(ژباړه)

ملعون رژیم او د لبنان حکومت د اوربند د تړون په اړه خپل توافق اعلان کړ. نتنیاهو په هغې وینا کې چې د خپل حکومت د دغه تړون د تصویب په اړه یې وکړه، څرګنده کړه چې په لبنان کې د اوربند یو دلیل د جبهو جلا کول دي، یعنې د لبنان جبهه د غزې له جبهې څخه جلا کول.

د امریکا په لارښوونه او د ایران د حکامو په موافقه د لبنان او دغه جنایتکار رژیم ترمنځ د اوربند تړون لاسلیک شو. دا په داسې حال کې ده چې یهود له لبنان څخه ونه وتل او ان د تړون له مخې دا حق ورکړل شوی چې د ځان د دفاع په پلمه برید وکړي! دغه تړون جنوبي لبنان له هر هغه فعالیت څخه خوندي سيمه ګرځوي چې د صهیونيستي رژیم امنیت ته زیان ورسوي. سربېره پر دې، د لبنان د پوځ رول د دغه جنایتکار رژیم د ساتونکي په توګه دی!

داسې یو ستر خیانت د بریا په توګه ښودل کېږي. له دغه تړون سره د صهیونيستي رژیم جنایتکار مشر خپله شمالي جبهه خوندي کړه، نو ولې به خوښ نه وي؟ په ورته وخت کې د فلسطین سپېڅلې خاورې خلکو ته ویل کېږي چې تسلیم شي، د خپلې سپېڅلې خاورې بایللو ته راضي شي او د فلسطیني ادارې او د امنیتي جوړښت په څېر رول ولوبوي.

الله سبحانه وتعالی  دې له تاسو، د مسلمانانو حکامو، سره وجنګیږي! الله سبحانه وتعالی مو  په خپل ذلت، رسوایۍ او خیانت کې وشرموه. ایا د ملعون رژیم د جنایتونو پر وړاندې مو ځواب دغه دی؟ د دې پر ځای چې په مصر، اردن، لبنان او شاوخوا هېوادونو کې د مقاومت اور بل کړئ، پوځونه مو بې حرکته کړي او هغوی ته مو اجازه نه ده ورکړې چې د غزې او لبنان د مرستې او د صهیونيستي رژیم د ریښو د ایستلو لپاره حرکت وکړي. بیا، د لبنان حکومت ته دغه له خیانت څخه د ډک تړون د لاسلیک مبارکي ورکوئ، د لبناني پوځ مکلفیت د مصر او اردن د پوځونو په څېر کوئ چې د صهیونيستي رژیم امنیت خوندي کړي او د غزې خلک د نابودۍ په ګرداب کې پرېږدي چې د دغه ملعون رژیم لپاره یو اسانه ښکار وي؛ لکه څرنګه چې د دغه تړون له مخې تاسو امریکا او صهیونيستانو ته وایاست چې که تاسو د غزې له خلکو، نارینه‌وو، ښځو، ماشومانو او سپین ږیرو سره هر څه کوئ، موږ بشپړ واک درکوو او پر وړاندې به مو هېڅ حرکت ونه کړو.

د غزې د خلکو حال داسې دی چې مرغان یې په حال ژاړي. ایا ستاسو زړونه نه نرمېږي؟ اې د مسلمانانو د ځمکو د قدرت او ځواک خلکو! تاسو څنګه د اسلام عسکر یاست، د "لا اله الا الله محمد رسول الله" کلمه وایاست، خو د ماشومانو چیغې، د وېرې لړزې او غرېو نیولي ستوني مو په حرکت نه راولي!؟

ایا وخت يې نه دی رارسېدلی چې دغه زړونه د الله سبحانه وتعالی په یادولو نرم شي؟ ایا وخت يې نه دی چې د دغو سترو پېښو او هغو سختو کړاوونو پر وړاندې چې ستاسو وروڼه یې په غزه کې ګالي، تاسو هم نرم شئ؟ ایا د دې وخت نه دی رارسېدلی، چې تاسو خپله چوپتیا ماته کړئ او له خپلو حکامو څخه لوړ شئ؛ لکه څنګه چې ابن مسعود د ابو جهل پر سینه پورته شو او د خیانت ګناه او په بریا او جګړه کې د مخ اړولو شرم یې له منځه یووړ؟ ایا د دې وخت نه دی رارسېدلی چې دغې پریمانه بې‌عزتۍ او سپکاوي ته د پای ټکی کېښودل شي!؟

ایا د دې وخت نه دی رارسېدلی چې تاسو د خپل پیغمبر صلی الله علیه وسلم د معراج ځای او سپېڅلې ځمکې په ازادولو، نړۍ ته د محمد صلی الله علیه وسلم د عسکرو همت ښکاره کړئ؟ ایا ستاسو زړونه د عزت ژوند، د الله سبحانه وتعالی په لاره کې جهاد او د مخکینیو غوره کسانو ځایناستي کېدو لپاره تږي نه دي؟ داسې چې د الله سبحانه وتعالی په فتح خوشالي وکړئ او خپل امت ته خوشالي ورکړئ.

«يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنْجِيكُمْ مِنْ عَذَابٍ أَلِيمٍ ﴿١٠﴾ تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنْفُسِكُمْ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ ﴿١١﴾ يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِنْ تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ ﴿١٢﴾ وَأُخْرَىٰ تُحِبُّونَهَا ۖ نَصْرٌ مِنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ ﴿١٣﴾» [صف:۱۰-۱۳]

ژباړه: « اې مومنانو، ایا تاسو ته هغه تجارت ونه ښیم، چې له دردناک عذاب څخه مو ژغوري. پر الله سبحانه وتعالی او د هغه پر پیغمبر صلی الله علیه وسلم اېمان راوړئ او د الله سبحانه وتعالی په لاره کې په خپلو سرونو او مالونو جهاد وکړئ. که تاسو پوهېږئ، نو دا ستاسو لپاره غوره تجارت دی. الله سبحانه وتعالی به ستاسو ګناهونه وبښي او تاسو ته به هغه جنتونه درکړي چې ترې لاندې ویالې بهیږي او په دایمي جنتونو کې به غوره استوګنځي درکړي او دا تر ټولو ستره بریا ده. هغه بل نعمت (دنیوي نعمت) چې تاسو یې خوښوئ، هغه به هم درکړي، د الله سبحانه وتعالی نصرت او فتحه ډېره نیږدې ده او مومنانو ته زیری ورکړه.»

د فلسطين په سپېڅلې خاوره کې د حزب التحریر مطبوعاتي دفتر

۱۴۴۶ هـ.ق کال، د جمادي الاول ۲۶مه

۲۰۲۴م کال، د نومبر ۲۸مه

ژباړن: اسرار تکل