(ژباړه)

ملګرو ملتونو د چهار شنبې په ورځ د فبروري په ۸ مه اعلان وکړ چې په یمن کې د دوه کلنې کورنۍ جګړې له امله د رامنځته شوې لوږې د مخنیوي لپاره ۲.۱ بیلیون امریکایي ډالرو ته اړتیا ده. د دوی په وینا؛ په دغه جنګځپلي هېواد  کې ۱۲ میلیونه خلک له لوږې سره مخ دي. د هېواد اقتصاد د ضعیفوالي، د تاسیساتو او نورو مرستندویه بنسټونو د له منځه تللو له امله د هېواد  وضعیت په ډیرې چټکۍ نور هم د خرابېدو په لور په روان کړی، چې لامل یې یوازې کورنی اخ و ډب ګڼل کیږي. د ملګرو ملتونو د بېړنیو مرستو همغږی کونکی سټوفن اوبرین یوې ورځپاڼې ته په لنډو ټکو کې ویلي: «که پر نورو بشری هڅو سربېره، بیړنۍ مرستې و نه شي، نو په ۲۰۱۷ کې هرو مرو د یوې واقعي لوږې امکان شته. نوموړي زیاته کړه؛ کابو ۷.۳ میلیونه وګړي نه پوهېږي چې دوی به د بل څاښت ډوډی له کومه کوي؟»

د ملګرو ملتونو له قوله: په یمن کې نږدې ۳.۳ میلیونه خلک، چې ۵۰۰ زره یې ماشومان دي، په خوارځواکۍ اخته دي او  ۲.۱ میلیون یې هغه ماشومان دي چې په چټکۍ پر خوارځواکۍ د اخته کېدو په درشل کې دي. په یوه کال کې د ماشومانو د خوارځواکۍ په برخه کې ۶۳٪ زیاتوالی راغلی او په هرو ۱۰ دقیقو کې یو ماشوم، چې عمر یې له ۵ کلنۍ کښته دی، د هغه سبب له امله مري چې مخنیوی یې شونی دی.

د یمن د ماشومانو هغو تصویرونو چې د خوارځواکۍ له امله د دوی له ډنګرو بدنونو څخه راوتلي هډوکي پکې څرګندېږي، د تېرو ۵ ورځو راهیسې په رسنیو کې غوغا جوړه کړې. سربېره پردې په هېواد کې په میلیونونو نور ماشومان له ورته برخلیک سره مخ دي. ایا دا هر څه په اسلامي خاورو کې د بریتانیا او امریکا اشغالګرو حکومتونو یا د دوی ګوډاګي رژیمونو او ډلو وجدان ته ټکان نه ورکوي، چې خپلې سیاسي لوبې ته چې په یمن کې یې د خپلو ګټو لپاره پیل کړې، د پای ټکی کېږدي؟ په حقیقت کې دغه حکومتونو د بې وجدانه پانګوالي ارزښتونو په رڼا کې خپل انسانیت را څرګند کړ، په دې کې هېڅ شک نشته چې دغه وحشي جګړه به ادامه پیداکوي، چې د یمن ماشومان د دغه بشري ناورین چې د بشر په لاس رامنځته شوي یوه برخه وي چې دا هر څه  د سیاسي دوښمنانو پر ضد جکړې تر نامه لاندې کوي، څو پر دغه هېواد خپله ولکه ټینګه کړي. دوی ته د خپلو اقتصادي او سیاسي ګټو لپاره د زرګونو بې ګنا ماشومان وژنه او هر اړخیز زیانونو اړول کوم ګران کار نه دی. په حقیقت کې د یمن ماشومان د دوی په سیاسي پوښ بدل شوي او دغه حریص پانګوال دولتونه غواړي په دغه طبیعي زېرمو لرونکې ځمکه خپله ولکه ټینګه وساتي.

سره له دې چې یمن له پخوا له نیستۍ سره لاس او ګریوان و چې خپل ۹۰٪ خوراکي توکي له بهره واردول، خو دغه واردات د جګړې او د سعودي ایتلاف له لوري د بحري بندرونو د تړل کېدو له امله بند شول، چې په میلیونونو مسلمانان او د هغوی ماشومان یې د لوږې د کندې پر غاړه پرېښودل. سربېره پر دې د ملګرو ملتونو له قوله ۱۹.۴ میلیونه یمني وګړي د څښاک اوبو او حفظ الصحي ته لاس رسی نه لري، چې له امله یې په چاپېریال کې د یو ډول ساري ناروغیو د خپرېدو سبب ګرځیدلی، چې په معمولي توګه یې لومړني قربانیان یې ماشومان دي.

