- مطابق
د ژوند په اړه د اسلام په افکارو او احکامو د امت د پوهاوي د هڅو په دوام، حزبالتحریر ـ ولایه سوډان د ۲۰۲۶ کال په اګسټ میاشت کې پراخ فعالیتونه ترسره کړل. حزب مخورو شخصیتونو، د قبیلو مشرانو او د ټولنې مخکښانو ته پلاوي واستول؛ د جوماتونو او بازارونو په ګډون یې په عامه ځایونو کې سیاسي ویناوې وکړې؛ په بېلابېلو غونډو کې یې د خلکو پر ستونزو او اړوندو مسایلو بحثونه وکړل او په خپل سیاسي سالون کې یې د مفکرینو، رسنیزو فعالانو او نظر خاوندانو کوربهتوب وکړ.
د حزبالتحریر ـ ولایه سوډان رسمي ویاند، استاد ابراهیم عثمان (ابوخلیل)، هم د یو لړ اعلامیو او یوه خبري کنفرانس له لارې د سوډان د خلکو ستونزې مطرح کړې. په ټوله کې دا فعالیتونه ګټور او رغنده وو، چې لاندې موارد پکې شامل وو:
۱. پلاوي
د حزبالتحریر ـ ولایه سوډان د اړیکو مرکزي کمېټې د خپل رئیس، استاد ناصر رضا، په مشرۍ د قبیلو له ځینو مشرانو سره ګڼې لیدنې وکړې، چې په لاندې ډول دي:
- · د بني عامر قبیلې له ناظر، علي ابراهیم دقلل، سره په کسلا کې د هغه په کور کې.
- · د حلنقه له عمومي ناظر، انجنیر علي عبدالقادر شکیلای، سره په کسلا کې د هغه په کور کې؛ د ناظر مرستیال عبدالقادر سید احمد، شیخ حسن اسماعیل او یو شمېر نور کسان هم ورسره وو.
- · د مسلمیه د قبیلې له ناظر، شیخ محمد مصطفی عبدالکریم مبارک، سره د قضارف په کلیوالي سیمه کې د عد الطینه په کلي کې د هغه په کور کې.
- · د بني عامر قبیلې د یوې څانګې، بیت معلا، له عمده، شیخ حسبالله الطاهر، سره په قضارف کې د حزب په دفتر کې؛ د عمده منشي استاد محمد حسین، هم ورسره و.
- · د حباب قبیلې له ناظر، شیخ محمد علي محمد سعید، سره په قضارف کې د هغه په کور کې.
- · په قضارف کې د صوفیانو خانقاه ته سفر، چې هلته پلاوي له شیخ عثمان عبدالرحمن الازرق، شیخ حمد عبدالرحمن الازرق او شیخ احمد عثمان عبدالرحمن الازرق سره وکتل.
- · د ضباینه قبیلې له عمومي ناظر او په سوډان کې د قبایلي ادارې له مرستیال رئیس، ناظر عوضالکریم محمود زاید (ود زاید)، سره د قضارف په بازار کې د هغه په دفتر کې.
- · په سوډان کې د هوسا قبیلې د شورا له رئیس او د بحر احمر ولایت د روزنې او اداري اصلاحاتو د ادارې له رئیس، استاد مجاهد محمد هارون سره په پورټسوډان (د سوډان بندر) سیمه کې د هغه په دفتر کې.
استاد ناصر د پلاوو په ټولو لیدنو کې د سوډان پر سیاسي او پوځي وضعیت او د کافر استعمارګر د پلانونو په دام کې د لوېدو پر خطر ټینګار وکړ؛ هغه استعمارګر چې غواړي د قبایلي او نژادي بسیج له لارې سوډان ټوټهټوټه کړي.
نوموړي د دغو ورځو د عیني وضعیت په اړه وویل چې هرې قبیلې د خپلو ځوانانو رابلل پیل کړي او هرې یوې خپل وسلهوال غورځنګ جوړ کړی دی. هغه څرګنده کړه چې دا په حقیقت کې د استعمارګر پروژه ده؛ موخه یې د خلکو ترمنځ د تفرقې اچول او د سوډان ټوټهټوټه کول دي، څو دولت پر کمزورو او له یو بل څخه پر جلا جوړښتونو بدل شي.
هغه د دارفور د بېلولو او د سوډان د وېشلو لپاره د امریکا پلانونه افشا کړل او ویې ویل چې دا پخوانی پلان دی، چې اوس یې امریکا او د واکمنانو له ډلې د هغې مزدوران عملي کوي. نوموړي د دې موضوع تر ټولو ناوړه اړخ هم روښانه کړ: له ځینو قبیلو ناوړه ګټه اخیستل او د هغوی د وسلهوالولو هڅې، څو د سوډان په ټوټهټوټه کولو کې د ټراجان آس «د ټرای د جګړې آس» په توګه وکارول شي.
