پنجشنبه, ۰۱ ذیحجه ۱۴۴۳هـ| ۲۰۲۲/۰۶/۳۰م
ساعت: مدینه منوره
Menu
القائمة الرئيسية
القائمة الرئيسية

د خلافت په اړه د حزب التحریرـ ولایه تونس کلنی کنفرانس Featured

  • خپور شوی په تونس

د خلافت د ړنګېدو د ۱۰۱مې کلیزې او د هغه د بیا تاسیس لپاره د هلو ځلو د ګړنديتوب په مناسبت، چې مسلمانان یې تر چتر لاندې د عزت له لوړو پوړیو څخه برخمن کېدای شي او خپل ورک شوی غرور، وقار او د بشریت رهبري بېرته تر لاسه کولای شي. حزب التحریرـ ولایه تونس خپل کلنی کنفرانس تر دې سرلیک لاندې جوړوي:

"د حزب التحریر اقتصادي لیدلوری"

په دې کنفرانس کې به د بېلا بېلو هېوادونو روڼ اندي کسان، د نظر خاوندان او د کارپوهانو یوه ډله برخه واخلي او له دې لارې به د اقتصادي ناورین سره د مبارزې لپاره بنسټیزې حلارې وړاندې کړي، چې خلک او دولت ګواښي. له همدې لارې به حزب تایید کړي، ترڅو د خلافت دولت، چې حزب التحریر یې د تاسیس لپاره کار کوي د سرپرست او فلاح دولت په توګه معرفي کړي، خلافت د خلکو لپاره د ښه ژوند او اساسي اړتیاوو د پوره کولو لکه کور، خواړو او جامو مسوولیت پرغاړه اخلي. د روغتیا، امنیت او زده کړې په برخه کې د خلکو اساسي اړتیاوې پوره کوي. د خلافت دولت د مالیاتو راټولول د تونس له دولت سره په بشپړ ډول توپیر لري، د تونس اوسنی اقتصادي سیسټم د یدن او سیاست د جلا کولو له مفکورې څخه رامنځ ته کیږي، چې د تونس ډیری خلک یې د بېوزلۍ، ناروغۍ او بې‌کارۍ سره مخ کړي دي.

کنفرانس به دری برخې ولري او حزب التحریر به پکې لاندې اقتصادي لیدلوری وړاندې کړي:

لومړۍ برخه:

۱.  په نړۍ کې اقتصادي ناورین او لوړې بیې؛

۲. په تونس کې د اقتصادي ناورین عمومي او ځانګړي لاملونه؛

۳. په تونس کې د اقتصادي ناورین پایلې؛

دویمه برخه:

۱. اقتصادي ستونزې؛

۲. په اسلام کې د اقتصاد سیاست؛

۳. اسلام څنګه بېوزلي له منځه وړي؛

۴. اقتصادي پراختیا: د هیواد صنعتي وده؛ په اسلام کې د کرنې پالیسي فعالول او سوداګرۍ ته هڅول؛

دریېمه برخه:

۱. په تونس کې پراخه شتمني او امکانات؛

۲. د صنعتي او کرنې د کفایت پر بنسټ د تولیدي پروژو بودیجه او تمویل؛

۳. د بې‌کارۍ لپاره د اسلام حلاره؛

۴. د اسعارو په اړه د اسلام نظر؛

انشاءالله دغه کنفرانس به د ۱۴۴۳هـ.ق کال، د ذوالحجې په ۲۶مه، چې د ۲۰۲۲م کال، د جون له ۲۵مې سره سمون لري، د شنبې ورځ، د سهار په ۱۰:۰۰ بجو د تونس په پلازمېنه، د سوکره آریانا څلور لارې کې جوړ شي او د الواقیة ټلویزیوني چینل څخه به په ژوندۍ بڼه خپرېږي.

موږ د حزب التحریرـ ولایه تونس مطبوعاتي دفتر، په عمومي توګه ټولو مسلمانانو او په ځانګړې توګه د تونس او نورو مسلمانو هېوادونو د رسنیو متخصصینو، سیاسیونو او کارپوهانو ته بلنه ورکوو چې په دې کنفرانس کې له موږ سره ګډون وکړي او نوموړي کنفرانس ته رسنیز پوښښ ورکړي.

موږ له الله سبحانه وتعالی څخه غواړو چې دغه کنفرانس د نړۍ لپاره د بصیرت او هدایت سبب وګرځي. الله سبحانه وتعالی فرمايي:

 [يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ] [انفال: ۲۴]

ژباړه: اې ایمان راوړونکو! د الله تعالی او د هغه د پیغمبر صلی الله علیه وسلم بلنې ته لبیک ووایاست چې کله پیغمبر صلی الله علیه وسلم تاسو د هغه شي په لوري بلنه درکړي چې تاسو ته ژوند بښونکی دی.

حزب التحریرـ ولایه تونس مطبوعاتي دفتر

 

د مطلب ادامه...

د مسلمانانو اړوند ښوونځیو تړل د مسلمانانو هویت په نښه کوي Featured

  • خپور شوی په سویډن

 

ډاګینس نیهیټر، ګوتبورګپوستین او افتونبلادیت د پنجشنبې په ورځ راپور ورکړ، چې د سویډن د ښوونځیو پلټونکې ادارې د مسلمانانو اړوند د دوو ښوونځیو جوازونه، وروسته له هغې لغوه کړل چې د سویډن امنیتي خدماتو ادارې خبرداری ورکړی و، چې زده کونکي یې د اسلامي ایډیالوژۍ له امله د افراطیت له خطر سره مخ دي. دا پریکړه لږ تر لږه ۳۰۰ ماشومان اغېزمن کوي.

دا لومړی ځل نه دی چې په سویډن کې د ښوونځیو د تفتیش له امله د مسلمانانو اړوند ښوونځيو جوازونه لغوه او بلاخره تړل کېږي. څه موده وړاندې په والینګبي کې د الازهر ښوونځي د تړلو پرېکړه وشوه او له هغې وړاندې  په کوتنبرګ کې د روموسیکولان جواز لغوه شو. له روموسیکولان سره د سیاسیونو د چلند په اړه د ښار د تفتیش ادارې له نیوکې او د محکمې د حکم سربېره، چې ښوونځي کولای شي ادامه ومومي، دا کار وشو. اداري محکمې ویلي وو چې «د ښوونځي د مفتش پرېکړه، د مدیر او د ماشومانو یا زده کوونکو لپاره ډېرې ناوړه پایلې لري.» تر دې وړاندې هم لسګونه اسلامي ښوونځي بد نام او بیا تړلو ته اړ شوي دي. له نیوکو سربېره د مسلمانانو اړوند ښوونځيو پر وړاندې د تاوتریخوالي لړۍ دوام لري او دا دي اوس یې دوه نور ښوونځي هم وتړل، چې په دې سره ۳۰۰ زده کوونکي اړ شول، چې خپل ښوونځي بدل کړي.

د ناوړه پایلو او يا د درسي نيمګړتياوو پر اساس د مسلمانانو اړوند ښوونځيو تړل يوه تعليمي پرېکړه نه، بلکې يوه سياسي پرېکړه ده چې د اسلام خلاف انګېزې لري. نور ښوونځي لکه د کرسچن ایمانویل ښوونځی د LGBT مسایلو او په ښوونځي کې د LGBT خلکو سره د ناوړه چلند له امله تر نیوکې لاندې راغلي، خو دا د دې لامل نه دي شوي چې جوازونه یې بېرته واخیستل شي. 

د اسلام په اړه د سیاسي احزابو او سیاسیونو وسواس، د اسلام له پرمختګ څخه وېره او پر اسلام د مسلمانانو ټینګار، دوی یوې بایللې جګړې ته ټيل وهي، چې د ښوونځيو تړل یې یوه نمونه ده. سوسیال ډیموکراتانو غوښتل چې د مسلمانانو اړوند ښوونځي وتړي او د یهودانو ښوونځي نه. د سویډن د ښوونې او روزنې وزیرې ایکسټروم د مسلمانانو اړوند ښوونځیو د تړلو په اړه وویل: "موږ غواړو چې ماشومان او زده کوونکي په متنوع ښوونځيو کې زده کړې وکړي." د ایکسټروم په وینا "موږ د سیستماتیک جنسیت جلا کولو قضیې او افکار لیدلي چې د سویډن په ښوونځیو پورې اړه نه لري." په دې توګه د مسلمانانو اړوند ښوونځیو د تړلو انګیزه او د ښاروالۍ ښوونځیو ته د مسلمان ماشومانو په ورلېږلو سره د دوی دماغ مینځل کېږي او سیکولار کولو ته یې لاره هواریږي، دوی غواړي دغه ماشومان د سویډن ښوونځیو سره سم په مساوي توګه وروزل شي. له همدې امله د ګوتنبرګ د ښاروالۍ کمیسار اکسل درویک د روموس ښوونځي د تړلو پریکړه "د ماشومانو لپاره ساتیري" وباله او ویې ویل چې د روموس ماشومان به اوس "د سویډني ټولنې سره د یو ځای کېدو رښتینی فرصت ومومي."  

موږ تل ویلي چې له نژادي تبعیض او ادغام څخه د مسلمانانو د هویت د له منځه وړلو کار اخیستل کېږي، چې په زور او جبر سره ماشومان له سیکولار ارزښتونو سره یوځای کوي. د ادغام او تبعیض مسأله په ژبه کار نه لري، یو مسلمان د خپل اسلامي هویت په ساتلو سره په ټولنه کې اغېزمنه ونډه اخلي. خو نن ورځ ادغام او تبعیض د ارزښتونو پریښودلو او په ټولنه او ارزښتونو کې یې د ځای پر ځای کولو مانا لري. که له تاسو سره یوځای شوي نه وی، نو تاسو افراطي بلل، چې دا یو ناڅرګند تور دی او په عملي توګه د سیکولار ارزښتونو د نه منلو مانا لري. له همدې امله د سویډن امنیتي خدماتو خبرداری ورکړی، چې ماشومان د اسلامي ایډیالوژۍ له امله د افراطیت له خطر سره مخ دي. د دې مانا دا ده چې ماشومان د اسلامي ارزښتونو سره سم لوی شوي دي. له اسلامي ارزښتونو سره د مبارزې په برخه کې د حکومت لیوالتیا د دې لامل شوې چې پولیسو ته دا واک ورکړي، ترڅو له شواهدو او اسنادو پرته نور ښوونځي هم وتړي. د عدلیې وزیر مورګان جانسن، او د کورنیو چارو پخواني وزیر مایکل ډمبرګ په ۲۰۲۰م کال کې د DN په یوه نظریه کې لیکلي چې د امنیتي پولیسو پراخ کار د ۵ ښوونځیو د تړلو لامل شوی او د دې هڅو دفاع یې کړې، چې "د ښوونځیو تړلو سلګونه کسان له افراطیت څخه ژغورلي دي."

نو په داسې حال کې چې اسلام په پرلپسې ډول تر برید لاندې دی او اسلامي ارزښتونه له ستونزو سره مخ دي، د خصوصي اسلامي ښوونځیو تړل باید درک شي. د ښوونځيو تړلو، د قرآن سوځولو او د مسلمانو ماشومانو لپاره د ټولنيزو خدمتونو د برمته کولو تر منځ کوم اساسي توپير نشته او دا د ادغام پالیسۍ په کڅوړه کې مختلف وسایل دي.

زموږ پیغام غیرمسلمانانوس ته!

له اسلام سره د سیاسیونو کرکه د دې لامل شوې چې د اسلام پر وړاندې مبارزه کې ستاسو ارزښتونه او اصول هم تر پښو لاندې شي. له مسلمانانو پرته هر څوک کولای شي د بیان له ازادۍ څخه برخمن شي. له مسلمانانو پرته هر څوک کولای شي چې خپل ارزښتونه وساتي او اجازه نشته چې د سویډن له نصاب سره سم ښوونځي ولري، خو له اوکرایین څخه یو کډوال نيامكو صبوني کولای شي چې له خپل نصاب سره سم د ښوونځي جواز وغواړي. که چیرې د ټولنې اصولو ته د مداخلې اجازه ورکړل شي، ډېر ژر یا وروسته به د اسلام ضد سیاست د ټولنې د زوال لامل شي. مسلمانان هر څه سم کولای شي او محاکمې ګټلی شي، خو سیاسیون په تېره بیا د سویډن امنیتي ادارې په پټو سترګو او پراخو تورونو سره خپل ځانونه کندې ته ورغورځوي. په ۲۰۱۹م کې ساپو پرته له دې چې کوم ثبوت وړاندې کړي ۵ امامان نیولي او د شړلو سزا یې ورکړې. ایا سویډن باید همداسې وي؟ د قانون له حاکمیت پرته د پولیسو دولت؟

ګرانو مسلمانانو!

تاسو تر ټولو غوره الګو (رسول صلی الله علیه وسلم) لرئ، چې د اسلام له امله ګواښل شوی او ځورونې یې ګاللي دي؛ هغه صلی الله علیه وسلم خپله الګو ونیسئ، د اسلام په عقیدتي مطالعه له هغه صلی الله عیه وسلم څخه دفاع او نړیوالو ته د تګلارو په وړاندې کولو سره د خپل ځان او اولادونو ساتنه وکړئ. موږ یوازې په همدې سره کولای شو،  چې ځان له ادغام څخه وساتو. د انسانانو د ستونزو حل، د اسلام په وړتيا په باور درلودلو کې دی.

د سیاسي ګوندونو او سیاستوالو لپاره! تاسو پوهیږئ چې ستاسو نظریه مخ پر خرابیدو ده او موږ پوهیږو چې تاسو هڅه کوئ چې پر اسلام په برید کولو سره په خپلې ناکامۍ سترګې پټې کړئ. خو د اسلام پر وړاندې ستاسو احمقانه مبارزه به ستاسو د زوال لامل شي. تاسو به هېڅکله د مسلمانانو له زړونو څخه د اسلام په لیرې کولو کې بریالي نه شئ، ځکه چې موږ په دوی کې هغه حقیقي ارزښتونه ساتو چې هېڅکله نه پلورل کېږي.

د حزب التحریرـ سویډن مطبوعاتي دفتر

 

د مطلب ادامه...

د مسجد الاقصی او قدس د یهودي کولو طرحه؛ د مسلمانانو مسوولیت څه دی؟

  • خپور شوی په سیاسي

(دویمه برخه)

دلته د موضوع پر دویمه برخه بحث کوو، چې د عمر فاروق رضی الله عنه په وخت کې د لویې فتحې زېری دی. مخکې له دې چې د دغه زیري په اړه خبرې وکړو، باید ووایو چې الله سبحانه وتعالی په خپلو احکامو کې دغه مسجد ته لوړ مقام ورکړی. د مقام د لوړوالي یوه نښه یې دا ده چې الله سبحانه وتعالی یې د فتحې خبر ۱۷کاله مخکې د اسراء او معراج په معجزه کې ورکړی و او د فتحې زیری یې د مسجدالحرام د فتحې له زیري سره ډېر نږدې و. دغه راز د لوړ مقام بله نښه یې د مسجدالحرام او مسجدالنبوي تر څنګ د مسافرت لپاره ځانګړي کول دي. رسول الله صلی الله علیه وسلم فرمایلی دي:

«لَا تُشَدُّ الرِّحَالُ اِلَّا اِلَی ثَلَاثَةِ مَسَاجِدَ: مَسجِدِ الحَرَامِ، وَ مَسجِدِی هَذَا، وَ المَسجِدِالاَقصَی» (رواه بخاری)

ژباړه: له درېیو مسجدونو پرته د سفر نیت مه کوئ، مسجدالحرام، خپل مسجد مې او مسجدالاقصی ته.

طبراني له ابي الدرداء څخه روایت کوي چې رسول الله صلی الله علیه وسلم وفرمایل:

«الصَّلاةُ فِی المَسجِدِ الحَرَامِ بِمِائَةِ أَلفِ صَلَاةٍ، وَالصَّلَاةُ فِی مَسجِدِی بِأَلفِ صَلَاةٍ، وَالصَّلَاةُ فِی بَیتِ المقَدِسِ بِخَمسِ مِائَةِ صَلَاةٍ»

ژباړه: په مسجدالحرام کې یو لمونځ له سلو، زما په مسجد کې یو لمونځ له زرو  او په مسجدلاقصی کې یو لمونځ له پنځه سوه لمانځونو سره برابر دی.

دغو مسجدونو ته د سفر نیت په دې مانا دی چې مسلمانان تل د یادو مسجدونو زیارت او پکې لمونځ کولو سره مینه لري. دغه راز په دې مانا دی چې مسلمانان کولی شي، په چاپېریال کې یې په  امن کې پاتې شي او پر لوري یې سفر وکړي. همدارنګه په دې مانا دی چې مسجدالاقصی او قدس د اسلام او مسلمانانو تر حاکمیت لاندې پاتې کېږي.

رسول الله صلی الله علیه وسلم له وفات مخکې او په داسې حال کې چې د وروستۍ ناروغۍ په بستر کې و، وصیت وکړ، چې د اسامه بن زید رضی الله عنه په مشرۍ دې یو لښکر د شام پر لوري روان شي. دا د دې لپاره چې نوموړی د خپل پلار زید بن حارثه رضی الله عنه هغه هیله پوره کړي چې د موته په غزوه کې شهید شو. زید ته دستور ورکړل شوی و چې له خپل سواره لښکر سره په فلسطین کې د «الداروم ویبنا» سیمې او البلقاء خاورې ته ځان ورسوي. وروسته رسول الله صلی الله علیه وسلم وفات شو. په داسې حال کې چې فرمایل یې: «د اسامه بن زید د لېږلو موخه او جریان په پراخه کچه خپور کړئ...! د اسامه بن زید د لېږلو موخه او جریان په پراخه کچه خپور کړئ!» سره له دې چې شرایط سخت شوي وو او مرتدانو د اسلامي دولت پر هره برخه بریدونه کول، نو ابوبکر صدیق رضی الله عنه د رسول الله صلی الله علیه وسلم وصیت عملي کړ. وروسته یې څلور لښکر ترتیب او د فتوحاتو لپاره ولېږل چې درېیو سرلښکرو لکه؛ ابو عبیده بن جراح، شرحبیل بن حسنه او یزید بن ابي سفیان د شام پر لوري حرکت وکړ او عمرو بن العاص د بیت المقدس او همدارنګه خالد بن ولید د فارس او عراق پر لوري حرکت وکړ. ابو بکر صدیق رضی الله عنه وفات شو، په داسې حال کې چې له ډېرو بریاوو او فتوحاتو سره سره د شام او عراق لویه فتحه پوره نه شوه. دغه بریاوې د بیت المقدس له فتحې مخکې د «یرموک» د ۱۵ هـ.ق کال د رجب ۱۴مې له تاریخي او برخلیک ټاکونکې بریا سره خپل اوج ته ورسېدې. یعنې دوې میاشتې مخکې د قدس له فتحې څخه چې په شام او فلسطین کې یې نویو فتوحاتو ته لاره هواره کړه.

د عمرو بن العاص په مشرۍ د اسلام لښکر د فلسطین پر لوري حرکت وکړ. په دغه لښکر کې پر نورو سرتېرو سربېره څلور زره صحابه کرام هم وو او د فلسطین د سواحلو د لویې برخې له فتحې وروسته یې د قدس ښار محاصره کړ. دغه پېښه د یرموک برخلیک ټاکونکې جګړې څخه وروسته رامنځ ته شوه، په داسې بڼه چې د رومیانو دبدبه یې ختمه او له یوې خطرناکې ماتې سره یې مخ کړل. د یرموک جګړې د شام پاتې برخو د فتحې لپاره لار هواره کړه، په داسې ډول لکه د قدس فتحې ته یې چې لار هواره کړې وه. د قدس کلابندي څلورو میاشتو ته وغځېده، کله چې د قدس محاصرې ډېر وخت ونیو، نو عمر فاروق رضی الله عنه ابوعبیده ته لیک ولیکه او هغه یې د قدس لوري ته راوغوښت، په لیک کې لیکل شوي وو: «د الله بنده عمر بن خطاب له لوري خپل مامور ابو عبیده ته په شام کې! د الله تعالی حمد او پر رسول الله صلی الله علیه وسلم درود وایم. په لیک کې راغلي چې پر کوم لوري حرکت وکړې. ... ما وروسته له هغې چې د رسول الله صلی الله علیه وسلم د ترور له زوی حضرت علی رضی الله عنه سره مې مشوره وکړه او نوموړي مشوره راکړه، چې ته باید د بیت المقدس پر لوري حرکت وکړې او الله سبحانه وتعالی هغه ستا په لاسونو فتحه کوي، والسلام.» وروسته له هغې چې ابوعبیده ته لیک ورسېد او د لښکر مشري یې په خپل لاس کې واخیسته، مسیحیان د ښار په دننه کې تسلیم شول، ځکه په یرموک کې د رومیانو تر ماتې وروسته یې کوم ملاتړی نه درلود. په پایله کې د ۱۵هـ.ق، کال د روژې پر ۱۳مه، چې د ۶۳۶م، کال د اکټوبر له ۱۸مې سره سمون لري، قدس فتح شو او کیلیانې یې حضرت عمر فاروق رضی الله عنه، د هغوی له قومندان صفرینیوس ـ کبیر مسیحي واخیستلې او یو ژمنلیک یې ورته ولیکه، چې په عمري ژمنلیک ونومول شو. په هغه لیک کې له طبري روایت سره سم راغلي دي: «بسم الله الرحمن الرحیم، دا هغه امن لیک دی چې د الله بنده عمر امیرالمؤمنین د ایلیاء خلکو ته ورکړ. د خلکو د ځان، مال، کلیساوو او صلیبونو، روغ او ناروغو او نورو خلکو ته امن ورکړ. کلیساوې به یې نه خرابېږي ان په ځایونو او چاپېریال کې به یې کمی نه راځي. دغه راز مالونه به نه ترې اخیستل کېږي او د خپل دین پرېښودلو ته به نه اړ کېږي او په دې برخه کې به په هېڅ ډول نه ځورول کېږي. هېڅ یهودي به له هغوی سره په «ایلیاء» کې ژوند ونکړي او باید د ایلیاء خلک د مدائن د خلکو په شان جزیه ورکړي. ...»   

د بیت المقدس لویه فتحه وشوه، بیت المقدس د اسلام په لویو ښارونو کې شامل شو او پر لوري یې له ټولو اسلامي هېوادونو څخه خلکو د سفر نیت کاوه. مسلمانانو مسجدالاقصی ودان کړ، د کفر او شرک ټولې نښې او چټلۍ یې ترې پاکې کړې او پخپله حضرت عمر فاروق رضی الله عنه په دغه کار کې ونډه واخیسته. د رسول الله صلی الله علیه وسلم غوره صحابه د اقصی مبارکې خاورې په شاوخوا کې د قدس په عمواس، اجنادین، قیساریه او حومیه سیمو کې په شهادت ورسېدل. یو شمېر په بیت المقدس او قدس کې پاتې شول او هماغلته وفات شول، چې د بېلګې په توګه یې ځينې یادولی شو. لکه: شداد بن اوس په قدس کې وفات شو، عباده بن الصامت، چې د قضاوت چارې یې پر مخ بېولې، په قدس کې وفات او هملته خاورو ته وسپارل شو. دغه راز اسامه بن زید د فلسطین په جنوبي رمله کې وفات شو، واثله بن الاسقع، فیروزالدیلمي او دحیه الکلبي د الدحیې په کلي کې، چې په نامه یې ونومول شوه، وفات شول. عبدالرحمن بن غنم الاشعري، علقمه الکناني او اوس بن الصامت په قدس کې خاورو ته سپارل شول. همدارنګه مسعود بن اوس، سلام بن قیس الاحضرمي، مالک بن عبدالله الخثعمی ابوریحانه النصاری او یو زیات شمېر نورو چې په قدس کې اوسېدل، په هماغه ځای کې وفات هم شول. مسلمانانو د صحابه وو د وخت په لومړیو کلونو کې، له فتحې وروسته په قدس کې ژوند پیل کړ او د هغو کسانو په پله یې پل کېښود چې د دې خاورې د ازادولو لپاره د شهادت لوړې مرتبې ته ورسېدل او د خپلو وینو په قیمت یې هغه ځای ازاد کړ. دغه راز شپه او ورځ د قدس په شاوخوا کې د الاسراء سورة ایاتونه لوستل کېدل او له ټولو خاورو څخه ډلې ډلې مسلمانان هلته ورتلل او د رسول الله صلی الله علیه وسلم د غوښتنې استجابت په داسې ډول وشو.

«لَا تُشَدُّ الرِّحَالُ اِلَّا اِلَی ثَلَاثَةِ مَسَاجِدَ: مَسجِدِ الحَرَامِ، وَ مَسجِدِی هَذَا، وَ المَسجِدِالاَقصَی»(رواه الامام البخاری)

ژباړه: له درېیو مسجدونو؛ مسجدالحرام، دغه زما مسجد او مسجدالاقصی پرته د سفر نیت مه کوئ!

حالت په همدې ډول روان و، چې بالاخره مسلمانان د صلیبیانو پر وړاندې له لومړۍ ماتې سره مخ شول او دغه بحث به د بیان په بله برخه کې وکړو.

لیکوال: حمد طیب

ژباړن: حبیب الله حبیب

د مطلب ادامه...

اې د پاکستان واکمنانو خبردار اوسئ! اسلامي امت به هغه کسان مثال راوړي چې له یهودي ښکېلاک سره اړیکې ټینګوي Featured

 

د یهودي ادارې مشر اسحاق هرتزوګ په داووس کې د ۲۰۲۲م کال، د می د ۲۶مې نړیوال اقتصادي فورم غونډې ته په وینا کې، ښکېلاکګرو یهودو ته د پاکستاني پلاوي پر سفر خوښي څرګنده کړه. تر دې مخکې پر ټولنیزو رسنیو د پاکستان د دولتي تلویزیون خبریال احمد قریشي او د پوځي مشرتابه د پېژندل شوي استازي د لیدنې انځورونه هم خپاره شوي وو. تېر کال په جون میاشت کې هم د پخواني لومړي وزیر عمران خان د ځانګړي مرستیال ذوالفقار بخاري د پټ سفر په اړه خبرونه خپاره شول. د عربو رژيمونو له لوري له يهودانو سره د اړيکو له عادي کېدو وروسته اوس د ښکېلاکګرو یهودو او پاکستان تر منځ اړيکې پراخې شوې دي.

نه یوازې د باجوه-عمران، بلکې د باجوه- شهباز رژيم هم د استعماري غلام نظام له امله د امريکا امرونو ته غاړه ايښې ده. خو واکمنان باید پر دې پوه شي چې امت د یهودي ښکېلاک له بشپړ ړنګېدو پرته پر بل شي نه راضي کېږي. په مسجدالاقصی او شاوخوا کې یې د الله سبحانه وتعالی برکت پروت دی او هېڅ کافر د دې حق نه لري چې پر یوه موټی خاوره یې هم واکمني وکړي.

په حقیقت کې د پاکستاني پلاوي د وروستي سفر په اړه د بهرنیو چارو وزارت توضیحات ښکاره ګناه او څرګند دروغ دي. یوه بهرنۍ نادولتي موسسه په کوم جرأت سره کولای شي چې د پاکستان له اتباعو څخه په استفادې له یهودي ادارې سره اړیکې ټینګې کړي؟ په داسې حال کې چې د فلسطین هره برخه باید ازاده شي، څنګه کېدای شي چې د پاکستان له لوري د مسجدالاقصی او د دوو دولتونو د حل او فصل غږونه راپورته شي؟ حکومت د دې ناوړه عمل، ترسره کوونکو او نادولتي موسسو پر وړاندې کوم اقدام وکړ؟ د یهودانو د ملتپالو لاریونونو، د ښکېلاک د لمانځلو او د مسلمانانو پر خلاف د شعارونو د پورته کولو پر مهال دا ډول غږ څنګه راپورته شو؟

ښکاره خبره ده چې د پاکستان سیاسي او پوځي مشرتابه د ارزانه دنیوي ګټو لپاره له مسلمانانو او اسلام سره خیانت کوي. د پاکستان مشرتابه په ټوله نړۍ کې په ۴۶ ماموریتونو کې د امریکا د وسیلې په توګه د ملګرو ملتونو په نوم د سوله ساتو ماموریتونو لپاره دویم لوی شمېر پوځیان استولي دي، خو لا هم د کشمیر او فلسطین د ازادۍ لپاره، جهاد ته خپل پوځیان نه استوي! د پاکستان واکمنان نه یوازې دا چې امت ته دوکه ورکوي، بلکې ځان د الله سبحانه وتعالی په عذاب ګرفتاره کوي. ان شأالله ډېر ژر به د نبوت پر منهج جوړ شوی خلافت د پاکستان ځواکمن وسله وال د ټولو اسلامي خاورو د خلاصون لپاره حرکت وکړي او په سرینګر او مسجدالاقصی کې به د فتحې تکبیرونه پورته کړي.

د حزب التحریرـ ولایه پاکستان مطبوعاتي دفتر

 

د مطلب ادامه...

د مسجدالاقصی او قدس یهودي کولو طرحه؛ د مسلمانانو مسوولیت څه دی!؟

  • خپور شوی په سیاسي

(لومړۍ برخه)

مسجدالاقصی د عثماني خلافت له سقوط وروسته تل د غربي صهیونیستانو له ګډو طرحو او پروګرامونو سره مخ دی، چې موخه یې د فلسطین نیول او په دغه برکتناکه خاوره کې د یهودیانو ځای پرځای کول دي. د خلافت له سقوط وروسته یادو طرحو زور واخیست، چې یوه برخه یې په ۱۹۴۸م او نورې یې په ۱۹۶۷م کلونو کې د عملي کولو ډګر ته راووتې. دغه برید او اشغال د دې لپاره مقدمه وه چې جنایت کوونکي صهیونیستان خپلو موخو ته نږدې او پر فلسطین واکمن شي. دغه راز په دې سره د یهودیت د ناسمو او تحریف شويو باورونو پر اساس د فلسطین د یهودي کول لپاره خپلې طرحې او پلانونه عملي کړي. ایا دغه له جنایته ډکې هڅې، پروګرامونه او نقشې به د مسجدالاقصی او درېیم حرمین پر وړاندې څه پایله ولري؟ د دغو جنایتونو او طرحو پر وړاندې د مسلمانانو مسوولیت څه دی!؟

یادې پوښتنې ته د ځواب لپاره غواړم موضوع له څو اړخونو وڅېړم:

  1. په اسلامي عقیده کې د مسجدالاقصی او د هغه د چاپېریال مقام
  2. د مسجدالاقصی د لومړۍ فتحې زیری
  3. پر بیت المقدس او د هغه پر چاپېریال د صلیبیانو او مغولو بریدونه
  4. د عثماني خلافت پر مهال د فلسطین د نیولو لپاره د صهیونیستانو لېوالتیاوې
  5. د خلافت له سقوط وروسته د انګلیس په دوران کې د فلسطین پر وړاندې غربي او صهیونیستي توطیې
  6. د انګلیس له واکمنېدو وروسته د یهودانو د دسیسو دوام او د فلسطین نیول
  7. پر فلسطین د پرلپسې توطیو پر وړاندې د مسلمانو حکامو دریځ
  8. د فلسطین د یهودي کولو او مسلمانانو ته د یهودي رژيم د ښه ښودلو په برخه کې د غرب او یهودیانو د هڅو ناکامي
  9. اقصی تل د تحول د پیل ټکی و او اوسمهال یې ازادي د مسلمانانو مسوولیت او مکلفیت دی.
  10. اقصی او مبارکه خاوره به یې ډېر ژر د خلافت تر سیوري لاندې راشي. (انشاءالله)

وړاندې تر دې چې د مسجد الاقصی د دریځ، پر وړاندې یې د تاریخ په اوږدو کې د سیسو او اوسمهال د یاد مسجد په تړاو د اسلامي امت د مسوولیت او مکلفیت په اړه خبرې وکړو، باید ووایم چې الله سبحانه وتعالی دغه امت غوره امت ګرځولی او فرمایلي یې دي:

﴿كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ﴾ [آل عمران: 110]

ژباړه: اوس په نړۍ کې هغه غوره ډله تاسو یاست چې د انسانانو د لارښوونې او اصلاح لپاره ټاکل شوی یاست، تاسو په نېکۍ امر کوئ او له بدیو منع او پر الله سبحانه وتعالی ایمان لرئ.

همدارنګه الله سبحانه وتعالی د قیامت تر ورځې د اسلامي امت نصرت پر خپله غاړه اخیستی دی، سره له دې چې ځینې تېروتنې کېږي، خو وروسته توبه باسي او پښېمانه کېږي. الله سبحانه وتعالی فرمایي:

﴿اِنَّا لَنَنصُرُ رُسُلَنَا وَ الَّذِينَ ءَامَنُوا فِى الْحَيَوٰةِ الدُّنْيَا وَ يَوْمَ يَقُومُ الْأَشْهَٰدُ﴾ [غافر: 51]

ژباړه: باور ولرئ چې موږ په دې دنیا کې هم د خپلو پیغمبرانو او مؤمنانو مرسته هرو مرو کوو او په هغه ورځ به یې هم وکړو چې کله شاهدان ولاړ وي.

رسول الله صلی الله علیه وسلم د دغه امت د ستاینې په اړه فرمایلي دي:

«بَشِّر هَذِهِ الأمّةِ بِالسَّناءِ، وَالتَمکِینِ فِی البِلادِ، وَالنصرِ وَالرِّفعةَ فِی الدّینِ وَ مَن عَمِلَ مِنهُم بِعَملِ الآخِرَةِ لِلدُّنیَا، فَلَیسَ لَهُ فِی الآخِرَةِ نَصِیبٌ»

ژباړه: دغه امت ته د سرلوړۍ، پر هېوادونو د واکمنۍ، د دین په برخه کې د نصرت او سرلوړۍ زیری ورکړه! نو هر هغه څوک چې اخروي عمل د دنیا د تر لاسه کولو لپاره وکړي، په اخرت کې هېڅ ګټه نه ورته لري.

دغه راز فرمایلي یې دي:

«لَا تَزَالُ طَائِفَةٌ مِنْ أُمَّتِي ظَاهِرِينَ عَلَى الْحَقِّ لَا يَضُرُّهُمْ مَنْ خَذَلَهُمْ حَتَّى يَأْتِيَ أَمْرُ اللَّهِ وَهُمْ كَذَلِكَ...»

ژباړه: تل او په دوامداره توګه د امت په منځ کې داسې ډله شته چې د حق ملاتړې ده او هغو کسانو چې دغه ډله پرېيښې او د ماتې پر لور یې بېولې، هغوی نه شي کولی دغې ډلې ته زیان ورسوي او هغوی به تر قیامته په همدې ډول وي.

ویې ویل یا رسول الله هغوی چېرته دي؟ ویې فرمایل: «په بیت المقدس او چاپېریال کې یې.» طبراني روایت کړی او هیثمي په مجمع الزواید کې ویلي چې خلک یې رښتیني دي. نو اسلامي امت پاک، اصیل او مبدا لرونکی امت دی، کله چې لږ ستونزې هم پکې راپیداشي، بېرته ډېر ژر ځان ترې پاکوي. دغه راز ځینې وختونه له ښکېلاک سره مخ وي، خو بېرته ډېر ژر قیام کوي او په پښو درېږي، یرغلګر شړي او بېرته ځان خپل موقف ته رسوي. دا یې د نورو قومونو په پرتله یوه ځانګړنه ده، ځکه کله چې نور قومونه وځپل شي، بېرته د راپورته کېدو او قیام توان نه لري. لکه د مصر فراعنه، رومیان، یونانیان او داسې نور پخواني تمدنونه.

خو د دغه امت ځانګړنه دا ده چې د ځمکې پر مخ د خپل رب هغه دین لېږدوي چې اصل او فرع یې ثابت دي. الله سبحانه وتعالی فرمایي: 

 

﴿أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَ فَرْعُهَا فِى السَّمَاءِ﴾ [ابراهیم: 24]

ژباړه: ایا نه مو دي لیدلي چې الله سبحانه وتعالی «طیبه کلمه» او سپېڅلې وینا له سپېڅلې ونې سره تشبیه کړې چې ریښې یې په ځمکه کې ټینګې او څانګې یعنې شاخونه یې په اسمان کې دي.

اسلامي امت په تېرو شلو کلونو کې په ډېرو کمو او ابتدایي امکاناتو په مډرنو وسلو سمبال یرغلګرو پر وړاندې جګړه وکړه او بری یې تر لاسه کړ. د دغه بري ستر دلیل یوه اساسي او له نورو سره په توپیر کې مبدأ ده، چې د نړۍ پر ټولو دینونو او ایډیولوژيو غوره والی لري.

دا مبدأ اسلام او له خپل خالق سره یې د مخلوق اړیکه ده، یعنې هغه مبدأ چې امت یې پخپلو فتوحاتو کې له ځانه سره لېږدوي، خلک یې مني، ایمان پرې راوړي او ارامتیا ورسره پیداکوي. دغه راز د فاتحینو ملاتړ کوي، څو نوې فتحې تر لاسه شي.    

د مسجدالاقصی او قدس مبارکې خاورې موقف دومره لوړ دی چې الله سبحانه وتعالی د قرانکریم یو سورت په هغه نومولی او پیل کړی دی. د سورت د نومول کېدو لامل له مسجدالاحرام څخه د مسجدالاقصی پر لور د رسول الله صلی الله علیه وسلم سفر یاد شوی، چې د دعوت د تاریخ په سخت پړاو کې شوی. په دغه سفر سره د رسول الله صلی الله علیه وسلم زړه ارام شي او همدارنګه په راتلونکي کې د اسلامي دولت د تاسیس، د فتحې او اسلام د لېږدلپاره یو زیری شي. مسجدالاقصی یو ځانګړی تاریخ او موقعیت درلود چې یوه لوی زیري ته نږدې و. همدارنګه د رسول الله صلی الله علیه وسلم یاد سفر د یوه لوی زیري په مانا دی. د رسول الله صلی الله علیه وسلم د صحابه کرامو په ژمنو کې د اسلامي دولت د تاسیس زیری دی، چې دغه دولت به بیا مسجدالاقصی فتح کوي.

د مسجدالاقصی د فتحې زیری د اسلامي امت د عقیدې یوه برخه ده او د قیامت تر ورځې به ورسره وي. نو دغه فتحه یوازې د رسول الله صلی الله علیه وسلم صحابه کرامو ته نه ده وقف شوې، بلکې د قیامت تر ورځې به دوام وکړي. دا په دې مانا ده چې کله اقصی د کفارو لاس ته ولوېږي او د مسلمانانو له واک څخه ووځي، نو مسلمانان به یې د بیا ازادولو لپاره په قوي عزم سره راپورته کېږي، ازادوي به یې او خپل هغه موقف ته به یې رسوي چې الله تعالی ورکړی دی. دا هغه څه دي چې د صلیبیانو، مغولو او بیا د صلیبیانو په وخت کې وشول او همدارنګه دا هغه څه دي چې په نږدې راتلونکي کې به چې د یهودو تر برید لاندې راغلی، یو ځل بیا تکرار شي.

د مسجدالاقصی لومړۍ فتحه د حضرت عمر فاروق رضی الله عنه په وخت کې وشوه چې په دغه فتحه کې غوره صحابه کرامو حضور درلود. لکه: ابوعبیده بن جراح، شرحبیل بن حسنه، عمرو بن العاص او خالد بن ولید، چې په پایله کې یې د رسول الله صلی الله علیه وسلم له وصیت سره سم د اسامه له لښکر سره مرسته وشوه او وروسته کله چې رسول الله صلی الله علیه وسلم له وفات مخکې د خپلې وروستۍ ناروغۍ په بستر پروت و، نو  حضرت عمر فاروق رضی الله عنه له مدینې منورې څخه د دغه مسجد او چاپېریال په خاطر او همدارنګه د قدس د کلیانو د تر لاسه کولو لپاره راغی او دا مسجد په بشپړه ډول ازاد شو؛ څرنګه چې د کعبې بیت العتیق د شرک له بتانو، چټلیو او نصرانیانو له خرافاتو څخه پاک شوی و.

لیکوال: حمد طیب

ژباړن: حبیب الله حبیب

 

د مطلب ادامه...

اې مسلمانانو! خپلې کورنۍ د خلافت په تاسیس او له الله سبحانه وتعالی سره د ژمنو په پوره کولو، د دوزخ له اوره وژغورئ

 

{يَـٰٓأَيُّهَا ٱلَّذِينَ ءَامَنُوا۟ قُوٓا۟ أَنفُسَكُمْ وَأَهْلِيكُمْ نَارًۭا وَقُودُهَا ٱلنَّاسُ وَٱلْحِجَارَةُ عَلَيْهَا مَلَـٰٓئِكَةٌ غِلَاظٌۭ شِدَادٌۭ لَّا يَعْصُونَ ٱللَّهَ مَآ أَمَرَهُمْ وَيَفْعَلُونَ مَا يُؤْمَرُونَ} [التحریم:6]

ژباړه: اې مومنانو! خپل ځانونه، اولاد او کورنۍ له هغه اور څخه وژغورئ، چې د سون توکي به یې انسانان او تیږې وي؛ پر هغه به غوسه‌ناکې او سخت زړې پرښتې څارونکي وي، چې هېڅکله به د الله له حکم څخه سرغړونه نه کوي او هر امر چې ورته کېږي ترسره کوي یې.

الله سبحانه وتعالی خپلو بندګانو ته امر کوي، چې ټول اوامر تر سره او له نواهیو څخه ډډه کړئ او په دې سره خپله کورنۍ د دوزخ له اوره وژغورئ. موږ د مومنانو په توګه له الله سبحانه وتعالی سره ژمنه کړې، چې په صراط المستقیم به ځو او خپلې کورنۍ به د الهی اوامرو پر بنسټ تربیه کوو. له بده مرغه، په 1924 م، کې د خلافت له ړنګېدو او د سپټمبر له 11 مې پېښې څخه وروسته پر مسلمانانو د خپلو اوامرو عملي کولو او نواهیو څخه ډډه کول ستونزمن شوي دي. 

د سپټمبر له ۱۱مې وروسته امریکا او لویدیځ د «ترورېزم پر وړاندې جګړه» اعلان کړه، چې دوی ته یې فرصت ورکړ د «ترورېزم ضد» قوانین د امنیت پر اساس وضع کړي.

هغوی له رسنیو او هالیوډ څخه د داسې پروپاګند په خپرولو کې کار واخیست چې ګواکې، مسلمانان د لویدیځ له آزادۍ څخه کرکه لري، ذاتآ تندلاري دي او د پټو بریدونو چمتووالی نیسي. پروپاګند ډېر شو، ترڅو یوه ډله خلک قانع کړي چې د اسلام پخواني اصول، لکه، جهاد، د واده بنسټ، د میراث قوانین، د محرم لخوا د ښځو سرپرستي او نور، شاته‌تګ او ظلم وګڼي.

هغوی سمدستي په دې پېل وکړ چې، حجاب اغوستونکې ښځې د لوېدیځ فمنستي ارزښتونو ته اړتیا لري، چې د اسلام له منګولو څخه یې وژغوري، استغفرالله! فیمینزم پر مسلمانانو هم ویجاړونکی اثر کړی، ښځې او نارینه د دې پر ځای چې یوځای د الله د رضا لپاره کار وکړي، د ژوند په ټولو برخو کې سیالي کوي.  هغوی مور (د کور زړه) له کور څخه ایستلې او په کار یې ګمارلې، نه د دې لپاره چې هغې ته درناوی او مساوات ورکړي، بلکې له هغې څخه د شتمنو د شتمنۍ ډېرولو لپاره د تولیدونکي او مصرفونکي په توگه ‌ګټه اخلي.

د شرق او غرب پر مسلمانانو د کپیټلېزم او سیکولرېزم تحمیل تپلو، موږ مادیات پالنې او فردپالنې ته هڅولي یو. زموږ تمرکز له اخرت څخه دنیوي څیزونو لکه، نوې تلیفونونه، تېز رفتاره موټرونه، لوی کورونه، ډېر مصرف لرونکې رخصتۍ او موډلې جامو ته واوښت.

کله چې یو څوک د دې ټولو وس و نه لري، د بانکونو اغوا‌ کونکي پورونه او کرېډټ کارتونه شتون لري، چې غوښتنه يې پوره کړي.

زموږ د ژوند په سبک دوامداره یرغلونه او پر مسلمانانو د اسلام ضد آرمانونو تپل، په ځانګړې توګه د لویدیځ اوسیدونکي د دې لامل شوي چې زموږ د دین په اړه دفاعي او د بښنې حالت غوره کړي. د دې لپاره چې سوچه امریکايی او انګلیسی ښکاره شو، په ناپامۍ مو د اسلام ضد کلمات خپلې ژبې ته داخل کړل، چې  لوېدیځو هېوادونو، په اسلامي خاورو کې د هغوی لاسپوڅو او رسنیو له لارې پر موږ تپلي وو. موږ نور د الله رضا نه غوښتله، بلکې د کفر رضا مو غوښتله. د هغو د ژوند سبک پر مسلمانانو ناوړه اغېزې وکړې، په ځانګړې توګه پر ځوانانو، چې د هویت او ژوند د لیدلوري په اړه ګډوډ دي.

څنګه خپلې کورنۍ د دوزخ له اوره وژغورو، په داسې حال کې چې په کومه ټولنه کې چې ژوند کوو دا احساس راکوي چې موږ رادیکال مسلمانان یوو، خو که موږ بهرني سیکولر ارزښتونه ومنو لکه، LGBTQ+، زنا، فیمینزم، د انتخاب آزادي او نور، بیا نو په یوه مېز کې له هغوی سره کېناستلی شو؟ بلآخره دا ټول د دې لامل کیږي چې مسلمان خپل هویت له لاسه ورکړي او  له اسلامه پرته له څو مذهبي کارونو نور هېڅ ونه مني هغه اسلام چې قوانین یې د ټول بشر لپاره رحمت دي.

د دې لپاره باید خپله ژمنه له الله سره پوره کړو چې زموږ کورنۍ د دوزخ له اوره وژغوري، د خلافت تاسیس لپاره کار وکړو ترڅو د مسلمانانو لپاره د اسلامي قانون تر چتر لاندې اسلامي ټولنه رامنځته کړي.

د دې ترڅنګ چې د الله سره به مو خپله ژمنه پوره کړې وي، د الله قانون به مو هم نافذ کړی وي، عدالت به مو راوستلی وي، له مظلومانو به مو دفاع کړې وي او په دې دنیا کې به مو خپل دین ساتلی وي. په دې هیله چې په آخرت کې د جنت لوړ مقام ته ورسیږو.

ابو هریره له رسول الله صلی الله علیه وسلم څخه روایت کوي:

«إنَّما الإمَامُ جُنَّةٌ يُقَاتَلُ مِن ورَائِهِ ويُتَّقَى به»(مسلم)

ژباړه: امام ډال دی؛ چې خلک د هغه ترشا جګړه کوي او پر هغه ځان ساتي.

د حزب التحریر مرکزي مطبوعاتي دفتر ته

سارا محمد – امریکا

د مطلب ادامه...

حزب التحریر له هېڅ لوري سره پر ګډ اقدام لاس نه دی پورې کړی Featured

  • خپور شوی په سوډان

 

د قانون او پرمختګ حزب یوه خبرپاڼه خپره کړې ده، چې سرلیک یې دی: "د قانون او پرمختګ حزب او حزب التحریر د ملت د پوهاوي لپاره پر ګډ کار بحث کوي" چې په هغه کې د قانون او پرمختګ حزب مرکزي دفتر ته د حزب التحریرـ ولایه سوډان د پلاوي سفر او د دغه حزب له مشر ډاکټر محمد علي الجزولي سره ګډې ناستې ته اشاره شوې ده، چې د ۲۰۲۲م، د می په ۲۳مه ترسره شوه. په خبر کې ویل شوي: "دواړه حزبونه د ګډ کار پر اهمیت باور لري، چې د ملت د پوهاوي په لوړولو، د روښنایۍ په خپرولو او د دوی پر عقیده او هویت د بریدونو پر وړاندې خپله فکري مبارزه پر مخ یوسي.»

د دې لپاره چې له خبر څخه ناسم پوهاوی نه وي شوی، حزب التحریرـ ولایه سوډان لاندې خبرې تاییدوي:

لومړی: حزب التحریر غواړي چې د نبوت پر منهج د دویم راشده خلافت په بیا تاسیس سره اسلامي ژوند بېرته له سره پیل کړي، د همدې لپاره له سیاسي مشرانو، مفکرینو، د رسنیو له متخصصینو او نورو عامو وګړو سره لیدنې کوي. موږ له هر چا سره په دې اړه خبرې کوو، ترڅو له موږ سره د حیاتي هدف په اړه ګډ کار وکړي.

دویم: موږ په جمعي توګه سیاسي کار پر مخ وړو او له سیاسیونو، د اسلامي امت له رهبرانو او نورو کسانو څخه غواړو چې له موږ سره په خبرو کې برخه واخلي، چې ځینو یې راسره برخه اخیستې ده. ځینې بنسټونه او احزاب له موږ څخه غواړي چې د دوی د فعالیتونو په اړه له دوی سره په خبرو کې ګډون وکړو او د موضوع په اړه له دوی سره خپل لیدلوری شریک کړو. په هر صورت موږ دوی داسې معرفي کوو لکه څنګه چې دي او موږ هم له دوی هیله لرو ترڅو موږ داسې معرفي کړي لکه څنګه چې یو.

درېیم: موږ له هېڅ حزب سره ګډ کار نه کوو، ځکه چې موږ یو روښانه او شفاف منهج لرو او په ډېر اخلاص سره یې پیروي کوو. له همدې امله موږ خپله لاره نه بدلوو، بلکې موږ ټولو ته بلنه ورکوو، ترڅو له موږ سره زموږ پر لار حرکت وکړي، چې موږ يې يوازينۍ شرعي لاره ګڼو او کولای شي چې موږ هغه هدف ته ورسوي، چې موږ یې په لټه کې یو. د سوډان، د ټولو اسلامي خاورو او ان د ټولې نړۍ ستونزې له اسلام پرته نه شي حل کېدای، چې د سايکس-پيکو د ملي دولتونو لاندې د پلي کېدو وړ نه دي، بلکې د نبوت پر منهج د راشده خلافت تر سیوري لاندې په نړیواله کچه د پلي کېدو وړ دي.

}قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ{[یوسف: ۱۰۸]

ژباړه: ته دوی ته په ډاګه ووایه: زما لاره خو دغه ده، زه د الله تعالی لوري ته دعوت کوم. زه په خپله په پوره رڼا کې خپله لاره وینم او زما ملګري هم؛ الله تعالی پاک دی. له مشرکانو سره زما څه اړیکه نشته.

ابراهیم عثمان (ابوخلیل)

د حزب التحریرـ ولایه سوډان رسمي ویاند

د مطلب ادامه...

هر هغه څه چې خلکو ته حرام شي، پلور یې هم حرام دی

  • خپور شوی په فقهي

(ژباړه)

پوښتنه:

اسلام علیکم ورحمت الله وبرکاته!

الله سبحانه وتعالی دې تا روغ لري شیخ صاحب او نورو ته دې ستا د علم ګټه ورسېږي او ترې برخمن دې شي!

په یوه کمپنۍ کې چې سینګارتوکي تولیدوي او پلوري، د پلورونکي د استازي په توګه دنده راته پیدا شوه. د دغو توکو ډېری سلنه یې الکول وي، لکه (کولون چې د ایتایل الکولو ډېره برخه پکې وي او په تولیداتو کې یې ایتایل، میتایل، ایزوپروپایل الکول وي) د بېلګې په توګه عطر او د سینګار نور بېلابېل توکي.

پوښتنه: ایا ماته روا ده چې د پلورونکي د استازي په توګه هلته دنده ترسره کړم؟

همدارنګه ایا ماته روا ده چې په دې کمپنۍ کې دننه له پلور پرته په نورو برخو لکه اداري برخه کې کار وکړم؟

جزا کلا خیر

ځواب:

وعلیکم وسلام ورحمت الله وبرکاته

زه پوه شوم چې تاسو د هغو شرکتونو په تړاو پوښتنه کوئ چې د سمې سرچینې پر اساس پیل شوي او نه د هغو شرکتونو په تړاو چې باوري نه وي.

د پوښتنې ځواب په دې ډول دی:

۱. په داسې کمپنۍ کې د پلورونکي د استازي په توګه دنده ترسره کول چې منع شوي توکي لکه (عطر او هغه سینګارتوکي چې ایتایل الکول پکې ګډېږي) د کار کړلو قوانین:

موږ پر دې مسله پخپل کتاب کې بحث کړی او دا مو څرګنده کړې چې دغه کار حرام دی. د اسلامي شخصیې په کتاب کې ویل شوي: «هر هغه څه چې خلک ترې منع شي، پلور یې هم حرام دی.»

هغه څه چې الله سبحانه وتعالی یې خوړل منع کړي، لکه د مردار څاروي غوښه، داسې څه چې الله سبحانه وتعالی یې څښل منع کړي، لکه الکول، همدارنګه داسې څه هم شته چې الله سبحانه وتعالی یې عبادت منع کړی، لکه بوتان، الله سبحانه وتعالی د مسجمو شتون او جوړول هم منع کړي دي.

په شرعي متونونو، ایاتونو او حدیثونو کې د یادو مواردو حراموالی او منع یاد شوي دي. هغه څه چې الله سبحانه وتعالی په پیل کې حرام کړي، که هغه خوراکي توکي او یا هم د څښاک توکي وي، پلور یې هم د بیو حراموالي په دلیل منع دی.

جبر رضی الله عنه له رسول الله صلی الله علیه وسلم څخه په نقل سره ویلي:

«إِنَّ اللَّهَ وَرَسُولَهُ حَرَّمَ بَيْعَ الْخَمْرِ وَالْمَيْتَةِ وَالْخِنْزِيرِ وَالْأَصْنَامِ. فَقِيلَ: يَا رَسُولَ اللَّهِ، أَرَأَيْتَ شُحُومَ الْمَيْتَةِ فَإِنَّهَا يُطْلَى بِهَا السُّفُنُ، وَيُدْهَنُ بِهَا الْجُلُودُ، وَيَسْتَصْبِحُ بِهَا النَّاسُ؟ فَقَالَ: لَا، هُوَ حَرَامٌ. ثُمَّ قَالَ رَسُولُ اللَّهِ ﷺ عِنْدَ ذَلِكَ: قَاتَلَ اللَّهُ الْيَهُودَ، إِنَّ اللَّهَ لَمَّا حَرَّمَ شُحُومَهَا جَمَلُوهُ ثُمَّ بَاعُوهُ فَأَكَلُوا ثَمَنَهُ» (بوخاري)

ژباړه: الله سبحانه وتعالی او رسول الله صلی الله علیه وسلم د شرابو او هغو څارویو پلور حرام کړی چې هغه په طبیعي مرګ مړه شوي وي او همدارنګه د خوګ غوښه خوړل او د بوتانو عبادت یې هم حرام اعلان کړی دی. هغه پوښتنه وکړه: اې د الله سبحانه وتعالی رسوله! د هغو څارویو د غوړیو په تړاو څه وایئ چې په طبعیي مرګ مړه شوي وي، یعنې د دغو غوړیو کارولو، د پوستکي په غوړولو او د لامپونو لپاره له دغو غوړیو ګټه اخیستل څنګه دي؟ رسول الله صلی الله علیه وسلم وفرمایل: نه دا حرام دي. ده زیاته کړه، الله سبحانه وتعالی پر یهودیانو لعنت ویلی! کله چې الله سبحانه وتعالی د داسې څارویو غوړ حرام وبلل، خو هغوی بیا هم هغه ویلي کړل، وروسته یې وپلورل او هغه بیې او پیسې یې چې ترې تر لاسه کولې، خوند یې ترې اخیست.

جَمَلُوهُ کلمه د ویلي کېدو په مانا ده.

له ابن عباس څخه روایت دی چې رسول الله صلی الله علیه وسلم وفرمایل:

«قَاتَلَ اللَّهُ الْيَهُودَ ثَلَاثاً، إِنَّ اللَّهَ حَرَّمَ عَلَيْهِمُ الشُّحُومَ فَبَاعُوهَا وَأَكَلُوا أَثْمَانَهَا، وَإِنَّ اللَّهَ إِذَا حَرَّمَ عَلَى قَوْمٍ أَكْلَ شَيْءٍ حَرَّمَ عَلَيْهِمْ ثَمَنَهُ» [بخاري]

ژباړه: پر یهودیانو دې د الله تعالی لعنت وي! رسول الله صلی الله علیه وسلم درې ځلې دا وویل. الله سبحانه وتعالی هغوی ته د مړو شویو څارویو د غوړو کارول حرام اعلان کړي. دوی بیا هم هغه وپلورل او له هغو بیو یې خوند واخیست چې تر لاسه یې کړې. کله چې الله سبحانه وتعالی د خلکو لپاره د حرامو شویو څیزونو خوړل حرام اعلان کړل، نو بیې یې هم ورته حرامې اعلان کړې.

په هر حال، په دغسې ځای کې کار کول حرام دي.

۲. په داسې کمپنۍ کې په اداري برخه کې کار کول چې هلته د منع شوو توکو سوداګري کېږي، یا همدا توکي پکې شامل وي، دا مسله داسې واضح کېږي:

که مدیریتي کار په مستقیمه توګه د حرامو شویو توکو په پلور پورې اړوند وي، یعنې په داسې ځای کې کار کول چې هلته حرام شوي توکي تولید او یا پروسس کېږي او یا داسې نور، نو دغه مدیریتي کار حرام دی؛ ځکه دا د هغو حرامو توکو په کار پورې تړاو لري چې منع شوي دي.

خو که اداري کار په منع شویو توکو پورې اړوند نه و، یعنې په اداري کار کې د منع شویو توکو پلور شامل نه و، چې هغه ستا دنده وي او داسې نور کارونه. دغه اداري کار ستونزه نه لري، یعنې حرام نه دی. که څه هم داسې کمپنۍ وي چې سوداګري او تجارت یې حرام توکي وي. ځکه ته په دغه کمپنۍ کې منع شوی کار یا عمل نه ترسره کوې.

په هر حال، هر کس د خپل پر وړاندې مسوولیت لري.

نه یوازې له حرامو څخه ځان ساتل، بلکې د ځینو حلالو څیزونو په تړاو هم وېره شته چې حرام ورته نږدې وي.

د رسول الله صلی الله علیه وسلم اصابه وو رضی الله عنهما حرامو ته د نږدې کېدو له ډار څخه له ډېری مباحو لېرې کېدل. رسول الله صلی الله علیه وسلم فرمایلي:

«لَا يَبْلُغُ العَبْدُ أَنْ يَكُونَ مِنَ المُتَّقِينَ حَتَّى يَدَعَ مَا لَا بَأْسَ بِهِ حَذَراً لِمَا بِهِ البَأْسُ»

ژباړه: هېڅوک د مضرو او زیان رسوونکو څیزونو له خوشي کېدو پرته پرهېزګارۍ ته نه رسېږي.

له ترمذي څخه روایت دی چې دا حسن حدیث دی، ترمذي همدارنګه څرګنده کړې چې دا صحیح حدیث دی. له حسن بن علي څخه یې هم روایت دی، الله دې پر هغه رحم وکړي، چې ویلي یې دي: ما دا څه له رسول الله صلی الله علیه وسلم څخه یاد کړي او په ذهن کې مې ساتلي دي:

«دَعْ مَا يَرِيبُكَ إِلَى مَا لَا يَرِيبُكَ»

ژباړه: د هغه څه په اړه چې شکمن وئ، خوشي یې کړئ او هغه څه ته بیرته ور وګرځئ چې شک پکې نه وي.

پر دې سربېره، دا د پوښتنه کوونکي او د هغه د دین لپاره غوره ده چې په داسې کمپنیو کې له کار کولو څخه ځان وساتي او داسې دنده پیدا کړي چې د ژوند لپاره یې مناسبه او معاش یې هم ښه وي. الله سبحانه وتعالی هغه کسان ژغوري چې ترې ډارېږي:

(وَمَنْ يَتَّقِ اللَّهَ يَجْعَلْ لَهُ مَخْرَجاً * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً) [طلاق:۲-۳]

ژباړه: هر کس چې تقوا غوره کړي، الله سبحانه وتعالی یې ژغوري. او هغه ته له داسې ځایه رزق ورکوي چې ګمان یې نه کېږي. هر څوک چې پر الله سبحانه وتعالی توکل وکړي، د هغه امر ومني، الله سبحانه وتعالی خپل فرمان پر ځای کوي او الله سبحانه وتعالی هر څه ته اندازه ټاکلې ده.

زه هیله‌مند یم چې دا به بنسه وکړي او الله سبحانه وتعالی تر ټولو ښه پوه او حکیم دی.

ستاسو ورور عطا بن خلیل ابو الرشته

ژباړه: بهیر «ویاړ»

د مطلب ادامه...

د خلافت دولت به هغه نړیوال پانګوال نظم له منځه یوسي، چې زموږ اقتصاد یې زیانمن کړی دی

 

خبر:

د ۲۰۲۲م، د مې میاشتې په ۱۸ مه، د چهار شنبې په ورځ،  په ازاد مارکیټ کې  د امریکایي ډالرو په مقابل کې، د پاکستاني اسعارو بیه ۲۰۰ ته ورسېده. د دغه هېواد د پیسو د ارزښت د کمېدو لامل په عمده توګه د بهرنیو اسعارو د زېرمو کموالی او په زیاته کچه واردات وو چې په ورته وخت کې خلک په انفلاسیون کې هم ډوب وو.

تبصره:

د پاکستان ړانده واکمنان پرته له دې چې د پیسو نړیوال صندوق ته مراجعه وکړي، بله کومه حلاره نه لري. په داسې حال کې چې د پیسو نړیوال صندوق شرایط منل اقتصاد له منځه وړي او هېوادونه په خپلو پورونو کې ډوبوي. د پیسو نړیوال صندوق د تېلو، برېښنا، ګازو بیې او مالیات لوړ کړي، چې په پایله کې یې د سوداګرۍ او تولید لګښتونه هم لوړ شوي او په سود باندې نور پورونه ترې اخیستل کېږي. د پیسو د نړیوال صندوق نسخې سخت شرایط وضع کوي، چې له امله یې خلک له سختو اقتصادي ستونزو سره مخ دي او پایله یې د حکومتونو له لوري یو پر بل د اقتصادي ستونزو پړه اچول دي.

اوسنی نړیوال اقتصادي نظم د برېتون ووډ (Bretton Woods Agreement and System ) د سیستم پر اساس رامنځته شوی، چې یوازې په غرب او چین کې د شتمنیو ګټې تضمینوي او پاتې نوره نړۍ یې په بېوزلۍ کې پریښې ده. د واشنګټن ګاونډۍ، لاتیني امریکا په دوامداره توګه په پورونو کې ډوبه ده، خو سره له دې یې  په داخل کې  ډېری هېوادونه شتمن دي. د ۲۰۲۲م، د فبروري په ۱۵مه، نړیوال بانک خبرداری ورکړ، چې شاوخوا ۷۰ پرمختللي هېوادونه د پور له بحران سره مخ دي. په دغو هېوادونو کې سریلانکا، مصر، ارجنټاین، کینیا، پیرو، سوېلي افریقا، ترکیه او هند شامل دي.

نړیواله اقتصادي بې عدالتي له دې امله ده، چې نړیواله سوداګري د یوه واحد دولت امریکا له اسعارو سره تړلې ده. که امریکا له اقتصادي بحران سره مخ شي، نو نوره نړۍ هم ورسره مخ کېږي. هر هېواد باید په  ورځینو سوداګریزو معاملاتو کې پر ډالر پېر او پلور وکړي. هر هېواد باید ډالر لاسته راوړي او دوی هېڅکله د خپل بنسټیز صنعت له امله د صادراتو له لارې ډالر نشي تر لاسه کولای. د دې لپاره چې د ډالر تشه ډکه کړي، د پیسو نړیوال صندوق د خپلو ویجاړونکو نسخو سره مداخله کوي ، چې په پایله کې یې دغه هېوادونه په اقتصادي بحران کې راګیروي.

پاکستان او ټوله نړۍ یوه نوي نړیوال اقتصادي نظم ته اړتیا لري. د اسلامي شریعت له مخې سیمه ییزه او نړیواله سوداګري د سرو زرو او سپینو زرو یا پر هغه اسعارو، چې د سرو او سپینو زرو پر اساس ولاړ وي، تر سره کېږي. دا د خلافت په دوره کې د پېړیو راهیسې معمول وه او یو ځل بیا به د نبوت پر منهج د اسلامي خلافت په  تاسیس سره  دا سیسټم  پلی کېږي. سربېره پردې، خلافت به له انرژۍ بډایه اسلامي ځمکې سره متحدې کړي او د دې اړتیا به نه وي چې له بل هېواد څخه په لوړ قیت تېل او ګاز وارد کړي. خلافت به د چټک صنعتي کولو پر پروسه څارنه کوي، د قیمتي ماشینونو او ټکنالوژۍ په واردولو کې به کموالی راولي، همدارنګه اسلامي خلافت به مو د سود له شر څخه خلاص کړي، چې له امله یې د نړۍ تر ټولو شتمن هېوادونه په سیستماتیک ډول له تباهۍ سره مخ شوي دي او په دې اړه الله سبحانه وتعالی فرمایي:

{كَيْ لَا يَكُونَ دُولَةً بَيْنَ الْأَغْنِيَاءِ مِنكُمْ}[الحشر: ۷]

 ژباړه: د دې لپاره چې دغه (مال) په تاسو كې د غنیانو په منځ كې ګردش كوونكى ونه ګرځي.

د حزب التحریر مرکزي مطبوعاتي دفتر ته

لیکوال: انجینر شهزاد شیخ

د حزب التحریر ولایه ـ پاکستان مطبوعاتي دفتر غړی

ژباړن: محمد هارون رؤفي

د مطلب ادامه...

په خپله ګټه د يوه هېواد اساسي قانون تغيرول د ظالمو چارواکو عادت دی

 

خبر:

د قزاقستان ولسمشر «کې ټوکاوي» د مې میاشتې په پنځمه د خپلې ولسمشرۍ وېبپاڼې څخه اعلان وکړ، چې د جمهوریت غوښتونکي دولت لپاره به ټولپوښتنه د ۲۰۲۲م، د جون په پنځمه، ترسره شي. په دې بیان کې راغلي چې د جمهوریت د اساسي قانون د يونويمې مادې د لومړي فصل له تشریح سره سم به د قزاقستان او د قزاقستان د جمهوري دولت د اساسي قانون اتلسمې مادې پر اساس زه د جمهوري دولت د ټولپوښتنې په اړه پریکړه کوم. دغه ټولپوښتنه به د ۲۰۲۲م، د جون په پنځمه نېټه د جمهوري غوښتونکي دولت په اړه وشي.

تبصره:

کله چي زموږ په هېوادونو په ځانګړي ډول د منځنۍ آسيا په جمهوري دولتونو کې، د دولت مشران بدلېږي، نو هر یو يې کوښښ کوي چې په بېړه سره د ځان لپاره قوانین بدل کړي. دوی پوهېږي چې جرمونه کوي، نو کله چې په راتلونکي کې دولتي موقفونه  له لاسه ورکړي، نو په دې سره هڅه کوي چي خپل ځانونه له جینايي څار او تعقيب څخه خلاص کړي. د قزاقستان لومړي ولسمشر نظر بایف هم همداسې وکړل، هغه هم خپل ځان ته د ملت مشر لقب ورکړی و. د ځان د خوندیتوب او له جزایي مسوولیت څخه پرته یې قوانین تصویب او ترتیب کړل.

نن ورځ د نړۍ د ټولو دولتونو مشران په هغو قوانینو او لارښونو عمل کوي، چې د محدود بشري عقل پر بنسټ تصويب شوي دي. د دغو قوانینو پلي کول هغو خلکو ته ستونزې جوړوي، چې له دغو قوانینو لاندې ژوند کوي. په واک کې کسان د دې وړتیا لري، چې نه یوازې جزوي قوانین، بلکې د هېواد اساسي قانون هم د ځانونو لپاره بدل کړي. او د غه ظالم واکمنان پرته له دې چې مجازات شي د خلکو شتمنۍ غلا کوي، د استعمارګرو دلچسپي او ګټې په نظر کې نیسي او پخپلو خلکو باندې ظلمونه او تیري کوي. دا چارواکي پخپله قانون جوړونه کوي، نو تاسو اوس هم د دې چارواکو بطلان نه منئ؟ او د ننګولو لپاره یې نه لاس په کار کيږئ؟ د اوسنيو چارواکو خيانتونه او مکارۍ موږ له نږدې څخه وينو، له ولسمشر څخه نېولې د نظام تر کشر پورې ټول يې له قانون څخه سرغړونه کوي، عام ولس ته خنډونه جوړوي او د خپلو بادارانو د راضي کولو لپاره له هېڅ بې شرمۍ څخه لاس نه اخلي. موږ ځکه ذليله يو او د هر شرير انسان تر رهبرۍ لاندې بې کسي زغمو چې الهي شریعت مو شاته اچولی، هغه شريعت چې نه بدلېدونکی دی، هغه شريعت چې صحابه کرامو او پخوانيو مسلمانانو ته يې عزت ورکړی وو، هغه شريعت چې په قوانينو کې يې هېڅکله تغيير او تبديل نه راځي. قال الله سبحانه وتعالي فرمایي:

 ۚإِنِ الْحُكْمُ إِلَّا لِلَّهِ ۚ

له الله پرته هېڅوک د فرمانروايۍ او قدرت حق نه لري.

دا نوې خبره نه ده، بلکې په مدينه کې د رسول الله صلی الله علیه وسلم او د صحابه کرامو پر مټ د اسلامي حاکميت له پيله بيا د عثماني خلافت تر وروستيو وختونو پورې، چې تقريبا ديارلس سوه کاله کيږي چې مسلمانانو د الهي حاکميت او شريعت سره سم ژوند کاوه؛ د شريعت حاکميت او د خلکو سلطه او واک اسلامي وجيبه ده.

د حضرت محمد صلی الله علیه وسلم د سیرت په مطالعې سره کولی شو، چې د حکومتوالۍ ځلانده مثالونه پیدا کړو، لکه څرنګه چې هغه صلی الله علیه وسلم اسلام پر مالدارو او غریبو خلکو یو شان پلي کړل، ځکه شريعت ټولو ته يو ډول دی. د بیلګې په توګه له عایشې صديقې رضی الله عنهما څخه روایت دی، چې کله د مخزوم قبیلې یوې بانفوذې ښځې غلا وکړه، نو ځینو مسلمانانو د رسول الله صلی علیه وسلم څخه غوښتنه وکړه، چې هغې ښځې ته د لوړ مقام لرلو له امله سزا ورنکړي، نو رسول الله صلی علیه وسلم وفرمایل:

«إِنَّمَا أَهْلَكَ الَّذِينَ قَبْلَكُمْ أَنَّهُمْ كَانُوا إِذَا سَرَقَ فِيهِمْ الشَّرِيفُ تَرَكُوهُ وَإِذَا سَرَقَ فِيهِمْ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا» (رواح: بخاري او مسلم)

ژباړه: له تاسو څخه پخواني خلک ځکه هلاک شول چې غریبانو ته به یې قانوني سزا ورکوله او شتمنو ته به یې بخښنه کوله. قسم په هغه ذات چې زما روح یې په لاس کې دی! که د رسول الله صلی علیه وسلم لور فاطمې هم دا کار (غلا) کړې وای، نو ما به د هغې لاس هم پرې کړی و.

یا د ابوبکر صدیق رضی الله عنه هغه وینا چې د خلیفه له ټاکل کېدو څخه وروسته یې خلکو ته وکړه او په ځانګړي ډول ویې ویل: ستاسو کمزوری راته پياوړی او پیاوړی مو راته کمزوری دی؛ ځکه چې کمزوري ته حق واخلم او پياوړی حق نه خوړلو ته مجبور کړم.

اې مسلمانانو! ترڅو پورې چې دغه جابر چارواکي واکمني کوي او د خپلو ځانونو په ګټه قوانین تغیروي، لکه څنګه چې د پخوانيو جابرو چارواکو له جابرو قوانينو کړيږو؛ که الهي شريعت او د نبوت په تګلاره بيا ځلې راشد خلافت تأسيس نه کړو، الهي نصرت نه راځي او له شته خراب حالت څخه خلاصون نه شو موندلی!

د حزب التحریر مرکزي مطبوعاتي دفتر

لیکنه: يلدر خمزين

ژباړه: حمزه "صديقي"

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې