خبر:

د ترکیې د بهرنیو چارو وزارت د ایغور د مسلمانانو پر وړاندې د بیجینګ چلند د بشریت لپاره لوی شرم وباله.  

د ترکیې ولسمشر رجب طیب اردوغان وویل چې په چینایي کمپونو کې مسلمانانو سره د مرستې لپاره یوه داسې حل لاره موندل کېدای شي چې د دواړو خواو حساسیتونه په پام کې ونیول شي؛ دغه خبره پنجشنبه خپره شوې. ترکیه یو له هغو لویو اسلامي هېوادونو څخه ده چې پر چین یې د ایغور د کابو یو میلیون او د سینګیانګ په سیمه کې د نورو مسلمانو اقلیتونو په نیولو نیوکه کړې.

خو د اردوغان خبرې وروسته له هغې نرمې شوې چې په بیجینګ کې یې د چین له ولسمشر، شي جین پینګ سره وکتل؛ « زه باور لرم چې موږ دغې موضوع ته داسې حللاره پیدا کوی شو چې د دواړو خواوو حساسیتونه پکې په پام کې ونیول شي.»  د حریت ورځپاڼې په خبره اردوغان دا خبره ترکیې ته له بېرته تګ وړاندې په بیجینګ کې ترکي خبریالانو ته وکړه.

بیجینګ له تېرو لسو کلو په سینګیانګ کې یو سرکوب کوونکی کمپاین پیل کړی چې له چړو وهلو او نژادي شورشونو سره مل و. چین په هغه څه کې چې دوی یې « د حرفه‌يي زده‌کړو مرکزونه» بولي خلک خپلې خوښې ته نه پرېږدي او موخه یې دا ده چې دوی له «مذهبي افراطیت» نه لرې وساتي.    

د ترکیې د بهرنیو چارو وزارت د ایغور د مسلمانانو پر وړاندې د بیجینګ چلند «د بشریت لپاره لوی شرم» وباله او ویې ویل چې په دغو مرکزو کې ساتل شوي او زنداني کسان « شکنجه کېږي او له سیاسي اړخه یې مغزونه وینځل کېږي.» (Aljazeera.com)

تبصره:

د ۱۹۲۴کال د جولای په ۲۴ مه د انګلستان د هغه وخت د بهرنیو چارو وزیر لارډ کورزان د انګلستان د عوامو مجلس ته وویل: « ترکیه (د خلافت مرکز) مړه شوې او بیا به هېڅکله راپورته نه شي، ځکه چې موږ د دوی معنوي ځواک؛ خلافت او اسلام له منځه یوړل.»  

د ترکیې کمزورې هڅې موږ ته دا جوتوي چې ترکیه د ایغورستان د مسلمانانو د هوسا ژوند په پرتله له چین سره خپلو اقتصادي اړیکو ته ډېر ارزښت ورکوي. دلته زموږ د مشرانو چوپتیا ښکاره ده؛ هغه مشران چې د ټرمپ پښو ته په لوېدو کې خوشاله دي، د امت د شتمنۍ بیلیونونه ډالر مصرفوي، په سوریه، یمن او لیبیا کې له یو بله سره جګړه کوي او یو بل وژني. دغه غلامان زموږ شتمنۍ د غرب په لاسو جوړو وسلو باندې بې ځایه لګوي، په دې توګه موږ د دوی غلامان کوي او غرب ته د دې وړتیا ورکوي چې زموږ شتمنیو ته ډېر لاسرسی ولري.  

ترکیه هم د نورو په شان د رسول الله صلي الله علیه وسلم له لارې کږه شوې او د کفر او طاغوت پر قدم، قدم ږدي.  موږ د جاهلیت پر اساس وېشل شوي یو او امت راته بېګانه ښکاري، له تکتیکي او ضمني ځواب پرته د ستونزو لپاره ریښتینې او اوږدمهاله حللاره نه لرو، هغه ستونزه که په ایغورستان کې وي که د نړۍ په بل ځای کې. ترکیه خپل ځان د غرب له عمدي ویرانکاریو څخه نه شي ژغورلی. دوی د غرب له خوا په جوړ شوي د عنکبوت کور کې بند پاتې دي،  ایډیالوژیک او عقلاني ځواب نه شي ورکوی خو بیا هم لا لګیا دي د خپلو اقتصادي، سیاسي او ټولنیزو ستونزو حل له هغه غرب نه غواړي چې دوی یې په دغه دام کې اچولي.

موږ د چین په اړه د هغه څه له مخې بحث کوو چې په خبرونو کې یې اورو او دا هغه څه دي چې امریکا غواړي موږ یې په دغه وخت کې ووینو. زموږ خواشینوونکی واقعیت دا دی چې په ټوله نړۍ کې مسلمانان ځورول کېږي او غرب زموږ په هیوادونو کې په پر له پسې  توګه له مالیزیا نه تر سوډان، مصر، فلسطین او ایران پورې لاسوهنه او مداخله کوي. زموږ مشران غرب ته سجدې کوي او د هغوی بشري او طاغوتي نظام او قوانین پر موږ پلی کوي. دا د حیرانتیا ځای نه ده چې موږ وروسته له څو لسیزو ازادۍ نه د تل لپاره وویشل شوو او تر اوسه پورې د استعماري قدرتونو غلامان یو، ددې توان او قدرت نه لرو چې بیرته سره یو ځای شو، پر پښو ولاړ شو، پر مختګ وکړو او هغو ته قوي ځواب ورکړو چې پر موږ حملې کوي، وژني مو او نه مو پرېږدي چې ریښتینې ازادي ولرو.

په یوویشتمه میلادي پېړۍ کې له اسلامي امت سره وحشت وش، غلام کړای شو او ووېشل شو.

سټراټېژیک ځواب تر هغه شونی نه دی چې تر څو یو ثابت جوړښت نه وي چې اسلامي دولت ولري، هغه دولت چې د اسلامي امت د ځورولو او پر دوی د ظلم مخه ونیسي همداراز ټول بشریت د غرب له استثمار نه وژغوري. رسول الله صلي الله علیه وسلم دا خبره ښه روښانه کړې چې زموږ ژغورنه د امیرالمومنین تر شا په درېدو کې ده. ابو هریره رضي الله تعالی عنه روایت کوي چې رسول الله ص فرمایي:

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ فَإِنْ أَمَرَ بِتَقْوَى اللَّهِ عَزَّ وَجَلَّ وَعَدَلَ كَانَ لَهُ بِذَلِكَ أَجْرٌ وَإِنْ يَأْمُرْ بِغَيْرِهِ كَانَ عَلَيْهِ مِنْهُ»

“The Imam is like a shield whose orders should be obeyed when they (the Muslims) fight, and where they should seek protection. If he enjoins fear of Allah and behaves justly, then he will be rewarded, but if he enjoins otherwise, then it will be a burden (of sin) on him."

موږ یوازې دا نه غواړو چې له هغو کسانو چې موږ ځوروي وژغورل شو او له هغو خپل حق واخلو، بلکې موږ د الله سبحانه و تعالی رضایت غواړ، هغه سبحانه و تعالی دا روښانه کړې چې مومنان باید یوازې د اسلام تر حاکمیت لاندې ژوند وکړي، د اشغالګرو تر قوانینو لاندې نه!

)وَأَنِ احْكُم بَيْنَهُم بِمَا أَنزَلَ اللَّهُ وَلَا تَتَّبِعْ أَهْوَاءَهُمْ وَاحْذَرْهُمْ أَن يَفْتِنُوكَ عَن بَعْضِ مَا أَنزَلَ اللَّهُ إِلَيْكَ(

ژباړه: «نو اې (محمد صلي الله علیه وسلم)! ته د الله له نازل کړي قانون سره سم د دې خلکو د چارو فیصله وکړه، د هغوی خواهشاتو  پيروي مه کوه، پام کوه چې دا خلک تا په فتنه کې وانه چوي، یوه ذره دې هم له هغه هدایت څخه وا نه ړوي چې خدای تاته درلېږلی دی... »[۵:۴۹]

لیکوال: محمد حمزه

د حزب التحریر مرکزي مطبوعاتي دفتر لپاره

خبر:

د ۲۰۱۹ کال د اګېسټ په ۱۷ مه د پاکستان د بهرنیو چارو وزیر شاه محمود قریشي د هستوي پالیسۍ د احتمالي بدلون په تړاو د هند د دفاع د وزیر راجنات سېنګ خبرې ، تکراري، زیانمنوونکې یادونه او د تاوتریخوالي لپاره د هند بې ساري لېوالتیا و بلله. راجنات سېنګ د ۲۰۱۹ کال د اګسټ په ۱۶ نېټه پېشنهاد کړی و چې، د هستوي وسلو د نه استعمال په تړاو د یو هېواد اوږد مهاله ژمنې ته کېدای شي تر شرایطو لاندې بیا کتنه وشي. 

