(ژباړه)

د ۲۰۱۹م د جون په ۳مه د کایراون تر واک لاندې د بوهیجلا د مرکز دوو امنیتي کسانو د بدرالدین صفصفي او موعظ الفلاح په نامه د حزب التحریر دوه غړي په دې ګناه ونیول، چې د حزب التحریر هغه لوحې یې ښکته نه کړې چې اسلامي امت ته د اختر د مبارکۍ پیغام پکې لیکل شوی و. که څه هم یادې لوحې د محلي شورا په اجازه په یوه ټاکلي ځای کې لګول شوې وې، خو بیا هم د امنیتي کسانو لخوا په زور ښکته شوې.

دوی دواړه کسان مرکز ته یووړل. هلته یې پر امنیتي مزاحمت تورن کړل، سپکاوی یې ورته وکړ، په وهلو یې وګواښل او حتا امنیتي کسانو د روژې په مبارکه میاشت کې د دغه مذهبي دود پر وړاندې الله سبحانه وتعالی ته هم سپکاوی وکړ. په دوی پورې اړونده یوه قضیه یې ثبت کړه او په دې شرط راخوشي شول، چې د ۲۰۱۹م کال د جون په ۷مه به بېرته راځي، څو قضیه یې وڅېړل شي او څارنوالي یې په اړه حکم وکړي.

دا بې انصافي ښيي چې په تونس کې چارواکو د اسلام پر بنسټ د سیاسي فعالیتونو پر وړاندې جګړه پیل کړې، او هر اسلامي فعالیت او هڅه د دې شاهد دی چې هلته چارواکي له هر اسلامي سیاسي فعالیت څخه په وېره کې دي. حتا د اختر د مبارکۍ پیغامونه هم جرم بولي او څوک چې دا کار کوي نیول کېږي او محکمې ته لېږل کېږي!

ایا امنیتي کسان دا جرات هم کولی چې د فرانسې، برېتانیا او امریکا د سفیر د پیغام لوحه راښکته کړي؟

دا ډېره د حیرانۍ وړ خبره ده چې نوموړي چارواکي او د دوی امنیتي نوکران لا تر اوسه پر دې نه پوهېږي چې دغه حزب او غړي یې د نبوت پر منهج خلافت د بیا تاسیس لپاره شپه او ورځ کار کوي. دوی ته مهمه نه ده چې له څومره امنیتي ځورونو سره مخ کېږي او څومره غړي یې زنداني کېږي، ځکه دا یې د رب لخوا راکړل شوې دنده او د پیغمبر صلی الله علیه وسلم زېری دی.

نو موږ امنیتي ځواکونو ته مخ اړوو او ورته وایو، کله چې تاسو د نړۍ د پاچاه پر وړاندې ودرېږئ، هغه مهال بیا دغه چارواکي او دولت درته هېڅ ګټه نه شي رسولی او څه شی چې هغه وخت ستاسو په درد خوري، هغه ستاسو د دین او امت په څنګ کې درېدل دي.

الله سبحانه وتعالی فرمایي:

﴿وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً * يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً * لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولاً﴾

[الفرقان: ۲۷-۲۹]

ژباړه: ظالم انسان به خپل لاسونه مروړي او وایي به: کاشکي مې د پیغمبر ملګرتیا کړې وی. اې زما بده بخته کاشکي مې له فلاني سړي سره ملګرتیا نه وی کړې، هغه تېر ایستم او هغه نصیحت مې ونه مانه چې راته راغلی و. شیطان د انسان په حق کې ډېر بې وفا او غولوونکی ثابت شو.

حزب التحریر-ولایه تونس مطبوعاتي دفتر

د اسټرالیا حزب التحریر مطبوعاتي دفتر له غړي انجنیر اسماعیل الوحواح (ابو انس) سره د الواقیه تلویزیون د (امت چارې) په خپرونه کې د (زندان د دعوت د حاملینو مدرسه ده ) تر سرلیک لاندې د تر سره شوو خبرو اترو یوه برخه.

جمعه، ۱۴۴۰ د شوال ۰۴ مه / ۲۰۱۹ د جون ۰۷ مه

د شیخ یوسف مخارزه (ابوهمام) لخوا د جمعې ورځې وینا

مبارکه ځمکه (فلسطین)

۱۴۴۰ د شوال ۰۴مه / ۲۰۱۹ د جون ۰۷ مه

د ډېرو معلوماتو لپاره لاندې لېنک باندې کلېک کړئ

د وروستیو تر ټولو مهمو پېښو په اړه په اونیزه توګه خبرې اترې