د پاکستان د وسله وال پوځ زمري پرېږدئ چې د روهینګیا د مسلمانانو ملاتړ وکړي او د مومنانو زړونه یخ کړي!
(ژباړه)
حزب التحریر-ولایه پاکستان د هېواد په کچه د روهینګیا د مسلمانانو په ملاتړ د مظاهرو، بیانیو او بانفوذه اړیکو یو کمپاین پیل کړی. حزب التحریر- ولایه پاکستان د لاندې اقداماتو غوښتونکی دی:
۱. په اسلام آباد کې د میانمار د ډیپلوماتیک ماموریت او برعکس په رنګون، میانمار کې د پاکستان ډیپلوماتیک ماموریت بندېدل او له دې سره جوخت د جګړې د پیل اعلان.
۲. د JF 17 تندر جنګي الوتکو د معاملې پای ته رسول او له هغو مذاکراتو وتل چې میانمار دې په خپل هېواد کېJF 17 تندر جنګي الوتکې تولید کړي.
۳. د مسلمانانو د ځورنې پر وړاندې د پاکستان د اټومي تجهیزاتو اماده کول، چې د میانمار متحد هند ته ښکاره پیغام ولېږي.
۴. د اضطراري حالت اعلان او د یوه ښکاره علان پیل چې په راتلونکو شپږو میاشتو کې د پاکستان ځوانان د اظطراري حالت د پیل لپاره د پوځیانو په توګه وروزي.
۵. د بنګلهدېش له کمزورو حکامو غوښتنه چې له میانمار سره په پوله د بنګلهدېش پوځي هډې زموږ د ممتاز SSG پیاده پوځ، هوایي پوځ او زرغره والو قطعو په خدمت کې ورکړي، چې د بنګلهدېش له شریف پوځ سره د دښمن پر وړاندې په یوه لیکه کې ودرېږي؛ مومنان د مشرکانو پر وړاندې.
اې د پاکستان مسلمانانو! د اقدام لپاره د حزب التحریر - ولایه پاکستان غږ له تاسو مخکې او ستاسو لپاره دی چې د عمل خلکو؛ زموږ نجیبو افسرانو او پوځیانو ته یې ورسوئ. په تاسو کې خیر ښکاري او تاسو له وسله وال پوځ سره برکت لرئ، چې په خپل دغه شعار «ایمان، تقوا او فی سبیل الله جهاد» ژوند کوي. دا ستاسو مسؤولیت دی چې دغه غږ هغو وسله والو پوځیانو ته چې تاسو یې پېژنئ، ورسوئ. ستاسو د دعا له ملاتړ سره.
اې د پاکستان د وسله والو ځواکونو زمریو! حزب التحریر- ولایه پاکستان ستاسو د غوسې شدت د میانمار د قصابانو د اقداماتو پر وړاندې احساسوي. موږ ستاسو پر انګېزه او وړتیاوو پوره باور لرو. خپل ځانونه د ناوړه حکامو له ځنځیرونو خلاص کړئ او هغه بریا (د مسلمانانو ډال) لاسته راوړئ، چې امت ورته په تمه دی او د خلافت له دورې وروسته یې نه ده لیدلې. د اړتیا پر وخت د امت مخلص متحد اوسئ او پر دښمنانو یې بریالي شئ. الله سبحانه و تعالی فرمایي:
﴿إِنَّمَا وَلِيُّكُمُ اللَّهُ وَرَسُولُهُ وَالَّذِينَ آَمَنُوا الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ رَاكِعُونَ * وَمَنْ يَتَوَلَّ اللَّهَ وَرَسُولَهُ وَالَّذِينَ آَمَنُوا فَإِنَّ حِزْبَ اللَّهِ هُمُ الْغَالِبُونَ﴾ [المائده: ۵۵- ۵۶]
ستاسو سرپرست او ولي یوازې الله او د هغه رسول دی. چا چې ایمان راوړی، هغوی لمونځونه کوي، زکات ورکوي او رکوع کوي. څوک چې د الله، رسول الله او مومنانو ولایت ومني، هغوی بریالي دي؛ ځکه د الله حزب بریالی دی.
د حزب التحریر-ولایه پاکستان مطبوعاتي دفتر
اسلام په دغو سیمو او نړۍ کې د ارامۍ اساس دی، نه د اندېښنې لامل!
