- مطابق
د ۲۰۲۶ کال د اکتوبر په ۲۷مه حزب التحریر ولایه تونس د تونس په پلازمینه باب سعدون کې د پوځي محکمې مخې ته د حزب التحریر ولایه تونس د رسنیو د دفتر د غړي پروفیسور محمد النصر شویخا په ملاتړ یو لاریون وکړ. شاوخوا یو نیم کال وړاندې د پوځي محکمې لخوا د هغه پر وړاندې پرانیستل شوې جرمي قضیه وغندل شوه چې تحریر ورځپاڼې لپاره د لیکلې مقالې له امله نوموړی له هغه مهال راهیسې په زندان کې دی. نوموړي په لیکنه کې د اسلامي خاورو حاکمانو او پوځونو ته د امریکا د متحده ایالاتو د هغو دوره ایزو پوځي مانورونو په هکله خبرداری ورکړی و چې په تونس کې یې له شمالي افریقایي او د مدیترانې سمندر ته څېرمه هیوادونو سره ترسره کوي او دا یې په عامه توګه له ټولو مسلمانانو سره او په ځانګړي ډول په غزه کې زموږ له خلکو سره د دښمنۍ یوه څرګنده اعلامیه ګڼلې.
د محاکمې په لړ کې د الزیتونا یوه لویه ډله خلک د باب سعدون د پوځي محکمې مخې ته ولاړ وو چې پکې د پروفیسورانو او وکیلانو یوې ډلې د پروفیسور محمد النصر شویخا په دفاع کې شاوخوا دوه ساعته بحث وکړ. دوی له غونډې څخه تر وتلو وروسته اعلان وکړ چې هغه څه چې پروفیسور لیکلي دي د قضا په وړاندې د هغه د حاضریدو لپاره هیڅ اړتیا نلري، بلکې هغه د خپلو خلکو د وینې او عزت دفاع کوي او دا چې هغه د خپل دین لپاره ننګ کوي، نو څنګه له هغو سختو سزاګانو سره محاکمه کېدای شي چې مجرمین ورسره محاکمه کیږي؟ دوی وویل چې دا بیان سیاسي و او باید په سیاسي توګه ځواب ورکړل شي نه په نظامي محکمو کې، او دا چې د پروفیسور شویخا په نښه کول په حقیقت کې د حزب التحریر په نښه کول دي. په بله ورځ پرېکړه کې پروفیسور ته د دوه کلونو بند او جریمې سزا واورول شوه چې دا له هغه چا سره یوه ښکاره تېروتنه او لویه بې عدالتي ده چې داسې مهال یې د حق خبرې کولې چې سیاسي طبقه په ټولو بڼو چوپه خوله وه او د خاورې د عزت او د فلسطین، د مسجد الاقصی، د هغې د خاورې او د پاکو خلکو او د هغې د روښانه تاریخ دفاع یې ونکړه.
په ولایه تونس کې د حزبالتحریر مرکزي مطبوعاتي دفتر مندوب
۱۴۴۸هـ.ق کال د جماديالاولی ۱۶مه
۲۰۲۶م کال د اکتوبر ۲۷مه
https://hizb-ut-tahrir.info/pa/index.php/dawahnews/%D9%BC%D9%88%D9%86%D8%B3/5094#sigProIdb2b7962f45
د لازیاتو معلوماتو لپاره د حزبالتحریر ولایه تونس وېبپاڼې وګورئ:
د حزبالتحریر ولایه تونس رسمي وېبپاڼه