له سیاستوالو او خبریالانو سره د حزب التحریر ولایه تونس د اداري هیئت غړي استاد محمد الناصر په ګډون د «مجلۀ الجماعات المحلیة... په مزدوری کې نور هم ژورېږي!» تر سرلیک لاندې لیدنه چې د دغې خپرونې مېلمه د تونس په مجلس کې پخوانۍ استازی دکتور منجي الکعبي و.
۱۴۳۹هـ، د شعبان ۲۵مه، جمعه/ ۲۰۱۸م، د مې ۱۱مه
-لومړۍ برخه-
د لبنان (LIU) نړیوال پوهنتون د فکري انجمن په رابللو، د شیخ احمد الصوفي او انجینیر بشار بحسون تر منځ د سیکولریزم او له ژوند څخه د دین د جلاوالی په اړه مناظره او فکري خبرې اترې چې په یاد پوهنتون، صیدا ښار کې تر سره شوې.
۱۴۳۹ه، د شعبان ۲۹مه، سه شنبه/ ۲۰۱۸م، د مې ۱۵مه
چمتوکوونکی: حسن نور الدین
وړاندې کوونکی منیر ناصر
۱۴۳۹ه، د رمضان ۵مه، دوشنبه/ ۲۰۱۸م، د مې ۲۱مه
د حزب التحریر مرکزي مطبوعاتي دفتر ویاړي چې د روژې په مبارکه میاشت کې د «اې پروردګاره! ما روژه نیولې – دویمه برخه » تر سرلیک لاندې د الواقیه تلویزیون له تصویرې خپرونو نوې خپرونه چې اسلامي نیکوکاره دعوتګران یې د نړۍ له بېلابېلو برخو د مزکزي مطبوعاتي دفتر د پاڼو لیدونکو او تعقیبوونکو ته وړاندې کوي، ددغې خپرونې لومړۍ برخه د ۱۴۳۸هـ په رمضان کې خپره شوې وه، ، له موږ سره اوسئ
شپږمه برخه
[اویا کاله وچکالي او قحطي!]
وړاندې کوونکی: سعد الهدی
حزب التحریر- ولایه لبنان
۱۴۳۹هـ، د مبارکې رمضان ۶مه، سه شنبه/ ۲۰۱۸م، د مې
د هیواد لپاره یو مهمه او تاریخي شېبه هغه وه، چې باریسان ناسیونال (BN) د پنجشنبې په ورځ د ۱۴ ام پړاو عمومي ټاکنې وبایللې، هغوی له تېرو ۶۰ کلونو څخه زیات پر دغه هیواد حاکم وو. باریسان ناسیونال یوازې د ۲۲۲ پارلماني څوکیو له ډلې ۷۹ څوکۍ ترلاسه کړې په داسې حال کې، چې د پاکاتان هارپن (PH) ایتلاف چې د فریبومي برساتو مالیزیا (PPBM) ګوند، کعادیلن رعیت (PKR) ګوند، ډیموکراتیک اکشن (DAP) ګوند او امانة نګارا (Amanah) ګوندونه پکې دي، د پارلمان ۱۱۳ څوکۍ ترلاسه کړې. په پاتې څوکیو کې اسلام سي مالیزیا (PAS) ګوند ۱۸، وارثان صباح ګوند ۸، سولیډرټي تناه اریکو یوه او خپلواکو نوماندانو ۳ څوکۍ خپلې کړې. تاریخي شېبه هغه مهال وه، چې پاکتن هارپن (PH) ایتلاف وتوانېد جوهور، نګاري سمبیلان او ملاکا ایالتونه خپل کړي. دا ایالتونه له ډېره وخته د باریسان ناسیونال (BN) ګوند د نفوذ سیمې او سنګرونه وو. په سلنګور، پیراک، قدح او پینانګ ایالتونو کې پاکتن هارپن (PH) ایتلاف وتوانېد چې واک خپل کړي دغه راز د ډاکټر مهاتهیر محمد له لورې په ۹۲ کلنۍ کې د لمړي وزیر په توګه د لوړې ترسره کول یو بله تاریخي شېبه وه.