(ژباړه)
د (۲۰۱۷م) کال د سپټمبر پر ۴ مه، د نړۍ د پنځو سترو اقتصادي قدرتونو (بریکس) له لوري د شیمن اعلامیه، د وروستۍ مسودې په توګه خپره شوه چې د کوریا په ټاپوزمه کې د روان تاوتریخوالي او اوږدمهالې هستوي لانجې په تړاو يې خپلې ژورې اندېښنې پکې څرګندې کړې دي او ټینګار يې کړی چې دغه لانجه باید د سوله ییزې او د اړوندو ښکېلو غاړو د خبرو اترو له لارې حل شي. زموږ اندېښنه او څرګندونې د دغه غبرګون پر وړاندې دا دي چې د امریکا متحده ایالتونه په دې هڅه کې دي، ترڅو سهیل او سهیل ختیځه اسیا د ګډوډۍ لور ته ټېل وهي. د تر ګواښ لاندې دولتونو د ملاتړ په موخه په سیمه کې لاسوهنه کوي او د خطرناکو دولتونو د مخنیوي لپاره د شمالي کوریا له خطر څخه د پلمې په توګه ګټه اخلي. باید پوه شو چې د شمالي کوریا پوځي ازموینې له اورلوبې پرته بل څه نه دي او د امریکا متحده ایالتونه له دې لارې غواړي خپلې سیاسي او رسنیزې موخې ترلاسه کړي. دا له حقیقت څخه لرې ده چې د شمالي کوریا کړنې دې د یو جدي ستونزې په توګه د امریکا له لوري په نظر کې ونیول شي. د همدې حقیقت پربنسټ د بریکس مشران د امریکا متحده ایالتونو له لوري په لومه کې ښکېل شوي دي، نو ځکه د بریکس هیوادونو مشران د شمالي کوریا کړنو ته د جدیت په سترګه ګوري.
د هغه څه په اړه چې په نوموړي مسوده کې څرګند شوي، زموږ اندېښنه دا ده چې دا هیوادونه د ډېرو واقعي او خیالي اسلامی حرکتونه په تړاو اندېښمن دي، چې یو له هغو څخه هم حزب التحرير دی. موږ د حزب التحریر استازي د هرې هغې ډلې تورونه ردوو په ځانکړي توګه هغه هیوادونه لکه روسیه، هندوستان او چين چې له اسلام او هم د اسلام د دویم ځل واکمنېدو سره کلکه دښمني لري. ځکه نو موږ اسلامي امت ته دا واقعیت په ډاګه کوو، باید پوه شئ چې دا دسیسه ستاسو او ستاسو د دین او همدا راز د بریکس غولول شوو خلکو پر وړاندې ده، تر څو له دې لارې واکمن حریص پانګوال خپله پانګه ډېره کړي او په واک کې پاتي شي. دوی پر خلکو ظلم او تېری کوي او خلک تېر باسي، ترڅو د اسلام اصلي څېره ور څخه پټه کړي، اسلام واکمن نه شي او خلک همداسې غلامان پاتې شي. موږ اسلامي امت او هغو خلکو ته وايو:
لومړۍ: حزب التحرير یو سیاسي حزب دی، چې مبدا (اساس) يې اسلام دی. هغه اسلام د یوه متمدن جوړښت په توګه لېږدوي. د انسان په لاس د جوړو شوو نظامونو، چې انسان ته يې له بدبختۍ پرته يې بل څه نه دي ورکړي، بدیل معرفي کوي. دا حزب له اسلامي امت څخه جوړ شوی دی او له اسلامي امت سره کار کوي، ترڅو امت د هغو لوېدیځو هیوادونو له لاسه آزاد کړي چې د دوی شتمنیو ته يې سترګې پټې کړې دي. دغه حزب له امت سره کار کوي، ترڅو اسلام د پانګوالي نظام د بې عدالتۍ پر وړاندې د یوه متمدن بدیل په توګه خپور کړي. دا حزب د الله سبحانه و تعالی له حکم سره سم، چې د بشر او خلکو لپاره راغلی دی په ځانګړي ډول د بریکس هیوادونو د بېوزلو او مظلومو خلکو لپاره، فعالیت کوي.
