که څه هم امت له ډېرو سختیو او کړاوونو سره مخ دی؛ خو نیکمرغي یې هم په همدغو کړاوونو کې نغښتې ده. امت که هر څو په لوګي کې راګیر دی؛ خو دا اور به دښمن او ملاتړي یې لولپه کړي. دا کړاوونه به له منخه ځي او دا هغه شېبه ده چې امت د خپل ذول الجلال رب غوښتنې ته لبیک وایي او هغه سبحانه و تعالی د نصرت (بریا) زیری ورکوي.

[يَنْصُرُ مَنْ يَشَاءُ وَهُوَ الْعَزِيزُ الرَّحِيمُ]

ژباړه: د الله سبحانه وتعالی (په ورکړل شوي نصرت) باندې الله سبحانه وتعالی هغه چاته نصرت ورکوي چې خوښه یې شي او هغه عزیز او رحیم (برلاسی او رحم کونکی دی). [روم:۵]

هغه څه چې د ۲۰۲۳ کال د اکټوبر ۷مه په فلسطین او ځانګړې توګه په ویاړلې غزه کې پیښ شول، د دغه امت د ذاتي خیر، نیکمرغۍ او وړتیا ښکاره نښه ده او یوازې دې ته اړتیا لري چې سم مسیر ته برابر شي.

موږ د یوه امت په توګه همغسې یو، لکه الله سبحانه وتعالی چې فرمایلي دي:

 [وَإِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ]

ژباړه: او په حقیقت کې ستاسو امت، یو امت دی او زه ستاسو رب یم، نو له ما څخه وویریږئ (تقوا وکړئ). [مؤمنون:۵۲]

موږ باید د همدغه حقیقت پر اساس چې یو واحد امت یو، دریځ ونیسو. دا خبره په ځانګړې توګه په لبنان کې ډېره مهمه ده؛ نن ورځ دا منل شوې چې هغه کسان چې وسلې یې پورته کړې له لبنان، فلسطین او اسلامي ډلو څخه دي. دغو ډلو پرله پسې اعلان کړی چې د دوی لوری په فلسطین کې له یهودانو سره مبارزه ده او تل د الاقصی د ازادولو شعارونه ورکوی. تل یې ویلي چې دې کار ته ګوته په ماشه او د یو مناسب فرصت په تمه دي؛ نو ایا تر دې بل مناسب فرصت شته؟

په غزه کې د مجاهدينو يوې ډلې چې په لوړ هوډ مقاومت کوي، ستاسو لپاره دروازه پرانيستله او د يهودانو قدرت او وسلې یې داسې وشرمولې، چې خپله يهود هم پرې اعتراف کوي. دغې پیښې د یوې هوډمنې او وفادارې ډلې پر وړاندې د نړۍ د سترو قدرتونو د ملاتړ ترڅنګ د یهودي دولت د درنو وسلو او پرمختللې ټکنالوژۍ ضعف او کمزورتیا په ډاګه کړه!

دا پلمه چې فلسطينيان به په يوازې ځان دا مسووليت ادا کړي؛ د خپلې ناستې (له جګړې څخه د وېرې او بېغيرتۍ) لپاره پلمه ده او دا پلمه چې دولتونه به له خپلو ټولو امکاناتو سره پر موږ راټول شي، د هغو ټينګو ګامونو د نه پورته کولو لپاره پلمه ده چې په راتلونکي کې نه، بلکې همدا اوس يې د پورته کولو وخت دی.

امت راپورته شوی او که چېرې په تاسو کې د دغه حرکت څرک وویني؛ نه یوازې دا چې امت به درسره یو ځای روان شي، بلکې له تاسو به مخکې روان وي. په امت کې د قربانۍ او جهاد داسې لېوالتیا راژوندی شوې، لکه په فلسطیني وروڼو کې یې چې راژوندی ده. د دوی هیلې، احساسات او لیوالتیا مه وژنئ او د دغه طلایي فرصت په اړه د خپل تکلیف په ادا کولو کې سستي مه کوئ!

د فلسطین د خلکو په څېر اسلامي امت هم پوهېږي چې د دغه کار بیه ښایي لوړه وي؛ خو د خپل رب دغه قول لولي:

[وَلَا تَهِنُوا فِي ابْتِغَاءِ الْقَوْمِ إِن تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللَّهِ مَا لَا يَرْجُونَ وَكَانَ اللَّهُ عَلِيمًا حَكِيمًا]

ژباړه: د خپلو دښمنانو په تعقیبولو کې سستي مه کوې، که تاسو له ستونزو سره مخ کیږئ، نو دوی هم له ستونزو سره مخ کیږي، په داسې حال کې چې تاسو له الله څخه د هغه څه هیله لرئ، چې دوی یې قطعا نه لري. الله سبحانه وتعالی پر هر څه پوهیږي او د علم او حکمت څښتن دی. [نسأ: ۱۰۴]

دوی دا لولي، زړونه یې  ډاډه کیږي او د قربانۍ له لارې یې روح ارامیږي.

اې د لبنان او فلسطین خلکو او په لبنان کې وسله والو اسلامي ډلو:

که دا ستاسو د وسلو د کارولو وخت نه وي، نو کله دی؟ خپلې وسلې د بل کوم غوره عمل لپاره ساتئ؟ موږ پر تاسو غږ کوو: که چېرې تاسو نن ورځ پرته له دې چې هغه سیمه ییزې او نړیوالې پرېکړې په پام کې ونیسئ چې تاسو یې له کلونو راهیسې له دغه کاره راګرځولي یئ، حرکت وکړئ، نو امت به ستاسو تر څنګ ودریږي او ستاسو ملاتړ به وکړي. دا هغه وخت دی چې نه یهودي دولت او نه یې نور ملاتړي هېوادونه د امت د دغه حرکت پر وړاندې د کوم اقدام جرات کولی شي.

همدارنګه موږ تاسو ته دا هم وایو چې: که تاسو له یهودو سره جګړې ته راودانګئ، نو له دې لارې په پوځونو کې خپل مخلص وروڼه هڅولی شئ چې له یهودو سره جګړې ته تیار شي. تاسي وليدل چي په مصر، اردن، لبنان، ترکيې، افغانستان او نورو اسلامي هيوادونو کي څه ډول خلک او پوځونه دغې جګړې ته سخت په تمه دي، د دوی لپاره د دغې جګړې اور ته پوکی وکړئ.

[وَلَا تَهِنُوا فِي ابْتِغَاءِ الْقَوْمِ]

ژباړه: د خپلو دښمنانو په تعقیبولو کې سستي مه کوې. [نسأ:۱۰۴]

نن ورځ ستاسو هر ډول ټمبلي او مرستې ته نه رادانګل موږ د دې ویلو ته اړباسي چې ستاسو ټمبلي او سستي دا په ډاګه کوي چې تر کاسې لاندې نيم‌کاسه ده او ستاسو د ځنډ تر شا حتماً خيانت پټ دی! نو راشئ او معادله راوڅرخوئ او خپل امت ته نیکي ښکاره کړئ. دا اوس په تاسو پورې تړلې او یوازې د هغه زړور ګام پورته کولو ته اړتیا لري، چې تاسو یې اخیستلی شئ. تاسو به هغه وخت وګورئ چې دغه اشغالګر دولت څنګه ړنګېږي او ملاتړي یې هغه وخت څنګه تښتي چې د اقصی طوفان د امت پر طوفان بدل شي.

[ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِن كُنتُم مُّؤْمِنِينَ]

ژباړه: د دوی د مقابلې لپاره له دې دروازې دننه ورشئ.کله چې تاسو دننه ورسېږئ، نو برلاسي یاست، پر الله توکل وکړئ، که چېرې مؤمنان یاست. [مائده:۲۳]

۱۴۴۵ هـ.ق کال، د ربيع الاول ۲۵مه

۲۰۲۳م کال، د اکټوبر۱۰مه

حزب التحريرـ ولایه لیبنان

(ژباړه)

اې مسلمانو پوځونو، جنرالانو، افسرانو او سرتېرو:

موږ د مسجد الاقصی له ممبر او د هاشم له ورانې شوې غزې پر تاسو د الله سبحانه وتعالی له دغه قول سره غږ کوو:

  [يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ ‌انْفِرُوا فِي سَبِيلِ اللهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ]   

ژباړه: اې مؤمنانو پر تاسو څه شوي دي، کله چې تاسو ته د الله سبحانه وتعالی په لاره کې د وتلو (جهاد) وویل شي، نو تاسو په ځمکه درانده کېنئ؟ ایا تاسو د اخرت په پرتله د دنیا ژوند ته لومړیتوب ورکوئ؟ که چېرې داسې وی، نو خبردار اوسې چې د دنیا د ژوند ټول وسایل د اخرت په پرتله هېڅ ارزښت نه لري، مګر ډېر لږ. [توبه:۳۸]

او مونږ تاسي ته د الله سبحانه وتعالی په دغه قول خبرداری درکوو:

[إِلَّا تَنْفِرُوا يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلَا تَضُرُّوهُ شَيْئاً وَاللهُ عَلَى كُلِّ شَيْءٍ قَدِيرٌ]

ژباړه: که تاسو (جهاد) ته نه ځئ، نو الله سبحانه وتعالی به تاسو ته ډېر درناک عذاب درکړي او د تاسو پر ځای به بل قوم راپورته کړي او تاسو به الله سبحانه وتعالی ته هېڅ زیان ونه شئ رسولی. الله سبحانه د هر څه د ترسره کولو قدرت لري. [توبه:۳۹]

ثابت قدمه مجاهدین د جګړې په ډګر کې په کلک عزم او هوډ سره جنګیږي، خو ډارن دښمن یې له لرې د خپلو الوتکو او توپونو په مرسته بمباوري؛ کورونه یې ورانوي، ښځې، ماشومان او سپین سري یې وژني. تاسو څه ته په تمه یئ؟

راته ووایئ چې د الله سبحانه وتعالی د رضا لپاره د هغه په لاره کې څه شی په تاسو کې د جهاد شوق او جذبه راپاروي!؟

راته ووایئ چې موږ به کله د الله سبحانه وتعالی د رضا ترلاسه کولو لپاره د مسجد اقصی په انګړ کې ستاسو د سرتېرو او پوځونو ننداره کوو!؟

خاین او غدار حکام غواړي د مجاهدينو دغهکارنامې په ذلت، خيانت او ماتې بدلې کړي. د روژې په میاشت (اکتوبر) کې د مصر د پوځ اتلولۍ د خاین سادات لخوا پر یوه لوی خیانت بدلې شوې. که د مسلمانانو لښکرې د مسجد اقصی او فلسطین په مبارکه خاوره کې د مجاهدینو په ملاتړ کې غفلت وکړي، نو دا له ټولو خیانتونو څخه لوی دی. دا په اصل کې له یهودي دولت څخه مستقیم ملاتړ دی او د دې لامل ګرځي چې خیانت کوونکي نور هم پیاوړي کړي او دوی دغه کارنامه د پیغمبر (ص) د شپې سفر (اسراء او معراج) د حرمت پر وړاندې په نوي خیانت بدله کړي. ایا تاسو مجاهدین یوازې پریږدئ او په خپلو پوځي هډو کې مات شوي او تسلیم شوي پاتې کېږئ؟

یهودي ظالمانو خو د غزې بشپړه کلابندي اعلان کړه او هلته یې د اوبو، سونګ توکو، خوراکي توکو او طبي تجهیزاتو د لېږد مخه ونیوله، تاسو څه کوئ؟

ایا تاسو د غزې خلک د اتلولۍ په دې جګړه کې یوازې پریږدي او د دوی په وژلو کې له یهودانو سره ملګري کېږئ؟! یا د الله سبحانه وتعالی او د هغه رسول ته له غرور څخه ډک د نصرت ځواب ورکوئ او د یهودي دولت لپاره یوه تیږه هم پر بله نه ږدئ؟

مجاهدین هیله لري چې د الله سبحانه وتعالی په لاره کې له خیر څخه ډکو دوو پایلو ته ورسیږي: فتح یا شهادت. څوک چې ووژل شي او شهيد شي، په حقيقت کې هغه ستر برياليتوب ترلاسه کړ او د فلسطين ډېر زیات شهیدان لري، خو څه ته چې اړتیا لري هغه د مسلمانانو د پوځونو ملاتړ دی. په الله قسم چې دا د ټولو جرمونو مور ده.

اې د احمد امته، اې د بشریت لپاره تر ټولو غوره استول شویه امته:

موږ د زړه له درده پر تاسو غږ کوو. ايا هغه وخت نه دی راغلی چې ستاسو زړونه د الله سبحانه وتعالی د یادولو پر وړاندې عاجز شي؟ ایا هغه وخت نه دی راغلی چې ستاسو غوږونه زموږ غږ واوري؟ ایا ستاسو د پوځونو لپاره هغه وخت نه دی راغلی چې د الله سبحانه وتعالی غوښتنې ته ځواب ووایي؟ ایا الله او د هغه رسول ته د نصرت ورکولو وخت نه دی راغلی؟ دغه شیطاني دولت به د یوې ورځې په یوازې یوه ساعت کې ورک شي. تاسو څه ته په تمه یئ؟

په دغه مبارکه خاوره کې د دغه متزلزل دولت شتون او دوام د هغو غلامو حکامو لخوا تضمین شوی چې تاسو یې تړلي بئ او د دې مخه نیسي چې په خپلو لاسونو بیت المقدس ازاد کړئ. په دغه حالت کې غواړئ څه وکړئ؟

اې مسلمانو پوځونو... اې قومندانانو، افسرانو او سرتېرو:

د رسول الله صلی الله علیه وسلم د اسرا ځای د ازادولو دغه ستر ویاړ ډارنو او کمزورو خلکو ته نه په برخه کېږي. دا ډېر ستر ویاړ دی او یوازې د مخلصو او صادقو کسانو لپاره ساتل شوی. ایا چمتو یئ چې د ذلت جامې وباسئ او د عزت او وقار جامې پر تن کړئ؟ چمتو بئ چې خپل دین ته د نصرت ورکولو لپاره راپاڅېږئ او اسلامي امت ته خپل تېر برم او عزت بیا ورکړئ؟ او یا دا چې د هغو لاسپوڅو او غلامو واکمنانو په جامه کې ذلیل پاتې کېږئ چې نن ورځ یې تاسو او ستاسو امت له ډول ډول ذلتونو او خواریو سره مخ کړی؟

موږ پر تاسو غږ کوو چې له اسلام څخه د ملاتړ، د خلافت د تاسیسولو او د بیت المقدس د آزادولو لپاره نصرت راکړئ. که تاسو د الله، د هغه د رسول او د مومنانو بلنې ته لبیک ووايئ، نو ستر بریالیتوب ترلاسه کوئ، خو كه سر ټيټ كړئ، وډار شئ او پر ځمكه كيناستئ، نو تاسو به له سختې ناکامۍ سره مخ شئ او الله به ستاسو پر ځاى داسي خلك راولي چي ستاسي په څېر به نه وي.

[وَإِنْ تَتَوَلَّوْا يَسْتَبْدِلْ قَوْماً غَيْرَكُمْ ثُمَّ لَا يَكُونُوا ‌أَمْثَالَكُمْ]

ژباړه: که چېرې تاسو مخ واړوئ، نو الله سبحانه وتعالی به ستاسو پر ځای بل قوم راولي او دوی به ستاسو په څېر نه وي. [محمد:۳۸]

که څه هم چې ظالمان او کافرانو له ټولو خواوو محاصره کړي یو، موږ به د فلسطین په مبارکه خاوره کې پر حق لاره ثابت قدمه پاتې کیږو. موږ پر اسلام درېږو او زړونه مو په اېمان ډاډه دي. فاسقان ښایي فکر وکړي چې موږ بې وسه یو او هیڅ ملاتړ او ځواک نه لرو؛ خو دوی باید پوه شي چې موږ د دوی پر وړاندې مبارزه کې نامحدود قدرت لرو؛ د عزیز القهار ذات قدرت. که زموږ د دښمنانو قدرت هر څومره لوی ښکاري، خو دا تل محدود دی او د الله په رضا او د هغه په ​​قدرت سره به زموږ پر وړاندې ټوټه ټوټه شي.

پرېږدئ چې امریکا خپلې الوتکې لېږدونکې بېړۍ راولي، پرېږدئ چې ټول کفري هېوادونه د یهودي دولت د ساتنې لپاره خپلې بیړۍ راولي. د الله په قدرت سره به دوی ته هېڅ ګټه ونه رسوي. ایا تاسو د الله سبحانه وتعالی پر دغه قول ایمان نه لرئ؟

[إِنْ يَنْصُرْكُمُ اللهُ ‌فَلَا ‌غَالِبَ ‌لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللهِ فَلْيَتَوَكَّلِ الْمُؤْمِنُونَ]

ژباړه: که چېرې الله سبحانه وتعالی ستاسو نصرت وکړي، نو هېڅ قدرت درباندې نه شي برلاسی کېدلی او که تاسو یې پرېږدئ، نو بیا له الله پرته بل څوک ستاسو نصرت کولی شي؟ نو څوک چې ریښتیني مؤمنان دي، هغوی د یوازې پر الله سبحانه وتعالی توکل وکړي. [عمران: ۱۶۰]

هو، کله چې الله سبحانه وتعالی له موږ سره وي، نو زموږ لپاره هېڅ ډول ماتې نشته. دا جګړه له هغو ډېرو جګړو څخه یوه ده او موږ پوهیږو چې الله سبحانه وتعالی په دې کې زموږ لپاره څومره لوی خیر اچولی. موږ ډاډه یو چې دغې مبارکې ځمکې ته ښکاره فتحه نصیب کیږي. د نبوت پر منهج به د خلافت سرتیري په بیت المقدس کې راښکته شي، دوی به له یهودانو څخه د خپلو وروڼو د وینو غچ واخلي او د الله سبحانه وتعالی ژمنه او د خپل خوږ نبي صلی الله علیه وسلم زیری به پوره کړي. امام بخاري رحمه الله له عبدالله بن عمر رضي الله عنهما څخه روایت کړی دی چې هغه وویل: ما له رسول الله صلی الله علیه وسلم څخه اوریدلي چې هغه صلی الله علیه وسلم وفرمایل:

"«تُقَاتِلُكُمْ الْيَهُودُ فَتُسَلَّطُونَ عَلَيْهِمْ، ثُمَّ يَقُولُ الْحَجَرُ: يَا مُسْلِمُ، هَذَا يَهُودِيٌّ وَرَائِي فَاقْتُلْهُ»

ژباړه: يهودان به له تاسو سره وجنګېږې او تاسو به پر دوی برلاسى شئ، تر دې چې هره ډبره به مسلمان ته نارې وهي چې اې مسلمانه! دلته یو یهود دی، راشه ویې وژنه!''

همدارنګه مسلم هم له ابن عمر رضی الله عنه څخه ورته روایت کړی او وایي چې رسول الله صلی الله علیه وسلم فرمایلي دي:

«لَتُقَاتِلُنَّ الْيَهُودَ فَلَتَقْتُلُنَّهُمْ، حَتَّى يَقُولَ الْحَجَرُ: يَا مُسْلِمُ، هَذَا يَهُودِيٌّ فَتَعَالَ فَاقْتُلْهُ»

ژباړه: تاسو به له یهودانو سره وجنګېږې او دوی به ووژنئ، تر دې چې هره ډبره به مسلمان ته وایې چې: اې مسلمانه راشه دلته یو یهودي دی (ځان یې زما تر شا پټ کړی) هغه ووژنه.

 وروسته به ځمکه د اسلام پر رڼا او د القوی، العزیز او الحکیم ذات په فتح روښانه شي.

یا الله د دغه خیر د لیدلو لپاره زموږ سترګې خلاصې کړه او له هغه سره د مسلمانانو سینې پراخې کړه. موږ ته له خپل لوري هغه ځواک راکړه چې وکولی شو ستا دین ته د نصرت ورکولو او ستا د کلیمې د لوړولو لپاره یې وکاروو. موږ ستا بنده ګان او ستا د دین سرتیري یو، موږ د خپلو هغو غوره بندګانو له جملې وګرځوه چې تا خپل دین ته نصرت ورکولو او د خپل کلام د لوړولو لپاره غوره کړي دي. زموږ لپاره یوازې الله کافي دی او هغه تر ټولو غوره ولي دی.

وحسبنا الله ونعم الوكيل والحمد لله رب العالمين

۱۴۴۵ هـ.ق کال، د ربيع الاول ۲۵مه

۲۰۲۳م کال، د اکټوبر۱۰مه

حزب التحريرـ ولایه فلسطین