(ژباړه)

الله سبحانه وتعالی تر یهودانو او د هغوی تر فساد او یرغل لوی دی ... الله سبحانه وتعالی تر امریکا او د هغې تر استکبار لوی دی ... الله سبحانه وتعالی د مسلمانانو تر غلامو حکامو او د هغوی تر غفلت او خیانت لوی دی.

الله اکبر... په دغو سپېڅلو ورځو کې زموږ وینه توی او کورونه مو ویجاړ شول، خو ذلیل حکام یوازې د غندنې اعلامیې صادروي.

الله اکبر... د مسلمانو پوځونو غیرت به کله په جوش راځي، چې د مسجد الاقصی په انګړ کې یې سرتېري ووینو!؟

الله اکبر... ایا مصر په یو ساعت کې د یهودي ادارې ريښې له بېخه نه شي ایستلی!؟ ایا د اردن پوځ یهودي اداره له منځه نه شي وړلی!؟ ... ایا د پاکستان او ترکیې پوځونه د بیت المقدس د ازادۍ او د الله سبحانه وتعالی د وعدې او رسول الله صلی الله علیه وسلم د بشارت پوره کولو وړتیا نه لري!؟

الله اکبر... ایا د دوی روح د الله سبحانه وتعالی په لاره کې د جهاد او په دې سپېڅلې خاوره کې د شهادت ارمان نه درلود!؟

اې مسلمانانو: د اتلانو په خاوره جنین کې، څو اتل مجاهدین د زرګونو سرتېرو، الوتکو او زغروالو ټانګونو پر وړاندې ټينګ ودرېدل او خپلې وسلې یې پر ځمکه ونه غورځولې؛ نو اې د مسلمانو پوځونو سرتېرو، پر تاسو څه شوي!؟

د همدغو مجاهدینو استقامت ستاسو دښمن په غوسه کړ او د شرم په جامه کې ووتل؛ همدا د دښمنانو پر وړاندې د مومنانو قدرت ښیي.

سره له دې چې تجهیزات یې کم وو؛ خو د دغو اتلانو زړورتیا او استقامت، هغه ظالم حکام افشا کوي چې د اسلام او مسجد الاقصی په ملاتړ د امت د پوځونو د مسولیت ترسره کولو پر وړاندې خنډ ګرځي.

هغوی چې سهار او ماښام د مسجدالاقصی پر سپکاوي په غوسه دي، کورونه یې ورانېږي او وینه یې تویېږي؛ بیا وایي موږ «اسراييلو» ته خبرداری ورکوو چې له سرو کرښو وانه وړي! کومې سرې کرښې یادوئ!؟ ایا د کورونو له ورانولو، د خلکو له بې ځایه کیدو، د دوی د وینې تویېدو او د مسجدالاقصی له سپکاوي وروسته سرې کرښې پاتې دي؟!

تر ټولو ناوړه دریځ بیا د هغو کسانو دی چې له نړیوالو سازمانونو د ملاتړ غوښتنه کوي؛ ایا انګليس او امریکا به د فلسطين د خلکو ملاتړ وکړي!؟... ولې د فلسطین اصلي څښتنانو، اسلامي امت او د هغوی پوځونو ته نه وایئ چې د فلسطين د خلکو د ملاتړ لپاره حرکت وکړي؛ او که ستاسو غدر او خیانت د دې مخه نیسي چې د اسلامي امت او د هغوی له پوځونو څخه د بیت المقدس د ازادولو لپاره مرسته وغواړئ!؟

ولې رسنۍ ټولو صادرو شوو اعلاميو او شوو ويناوو ته خبري پوښښ ورکوي؛ خو د اسلامي امت او د امت د پوځونو د ریښتینې ازادۍ په اړه وينا او بلنې ته پوښښ نه ورکوي!؟ ایا رسنۍ به زموږ پیغام اسلامي امت او پوځونو ته ورسوي؟ او که د اسلام له دښمنانو سره -چې په اسلامي هیوادونو کې د دغه غږ پورته کېدل نه غواړي- لاس یو کوي!؟

اې مسلمانانو: په سپېڅلې خاوره کې د مجاهدینو ځپل د یوې نړیوالې او سیمه‌ایزې دسیسې له مخې کېږي. هغه څه چې په جنین، نابلس او نورو ځایونو کې روان دي، په سیمه کې د امریکا په ملاتړ امنیتي غونډو پایله ده؛ دا د عقبې بدنامې ناستې (چې به ۲۰۰۳ کې د اردون په کوربه‌توب وشوه) ثمره ده.

دا د فلسطیني ادارې او سیمې دولتونو د جنایتکارانه همکارۍ پایله ده چې رهبران یې د امنیتي همغږۍ د درولو ادعا کوي.

د یهودي ادارې د برید پر مهال د فلسطین امنیتي دستګاه ولې په خپلو مرکزونو ننوځي!؟ د خپلوانو روحونه یې دا ذلت څنګه مني چې دوی په خپلو مرکزونو کې ناست دي او دښمن یې وروڼه وژني او کورنۍ یې کډه کولو ته اړباسي!؟ دوی څنګه د مجاهدينو په نیولو او له دوی څخه د وسلو په اخیستو د رضایت احساس کوي!؟

غربي او عربي هیوادونه غواړي چې د فلسطين خلک یهودي رژیم ته تسلیم شي او په ذلت او سرټیټۍ ورسره یوځای شي. زموږ حکام نه د مسجد الاقصی پروا لري او نه د فلسطین د خلکو. له همدې امله دوی په سپېڅلې خاوره کې د مبارزې هر حرکت د خپل خوب تښتوونکی او د مسلمانانو په زړونو کې د مبارزې د هغې روحیې را ژوندی کوونکی ګڼي چې دوی یې شپه او ورځ د وژلو هڅه کړې.

اې زموږ اسلامي امته: موږ د فلسطين خلک تاسو ته وایو چې که د فلسطين خلک د تورې سر وي، ایا ژوندي امت ته دا منلو وړ ده چې توره یې ماته شي!؟ که د جنین اتلان ستاسو زامن وي، ایا امت به خپل اتل زامن ناکام کړي!؟ ایا له دوی سره خیانت د خدای د عذاب سبب نه کېږي!؟ رسول الله صلی الله علیه وسلم فرمایي:

«مَا مِنَ امْرِئٍ يَخْذُلُ مُسْلِماً فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا خَذَلَهُ اللهُ فِي مَوْطِنٍ يُحِبُّ فِيهِ نُصْرَتَهُ وَمَا مِنْ أَحَدٍ يَنْصُرُ مُسْلِماً فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا نَصَرَهُ اللهُ فِي مَوْطِنٍ يُحِبُّ فِيهِ نُصْرَتَهُ»

ژباړه: هر مسلمان چې بل مسلمان په داسې ځای کې یوازې پرېږدي، چې ابرو ته يې سپکاوی کېږي او حرمت او کرامت يې تر پښو لاندې کېږي، الله سبحانه وتعالی به هغه په داسې ځای کې یوازې پرېږدي، چې هلته د مرستې او الهي کمک هيله لري او هر مسلمان چې له بل مسلمان سره په هغه ځای کې مرسته او د هغه ملاتړ وکړي، چې هلته یې ابرو ته سپکاوی کېږي او حرمت او کرامت يې تر پښو لاندې کېږي، الله سبحانه وتعالی به ورسره په هغه ځای کې مرسته وکړي چې هلته د الهي نصرت او کمک هيله لري. [طبراني په کره سند سره روایت کړی]

ایا تاسو به خپله اقصی او د رسول الله صلي الله علیه وسلم د اسراء سیمه؛ خپل دیني وروڼه او اولادونه په داسې حالت کې پرېږدئ چې د یهودي ادارې تر بمبار لاندې وي او تاسو یې یوازې سیل کوئ!؟

اې د سپېڅلې خاورې خلکو: صبر او حوصله وکړئ؛ یو موټی اوسئ؛ تاسو به په خپل ايمان او استقامت سرلوړي شئ! خپل امت ته مخ ور واړوئ او له هغوی څخه د دښمن پر وړاندې بري کې مرسته وغواړئ! د امت د بیا راپورته کېدو محرک او عزت او سرلوړئ ته د هغوی د بیا رسېدو سرچینه شئ. پر خپل دین او امت باور ولرئ، پر هغه الله سبحانه وتعالی توکل وکړئ چې ستاسو بریا یې په واک کې ده، له مزدورو رژیمونو لاس واخلئ او له الله سبحانه و تعالی څخه مه نهيلي کېږئ.

 [إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ]

ژباړه: «د الله تعالی له رحمت څخه مه ناهيلي کېږئ، د هغه تعالی له رحمت څخه کافران ناهيلي کېږي» [یوسف: ۸۷]

له خپل امت څخه مه نهیلي کېږئ؛ دوی د مېړانې او اتلولۍ خلک دي. الله سبحانه و تعالی به د سپېڅلې ځمکې د ازادۍ او د خلافت د تاسیس لپاره د امت او د امت د پوځونو د نصرت لپاره یوه لار پرانیزي. ستاسو غږ به هغو زړونو ته ننوځي چې د فتحې، بریا او ازادۍ ورځې ته لېواله دي. هغوی ته د الله سبحانه و تعالی په دغه وینا خطاب کول مه دروئ:

[يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ * إِلَّا تَنْفِرُوا يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلَا تَضُرُّوهُ شَيْئاً وَاللَّهُ عَلَى كُلِّ شَيْءٍ قَدِيرٌ]

ژباړه: «اې مومنانو! پر تاسو څه شوي دي چې کله تاسو د الله تعالی په لاره کې د وتلو لپاره وویل شول، نو تاسو پر ځمکه درانده کېناستلئ؟ ایا تاسو د اخرت پر مقابل د دنیا ژوند غوره کړی دی؟ که داسې ده نو تاسو ته دې معلومه وي چې د دنیوي ژوندانه دا ټول وسایل به په اخرت کې ډېر لږ راووځي. که تاسو نه پاڅئ نو الله تعالی به تاسو ته دردناکه سزا درکړي، ستاسو پر ځای به بل قوم راپاڅوي او تاسو به الله تعالی ته هېڅ زیان ونه شئ رسولای. الله تعالی پر هر څه قدرت لري.» [توبه: ۳۸ـ۳۹]

دا کلکه وعده ده چې د امت پوځونه به سره یو ځای او بیت المقدس به ازاد شي. ان شأالله

یا الله! موږ له دغه خیر څخه مه بې برخې کوه؛ د مسلمانانو زړونه له خیر او حکمت څخه ډک کړه او له خپل لوري موږ ته فتح را په برخه کړه. یا الله! زموږ د شهيدانو شهادتونه قبول او ټپیانو ته مو بېړنۍ روغتیا ورکړه او خپلې هغې فتحې او بریا ته مو ورسوه چې تا یې وعده راکړې ده.

یا الله! هغو کسانو ته سزا ورکړه چې ته یې په قهر کړی یې او هغوی چې له دغو کسانو سره یې ملګرتیا کړې ده. یا الله! د دوی اداره د دوی په بربادۍ او د دوی په خپل چل او فرېب کې راګير کړه، زموږ د امت او  دین ساتنه وکړه او موږ په هغو کسانو کې شامل کړه چې تا د خپل دین د ساتلو او د خپل دعوت د وقار لوړولو لپاره غوره کړي دي. الحمدلله رب العلمین.

حزب التحريرـ د فلسطين سپېڅلې خاوره

۱۴۴۴هـ.ق کال، د ذوالحجې ۱۷مه

۲۰۲۳م کال، د جولای ۵مه

ژباړه: فریدون محتاط

(ژباړه)

د ۲۰۲۳م کال د جولای په ۲۹مه، د هند د کورنیو چارو وزیر تایید کړه کړه چې له ۲۰۱۹م کال راهیسې په اشغال شوي کشمیر کې ۹۷۶۵ ښځې ورکې شوې؛ له دې ډلې د ۱۱۴۸ عمرونه له ۱۸ کلونو کم دي. د هند د امنیتي ځواکونو او استخباراتي ادارو، د څېړنو ګروېږنو ملي ادارې NIA)) او څېړنو ګروېږنو دولتي ادارې (SIA) له لوري د وهلو، عملیاتو او پر کورونو د چاپو په ترڅ کې د اشغال شوي کشمیر مسلمانان له تښتونې، ذهني شکنجې او سختو ربړونو سره مخامخ دي. د ۲۰۱۹م کال د اګست په ۵مه د هند له لوري د اشغال شوي کشمیر د الحاق څلور، اوږده او له درد څخه ډک کلونه کېږي. پر اشغال شوي جمو او کشمیر بېلابېل بندیزونه لګول شوي دي. هندو واکمنانو پر مسلمانانو د ظلمونو لپاره زرګونه اضافي عسکر ځای پر ځای کړي دي. د شپې په ټاکلي وخت کې په دغه سیمه کې د خلکو ناستې بندې دي. پر تګ راتګ، اړیکو او مذهبي ناستو هم بندیز دی. د اشغال شوي کشمیر مسلمانان د پاکستان له وسله والو ځواکونو پرته بل هیڅ احتمالي ژغورونکی نه لري. دوی په مسلسله توګه د پاکستان پر پوځ غږ کوي چې د هند له وحشیانه ظلمونو یې وژغوري.

له اوو لسيزو راهيسې په اشغال شوي کشمير کې زموږ پر وروڼو او خويندو د وحشیانه ظلمونو پر وړاندې د ملګرو ملتونو چوپتیا او ګام نه پورته کول دا ثابتوي چې اوسنی نړيوال نظم د مسلمانانو پر ضد دی. نو له دغو بنسټونو څنګه هيله ولرو؛ په داسې حال کې چې الله سبحانه وتعالی موږ دوی ته له مراجعې او مخ اړولو منع کړي یو؟ الله سبحانه وتعالی فرمايي:

[أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ يُرِيدُونَ أَنْ يَتَحَاكَمُوا إِلَى الطَّاغُوتِ وَقَدْ أُمِرُوا أَنْ يَكْفُرُوا بِهِ وَيُرِيدُ الشَّيْطَانُ أَنْ يُضِلَّهُمْ ضَلَالاً بَعِيداً]

ژباړه: «[اې پیغمبره صلی الله علیه وسلم!] ایا هغو کسانو ته نه ګورې چې ادعا کوي: موږ پر هغه کتاب چې تا ته راغلی دی او پر هغو کتابونو چې له تا څخه مخکې نازل شوې وو ايمان راوړی دی؟ ـ خو غواړي چې خپلې چارې د فیصلې لپاره طاغوت ته وړاندې کړي. حال دا دی چې هغو ته له طاغوت څخه د منکرېدو حکم شوی و. شیطان غواړي هغوی وغولوي او له سمې لارې یې ډېر لرې کړي.» [نسأ: ۶۰]

اې د پاکستان د وسله والو ځواکونو مخلصو سرتېرو او افسرانو! ایا د الله سبحانه وتعالی دا حکم تر اوسه تاسو ته نه دی رسیدلی؟ الله سبحانه وتعالی امر کړی دی:

[وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ]

ژباړه: «او که هغوی د دين په اړه له تاسو څخه مرسته وغواړي، نو د هغوی مرسته پر تاسو فرض ده» [انفال: ۷۲]

ایا تاسو د الله سبحانه وتعالی د دغه امر ځواب نه وایئ؟ الله سبحانه وتعالی فرمايي:

 [وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَلْ لَنَا مِنْ لَدُنْكَ وَلِيّاً وَاجْعَلْ لَنَا مِنْ لَدُنْكَ نَصِيراً]

ژباړه: «پر تاسو څه شوي دي، چې تاسو د الله سبحانه وتعالی په لاره کې د هغو بېوسو نارينه، ښځو او ماشومانو په خاطر نه جنګېږئ چې کمزوري کړای شوي، تر فشار لاندې نيول شوي دي او فریادونه کوي چې: «اې زموږ ربه، موږ له دې کلي چې اوسېدونکي یې ظالمان دي وباسه او له خپل لوري څخه زموږ کوم سرپرست او مرستندوی پیدا کړه.»» [نسأ: ۷۵]

ايا تاسو ته د اسلام دا حکم هم نه دی رسېدلی چې کله کفار پر مسلمانانو بريد کوي، نو پر ټولو نږدي وړ مسلمانانو د هغو کفارو پر وړاندې جهاد فرض کېږي؟ تر څو چې کفار پر شا شوي نه وي، دا مکلفیت تر نورو مسلمانانو پورې غځول کیږي. ایا تاسو به د محمد بن قاسم  پر پلونو پل نه ږدئ چې د پاک لمنو مسلمانو ښځو او نارینه وو په بلنه یې سند فتح کړ؟ مسلمانان يې د دښمن له منګولو ازاد کړل او د هندو ظالم راجا داهر غرور یې مات کړ.

په ټوله نړۍ د اووم او اسلامي نړۍ کې د لومړي ستر پوځي ځواک په توګه، د اشغال شوي کشمير ازادول ستاسو مسولیت دی. د دې لپاره تاسو باید د صلاح الدین ایوبي پر پلونو پل کېږدئ. تاسو باید لومړی مسلمانان سره متحد کړئ. دا هغه وخت کېږي چې د امت ډال، خلافت دولت د تاسیس لپاره نصرت ورکړئ.  څو چې د دولت ـ ملت په چوکاټ کې بندي وئ او د غرب غلام حکام درباندې حاکم وي؛ د الله سبحانه و تعالی او رسول الله صلي الله علیه وسلم دغه حکم هېڅکله نه شئ عملي کولی. د دولت ـ ملت پر اساس اوسنی نړیوال نظم رد کړئ. د یوه خلیفه تر امر لاندې سره یو موټی شئ او د اسلامي امت د ویاړ د بیا تر لاسه کولو لپاره جهاد وکړئ. نو راپاڅېږئ او همدا اوس د نبوت پر منهج خلافت د بیا تاسیس لپاره حزب التحریر ته نصرت ورکړئ.

حزب التحريرـ ولایه پاکستان

۱۴۴۵ هـ.ق کال، د محرم ۱۳مه

۲۰۲۳م کال، د جولای ۳۱مه

ژباړن: فریدون محتاط

(ژباړه)

هند د پرمختګ په حال کې دی؛ دا پرمختګ د هغوی د سرچینو او ځواک په سبب نه، بلکې د امریکا د ملاتړ په سبب دی. امریکا د هغو هېوادونو ملاتړ کوي چې د امریکا په مشرۍ نړیوال نظم او د امریکا د ګټو ساتلو لپاره هڅې کوي.

د امریکا دغه سیاست یوازې په هند پورې نه دی تړلی. دغه سیاست په نورو هېوادونو، لکه جاپان کې هم مخته وړي. امریکا تر دویمې نړیوالې جګړې وروسته جاپان له اقتصادي اړخه پیاوړی کړ، خو له پوځي اړخه یې کمزوری وساته. بله بېلګه سوېلي کوریا ده. چین هم پخوا د امریکا له لوري پیاوړی شو چې له شوروی اتحاد سره یې د یو ځای کېدو مخه ونیسي. المان هم تر دویمې نړیوالې جګړې وروسته امریکا پیاوړی کړ چې له دې لارې پر اروپا تسلط ولري.

د ۹۰مې لسیزې تر نیمايي پورې هند د امریکا د نفوذ له حوزې بهر و او دغه وخت یې ونه شو کولی چې په خپل زور پیاوړی شي. بیا د هند لپاره د امریکا تګلاره بدله شوه او امریکا وغوښتل چې هند د چین پر وړاندې پیاوړی کړي.

امريکا تر خپل نړيوال نظم لاندې د يو دولت د قوي کولو يا کمزوري کولو لپاره له پنځو وسايلو څخه کالي اخلي چې عبارت دي له:

1  بهرنۍ پانګونه: امریکا خپلو شرکتونو ته لارښوونه کوي چې د دوی په متحدو هېوادونو، لکه هند کې پانګونه وکړي. امریکا په هند کې دغه بهیر د «من موهن سېنګ» په وخت کې پیل کړ او تر اوسه روان دی.

2   د ټېکنالوژۍ لېږد: امریکا خپلو د ټېکنالوژۍ شرکتونو ته اجازه ورکوي چې د دوی په متحدو هېوادونو کې پانګونه وکړي. دوی ته پرمختللې ټېکنالوژي ورکوي؛ لکه امازون، ګوګل او اپل چې نن ورځ په هند کې پانګونه کوي.

3   نړیوالو بازارونو ته لاسرسی: امریکا د نړیوالو سازمانونو له لارې نړیوال بازارونه خپلو متحدینو ته د لاسرسي وړ کوي. دا کار د دې لپاره کوي چې دغه هېوادونو دلته خپل توکي او خدمتونه وپلوري. هند او چین دواړو خپل اقتصاد په صادراتو پیاوړی کړ او دا نړیوالو بازارونو ته د امريکا په واسطه د دوی د لاسرسي په سبب وو.

4   پوځي مرسته: امریکا د پوځي ټېکنالوژۍ د لېږد تړونونو له لارې د هېوادونو دفاعي سیسټم کې خپل نفوذ پیاوړی کوي. نن ورځ دغه کار له هند او یهودي ادارې سره کوي. پر دې سربېره امریکا پر دغو هېوادونو خپلې وسلې، جنګي بېړۍ، توغوندي، ډرون الوتکې او اوبتلونه پلوري.

5  کډوالي او د غربي فرهنګ القا: امریکا تر خپل نفوذ لاندې هېوادونو خلکو لپاره کډوالي اسانه کوي. دوی ته په اسانۍ وېزې ورکوي. په دې توګه د دغو هېوادونو ځوانان او تکړه کسان د امریکا علمي او څېړنیزو موسسو ته لار مومي. امریکا بیا دغه کسان د خپلو ارزښتونو او ایډیولوژۍ له مخې روزي.

اوس دا پوښتنه راپورته کېږي چې که د هند او پاکستان حکام غواړي په سیمه کې د امریکا اجنډا پلې کړي؛ نو ولې هند د امریکا په مرسته د پرمختګ په حال کې دی او امریکا د پاکستان له پرمختګ سره مرسته نه کوي؟

لومړی دا چې دا د امریکا پلان دی؛ ځینې هېوادونه له خپلو ګټو څخه د دوی د تعبیر له مخې پیاوړي او ځینې کمزوري کوي. دا موږ ته درس راکوي چې باید د خپل پرمختګ لپاره خپل لید ولرو. باید د خپل پرمختګ لار د نورو هېوادونو د پلانونو له مخې ونه سنجوو. د پرمختګ او ودې لپاره زموږ لید باید یوازې د پاکستان لپاره نه، بلکې د ټول اسلامي امت لپاره وي.

دویم دا چې له موږ سره د امریکا د مرستې نه کولو سبب د اسلام او غرب ترمنځ د تمدنونو ټکر دی. د پانګوالۍ لېبرال ډیموکراسي له اسلامي عقیدې او د شریعت اوامرو سره ښکاره په ټکر کې ده. په حقیقت کې د ازادۍ مفکوره، چې د همجنسپالنې او اسلامي مقدساتو ته د سپکاوي پشان اعمالو سبب کېږي، د اسلامي عقیدې خلاف ده. نو څنګه له امریکا څخه د مرستې یا زموږ د پیاوړي کولو تمه ولرو؛ په داسې حال کې چې د دوی نړیوال نظم پر داسې ارزښتونو ولاړ دی چې زموږ د عقیدې خلاف دي؟

نو د دې پر ځای چې د امریکا د رضایت خپلولو لپاره هڅې وکړو او –لکه له تېرو ۷۵ کالو راهیسې چې زموږ حکام دا کار کوي- د امریکا د ګټو خوندي کولو په وسیله بدل شو؛ باید د امریکا نړیوال نظم رد کړو!

باید ځان ته خپل مسیر وټاکو. باید خپل نړیوال نظم د خلافت د تاسیس له لارې د اسلامي نړۍ د وحدت پر اساس جوړ کړو. د مسلمانانو ځمکې د سرچینو له اړخه غني دي؛ لوی لوی پوځونه او لویه فیصدي ځوانان لري چې خلافت پر یوه نړیوال ځواک بدلوي. تر ټولو مهمه دا چې د مسلمانانو د وحدت پر اساس نړیوال نظم به د الله سبحانه و تعالی او رسول الله د اطاعت او زموږ د دین او ارزښتونو د لارښوونو پر بنسټ وي. نو راځئ چې د امریکا نړیوال نظم رد کړو او د خلافت د تاسیس لپاره خپله مبارزه زیاته کړو!

حزب التحریر-ولایه پاکستان

۱۴۴۴هـ.ق کال د ذولحجې ۲۱مه

۲۰۲۳م کال د جولای ۹مه