دویم: ترهګري یوه ځانګړې امریکايي پدیده ده چې دبریکس هېوادونو په ګډون د نورې نړۍ له لوري هم د دې لپاره کارول کېږي، چې پر اسلام برید ترسره کړي، د مخلصو دعوتګرانو څارنه وکړي او له دې لارې د هغه اسلام د بیا واکمنېدو مخنیوی وکړي، چې بشریت ته یې رحمت ورپه برخه کړی دی. اسلام د بشریت د ښېګڼو لپاره راغلی دی او د انسان په لاس جوړ شوي باطل او ناکامه نظامونه خلکو ته بربنډوي. اسلام د پانګوالي نظام، د پانګوالو او د دوی د سراښتوب څخه د خلکو واقعي ژوغورونکی دی.
درېیم: نړۍ، د سهیل او سهیل ختیځې اسیا د ناامنۍ او بې ثباتۍ شاهده ده. برعکس د اسلام د حاکمیت پر مهال دا سیمه ډېره ښېرازه وه، حتی هندوستان د نړۍ د خوراکي توکو خزانه بلل کېده او د بریتانیې امپراتورۍ ته به يې پورونه ورکول، ترڅو بریتانیه د اقتصادي ښامارانو له فساد څخه وژغوري. د وخت په تېرېدو چین هڅه وکړه چې خپل پوځ په سیمه کې وپاشي، ځکه پر وړاندې يې هېڅ بهرنی ګواښ نه و. د انسان په لاس جوړو شوو نظامونو لکه پانګوالي نظام او چینايي اشتراکیت له کبله اوس سیمه د وسلو د سیالۍ په ډګر اوښتې ده. د نوموړو سیمو خلک چې د نړۍ د نفوسو نیمايي تشکیلوي د انسان په لاس جوړو شوو نظامونو له امله یې ډېر زیان لیدلی دی. دغو نظامونو سره له ډېرو طبیعي او بشري سرچینو خلک له بېوزلۍ سره لاس او ګریوان کړي دي.
څلورم: هر څوک باید خبر وي، هغه اسلام چې حزب التحریر یې په یو پراخ مفهوم لېږدوي، د بشریت لپاره یو متمدن بدیل دی. دغه یوازینۍ لاره ده چې په مټ يې د دې سیمې خلک له لوږې او فقره ژغورل کېږي. هر عاقل کس د اسلام، د هغه د قوانینو او نظام واقعیت تاییدوي، چې د اسلام قوانین د خلکو د چارو په سرپرستۍ کې بې بېلګې دي او د خلکو لپاره ښېرازي، خیر، برکت او عدالت تامینوي. تاریخ او د دغه ګوند ثقافت چې په تفصیل سره يې په خپلو کتابونو او وېبپاڼه کې خپروي، پر دې شاهد دی.
پنځم: موږ پر اسلامي امت ږغ کوو چې د اسلام دین د ځواک لرونکو چارواکو په مټ او حزب التحرير ته په نصرت ورکولو سره واکمن کړئ؛ ترڅو نوموړی حزب د اسلام پر بنسټ د امت چارې سمبال کړي او امت یو ځل بیا د نړۍ لپاره یوه ځلانده بېلګه شي. موږ د سیمې خلکو، مفکرینو او هغو کسانو ته چې د خلکو د ښېرازۍ په لټه کې دي، بلنه ورکوو چې د اسلام متمدن دين د عقیدې او د ژوندلارې په توګه ومني او د چارواکو څخه وغواړي چې د اسلامي عقیدې او د اسلام له لارې حاکم نظام ومني، تر څو له دغه کرکجن حالت څخه ځانونه وژغوري او د دوزخ له عذابه خلاصون ومومي.
﴿قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ﴾
[آل عمران: ۶۴]
ژباړه: ووایه اې د اهل کتابو! هغه کلمې ته رجوع وکړئ چې زموږ او ستاسې ترمنځ برابره ده چې له الله سبحانه وتعالی پرته به د بل چا عبادت نه کوئ او له هغه سره به بل څوک نه شریکوئ او له الله سبحانه و تعالی پرته به بل څوک د معبود په توګه نه منئ. خو که دوی مخ وګرځوي نو ووایه چې شاهد اوسئ چې موږ مسلمانان یو.
ډاکټر عثمان بخاش
د حزب التحریر د مرکزي مطبوعاتي دفتر رییس
للشيخ رأفت نجيب (أبو محمد)
الجمعة، 24 ذو الحجة 1438هـ الموافق 15 أيلول/سبتمبر 2017م
يسر المكتب الإعلامي المركزي لحزب التحرير أن يقدم للمتابعين وزوار صفحات المكتب الإعلامي المركزي برنامجاً مرئياً جديداً بعنوان يسألنا الناس! من إعداد المكتب الإعلامي لحزب التحرير في ولاية الأردن، فكونوا معنا..
لفضيلة الشيخ عصام عميرة (أبو عبد الله)
بيت المقدس، 17 ذو الحجة 1438هـ الموافق 08 أيلول/سبتمبر 2017م
خبر:
د (۲۰۱۷م) کال د اګېسټ راهیسې د نړۍ زیاتو ځورېدلو روهینګیایي مسلمانانو پر وړاندې وروستی دولتي تاوتریخوالی تر هغه وروسته ترسره کیږي چې پر پولیسو او سرحدي پوستو د دوی په وینا غلچکي برید ترسره شو. د میانمار پوځ یو لړ منظم او بې توپیره کمپاین د روهینګیایي مسلمانانو د کلو پر وړاندې پيل کړی. د (۲۰۱۷م) کال د سپټمبر پر دویمه د رویټرز خبري اژانس د راپور له مخې کابو ۲۶۰۰ ودانۍ د میانمار په کلو کې د میانماري پوځ له لورې سوځېدلې دي. د ملګرو ملتونو د اټکل له مخې یوازې په یوه اونۍ کې نږدي ۶۰۰۰۰ روهینګیايي وګړي د ناوړه تاوتریخوالي له امله تښتېدلي او په ګاونډي هېواد بنګلهدېش کې د پنا اخیستلو په لټه کې دي.
تبصره:
د لسیزو راهیسې د میانمار پوځ له لوري پر روهینګیايي مسلمانانو دوامداره او منظمه وحشي ځورونه یوه تور پړاو ته ننوتې ده. د میانمار قصاب پوځ د راخاین بودايي ترهګر پوځ سره یې یو ځای د یاغیانو سره د مبارزې او د سیمهیيزو چاڼیزو عملیاتو تر نامه لاندې په تورو، چاړو او ټوپکونو جګړه پیل کړې ده. د روانې میاشتي سېپټمبر پر دویمه د میانمار پوځ اعلان وکړ چې نږدې ۴۰۰ مسلمانان په تېره یوه اونۍ کې وژل شوي دي. سره له دې موږ پوهیږو چې واقعي شمېره ډیره لوړه ده او نوموړې شمېره ورځ تر بلي پورته ځي. د وژل شوو کسانو وېروونکی عیني شمېر لا له وړاندې په ټولنیزو رسنیو کې د ویروس په څېر خپور شوی. د ټیلیګراف ورځپاڼې د راپور له مخې یوه ژغورل شوي کس وویل چې د میانمار پوځي سرتېرو د راخاین له بودایانو سره یو ځای ګڼ شمېر روهینګیايي نارینه د باڼس څخه جوړشوي هستوګنځې ته ولیږدول چې اوربل پکې شوی و او تر مرګه یې پکې سوځل. همدا ډول د نارینه وو سترګې یې تړلې او د خپلو کورنیو په مخ کې یې حلالول، پر ښځو او ځوانو نجونو یې ډله ییز جنسي تېري ترسره کړل. ان د نوي زېږېدلي ماشومانو پر مرۍ یې پښه اېښوده او یا یې سر له تنې بېلوه او جهیل ته یې غورځاوه. لا حول ولا قوه الا باالله. د میانمار پوځ پر هغو ملکې وګړو د هاوانونو او ماشینونو ډزې کولې چې د وینې توېدو له امله له پولې ها غاړي بنګلهدېش هیواد ته پورې وتل.
هغه مهال چې د ملګرو ملتونو سرمنشي کوفي عنان له لوري د رهبري کېدونکې ډلې له خوا یو کلن څېړنیز راپور د روهینګیا د بشري حقونو د تېریو په اړه د میانمار مشرې اونګ سن سوکي ته وړاندې شو او د میانمار حکومت یې دې ته اړ کړ چې د دولت له لوري پر دوی تپل شوي تاوتریخوالي ته د پای ټکی کیږدي، نو سمدلاسه د اګېسټ په پای کې موږ د میانمار پر پولیسو او د هغوی پر سرحدي پوستو د یوه پلان شوي ترهګریز برید شاهدان وو. له هغه راهیسې د برما پوځ وژونکي پوځي عملیاتو لړۍ ته دوام ورکړی دی. د عامه وژني د عملیاتو ستره وېرجنه برخه دا ده چې د روهینګیا ټول وګړي، د ماشومانو او مېرمنو په ګډون په ټولیز ډول د بریدونو په ګناه نیول شوي دي. سره له دې داسې کافي شواهد نشته چې بریدګر واقعي روهینګیایان وښيي، خو ټول مسلمان وګړي یې له افراطیت سره په تړاو په نښه کړل، ترڅو له دې لارې یې په بشپړ ډول د نړۍ له مخ څخه پاک کړي او لوېدیځې نړۍ په لوی لاس د دغه سترې وژنې په اړه سترګې پټې کړې دي.
