونزه هم د دوی سیستم افشا کولی شي، هغه سیستم چې تکیه یې پرې کړې او د بشر لپاره د ګټې اخیستنې وړ نه دی. په هر ځای کې چې سیاسي موخې ترلاسه کېږي، هلته بیا کینه کښ پانګوال په چټکۍ سره د عامه موخو لپاره کار کوي او لوی اقتصادي پرمختګ د کلونو او لسیزو پر ځای په یوه اونۍ یا میاشت کې تر سره کوي.

راتلونکی خلافت به د چین له دغه پرمختګ سره سیالي وکړي او حتا په ځینې برخو کې به ورڅخه مخکې شي، ځکه چې خلیفه نه د پانګوالي شرکتونو او نه هم د یوې ځانګړې ډلې خدمتګار دی، بلکې د خلکو اصلي خدمتګار دی. د اسلامي خلافت تر واک لاندې هېوادونه به د دیني سیستم تر حاکمیت لاندې وي. د خلکو مشر به په ډېر  ښکاره او شفاف ډول ټاکل کېږي او د خپلو ټولو کړنو حساب به خلکو ته په مستقیم ډول ورکوي. دغه ځواب ورکول به د یوې متحرکې ټولنې او سیاسي ډلو د رامنځته کېدولو سبب شي. د پیاوړو انستیتیوتونو په ګډون د ازادې محکمې شتون دا ښيي، چې د ټولو خلکو ارزښتونه به په ښه ډول په پام کې نیول کېږي؛ داسې نه چې یوازې به د شتمنو لپاره کار کوي، لکه نن ورځ چې په شرقي او غربي پانګوالو کې لیدل کېږي.    

د حزب التحریر مرکزي مطبوعاتي دفتر ته

لیکوال: د بریتانیا-حزب التحریر مطبوعاتي ویاند یحیی نسبت

د مطلب ادامه...

د وخت ځنډېدل د رسول الله صلی الله علیه وسلم زیري نه لغوه کوي!

  • خپور شوی په سیاسي

  (ژباړه)

د دویم سلطان محمد بن مراد په واسطه د قسطنطنیې فتحه په وروستیو اسلامي خوځښتونو کې ترسره شوه، چې یادې هڅې له امویانو څخه پیل شوې او د عباسیانو په وخت کې یې هم دوام وکړ؛ ترڅو سلطامحمد فاتح بریالی شو او د دغه فتحه شوي ښار نوم یې اسلامبول کېښود.

تاریخ دروغ نه وایی او واقعیتونه به ښکاره شي، که څه هم وخت اوږد شوی دی. د دروغجنو دسیسې د حق لمر سوزوي، هرڅومره که باطلې وریځې پر هغوی سیوری وکړي. هغه غمیزه چې نن اسلامي امت ورسره مخ دی، هغه د خلافت نشت دی. دا هغه یوازنی نظام دی چې د یو واحد امت په توګه د اسلامي امت استازیتوب کوي، د چارو سرپرستي یې ترسره کوي او د دین ساتنه یې کوي.

په دغې غمیزه کې پر موږ هم سختې شېبې تېرېږي، چې لاره اوږدوي او زړونه مو د کمزورۍ او له الله سبحانه وتعالی څخه د لېرېوالي له امله فرمانبرداري کوي. هغه څوک چې تاریخ د قران په رڼا کې مطالعه کوي، د دغو دروغجنو دروغ درک کوي او دا حس کوي چې الله سبحانه وتعالی له اسلامي امت او مومنانو سره دی. هغه کسان چې تاریخ دقیق مطالعه کړي، پوهېږي چې  مصبتونه د وخت په اوږدو کې رامنځته کېږي. هغه وخت زړونه له ډېره صبره هلاکت ته نېږدې شوي وي، تر هغه وروسته روښنایي رامنځته کېږي او تیاره له منځه ځي.