استاد ناصر دغو مشرانو ته د پخوانیو قبایلي مشرانو دریځونه وریاد کړل؛ هغه مشران چې الله سبحانه وتعالی د اسلام د نصرت او د هغه د سترې ماڼۍ، یعنې د رسول الله ﷺ د دولت د تاسیس له امله ستایلي دي. نوموړي ټینګار وکړ چې نن د قبیلو د مشرانو دنده دا ده چې د اسلام نصرت وکړي، څو د جاهلیت په مرګ د مړه کېدو له ګناه وژغورل شي.
د قبیلو مشرانو د حزبالتحریر د پلاوو د مطرح شوو خبرو هرکلی او ستاینه وکړه. هغوی د سوډان د تحولاتو په څارلو کې د حزب مخکښ رول وستایه. ځینو یې وویل: «تر څو چې ستاسو تګلاره همدا وي، موږ له زړه درسره یو.»
یوه یې ان وویل: «ما هم خپل افتخاري غړی وګڼئ.»
ځینو هیله څرګنده کړه چې د خلافت دولت دې د سبا پر ځای همدا نن تاسیس شي؛ نورو بیا د دې مفکورې ملاتړ څرګند کړ او ویې ویل: «موږ درسره یو او د صفونو د یووالي، د یو غږ کېدو او د خلافت د تاسیس لپاره ستاسو د هڅو ملاتړ کوو.»
مشرانو د حزبالتحریر له پلاوو مننه وکړه او ویې ویل چې د اسلام نصرت او د هغه د شریعت پلي کولو ته چمتو دي. هغوی د سوډان د ټوټهټوټه کولو او د شتمنیو د لوټلو له پلانونو سره مخالفت څرګند کړ او ټولو د اړیکو پر ساتلو او د لیدنو پر دوام ټینګار وکړ.
۲. د ولایه سوډان رسمي ویاند او د سوډان مسایل
د حق ویاند، استاد ابراهیم عثمان ابوخلیل، له هغو دسیسو سره مقابله وکړه چې په پټه او ښکاره جوړېږي. نوموړي پرلهپسې اعلامیې خپرې کړې، په سوډان کې یې د کافر استعمارګر پلانونه افشا کړل او په ځانګړي ډول یې د دارفور د بېلولو پر مسئله او د امت پر وړاندې پر نورو ترسره کېدونکو جنایتونو تمرکز وکړ.
نوموړي په دغه عنوان یوه اعلامیه خپره کړه: «ایګاد، د جنوبي سوډان د بېلتون اصلي طراح، یو ځل بیا د خپل ناوړه رول د دوام لپاره راګرځي». همدارنګه یې په دې عنوان بله اعلامیه خپره کړه: «امریکا د الوتنو د ممنوعه سیمې په جوړولو د دارفور د بېلولو پر لور یو بل ګام وړاندې ځي!»
نوموړي د نورو مسایلو ترڅنګ د اداري پلازمېنې «پورتسوډان» د اوسېدونکو د کړاوونو په اړه هم یوه اعلامیه خپره کړه؛ هلته د برېښنا د پرلهپسې پرې کېدو له امله د شپې او ورځې په اوږدو کې ساعتونه تیاره وي.
هغه په پورتسوډان کې د حزب په دفتر کې په دې عنوان یو خبري کنفرانس هم جوړ کړ: «واک؛ د واک د سهمونو د وېش او شرعي مسوولیت ترمنځ»
۳. سیاسي ویناوې
حزبالتحریر ـ ولایه سوډان په دې میاشت کې د اداري پلازمېنې «پورتسوډان» په لوی بازار کې د خپلو سیاسي ویناوو له لارې پر څو خورا مهمو مسایلو بحث وکړ.
یو له دغو مسایلو قبایلي بسیج و، چې امت وېشي. استاد حسین الهادي په دې وینا کې څرګنده کړه چې د اسلام اوامرو او احکامو څنګه قبایل سره راټول کړل او د هغو خاورو خلک یې سره یو موټی کړل چې اسلام وررسېدلی و.
نوموړي څرګنده کړه چې د اسلام د ژوندانه له طریقې سره سم، له نورو سره د مسلمانانو ګډ ژوند او راشهدرشه څنګه ټول په داسې وروڼو بدل کړل چې یو له بل سره یې مینه لرله. بیا یې وویل چې نن د وطن او قبیلې پر بنسټ د ځانونو د تړلو هڅې یوازې تفرقه زیاتوي او خلک په هغه ډول نه شي یو موټی کولی چې الله امر کړی دی.
تر «ایا د کتاب پر یوې برخې ایمان راوړئ او له بلې برخې یې انکار کوئ؟!» سرلیک لاندې وینا کې استاد ابراهیم مشرف د مسلمانانو په ذهنونو کې پر ځینو ناسمو مفاهیمو خبرې وکړې؛ لکه د اسلام د ځینو احکامو منل او د نورو پرېښودل، له عباداتو څخه د سیاست بېلول او په سیاسي کار کې د ځینو مسلمانانو د ګډون لپاره نه لېوالتیا.
نوموړي څرګنده کړه چې سیاست د خلکو د چارو رعایت ته وایي؛ دا پر مسلمانانو فرض دی او له هغو سترو اعمالو څخه دی چې امت یې باید ترسره کړي.
په بله وینا کې په اسلام کې پر حکومتولۍ بحث وشو او څرګنده شوه چې حکومتولي یو امانت او ستر مسوولیت دی، نه هغه کشمکش چې نن یې وینو او خلک پکې د واک د څوکیو لپاره ان د خلکو د ژوند په بیه سیالي کوي.
دا مسوولیت د نبوت پر منهج د راشده خلافت تر سیوري لاندې د خلکو د چارو په سم رعایت او د هغوی د اساسي اړتیاوو د پوره کېدو په تضمینولو کې څرګندېږي.
د بلې وینا موضوع «اسلام د اساسي اړتیاوو پوره کېدل تضمینوي» وه. ویناوال، استاد عادل ابراهیم، هغه اساسي اړتیاوې بیان کړې چې اسلام یې د هر تبعه لپاره د پوره کېدو تضمین کوي: خواړه، جامې، استوګنځای، امنیت، روغتیايي خدمتونه او زدهکړې. نوموړي څرګنده کړه چې د خلافت له ړنګېدو راهیسې تر ننه دغه اړتیاوې په سمه توګه نه دي پوره شوې؛ ځکه اوسني نظامونه دغو اړتیاوو ته لاسرسی له پیسو سره تړي، حال دا چې ډېر خلک یې د ترلاسه کولو وس نه لري.
وروستۍ سیاسي وینا د ۲۰۲۶ کال د اګسټ په ۳۱مه تر «د مالي معاملاتو په اړه د اسلام احکام» عنوان لاندې وشوه. ویناوال د اشخاصو او بانکونو ځینې سودي معاملې تشریح کړې او څرګنده یې کړه چې د دغو معاملو د شتون لامل دا دی چې موږ په اسلامي ټولنه کې ژوند نه کوو او زموږ د ټولنې نظامونه اسلامي نه دي. نوموړي څرګنده کړه چې دا ډول ناروا مالي معاملې په اسلامي ژوند کې ځای نه لري؛ ځکه هلته اشخاص او دولت د اسلام په احکامو پابند وي. بیا یې مسلمانان وهڅول چې د نبوت پر منهج د راشده خلافت په تاسیس سره دا واقعیت بدل کړي؛ هغه خلافت چې اسلام پلي کوي او پیغام یې ټول بشریت ته رسوي.
په خرطوم کې عامه وینا
حزب په پلازمېنه خرطوم کې د امدرمان د شیخ جعفر په جومات کې د محبوب رسول ﷺ د میلاد په مناسبت عامه وینا ترسره کړه. دا وینا حقوقپوه استاد احمد ابکر وکړه. نوموړي څرګنده کړه چې د رسول الله ﷺ د میلاد کلیزه یوازې یو تېرېدونکی مناسبت نه دی چې په ځینو جوماتونو او عامه میدانونو کې دې په محدودو فعالیتونو ونمانځل شي؛ بلکې دا یوه ستره تاریخي پېښه ده.
رسول الله ﷺ له نړیوال رسالت سره راغی، دولت یې تاسیس کړ او دعوت یې حمل کړ. له هغه وروسته یې خلفاوو رضی الله عنهم، هماغه لاره تعقیب کړه. نن امت هم باید هماغه لاره تعقیب کړي. نوموړي امت ته د اسلامي ژوند د بیا پیل لپاره د کار کولو مسوولیت ورپه ګوته کړ.
۴. د حزبالتحریر غونډې
الف. د امت د مسایلو په غونډه کې د نهضت بند پر ناورینزېږوونکو اغېزو بحث
په پورتسوډان کې د حزبالتحریر ـ ولایه سوډان په دفتر کې د امت د مسایلو په غونډه کې د ایتوپیا د نهضت بند پر مسئله او پر سوډان د هغه پر ناورینزېږوونکو اغېزو بحث وشو.
استاد احمد الخطیب د اوسني وضعیت ناورینزېږوونکو پایلو ته پام واړاوه، چې د نیل د اوبو د کچې ټیټېدل او له امله یې تنده او د اوبو کمښت پکې شامل دي. نوموړي څرګنده کړه چې حزبالتحریر په ګڼو غونډو او اعلامیو او همدارنګه په هغې رساله کې چې د ۲۰۱۷م کال په سپټمبر کې یې خپره کړې وه، په دې اړه خبرداری ورکړی و. نوموړي د امت د حقونو په اړه د سوډان او مصر د واکمنانو غفلت په تفصیل بیان کړ.
ورپسې استاد حسین الهادي له سیندونو سره د چلند په اړه پر شرعي اصولو بحث وکړ او ویې ویل چې سیندونه عامه ملکیت دی. نوموړي څرګنده کړه چې د سیندونو ساتنه، پالنه او پاکول او پر هغوی د تېري مخنیوی د دولت مکلفیت دی. هغه وویل چې که مسلمانانو داسې خلیفه لرلی چې د الله د کتاب او د هغه د رسول ﷺ د سنتو له مخې یې رهبري کړي، ایتوپیا به د دغه بند له لارې دا ګواښ نه شو رامنځته کولی. نوموړي وویل چې یوازې خلافت د مسلمانانو ګټې خوندي کولی شي، ان که د دې لپاره د پوځي ځواک کارول هم اړین شي.
ب. د قضارف په غونډه کې د زدهکړو ستونزه
په قضارف کې د حزبالتحریر ـ ولایه سوډان په غونډه کې د خلافت دولت تر سیوري لاندې د زدهکړو ستونزې د معاصرو ملي دولتونو له ناکامیو سره پرتله شوې.
لومړۍ مقاله د حزبالتحریر ـ ولایه سوډان د مطبوعاتي دفتر غړي، استاد میسره یحیی، وړاندې کړه. نوموړي څرګنده کړه چې کافر غرب د خلافت تر ړنګېدو وروسته څنګه خپل ثقافت پر موږ وتاپه او زموږ د خاورو د ښوونیزو نظامونو برخه یې وګرځاوه. په پایله کې دین له دولت څخه بېل شو او پانګوال افکار ځای پر ځای شول. بیا یې د زدهکړو له تمویل څخه د دولت پر لاس اخیستلو او د زدهکړو پر خصوصي کولو رڼا واچوله.
دویم ویناوال د هغه منظم ښوونیز نظام بنسټونه په تفصیل بیان کړل چې رسول الله ﷺ اېښي وو او تر هغه وروسته خلفاوو تعقیب کړل. د همدغو بنسټونو په مټ داسې اسلامي شخصیتونه وروزل شول، چې نړۍ یې بدله کړه.
۵. سیاسي سالون
د سوډان په سیاست کې د سیمهییزو سازمانونو رول
د حزبالتحریر ـ ولایه سوډان مطبوعاتي دفتر په پورتسوډان کې د حزب په دفتر کې په جوړ شوي سیاسي سالون کې د حزبالتحریر د غړي، استاد یعقوب ابراهیم کوربهتوب وکړ.
په دې بحث کې د سوډان په سیاست کې د سیمهییزو سازمانونو رول وڅېړل شو او په ځانګړي ډول پر افریقایي اتحادیې، ایګاد او عرب لیګ تمرکز وشو، چې په سیمه کې د امریکا د لاسپوڅو او وسیلو په توګه یاد شول.
ویناوال د دغو سازمانونو زیانمن رول او د سوډان په ټوټهټوټه کولو کې د هغوی لاسوهنه تشریح کړه. نوموړي له شمال څخه د جنوبي سوډان په بېلتون کې د دغو سازمانونو د هر یوه رول او همدارنګه له سوډان څخه د دارفور د بېلولو په اړه د امریکا د پلان په پلي کولو کې د هغوی اوسنی رول په تفصیل بیان کړ.
په پای کې نوموړي په دغو سازمانونو کې د ګډون او زموږ په خاورو کې د هغوی د شتون په اړه شرعي حکم بیان کړ او ویې ویل چې د مسلمانانو په چارو کې هغوی ته د لاسوهنې اجازه ورکول حرام دي. نوموړي د خلافت دولت د اساسي قانون د مسودې د ۱۹۱مې مادې له مخې استناد وکړ.
په سوډان کې د حزبالتحریر د مرکزي مطبوعاتي دفتر استازی
دوشنبه، د ۱۴۴۸ هـ.ق. کال د ربیعالاول ۱۸مه
د ۲۰۲۶م کال د اګسټ ۳۱مه
https://hizb-ut-tahrir.info/pa/index.php/dawa-news/5065#sigProId66ee3f9b6b
د لازیاتو معلوماتو لپاره د حزبالتحریر ولایه سوډان وېبپاڼې وګورئ:
د حزبالتحریر ولایه سوډان رسمي وېبپاڼه
د حزبالتحریر ولایه سوډان فېسبوکپاڼه
د حزبالتحریر ولایه سوډان یوټیوب چینل