د جون په میاشت کې د حسینې حکومت د ګازو بیې د ګازو د ډېر کمښت له امله لوړې کړې. له قطر او ځینې نورو هېوادونو سره یې د راتلونکو ۱۵ کلونو لپاره د مایع طبیعي ګازو (LNG) د واردولو تړونونه لاسلیک کړل، چې له دوی څخه به هر کال میلیونونه ټنه طبیعي ګاز (LNG) واردوي. د دغو تړونونو له مخې په نامسکوني سیمو کې پر کارېدونکي ګاز تعرفې نیږدې دوه برابره شوې. خو د نوي جوړ شوي تړون (د ۲۰۱۹م کال د ساحلي سیمو د محصول د شریکولو تړون) له مخې حکومت د تولید د اغېز په پلمه د تیلو نړیوالو شرکتونو ته اجازه ورکړه، چې د بنګله دېش د بنګال په خلیج کې د ساحلي بلاکونو څخه کشف شوی ګاز د خپل هېواد د عایداتو د زیاتولو په موخه صادر کړي. واقعت دا دی چې په دې ډول دوی غواړي د خپلو غربي بادارانو (ښکېلاکګرو) او د دوی د متحدینو ګټې خوندي کړي.

 دولت غواړي د ګازو د بیو په لوړولو سره عام خلک وځوروي، دوی غواړي د ګازو په بیو کې د «۶.۵-۷.۲۵» ډالرو لوړولو او د تعرفې په لرې کولو سره د ګازو نړیوال شرکتونه پانګونې ته وهڅوي. د بنګله دېش مسلمانان د دغه تش په نامه ډېموکراتیکو غدارانو په وسیله له رامنځته شوي حالت څخه سخت ځورېږي.له یوه اړخه زموږ ذخایر ښکېلاکګرو کفارو ته په ورکول سره له لوی خطر سره مخ دي او له بله اړخه باید بېرته خپلې سرچینې په لوړه بیه له دوی څخه وپېرو او ددغه لګښتونو قېمت پرې کړو.

اې مسلمانانو! دغه تش په نوم ډېموکراتیک دولتونه ستاسو د هوساینې او حیاتي سرچینو پروا نه ساتي. دوی زموږ د ګازو او تېلو د پلټلو لپاره هېڅ ونه کړل او د طبیعي سرچینو د ساتلو او د هغوی د ظرفیت د لوړلو په تړاو بیخي بې پروا دي، د ډبرو سکرو او یورانیمو تیارې کشف شوې زېرمې خو بیخي پرېږده. دوی خلک د برېښنا او ګازو د مصنوعي او ساختګي کمښت په پلمه په دام کې اچولي او د «کړندۍ اجاره» او اجاري برېښنا د تولید قراردادونه یې په خورا لوړه بیه د فاسدې پروسې په لړ کې ورکړي دي. د دغو لګښتونو د پوره کولو په موخه د حسینې دولت په تکراري ډول برېښنا تعرفې لوړې کړې او پلان لري چې د پیسو نړیوال صندوق یا IMF په لارښونه د یادو تعروفو په لا زیاتولو سره په عامه خلکو فشار ډېر کړي. دغه حالت بیا د فاسدو سیاستمدارانو له لوري د د تولیداتو د شریکولو د قراردادونو په نامه د ملت د سرچینو لوټولو، مستقیمې بهرنۍ پانګونې، د لوړې بیې لرونکو LNG ټرمینالونو د جوړولو او داسې نورو د توجیه لپاره وکارېد.

اې مسلمانانو! طبیعي ګاز او نورې سرچینې د الله سبحانه وتعالی نعمتونه دي. اسلام طبیعي ګاز عامه شتمني بولي او د دولت هر وګړی باید ترې برخمن شي. د بنګله دېش سېکولر رژیم یوازې د بهرنيو شرکتونو او د خپل ښکېلاکګر بادار ګټي خوندي کوي او د دوی د پرېکړو او کړنو اساس په اصل کې د دوی د بادارانو ګټې او غوښتنې دي. د دوی کار دا دی چې خپل باداران خوشحاله او خپل واک خوندي کړي. دغه سېکولر رژیمونه ستاسو سرچینې نه شي ساتلی. اې مسلمانانو! دوی به تاسو پرې نږدي، چې د خپل هېواد له ذخایرو څخه کار واخلئ. موږ به تاسو ته هر وخت دغه یادونه کوو، چې یوازې د نبوت پر تګلاره جوړ شوی راشده خلافت (رښتینی خلافت) شریعت پلی کولی شي او تر څنګ یې طبیعي سرچینې له بهرنیو دښمنانو څخه خوندي کولی شي. دغه رښتنی ژر راتلونکی خلافت به یوازنی قدرتمن ځواک وي، چې د امت د ګټو لپاره به له طبیعي سرچینو څخه د ګټې اخیستلو لارښوونه کوي. رسول الله صلی الله علیه وسلم فرمایي:

«الْمُسْلِمُونَ شُرَكَاءُ فِي ثَلَاثٍ: فِي الْمَاءِ وَالْكَلَإِ وَالنَّارِ»

(رواه احمد، ابن ماجه)

ژباړه: مسلمانان په دریو شیانو کې سره شریک دي؛ اوبه، څړځایونه او اور او د هغوی خرڅول ورته ناروا دي.

