پنجشنبه, ۱۲ ربیع الاول ۱۴۴۲هـ| ۲۰۲۰/۱۰/۲۹م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     26 شعبان 1441

میلادی نېټه :     یکشنبه, 19 اپریل 2020 م

شمېره:      ۱۷/۱۴۴۱

ولاية اليمن
مطبوعاتي دفتر

مطبوعاتي اعلامیه
حوثیانو! له الله سبحانه وتعالی څخه ووېرېږئ، تاسو ادعا کوی چې د قرآني بريد ساتونکي یئ؛

حوثیانو د ۲۰۲۰م کال د مارچ په ۲۷مه ښاغلی عبدالرحمن محمد هزه د یمن په پلازمېنه صنعا ښار کې هغه مهال له یو مسجد څخه ونیولو چې د خلافت د سقوط د ۹۹م تلین په اړه یې د حزب التحریر د امیر لوی عالم شیخ عطا بن خلیل ابو رشته د وینا کاپیانې وېشلې؛ هغه خلافت چې د ۱۳۴۲ هـ.ق کال د رجب په ۲۸مه راوپرځېد او حزب یې د ۱۹۵۳م کال د تاسیس راهیسې د بیا راګرځېدلو لپاره کار کوي. لوی عالم شیخ تقی الدین نبهاني رحمة الله علیه او ورپسې د هغه ځایناستي لوی عالم شیخ ابو یوسف رحمة الله علیه یې د تاسیس لپاره د رسول الله صلی الله علیه وسلم طریقه غوره کړه، داسې بلاک یې رامنځته کړ چې غړو ته یې پکې د اسلامي شخصیت بڼه ورکړي، د فکري مبارزې له لارې د مسلمانانو له ژوند څخه د کفر نظریات او احکام لرې او پر ځای یې اسلامي احکام ځای پر ځای او همدا راز د سیاسي هڅو له لارې د مسلمانانو پر وړاندې د کفارو د دسیسو مخنیوی وکړي. د قدرت لرونکو خلکو څخه د نصرت په لټه کې دي، تر څو د خلافت دولت په رامنځته کولو سره د اسلام په واکمنۍ سره اسلامي خاورې سره یو ځای کړي.

حزب التحریر د یمن په ګډون د نړۍ په ګوټ ګوټ کې خپلو هڅو ته دوام ورکړی او مسلمانانو ته د خپل دولت د راپرځېدلو په تلین سره دوی ته وریادوي چې د خلافت دولت په تاسیس سره د اسلامي ژوند د بیا پیل لپاره مټې راونغاړي.

هغه حوثیان چې د یهودانو له لوري قرانکریم ته د سپکاوي او د اقصی د ازادۍ لپاره یې په لاریونونو کې زموږ سرونه مات کړل، نن ورځ دوی د هغو کسانو پر وړاندې ولاړ دي چې د اسلامي ژوند د بیا پیل لپاره کار کوي او د خلافت دولت تاسیسوي، دوی همدا راز زموږ غوږونه کاڼه کړل چې وايي موږ سیاسي بندیان له بند څخه ازادوو. دوی په وروستیو کې ادعا کوله چې د کرونا ویروس د وېرې له امله غواړي له زندانونو څخه ټول بندیان ازاد کړي، په داسې حال کې چې دوی تر اوسه پورې خلک زندانونو ته اچوي. له عدالت پرته د بې ګناه کسانو نیول له زندانونو څخه بهر ناوړه پایلې لري، چې د ترسره کوونکو د زیان لامل ګرځي. الله سبحانه و تعالی فرمايي:

[وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ]

ژباړه: «اوس چې دغه ظالمان څه کوي، ته الله سبحانه و تعالی له دوی څخه غافل مه ګڼه، الله سبحانه و تعالی خو دوی د هغې ورځې لپاره ځنډوي چې داسې حالت به وي چې سترګې به یې رډې پاتې وي.

[ابراهیم: ۴۲]

مګر پوه شئ چې د حزب التحریر غړي له زندانونو او ترهګرو څخه نه وېرېږي او نه هم ستړي کېږي؛ ځکه چې دوی ورسره مخ شوي او اوس هم د جنایتکارو رژيمونو سره لاس او ګرېوان دي چې د دې غوښتنې مخه نه شي نیولی.

موږ دوی ته وایو: اې تاسو چې د قرانکریم د برید ادعا کوی، عبدالرحمن کوم جرم کړی دی؟ ایا دا د اسلامي خلافت د رامنځته کولو لپاره د مسلمانانو د یووالي غوښتنه ده!؟ کوم کار چې تاسو ترسره کوی، په قرانکریم کې یې چېرې یادونه راغلې ده؟ ایا تاسو هغه ایاتونه ویلي، چې د مسلمانانو سیاسي یووالی واجب بولي!؟ نو سبا به د خپل رب لپاره د خپل جرم ځواب ورکړی.

موږ له حوثیانو څخه غواړو چې د حزب التحریر غړي عبدالرحمن محمد هزه او عبدالله احمد ناجي، چې شاوخوا دری کلونه کېږي د الصالح ښار په کرغېړن زندان کې بندي دي، خوشي کړي. موږ غواړو چې دوی د ژر تر ژره خوشي شي؛ ځکه دوی هېڅ داسې جرم نه دی کړی چې د بند سزا ورکړل شي. که د الله سبحانه و تعالی پر ژمنې ایمان لری، باید د هغو کسانو د زنداني کولو پر ځای د هغوی پښې ښکل کړی چې شپه او ورځ د رسول الله صلی الله علیه وسلم پر منهج د دویم راشده خلافت د تاسیس لپاره کار کوي. الله سبحانه و تعالی فرمایي:

[وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ]

ژباړه: «الله سبحانه و تعالی ستاسو د هغو کسانو څخه چې ایمان راوړي او ښه عملونه ترسره کوي، ژمنه کړې ده چې هغوی به پر ځمکه باندې هسې خلیفه ګان وګرځوي لکه له هغوی څخه مخکې یې چې تېر شوي خلک ګرځولي وو»

[نور: ۵۵]

همدا راز د رسول الله صلی الله علیه وسلم زیری دی:

«...ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

ژباړه: «...او بیا به د رسول الله صلی الله علیه وسلم پر منهج راشده خلافت وي». 

د حزب التحریرـ ولایه یمن مطبوعاتي دفتر

 

                        

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې