خبر:

تېره اونۍ، د وزیرانو شورا په  ناسته کې چې د اقتصادي همکاریو سازمان (ECO) د ديارلسمې رسمي ناستې له پرانيستنې مخکې وشوه؛ د پاکستان د بهرینو چارو سلاکار سرتاج عزیز څرګنده کړه، چې د چين- پاکستان اقتصادي دهلېز (CPEC) د ایکو (ECO) اقتصادي سازمان په سیمه کې سوداګریز فرصتونه رامنځته کولی شي او د ځواکمنو اړيکو په لرلو سره به داخلي او سیمه یزې سوداګرۍ ته پراختیا ورکړي. نوموړي ټینګار وکړ چې د چين- پاکستان اقتصادي دهلېز (CPEC) به د (ECO) له ټولې سیمې سره مرسته وکړي، چې د یو «ځواکمن اقتصادي بلاک» په څېر نړۍ ته راووځي، د غړو هېوادونو تر منځ به يې د پانګونې بهیر وده کوي او د دوی د قوي اړيکو پر بنسټ  به لویو سوداګریو ته پراختیا ورکول کېږي.

تبصره:

د چين- پاکستان اقتصادي دهلېز (CPEC) د پاکستانیانو تر منځ د بحث توده موضوع ده. د ځینو په اند، دا به د پاکستان لپاره ګټوره پایله ولري، خو ځينې نور بیا د چين د انګېزو  په اړه شک لري. خو يوه خبره چې قطعي ده، هغه دا ده چې چين له بېلا بېلو لارو څخه د ايروشيا د راتلونکې د بدلون لپاره سترې هيلې لري او غواړي د ميکندر هغې وړاندوينې ته د عمل جامه ور واغوندي، چې داسې ګومان يې کاوه: پر ايروشيا د واکمنۍ له لارې ټوله نړۍ اداره کېدای شي.

د چين- پاکستان اقتصادي دهلېز چې د (۵۴) بېلیونه امریکايي ډالرو په ارزښت جوړېږي، د چين د اقتصادي کمربند د سترو هيلو يوه کوچنۍ برخه ده او ان دغه دهلېز يوازې د یوې لارې پلان دی. د چين- پاکستان اقتصادي دهلېز په رسمي ډول د ورېښمو لار اقتصادي کمربند او د (۲۱) مې پېړۍ د ورېښمو بحري لار برملا کړه. په دې دهلېز کې د ځمکې پر سر سړکونه شامل دي، چې له چینه پیليږي او په اروپا کې پای ته رسېږي او په یو لړ سمندري لارو چې بندرونه سره نښلوي، بشپړېږي. مکینزي (McKinsey) اټکل کوي چې دغه حریصه جیوپولیټيکل (سیاسي جغرافیایي) پروژه شاوخوا د نړۍ (۶۵) سلنه نفوس، د نړۍ يو پر درېيمه ناخالص تولیدات او د نړۍ د ټولو تجارتي توکو او خدمتونو څلورمه برخه تر خپل پوښښ لاندې راولي. 

داسې حریصه لېوالتيا د چين هغه اراده په ډاګه کوي چې غواړي، په نړۍ کې ستر جیو پوليټيکل (سیاسي جغرافیايي) رول ولوبوي. دوی له پيل څخه په ډېر مهارت داسې ګامونه اخلي چې په اسیا کې د امریکا د ستراتیژۍ مخنیوی وکړي. بېجینګ ښه پوهیږي چې د امریکا سمندري ځواک غواړي، د هند سمندر ته د پرتو سمندري لارو ـ چې د مالاکا تنګيو او د چین ختیځ او سهیلي سمندر ته غزېدلي دي ـ امنیت تر خپل واک لاندې راولي. د دواړو قدرتونو تر منځ هر ډول احتمالي شخړه په اسانۍ سره  د چين د حیاتي توکو د لېږد لارې پرې کولی شي او امریکا به یې له ورایه ننداره کوي.

د ځمکې بدیلې لارې او پرېمانه سمندري بندرونه له چین سره مرسته کولی شي چې د امریکا د شریري اقتصادي محاصرې طرح  لاس ته راوړي. د بېلګې په توګه: چین به وکولی شي چې د ګوادر بندر له لارې د انرژۍ مهم توکي ولېږدوي، خو د سوداګريزو توکو د لېږد لپاره اړ دی چې لویې لارې او د اورګارډي پټلۍ جوړې کړي، تر څو د قراقرم لویه لار له چين سره ونښلي او سوداګريز توکي د ځمکې له لارې ولېږدوي.

د دغه لوی انځور له لیدو څخه هغه اساسې انګېزه روښانه ښکاري چې چین یوازې له ځان سره مرسته کوي، نه له پاکستان سره. که څه هم ځینې پاکستانیان دا اندېښنې پر ځای بولي، خو لا هم خوشبین دي چې ګوندې د چین له لوري هره کورنۍ پانګونه به د پاکستان په ګټه وي. اوس هم د چینایي بانکونو له لوري پاکستان ته د بوديجې په برابرولو کې زیات رازونه شته، چې دا د ستر شک ځای دی.

د اسیا زیربنایي پانګونې بانک (AIIB) د عملیاتوپه اړه د شفافیت نشت، د ورېښمو لارې صندوق، نوی پراختیايي بانک، د چین لمړی بانک او د چین پراختیايي بانک پر قرضونو باندې د سود اخیستلو او پیسو د مصرف په اړه پوښتنې را پورته شوي. په ځانګړي ډول د پيسو د لګښت وروستۍ موضوع ډېره د شک وړ ده او د دې شونتيا ډېره ده چې د چينايي بانکونو لخوا دې چينایي شرکتونو ته د زیربنايي پروژو د تطبیق په موخه د بوديجې دوران پیل شي.

سربېره پر دې، د پاکستان حکومت په تفصيلي توګه دا خبره نه ده روښانه کړې چې پاکستاني شرکتونه به څه ډول له دغه اقتصادي دهلېز څخه ګټه پورته کوي او ایا پاکستاني شرکتونه به د زیربنايي پروژو د بشپړېدو په موخه فعالیت کوي، که نه؟ که د نوو زېربنايي پروژو د جوړېدو لپاره چینایي شرکتونه لاس په کار شي، نو دا په دې معنی ده چې ټولې ګټې د چين لور ته ځي او له امله به يې د پاکستان پر ځای د چين اقتصاد پیاوړی کيږي. ځکه نو، د (۵۴) بېلیونه ډالرو لویه برخه به، په اسانۍ سره د چینایانو لاسونو ته ولوېږي.

بله ډېره مهمه خبره دا ده چې حکومت د ټکنالوژۍ د لېږد په هکله ګونګ پاتې دی. د بېلګې په توګه: د پاکستان لپاره اړينه ده چې د اورګاډو پټلۍ، اورګاډي، د برېښنا مرکزونه، د لمریزې برېښنا پارکونه او داسې نور څه جوړ کړي، چې په مټ به يې په خپلو پښو ودرېږي. چين مخکې د څو سترو ځانګړو پروژو د ټکنالوژۍ پر شریکولو بنديز لګولی و او اوس هم داسې نښې نه تر سترګو کیږي، چې چين دې په دې موضوع کې پخوانی دريځ بدل کړی وي. 

حکومت اټکل کړی چې د چين- پاکستان اقتصادي دهلېز به (2.3) ميليونه دندې رامنځته کړي؛ خو بیا هم پاکستان ته د چينايي کارګرانو د راتګ په اړه دولت غلی دی. نقلي شواهد ښيي چې د اسلام اباد لارې کوڅې به د چينايي کارګرانو له ګڼې ګوڼې ډکې شي، د هغوی کورنۍ به د ښکېلاک د یوې نوې څپې غوښتنه لري او نږدې ده چې پاکستان به د ختيځ له لوري د يو ځواکمن ګوزار شاهد وي.