هر څومره چې اوسنی ناوړه حالت دوام کوي، د خلافت نشت ځنډېږي او د غرب هغه ټول بریدونه چې اوسمهال یې پر اسلامي امت کوي، د خلافت په بیا راتګ زموږ باور نور هم پیاوړی کوي. کله چې اسلامي امت ته د هغوی جوړې شوې دسیسې وینو، ژوندي کېږو چې موږ هم یو ژوندی امت یو. ځکه له مړي څخه څوک نه ډارېږي. په داسې حال کې چې هره شېبه د غرب وحشت ډېرېږي او  د دوی وحشت تر دې کچې رسېدلی، هر هغه څه چې له اسلام سره لږ اړیکه هم ولري، دوی خپله دښمني ورسره اعلان کړې ده. هر څومره چې دغه هیله اوږده شي، موږ نه نهیلي کېږو.

کله چې د حضرت عمر فاروق رضی الله تعالی عنه په وخت کې د قدس فتحه کول، وروسته د صلاح الدین ایویي په واسطه د هغه ازادول مطالعه کوو، په داسې حال کې چې لسګونه کاله د صلیبیانو تر اشغال لاندې و؛ ډاډمنېږو چې دویم ځل فتحه یې هم حتمي ده او إن‌شاءالله د هغو نهیلو کسانو د سترګو له رپ څخه هم ډېره نېږدې ده، چې پر الله سبحانه وتعالی بد ګومان لري.

د قسطنطنیې د فتحې هڅو، چې پېړۍ وخت یې ونیو، زموږ په زړونو کې د هیلو تخم کري. دا هغه هیله ده چې په ارامۍ نه تر لاسه کېږي، بلکې دا هر څه پر الله سبحانه وتعالی باور او د ایمان د مفهوم پایله ده. دا هغه هیله ده چې رسول الله صلی الله علیه وسلم یې موږ ته د خیتځ نصارا مرکز قسطنطنیې د فتحې زیری راکړی و او فتحه شوه. همدارنګه رسول الله صلی الله علیه وسلم موږ ته د روم د فتحې زیری هم راکړی او د الله سبحانه وتعالی په مرسته به هغه هم فتحه کړو.

بریا په یوه شېبه صبر کې نغښتې او هغه کسان چې د الله سبحانه وتعالی پر نصرت باور لري، هغوی ته د ابتلاء اوږدېدل د بریا نېږدېوالی دی او د غمیزو ډېرېدل ورته د دغې بریا زیری ورکوي. څنګه چې د هر تناب غوټې سختې شي، نخونه یې ښکاره کېږي او له منځه ځي. که اسلامي امت هغه وخت ناهیلی شوی و، چې صلیبیانو بیت المقدس اشغال کړ او د خپلو اسونو د درولو پر ځای یې بدل کړ؛ نو ایا له ۵۰۰ کلونو وروسته به د صلاح الدین په نامه یو څوک پیدا شوی وی، چې بیت المقدس یې بېرته له صلیبیانو ازاد کړ؟! که چېرې مسلمانانو د قسطنطنیې د فتحې د ناکامو هڅو په اړه اوږدمهاله فکر کړی وی، نو ایا محمد فاتح به پیدا شوی وی، چې د رسول الله صلی الله علیه وسلم زیری رښتیا کړي؟!

هېڅ وخت داسې نه وه، بلکې دا د اسلامي امت ایمان و چې د رسول الله صلی الله علیه وسلم زیري یې په برخه شول. د دغه ایمان په وسیله لاره رڼا کېدله، هیلې او تمکین یې په زړونو کې کرل کېده. هغه ایمان چې ابو ایوب انصاري یې د قسطنطنیې د فتحې په تړاو شهادت ته اړ کړی و او شمس الدین اق یې هڅولی و، چې د قسطنطنیې فتحه د محمد فاتح د نوکانو اخیستلو په وخت کې د هغه په زړه کې وکري. هغه ایمان و، چې د نوموړي مور یې دې ته اړه کړې وه، ترڅو محمد فاتح له دنیایي کارونو څخه لېرې وساتي، هره ورځ یې له ځان سره یوسي او داسې څه پرې وویني، چې یوه ورځ به یې په لاسونو فتحه شي او هغه ۲۱ کلنۍ ته نه و رسېدلی چې قسطنطنیه یې فتحه کړه.

