للشيخ رأفت نجيب (أبو محمد)
الجمعة، 24 ذو الحجة 1438هـ الموافق 15 أيلول/سبتمبر 2017م
يسر المكتب الإعلامي المركزي لحزب التحرير أن يقدم للمتابعين وزوار صفحات المكتب الإعلامي المركزي برنامجاً مرئياً جديداً بعنوان يسألنا الناس! من إعداد المكتب الإعلامي لحزب التحرير في ولاية الأردن، فكونوا معنا..
لفضيلة الشيخ عصام عميرة (أبو عبد الله)
بيت المقدس، 17 ذو الحجة 1438هـ الموافق 08 أيلول/سبتمبر 2017م
خبر:
د (۲۰۱۷م) کال د اګېسټ راهیسې د نړۍ زیاتو ځورېدلو روهینګیایي مسلمانانو پر وړاندې وروستی دولتي تاوتریخوالی تر هغه وروسته ترسره کیږي چې پر پولیسو او سرحدي پوستو د دوی په وینا غلچکي برید ترسره شو. د میانمار پوځ یو لړ منظم او بې توپیره کمپاین د روهینګیایي مسلمانانو د کلو پر وړاندې پيل کړی. د (۲۰۱۷م) کال د سپټمبر پر دویمه د رویټرز خبري اژانس د راپور له مخې کابو ۲۶۰۰ ودانۍ د میانمار په کلو کې د میانماري پوځ له لورې سوځېدلې دي. د ملګرو ملتونو د اټکل له مخې یوازې په یوه اونۍ کې نږدي ۶۰۰۰۰ روهینګیايي وګړي د ناوړه تاوتریخوالي له امله تښتېدلي او په ګاونډي هېواد بنګلهدېش کې د پنا اخیستلو په لټه کې دي.
تبصره:
د لسیزو راهیسې د میانمار پوځ له لوري پر روهینګیايي مسلمانانو دوامداره او منظمه وحشي ځورونه یوه تور پړاو ته ننوتې ده. د میانمار قصاب پوځ د راخاین بودايي ترهګر پوځ سره یې یو ځای د یاغیانو سره د مبارزې او د سیمهیيزو چاڼیزو عملیاتو تر نامه لاندې په تورو، چاړو او ټوپکونو جګړه پیل کړې ده. د روانې میاشتي سېپټمبر پر دویمه د میانمار پوځ اعلان وکړ چې نږدې ۴۰۰ مسلمانان په تېره یوه اونۍ کې وژل شوي دي. سره له دې موږ پوهیږو چې واقعي شمېره ډیره لوړه ده او نوموړې شمېره ورځ تر بلي پورته ځي. د وژل شوو کسانو وېروونکی عیني شمېر لا له وړاندې په ټولنیزو رسنیو کې د ویروس په څېر خپور شوی. د ټیلیګراف ورځپاڼې د راپور له مخې یوه ژغورل شوي کس وویل چې د میانمار پوځي سرتېرو د راخاین له بودایانو سره یو ځای ګڼ شمېر روهینګیايي نارینه د باڼس څخه جوړشوي هستوګنځې ته ولیږدول چې اوربل پکې شوی و او تر مرګه یې پکې سوځل. همدا ډول د نارینه وو سترګې یې تړلې او د خپلو کورنیو په مخ کې یې حلالول، پر ښځو او ځوانو نجونو یې ډله ییز جنسي تېري ترسره کړل. ان د نوي زېږېدلي ماشومانو پر مرۍ یې پښه اېښوده او یا یې سر له تنې بېلوه او جهیل ته یې غورځاوه. لا حول ولا قوه الا باالله. د میانمار پوځ پر هغو ملکې وګړو د هاوانونو او ماشینونو ډزې کولې چې د وینې توېدو له امله له پولې ها غاړي بنګلهدېش هیواد ته پورې وتل.