له پخوا څخه هم چين د پاکستان په اړه، د ختیځ هند د هغه شرکت پر سر چې وروسته د لويديځ ښکېلاک پر یوه تهاجمي ستونزه بدل شو؛ خطرناک دریځ لاره. د لويدیځ لیبرال اقتصادي نظام په پای ته رسولو کې چېن په هوښیارۍ سره د نوي ليبرال (Neoliberal) اقتصادي پاليسيو څخه ګټه اخلي، تر څو له دې لارې وکولی شي، په سوداګرۍ کې چينايي پانګوالۍ ته پراختیا ورکړي. د ولسمشر ټرمپ په راتګ سره د ارام سمندر سوداګريز تړون  (TPP)وځنډېد، خو چین لا هم ژمن دی چې دغه تشه ډکه کړي. نړۍ له چينایي پانګوالۍ څخه تمه لري، چې د فروفیسر ایکن بېري هغه هيله پوره کړي چې د ده له انده چين د لويدیځ لپاره یوه مهمه ستن ده، نه د لويديځ بربادوونکی.

اوس مسولیت د ایروشیا د مسلمانانو پر غاړه دی، چې په ټينګه د امریکا، چین او روسیې له اقتصادي غلامۍ څخه ځان خلاص کړي. مخکې عثماني خلافت، ورېښمو لارې ته څېرمه خلک ازاد کړل او له بې ساري اقتصادي بریالیتوب څخه يې برخمن کړل. نن ورځ پاکستان د دې جوګه دی چې په دوامدارو او نه ستړي کېدونکو هلو ځلو سره د ایروشیا مسلمانان د ريښتيني خلافت تر رهبری لاندې سره یو موټی کړي. په پايله کې به ورېښمو لارې ته پراته ټول خلک، یو ځل بیا له اقتصادي لاسته راوړنو څخه برخمن شي.

د حزب التحریر مرکزي مطبوعاتي دفتر لپاره

عبدالمجید بهاتي

(ژباړه)

اې د پاکستان مسلمانانو!

لکه ځنګه چې پوهېږئ د پاکستان چارواکي له متحدو ایالاتونو سره په ګډو هڅو د پاکستان او اشغال شوي کشمیر مسلمانان د «باور جوړونې لپاره ګامونه» او «د اړیکو عادي کول» تر نوم لاندې د هند دولت په سیاسي، اقتصادي او نظامي واک کې ورکوي.

د نظامي واک له مخې یې د اسلام او مسلمانانو پر وړاندې خپله ښکاره دښمني اعلان کړه. د ټرمپ ادارې په دې برخه کې له راغب شیطان (د هند له حکومت) سره دغه اتحاد تایید کړ. د پاکستان حکام د ټرمپ د ادارې له پیل څخه د هندوستان دښمنو ځواکونو ته اسانتیاوې برابروي او په کشمیر کې د هغوی حضور ته پاملرنه نه کوي. د دې پر ځای چې زموږ وسله وال ځواکونه باید د هندوستان د دښمنو عملیاتو پر وړاندې ودریږي، برعکس د پاکستان حکامو هغه خوځښتونه ځپلي چې د استعمار شوي کشمیر د ازادۍ لپاره فعالیت کوي. دا بندیزونه په اصل کې  د هندوستان غوښتنې دي. د ۲۰۱۷ د جنوري پر ۳۱مه د هند د بهرنیو چارو وزارت ویاند ویکاس سوارپ وویل: «که له سرحده هاخوا پر ټروریستي خوځښتونو اغېزمن قیودات ولګول شي، دا د پاکستان ښه نیت ثابتولی شي».

نو هماغسې چې امریکا مخکې د پاکستان له حکامو څخه غوښتي وو چې په افغانستان کې د صلیبي ښکېلاک پر وړاندې د قبایلو مقاومت پای ته ورسوي؛ اوس هند هم د پاکستان له مشرانو څخه د هند د وحشي دولت پر وړاندې په استعمار شوي کشمیر کې د دغه مقاومت د له منځه وړلو غوښتنه کوي. کشمیر یوه اسلامي خاوره ده چې خپلواکۍ ته اړتیا لري او هند ته حتی د دې خاورې د یوې لوېشتې پرېښودل هم اجازه نه لري. که څه هم له دغو سختیو څخه یوازې د هند پوځ ګټه تر لاسه کوي، خو د پاکستان حکام ټينګار کوي چې د کشمیر مسلمانان له شاه نه په خنجر وهل د پاکستان په ګټه دي.

د پاکستان د وسلوالو ځواکونو رسمي ویاند د ۲۰۱۷ کال د جنوري پر ۳۱مه وویل: «دا هوډ ملي ګټو ته په کتو دولتي ارګانونو نیولی دی.» موږ باید د دې په لټه کې شو چې زموږ دښمن ته د نړۍ شپږم نظامي ځواک خدمت څه ډول زموږ په ګټه دی؟ څه ډول د کشمیر د مسلمانانو په پرېښودلو سره د الله سبحانه وتعالی غضب زموږ په ګټه دی؟

د سیاسي واکمنۍ له نظره د پاکستان حکام د ټرمپ له ادارې سره مرسته کوي، چې پر اسلام زموږ منګولې لګول کمزوري کړي او دا د هند دولت د نفوذ د زیاتوالي پر وړاندې قوي خنډ دی. اسلام له پېړیو راهیسې د هندوستان د نیمې وچې اوسېدونکو ته امنیت ټینګ کړی و او د هندوییزم له تعصب څخه یې ازاد کړل. اسلام مسلمانانو ته د بریټانیایي شهزاده د ښکېلاک پر وړاندې ځواک ورکړ. اسلام میلیونونه مسلمانان دې ته وهڅول چې په خوښۍ سره خپل ځانونه د لااله الا الله له شعار څخه قرباني کړي. اسلام د پاکستان او یا د استعمار شوي کشمیر مسلمانانو ته د هندوستان د هر ډول تېري پر وړاندې بریاليتوب او قوت ورکړ. اوس هم اسلام د نبوت پر تګلاره د خلافت په بیا تاسیس د هند په ټوله وچه کې سلګونه میلیونه مسلمانان یوځای کولی شي.

په ورته مهال کې په پټو سترګو د صلیبیانو په اطاعت د پاکستان جنایتکار حکام زموږ د ځواک او بقا پر منبع برید کوي. هغوی په رسنیو او ښوونه او روزنه کې د اسلامي ارزښتونو پر ځای د «ازادۍ» تر نامه لاندې فاسد غربي مفاهېم ځای پر ځای  کوي، چې په سیاسي چارو کې اسلام ته زموږ د ستنېدو مخه ونیسي. دغو ظالمانو د اسلامي سیاسي فکرونو پر وړاندې یو ډول د وېرې فضا رامنځته کړې او هغه کسان یې نیولي، شکنجه کړي او اختطاف کړي، چې د دغه کار پر وړاندې پټه خوله نه پاتې کیږي. لکه د حزب التحریر- ولایه پاکستان رسمي ویاند نوید بت په څېر مېړني کسان چې د ۲۰۱۲ د مې میاشتې له ۱۱ مې څخه په بند کې دی؛ په داسې حال کې چې نوموړي موږ د لومړي ځل لپاره د ۲۰۰۳ کال د ډیسمبر پر ۱۴مه د لوی هند له پروژې څخه خبر کړي وو.

اې د پاکستان مسلمانانو! د اقتصادي واکمنۍ له نظره د پاکستان خاین حکام هڅه کوي چې د هندوستان لپاره په اسلامي خارو کې ځینې فرصتونه رامنځته کړي. نو پر همدې بنسټ له یو لوري هغوی دا هڅه کوي چې د هندي شرکتونو لپاره سرحدونه پرانیزي- په داسې حال کې چې زموږ صنعت او کرنه د انرژۍ د کمښت او د مالیو د کسر له امله له پښو لوېدلې- او له بل لوري رژيم هندي پانګوال د پاکستان او چین اقتصادي لارې ته هڅوي. دا کار د دې لامل شوی چې پاکستان خپلې مهمې  سرچینې د چین په واک کې ورکړي.

د ۲۰۱۶ د ډېسمبر پر ۲۰مه ډګر جنرال امیر رضا له هنده وغوښتل چې د پاکستان او چین له اقتصادي دهلیز سره یو ځای شي او د راتلونکي پرمختګ مېوې هم ګډې کړي. د ۲۰۱۷ د فبروي په څلورمه د پاکستان د پلان او پراختیا وزیر احسان اقبال هم له هندیانو وغوښتل: «که تاسو د پاکستان او چین له اقتصادي لارې سوداګري وکړئ، نو له همدې لارې نه په چین کې هرې موخې ته په اسانۍ رسېدلی شئ.» نو پر همدې بنسټ موږ هیله من یو او له هندوستان سره د اړیکو د عادي کولو هڅه کوو.

 اې د پاکستان مسلمانانو! د پاکستان خاین رهبران د «اړیکو د عادي کول» او « د باور جوړونې لپاره اقدامونه» په شعارونو موږ د استعمار شوي کشمیر په حق کې خیانت او لوی هند ته هڅوي. هغوی په دې کار سره موږ د غربي صلیبیانو او د هند د منفورو مشرکینو په لاس ورکوي. په دې اړه الله سبحانه وتعالی هم دوی ته ګواښ کړی:

﴿مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلاَ الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ وَاللَّهُ يَخْتَصُّ بِرَحْمَتِهِ مَنْ يَشَاءُ وَاللَّهُ ذُو الْفَضْلِ الْعَظِيم﴾  (البقره: ۱۰۵)

نه کفار او نه هم مشرکین دا خوښوي چې د الله سبحانه وتعالی له لوري ستا لپاره کوم خیر وویني، خو الله سبحانه وتعالی خپلو رحمت غوښتونکو ته رحمت ور په برخه کوي. الله سبحانه وتعالی د لوی فضل خاوند دی. 

اوس موږ ته راپاتې ده چې د حزب التحریر له مېړنیو ځوانانو سره خپل غږونه پورته کړو تر څو د نبوت پر تګلاره د خلافت په بیا تاسیس له ظلمه ډکه واکمني ړنګه کړو.

اې د پاکستان د وسلوالو ځواکونو مخلصو افسرانو! نن د صلیبیانو او د دوی د متحدینو (یهودي دولتونه اوهند) له لوري د امت پر عزت تېری کیږي. اوس هم په اسلامي نړۍ خاینو حکامو موږ هېر کړي یو او زموږ د دښمنانو د ملاتړ لپاره زموږ پر دین برید کوي. د مسلمانانو ملاتړ ستاسو د نصرت څښتنو (د انصار رضوان الله علیهم اجمین ځایناستو) مسولیت دی. نو پر همدې اساس همدا اوس د نبوت پر تګلاره د خلافت د بیا تاسیس لپاره حزب التحریر ته نصرت ور کړئ، تر څو د دښمنانو پر وړاندې د دغه نجیب امت عزت وساتئ. رسول الله صلی الله علیه وسلم فرمایلي دي:

«مَا مِنْ امْرِئٍ يَخْذُلُ امْرَأً مُسْلِمًا فِي مَوْضِعٍ تُنْتَهَكُ فِيهِ حُرْمَتُهُ وَيُنْتَقَصُ فِيهِ مِنْ عِرْضِهِ إِلَّا خَذَلَهُ اللَّهُ فِي مَوْطِنٍ يُحِبُّ فِيهِ نُصْرَتَهُ وَمَا مِنْ امْرِئٍ يَنْصُرُ مُسْلِمًا فِي مَوْضِعٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا نَصَرَهُ اللَّهُ فِي مَوْطِنٍ يُحِبُّ نُصْرَتَهُ» (رواه ابوداوود)

که یو مسلمان بل مسلمان په داسې ځای کې پرېږدي چې پر عزت یې تېری کیږي، نو الله سبحان وتعالی به نوموړی په داسې ځای کې پرېږدي چې هلته د الله سبحانه وتعالی مرستې ته اړ وي او کوم مسلمان چې په داسې ځای کې د بل مسلمان ملاتړ وکړي، چې هلته یې پر عزت او حرمت تېری کېږي؛ الله سبحانه وتعالی به یې په داسې ځای کې ملاتړ وکړي، چې د هغه سبحانه وتعالی د ملاتړ غوښتنه کوي.

حزب التحریر- ولایه پاکستان