دا هغه ایمان دی چې صلاح الدین ایوبي یې اړ کړ، ترڅو مصر او شام ته وحدت ور په برخه کړي، امت له تیت پرک کېدو وژغوري او لومړۍ قبله یې ازاده کړي. هغه ایمان چې عز بن عبدالسلام یې د مغولو پر وړاندې د فتوا صادرولو ته اړ کړ. هغه هم داسې مهال چې ډېری کسانو د مغولو له وېرې د نوموړي د کار مخه نیوله. همغه فتوا وه چې «قطز» او «بیبرس» ته یې بریا ور په برخه کړه او په هغه وخت کې یې د مغولو پر وړاندې تر ټولو لوی ځواک جوړ کړ. دا همغه ایمان دی چې د حزب التحریر دعوتګران او له دوی سره د امت هغه مخلص کسان یې دې ته اړ کړي، چې د اسلامي ژوند د بیا پیل او د رسول الله صلی الله علیه وسلم پر تګلاره د دویم راشده خلافت د بیا تاسیس لپاره کار وکړي؛ ترڅو اقصی مسجد بیاځلي ازاد کړي او روم فتحه کړي.

د الله سبحانه وتعالی په مرسته به دغه تیارې له منځه ولاړې شي او ډېر ژر به اسلامي امت د خلافت د تاسیس تر ټولو لوی او خوشحاله اختر وویني. د هغه تر سیوري لاندې به ټول بشریت د اسلام نور وویني.

‏﴿فَلاَ تَحْسَبَنَّ اللّهَ مُخْلِفَ وَعْدِهِ رُسُلَهُ إِنَّ اللّهَ عَزِيزٌ ذُو انْتِقَامٍ﴾

‏[إبراهيم: 47]

ژباړه: ګومان مه کوه چې الله سبحانه وتعالی له پيغمبرانو سره وعده خلافي کوي (دوی ته بری نه ورکوي او کافرانو ته ماتې نه ورکوي) بېشکه الله سبحانه وتعالی (پر هر کار غالب او له کافرانو او ظالمانو) غچ اخیستونکی دی.

له الله سبحانه وتعالی څخه غواړم چې موږ تل ثابت وساتي او زموږ سترګې په درېیو زیرو: د خلافت په بیا تاسیس، د بیت المقدس په بېرته ازادۍ او د روم په فتحې سره روښانه کړي. رښتیا هم چې الله سبحانه وتعالی تر ټولو ښه دعا قبلوونکی دی.

لیکوال: بیان جمال

ژباړه: بهیر «ویاړ»

د مطلب ادامه...

هغه ژمنې چې نه عملي کېږي

خبر:

د فساد پرضد نړیوالې څارګرې ادارې په ډاګه کړه، چې په پاکستان کې د تېر کال په پرتله په ۲۰۱۹م کال کې فساد ډېر شوی دی. خپله د پاکستان د تحریک انصاف ګوند هم د پنجشنبې په ورځ خپل ځان په فساد کې ډوب وباله. (سرچینه: پاکستان نن ورځ)

تبصره:

د پاکستان لومړي وزیر عمران خان به تل د خپلې حکومتولۍ په دوره کې ویل، چې د اقتصاد د قوي کولو او د فساد د ختمولو تر څنګ به اغېزمن وظیفوي انستیتیوتونه هم جوړي کړي او عدالت به هم راولي. خو د پاکستان خلکو ته د عدالت په تامینولو او سوله راوستلو کې په ډېره بې شرمۍ سره ناکام شو. د نوموړي د واکمنۍ یونیم کال کېږي او په خپلو ژمنو کې پر ناکامۍ سربېره یې د پاکستان خلک تر بل هر وخت له لوړ اقتصادي تورم سره مخ کړي، چې حتا روپۍ یې تقریبا ۳۵ سلنه خپل ارزښت له لاسه ورکړی دی. د دندو په برخه کې یې له خلکو سره میلیونونه ژمنې کړې دي، خو هېڅ ځای یې نه دی نیولی. بېوزله خلک خپلو کورنیو ته د اوړو او بورې د کمښت له امله خوراک نشي برابرولی، ځکه چې د اخیستلو توان یې نه لري. 

د فساد ضد نړیوالې څارګرې ادارې د څېړنې له مخې په ۲۰۱۹م کال کې پاکستان ۳۲مه درجه هېواد و، چې فساد پکې خپل اوج ته رسېدلی دی. دغه هېواد په نړیواله درجه بندۍ کې هم د ۱۸۰ هېوادونو په منځ کې له ۱۱۷مې درجې څخه ۱۲۰مې درجې ته لوړ شوی دی. یعنې پاکستان له دې وړاندې په نړۍ کې ۶۳مه او اوس ۶۰مه درجه فاسد هېواد ګڼل کېږي؛ دا په داسې حال کې ده چې له فساد سره مبارزه د عمران خان له لومړنیو موخو څخه وه. نوموړي د دې پرځای چې د خلکو پر وړاندې له خیانتونو سره مبارزه وکړي، هغه به د خپلو سیاسي مخالفینو له منځه وړلو ته یې پام کاوه؛ له همدې امله پاکستان په لسو کلونو کې د لومړي ځل لپاره خپل موقف له لاسه ورکړ. د فساد د ډېرېدو یوازنی دلیل دا دی، چې اوسنی حکومت د پخواني حکومت په ملامتولو بوخت دی. اوس چې عمران خان خپل خلک او د خپلې خوښې ټیم په لوړو چوکیو وګومارل، نو څوک شته، چې نوموړی د فساد په تور ملامت کړي؟

د پاکستان خلک باید پوه شي، چې د څېرو بدلون هېڅکله دوی ته د خپلې خوښې پاکستان راوستلی نه شي. دغه ټول سیاسیون لومړی د دروغو ژمنې ورکوي او وروسته بیا بښنه غواړي. نوی مشر له زاړه کاري ټیم او تګلارې سره هېڅکله هم بدلون نشي راوستلی. اړینه دا ده چې سیستم بدل شي. هغه سیستم باید حاکم شي، چې هېڅکله د یو کس له غوښتنو سره سم کار نه کوي او نه هم د یو کس هوا او هوس ته اجازه ورکوي، چې پر میلیونونو مسلمانانو لوبې وکړي. زموږ خلیفه به داسې کس وي چې تقوا ولري، له الله سبحانه وتعالی څخه ووېرېږي او خپله الګو یې ګران پیغمبر صلی الله علیه وسلم ټاکلی وي. نوموړی به زموږ خلیفه وي او موږ به یې اطاعت کوو، ځکه پوهېږو چې دی به تر هغې پورې نه ویده کېږي، ترڅو یې چې خپل رعیت موړ کړی نه وي.

له ابن عمر څخه روایت دی، چې رسول الله صلی الله علیه وسلم وفرمایل:

«كُلُّكُمْ رَاعٍ، وَكُلُّكُمْ مَسْؤولٌ عَنْ رَعِيَّتِهِ، فَالأَمِيرُ الَّذِي عَلَى النَّاسِ رَاعٍ، وَهُوَ مَسْؤولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْؤُولٌ عَنْ رَعِيَّتِهِ، وَعَبْدُ الرَّجُلِ رَاعٍ عَلَى مَالِ سَيِّدِهِ، وَهُوَ مَسْؤُولٌ عَنْهُ، أَلاَ كُلُّكُمْ رَاعٍ، وَكُلُّكُمْ مَسْؤُولٌ عَنْ رَعِيَّتِهِ»‏

ژباړه: تاسو هر یو د خپل رعیت مسوولین او شپانه یئ. د خلکو امیر هم د خپل رعیت شپون او مسوول دی. هر سړی د خپل کور او هر غلام د خپل بادار د شتمنۍ شپون او مسوول دی او تاسو هر یو د خپل رعیت شپون او مسوول یئ.

د حزب التحریر مرکزي مطبوعاتي دفتر ته

لیکوال: اخلاق جهان

  

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې