د تغیر لپاره د سمې سیاسي تګلارې په غوره کولو سره د نبوت پر منهج خلافت راتلی شي

ترجمه

پاکستاني ځوانان او د لیک لوست خاوندان، چې په ۲۰۱۰ م کې یې له هغو سیاسي ډلو څخه ملاتړ اعلان کړ، چې بدلون به راولي، نن ورځ  په هغو کې د فرصت طلبو، د واک تږيو او ځان غوښتونکو سیاستوالو پر شتون خپه او خواشیني دي. پاکستاني زلمیان غواړې، چې په دغه هیواد کې د اسلام د بشپړه پلي کېدو لپاره د پلرونو هیلې او خوبونه په حقیقت بدل کړي. همداراز دغه ډلې د بدلون راوستونکو په نامه تل د ځوانانانو د هڅونې په موخه د مدینې دولت بېلګې وړاندې کوي. خو د پاکستان اویا کلن سیاسي تاریخ او په ځانګړې توګه د ورستیو اتو کلونو له سیاسي تاریخ څخه جوتېږي، چې ډیموکراسي یو فاسد نظام دی او موږ به د یو فاسد نظام پر مټ و نه شو کولای چې ریښتنی بدلون راولو، بلکې تل به د حریصو سیاستوالو له لورې غولول کېږو.

حزب التحریر ولایه پاکستان له پاکستانې ځوانانو څخه غواړي، چې خواشیني نه شي او غور وکړي چې ولې د اوسني فاسد ډيموکراټیک نظام پر ځای ریښتني بدلون ته لاره نه هوارېږي؟ ولې په یو فاسد نظام کې تل واک له مفسدینو سره وي؟ ولې د واک لاس ته راوړلو لپاره باید د فاسدو خلکو ملګرتیا وشي؟ دغو ټولو پوښتنو ته ځواب ډېر ساده دی. هغه دا چې، دیموکراسي یو غیر اسلامي نظام دی، د الله سبحانه تعالی پر ځای انسانان پکې قانون جوړوي او له دې امله د الله سبحانه تعالی نظام له پلي کېدو څخه پاتېږي. همدا ده، چې د دیموکراسۍ له لارې د هر راز بدلون راوستنې هڅې له ناکامۍ او ماتې سره مخ کېږي او دا لړۍ همداسې دوام لري. بیا نو د رښتني بدلون راوستولو لپاره سمه تګلاره کومه ده؟

موږ د بدلون راوستلو لپاره باید د رسول الله صلی الله وعلیه وسلم تګلاره خپله کړو. د بدلون لپاره د رسول الله صلی الله علیه وسلم طریقه دا ده، چې د یو سیاسي ګوند له لارې فکري او سیاسي مبارزه تر سره شي او بیا د واک له خاوندانو څخه  نصرت (مادي مرسته) تر لاسه کړي. رسول الله صلی الله علیه وسلم یوازې هغه اشخاص په خپله ډلې کې منل، چا چې په بشپړه توګه اسلام  ته ژمنتیا درلوده. رسول الله صلی الله علیه وسلم په پوره پاملرنې سره د خپلو صحابه‌و ښوونه او روزنه وکړه او له هر یوه یې بشپړ اسلامي شخصیت جوړ کړ. بیا د خپلو صحابه‌وو په مرسته د سیاسي مبازرې پر مټ د کفري نظامونو او افکارو پر وړاندې په کلکه ودرېد، اسلام یې د کوم څیز له پټولو پرته د الله سبحانه تعالی له لورې ټولنې ته د یو غوره بدیل په توګه وړاندې کړ، او د نظام لپاره یې د واک په خاوندانو او عامو خلکو کې عامه رایه را منځته کړه. رسول الله صلی الله علیه وسلم د وخت له حکامو سره هيڅ راز معاملې ته غاړه کښې نه ښوده. رسول الله صلی الله علیه وسلم د نصرت (مادي مرستې) او  دولت د قایمولو لپاره عربو قبیلو ته ورغی او په خپله موخه کې بریالی شو، چې د مدینې دوو قبیلو رسول الله صلی الله علیه وسلم د خپل مشر په توګه ومنلو.

نو دا د رسول الله صلی الله علیه وسلم له تګلارې سره سم د بدلون راوستلو طریقه ده؛ د خلافت راوستلو لپاره له یوې سیاسي ډلې سره یو ځای شئ، سیاسي او فکري مبازره وکړئ او د پاکستان له پوځ څخه د خلافت راوستلو لپاره د نصرت غوښتنه وکړئ.

حزب التحریر ولایه پاکستان له ځوانانو څخه غواړي، چې مایوسه نه شي او له دې ترخې تجربې څخه زده کړي. د الله سبحانه تعالی له ارادې سره سم د نبوت پر منهج د خلافت د بیا راتګ وخت لرې نه دی او  دا هغه ریښتینی بدلون دی، چې موږ ټول یې په لټه کې یو. الله سبحانه تعالی فرمایي:

﴿وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ﴾

[ ال عمران:۱۳۹]

ژباړه: مه بې زړه کېږئ او مه اندېښمن کېږئ، همدا تاسو برلاسي ياست، که مومنان یئ

له دې امله، موږ د پاکستان ځوانانو او عامو خلکو ته بلنه ورکوو، چې له حزب التحریر سره په دې مبارزه کې برخه واخلئ او په پاکستان کې د ریښتیني بدلون راوستلو لپاره مرسته وکړئ.

حزب التحریر ولایه پاکستان

د آل عمران مبارک سورته ۴۴ام ایت  "ذَلِكَ مِنْ أَنبَاءِ الْغَيْبِ نُوحِيهِ إِلَيْكَ"  

  وړاندې کوونکی:  شيخ يوسف مخارزة (ابو الهمام)       

۱۴۳۹ه، د جمادي الثاني ۲۵مه، سه شنبه/ ۲۰۱۸م، د مارچ ۱۳مه