په سوډان کې د مسلمانانو د لا ګېچ کېدو لپاره د اسلامي فقهې شورا اعلان وکړ چې سبا (جمعه) د شعبان ۳۰مه ورځ پوره کېږي او د ۲۰۲۰م کال د اپرېل په ۲۵مه د شنبې ورځ د روژې لومړۍ ورځ ده. دا له شریعت څخه سرغړونه ده او د سعودي عرب له لوري چې مخکې په کوم شي لاس پورې شوی و، هغه د سپوږمي ليدل وو، چې هغه پرون په یو شمېر اسلامي هېوادونو کې ونه لیدل شوه او دوی نن ورځ پنجشنبه د شعبان دېرشمه ورځ پوره کړه، نو له همدې امله سبا (جمعه) به د رمضان د سپېڅلې میاشتې لومړۍ ورځ وي.

موږ حزب التحریرـ ولایه سوډان د مسوولیت او صداقت پر اساس غواړو روښانه کړو:

لومړی: د فقهې شورا د پنجشنبې ورځ د شعبان ۲۹مه وبلله، موږ د ۲۰۲۰م کال د اپرېل په ۲۰مه د دوشنبې په ورځ اعلامیه خپره کړې وه، چې پکې ویلي مو وو، د فقهې شورا پر پنجشنبه خلک لار ورکي کوي، چې د میاشتې په لیدلو سره شعبان بشپړ کړي.

دویم: د سعودي عربستان اعلان چې د سپوږمی لیدل پنجشنبه و، د ۱۴۴۱ هـ.ق کال د شعبان ۳۰مه چې د ۲۰۲۰م کال د اپرېل میاشتې له ۲۳مې سره سمون خوري. سربېره پر دې چې د کتلو په څارلو سره هغه سره مخالف و چې دا د شعبان ۲۹مه ده، تر دې دمه یې د شعبان په ۳۰مه سپوږمی لیدلی او لیدل یې د شرعي شرایطو له مخې رامنځ ته شوي دي، چې دا په نړۍ کې د ټولو مسلمانانو لپاره کافي ده چې خپله روژه پیل کړي؛ ځکه چې دا یوازې یو سپوږمی دی، د سوډان یا نورو هېوادونو لپاره ځانګړی سپوږمی نشته.

درېیم: یوه ډېره مهمه پوښتنه چې موږ یې په سوډان کې د فقهې شورا له وروڼو څخه کوو، ایا تاسو د شعبان پیل کتلی و او ستاسو د څېړلو پایله د ۲۰۲۰م کال د مارچ ۲۶مه د پنجشنبې ورځ وه!؟ که ستاسو ځواب هو وي، نو بیا مو ولې په خپلو خبرو کې د ۲۰۲۰م کال د مارچ ۲۵مه د شعبان پیل یاد کړ!؟

څلورم: څه چې د انتقالي حکومت د فقهې شورا وکړل، هغه د خلکو مغشوشول او له کړکېچونو څخه لرې ساتل وو.

پنځم: په سوډان او نورو اسلامي هېوادونو کې پر مسلمانانو د شریعت حکم واجب دی چې سبا د جمعې ورځ ده؛ ځکه چې د میاشتې د شرعي لید تصدیق شوی و. دا د رسول الله صلی الله علیه وسلم له امر سره سم دی، چې فرمایي:

«صُومُوا لِرُؤْيَتِهِ وَأَفْطِرُوا لِرُؤْيَتِهِ؛ فَإِنْ غُمَّ عَلَيْكُمْ فَأَكْمِلُوا اْلْعِدَّةَ ثَلَاثِينَ»

ژباړه: «کله چې مو میاشت ولیدله روژنه ونیسئ او کله مو چې میاشت ولیدله روژه بس کړئ، که چېرته د لیدلو امکان یې نه و (ډېره ورېځ وي) بیا نو دېرش ورځې پوره کړئ.»

او هغه څه ته پام مه کوئ چې د فقهې شورا یې یادونه کړې؛ ځکه چې د شورا کار خلک دې ته اړ کوي چې د ناروا کار مرتکب شي، چې د روژې په ورځ روژه ماتوي، نو د خالق په نافرمانۍ کې د هېڅ مخلوق پېروي نه کېږي.

د هغه چا لپاره چې د حاکم د اطاعت خبره کوي، د خلافت د راپرځېدلو وروسته نن ورځ مسلمانان هېڅ حاکم نه لري. لکه څنګه چې د نن ورځې حکام  د شیطان پیروي کوي او پرته له هغه څه چې الله سبحانه وتعالی نازل کړي دي، حکم کوي. له هغه حاکم څخه اطاعت واجب دی چې د مسلمانانو د خلیفه په توګه د شرعي ژمنو پر اساس ورسره بیعت شوی وي، کولای شي د مسلمانانو تر منځ اختلافات له منځه یوسي. د نبوت پر منهج د راشده خلافت د بیا تاسیس لپاره باید ډېر کار وکړو؛ دا هغه څه دي چې نن ورځ پر مسلمانانو فرض دی.

  [لِمِثْلِ هَذَا فَلْيَعْمَلِ الْعَامِلُونَ]

ژباړه: «د همداسې بریا لپاره باید عمل کوونکی عمل وکړي»

[الصافات: ۶۱]

ابراهیم عثمان (ابو خلیل)

د حزب التحریرـ ولایه سوډان رسمي مطبوعاتي ویاند