هغه مهال چې د ملګرو ملتونو سرمنشي کوفي عنان له لوري د رهبري کېدونکې ډلې له خوا یو کلن څېړنیز راپور د روهینګیا د بشري حقونو د تېریو په اړه د میانمار مشرې اونګ سن سوکي ته وړاندې شو او د میانمار حکومت یې دې ته اړ کړ چې د دولت له لوري پر دوی تپل شوي تاوتریخوالي ته د پای ټکی کیږدي، نو سمدلاسه د اګېسټ په پای کې موږ د میانمار پر پولیسو او د هغوی پر سرحدي پوستو د یوه پلان شوي ترهګریز برید شاهدان وو. له هغه راهیسې د برما پوځ وژونکي پوځي عملیاتو لړۍ ته دوام ورکړی دی. د عامه وژني د عملیاتو ستره وېرجنه برخه دا ده چې د روهینګیا ټول وګړي، د ماشومانو او مېرمنو په ګډون په ټولیز ډول د بریدونو په ګناه نیول شوي دي. سره له دې داسې کافي شواهد نشته چې بریدګر واقعي روهینګیایان وښيي، خو ټول مسلمان وګړي یې له افراطیت سره په تړاو په نښه کړل، ترڅو له دې لارې یې په بشپړ ډول د نړۍ له مخ څخه پاک کړي او لوېدیځې نړۍ په لوی لاس د دغه سترې وژنې په اړه سترګې پټې کړې دي.
د داسې ډاروونکو عامه وژنو تر منځ، موږ د بنګلهدېش د تېرایستونکې لومړۍ وزیرې حسینې د ډېر کرغېړن ځواب شاهدان یو. حسینه د دې پرځای چې د روهینګیا د تښتېدلو مسلمانو لپاره امن او پناځای برابر کړي، د بنګلهدېش سرحدي ساتونکو (BGB) ته یې امر وکړ چې دوی بېرته د بنګال خلیج ته وشړي. حقیقت دا دی چې دوه مخي لا تر دې دمه پای ته نه ده رسېدلې. حسینه د دوه مخې مشرې په توګه د میانمار د عاموژنې پوځ ته چې زموږ وروڼه او خویندي حلالوي، د ترهګرۍ پر وړاندې د ګډو عملیاتو وړاندیز کوي. د (۲۰۱۷م) کال د اګېسټ پر ۲۸ مه د بنګلهدېش لومړۍ وزیرې په داکا کې د میانمار سفارت ته رسمي وړاندیز ولېږه چې د میانمار له پوځ سره یو ځای د بنګلهدېش له لوري د اسلامي افراطیت تر نامه لاندې پکې د ګډې جګړیزي مرستې څرګندونه شوې وه. د حسیني حکومت د میانمار د امنیت په اړه اندېښمن دی، خو د میانمار د ۱،۱ میلیونه روهینګیایي مسلمانانو بد او وېرجن حالت ته، چې د تېرو څو ورځو راهیسې د مخ پر زیاتېدونکې ناورین شاهدان دي، هيڅ پاملرنه نه کوي. د ملي دولت د واکمنانو رول د پاتې پیاوړې اسلامي نړۍ لپاره د بشپړ خیانت څخه بل څه کېدای شي؟ ټول هغه څه چې دوی یې نن ورځ ترسره کوي بل هیڅ نه دي؛ یوازې تش په نامه خدمتونه دي.
که څه هم، حسینې په بې شرمۍ امر وکړ چې له روهینګیا څخه تښتېدلي ملکي کلیوال باید بېرته وشړل شي، چې په بېوزلۍ کې ژوند کوي. خو نوموړو کلیوالو د خپلو نورو وروڼو او خویندو د مرستې په موخه د خوړو، اوبو او د ژوند د نورو مادي اړتیاوو د پوره کولو لپاره لاس اوږد کړی. (ډېلي سټار، د اګسټ ۲۷مه)
ان په وروستیو څو ورځو کې د بنګلهدېش سرحدي ساتونکو د حکومت له امر څخه سرغړونه کړې او روهینګیايی وګړو ته یې سیمې ته د راتګ اجازه ورکړې. دا په دې مانا ده چې د امت احساسات د اوسنیو واکمنانو د ارزوګانو پر خلاف راپورته شوي. د بېلګې په ډول، په امت کې د ورورولۍ احساسات تر هغو مصنوعي اندونو څخه مخ پر وړاندې ځي چې د ملي دولت د مشرانو له لوري موږ ته را کول کیږي.
په روهینګیا کې کړکېچ یو ځل بیا موږ ته دا رایادوي چې اوس هغه وخت رارسېدلی، چې له ناقانونه واکمنانو لکه له حسینې څخه باید ځانونه خلاص کړو، چې د ناوړو لوېدیځوالو ځواکونو له لوري پر موږ تپل شوې. حسینه د استعمار شوو اسلامي خاورو د نورو سیالانو په څېر غواړي چې د ملي دولت ساتنه په داسې چل وکړي چې د خپلو ښکېلاکګرو بادارانو له لوري ورته بلنه شوې وي. هغه وخت رسول الله صلی الله علیه وسلم موږ ته یادونه کړې چې د یوه امت احساسات باید په داسې توګه خپل کړو چې تر مصنوعي پولو ورواړو. هغه فرمايي:
«المُسْلِمُ أَخُو المُسْلِمِ، لاَ يَظْلِمُهُ وَلاَ يُسْلِمُهُ»
(بخاري)
یو مسلمان د بل مسلمان ورور دی، نه به ظلم پرې کوي او نه به يې ظالم ته سپاري.
حسینه له موږ څخه نشنلېستي او ملي احساسات غواړي چې دا احساسات په اسلام کې حرام دي. خو دغه سپېڅلي امت یو ځل بیا ثابته کړه چې د دوی احساسات او انګېرنې د حسینې د کړنو او د هغو پوځي سرتېرو پر خلاف دي، چې حسینه يې د ملګرو ملتونو د سوله ساتي ماموریت لپاره له کافرانو سره یوځای لېږي. خو حسینه نه شي کولی چې د میانمار د فتح کولو لپاره یو پیاوړۍ پوځ ولیږي، ترڅو ګاونډيو مسلمانانو ته له کړکیچ څخه د خلاصون په موخه دایمي امن راوړي. اوس د مخلص پوځ لپاره د ازموینې وخت راغلی. دوی باید له الله او د روهینګیا مظلومو خلکو له ښېرا څخه و وېریږي. راوړاندي شئ د خپلو هغو وروڼو او خویندو د مرستې لپاره چې په سپینه ورځ حلالیږي. د مادي ملاتړ په مرسته د ملي دولت باطل جوړښت له منځه یوسئ او هغه رښتینی خلافت بیا تاسیس کړئ، چې تل د مسلمانانو د عزت دفاع کوي او په بنسټیز ډول جغرافیايي پولې او سرحدونه له منځه وړي.
د حزب التحریر د مرکزي مطبوعاتي دفتر لپاره
لیکوال: عماد الدین امین
د حزب التحریر- ولایه بنګلهدېش د مطبوعاتي دفتر غړی
﴿وَيَقُولُونَ مَتَى هُوَ قُلْ عَسَى أَن يَكُونَ قَرِيبًا﴾
[الاسراء: ۵۱]
د روهینګیا زرګونه مسلمانان د میانمار د ظالم پوځ له وروستیو مرګونو حملو څخه په داسې حال کې وتښتېدل چې نه سرپناه لري، نه خوندي دي او نه خوراکي توکي او اوبه. رپوټونه وایي چې یو میلیون مسلمانانو کوښښ کړی، چې نږدې هېواد بنګله دېش ته وتښتي، خو د بنګله دېش د بې نظمه مليپالو پالیسیانو او دروغو تورونو له امله د بنکله دېش د لومړۍ وزېرې شیخ حسینې- خدای دې دا ووهي- له خوا رد شوي. دوی یې د مرګ او شکنجې تر منځ د سیند پر غاړه پرېښي، یا به سختې شکنجې په تکراري بڼه تېروي یا به لرې پرتو غرونو ته تښتي. په داسې حال کې چې په اراکان کې زموږ د وروڼو او خویندو د ټولوژنې پر وړاندې اسلامي هېوادونه په ځانګړي ډول اندونیزیا، مالیزیا او پاکستان چوپ دي.
له دې هر څه سره سره موږ باید یو ځل بیا په روهینګیا کې زموږ د مسلمانو وروڼو او خویندو د بریا او ملاتړ لپاره ودرېږو. د بودایانو تر ظلم لاندې د دوی وضعیت په فلسطین کې د مسلمانانو له وضعیت او د سپېڅلي مسجد الاقصا له وضعیت سره، چې د یهودو تر جګړې لاندې دی، توپير نه لري. هر یو له اسلامي امت او له لښکرو يې مرسته غواړي، چې راشده خلافت تاسیس کړي او له بې رحمه کفارو ازاد شي.
اوس یې وخت دی چې له اسلامي امته د روبیضه (احمقو) حکامو رېښې وباسو او پر ځای یې د مخلص او پرهېزګار راشد خلیفه مخلصه رهبري راولو، چې د نبوت پر منهج د الله سبحانه و تعالی شریعت پلی کوي.
﴿وَيَقُولُونَ مَتَى هُوَ قُلْ عَسَى أَن يَكُونَ قَرِيبًا﴾
[الاسراء: ۵۱]
هغوی به په سر خوځولو پوښتنه وکړي: «ښه نو دا به کله وي؟» ورته ووایه: « ولې حیرانېږئ؟ هغه وخت نېږدې دی.»
نړیوال کمپاین
مرکزي مطبوعاتي دفتر، د ښځو څانګه
خبر:
د میانمار د ولسمشرۍ دفتر (انګ سان سوچي) په وینا پوځ او سرحدي پولیسو د مقابل لوري پر وړاندې یواځې ځوابي بریدونه وکړل، چې د چاڼیزو عملیاتو په پایله کې ۱۲ تنه امنیتي کارکونکې او ۷۷ تنه روهینګیایان ووژل شول. خو عیني شاهدانو د ټولنیزو رسنیو له له لارې دا تایید کړه چې زیاتو پوځیانو په کلیو او بانډو چاپې واچولې، چې عام خلک یې ووژل او کورونه یې وسوځول. د بشري حقونو ډلو پوځ د وژنو، جنسي تېریو او له ۱۰۰۰ څخه زیاتو کورونو او نورو ودانیو سوځولو په شمول په سترو انساني جنایتونو او ناوړه چلند تورن کړ. (انډین اکسپریس، ۲۰۱۷ د اګېسټ ۲۶ مه)
تبصره:
د روهینګیا زرګونه مسلمانان اوسمهال له سرپنا، خوندیتوب، خوړو او اوبو پرته د میانمار د بې رحمه پوځ تر تیریو او بریدونو لاندې دي. د یو راپور پر بنسټ یو میلیون روهینګیایانو کوښښ وکړ چې نژدې هېواد بنګله دېش ته پنا یوسي، خو په دې پلمه چې دوی غیرقانوني مهاجر دي، په بې رحمۍ د نامناسبې ملتپالې تګلارې او د بنګله دېش د لومړۍ وزیرې د بې بنیاده څرګندونو په نظر کې نیولو سره واپس او په نهیلۍ په همغه پخوانۍ وېره او ډار کې بند پاتې شول. ناچاره دي چې بېرته خپلو سوځول شوو او غمځپلو کلیو بانډو ته ستانه شي، چې بیا هم د سختو او نامناسبو شکنجو سره مخ کیدونکي دي. ښځې او بوډاګان به یا ځان په خطر کې غورځوي او یا به په لرې واټن کې غرونو ته پنا وړي، چې بې له کومو وسایلو او سرپنا هلته ژوند تېر کړي. دا ټولې هغه ناخوالې دي چې له ډېره غمه زړونه سوري کوي او سترګې سوځوي. که څه هم چې د بشري حقونو ډیری فعالین د ځینو پټو شوو تصویرونو او ویډیوګانو د ښکاره کولو کوښښ کوي، خو د میانمار حکومت په ډیره سپین سترګۍ دا خبرونه ردوي او د ټولو شته ناورینونو مسؤولیت د مقابل لوري پر غاړه وراچوي او روانو حالاتو ته دومره عادي ګوري لکه هیڅ ستونزه یې چې نه وي رامنځته کړې. د نړیوالو ادارو څرګندونو ته هم د دغه حکومت له خوانه په ډیره سپکه سترګه کتل کیږي، خو دتعجب خبره دا ده چې د همدې حکومت موجوده رهبرۍ ته د نوبل جایزه ورکړل شوې ده.