که څه هم چې په بریتانیا کې د بشري حقونو له ډلو سره د دې لپاره اړیکې ونیول شوې چې د بریتانیا حکومت پر سعودي عربستان د هغو وسلو خرڅلاو بند کړي چې په نیغه یې پر یمن د یرغل پر مهال کار وي؛ خو د بریتانیا حکومت هېڅ ځان پرې پوه نه کړ. په حقیقت کې بریتانیا حکومت د جګړې له پیله د سعودي رژیم ته د ۳.۳ بیلیونو یورو په ارزښت د وسلو جواز ورکړی و، بې له دې چې د سعودي ایتلاف واقعیت په پام کې ونیسي چې د غرب له لوري په روانه جګړه کې یې ډیر شمېر مکتبونه او روغتونونه بمباري کړي. دوی په ښکار توګه د بې ګنا کسانو په وژلو او د هغوی د وینې په ارزښت د خپل هېواد خزانې او د وسلو د صنعت بانکونه ډکوي.

له بلې خوا د سعودي خاین رژیم د نورو هغو اسلامي هېوادونو په ګډون چې د سعودي په مشرۍ عربي-ایتلاف کې سره یو شوي، په خپله خوښه دیمن ماشومان یا وژني او یا یې هم له لوږې سره مخ کړي. دوی په دغه نیابتي جګړه کې د خپلو بریتانوي او امریکایي بادارانو لپاره جنګېږي.  په حقیقت کې د دغه بېشرمې جګړې ټول ګډونوال په دغه بشري ناورین کې چې د یمن پر ماشومانو یې راوستلې پړ ګڼل کیږي. دوی د خپلو غربي ملاتړو لپاره خپل ځانونه وپلورل او د هغو زرګونو مسلمانانو پاکه وینه يې وبهوله چې رسول الله صلی الله علیه وسلم یې ژوند له کعبې او هغه څه چې د هغې شاوخوا دي، غوره ګڼلې.

لکه څرنګه چې الله سبحانه وتعالی د رسول الله صلی الله علیه وسلم امت د ځمکې پر مخ یوه غوره امت بللی، نو مونږ باید له خپلو ځانو وپوښتو چې ولې مونږ دومره ذلیله شوو چې دوی د اسلام د دوښمانو د خوښۍ لپاره، مسلمانان او د هغوی ماشومان زموږ د سترګو پر وړاندې له لوږې سره مخ او وژني؟ په یقیني توګه به الله سبحانه وتعالی د هغه څه پوښتنه کوي چې موږ  لیدل او د دغه مصیبت پر وړاندې مو  څه عکس االعمل ښوده. د بشر په لاس رامنځته شوی دغه بشري ناورین او د مسلمانانو تر منځ د جګړې لامل  په نړۍ کې د ۹ لسیزو راهیسې د هغه زړه سوي او عدالت نشت دی، چې د الله سبحانه وتعالی له شرعي نظام (د رسول الله صلی الله علیه وسلم پر تګلاره خلافت) څخه رامنځته کېږي. دغه دولت به ټول کرغېړن مسلمان حکام له منځه وړي چې د خپلو سطحي ملتپالو او فرقه یي موخو لپاره یې د مسلمانو وروڼو زړونه د نور مسلمانانو پر وړاندې تورکړي. دغه دولت به ټول مسلمانان د الله سبحانه وتعالی د دین د دوښمانانو پر وړاندې سره یو موټی کړي او د فوځونو په سمبالتیا سره به د اسلامي امت د ماشومانو د وینې او ژوند ساتنه وکړي. د دغه دولت تر سیوري لاندې به د امت بچیان په سوکالۍ او امنیت کې له خپل ژوند څخه خوند اخلي، کټ مټ لکه څرګنه چې پخوا د یمن او نورې اسلامي نړۍ ماشومانو د خلافت تر سیوري لاندې له خپل ژوند څخه خوند اخیست.

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ﴾  (النور:۵۵)

الله سبحانه وتعالی له هغه کسانو سره چې ایمان یې راوړی او نیک عملونه کوي، وعده کړې چې هغوی به پر ځمکه خلیفه ګان ګرځوي، لکه څرنګه یې چې مخکیني ګرځولي وو. د هغوی لپاره به هغه دین پر محکمو بنسټونو ودروي چې الله سبحانه وتعالی ورته خوښ کړی دی او د وېرې (اوسنی) حالت به يې په امن بدل کړي. هغوی د زما بنده ګي کوي او له ما سره د کوم شی نه شریکوي. څوک چې له دې وروسته کفر غوره کړي، نو همدوی فاسقان دي.

ډاکټر نسرین نواز

د حزب التحریر مرکزي مطبوعاتي دفتر لپاره