تر دا مهاله د هیواد سیاسي فضا باثباته برېښي. که د ډاکټر مهاتهیر محمد هغه اعلان پر خپل ځای پرېږدو، چې له مخې یې پاچا (یانګ دې پرتوان آګونګ) هوکړه کړې، چې انور ابراهیم ته شاهي عفوه اعلانوي او په دې سره به د لمړي وزیر پخوانی مرستیال ژر خوشې شي. دا به بیا ده ته لار پرانیزي چې مهاتیر یې ځای ناستی شي او هر څه به د پلان له مخې تر سره شي.
په روانې تودې سیاسي فضا کې حزب التحریر ـ مالیزیا په ډاګه کوي:
۱- پخواني حاکم ګوند ته!
موږ په وار وار تاسو ته یادونه کړې، چې الله سبحانه و تعالی تر هر چا ځواکمن دی او ورته اسانه ده چې په هر وخت کې له تاسو څخه واک بېرته واخلي. موږ تاسو ته څو ځله یادونه کړې، چې ستاسو دنده د الله سبحانه و تعالی قانون په بشپړه توګه پلي کول دي، خو تاسو مغروره یاست، هېڅکله مو غوږ کېنښود او زموږ سلا مشورې مو له پامه وغورځولې. څومره مو چې په توان کې وو، همغومره مو د خلکو او حزب التحریر پر وړاندې له بې عدالتیو څخه کار واخیست. اوس الله سبحانه و تعالی له تاسو څخه د هغو خلکو پر مټ واک واخیست، چې له کلونو راهیسي تاسو پرې تېری کاوه. تاسو په دې نړۍ کې الله سبحانه و تعالی هېر کړی او په رښتیا سره به تاسو په اخرت کې د الله سبحانه و تعالی له لورې له پامه وغورځول شئ. تاسو په دې نړۍ کې خپله جزا ولیدله او که مو توبه ونه ایستله تر دې سخته لویه جزا به مو په اخرت کې انتظار کوي. دغه راز باید پوه شئ د هغې ماليزیایي- نژاد پرستۍ ننګه مو چې کوله د اکثریت خلکو له لورې رد شوه او تر ټولو مهمه د پام وړ دا ده چې نژاد پرستي حرامه او اسلام منع کړې.
۲- نوي حاکم ګوند ته!
تاسو د خلکو له لورې غوره شوي یاست او واک ته د الله سبحانه و تعالی په خوښه رسېدلي یاست. زموږ لمړنۍ او تر ټولو مهمه لارښونه تاسو ته دا ده، چې باید الله سبحانه و تعالی مو په یاد وي او هېڅکله هغه سبحانه و تعالی د حکومت کولو پر مهال مه هېروئ! کله هم د تېر رژیم په څېر له تکبر څخه ډکه، حریصه او ناعادلانه کړنلاره مه غوره کوئ. تاسو په خپلو سترګو ولیدل، چې څه ډول الله سبحانه و تعالی د تېر رژیم واک له منځه یووړ او دا هغه سبحانه و تعالی ته ډېره اسانه ده. نو ځکه مو تل په یاد وي چې الله سبحانه و تعالی ته د واک بېرته اخستل ډېر اسانه دي، چې پر تاسو یې لورولی. په رښتیا سره دا واک یو باور دی او الله سبحانه و تعالی به يې په آخرت کې درنه خامخا پوښتنه کوي. باور یعنې څه؟ باور یعنې په هغه څه حکم وشي کوم چې الله سبحانه و تعالی رالېږلي دي! پر تاسو فرض ده، چې د تېر وخت ټول هغه نظامونه او قوانین ګوښه کړئ، چې له ښکېلاک څخه را پاتې دي او پر ځای یې د الله سبحانه و تعالی د کتاب او د رسول الله صلی الله علیه وسلم له سنتو څخه قانون جوړ او پلی کړئ. په دې توګه درته یادونه کوو، چې تاسو د اسلام د بشپړ پلي کېدو په موخه مکلف یاست. که څه هم موږ پوهیږو چې تاسو به دا چاره ترسره نه کړی؛ خو بیا هم موږ تاسو ته د دې مسولیت یادونه کوو، ترڅو په اخرت کې مو الله سبحانه و تعالی ته د دې مسولیت په اړه ځواب ویلی وي. په رښتیا سره دا باور به ستاسو پر اوږو لوی پېټی وي او هغه څوک به ډېر د افسوس وړ وي چې په دې برخه کې غفلت وکړي.
۳- هغه اسلامي ګوند ته، چې په دغو ټاکنو کې سیالۍ ته را وړاندې شوی و!
له خپلو ځانونو سره محاسبه وکړئ، چې ولې اسلامپالنه د خلکو له لوري رد شوه او همداراز تاسو په وړوکې او محدوده بریا مه ویاړئ. رښتیا هم دا هیڅ د ویاړ ځای نه دی چې د الله سبحانه و تعالی قانون د له پلي کېدو پاتې شي. تاسو به ښایي ځینې څوکۍ ګټلې وي؛ خو حقیقت لا هم څرګند دی چې اسلام لا بریا نه ده موندلې. موږ په وار وار تاسو ته یادونه کړې او لا به یې یادوو، هغه سیاسي مبارزه چې د بې ایمانه لوېدیځ په دیموکراتیک نظام کې ترسره کېږي هېڅکله به هم اسلام ته بریا ور نه کړي. ځکه دیموکراسي د اسلام د بریالي کېدو په موخه نه، بلکې د لوېدیځ له لورې داسې ډیزاین شوې چې د اسلام مخه ډپ کړي.
۴- هغه کسانو ته چې په رښتیا سره غواړي اسلام بریا ومومي!
ستاسو په منځ کې داسې کسان شته چې نه غواړي په پارلمان کې غیر مسلمانان په واک کې وویني. دا خواشینونکې ده چې هر څه په خپله منځته نه راځي، دیموکراسي ده چې غیر مسلمانانو ته په پارلمان کې د ګډون اجازه ورکوي! ان اسلامي ګوند په خپله دې ته زمینه برابره کړې، چې کافر نوماندان پارلمان ته لاره پیدا کړي! له دې امله څه ډول به د اسلام د بشپړ پلي کېدو هیله ولرو، چې نظام په خپله غیر مسلمانانو ته د واک ته رسېدو اجازه ورکوي! تاسو باید پوه شئ چې اسلام به هیڅکله هم د دیموکراټیک نظام په اډانه کې بریا ونه مومي. سربېره پر دې که د پارلمان ټول واک له مسلمانانو سره وي بیا هم بې ګټې دی. ځکه د الله د حق پر وړاندې قانون جوړونه د دوی له لورې غصب شوې.
ای مسلمانانو!
تاسو په څوارلسم پړاو ټاکنو کې وښودله چې تاسو په هیواد کې د ظلم او ناعادلانه رهبرۍ تر سیوري لاندې له ژوند کولو وروسته بدلون غواړی. ستاسو دې په یاد وي چې بې عدالتي به تر هغې دوام مومي چې د الله سبحانه و تعالی قانون نه وي پلی شوی. الله سبحانه و تعالی فرمایي:
﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَٰئِكَ هُمُ الظَّالِمُونَ﴾
[المائده:۴۵]
ژباړه: او کوم خلک چې د الله سبحانه و تعالی له نازل شوي قانون سره سمه پرېکړه ونه کړي، هم هغوی ظالمان دي.
له دې امله د هر هغه چا چې د هیواد واکمني په لاس کې وي او هغه څه نه پلي کوي چې د الله سبحانه و تعالی له لورې راغلي وي؛ بیا نو په رښتیا سره دوی ظالمان او په استبداد سره واکمني کوي. هغه مهال به په ریښتنې توګه استبداد له منځه لاړ شي، چې کله د الله سبحانه و تعالی قانون په پوره توګه پلی شي. تر هغې چې د هیواد نظام له دیموکراسۍ او سیکولریزم څخه اسلام ته بدل نه شي، تل به بې عدالتي او استبداد وي. ریښتنی عدالت به هغه مهال تر لاسه شي چې کله موږ د شریعت تر سیوري لاندې ژوند وکړو او شریعت یوازې په ریښتنې توګه هغه مهال راتلای شي چې اسلامي دولت (خلافت) شتون ولري.
د باریسان ناسیونال (BN) له ناکامۍ، تکبر، حرص او تر دومره ډېرو کلونو وروسته ظلم څخه دا جوتېږي، چې د اسبتداد دور له منځه ځي. خو بیا مو هم په یاد وي چې په بشپړه توګه استبداد هغه مهال له منځه ځي، چې کله پر هیواد د خلیفه له لوري د الله سبحانه و تعالی د کتاب او د هغه د رسول صلی الله علیه وسلم له سنتو سره سم حکومت پیل شي.
د حزب التحریر مرکزي مطبوعاتي دفتر لپاره
لیکوال: د حزب التحریر مالیزیا ویاند عبدالحکیم عثمان
ژباړن: عبدالله لطفي
خبر:
د ګارډين ورځپاڼې د خبر له مخې، له هغې وروسته چې ډونالډ ټرمپ له اټومي تړون څخه ووت، اروپايي اتحاديه په لټه کې شوه، چې له ايران سره يوه فیصله کونکې ناسته ترسره کړي. په دې ترڅ کې د ايران ولسمشر حسن روحاني وويل: «اروپا ډېر لږ فرصت لري چې ياد تړون وژغوري».
له هغې يوه ورځ وروسته چې د امريکا ولسمشر د ۲۰۱۵م له مهم تړون څخه ووت او خبرداری يې ورکړ، چې دی به هغو اروپايي سوداګریزو بنسټونو ته زیان واړوي چې له تهران سره سوداګرۍ ته دوام ورکوي. په ورته وخت کې اروپا ژمنه وکړه، چې د امريکا له بنديزونو څخه به د خپلو سوداګریزو بنسټونو د ساتلو لپاره کلک ګامونه واخلي.
د بهرنيو چارو وزيران غواړي تهران ډاډمن کړي، چې اټومي تړون د ژغورلو وړ دی او ياده موضوع به د دوشنبې په ورځ په لندن کې په هغې ناسته کې چې تمه کېږي د دوی ایرانی سیال جواد ظریف به هم په کې ګډون وکړي، وڅېړي.
د فرانسې د ولسمشرۍ ماڼۍ (الیاسي) په یوې بیانيې کې راغلي، چې د فرانسې ولسمشر ايمانوېل مکرون په يوه ټلیفوني تماس کې له روحاني سره ټينګار وکړ: « له ايران سره د شوي اتومي تړون په ټولو برخو به عمل ته دوام ورکوي». ياده بيانیه زياتوي، چې مکرون د تړون پر اهميت ټينګار کړی او ايران ته هم د تړون اهميت څرګند دی.
تبصره:
د منځني ختيځ د چارو هر کارپوه پوهېږي، چې ايران په سيمه کې د پردې تر شا د امريکا د موخو په لاسته راوړلو کې خپل توان نه دی سپمولی. امريکا د اوسنۍ لسيزې په پيل کې له ایران سره پر پولو، عراق او افغانستان کې دوه ستر وحشي ښکېلاکونه ترسره کړل. ايران د امريکا د ناقانونه نېواک پر وړاندې هيڅ مخالفت ونه کړ؛ بلکې په يادو دواړو هيوادونو کې یې د امريکا د دريځ غښتلي کولو په موخه يو شمېر اړين ګامونه هم واخيستل. له بل لوري د سوريې د انقلاب له پيل سره سم، امريکا د خپل ګوډاګي بشار اسد له نااټکل شوي ګواښ سره مخ شوه او همدارنګه په منځني ختيځ کې جوړ شوی ښکېلاګر بنسټ چې امريکا ته له برټانيې څخه په ميراث پاتې و، له منځه تلو سره مخ شو. امريکا په يو بل ناکام ماموريت کې د خپلو عسکرو د لېږولو له وېرې مخ ايران ته وګرځاوه. خو دا ځل د تېر ځلونو پر خلاف ايران په ښکاره توګه، چې په پټه به يې د امريکا د نيواک لپاره لاره هواروله، خپل ځواکونه سوريې ته ولېږل. له همدې امله د اوباما اداره اړه شوه، چې له ايران سره خپلې اړيکې ښې کړې او ګډ هر اړخيز د عمل پلان (JCPOA) يا له ايران سره اټومي تړون لاسليک کړي. همداراز يادې چارې اروپا، د ايران د پراخو انرژيو سرچينو ته ليواله کړه. اروپا په بيړه د ايران پر وړاندې دريځ او تبليغات پرېښودل او د ايران پر ګازو او تېلو يې سترګې ښخې کړې. په ورته وخت کې ايران هم له لسيزو انزوا وروسته، د اقتصادي ګټو په ليدو، د امريکا لارښوونو ته غاړه کښېښودله او د سيمه ييز نفوذ په پراخېدو کې یې هم خپلې سياسي ګټې ليدلې.
اوس که څه هم د ټرمپ اداره، ايران ته سپارل شوی کار بشپړ ګڼي او غواړي چې ايران له سوريې او عراق څخه ووځي. خو له اتومي تړون څخه د ټرمپ وتنه او د نویو بنديزونو اعلانول په دې موخه وشول، چې ايران ته سزا ورکړي، ترڅو ایران فکر وکړي چې د امریکا له اجازې پرته یې په عراق او سوريه کې په خپله خوښه ځينې ګټې ترلاسه کړې دي او ترڅنګ یې ايراني مشرتابه ته درس ورکوي چې ايران يوازې خپل بادار امريکا ته يوه سپارل شوې دنده ترسره کوي، نه د پيسو او مکافاتو د ترلاسه کولو لپاره. هيڅ داسې ثبوت نشته چې ايران دې له اټومي تړون څخه سرغړونه کړې وي. د امريکا وږې سترګې د اروپا په لور کږې وې، چې اروپا د سوداګرۍ له لارې له ایران څخه د ګټو لاسته راوړلو هڅې پیل کړې دي. اروپا هم د چين په څېر د انرژۍ لرلو له اړخه بېوزلې ده او د نورو پر زېرمو یې تکیه کړې. ايران د انرژۍ لرلو له اړخه غني هيواد دی او د تېلو د زېرمو د لرلو له کبله د ټولې نړۍ ۱۰سلنه جوړوي.
روحاني انګلا ميرکل ته شکايت وکړ، چې ايران ته د لوېديځوالو ګټو ساتلو له امله سزا ورکول کېږي.
د پنجشنبې په ورځ، روحاني د المان له لومړۍ وزيرې سره په ټلیفوني تماس کې لاندې څرګندونې وکړې: « ايران د سيمهييز ثبات او امنيت په ساتلو کې ژمن پاتې شوی، تل یې په سيمه کې د تاوتريخوالي په کمولو کې هڅه کړې او له شرطه پرته یې ډېرو شخړو ته هرکلی ویلی دی».
ده له پريس ټلويزيون سره په يوه مرکه کې وويل:« هغه جګړه چې د ايران، عراق او سوريې خلکو د داعش ترهګرې ډلې پر وړاندې وکړه، په سوريه او عراق کې یې په نسبي توګه امنيت راوست او د اروپا په ګډون يې سيمې او نړۍ ته ګټه ورسوله». په ورته وخت کې د اروپايي اتحاديې د بهرنيو اړيکو مشرې فيدريکا موغیرني د اروپا اقتصادي ګټې تر ټولو مهمې وبللي او له یوه انټرنټي سایټ سره یې په مرکه کې وویل:« زه په ځانګړې توګه د امريکا له لوري د نويو بنديزونو د اعلان په تړاو اندېښمنه یم. زه به په راتلونکو ساعتونو او ورځو کې له خپلو ټولو شريکانو سره د بنديزنو د ارزونې په اړه سلا مشوره وکړم. اروپايي اتحاديه ژمنه ده چې له خپلو امنيتي ګټو سره سم عمل وکړي او خپلې اقتصادي پانګې وساتي». (eeas.europa.eu)
د الله سبحانه وتعالی په نصرت سره به نړۍ ډېر ژر د نبوت پر طريقه د رښتیني خلافت تاسيس وويني، چې اسلام به پلی کوي او همدغه رڼا به نړۍ ته لېږدوي، بهرني کفار به زموږ له خاورو څخه شړي او مسلمانان به د خپلو چارو مديريت په خپله غاړه اخلي. الله سبحانه وتعالی په خپل کتاب قرآن کريم کې د منافقانو په اړه چې له کفارو سره مرسته کوي، فرمايي:
﴿الَّذِينَ يَتَرَبَّصُونَ بِكُمْ فَإِن كَانَ لَكُمْ فَتْحٌ مِّنَ اللّهِ قَالُواْ أَلَمْ نَكُن مَّعَكُمْ وَإِن كَانَ لِلْكَافِرِينَ نَصِيبٌ قَالُواْ أَلَمْ نَسْتَحْوِذْ عَلَيْكُمْ وَنَمْنَعْكُم مِّنَ الْمُؤْمِنِينَ فَاللّهُ يَحْكُمُ بَيْنَكُمْ يَوْمَ الْقِيَامَةِ وَلَن يَجْعَلَ اللّهُ لِلْكَافِرِينَ عَلَى الْمُؤْمِنِينَ سَبِيلاً﴾
[ النساء:۱۴۱]
ژباړه: هغه منافقان چې ستاسو په باره كې انتظار كوي، نو كه د الله له لورې تاسو ته فتح در په برخه شي، دوى وايي: ایا مونږ له تاسو سره ملګري نه وو؟ او كه د كافرانو لپاره څه برخه وي، بیا كافرانو ته وايي: ایا مونږ په تاسو غالب شوي نه وو او ایا مونږ تاسو له مومنانو څخه بچ نه كړئ، نو الله به ستاسو په منځ كې د قیامت په ورځ فیصله كوي او الله به كله هم کافران پر مومنانو غالب نه کړي.
د حزب التحریر مرکزي مطبوعاتی دفتر لپاره
ليکوال: فایق نجاح
ژباړن: صديق احمدزی
لومړۍ جمعه
۱۴۳۹هـ، د رمضان مبارکې میاشتې دویمه، بیت المقدس/ ۲۰۱۸م، د مې ۱۸مه
(هغه ویناوې چې د الاقصی مسجد په څنډو کې وړاندې شوې دي)
لومړۍ ویناوې
[د زړا کوونکو روژه!]
وړاندې کوونکی: شيخ رأفت نجيب (ابو محمد)
۱۴۳۹ه، د رمضان درېیمه، شنبه/ ۲۰۱۸م، د مې ۱۹مه
له استان «سیدي بوزید» څخه چې د تونس په مرکز کې پروت دی د استاد علي سعیدي خبرې، چې د حزب التحریر – ولایه تونس د بیا بیا غږ په چارچوب کې یې د روبیضاتو (جاهلو او احمقو) او کافر غرب د حکامو د لرې کولو غوښتنه وکړه، واکمنان یې راوبلل او له مسلمانانو پوځونو یې د اسلام د نصرت او د نبوت پر تګلاره یې د راشده خلافت د بیا تاسیس لپاره مرسته وغوښتله.
۱۴۳۹هـ، د رمضان دویمه، جمعه/ ۲۰۱۸م، د مې ۱۸مه
چمتو کوونکی: احمد الصوراني
وړاندې کوونکی: منیر ناصر
۱۴۳۹هـ، د رمضان ۴مه، یکشنبه/ ۲۰۱۸م، د مې ۲۰مه
