(ژباړه)

هندو دولت د اشغال شوي کشمیر په سرینګر کې د G-20 درې ورځنۍ غونډه نیسي چې د مې په ۲۲مه پیلېږي. دا په اشغال شوي کشمیر کې د هندو دولت د ظالمانه اشغال د مشروع ښودلو یوه بله هڅه ده. هندو دولت دا جرات ځکه وکړ چې د پاکستان واکمنانو د کنټرول پر کرښه په اوربند زموږ د وسله والو ځواکونو – چې هم د ازدۍ تږي دي او هم یې وړتیا لري- لاسونه او پښې تړلي. که د پاکستان پوځ د کنټرول پر کرښه جدي دریځ نیولی وای یا په اشغال شوي کشمیر کې د جهاد بنسټونه پاتې وای؛ هند به په سرینګر کې د G-20 کنفرانس جوړولو فکر کړی و؟ هېڅکله نه. اوس د پاکستان واکمنان په دغه کنفرانس کې د چین او ځینو اسلامي هېوادونو د ګډون نه کولو پرېکړه خپله بریا ښيي. په داسې حال کې چې دا کار نه د ۲۰۱۹م کال، د اګست په ۵مه په هند پورې د اشغال شوي کشمیر د تړلو پرېکړه لغوه کوي او نه اشغال شوی کشمیر ازادولی شي.

حقیقت دا دی چې د پاکستان واکمنانو په اشغال شوي کشمیر کې د G-20 کنفرانس جوړولو لپاره له هندو دولت سره د تسهیل کوونکي په توګه کار وکړ. د ۲۰۱۹م کال په اګست کې د هندو دولت له لوري په زور په ځان پورې د اشغال شوی کشمیر تړل د سرو کرښو ښکاره ماتول وو. هندو دولت ته باید د دغه کار په غبرګون کې غاښ ماتوونکی ځواب ورکړل شوی وای. خو د پاکستان حکامو د خپل بادار، امریکا په امر د دې پر ځای چې د کنټرول پر کرښه وسله وال ځواکونه بسیج کړي؛ هڅه یې وکړه چې د پاکستان د مسلمانانو او وسله‌والو ځواکونو غوسه سړه کړي. د دې لپاره یې ځینې کړنې وکړې؛ په اسلام اباد کې يې د کشمیر د لویې لارې نوم د سرینګر لویې لارې ته بدل کړ؛ د پاکستان په رسمي نقشه کې یې اشغال شوی کشمیر د خپلې خاورې په توګه وښود؛ په اونۍ کې د څو دقیقو لپاره په کوڅو کې ودرېدل او پر مټو یې تورې پټې وتړلې او په ملګرو ملتونو کې یې وینا وکړه. له هغه وروسته د پاکستان واکمنانو هندو دولت ته اسانتیاوې برابرې کړې؛ د ۲۰۲۱م کال د فبروري په ۲۵مه يې د کنټرول پر کرښه د اوربند تړون لاسلیک کړ. دوی دا کار د خپلو امریکايي بادارانو په امر وکړ چې د مودي له لوري د اشغال شوي کشمیر د جبري الحاق ټینګښت ډاډمن کړي. دغو اسانتیاوو برابرولو هندو ایالت ته جرات ورکړ چې G-20 کنفرانس په اشغال شوي کشمیر کې ونیسي.

د پاکستان سیاسي او پوځي واکمنان له لسیزو راهیسې د اشغال شوي کشمیر په اړه امت ته دوکه ورکوي. دوی ادعا کوي چې د کشمیر د مسلمانانو لپاره به د سیاسي، معنوي او ډیپلوماټیکي ملاتړ برابرولو ته دوام ورکړي. ايا د مظلوم مظلوميت يوازې په سياسي، معنوي او ډيپلوماټيکي ملاتړ پای ته رسېدلی شي؟ هېڅکله نه. دوی دغه راز ادعا کوي چې غواړي د اشغال شوي کشمیر اشغال د ملګرو ملتونو د حللارو له مخې ختم کړي. ايا دوی ته دا نه ده څرګنده چې ملګري ملتونه پخپله د اشغال يوه وسيله ده؟ دوی نه پوهېږي چې ملګري ملتونه یوازې هغه حللارې وړاندې کوي چې د امریکا او غربي اشغالګرو هیوادونو له ګټو سره سمې وي؟ د ملګرو ملتونو حللارو ته په تمه کېدل یوازې دومره کوي چې هندو دولت د خپل اشغال د ټینګښت لپاره ډېر وخت پیدا کړي.

ظالمان او اشغالګر چې څو په زور ونه ایستل شي؛ تر هغه یې ظلم او اشغال نه ختمېږي. الله سبحانه وتعالی فرمايي،

[وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ]‌

ژباړه: «له هغوی سره هر چېرې چې مخامخ شئ وجنګېږئ، له هغه ځایه يې وباسئ چې تاسو یې ترې ایستلي یئ...» [بقرة: ۱۹۱]

واکمنان مو باید هېڅکله دوکه نه کړي. باید پوه شو چې یوازې هغه څه وکړو چې الله سبحانه وتعالی يې امر کړی. د الله سبحانه وتعالی احکام یوازې هغه دولت پلي کولی شي چې د الله سبحانه وتعالی د دین پر بنسټ جوړ شوی وي او اسلام بشپړ پلي کړي. دا دولت د نبوت پر منهج راشده خلافت دی. خلافت د ملګرو ملتونو او نړیوالو قوانینو په ګډون اوسنی نړیوال استعماري نظم ته غاړه نه ږدي. خلافت به د مظلومانو غوښتنو ته ځواب ووايي. الله سبحانه وتعالی فرمايي:

 [وَمَا لَكُمْ لَا تُقَاتِلُونَ فِي سَبِيلِ اللهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيّاً وَاجْعَل لَّنَا مِن لَّدُنكَ نَصِيراً]

ژباړه: «په تاسو څه شوي دي، چې د الله تعالی په لاره کې د هغو بېوسو نارینه، ښځو او ماشومانو لپاره نه جنګېږئ چې کمزوري کړل شوي دي، تر فشار لاندې نیول شوي دي او فریادونه کوي چې : اې زموږ ربه، موږ له دې وطنه چې اوسېدونکي یې ظالمان دي وباسه؛ او له خپل لوري څخه زموږ لپاره سرپرست او مرستندوی پیدا کړه.» [نسأ: ۷۵]

د دنیا او آخرت د عزت او په دنیا کې د ظلم د پای ته رسولو لپاره د نبوت پر منهج خلافت تاسیس کړئ.

د حزب التحریرـ ولایه پاکستان مطبوعاتي دفتر

ژباړه: فریدون محتاط