په ۲۰۱۴م، کې د نریندرا مودي په مشرۍ د هند د (BJP) ګوند په واک ته رسېدلو سره دا هېواد په نړۍ کې د مسلمانانو لپاره، چې د هند نفوس ۱۲٪ جوړوي، په یو خطرناک ځای بدل شوی دی. د همدې ګوند د واک ته رسېدو له امله، د کشمیر پر خپلواکۍ سترګې پټې شوې، په اسلامي شخصي قوانینو کې لاسوهنه پیل شوه او د سترې محکمې پر قاضیانو یې فشار راوړ چې د ۲۰۱۹م، د نومبر په ۹مه، هندوانو ته د بابري مسجد د ځمکې سپارلو په اړه وروستۍ پرېکړه وکړي.

ظهیر الدین بابر، چې په هند کې یو ستر مسلمان سلطان و، هغه مهال د BJP رژيم مسلمانانو ته بدیل ځمکه ورکړه چې مسجد پرې جوړ کړي. اوس یې د تابعیت قانون نافذ کړی دی، چې مسلمانان په نښه کوي، تر څو ډېری یې له تابعیت څخه محروم کړي. د هندو ملتپال غورځنګ، هندوتوا د خپل پیل راهیسې د هندو مطلق حاکمیت راوستلو په موخه فعالیت کوي او د هېواد د مسلمانانو پر وړاندې یې مسلسله جګړه پیل کړې ده. څارونکي ټينګار کوي چې د همدې ګوند له تګلارو سره سم هندوتوا په فعاله توګه د هغو پروګرامونو د پلي کولو هڅه کوي، چې په هند کې د ګډوډۍ او جنجالونو د رامنځ ته کېدلو لامل کېږي، چې ښايي د هند مسلمانانو ژوند تر پخوا له ناوړه وضعیت سره مخ کړي.

مسلمانانو په ټول هېواد کې ستر لاریونونه وکړل او د دوی له په نښه کولو څخه، له ورایه ښکاري، چې دوی د پولیسو له ظلم او سرغړونې سره مخ شول. حکومت د کرونا وبا له خپرېدو څخه د مخنیوي په پلمه لاریونونه بند کړل. ګوند په دې هم اکتفا ونه کړه او د سویلي ایالت کرناټکا له لوري پلی شوی ؛د حجاب د بندیز قانون په صادرولو سره نور هم مخ ته ولاړ. دې کار د مسلمانانو احساسات راوپارول او هغوی یې دې ته اړ کړل کې د دې ظالمانه قوانینو غندنه، د ډله ییزو لاریونونو له لارې وکړي. دغه راز حکومت اړ شو چې د ښوونځيو د تړلو امر صادر کړي.

په هند کې د مسلمانو ښځو سپکاوی کېږي او موضوع دلته پای نه مومي، بلکې همدا کفار د مسلمانانو پر وړاندې نور اقدامات ترسره کوي، لکه څنګه یې چې مخکې ترسره کړي وو. د هند د مهمو ټاکنو په مرکز کې د ملي او فرقه يي دښمنیو په شدت سره ښايي د جمعې د لمانځه مخنیوی وشي او د مسلمانانو له وېرې ښايي مسجدونه وتړل شي.

اې مسلمانانو: تاسو ولیدل چې هغې زړورې نجلۍ څرنګه د تکبیر ویلو پر مهال د کافرانو له یوې ډلې سره مخ شوه، د هغوی له ګواښونو ونه وېرېده، په خپل حجاب یې فخر وکړ او پیاوړی هوډ یې څرګند کړ، پر الله تعالی یې توکل وکړ او په پوره یقین سره بیرون راووته او د خپل حجاب، دندې او خپل دین د دفاع لپاره یې د استقامت او عزم بېلګه وښوده، نو ایا تاسو به یې ملاتړ وکړئ!؟

اې مسلمانانو: زموږ خویندې د یو جنایتکار هندو حکومت له لوري تر تعذیب، سرغړونې او د عزت له سپکاوي سره لاس او ګرېوان دي، تر څو هغوی له خپل دین څخه واړوي، له داسې یو حکومت سره مخامخ دي چې د خپل ګوند پلانونه تر هغه وخته پورې پلي کوي، تر څو د هندو د بیا احیا خوب پوره کړي او د تسلط لپاره یې دولت رامنځ ته کړي. دا د دې لپاره ترسره کوي، چې هغه میلیونونه هندیان بېرته راستانه کړي چې د ژوند په اوږدو کې یې اسلام یا عیسویت ته مخه کړې ده، ځکه چې د دوی پلرونه هندوان وو. دوی ادعا کوي چې اولادونه یې هم باید بېرته د خپلو پلرونو دین ته راوګرځي.  

{وَمَا نَقَمُوا مِنْهُمْ إِلاَّ أَن يُؤْمِنُوا بِاللَّهِ الْعَزِيزِ الْحَمِيدِ}[بروج: ۸]

ژباړه: او له مومنانو سره د هغوی دښمني له دې پرته په نور څه نه وه، چې مومنانو په هغه الله تعالی ایمان راوړی و، چې برلاسی او په خپل ذات کې په خپله ستایل شوی دی.

ایا تاسو به د دوی مرستې ته راودانګئ؟ تاسو څنګه راضي یاست چې دوی ستاسو د وروڼو او خویندو پر خلاف دسیسې جوړوي!؟ ایا تاسو د لا اله الالله محمد رسول الله تر بیرغ لاندې سره یو موټی کېدلای نه شئ، چې د الله سبحانه وتعالی کلمه لوړه کړئ؟  

اې مسلمانانو: موږ یو بدن یو، که د بې خوبۍ یا تبې له امله مو یو غړی زیان مومي، ټول بدن مو په درد وي. زموږ خویندې د خپل دولت د راستنېدلو لپاره په درد او غم کې ژوند کوي او هیله لري چې د دوی د دفاع لپاره د دغو جنایتکارو کفارو دسیسې شنډې شي، چې هېڅ ډول تړون ته درناوی نه لري او هېڅ ډول اړیکې ته ارزښت نه ورکوي. ایا تاسو د خپل دولت تر سیوري لاندې د خپل ژوند د بیا احیا هیله لرئ، تر څو هېڅوک جرأت ونه کړي چې یوه نارینه یا ښځينه ته زیان ورسوي؟ اوس تاسو د ځمکې پرسر د خپل دولت د نه شتون له امله د دې شاهد یئ چې پر دوی ټول دښمنان مسلط دي.

دا کفار په پراخه کچه تبلیغات کوي او جعلي تورونه پورې تړي، تر څو اکثریت هندوان فکر وکړي چې د دوی حقونه په هېواد کې تر پښو لاندې کېږي او د دوی دین، کلتور او ان ځانونه یې د مسلمانانو له لوري په خطر کې دي، د اسلام پر وړاندې غږ پورته کوي او نور کفري هېوادونه یې ملاتړ کوي. اې اسلامي امته تاسو چېرته یاست؟ ایا ماشومان مو د یتیمانو په څېر ژوند نه کوي!؟ ایا د رسول الله صلی الله علیه وسلم پر منهج د دولت د بیا  تاسیس وخت نه دی رارسېدلی، تر څو هغه مقام ترلاسه کړئ، چې الله سبحانه  وتعالی ستاسو لپاره غوره کړی دی؟

اې د شرق او غرب مسلمانانو: موږ د حزب التحریر د مرکزي مطبوعاتي دفتر د ښځو په څانګه کې هغه زیانونه په کلکه غندو چې د نړۍ په هر ګوټ کې زموږ خویندې ورسره لاس او ګرېوان دي او تاسو ته یادونه کوو چې د ذلت او کمزورتیا یوازینی لامل مو د خلافت نه شتون دی او یوازې د خلافت په بیا تاسیس سره موږ خپل ویاړ او پخوانی برم بېرته راستنولی شو.

 {كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ * لَن يَضُرُّوكُمْ إِلَّا أَذًى وَإِن يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنصَرُونَ}[عمران: ۱۱۰-۱۱۱]

ژباړه: اوس په نړۍ کې هغه غوره ډله تاسو یاست چې د انسانانو د لارښودنې او اصلاح لپاره منځ ته راوړل شوې ده، تاسو د نیکۍ امر کوئ او له بدیو منع او پر الله تعالی ایمان لرئ. که دغو کتابیانو ایمان راوړی وی؛ نو د همدوی لپاره ښه وه، که څه هم په هغو کې ځينې د ایمان خاوندان شته؛ خو د دوی ډېری کسان له فرمان څخه سرغړوونکي دي؛ دوی تاسو ته هېڅ ورانی نه شي دراړولی، یوازې دومره کولای شي چې په تنګ مو کړي. که دوی له تاسو سره وجنګېږي، نو په مقابله کې شا درواړوي، بیا به داسې بېوسي وي چې له هېڅ لوري به مرسته ورته ونه رسېږي.

د حزب التحریرـ مرکزي مطبوعاتي دفتر د ښځو څانګه