تبصره:

د راجنات سېنګ دغه څرګندونې  په داسې حال کې کېږي چې کشمیر وروسته له هغې چې نرندرا مودي یې داخلي ازادي ترې واخیسته، د هندي ځواکونو تر بشپړې کلابندۍ لاندې دی. دغه څرګندونې په حقیقت کې د پاکستان لپاره یو پټ ګواښ دی. د دغو ګواښوونکو څرګندونو پر وړاندې د پاکستان کمزوري نظامي او سیاسي دریځ هند نور هم زړور کړ. که څه هم د پاکستاني نظامي رهبرۍ د پوره چمتووالي ادعا کړې؛ خو تر څنګ یې سیاسي رهبران جنګ د ستونزې حل نه بولي. دغه کمزوری دریځ د دې لپاره نه دی چې که د اشغال شوی کشمیر له مسلمانانو سره مرسته وشي هند به اټومې وسلې وکاروي، بلکې دا کار د دې سبب کېږي چې هند نور هم پیاوړی شي. د یادونې وړ ده چې د باجوه-عمران رژیم همدغه ګواښ په نورو ټکو کې څرګندوي. په اشغال شوی کشمیر او د کنټرول په کرښه کې دهند ددغو تېریو پر وړاندې د پاکستان سست غبرګون پر دغه ادعا توجه کېږي چې له هند سره جکړه به د هستوي جګړې سبب شي.

د تاریخ په اوږدو کې هستوي وسلې یوازې یوځل دمتحده ایالاتو لخوا د جاپان خلاف استعمال شوې دي. علت یې دا و چې یوازې د جنګ یوه لوري اټومي وسلې لرلې. د اتومي قدرتونو ترمنځ بل هېڅ نظامي جنګ، نه په  مستقیم او نه هم په غیر مستقیم ډول، د دواړو لورو د ویجاړۍ د وېرې په وجه د هستوي وسلو د استعمال تر حده نه دی رسېدلی. که پاکستان د اشغال شوي کشمیر د ازادولو په موخه خپل پوځ ولېږي، نو هند به د هستوي وسلو د استعمال له ګواښ څخه په شا شي، ځکه چې هند پر دې پوهيږي چې پاکستان هم یو اټومي قدرت دی او د لرې واټن ویشتونکو توغوندیو سیسټم یې له دوی څخه غوره دي. د کشمېر د ستونزې د حل یوازینۍ لار جهاد دی. دغې اویا کلنې شخړي په ډاګه کړې چې د کشمیر مسلمانان به هېڅ وخت د ملګرو ملتونو په حللارو او د نړیوالي ټولني د فشارونو په واسطه خپلواک نه شي. ازاد کشمير له هند سره د جهاد په وسيله خپلواکي ترلاسه کړې وه، خو د ملګرو ملتونو له مداخلې وروسته دا چاره ناشونې ښکاري.  

د پاکستان اوسنۍ نظامي او سیاسي رهبري د امریکا غلامه ده، که امریکا ترې وغواړي چې لاړ شئ په قبایلي سیمو کې د خپلو وروڼو خلاف وجنګېږئ، دوی به له شک پرته دا کار وکړي. خو که ورته ووایو چې د اشغال شوي کشمیر مظلوم مسلمانان ازاد کړئ، زرګونه بهانې کوي. د دې پر ځای چې مومنان جهاد ته راپورته کړي، د دوی په منځ کې وېره او شکونه خوروي.  نو یوازې د نبوت پر منهج د خلافت بیا راتګ کولی شي داسې ګام پورته کړي چې د الله سبحانه و تعالی له امر سره سم وي؛ الله سبحانه و تعالی فرمایي:

(وَاقۡتُلُوۡهُمۡ حَيۡثُ ثَقِفۡتُمُوۡهُمۡ وَاَخۡرِجُوۡهُمۡ مِّنۡ حَيۡثُ اَخۡرَجُوۡكُمۡ وَالۡفِتۡنَةُ اَشَدُّ مِنَ الۡقَتۡلِ)

ژباړه: «له هغوی سره هرچېرې چې مخامخ شئ، وجنګیږئ، هغوی له هغه ځایه وباسئ له کوم چې تاسې یې ایستلي یاست، ځکه که وژل هر څومره بد عمل دی، خو فتنه له هغه څخه هم ډېره بده ده.» [البقره ۲:۱۹۱]

د حزب التحریر مرکزي مطبوعاتي دفتر لپاره

لیکوال: شهزاد شیخ

د حزب التحریر-ولایه پاکستان د رسمي ویاند مرستیال

(ژباړه)

حوثیانو د هغو کسانو په اړه د ویډیو، غږیزو پیغامونو او پاڼو د خپرولو له لارې خبرونه خپاره کړل، چې له عدن څخه په زور شړل شوي وو. حوثیانو بیا وروسته د ۲۰۱۹م کال د اګېسټ په لمړۍ د ابي یمامه د وژنې مسوولیت پر غاړه واخیست او د دغو ټولو غمیزو پړه یې د هغو کسانو پر غاړه واچوله، چې یمن او عدن سره بېلوي. هغه کسان چې په عدن کې د شمالي یمن له خلکو سره، چې بچیان یې په زور ایستل کېږي، هېڅ مرسته نه کوي. په عدن کې دا ظلم یوه رشوت خوره او بدماشه ډله کوي، چې که په اړه یې څېړنه وکړئ، نو پوه به شئ چې همدا ډله له عدن څخه د ایستلو وړ ده.

حوثیان هڅه کوي چې له عدن څخه د ایستل شوو کسانو په مسله کې ځانونه بې ګناه وښیي او نه غواړي چې د شړل شوو کسانو په ظلم کې په تور تورن شي. ان تر دې چې حوثیان ښایي له نړیوالو سازمانونو څخه د شړل شوو کسانو د ساتنې لپاره د مرستې غوښتنه وکړي.

هغوی دا کار څنګه کولای شي، ځکه دوی خو یوازې د یمن پر یوه برخه کې واکمن دي، نه پر ټول یمن. ایا هغوی لا تر اوسه له اسلام پرته د نورو نظامونو د پلي کولو هڅه کوي؟ که هغوی پر یمن له اسلامي اصولو سره سم بشپړ واک درلودلای، نو مسلمانانو او غیر مسلمانانو به ور څخه د ټولو ښیګڼو، عدالت او امنیت غوښتنه کوله. له همدې امله حوثیانو له نورو خلکو پټې پیسې اخیستې دي. په داسې حال کې چې بېوزلي، اړتیا او سوال کول په خلکو کې ډېر شوي دي. خلک د حوثیانو له وېرې له صنعا څخه وتښتېدل، خو په پایله کې په عدن کې د سوېل د بېلېدونکو قرباني شول.

مدینې منورې ته د رسول الله صلی الله علیه وسلم په ننوتلو سره د دولت جوړېدو او د اسلام واکمنۍ، د یهودیانو مخه ونیوله او د دې لامل وګرځېد چې د سیمې اوسېدونکي او د شتمنۍ خاوندان (انصار) خپله مړۍ له هغو مهاجرو وروڼو سره وویشي، چې هېڅ یې هم نه درلودل. ایا حوثیانو دا نه دي لوستي، چې رسول الله صلی الله علیه وسلم له یهودیانو سره تړون درلود او مهاجرین او انصار یې د وروڼو په څېر سره یو کړل او یا که هغوی په هغه څه چې لولي یې، نه پوهیږي؟!

له دې امله که څوک نه پوهېږي، مانا دا چې د رسول الله صلی الله علیه وسلم په دغه حدیث نه پوهېږي:

«...ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

ژباړه: خلافت به یو ځل بیا د نبوت پر تګلاره راځي.

موږ درک کوو، چې د ایمان او پوهې خاوندان د راشده خلافت تر سیوري لاندې ژوند کول غواړي، نو په بل بدیل پسې دې نه ګرځي او د نبوت پر تګلاره د خلافت د بیا تاسیس لپاره دې له حزب التحریر سره یو ځای شي.

حزب التحریر-ولایه یمن مطبوعاتي دفتر

د ( نظام له سقوط سره) تر عنوان لاندې د ادلب ښار د دیر حسان سیمې په جنګل اردوګاه کې لاریونونه

جمعه، ۱۴۴۰ د ذوالحجې ۱۵مه / ۲۰۱۹ د اګسټ ۱۶ مه