ډیره د شرم خبره ده چې د یو دولت داخلي پالیسي په دې استواره وي چې په ډلیزه توګه دې د هېواد خاص یو نسل یا قوم د وژلو او له منځه وړلو اجازه ولري او د خپل هېواد د وګړو په توګه یې نه پیژني؛ په داسې حال کې چې په تاریخي لحاظ له لسیزو راهیسې، چې اوسنی میانمار لا رامنځته شوی هم نه و، دوی د همدې خاورې هستوګن وو. د ملګرو ملتونو اوسني سکرتر جنرال انټونیو ګټرز د میانمار په امنیتي ځواکونو د جمعې د ورځې برید وغانده. سکرتر جنرال په راخین ایالت کې حالات له نژدې څخه څاري او په سیمه کې د زیاتیدونکو بحراني حالاتو څخه په تشویش کې دی. هغه په تکراري توګه د دغه شورش اصلي لاملونو ته ګوتڅنډنه کوي، چې هغه عبارت دي له: هویت او تابعت ورکولو، او د دواړو خواوو ترمنځ د منځګړیتوب موضوع. هغه په کلکه سره راخین شموله ډلې دې ته هڅوي چې د سولې لاره خپله کړي. (د ملګرو ملتونو د دفتر رسمي بیانیه)
نژدې ګاونډ اسلامي هېوادونه تر اوسه د نوموړو ډارونکو پېښو په اړه په داسې توګه کاڼه، ګونګیان او ړانده دي چې ځان ناخبره ښیي، په داسې حال کې چه تصویرونو او ویډیوګانو د ټولنیزو رسنیو فضا نیولې، خو بیا هم ډېرو رسنیو دې حالاتو ته په کمه کچه انعکاس ورکړی. که دا نسلوژنه په زیاته کچه د رسنیزو پردو پر مخ نه ښکارېدای، نو بیا به هم فرض کړای شوې وه چې حالات سم دي؛ خو په داسې حال کې څنګه بیا هم دوی ناخبره دي. دا ټول هغه څه دي چې د روهینګیا حالات نور هم انسان غمجن کوي، په پراخه کچه سوځونې، جنسي تېري، پر ځوانانو سربېره د بوډاګانو او ماشومانو شکنجې هغه څه دي چې اوس هم په رسنیو کې په سمه توګه ځای نه دی ورکول شوی.
تر ټولو بده لا دا چې شیخ حسینه پر دغو ټولو ناخوالو سربېره داسې څرګندونې کوي چې د بنګلهدېش په اسلامي خاوره کې دوی ته ځای نشته، داسې انګیري لکه چې د دې شخصي ملکیت وي او د امت پنا غوښتونکي حق نه پکې لري. حتی ځینې هېوادونه لکه اندونیزیا، مالیزیا او پاکستان خو بلکل د دغه ناوړه حالاتو په اړه غلې دي. دا پداسې حال کې ده چې روهنګیایان د لسیزو څخه راپدیخوا همداسې په شکنجو او ربړونو کې ډوب دي. د دې وخت دی چې باید د روبیضه (احمقو) حکامو رېښې په بنسټیز ډول له بېخه وایستل شي او پر ځای يې یوه ریښتینې رهبري، چې اساس یې پر تقوا او الله سبحانه وتعالی او امت ته په حساب ورکونې ولاړ وي، تاسیس شي، چې هغه د نبوت پر تګلاره راشده خلافت دی.
د حزب التحریر مرکزي مطبوعاتي دفتر
منال بدر
للشيخ أبو عمران البرق
الجمعة، 17 ذو الحجة 1438هـ الموافق 08 أيلول/سبتمبر 2017م
