پنجشنبه, ۱۲ ربیع الاول ۱۴۴۲هـ| ۲۰۲۰/۱۰/۲۹م
ساعت: مدینه منوره
Menu
القائمة الرئيسية
القائمة الرئيسية

د پاکستان د اقتصاد زړه (کراچۍ) د الله سبحانه وتعالی د حکم خلاف د حریصو پانګوالو لاس ته لوېدلې ده

د کرونا ویروس له خپرېدو سره، د پاکستان د اقتصاد زړه (کراچۍ) د برېښنا سکټور له ماتې سره مخ کړی دی. کله چې په اوړي کې ګرمي اوج ته رسېږي، K-Electric د برېښنا په رسولو کې پاتې راځي، چې د ډېر فشار له امله د خلکو ملاتړ له لاسه ورکوي. په ۲۰۰۵م کې، د دې لپاره خصوصي سکټور ته وسپارل شو چې K-Electric ته وده ورکړل شي او د دولت له اوږو بار سپک کړي. پنځلس کاله وروسته K-Electric په داسې حال کې چې خلک ډېر زورور دي، د حریصو پانګوالو د مالکینو لپاره پیسې راټيټوي. K-Electric یوازې په تېرو اتو کلونو کې ۱۲۶ميلیارده روپۍ عاید تر لاسه کړي دي، خو له خپل مالي ځواک سربېره K-Electric د خالصو تېلو څخه د برېښنا تولید بندوي، تر څو د ملي برېښنا څخه د ارزانه برېښنا په پېرلو سره د ګټې اندازه لوړه کړي. K-Electric لومړی برېښنا پرې کوي، چې د خلکو چیغې پورته شي، تر څو فدرالي حکومت د عامه فشار له عذر څخه په ګټه اخیستلو سره له ملي طناب څخه اکمالات وکړي. سربېره پر دې فدرالي حکومت کوټې ته د ګاز اضافي اړتیاوې چمتو کوي، تر څو K-Electric وکولای شي له ګاز څخه برېښنا تولید کړي. لکه څنګه چې ښکاري دا کافي نه ده، دوی غواړي د ګټو اندازه لوړه کړي، ناورین د عذر په توګه کاروي، حکومت د K-Electric په غوښتنې سره د برېښنا نرخ لوړوي. د ۲۰۲۰م، د جولای په ۴مه د برېښنا نرخونه ۲۲.۵٪ لوړ شوي دي.

برېښنا، تېل او ګاز د هر اقتصاد د ملا تير ګڼل کېږي. په داسې حال کې چې لږ او ډېر لګښتونه یې د فلج کېدو لامل هم کېږي. دا روښانه ده چې د برېښنا، تېلو او ګازو خصوصي کول د حریصو پانګوالو له لوري د پيسو مینځلو ته لاره هواروي او دا مصنوعي نمیګړتیاوې رامنځته کوي، نرخونه لوړوي، د خلکو په ډېر لګښت کې ګټه کوي. دغه راز پانګوال اقتصادي نظام د برېښنا، تېلو او ګازو خصوصي کولو ته اجازه ورکوي، په داسې حال کې چې د ډيموکراسۍ واکمنان د قانون جوړونې قدرت لري، تر څو خصوصي مالکینو ته اسانتیاوې برابرې کړي. په دې وروستیو کې د تېلو په سکټور کې هم ورته کړکېچ رامنځته شو، چې د تېلو بازارموندنې شرکتونو په ټيټو نرخونو د خپلو محصولاتو له پلورلو څخه انکار وکړ او نیمګړتیاوې یې رامنځ ته کړې. کله چې نرخونه لوړ شول، د پټرولو محصولات په فوري توګه د لاسرسي وړ وګرځېدل.

د پاکستان مسلمانان به یوازې هغه وخت له کمزورې برېښنا او د نرخونو له لوړوالي خلاص شي، چې د الله سبحانه وتعالی قانون پلی شي. د نبوت پر منهج د خلافت دولت به د برېښنا تولید او توزیع نه خصوصي کوي، ځکه چې اسلام یې د عامه ملکیت په توګه اعلانوي او دولت یې باید پخپله نظارت وکړي. رسول الله صلی الله علیه وسلم فرمايي:

«الْمُسْلِمُونَ شُرَكَاءُ فِي ثَلَاثٍ الْمَاءِ وَالْكَلَإِ وَالنَّارِ»[رواه: احمد]

ژباړه: مسلمانان په دریو شیانو کې شریک دي، اوبه، څرځایونه او اور انرژي.

یوازې د خلافت تر چتر لاندې به مسلمانانو ته په ارزانه بیه د بې پایه برېښنا اکمالات ورکړل شي، ځکه چې دولت به د عامه ملکیت د مسوول سرپرست په توګه عمل کوي.

د حزب التحریرـ ولایه پاکستان مطبوعاتي دفتر

 

د مطلب ادامه...

چین په اشغال شوي ختیځ (ترکستان) کې د ایغور مسلمانې ښځې په زور شنډوي

خبر

د سینکیانګ ایالت رسمي اسناد ښیي، چې د چین دولت غواړي په ایغور کې په زرګونه ښځې شنډې کړي. خو په (امریکایي بهرنۍ پالیسي) مجله کې یوازې د چین له خوا د ایغوریانو پر وړاندې له نژادي تبعیض څخه یادونه شوې وه. په یاد مطلب کې راغلي چې په ۲۰۱۹م کې د کوتان په سینکیانګ ایالت او همسایه هېواد جومه کې د دغه کار لپاره  کورنیو ته بودیجه پلان شوې وه، په دغو دواړو محلونو کې د ایغور مسلمان وګړي اوسيږي. د هغو معلوماتو پر اساس چې ژورنالېست له یادو اسنادو څخه راایستلي دي، چې د دغه هېواد چارواکو په یاد مرکز کې د زرګونو  او په ولایت کې څه د پاسه ۸ زرو ښځو د شنډولو لپاره پیسې راټولې کړي دي او  همدارنګه ۵،۹ زرو لپاره یې د رحم بندوالی تر سره کړی دی.

دغه راز په راپور کې راغلي چې په منځنۍ کچه په تېر یوه کال کې د شڼډولو کچه د تېرو شلو کلونو په پرتله لوړه وه.  FP لیکلي و چې دغه پالیسي په ځانګړي ډول په هغو سیمو کې عملي شوه چې هلته ایغوري خلک اوسېږي. په ۲۰۱۸م کې د چین په سینکیانګ ایالت کې د اُمېندوارۍ د مخنیوي الو کارولو لپاره خلک اړ شوي وو. د دغو سیمو نفوس د ټول چین ۱،۸سلنه جوړوي. د امریکا د بهرنیو چارو وزیر مایک پمپیو په دې هکله وویل: «موږ د چین له کمونیستي ګوند څخه جدي غوښتنه کوو چې دغه وحشتناک تمرینونه ژر تر ژره ودروي او له ټولو هېوادونو غوښتنه کوو، چې له امریکا سره یو ځای شي، تر څو د دغه بشري ناورین مخنیوی وکړو.»

تبصره

د جون په ۱۷ مه ټرمپ داسې یو قانون امضا کړ چې له مخې به یې هغه چینایان چې د ایغور د خلکو د حقونو پروړاندې مجرم دي قانون ته سپارل کېږي. امریکا پر هغو اشخاصو او سازمانونو محدودیتونه ولګول چې هغوی د ایغوریانو پروړاندې په ظلم کولو تورن دي. خو دا محدودیتونه کولای شي چې امریکا ته د پانګو راتلل هم له خنډ سره مخ کړي. په ۲۰۱۹م کې واشنګټن په ۲۸ چینایي ادارو مالي محدودیتونه ولګول، چې په یادو ادارو کې داسې ادارې هم وې چې د ایغوریانو پروړاندې په ظلم کولو کې یې لاس درلود. په هغه وخت کې محدودیتونه پر صادراتو او د هغوی پر وارد کړل شویو کالیو باندې وو، ترڅو یې بېرته ور رد کړي.

سربېره پردې د جولای په لومړۍ د امریکا ګمرک او د پولې کنټرول خدمتونو ادارې د ۱۳ټنو په کچه تجارتي کالي او نور مصنوعي مواد ودرول. یاد ساتئ چې دغه مواد د سینکیانګ ایالت د کاري ځواک په لاس تولید شوي وو. اکسیوس ښیي چې یادې پېښې په امریکا کې د دوی د سرچینو اړیکې یو له بل سره په ډاګه کوي. د دغو معلوماتو له مخې د دغو کشتیو قېمت ۸سوره زره ډالر اټکل شوی و. پخوا د امریکا د بندرونو سرحدي او کنټرول خدمتونو او همدارنګه ګمرکاتو ادرې، خبر داری ورکړی و، چې دوی به هر هغه شی بند کړي چې امریکا ته د سینکیانګ له خوا راواردېږي.

په دې وروستیو کې نیویارک ټایمز راپور ورکړی و، چې له ایغور څخه په زور ایستل شوي ایغوریان له نړیوالې جنایي محکمې څخه غواړي چې د چین پر وړاندې خپلې څېړنې پیل کړي، ځکه چین د بشر نسل وژنه پیل کړې او د لویو جرمونو مسوول دی.

 دلته د ډېرو کړنو تر شا مستقیم د امریکا لاس دی او پر چین د دې لپاره فشار راوړي، چې پر ایغوریانو جنایت تر سره کړي. د ایغوریانو په ګډون ځینې مسلمانان د امریکا خبرو او کړنو ته ډېر اهمیت ورکوي او امریکا ته د یوازیني ملاتړ کوونکي هېواد په سترګه ګوري.

څېړونکي وایي چې ټرمپ د ایغور پر مسلمانانو باندې له ظلم څخه یوازې د چین پر وړاندې په تجارتي جګړه کې ګټه اخلي او د معلوماتو پر اساس امریکا ټولې کړنې یوازې د خپلو ګټو د خوندي کولو لپاره ترسره کوي. امریکا په هېڅ وجه یاد بندیزونه د دې لپاره نه لګوي چې دوی د زړه له کومي د مسلمانانو پر وړاندې له ظلم څخه ملاتړ کوي. د دغو ټولو خبرو ثبوت په دې وروستیو کې د امریکایي چینل سي اېن اېن په راپور او د ټرامپ سلاکار جان بولټن په کتاب (هغه اطاق چېرته چې دا ټول واقع شول) کې په ډاګه شول.

بولټن یادې قضیې ته داسې اشاره وکړه: د ۲۰۱۹م د جون په میاش په اوساکا کې د جي۲۰ د ناستې په شپه ،چې یوازې د هېوادونو مشران او ژباړونکي پکې وو، ټرمپ د چین د کمونیست ګوند د مرکزي کمېتې مشر شي جین پینګ، چې د دغو ظلمونو لپاره یې زندانونه جوړ کړي و تشویق کړ. ټرمپ نوموړي ته وویل، چې ته همدغو کارونو ته دوام ورکړه، ځکه ستاسو همدا تګلاره سمه ده. د بولټن په خبره؛ Matthew Pottinger (متیو پوټینجر) د اسیا د ملي امنیت شورای پلاوی دی. هغه راته وویل چې ټرمپ داسې خبرې وکړې لکه څنګه یې چې په ۲۰۱۷م کې چین ته په سفر کې ویلي و.  همدارنګه بولټن لیکلي، چې ټرمپ د دواړو هېوادونو تر منځ د تجارتي اړیکو د بیا پیلولو لپاره د ګام اخیستلو لپاره له ځواب ورکولو څخه ډډه وکړه.

د حزب التحریر مرکزي مطبوعاتي دفتر ته

لیکوال: محمد منصور

 

د مطلب ادامه...

خلک له کرونا او فقره مري، د افغانستان حکومت د دوی له کفنه غلا کوي! Featured

څو څېړنیز راپورونه ښيي چې د افغانستان دولتي چارواکو له کرونا سره په مبارزه او له بېوزلو خلکو سره په مرسته کې میلیونونه ډالر غلا کړي دي. څېړنیز راپورونه وايي چې دغو چارواکو د خلکو له وچې ډوډۍ ۸۰۰ میلیونه افغانۍ غلا کړې دي. طبي وسایل او توکي یې د بازار له بیې څو برابره لوړ حسابلي او میلیونونه ډالر یې خپلو جیبو ته اچولي دي. که څه هم د افغانستان فاسد دولت هڅه کوي چې د دې موضوع د څېړنې لپاره د پرلپسې کمیسیونو په جوړولو د خلکو احساسات مړه کړي؛ خو دولت هېره کړې چې د فساد غر یې دومره اوچت شوی، چې په څو ګوتو نه پټېږي.

په واقعیت کې په افغانستان کې فساد د شعارونو، ادارو، کمیسیونونو او قوانینو د جوړولو پر خلاف ورځ تر بلي ژور کېږي. دولت ادعا کوي چې فساد یې کم کړی دی؛ خو واقعیت دا دی چې فساد کم شوی نه دی، بلکې بڼه یې بدله شوې. دولت د اصلاحاتو او سیستم‌جوړونې په نامه د مفسدینو او له غرب څخه د راغلو کسانو نوی نسل، پر لوړو پوسټونو ګومارلی دی او له امله يې فساد ژورې رېښې موندلې دي او څو برابره زیات شوی دی.

فساد د پانګوالي-ډیموکراسي نظامونو نه بېلېدونکې برخه ده او د پای ته رسولو مسئله یې هم د خلکو له ژونده د دغو نظامو د ټغر په ټولېدو پورې تړلې ده. د څېرو بدلون، کمیسیونونه او ادارې جوړول او د قوانینو تصویب یوازې پر ټيټ رتبه او تر لاس لاندې کسانو د فساد لارې بندوي؛ خو چارواکي په بې‌غمه زړه فساد کوي او د قانون او عدلي بنسټونو له سترګو پټېږي. نو د هغه نظام په وسیله د فساد له منځه وړل ناشوني دي، چې خپله د اشغال، فساد او درغلۍ له لارې پر خلکو تپل شوی وي او مفسدین د همدغه نظام زېږنده دي.

یوازینۍ لاره چې د فساد جرړې ایستلی او ټولنه د فساد او مافیا له منګولو ژغورلی شي، د یوه عادل اسلامي دولت په اډانه کې د اسلامي ارزښتونو او افکارو پلي کول دي؛ ځکه اسلام متقي او پرهېزګاره رهبران او شخصیتونه روزي، چې هغو ته تر دنیا آخرت ډېر اهمیت لري او څوک چې آخرت ته ترجیح ورکړي، فساد نه کوي. هغوی سرچینې او امکانات پر مستحقو کسانو وېشي، ناروغانو ته د خپلو کورنیو د غړو غوندې رسېدنه کوي او حاکمیت مسوولیت ګڼي، نه د مال ګټلو وسیله.

د حزب‌التحریر - ولایه افغانستان مطبوعاتي دفتر

د مطلب ادامه...

په کوم دریځ کې چې تاسو له خلکو څخه د اخلاقي انحراف پر وړاندې د درېدو غوښتنه لرئ، حال دا چې خپله مو رامنځته کړی؛ دا له اخلاصه ليرې ښکاري! Featured

  • خپور شوی په ترکیه

ولسمشر اردوغان تېره دوشنبه د جون په ۲۹مه د همجنسپالو په اړه په یوه وینا کې وویل: «دوی زموږ پر دیني او اخلاقي ارزښتونو په کلکه بريدونه کوي، چې موخه یې د ځوانانو د مغزونو زهري کول دي او هغه څوک چې د دوی ملاتړ کوي، زموږ په نظر د همدغه انحراف ملګري دي. زه له خپلو خلکو څخه غواړم چې د داسې انحرافاتو پر وړاندې ودرېږي، چې الله سبحانه وتعالی موږ ترې منع کړي یو.»

دې وینا ته په پام سره، داسې برېښي چې د جمهوري ریاست ولسمشر خپل اجرایوي دریځ هېر کړی دی او خپل مسوولیت یې خلکو ته سپارلی دی! پر دې سربېره د حاکم دولت وروستی معاصر سیاسي تاریخ د دې شاهد دی چې ټولو نارواوو، فساد او انحرافاتو ته یې اجازه ورکړې ده، چې ټولو فاسدو افکارو ته یې لاره هواره کړې ده او د ټولنیزو ارزښتونو د پټېدلو لامل شوی دی، اړیکې یې کمزورې کړې او یووالي ته یې زیان رسولی دی! همدا ولسمشر اردوغان و چې خلکو ته یې ویل «د یوې رایې مانا یوه رایه ده» او په همدغه منطق سره یې د ټاکنو په دروازو کې غربې هېوادونه ملاتړ ته وهڅول او ویې ویل «د همجنسپالو د حقونو او شخصي ازادیو په چوکاټ کې باید د دوی لپاره تضمین وي.» هر کال پر جنسي انحراف ککړ خلک لارو او کوڅو ته راوځي او د خپلو حقوقو غوښتنه کوي، چې د عدالت او پراختیا ګوند (AKP) د واکمنۍ پر مهال د استانبول کنوانسیون چې د ټولو جنسي انحرافاتو دفاع کوي، په ۲۰۱۱م کال کې لاسلیک شو! که اړینه وای چې د همجنسپالو او د هغوی د سازمانونو پر وړاندې دریځ ونیول شي، بیا نو لازمه ده چې واکمن ګوند او اردوغان دا کار وکړي، ځکه چې دا د اجرایه قوې په چوکاټ کې تر سره کېږي، چې له مخې یې قانون پلی کېږي.

اې واکمنانو!

تاسو څنګه تمه کوئ چې خلک باید د دغو انحرافاتو پر وړاندې ودرېږي، په داسې حال کې چې تاسو د دوی قانوني ملاتړ کوئ؟ دا څه حماقت دی، دا څنګه مخالفت دی؟ دولت قانون پلی کولای شي، تر څو خپل خلک د بدو اعمالو او ناوړه کارونو څخه وساتي، هغه چا ته سزا ورکړي چې له قانون څخه سرغړونه کوي، ټولنیز نظم تضمینوي، کوم شی چې ټولنې ته زیان رسوي هغه ته د پای ټکی ږدي، خپل خلک له هر ډول کړو وړو او افکارو څخه ژغوري. نو له همدې امله، له ناوړه کړو وړو څخه د خلکو ساتنه د دولت لومړیتوب بلل کېږي، نو دا خلکو ته څنګه ویلی شئ چې «مهرباني وکړئ ځانونه له ناوړه کارونو څخه وساتئ» پرته له دې چې دولت کوم کار وکړي!؟ که دولت د خلکو ساتنه ونه کړي، نو خلک به څنګه له ناوړه کړو وړو څخه ځانونه وساتلی شي؟

د جمهوري ریاست ولسمشره! ستا لپاره: که په دې باور یاست چې همجنسپالنه، جرم او فحشا ده او د ټولنې له ارزښتونو سره سمون نه لري، نو هغه څوک چې باید د دې پر وړاندې لومړی دریځ غوره کړي هغه دولت دی. نو مخکې له دې چې ډېر ناوخته شي، تاسو باید اقدام وکړئ چې د همجنسپالنې ټولنې بندې کړئ او د دوی فعالیتونو ته د پای ټکی کېږدئ. تاسو باید د دولت مشر په توګه د همجنسپالنې ستاینې، ملاتړ، بښنې او د هغې د مشروعیت لپاره د زنګ وهلو مخنیوی وکړئ، هغه څوک چې دا کار تر سره کوي سخت یې مجازات کړئ. تاسو باید ټول هغه قوانین لغوه کړئ چې د همجنسپالنې د ساتنې تضمین کوي، لومړی یې د استانبول کنوانیسون دی چې باید تجزیه یې کړئ، بیا یوازې تاسو ویلای شئ: «موږ هغه څه تر سره کړي دي، چې موږ یې کولای شو او اوس ستاسو وار دی!» په هر صورت، وړاندې له دې چې دریځ غوره کړئ، له خلکو څخه غوښتنه کول په خپله منافقت دی او دا د ایماندارۍ او صداقت نشتوالی دی!

په پای کې موږ تاسو ته وایو چې اې مسلمانانو! د ناوړه اعمالو او ناوړه کارونو اصل دا کافر، سیکولر، ډموکراټيک نظام دی او دا منکر به تر هغه پورې دوام مومي او په ټولنه کې به د ساري ناورغیو په څېر خپرېږي، تر څو چې دغه نظام موجود وي!

د حزب التحریرـ ولایه ترکیې مطبوعاتي دفتر

 

د مطلب ادامه...

د حلال او حرام د قاعدې افراطي ویلو په اړه

  • خپور شوی په سیاسي

لومړی اړتیا ده چې یوه مهم مطلب ته اشاره وکړو. کله چې د حلال او حرام په تړاو خبرې کېږي، موږ د یوې انساني طرحې په تړاو چې د رد او منلو وړ تیا لري، خبرې نه کوو، ځکه حلال هغه څه دي چې الله سبحانه وتعالی هغه حلال کړي او حرام بیا هغه څه دي چې الله سبحانه وتعالی حرام کړي دي... حلال او حرام یوه وړاندې شوې انساني طرحه نه ده.

رسول الله صلی الله علیه وسلم داسې فرمایي:

«الْحَلَالُ مَا أَحَلَّ اللَّهُ فِي كِتَابِهِ، وَالْحَرَامُ مَا حَرَّمَ اللَّهُ فِي كِتَابِهِ»

حلال هغه څه دي چې الله سبحانه وتعالی پخپل کتاب کې حلال بللي دي او حرام هم داسې څه دي چې الله سبحانه وتعالی پخپل کتاب کې حرام کړي دي.

او همدارنګه رسول الله صلی الله علیه وسلم فرمایي:

«إِنَّ الْحَلَالَ بَيِّنٌ وَالْحَرَامَ بَيِّنٌ»

ژباړه: حلال او حرام واضح او مشخص دي.

حلال هغه څه دي چې الله سبحانه وتعالی د هغه ترسره کولو ته اجازه ورکړې او پر هغه عمل هېڅ مجازات نه لري. حرام بیا هغه څه دي چې الله سبحانه وتعالی د هغه ترسره کول حرام او منع کړي دي. مرتکب ته یې په دنیا او اخرت کې جزا ورکول کېږي.

حلال او حرام د مسلمانانو په ژوند کې د اعمالو د سنجش مقیاس او د یوې فرقې او ډلې ځانګړنه نه ده. په دې مانا چې حلال او حرام د الله سبحانه وتعالی له اوامرو او نواهیو څخه عبارت دي. څنګه چې ویل شوي، حلال ترسره کېږي او له حرام څخه ډډه کېږي. هغه څه چې له دې دایرې وتلي نه دي، د بدلون وړ نه وي او د منفعت پر اساس د هغه په اړه حکم نه کېږي؛ بلکې په دې اړه یوازې شریعت دی چې حکم فرمان دی او بس. الله سبحانه وتعالی فرمایي:

﴿وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا﴾ (الاحزاب: 36)

ژباړه: هېڅ نر او ښځه دا حق نه لري، کله چې الله سبحانه وتعالی او د هغه پیغمبر صلی الله علیه وسلم امر لازم وبولي او دوی نافرماني وکړي.که هر څوک نافرماني وکړي، په ښګاره لارورکۍ او ګمراهۍ کې راګیر شوی دی.

د څیزونو په تړاو د ټولو شرعي دلیلونو په څېړنې سره قاعده دا ده چې په څیزونو کې اصل، تر هغه چې د حراموالي د ښکاره کېدو لپاره یې دلیل پیدا نه شي، هغه اباحت دی او دا چې په کړنو او افعالو کې اصل په شرعي حکم پورې مقید دی، نو پر همدغه اساس موږ د کوم فعل او کړنې په تړاو د الله سبحانه وتعالی له شرعي حکم پرته تصمم نه شو نیولی.

که یو مسلمان د کوم څه لپاره شرعي حکم نه شي پیدا کولی، دا د اجتهاد او شرعي احکامو په تړاو د هغه د نه پوهېدو پایله ده. په دې مانا چې داسې حالت هېڅ وخت په شرعي دلیلونو کې نقض نه دی. الله سبحانه وتعالی ښه ښکاره د اسلام د بشپړوالي او ټولشموالي په تړاو د قیامت تر ورځې هر ډول حکم ته چې انسان اړتیا ولري، داسې فرمایلي دي:

﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا﴾ (المایده: 3)

ژباړه: نن ورځ مې ستاسو دین بشپړ کړ او خپل نعمت مې پر تاسو تمام کړ او همدارنګه اسلام مې ستاسو د دین په توګه ومانه.

او همدارنګه الله سبحانه وتعالی فرمایلي دي:

﴿وَنَزَّلْنَا عَلَيْكَ الْكِتَابَ تِبْيَاناً لِكُلِّ شَيْءٍ﴾

ژباړه: ما پر تا دغه کتاب نازل کړ چې د هر څه بیانوونکی دی.

همدارنګه د مسلمان لپاره دا حرامه ده چې له کوم شرعي دلیل پرته کوم څیز او یا فعل حرام او حلال وبولي. الله سبحانه وتعالی فرمایي:

﴿وَلَا تَقُولُوا لِمَا تَصِفُ أَلْسِنَتُكُمْ الْكَذِبَ هَذَا حَلَالٌ وَهَذَا حَرَامٌ لِتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لاَ يُفْلِحُونَ﴾ (النحل: 116)

ژباړه: د هغو درواغو له امله چې تاسو یې په ژبه وایئ (یو څه حلال او بل حراموئ)، مه وایئ چې دا حلال او دا حرام دي، څو په الله سبحانه وتعالی پورې درواغ وتړئ. په رښتیا هغه کسان چې په الله پورې درواغ تړي، هغوی به بریالي نه شي.

پر همدغه اساس، حلالو او حرامو ته ژمن پاتې کېدل اعتدال او استقامت دی او له حلالو څخه ډډ او د حرامو ترسره کول عین افراطیت او انحراف دی.

الله سبحانه وتعالی فرمایي:

﴿فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا إِنَّهُ بِمَا تَعْمَلُونَ بَصِيرٌ﴾ (هود: 112)

ژباړه: کله چې تاسو فرمان تر لاسه کړی، استقامت وکړئ او همدارنګه کوم کسان چې له تا سره الله سبحانه وتعالی ته راغلي، (استقامت کوونکي) او طغیان مه کوئ، ځکه الله سبحانه وتعالی هغه څه ویني چې تاسو یې ترسره کوئ.

همدارنګه الله سبحانه وتعالی فرمایي:

﴿هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا وَمَا يَذَّكَّرُ إِلَّا أُولُو الْأَلْبَابِ﴾ [عمران: ۷]

ژباړه: هغه داسې کس دی چې پر تا یې دا کتاب نازل کړ، څنګه چې ایاتونه یې محکم او ښکاره دي او د دغه کتاب اساس تشکیلوي.  دغه کتاب ته په مراجعې سره په ایاتونو کې هر ډول پېچلتیا لېرې کېږي. په یوه برخه کې ورته ده [هغه ایاتونه چې د مطلب کچې د لوړېدو او نورو اړخونو لپاره په لومړي لیدلوري کې مختلف اټکلونه پکې رامنځته کېږي، خو محکمو ایاتونو ته په کتو د هغه تفسیر ښکاره کېږي.] هغه کسان چې په زړونو کې یې انحراف دی، د مشابهاتو په لټه کې دي، یا فتنه اچونه کوي (یعنې خلک لارورکي کړي) او د هغوی لپاره ناسم تفسیر غواړي. په داسې حال کې چې د هغو په تفسیر کې له الله سبحانه وتعالی او له راسخانو پرته بل څوک نه پوهېږي. هغه کسان چې د علم په رڼا کې د قرانکریم د ټولو ایاتونو د غوره درک او فهم په لټه کې دي وایي: موږ پر ټولو ایمان راوړی او ټول د الله سبحانه وتعالی له لوري دي.» د عقل له څښتنو پرته نه ذکر کېږي او دا حقیقت نه درکوي.

رسول الله صلی الله علیه وسلم هم فرمایي:

«إِنَّ الْحَلَالَ بَيِّنٌ وَإِنَّ الْحَرَامَ بَيِّنٌ، وَبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ مِنْ النَّاسِ، فَمَنْ اتَّقَى الشُّبُهَاتِ اسْتَبْرَأَ لِدِينِهِ وَعِرْضِهِ، وَمَنْ وَقَعَ فِي الشُّبُهَاتِ وَقَعَ فِي الْحَرَامِ، كَالرَّاعِي يَرْعَى حَوْلَ الْحِمَى يُوشِكُ أَنْ يَرْتَعَ فِيهِ، أَلَا وَإِنَّ لِكُلِّ مَلِكٍ حِمًى، أَلَا وَإِنَّ حِمَى اللَّهِ مَحَارِمُهُ، أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ» (رواه البخاری و مسلم)

ژباړه: حلال اوحرام ښکاره دي او تر منځ یې دوې چارې متشابهات دي چې ډېری خلک نه پرې پوهېږي. نو که یو کس له شبهاتو ځان لېرې وساتي، دین او ابرو یې ساتلې ده او که یو څوک په شبهاتو کې ولوېد، په حرامو کې لوېدلی. د بېلګې په توګه: له یو شپون چې په منع شوې سیمه کې مالونه څروي او نېږدې ده چې هلته یې وڅروي. پوه اوسئ چې د هر پادشاه لپاره سیمه ممنوعه ده او د الله سبحانه وتعالی له لوري منع شوې سیمه هغه څه دي چې حرام کړي یې دي. پوه شئ چې هغه د غوښې د یوې ټوتې په څېر ده، که په لاس کې وي، ټول جسد په لاس کې وي او که فاسد شي، ټول جسد فاسدېږي؛ پوه شئ چې هغه زړه دی.

حلالو او حرامو ته ژمن پاتې کېدل پر رسول الله صلی الله علیه وسلم اقتدا ده. د حزب التحریر لپاره د ویاړ ځای دی چې حلالو او حرامو ته ژمن پاتې کېدل یې د عملونو مقیاس کړی او تر ټول غوره قاعده یې رامنځته کړې چې پر بنسټ یې دولت تاسیس او ټولنه رامنځته کړي. نو پر همدغه اساس، حلالو او حلامو ته افراطي ویل زموږ لپاره تر ټولو حیرانوونکې ده.

حزب التحریر د حلالو او حرامو قاعده اصل کړې ده. هغه کسان چې په تاریخ کې له تاوتریخوالي پرته بل څه نه لري، غواړي چې د ځینو سخت دریځو له لارې د خپلو دسیسو پر مټ پر حزب تورونه ولګوي. هغوی دې پوه شي چې تر دوی وړاندې هم همداسې قدرتمند کسان وو، ډېر پلویان یې درلودل، همداسې کړنې یې ترسره کړې وې، خو په پایله کې ناکام او ورک شول. دا حزب و چې په میدان کې د الله سبحانه وتعالی په مرسته قوي او ځواکمن پاتې شو؛ د هغه څه چې تاسو یې شاهدان وئ. پوه شئ چې الله سبحانه وتعالی، رسول الله صلی الله علیه وسلم او مومنین له موږ سره دي. پر همدغه اساس، هغه څوک چې داسې حالت ولري، د الله سبحانه وتعالی د خوښۍ په ډګر کې له هېڅ نه ډارېږي.

موږ به انشاءالله د بشریت لپاره د خیر راوړنکي وو او د اسلامي دولت تر چتر لاندې (راشده خلافت) د هغوی لپاره د امنیت او ارامۍ غوښتونکي یو. دا هغه څه دي چې رسول الله صلی الله علیه وسلم پر هغه مامور شوی او صحابه رضوان الله علیهم د هغه مسیر پر دې تګلاره برابر کړی و. نو پر همدغه بنسټ، هغه چاچې پر دې تګلاره قدم اېښی، هغه به هم وژغول شي او بریالیتوب به تر لاسه کړي. هغه څوک چې خپل مسیر بدل کړي او پر دې لارې تګ ته دوام ورنه کړي، هغه ناکام دی او جبران نه منونکي له زیان سره مخ دی. الله سبحانه وتعالی فرمایي:

﴿وَلَا يَحِيقُ الْمَكْرُ السَّيِّئُ إِلَّا بِأَهْلِه﴾ [فاطر: ۴۳]

ژباړه: دغه مکر یوازې د مکر کوونکو لمن نیسي.

او په وروستیو کې به هغه کسان نېکمرغه وي چې تقوا ولري.

موږ تل ټینګار کړی چې حزب التحریر په ۱۹۵۳ میلادي کال کې د قاضي علامه محمد تقی الدین النبهاني په واسطه د هغه له تاسیس وروسته خپلو موخو ته د رسېدو لپاره تل په خلکو کې خپل فکري او سیاسي فعالیت ته دوام ورکړی او خلکو ته خپل سیاسي او فکري باورونه وړاندې کوي؛ هغه باورونه چې د اسنادو او دلیل پر بنسټ دي. حزب هېڅ ډول مادي عمل ته خلک نه دي اړ کړي. د حزب دغه واقعیت په ټولو اسلامي خاورو کې یو ډول دی. ټول پوهېږي چې د حزب فعالیتونه په خونړیو جنایت کوونکو اقدامونو پورې هېڅ اړه نه لري. پر هغه تګلاره چې حزب التحریر پکې په حرکت کې دی، هېڅ مادي او تاوتریخوالي ته ورته عمل پکې نشته؛ بلکې حزب غواړي چې د امت له لارې په فکري او سیاسي مبارزې سره اسلامي دولت تاسیس کړي. څنګه چې حزب پر لاندې بنسټونو خپل فعالیت ته دوام ورکوي:

الف: د حزب په ثقافتي کړیو او حلقو کې د اسلامي مفاهېمو په وسیله د خلکو تثقیف؛

ب- د حزب د ثقافت پر بنسټ د خلکو ټولیز تثقیف، د ویناوو په ترسره کولو، د سیمنارونو، درسونو او د اسلام په اړه د عمومي پوهاوي د رامنځته کېدو په هدف د نشریاتو په خپرولو سره.

