(ژباړه)

امریکا په ټوله نړۍ کې خپل شعار د سولې راوستل او له ترورېزم  سره مبارزه ګرځولي دی او داسې په ځیرکۍ یې د ترورېزم  معنی پټه کړې ده، چې هېڅوک يې پر وړاندې خوله نه شي خلاصولی او له دې کلمې نه کوم تعبیر نه شي درلودلی؛ ځکه امریکا د نړۍ د زبرځواک په توګه دا کلمه تفسیر کړې او د ترورېزم پر وړاندې جګړه یې د اسلام او اسلامي امت د سړیو، ښځو او ماشومانو پر وړاندې جګړه تفسیر او تعبیر کړې ده. امریکا په ټوله نړۍ کې داسې حالت راوستی، چې نړۍ باید د ترورېزم دا تفیسر ومني او هر څوک چې له دې مسئلې سره مخالف شي، خپله ترورېست او د سولې او دیموکراسۍ پر ضد دی.

د قدرت دلاسته راوړلو او په نړۍ کې پر زبرځواک بدلېدلو لپاره؛ امریکا له دویمې نړیوالې جکړې ورسته د اسلام اېډیالوژي په خپله لاره کې تر ټولو لوی خنډ ولید. په همدې سبب د اسلام او مسلمانانو د ورکولو په ځیرکانه طرحې پسې را ووتل. دې مکارې کیدړې د ۲۰۰۱م کال د سپټمبر د ۱۱مې پېښې ورسته افغانستان ته د داخلېدو تر ټولو ښه پلمه پیدا کړه. په افغانستان کې د دې استعماري جګړې لاسته راوړنه د ښځو او معصومو ماشومانو په ګډون د زرګونو بې ګناه خلکو وژل او د زرګونو نورو بې کوره کېدل دي. لکه څرنګه چې د یونما خبر په ډاګه کوي، چې د ۲۰۱۷م کال په ۶ لومړیو میاشتو کې له ۱۶۶۲ زیات ملکي وګړي وژل شوي او ۳۵۸۱ تنه نور ټپيان شوي دي. په دې وخت کې د ښځو تلفات په سلو کې۳۳ زیات شوي، چې ۱۷۴ ښځې وژل شوې او ۴۶۲ نورې زخمي شوې دي. په دغه وخت کې ۴۳۶ ماشومان مړه ۱۱۴۱ ماشومان ټپي شوي دي. همدارنګه د ماشومانو تلفات د ۲۰۱۶م کال په لومړیو  ۶ میاشتو کې ۹ سلنه زیات شوی دي.

د نیشن جاردکشنر څېړنې په ډاګه کوي، چې د ولسمشر ټرامپ زوم د بلک واټر (د هر اړخیزو خدمتونو پوځ) بنسټ اېښودونکی او د نیویارک یو لوی پانګوال او د خورا لویې قراردادي کمپنۍ DynCorp International  د امتیاز خاوند او ناظر سټیپن فاینبرګ پلان لري، چې د افغانستان جګړه په شخصي نظامي واحدونو ووېشي.

د افغانستان ښځې او ماشومان نور څومره باید د امریکا جنایتونه وزغمي. ایا د امریکا د سولې لپاره د افغانستان د خلکو دا ټولې قربانۍ بس نه دي؟ امریکا غواړي خلک د ترورېزم  له منګولو خلاص کړي، خو کوم خلک؛ ایا مسلمانان په دې خلکو کې نه راځي؟ دا خلک د اسلامي امت ښځې او ماشومان  دي، چې وینه یې په ناحقه تویې شوې، کور او کورنۍ یې له منځه تللي، په عزت او ناموس یې تېری شوی او کېږي.

پوه شئ او درک کړئ، چې اسلامي امت هېڅکله له امریکا ازادي نه غواړي. هغه څه چې رهبران یې د خلکو د غوښتنو په توګه بیانوي، هېڅکله د خلکو غوښتنه نه ده؛ بلکې خپله غوښتنه یې ده او هغه غوښتنې او حقیقتونه، چې خلک یې غواړي، پټوي یې. لکه څنګه چې د اسلامي امت ښځې او ماشومان په افغانستان کې د لوي ترورېست  او ترهګر یعنې جنایتکارې امریکا له منګولو د ازادۍ غوښتونکي دي. په نړۍ کې دا ټولې جګړې او وژنې د هغې له ډلې په افغانستان کې د سیاسي جګړې حاصل دی، چې امریکا خپلو شومو موخو ته د رسېدو لپاره پیل کړې او د جګړې په دغه ډګر کې یې د بې عدالتۍ او بربریت د پای ته رسولو لپاره هېڅ رقیب نشته. 

امریکا تر اوسه له پنځو میلیونو ډېر مسلمانان په افغانستان، عراق، سوریه، سوډان، سومالیا، کشمیر او نورو مملکتونو کې وژلي او تر ۱۰ ميلیونو زیات یې ټپيان کړي دي. سربېره پر دې د رنګا رنګ اتومي بمونو په ازمویلو سره د امت راتلونکي نسل ته زیان رسوي او د له منځه وړلو په لټه کې یې دي.

نو باید مسلمانان په ټوله نړۍ کې د اسلامي امت د دې ټولو وژنو پر وړاندې ځان مسؤول وګڼي، یو موټی شي او یو ځای تر هغې چې جنایتکاران، قاتلین او د امت پر وینه، مال او ناموس تېري کوونکي د مجازاتو په دار را ونه ځړول شي، ارام کښېنني. امت باید د نړیوالو قضایي سازمانونو فریب ونه خوري او له دغو سازمانونو عدالت ونه غواړي؛ ځکه دا ټول د خلکو د غولولو لپاره دي او په حقیقت کې همدغه سازمانونه جنایتکارانو لکه امریکا جوړ کړي او ملاتړي يې دي. اسلامي امت باید پر اسلام او اسلامي عدالت منګولې ولګوي او د عدالت د ټنګښت لپاره یواځې او يواځې اسلام حل لاره وبولي او دا کار هغه وخت حقیقت پیداکوي، چې یو ځل بیا د رسول الله صلی الله علیه وسلم پر تګلاره خلافت تاسیس شي. بیا به نو کوم ظلم او جنایت، چې د اسلامي امت پر ښځو او ماشومانو کېږي، پای ته ورسېږي او د اسلامي امت کوم هویت چې د نړۍ رهبري یې پر غاړه وه، بېرته ورته را ګرځول کېږي.

﴿كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ﴾ (ال عمران: ۱۱۰)

ژباړه:  تاسې هغه غوره امت یاست، چې د انسانانو د ګټې لپاره پیدا شوی یئ. تاسې پر نېکۍ امر کوئ او له بدۍ منعه او پر الله سبحانه وتعالی ایمان لرئ. که اهل کتابو ایمان راوړی وای، د دوی پر ګټه و، که څه هم په هغوی کې د ایمان خاوندان شته؛ خو زیاتره یې فاسقان دي.

 لیکواله: امانه عابد

د حزب التحریر مرکزي مطبوعاتي دفتر لپاره

ایا په تاسو کې کوم صلاح الدین شته؟ ایا کوم صلاح الدین شته؟

 (ژباړه)

اې مسلمانانو... اې اسلامي پوځونو! دا پر مسلمانانو د الاقصی غږ دی؛ دا ناره اسلامي پوځونو ته ده... ایا تاسو به یې غږ واورئ؟ .... ایا ځواب به ورکړئ؟ ... ایا تاسو راځئ؟

ځواب ورکړئ اې افسرانو او سرتېرو... ځواب ورکړی؛ اې نېکو خلکو! ایا په تاسو کې کوم صلاح الدین شته؟

اشغالي ځواکونه شپه او ورځ الاقصی ته سپکاوی کوی... هلته د لمانځه او اذان مخنیوی کوي... مسلمانانو د سجدې او رکوع په حالت کې په شهادت رسوي... ایا تاسو تسلیم شوی یاست!!؟ ایا تاسو مخ ترې اړوئ!!؟ نه، قسم پر الله، موږ باور لرو چې تاسو به ملاتړ ترې وکړئ.

یهودان د الاقصی انګړ ته سپکاوی کوي او خپل شیطاني عبادتونه او رواجونه پکې کوي، ایا تاسو به یې ورته پرېږدئ؟ نه، قسم په الله، موږ باور لرو چې تاسو به یې ازاد کړئ.

څه ته انتظار کوئ؟ د الله لپاره موږ ته ځواب را کړئ... ځواب راکړئ، الله دې رحم درباندې وکړي...

ایا تاسې امریکا او روسیې ته په تمه یاست، هغو ته، چې زموږ د مسلمانانو وینې تویوي او ځمکې مو ویجاړوي، که سلمان، عبدالله، سیسي او نواز ته په تمه یاست، هغو خاینو او ظالمو چارواکو ته چې خپلو ځواکونو او الوتکو ته د الله سبحانه وتعالی له دښمنانو سره له مرستې پرته، تر څو د مسلمانانو وینې پرې تویې کړي، بل څه ته اجازه نه ورکوي؟

اې د ټولې نړۍ مسمانانو:

که د دغو رژیمونو د خیانت او بې غیرتي پایله نه وی، یهودانو به هېڅکله د الاقصی پر سپیڅلي جومات د یرغل جرئت  نه وی کړی. دوی به هېڅکله جرئت نه وی کړی چې فلسطین اشغال کړي، په خلکو یې ظلم وکړي او یا هم الاقصی ته سپکاوی وکړي. که اسلام حاکم وای، مسلمانان وېشل شوي نه وای او خلافت مو له لاسه نه وی ورکړی؛ نو نن به یهودانو دغه سپځلې خاوره د څو لسیزو لپاره نه وی اشغال کړې او خلک به یې نشوی وژلی، د دوی سپکاوی به يې نه ورته کاوه. ‎

اې زموږ وروڼو... اې موږ ته ګرانو... موږ به په تاسې ته تر هغه نارې وهو، تر څو ستاسو زړونه نرم شي... موږ له سپکو، خاینو او لاسپوڅو حکامو څخه غوښتنه نه کوو، موږ پر تاسو غږ کوو او تاسو ته خطاب کوو، ځکه چې تاسو زموږ وروڼه یاست او تاسو ته هیله لرو.

