د پاکستان پوځي او سیاسي رهبري به تر کله د اسلام او مسلمانانو له ښکاره دښمن، امریکا سره د یوه متحد په توګه معاملې کوي؟  

(ژباړه)

د ۲۰۲۳م کال د جون په ۲۲مه د جو بایډن او نریندرا مودي تر لیدنې وروسته امریکا او هند ګډه بیانیه خپره کړه چې د پاکستان د سټراټېژيکې ټولنې اندېښنه یې را پورته کړه. دغه بیانیه د امریکا او هند په اړیکو کې پر هر اړخیزه همکارۍ ټینګار کوي. دا د پاکستان امنیت ته د یوه ښکاره او شته ګواښ څرګندونه کوي. د دغې بیانیې ۴۸مه ماده کې راځي: «چېرته چې انساني فعالیت وي، زموږ دوو سترو هېوادونو مشارکت به –چې له سمندرونو تر ستورو دی- ور رسېږي.» د امنیتي تامیناتو او هند-پسېفیک، برما، پاکستان، طالبانو او یوکراین په برخه کې پر سمندري او امنیتي همکاریو سربېره به امریکا له هند سره د بې پیلوټه الوتکو او د جیټ الوتکو د ماشینونو په جوړولو او نورو پرمختللو پوځي ټکنالوژیو کې مرسته وکړي.

که څه هم د دغو تړونونو موخه په پوځي او اقتصادي برخه کې له چین سره د سیالۍ لپاره د هند اقتصادي او دفاعي ځواک لوړول دي؛ خو د هند پیاوړي کېدل د پاکستان او د سیمې مسلمانانو ته مستقیم ګواښ هم دی. هند د یوه اسلام ضد هندو دولت له لوري اداره کیږي چې د اسلام ضد سیاستونو پلي کولو ته ژمن دی. دغه چاره د هند او اشغال شوي کشمیر مسلمانان د هلاکت او تباهۍ لور ته بیایي. دا چې نوی ډهلی له پاکستان سره ژورې دښمنۍ لري، ټینګار یې وکړ چې واشنګټن دې د هند او امریکا په ګډه بیانیه کې د پاکستان ضد سیاستونه شامل کړي.

دلته باید په پام کې ولرو چې امریکا هغه وخت هند د چین پر وړاندې کارولی شي چې هند د پاکستان له لورې ونه ننګول شي. هند باید ډاډه شي چې پاکستان یې امنیت او سیمه‌ایزو موخو ته ګواښ نه دی. په حقیقت کې، هند اوس ډاډه دی چې د پاکستان پوځ به پر کشمیر پوځي برید ونه کړي. د پاکستان اوسنۍ پوځي او سیاسي رهبري له هند سره د اړیکو عادي کولو لپاره لیوالتیا ښودلې. دغه هېواد د اوربند د تړون په سبب د هند پوځ د کنټرول پر کرښه ارام پرېښی. پاکستان دغه راز د هند پر وړاندې د خپلوۍ‌پاللو سیاست غوره کړی او د اشغال شوي کشمیر د ازادولو لپاره پوځي اقدام نه کوي. نو، دا د پاکستان رهبري ده چې د چین پر وړاندې د هند کارولو لپاره یې د امریکا کار اسانه کړی.

اې د پاکستان وسله‌والو ځواکونو! آیا زموږ مشرانو د هند په نیمه وچه کې د هغوی د امنیت ساتلو لپاره یو هېواد رامنځته نه کړ چې حاکمیت یې د مسلمانانو په لاس کې وي؟ ایا هغوی ژمنه ونه کړه چې هېڅکله به د مشرک هندو حاکمیت او د هغوی کفري حکومت ونه مني؟ نو نن څنګه په سیمه کې د هندو ښکېلاکګر راج منئ؟ آیا د اسلام پر وړاندې د هندو راج خباثت په خپلو سترګو نه وینئ؟

الله سبحانه وتعالی فرمايي:

﴿قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ﴾

ژباړه: «د دوی دوښمني يې له خولو (خبرو) څخه څرګنده ده، او څه چې يې په زړونو کې دي، هغه تر دې (ښکاره دښمنۍ) غټ دي.» [آل عمران: 118]

که تاسو د خپلو واکمنانو د کړنو پر وړاندې بې حرکته او بې احساسه پاتې شئ، هند به ټول کشمیر غصب کړي. دغه چارواکي به په ۲۰۲۴ کې د هند تر ټاکنو وروسته اقتصادي فشارونه د دفاعیې په توګه وکاروي او له هند سره به د اړیکو عادي کول ترویج کړي. هغوی به تاسو له مرکزي آسیا او ایران څخه هند ته د انرژۍ لیږدولو ساتونکي کړي. د مشرک هندو فرهنګ، تمدن او دود به -چې زموږ نیکونو د هغو پر وړاندې قیام کړی و- زموږ په خاوره کې پر ځوان نسل وتپل شي.

اې د پاکستان وسله‌والو ځواکونو! تاسو دا وړتیا لرئ چې د سیمې لپاره د امریکا پلانونه شنډ کړئ! تاسو باید د هند په تابع هېواد د بدلېدو مخه ونیسئ! تاسو باید اجازه ور نه کړئ چې امریکا مو دوښمن تر ستونې مسلح کړي! له هند سره مقابله وکړئ، د کشمیر آزادولو لپاره پوځي سیاست اعلان کړئ او هند ته له اسلامي خاورو څخه د نفتو او ګازو تېرول بند کړئ! تاسو پوهیږئ چې یوه ډارنه او امریکا پلوې رهبري د دغه کار کولو فکر هم نه شي کولی. نو دغه واکمنان لرې کړئ. حزب التحریر ته نصرت ورکړئ چې بیاځلې د نبوت پر منهج خلافت تاسیس کړي. د مسلمانانو خلیفه به ستاسو په پوځي ځواک د مسلمانانو خاورې متحدې کړي. خلافت به د قطر او آذربایجان په ګازو، د ایران، سعودي او متحده عربي اماراتو په نفتو، د پاکستان، ترکیې او افغانستان په پوځي ځواک او د پاکستان او مرکزي آسیا په کرنیزه شتمنۍ پیاوړی شي. د مسلمانانو په خاورو کې به د امریکا شیطاني شتون ختم کړي او هند ته به یې خپل ارزښت وښيي.

اې د پاکستان وسله‌والو ځواکونو! مسلمانان د هند نیمې وچې اصلي وارثین دي! مسلمانانو –سره له دې چې شمېر یې لږ و- څو پیړۍ پر دغې سیمه حکومت وکړ. ستاسو ځواک د سرچینو په ډېروالي کې نه دی. ستاسو ځواک پر الله ایمان او د هغه سبحانه و تعالی په لاره کې د جهاد په روحیه کې دی. راپورته شئ او بیاځلې د نبوت پر منهج خلافت په تاسیس سره پر خپلو دښمنانو برلاسي شئ.

الله سبحانه وتعالی فرمایي:

﴿وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ﴾

ژباړه: او (اې مومنانو، د الله په لار کې له جهاد څخه) سست او بې‌زړ کېږئ مه او مه هم اندېښمن کېږئ (او پوه شئ چې) که ايمان ولرئ، نو تاسو برلاسي ياست. [آل عمران: ۱۳۹]

د حزب التحریر-ولایة پاکستان مطبوعاتي دفتر

۱۴۴۴هـ.ق کال د ذولحجې ۱۷مه

۲۰۱۹م کال، چهارشنبه، د جولای ۵مه