د داسې ډاروونکو عامه وژنو تر منځ، موږ د بنګلهدېش د تېرایستونکې لومړۍ وزیرې حسینې د ډېر کرغېړن ځواب شاهدان یو. حسینه د دې پرځای چې د روهینګیا د تښتېدلو مسلمانو لپاره امن او پناځای برابر کړي، د بنګلهدېش سرحدي ساتونکو (BGB) ته یې امر وکړ چې دوی بېرته د بنګال خلیج ته وشړي. حقیقت دا دی چې دوه مخي لا تر دې دمه پای ته نه ده رسېدلې. حسینه د دوه مخې مشرې په توګه د میانمار د عاموژنې پوځ ته چې زموږ وروڼه او خویندي حلالوي، د ترهګرۍ پر وړاندې د ګډو عملیاتو وړاندیز کوي. د (۲۰۱۷م) کال د اګېسټ پر ۲۸ مه د بنګلهدېش لومړۍ وزیرې په داکا کې د میانمار سفارت ته رسمي وړاندیز ولېږه چې د میانمار له پوځ سره یو ځای د بنګلهدېش له لوري د اسلامي افراطیت تر نامه لاندې پکې د ګډې جګړیزي مرستې څرګندونه شوې وه. د حسیني حکومت د میانمار د امنیت په اړه اندېښمن دی، خو د میانمار د ۱،۱ میلیونه روهینګیایي مسلمانانو بد او وېرجن حالت ته، چې د تېرو څو ورځو راهیسې د مخ پر زیاتېدونکې ناورین شاهدان دي، هيڅ پاملرنه نه کوي. د ملي دولت د واکمنانو رول د پاتې پیاوړې اسلامي نړۍ لپاره د بشپړ خیانت څخه بل څه کېدای شي؟ ټول هغه څه چې دوی یې نن ورځ ترسره کوي بل هیڅ نه دي؛ یوازې تش په نامه خدمتونه دي.
که څه هم، حسینې په بې شرمۍ امر وکړ چې له روهینګیا څخه تښتېدلي ملکي کلیوال باید بېرته وشړل شي، چې په بېوزلۍ کې ژوند کوي. خو نوموړو کلیوالو د خپلو نورو وروڼو او خویندو د مرستې په موخه د خوړو، اوبو او د ژوند د نورو مادي اړتیاوو د پوره کولو لپاره لاس اوږد کړی. (ډېلي سټار، د اګسټ ۲۷مه)
ان په وروستیو څو ورځو کې د بنګلهدېش سرحدي ساتونکو د حکومت له امر څخه سرغړونه کړې او روهینګیايی وګړو ته یې سیمې ته د راتګ اجازه ورکړې. دا په دې مانا ده چې د امت احساسات د اوسنیو واکمنانو د ارزوګانو پر خلاف راپورته شوي. د بېلګې په ډول، په امت کې د ورورولۍ احساسات تر هغو مصنوعي اندونو څخه مخ پر وړاندې ځي چې د ملي دولت د مشرانو له لوري موږ ته را کول کیږي.
په روهینګیا کې کړکېچ یو ځل بیا موږ ته دا رایادوي چې اوس هغه وخت رارسېدلی، چې له ناقانونه واکمنانو لکه له حسینې څخه باید ځانونه خلاص کړو، چې د ناوړو لوېدیځوالو ځواکونو له لوري پر موږ تپل شوې. حسینه د استعمار شوو اسلامي خاورو د نورو سیالانو په څېر غواړي چې د ملي دولت ساتنه په داسې چل وکړي چې د خپلو ښکېلاکګرو بادارانو له لوري ورته بلنه شوې وي. هغه وخت رسول الله صلی الله علیه وسلم موږ ته یادونه کړې چې د یوه امت احساسات باید په داسې توګه خپل کړو چې تر مصنوعي پولو ورواړو. هغه فرمايي:
«المُسْلِمُ أَخُو المُسْلِمِ، لاَ يَظْلِمُهُ وَلاَ يُسْلِمُهُ»
(بخاري)
یو مسلمان د بل مسلمان ورور دی، نه به ظلم پرې کوي او نه به يې ظالم ته سپاري.
حسینه له موږ څخه نشنلېستي او ملي احساسات غواړي چې دا احساسات په اسلام کې حرام دي. خو دغه سپېڅلي امت یو ځل بیا ثابته کړه چې د دوی احساسات او انګېرنې د حسینې د کړنو او د هغو پوځي سرتېرو پر خلاف دي، چې حسینه يې د ملګرو ملتونو د سوله ساتي ماموریت لپاره له کافرانو سره یوځای لېږي. خو حسینه نه شي کولی چې د میانمار د فتح کولو لپاره یو پیاوړۍ پوځ ولیږي، ترڅو ګاونډيو مسلمانانو ته له کړکیچ څخه د خلاصون په موخه دایمي امن راوړي. اوس د مخلص پوځ لپاره د ازموینې وخت راغلی. دوی باید له الله او د روهینګیا مظلومو خلکو له ښېرا څخه و وېریږي. راوړاندي شئ د خپلو هغو وروڼو او خویندو د مرستې لپاره چې په سپینه ورځ حلالیږي. د مادي ملاتړ په مرسته د ملي دولت باطل جوړښت له منځه یوسئ او هغه رښتینی خلافت بیا تاسیس کړئ، چې تل د مسلمانانو د عزت دفاع کوي او په بنسټیز ډول جغرافیايي پولې او سرحدونه له منځه وړي.
د حزب التحریر د مرکزي مطبوعاتي دفتر لپاره
لیکوال: عماد الدین امین
د حزب التحریر- ولایه بنګلهدېش د مطبوعاتي دفتر غړی
﴿وَيَقُولُونَ مَتَى هُوَ قُلْ عَسَى أَن يَكُونَ قَرِيبًا﴾
[الاسراء: ۵۱]
د روهینګیا زرګونه مسلمانان د میانمار د ظالم پوځ له وروستیو مرګونو حملو څخه په داسې حال کې وتښتېدل چې نه سرپناه لري، نه خوندي دي او نه خوراکي توکي او اوبه. رپوټونه وایي چې یو میلیون مسلمانانو کوښښ کړی، چې نږدې هېواد بنګله دېش ته وتښتي، خو د بنګله دېش د بې نظمه مليپالو پالیسیانو او دروغو تورونو له امله د بنکله دېش د لومړۍ وزېرې شیخ حسینې- خدای دې دا ووهي- له خوا رد شوي. دوی یې د مرګ او شکنجې تر منځ د سیند پر غاړه پرېښي، یا به سختې شکنجې په تکراري بڼه تېروي یا به لرې پرتو غرونو ته تښتي. په داسې حال کې چې په اراکان کې زموږ د وروڼو او خویندو د ټولوژنې پر وړاندې اسلامي هېوادونه په ځانګړي ډول اندونیزیا، مالیزیا او پاکستان چوپ دي.
له دې هر څه سره سره موږ باید یو ځل بیا په روهینګیا کې زموږ د مسلمانو وروڼو او خویندو د بریا او ملاتړ لپاره ودرېږو. د بودایانو تر ظلم لاندې د دوی وضعیت په فلسطین کې د مسلمانانو له وضعیت او د سپېڅلي مسجد الاقصا له وضعیت سره، چې د یهودو تر جګړې لاندې دی، توپير نه لري. هر یو له اسلامي امت او له لښکرو يې مرسته غواړي، چې راشده خلافت تاسیس کړي او له بې رحمه کفارو ازاد شي.
اوس یې وخت دی چې له اسلامي امته د روبیضه (احمقو) حکامو رېښې وباسو او پر ځای یې د مخلص او پرهېزګار راشد خلیفه مخلصه رهبري راولو، چې د نبوت پر منهج د الله سبحانه و تعالی شریعت پلی کوي.
﴿وَيَقُولُونَ مَتَى هُوَ قُلْ عَسَى أَن يَكُونَ قَرِيبًا﴾
[الاسراء: ۵۱]
هغوی به په سر خوځولو پوښتنه وکړي: «ښه نو دا به کله وي؟» ورته ووایه: « ولې حیرانېږئ؟ هغه وخت نېږدې دی.»
نړیوال کمپاین
مرکزي مطبوعاتي دفتر، د ښځو څانګه