 اې وروڼو! ایا د دې وخت نه دی رارسېدلی، چې د الله سبحانه وتعالی په ذکر خپل زړونه پاک او د هغه امر ته غاړه کېږدئ؟

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ﴾

(توبه: ۳۸)

اې مومنانو! په تاسې څه شوي دي چې کله تاسې ته د الله سبحانه وتعالی په لار کې د وتلو لپاره وویل شي، نو تاسې په ځمکه درانه کښېنئ؟ ایا تاسې د اخرت په ژوند د دنیا ژوند ته غوره والی ورکوئ؟ که داسې وي، نو تاسې ته دې معلومه وي چې د دنیاوي ژوندانه دا ټول وسایل به په اخرت کې ډېر لږ راووځي.

ایا هغه وخت یې نه دی را رسېدلی چې د اسلام ملاتړ وکړئ او  خلافت تاسیس کړئ، چې هغه ستاسو ځواک سره یو کوي او هغه ستاسو پوځونه د جهاد او ویاړ میدانونو ته رهنمایي کوي!؟ الاقصی نارې وهي، الاقصی د خلافت د تاسیسولو او د قدس د ازادولو لپاره غږ در باندې کوي.

دا له بیت المقدس څخه پر اسلامي امت او په پوځونو يې زموږ غږ دی، تر څو  پاڅي، د تکبیر په نارو ویلو سره د الاقصی سپېڅلي مسجد د ازادولو لپاره راټول شي. الاقصی دوی ته بلنه ورکوي او له امت څخه غواړي، چې خپلې نارې جګې کړي، په پوځونو کې د خپلو زامنو څخه غوښتنه وکړي چې بیت المقدس ازاد کړي او لاسپوڅي دسیسه جوړونکي حاکم له صحنې څخه وشړي. موږ پوځونو ته بلنه ورکوو، تر څو له دوی څخه داسې یو رهبر راپورته شي لکه صلاح الدین. موږ پر پوځونو غږ کوو، چې له دوی څخه داسې کسان را پورته شي چې هغه الله سبحانه وتعالی او رسول الله  صلی الله علیه وسلم ته نصرت ورکړي. حزب التحریر ته نصرت ورکړی چې امت د خلافت په تاسیسولو سره وپاڅوي، امت سره یو ځای کړي، د فلسطین او ټولې اسلامي نړۍ د ملاتړ او ازادولو لپاره خپلو هڅو ته دوام ورکړي.

موږ په دې سپڅلې خاوره کې خلکو ته خطاب کوو:

 صبر او زغم ولرئ، استقامت وکړئ، ظالمانو ته مه تسلیمېږئ، د هغو خاینانو پیروي مه کوئ چې دسیسه جوړونکو رژیمونو ته تسلیمېږي. الله سبحانه وتعالی به ښه بدله درکړي. اې د بیت المقدس خلکو! تاسو داسې زړورتیا وښودله چې تر اوسه هېچا نه وه ښودلې. خپل امت او پوځ ته سترګې په لاره اوسئ. خپله حوصله له لاسه مه ورکوئ، د دوی رابللو ته دوام ورکړئ. دوی ستاسو کورنۍ، هیله او ملاتړي دي، په اسلام منګولې ولګوئ او په الله سبحانه وتعالی مو باور پیاوړی کړئ. الله سبحانه وتعالی به ژر تر ژره بری در په برخه کړي، ان شاء الله.

﴿إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ﴾

(عمران:۱۶۰)

که الله سبحانه وتعالی مو مرستندوی وي، نو هېڅ قوت در باندې برلاسی کېدی نه شي؛ که هغه تاسې پرېږدي، نو بیا له الله سبحانه وتعالی وروسته څوک ستاسې مرسته کوونکی کېدی شي؟ نو څوک چې رښتیني مومنان دي، هغوی دې یوازې پر الله سبحانه وتعالی توکل وکړي.

اې الله سبحانه وتعالی که دغه بلنه په اسلامی هېوادونوو کې زموږ وروڼو ته رسېدلې وي، نو اې الله زړونه یې پرانیزه چې ستا د دین ملاتړ وکړي... اې الله د دوی عزم قوی کړې چې ستا دین حاکم کړي... اې الله موږ د الاقصي په میدانونو کې د تکبیر په نارو او ستا په دغو آیتونو  ویلو سره متحد کړه:

﴿وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا﴾ 

(اسراء: ۸۱)

ووایه حق راغی او باطل له منځه لاړ، بېشکه چې باید باطل له منځه ځي.

وَسَيَعْلَمُ الْكُفَّارُ لِمَنْ عُقْبَى الدَّارِ

(اسرا:۸۱)

او دغه د حق منګران به ډېر ژر وپوهېږي چې عاقبت د چا په ګټه تمامیږي.

حزب التحریر- ولایه فلسطین