حزب د امت پر وړاندې د ښکېلاکګرو دولتونو او مزدورانو له طرحو پرده پورته کوي او دسیسې یې شنډوي. پر همدغه اساس، خلافت یو دولت نه دی چې د اردو په واسطه اداره شي. همدارنګه یو پولیسي دولت هم نه دی؛ بلکې خلافت داسې دولت دی چې د انسان په وسیله تاسیس شوی او په وسیله یې اسلام پلی کېږي. ځکه په اسلام کې دا روا نه ده چې د وسپنې او اور په وسیله پر خلکو حکومت وشي؛ په همغه ډول چې پر خلکو د ظلم پر اساس د نظام پلي کېدل روا نه دي. هغه څه چې تل وراني رامنځته کوي، نه یوازې په دې دنیا، بلکې په اخرت کې هم د هلاکت او بربادۍ لامل کېږي. خلک له دوه ډوله زیانونو سره مخ کوي: د دنیا سپکاوی او په اخرت کې د الله سبحانه وتعالی د مجازاتو لامل کېږي. په داسې حال کې چې دواړه  امرونه د له منځه وړلو او بربادۍ لامل کېږي. ډار او وحشت رامنځته کوي، هېوادونه او خلک کندې ته غورځوي.

خلافت دولت یو شعار نه دی چې یوازې یې نوم واخیستل شي، بلکې خلافت د واکمنۍ تګلاره ده، چې قرانکریم هغه مشخصه کړې او د رسول الله صلی الله علیه وسلم له وخته داسې تعرف شوی. خلافت د ټولو مسلمانانو لپاره هغه عمومي ریاست دی چې د اسلامي شریعت احکام پلي کوي او نړیوالو ته اسلامي دعوت رسوي.

د خلافت د تعریف لپاره دا درې عنصر په پام کې نیول شوي دي:

عمومي ریاست، په دې مانا چې خلافت واحد دولت دی چې مسلمانان د یو واحد خلیفه تر چتر لاندې یوځای کوي.

د اسلامي شریعت پلي کول؛

نړیوالو ته د دعوت رسول؛

خلافت یو دولت دی، نه یو شعار. درې عناصر یې غوره اساسات دي:

۱. سیادت په شریعت پورې تړلی دی، نه خلک: دا په خلافت دولت کې یوه اساسه مسله ده او له هغه سره مخالفت د دوو کسانو لپاره روا نه دی. سیادت د یوې ارادې کارول او هر څه چې د هغه په پرېکړه پورې اړوند شوي دي.کړي دي. په اسلام کې د فرد او امت اراده د الله سبحانه وتعالی پر فرامینو او نواهیو کې نښتې ده، یعنې حلال او حرام وي.

۲. سلطه او اقتدار د امت دی: دا هم په خلافت دولت کې اساسي مسله ده. په دې مانا چې د خلیفه ټاکنه د امت په وسیله ترسره کېږي او خلیفه د شریعت په پلي کېدو کې د امت استازیتوب کوي. هغه څه چې خلافت دولت یې په یو اجرایوي بنسټ بدل کړی، چې له امت څخه د استازیتوب په برخه کې شریعت پلی کوي او له همدې کبله یو انساني دولت وي، نه دیني کاهنانه دولت.

د بېلګې په توګه: د حدودو پلي کول، له سود، زنا، د پردیو د دسیسو، د امت د شتمنیو لوټلو مخنیوی او د پاتې نورو شرعي حکمونو پلي کېدل، هغه عملونه دي چې دولت یې د امت په استازیتوب ترسره کوي. هغه څه چې اعتدال بلل کېږي او له هغه ډډه افراطیت دی.

خو که له امت څخه اقتدار واخیستل شي، یعنې لکه اوس چې موږ په کوم حالت کې یو او واک د داسې کسانو په لاس کې دی چې ښکېلاکګر غرب هغوی پر موږ واکمن کړي، په داسې صورت کې پر موږ واجبه ده چې خپل واک بیرته تر لاسه کړو.

د بېلګې په توګه: امریکا، انګلیس او فرانسه په اسلامي خاورو کې واکمن دي او د هغوی په استازیتوب یې مزدوران حکومت کوي؛ تر دې چې د هغوی سفارتونه په دربارونو بدل شوي دي. په داسې حال کې چې الله سبحانه وتعالی داسې فرمایي:

﴿وَلَن يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً﴾ [نساء: ۱۴۱]

ژباړه: الله سبحانه وتعالی هېڅ کله کافران پر مومنانو نه دي مسلط کړي.

پر همدغه اساس، د ښکېلاک او استعمار ریښې پرې کول او د اسلامي خارو ازادول په اسلام کې اعتدال او استقامت دی او له هغه سره جوړجاړی افراطپالنه او ررښتینی خیانت دی.

د خلافت دولت اساسات دا دي چې ځانګړې دستګاوې پکې وي. هر یو په ځانګړي ډول د خلکو د چارو سرپرستي کوي او هغه تنظیموي. د رسول الله صلی الله علیه وسلم له وخته، د خلفای راشیدنو رضوان الله علیهم په دوران او تر هغه وروسته هم خلافت دولت ځانګړې دستګاوې درلودې، خو په غیر مدونه بڼه. حزب التحریر دا دستګاوې په دقیق ډول ډلبندي کړې او په تفصیل یې بیان کړې دي. په داسې بڼه چې د دغو دستګاوو مطالعه د هر کس د خوښې وړ ګرځي. پر همدغه اساس، د خلافت دولت په تاسیس سره د پانګوالي نظام له ریښو سره له منځه وړل کېږي او هغه ښکېلاکګر حاکمیت به له منځه ولاړ شي چې د خلافت تر نسکورېدو وروسته یې پر مسلمانانو واکمني کړې ده.

موږ د امت هغه برخه یو چې نېږدې یوه پېړۍ د ژوند په تر ټولو ناوړه حالت کې یو او داسې انحطاط مو تجربه کړی چې انحطاط یې شړمولی دی. یعنې امت له سپکاوي په ډک وخت کې ژوند کوي. زموږ د ژوند اصلي قضیه د سیکولر پانګوالي نظام نسکورول او پر ځای یې د راشده خلافت په مرسته د اسلامي نظام تاسیسول دي. دا هغه څه دي چې ښکېلاکګر یې افراطیت بولي، په داسې حال کې چې زموږ دغه کار استقامت او اعتدال دی. په مقابل کې یې د هغوی ټولې کړنې افراطیت دي.

هغوی خلک او د اسلامي خاورو پوځونه پخپلو کې درواغجنو نښتو ته اړ کوي، چې هدف یې د فردي غوښتنو ارضاء کول او د ښکېلاکګر غرب د ګټو تضمین دی. هغه هم په پانګوالي نظام کې قدرت ته په رسېدو سره. د انسان په لاس جوړ شوی نظام، هغه نظام چې اوسنی حالت یې محصول دی او خلک یې پر ځان راټول کړي دي. دا هغه نظام دی چې له بدلون پرته بل څه ته اړتیا نه لري.

خلافت دولت د امت پروژه ده، هغه پروژه چې په یوازې توګه بدلون رامنځته کوي او امت ته یو ځل بیا خپل ځای په لاس ورکوي. دا هغه ځای دی چې امت پکې د خلکو د هدایت لپاره ګمارل شوی. موږ په حزب التحریر کې په همغه ډول چې تاوتریخوالی غندو، د الله سبحانه وتعالی له احکامو سرغړونه هم افراطیت بولو او له ټولو مسلمانانو غوښتنه کوو چې ډډه ترې وکړي.

حزب له خپلو ملاتړو او پلویانو سره هېڅ وخت خیانت نه کوي، په همغه بڼه چې الله سبحانه وتعالی په خلکو کې د ډار زمینه له منځه وړې، موږ له امت غواړو، هغه څه یې چې پیل کړي، پای ته ورسوي. خلافت دولت، هغه دولت چې د شریعت احکام به پلي کړي او پانګوالي سیکولر نظام به له منځه یوسي. هغه نظام چې د ټول امت د اوسنیو بدبختیو لامل شوی. الله سبحانه وتعالی فرمایي:

﴿وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً﴾

ژباړه: هر څوک چې له ما څخه مخ واړوي، له سخت او تنګ ژوند سره به مخ شي.