حزب التحریر-ولایه بنګله دېش مطبوعاتي دفتر

د ۲۰۱۹م کال د سپټمبر پر ۱۳مه د پاکستان لومړي وزیر تازه څرګندونې وکړې. له دې سره یې د ازاد کشمیر په تړاو د راټولو شوو لاریون کوونکو احساسات غلي کړل. ده د خپلو خبرو په لړ کې داسې وښوده، چې مودي د اسلامي امت په وړاندې لا ښکاره جګړه نه ده پیل کړې. ده وویل: «که جګړه پیل شي، نو دا ملت به تر وروستۍ سلګۍ پورې وجنګېږي». عمران خان د کشمیر مخلصو ځوانانو ته په خبرو کې وویل: «زه پوهېږم چې ستاسو ډېره کسان غواړي چې تر وروستۍ سرحدي کرښې پورې مخکې لاړ شي؛ خو زما له امر مخکي حرکت مه کوئ. لومړی اجازه راکړئ چې د کشمیر مسله د حل په موخه ملګرو ملتونو ته وړاندې کړم». په دې ډول د عمران خان رژیم یوازې د اشغال شوي کشمیر د ازادولو په تشو ژمنو باندې مسلمانان داسې تېر باسي، لکه وږي کسان چې یوازې د تیږو په جوشولو باندې غولول کېږي. په داسې حال کې چې  مسلمانان هلته له روان وضعیت څخه سخت ځوریږي. سربېره پردې د عمران خان رژیم د پاکستاني پوځ د پیاوړو زمریانو او ځوانانو د چمتو کولو مخه نیولې ده. د پاکستاني رژیم دغې کړنې هغه ډارن هندي ځواکونه زړور کړي، چې د اشغال شوي کشمیر له مسلمانانو سره د مخامخ کېدلو له وېرې پر ځان وژنې او نورو رواني ناروغیو اخته وو. د هند د اردو مشر جنرال بیپن راوت پرته له دې چې د اټومي وسلو له کارولو یا اقتصادي فشار څخه ووېریږي؛ په ډېرې زړورتیا سره یې د سپټمبر پر ۱۲مه داسې وویل: «په بل ګام کې PoK (د پاکستان تر واکمنۍ لاندې کشمیر) باید ازاد شي او دا سیمه باید د هند یوه برخه شي.»

اې د پاکستان مسلمانانو! د ښکېلاکګرو د وسلو او جګړې په ځواب کې د عمران خان وسلې غلې دي. دغه ډارن رژیم له خبرو پرته د بل هېڅ ګام پورته کولو جرآت نه شي کولای؛ ځکه خو د اسلامي خاورې وحشي ښکېلاکګر په پوره جرات سره د خپل اشغال د پراخولو ګواښونه کوي. دغه رژیم د الله سبحانه و تعالی د اوامرو نافرماني کوي. دا زموږ د دښمنانو له زړونو څخه زموږ وېره لرې کوي. لکه چې الله سبحانه و تعالی فرمایلي دي:

﴿انْفِرُوا خِفَافًا وَثِقَالًا وَجَاهِدُوا بِأَمْوَالِكُمْ وَأَنْفُسِكُمْ فِي سَبِيلِ اللَّهِ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ﴾

[توبه:۴۱]

ژباړه: که سپک یاست یا درانه، غزا ته ووځئ او د الله سبحانه وتعالی په لاره کې په خپلو مالونو او سرونو سره جهاد وکړئ. دا ستاسو لپاره ډېره غوره ده، که پوهېږئ.

په واقعیت کې د اسلامي امت د تاریخ په اوږدو کې له ښکېلاک څخه د اسلامي خاورې د ازادولو په موخه، خلک د الله سبحانه و تعالی په امرجګړې (جهاد) ته رابلل شوي. له شک پرته، له دغه رژیم څخه نور هېڅ تمه نه کیږي. دا زمونږ ټولو مکلفیت دی، چې خپل ډال (خلافت) د نبوت پر تګلاره د دویم ځل لپاره تاسیس کړو، څو د ذلت او ماتې دغه څپه په بري او شهادت بدله کړي. الله سبحانه و تعالی فرمایلي دي:

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ﴾

[توبه:۳۸]

ژباړه: اې مومنانو! په تاسې څه شوي دي، چې کله تاسې ته د الله سبحانه وتعالی په لار کې د وتلو لپاره وویل شول؛ نو تاسې پر ځمکه درانده کښېناستلئ؟ ایا تاسو د اخرت پر وړاندې د دنیا ژوند غوره کړی؟ که داسې ده نو تاسو باید خبر وی، چې د دنیوي ژوند ټول وسایل به په اخرت کې هېڅ ارزښت ونه لري.

حزب التحریر- ولایه پاکستان مطبوعاتي دفتر