په وروستیو کې: زموږ ټینګار پر دې دی چې حزب التحریر د دغو سیمو ټولو اسېدونکو او حکامو ته خپله برنامه وړاندې کړې او له کوم تبعیض پرته له ټولو سره تفاعل کوي. په لېوالتیا سره غواړي چې اسلامي ژوند له سره پیل شي او انشاءالله په دغه ډګر کې الله سبحانه وتعالی ورسره دی، د هغوی ملاتړ به ورکړي او دوی ته به نصرت ور په برخه کړي.

﴿وكَانَ حَقّاً عَلَيْنَا نَصْرُ الْمُؤْمِنينَ﴾

ژباړه: د مومن مرسته پر ما د هغوی حق دی.

﴿إِنَّا لَنَنصُرُ رُسُلَنَا وَالَّذِينَ ءَامَنُواْ فِى الْحَيَوةِ الدُّنْيَا وَيَوْمَ يَقُومُ الاَشْهَادُ﴾

ژباړه: په یقین سره له پیغمبرانو او هغو کسانو سره چې ایمان یې راوړی، د دنیا او اخرت په ژوند کې پر هغه ورځ چې شاهدان راپاڅېږي، مرسته ورسره کوم.

﴿وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ﴾

ژباړه: او الله سبحانه وتعالی د هغو کسانو ملاتړ کوي چې ملاتړ یې وکړي او الله سبحانه وتعالی قوي او ماتې نه منونکی دی.

موږ په حزب التحریر کې پر دې باور یو چې له خلافت دولت سره زموږ فاصله د سهار د لمر راختو او لمانځه تر منځ فاصلې ته ورته ده. ډېر ژر به د الله اکبر الله اکبر نارې اسمان ته ورسېږي. الله سبحانه وتعالی خپلو بنده ګانو ته نصرت ورکوي، لښکرې یې غالبوي او ټولې ډلې او حزبونه له یو بل سره یوځای کوي. الله سبحانه وتعالی هېڅ وخت ژمن خلافي نه کوي.

لیکوال: اسعد بن رمضان

ژباړه: بهیر «ویاړ»

د مطلب ادامه...

زهر او درمل یې

خبر:

د ترکيې د بهرنیو چارو وزارت ويلي: د دغه هېواد د بهرنیو چارو وزیر مولود چاووش اوغلو به د سې شنبې په ورځ د بروکسل په څلورم کنفرانس کې، چې له سوريې او سيمې څخه د ملاټر تر سرلیک لاندې د اروپايي ټولنې په مشری جوړېږي، ګډون وکړي. یاد وزارت په یوه اعلامیه کې څرګنده کړې: «تمه کېږي چې دغه کنفرانس د هغو ډېرو هڅو لپاره چې د سیاسي حل لارې لپاره ترسره شوې، د ملګرو ملتونو تر چتر لاندې یې ملاتړ وکړي او په سوریه کې پر بشردوستانه حالت بحث وکړي.» (سرچینه: د شام شبکه)

تبصره:

سلطان عبدالحمید رښتیا ویلي: ((نن پیسې واخله، سبا سپارښتنه وکړه!))
دغه هېوادونه چې ځانونه نغدي مرسته کونکي بولي، یو ځل بیا را ټولېږي، څو د شام د پاڅون پایته رسېدو لپاره خپله نقشه عملي کړي؛ هغه انقلاب چې د ترکیې رژیم یې له بدلون ډډه کړې او یوازې د هغه د نوم او بڼې له بدلون پرته نور څه نه غواړي. څنګه چې وایي: «د ترکیې د بهرنیو چارو وزیر هڅه کوي چې له نورو هېوادونو سره یوځای د سوریې د نظام اساسات د هغه څه له لارې چې دوی یې سیاسي حل لاره یادوي، تثبیت کړي.

کوم ملاټر چې د کلونو په اوږدو کې له شام څخه شوی، له هغو وژونکو زهرو پرته چې د شام په انقلاب کې دننه شوي، بل څه نه دي؛ څو په دې وسیله دښمنان وکولی شي هغوی بې‌هوښه کړي او ګډوډي پکې رامنځته کړي. په پایله کې یې زهر د بشریت په پوښښ کې دننه شول، اوس هغوی د سوریې د جنایت کوونکي نظام پر وژنو سترګې پټوي، وروسته هغه کس چې په دغو وژنو کې ټپي یا ژوبل شي، د درملنې لپاره یې امبولانس ورلېږي. د دې تر څنګ د سوریې رژیم ته اجازه ورکوي چې د انقلاب مشران له ډېری سیمو وباسي او هجرت کولو ته یې اړ کړي. تر هغه ورسته هغو کسانو ته کېږدۍ ورکوي چې هجرت ته یې اړ کړي وي، چې نه یې له یخنۍ څخه ساتنه کوي او نه هم له ګرمۍ.

ای د شام خلکو! د دې ناروغۍ یوازنۍ درملنه د دښمنانو پر واقعیت پوهېدل او د انقلاب په چوکاټ کې د دې پوهې لېږد دی، چې یو ځل بیا انقلاب راژوندی کړي او په پایله کې انقلاب له سستۍ او ټمبلۍ لېرې کړي. د دوکه ورکوونکو رسۍ پرې کړئ، اوسني بدکاره مشران او رهبران له واک لېرې کړئ، په کلکه رسۍ منګولې ولګوئ، خپل خلک راټول کړئ او د الله سبحانه وتعالی فرمان ته تسلیم شئ.

الله سبحانه وتعالی کولی شي چې د دښمن  فرېب او مکر هغوی ته ور وګرځوي او الله سبحانه وتعالی پر خپله ژمنه وفا کوي. نو تاسو يې ژمنه تصدیق کړئ، امر یې عملي کړئ، په رسی يې منګولې ټينګې کړئ او پر هغه توکل وکړئ! هغه وخت به د نړیوالو د پروردګار نصرت راورسېږي، څنګه یې چې پخپل کتاب کې فرمایلي دي:

﴿وَكَانَ حَقّاً عَلَيْنَا نَصْرُ الْمُؤْمِنِينَ﴾

[روم:۴۷]

ژباړه: تل د مومنانو ملګرتیا پر موږ واجب ده.
لیکونکی: منیر ناصر

د حزب التحریرــ ولایه سوريې د مطبوعاتي دفتر غړی
ژباړن: الهام پردېس

د مطلب ادامه...

د پاکستان له زده کوونکو ناوړه ګټنه به د خلافت د قضايي او ټولنیز نظام تر سیوري لاندې پای ته ورسېږي Featured

  • خپور شوی په پاکستان

د ۲۰۲۰م، د جون په ۳۰مه په لاهور ښار کې یوه خصوصي ښوونځي خپل کارکوونکي ـ چې پر ډېرو ښځینه زده کوونکو یې جنسي تېری کړی وـ له دندې ګوښه کړل. دا مساله اوس یوازې په ټولیزه توګه له زده کوونکو څخه ناوړه ګټنه بلل کېږي. که څه هم ډېری ښوونکي نیک خلک دي، خو په پاکستان کې اوسنی د زده کړو بهیر فساد او له زده کوونکو ناوړه ګټنې ته لار هواروي. د شکایاتو لپاره د اغېزمن سیسټم نشت او همدارنګه د کمزورو اشحاصو اغېزمنتیا هغه څه دي چې خلک یې له خطر سره مخ کړي دي. د زده کړې له چاپېریال څخه بهر د قضایې قوې نشت او نه مصونیت د دې لامل شوی چې خلک له اوږدې مودې دغه ډول ناخوالې وزغمي. ځکه چې له څو کلونو راهیسې داسې پېښې اورېدل کېږي. په دې توګه، په تعلیمي ادارو کې د اداري فساد او د قضایې قوې د ستونزو د مخنیوي لپاره، قربانیان غلي کېږي او ظلم دوام مومي.  

اې د پاکستان مسلمانانو!

اسلام نه یوازې د ناوړه ګټه اخیستونکو د جرمنو سزا ورکوي، بلکې په لومړي ځای کې د ناوړه ګټه اخیستنې احتمال کموي. اسلام خلک له قوانینو سره سمې حیا ته هڅوي او په هغه ځای کې چې فساد تر سره کېږي هغه ته د پای ټکی ږدي.  په داسې حال کې چې جنسي ځورونه په ټوله نړۍ کې ستونزه بلل کېږي، په خلافت دولت کې د نارینه او ښځینه وو تر منځ ازاد تګ راتګ ته اجازه نه ورکول کېږي، ځکه چې اسلام په اصل کې د نارینه او ښځینه وو صفونه بېل کړي دي. نارینه او ښځینه کولای شي د یوې موخې لپاره د اسلامي اوصولو د مراعاتولو په صورت کې راټول شي، هغه که رسمي ناستې وي، خصوصي. اسلام د ښځې او سړي خلوط منع کوي، څو د هغوی تر منځ د ناوړه او عاشقانه اړیکو مخه ونیول شي. سربېره پر دې په اسلام کې ښځه عزت ده، چې باید ساتنه ترې وشي، نه دا چې د سړي د خوند لپاره استثمار شي.

د خلافت بېرته راتګ به د غربي لېبرال فاسد هغو ارزښتونو ته د پای ټکی کېږدي، چې زموږ پر ټولنه تحمیل شوي او په کورنیو ارزښتونو کې یې اوږدې رېښې ځغلولي دي. ټولنیزې ستونزې یې رامنځته کړي دي او په غربي ټولنو کې ورځ تر بلې پراخېږي. د خلافت تعلیمي نصاب او د رسنیو تګلاره به ټولنه پیاوړې کړي، چې د الله سبحانه وتعالی رضا پکې نغښتل شوې وي او د ټولو اعمالو لپاره د قران او سنتو پیروي وکړي، د پرهېزګارۍ چاپېریال رامنځته کوي، چې د ګناه پر وړاندې ساتنه وکړي.

له دې ټولو وروسته، که بیا هم ناوړه ګټه پورته شي، نو دغه ناوړه ګټنه بیا د تعزیر تر قانون لاندې راځي، چې عزت او عقل ته زیان رسېدل پکې شامل دي. د تعزیر مجازات په هغو قضیو کې شامل دي چې له حیا سره مطابقت نه لري او همداراز سپکاوی، وېرول، اړ ایستل او یا هم رواني شکنجه وي. سربېره پر دې، هغه وخت چې د الله سبحانه وتعالی احکام پلي کېدل، د خلافت د قضاییه قوې د عدالت پلي کول په ګړندیتوب کې مشهور و. 

یوازې د نبوت پر منهج د خلافت بیا تاسیس به د نارینه او ښځینه وو تر منځ متقابل درناوی او په نېکو کارونو کې د دوی همکارۍ ته لاره هواره کړي، تر څو یوه پیاوړې، با ثباته او عادلانه ټولنه جوړه کړي. الله سبحانه وتعالی فرمایلي دي:

﴿وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللّهَ وَرَسُولَهُ أُوْلَـئِكَ سَيَرْحَمُهُمُ اللّهُ إِنَّ اللّهَ عَزِيزٌ حَكِيمٌ﴾[توبه: ۷۱]

ژباړه: «مومنان نارینه او مومنانې ښځې، دا ټول د یو بل دوستان دي. په ښو چارو امر او له بدیو څخه منع کوي، لمانځونه قایموي، زکات ورکوي او د الله سبحانه وتعالی او د هغه د پیغمبر صلی الله علیه وسلم پیروي کوي. دا هغه کسان دي چې د الله سبحانه و تعالی رحمت ورباندې نازلیږي، بېشکه الله سبحانه وتعالی پر ټولو برلاسی او د حکمت څښتن دی.»

د حزب التحریرـ ولایه پاکستان د ښځو برخې مطبوعاتي دفتر

د مطلب ادامه...

مستعمره کشمير د راشده خلافت په تمه دی، چې د ازادۍ لپاره به یې د پوځي ځواکونو په ورتګ سره د ماشومانو اوښکې پاکې کړي

په کشمير کې هغه وخت لاریونونه پیل شول، چې د ۲۰۲۰م کال، د جولای په لومړۍ د هندو ځواکونو له لوري یو بوډا مسلمان په شهادت ورسېد او وروسته یې په سوپور ښار کې له موټر څخه وغورځاوه. د هغه دری کلن لمسی چې په سفر کې ورسره و،  وروسته یې تصویر اخیستل شوی دی، چې هغه یې پر سینه ناست دی. دغه عمل په پاکستان کې د هغو مسلمانانو سخته غوصه راپارولې، چې د اسلامي امت په بدن کې د مستعمره کشمير د ټپ له امله درد لري.

اې د پاکستان مسلمانانو!

زموږ د درد لامل د ډال (خلافت) نشت دی او بل هم  هغه واکمنانو دی چې ګمراهي یې اختیار کړې ده. د ۲۰۱۹م کال، د اګېسټ له ۵مې د هندو هېواد بې شمېره مشرکینو په مستعمره کشمير کې زموږ د مسلمانانو وروڼو او خویندو پر وړاندې جګړه پیل کړې ده. دغه راز په زور سره یې هغه تړلي، په مرمیو یې ړانده کړي او وژلي دي. دا تر لمر هم روښانه ده چې اوسني واکمنان به هېڅکله زموږ د مقدساتو د ساتنې لپاره حرکت ونه کړي. دوی د دې کار پر ځای «نړیوالې ټولنې» ته عریضې وړاندې لېږي او ټویټونه کوي، نړیواله ټولنه د ډبرو د بُت حیثیت لري، چې نه زموږ په کومو لاملونو خبره ده او نه هم زموږ لپاره ګټه رسوي. برعکس، همدا ملګري ملتونه دي چې په کلکه د هغه دولت ملاتړ کوي، چې د عمل یا هم خبرو له لارې د مسلمانانو د مقدساتو سپکاوی کوي.

ښکاره خبره ده چې یوازې خلافت به زموږ د دوښمنانو لاسونه ونیسي، تر څو د اسلامي امت مقدساتو ته هېڅکله په سپکه سترګه ونه ګوري. زموږ د خپلو سرتېرو له لوري به ساتل کېږي چې د خپل ژوند په بدل کې د پراخه جنت لپاره سوداګري کوي؛ هغه جنت چې الله سبحانه وتعالی د نیکو خلکو لپاره چمتو کړی دی. د اسلام د مقدساتو پر وړاندې درېدل د اسلام پر وړاندې د جنګ اعلان دی، د دې لپاره چې سم لارښود یا امام باید خپل سرتیري، توغندي او وسلې ولېږدوي، تر څو دوښمنان هېڅکله د کوم مسلمان د زیان په اړه فکر ونه کړي. رسول الله صلی الله علیه وسلم فرمايي:

« إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»[مسلم]

ژباړه: په حقیقت کې امام «خلیفه» ستاسو ډال دی، تر شا یې جګړه کوئ او د هغه تر شا خوندي وئ.

د مسلمانانو د لومړي او غوره امام په توګه، رسول الله صلی الله علیه وسلم د قینقا یهودیانو ته له مدیني منورې څخه هغه وخت پوځي ځواک ورولېږه، تر څو دوی وشړي، کله یې چې د یوې مسلمانې مېرمنې عزت ته سپکاوی وکړ. د رسول الله صلی الله علیه وسلم سنتو ته غاړه ایښودل، ورپسې د امامانو د واکمنۍ په ټوله دوره کې چې د الله سبحانه وتعالی احکام پکې پلي کېدل د امت لپاره د ډال په توګه کار کوي. په دې توګه، کله چې یوه مسلمانه مېرمن د رومیانو له لوري ځورول کېدله، خلیفه په خپله د عاملینو د مجازات کولو لپاره د پوځي ځواکونو مشري وکړه او عموریه یې ازاده کړه. د مودي د پلرونو پاچا، راجا دایر له لوري پر حجاج مسلمانانو ظلمونه د محمد بن قاسم  د لښکرو له تورو سره مخ شول.

اې د پاکستان په وسله والو ځواکونو کې مسلمانانو!

د مستعمره کشمير مسلمانان د هندو اشغالګرو ځواکونو پر وړاندې د مقاومت لپاره صبر کوي. دوی نړیوالې ټولنې ته سترګې په لار نه دي چې له دوی سره یې د لسیزو راهیسې خیانت کړی دی، دوی تاسو ته سترګې په لار دي. د خالد بن ولید، صلاح الدین او محمد بن قاسم رضی الله تعالی عنم اولاد ته انتظار باسي چې دوی ازاد کړي. د نبوت پر منهج د راشده خلافت تاسیس لپاره نصرت ورکړئ، چې پر تاسو امر وشي، تر څو له ځنډ پرته د سرينګر پر لور حرکت وکړئ او د مظلومانو اوښکې پاکې کړئ. حزب التحریر ته د شیخ عطا بن خلیل ابو رشته تر مشرۍ لاندې نصرت ورکړئ، چې د با ایمانه سړیو له لوري د بریا او شهادت په لاره کې رهبري شئ.

د حزب التحریرـ ولایه پاکستان مطبوعاتي دفتر

 

د مطلب ادامه...

د عبادت لپاره د ایاصوفیې د بیا پرانیستلو پر سر بحثونه

خبر

د استانبول د فتحې ۵۶۷مې کالیزې مراسم د کرونا ویروس له ناورین سره سره بیا هم په ډېر شور او ځوږ سره تر سره شول. دغه مراسم په ایاصوفیه جومات کې نیول شوي وو او په پیل کې یې الفتح سورة تلاوت کړه. ولسمشر اردغان د قرانکریم له تلاوت څخه وروسته د ویډیویي کنفرانس له لارې راښکاره او خبرې یې پیل کړې. خپلې خبرې یې د یاد سورت په مانا سره پیل او ویې ویل: «فتح د ویرانۍ نه بلکې د ابادۍ، د تخریب نه بلکې د بیا جوړولو، د ظلم نه بلکې د عدالت، د تحقیر نه بلکې د فضیلت او د نفرت نه بلکې د مینې او خوښۍ یوه بېلګه ده.» (https://www.yenisafak.com/ 29/05/2020)

دغه مراسم به هر کال د استانبول د فتحې د کالیزې لمانځلو لپاره نیول کېدل. دغه مراسم سږ کال د تېرو کلونو په پرتله په پراخه کچه او ډېرو لوړو احساساتو ولمانځل شول. هغه څه چې سږ کال یې یادو مراسمو ته شان او شوکت ورکړ، هغه د الفتح سورة تلاوت و. که څه هم له دې وروسته په ټلوېزیونونو کې د ایا صوفیې بدلول له موزیم څخه په جومات، بحثونه راپورته شول.

سیاسیونو د ایاصوفیې بدلول په جومات باندې په تېرو څو کلونو کې د ځان لپاره یوه لویه لاسته راوړنه بلله. خو ځینو سیاسیونو بیا تر نن پورې په دې هکله کومه جالبه خبره نه ده کړې، ځکه چې د ایاصوفیې د مسجد تړل او موزیم ته بدلول داسې یوه مساله وه چې د کمال اتاترک په وسیله د خپلو غربي بادارانو په لارښوونه عملي شوې وه. ځکه نو د نورو جوماتونو په څېر د هر لمانځه لپاره د ایاصوفيې بیا پرانیستل یوه لویه سیاسي غوښتنه او له استعمارګرانو څخه اجازې اخیستلو ته اړتیا لري.

په دغو ورځو کې موږ وینو چې دغه موضوع ډېره ګرمه ساتل شوې او بحثونه ورباندې کېږي. ټول مخالفین په ځانګړي ډول CHP (د خلق جمهوري غوښتونکی حزب) له یادې موضوع څخه ملاتړ کوي او له اردوغان سره یې د بحث مساله نه ده ګرځولې. په اصل کې Faik Öztrak د CHP (د خلق جمهوري غوښتونکي حزب) ویاند وویل: «زموږ نظریه خو روښانه ده، که چېرې تاسو دغه جومات پرانیزئ نو هېڅوک به هم ستاسو مخنیوی ونه کړي. دغه کار یوازې یوه قانون ته اړتیا لري.» ځکه چې اوس برېتانیا هم  ویلي په یاده مساله کې د مخالفت پر ځای باید هغه څه ترسره شي، چې خلک یې غواړي.

له بل پلوه اردوغان د دغه مسالې په هکله په بېلابېلو وختونو کې بېلابېل نظرونه درلودل. نوموړي د ۲۰۱۹م د مارچ په ۲۴مه وویل: «موږ تل پردې ټینګار کوو، چې دا کار باید ترسره شي موږ غواړو چې دغه ځای ته د موزیم پر ځای د ایاصوفیه د جومات نوم ورکړو او قران باید پکې تلاوت او لمانځونه پکې ادا شي. دغه پرېکړه یوازې زموږ ملت کولی شي.» (sabah.com 05/06/2020) نوموړي د جون په ۹مه د TRT په چینل کې په ژوندۍ بڼه وویل: «یاده مساله د هېواد د هیات شورا په پرېکړه پورې اړه لري او له دغه پرېکړې وروسته چې هر کار ته اړتیا وي، په خپل وخت سره به ترسره شي. اردوغان د ۲۰۲۰م د جون په ۱۷مه د مرکزي اجرایوي کمېټې په غونډه کې وویل: «زه هیله لرم چې د هېواد د مجلس له پرېکړې وروسته به موږ، لمونځ د ایاصوفیه په جومات کې ادا کوو.»

د دغو ټولو خبرو پر اساس ویلای شو چې: د ایاصوفیې عبادتخونه له موزیم څخه جومات (عبادتځای) ته بدلول د اردوغان په واسطه ترسره شوه. نوموړی داسې یو شخص دی چې تل د کورنیو او بهرنیو مصلحتونو په نظر کې نیولو سره ډېری کارونه ترسره کوي.

1-                        نوموړي په کور د ننه، ښایي دغه کار د دې لپاره کړی وي چې نوموړی او حزب یې د ۲۰۲۳م کال یا له هغو څخه مخکې ټاکنو کې رایه ترلاسه کړي.

2-                        له هېواده بهر به هم نوموړی وتوانېږي چې مسلمانانو ته چل ورکړي او وبه وایي چې دی د مسلمانانو په استازیتوب، د امریکا له خوا پر مسلمانانو د تپل شوې جګړې پر وړاندې ولاړ دی.

3-                        همدارنګه نوموړی کولای شي له یادې مسالې څخه له اروپایي هېوادونو سره په اړیکو کې د ګواښ په توګه ګټه واخلي.  

 پرته له دې چې ایاصوفیه د مسلمانانو عبادتځای دی او په قطعي ډول باید جومات پاتې شي. د الله سبحانه وتعالی له اجازې سره سم، کله چې راشده خلافت بیا تاسیس شي نو بیا به د کوم محکوم کوونکي او یا له شخصي تجارت پرته به ایاصوفیه او دې ته ورته ځایونه د مسلمانانو د عبادت کولو پرمخ پرانيزي.

د حزب التحریر مرکزي مطبوعاتي دفتر ته

لیکوال: محمد حنفي یغمور

 

د مطلب ادامه...

د ټولو ستونزو لپاره د امریکا سیاسي حل لاره؛ د شام انقلاب پای ته رسول او د واکمن نظام غېږې ته ورګرځېدل دي!

  • خپور شوی په سیاسي

(ژباړه)

په دمشق کې د امریکا سفارت په یو ټويټ کې ویلي: «د سوریې د اوسني دولت لپاره د وتلو یوازنۍ مناسبه تګلاره د امنیت شورا د ۲۲۵۴ پرېکړه ده.»  سفارت زیاته کړې: «د سوريې د خلکو حقونو او ارادې ته په درنښت او د سیاسي حل لارې پلي کېدو لپاره باید دولت بنسټیز او پر ځای ګامونه پورته کړي. له دې پرته به د سوریې دولت له زیاتو بنديزونو سره مخ شي او منزوي به شي.» د سفارت په ټویټ کې زیاته شوې: «څنګه چې سفیر جیفري په ځلونه ټینګار کړی چې بشارالاسد او د نوموړي حکومت د سوریې د اقتصاد پاشلو په تړاو په مستقیم ډول مسول دی.»

الرایه: تر دې وروسته داسې نښې نشته چې د اسد له ظالم نظام څخه د امریکا دوامداره ملاتړ وښيي او همدارنګه داسې نښې هم نشته چې متحده ایالاتونه دې د اسد په ستونزو او تنګځای کې راګېر نظام وژغوري؛ هغه نظام چې د سوریې پر مسلمانو وګړو یې سخت ظلمونه وکړل او دوه میلیونه سوریایي وګړي یې شهیدان کړل.

په ټوله کې دا ویلی شو چې د امریکا سیاسي حل لاره او د امنیت شورا ۲۲۵۴ پرېکړه د اوسني ظالم نظام له پاتې کېدو پرته بل څه نه دي او دا چې هغه وژغورل شي او یا نه، توپیر نه کوي او بله موخه یې د انقلابیانو تیت‌پرک کول او سرغړونې ته هڅول دي. 

ټولو لاملونو ته په کتو، له رهبرانو او لوړپوړو کسانو سره د سوریې د حکومت نسکورېدو لپاره د شام د انقلاب دوام او د دغه ظالم نظام له شر څخه د خلکو ژغول اړین او لازمي دي.

ژباړن: الهام پردېس

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې