الله سبحانه وتعالی فرمایي:

﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا﴾ [مائده:۳]

ژباړه: نن ورځ ما خپل دین ستاسو لپاره پوره (تکمیل) کړ او تاسو ته د عزت ورکولو او ثابتو قدمونو اېښودو لپاره مې پرتاسو خپل نعمت پیرزو کړ او اسلام مې د الله سبحانه وتعالی له خوا منل شوی دین پرتاسو پیرزو کړ.

کله چې الله سبحانه وتعالی پر خپل رسول صلی الله علیه وسلم باندې خپله وحیې تکمیل کړه، نو د عربو عقیدې، اېډیولوژۍ، خبرو او عملونو کې بدلون راغی. دوی د ځمکې پر مخ له ناپوهو، ظالمو، کمزورو او وروسته پاتې خلکو څخه په ډېرو پوهو او ځیرکو خلکو بدل شول.

د اسلام په واسطه د دښتو خلک د رسول الله صلی الله علیه وسلم غوره اصحاب وګرځېدل او ټولو یو ځای له رسول الله صلی الله علیه وسلم سره په ګډه هڅې کولې، تر څو چې د ناپوهۍ تورې تیارې یې د عربي خاورو له هرې څنډې څخه لیرې کړې او  پر ځای یې د اسلام مبارک دین نور خپور کړ. دغه نور ډېر روښانه او پیاوړی و، چې د دوی فکر یې له کلابندۍ څخه بیرون او له انفرادي ژوند څخه یې دولتي سیسټم ته راویستل. یوه ښه بېلګه یې د نجاشي پر وړاندې د جعفر بن ابي طالب ځواب دی. د اسلام مبارک دین له برکته د عربو خلک له تیارو رڼا ته راووتل.

اې پاچا! موږ د ناپوهۍ او بربریت په تورو تیارو کې ډوب وو، د بتانو عبادت مو کاوه او په بې ناموسۍ کې ژوند کاوه. دغه راز مړي به مو خوړل او یوبل به مو رټل. موږ به د بشر هر احساس ته په سپکه سترګه کتل او د ګاونډیانو او مېلمه حقونو ته مو پام نه کاوه. زموږ تر منځ له زور پرته بل کوم قانون نه وو، خو کله چې الله سبحانه وتعالی زموږ په منځ کې داسې یو کس راپیداکړ، چې د نوموړي له  پیدایښت، رښتینولۍ، صداقت او پاکوالي څخه یې موږ خبر کړو. نوموړي موږ د یوه واحد الله سبحانه وتعالی لوري ته راوبلو او موږ ته یې درس راکړ، چې له الله سبحانه وتعالی سره شریک ونه نیسو. موږ یې د بتانو له عبادت څخه منع کړو او د حق په ویلو باندې یې موږ ته امر وکړ، ترڅو بااېمانه او مهربانه شو. دغه راز د مېلمه، ګاونډي او خپلوانو حقونو ته پاملرنه وکړو. نوموړي موږ له ښځو سره له ناوړه چلند او د یتیم  مال له خوړلو یې منع کړو. نوموړي موږ له ګناه او ناوړه کارونو منع او د لمانځه کولو، صدقه ورکولو او روژه نیولو باندې یې امر راته وکړ.     

په حقیقت کې اسلام د بشر د لارښوونې او په ځمکه کې د سولې، عدالت او ښه ژوند کولو لپاره رالېږل شوی و. له ۱۳کلونو دعوت وروسته کله چې د نوموړي په اصحابو کې اېمان او تقوی پیاوړې شوه، نو نوموړي ته وحیې وشوه چې یثرب ته هجرت وکړي او هلته د مصعب بن عمیر رض د سیاسي هڅو له امله د اوس او خزرج دوو قبیلو عامه نظر، اسلام ته راواوښت. یثرب چې د کفارو ځای وو، په اسلامي دولت یې بدل کړ او نوم یې مدینه منوره پرې کېښود او همدارنګه د اسلام د فتحې د پیل په نوم یې ونوماوه. په عربي خاورو کې د لومړي ځل لپاره په پوره ډول، دلته اسلامي شریعت پلی شو، په پایله کې ټولې تورې تیارې له خلکو او بشریت څخه لیرې کړل شوې او خلک یې د واحد الله سبحانه وتعالی بندګۍ ته راوبلل. 

له دې وروسته خلافت وکولای شوای، چې د ‍۱۰۰۰ کلونو لپاره د نړۍ لومړی زبرځواک واوسي او له بې ګناه انسانانو څخه که مسلمان وي که کافر،که یې تر حاکمیت لاندې وي او که نه، ترې دفاع وکړي. کله به چې اسلام نویو خاورو ته ورسول شو، نو د هغه ځای خلک به یې له ټولو تورو تیارو، ظلمونو او بې عدالتیو څخه راوایستل. همدا بس ده چې ووایو اسلامي تمدن په هسپانیه، پرتګال او اروپا کې ډېر ښه نوم درلود  او د یوه ښه فکر، علم او فرهنګ د تولید زانګو بلل کېده. هېڅوک د مغولو له شجاعت او کارنامو سترګې نه شي پټولی او هېچا په شرق او غرب کې نه شوای کولی، چې د دوی د ظالمو پاچاهیو مخه ونیسي. د یادولو وړ ده چې هغه روشنفکري، چې هغه وخت د عثمانیانو له خوا رامنځته شوې وه او اروپایان لا هم وېره ترې لري او ځانونه ترې ساتي، چې مشهوره کیسه یې د سلطان سلیمان ده، چې د فرانسې پاچا یې د هسپانیې له ظالم رژیم څخه ازاد کړ او په سلګونو داسې نورې پېښې هم لري.

خو د خلافت له نړېدو سره سم کفار او د امت خاینان وتوانېدل، چې خپل ټول شوم پلانونه عملي کړي. وروسته دوی په کامیابۍ سره وکولای شول، چې د مسلمانانو رهبري په لاس کې واخلي او د اسلامي خاورو ذخیرې یوسي او دغه امت تر خپل کنټرول لاندې راولي. اسلامي خاوره لوېشت لوېشت کفارو اشغال کړې وه او دغه متحد امت یې ورځ په ورځ یو له بل څخه بېل او کمزوری کاوه. 

څه وخت وروسته د مسلمانانو مقدسه خاوره بیت المقدس د بریتانیا له اعلان سره سم د یهودي دولت له خوا په رسمي ډول ونیول وشو او هېڅ کوم اسلامي مشر یا پوځ د دغې مقدسې خاورې د ازادولو لپاره غږ پورته نه کړ. د فلسطین خلک به هره ورځ له شکنجو او ظلمونو سره مخ وو او دغه حالت د نړۍ په کچه د مسلمانانو پر وړاندې روان وو. امت له هغو روځې څخه تر نن پورې په وینو او تریخ واقعیت کې ژوند کوي. 

د خلافت په نړېدو مسلمانانو خپل عزت او یووالی له لاسه ورکړ. غرب د اسلامي خاور په نیولو بسنه ونه کړه، بلکې دوی هڅې وکړې چې د اسلامي امت په فکرونو کې خپله فاسده د پانګوالي ایدیولوژي هم ورتزریق کړي. اسلامي امت هم ونه توانېده، چې خپل طلایي تاریخ او فکر د دغه سیاسي مکتب له لاسه ورکولو ورسته همداسې ځلاند وساتي.

غرب په دې هم اکتفا ونه کړه. دوی خپل پلان ته په دې ډول ادامه ورکړه، تر څو د مسلمانانو له ذهنونو څخه د اسلام حقیقت ورک کړي او د خلافت او جهاد په هکله یې مفکوره بیخي له منځه یوسي او اسلام یوازې د شخص په فردي عبادت کولو کې تمثیل کړي . دغه راز اسلام له جومات څخه دباندې په نورو مسایلو کې دخیل نه وي. دوی چې هر څه وغوښتل هغه یې وکړل، دوی ځانونه باوري کړل، چې د مسلمانانو زبرځواک اسلامي دولت (خلافت) به بیا راونه ګرځي. غرب په دې ښه پوهېږي چې له خلافت پرته دوی په نړۍ باندې حاکمیت کولی شي او بله داسې کومه ډله یا دولت نشته چې د دوی مخنیوی وکړي.

همدارنګه غرب د سیاسي تسلط سربېره خپلې هڅې روانې وساتلې، تر څو د مسلمانانو عقیدې په پوره ډول له منځه یوسي او د خپلو ځانونو په څېر د مسلمانانو په ژوند کې هم لېبرالېزم، خوشحالۍ او د خوند اخیستلو عقیده رامنځته کړي. که دوی وتوانېدل چې خپلې دغې موخې ته ورسېږي، نو مسلمانان په ډېر کمزوري حالت کې قرار لري او په نړۍ باندې به د دوی حاکمیت نور هم دوام پیداکړي. دوی ډېرې هڅې وکړې چې خپل شوم پلانونه عملي کړي او خپل پراخه حاکمیت باوري کړي او داسې وښيي چې بریالي دي. سل کاله کېږي چې مسلمانان په ناورینونو کې ژوند کوي، بالاخره دغه حالت اوس د نړۍ ګوټ ګوټ ته رسېدلی او نړۍ یې له یو لوی بحران سره مخ کړې ده. سل کاله له خلافت پرته غرب وکولای شوای چې پر نړۍ حاکمیت وکړي او له خلافت پرته د دوی پر وړاندې بل کوم خنډ هم نه وو او نه شته او نه به وي.

 اوس غرب دا درک کړه، چې د دغه امت له منځ څخه اسلامي عقیده نشي ختمولی. یوازې کمزوري کولی یې شي، خو دوی هېڅکله هم نه شي کولای چې په پوره ډول سره یې له منځه یوسي. غرب دا هم درک کړه چې دوی د خلافت د بیا راتګ مخنیوی هم نه شي کولای. دغه راز دوی یوازې کولای شي چې دغه پروسه کمزورې کړي، خو نه شي کولای چې د خلافت بیا راتګ ودروي. د الله سبحانه وتعالی له ارادې سره سم به خلافت په نیږدې راتلونکې کې تاسیس شي او کله چې خلافت تاسیس شي بیا به غرب له واقعي حریف سره مخ شي. خلافت به په ښکاره ډول دوی ته ماتې ورکړي او د دوی خاورې به د اسلام د زبرځواک اسلامي دولت (خلافت) له خوا یو پر بل پسې ونیول شي انشاءالله.

#أقيموا_الخلافة
#ReturnTheKhilafah

خلافت تاسیس کړئ

د حزب التحریر مرکزي مطبوعاتي دفتر ته

ولایه مالیزیا

لیکوال: عدام عبدالله

 پرون، د ۱۴۴۲ هـ.ق کال، د رجب ۱، چې د ۲۰۲۱م کال، د فبرورۍ له ۱۳مې سره سمون خوري، د حزب التحریرـ تانزانیا غړو په بېلا بېلو سیمو کې د خلافت د راپرځېدلو د کلیزې په یاد په رسمي توګه کمپاین پيل کړ، چې سرلیک یې و: «د خلافت د راپرځېدو سلمه کلیزه» چې په ۱۳۴۲ هـ.ق کال، د رجب په میاشت کې دا پېښه رامنځته شوې وه. همدا نېټه لد ۱۹۲۴م کال، د مارچ له میاشتې سره سمون خوري.

مخکې له دې چې د جمادی الاخر په ۳۰مه د جمعې په ورځ د جمعې منشورونه وکاروي، دوی په بېلا بېلو جوماتونو کې لیدونکو ته د هېواد په کچه پيغام واورول، څو دا نړیوال کمپاین عام کړي.

په هغو سیمو کې چې پرون کمپاین پیل شوی: دار السلام، مګومیني جومات، کاریاکو جومات څخه د باندې، د ادریسا جومات او د نورا، مندي، مباګالا جوماتونه.

په زنزیبار ښارګوټي کې د زنزیبار مسجاني او مجیبني جوماتونه، د قطر چک چک جومات، پمبا ټاپو او همدا راز په مانوزا او تانګا سیمو کې ځینې نور مشهور جوماتونه.

د خلکو ډلو ته لنډې ویناوې وشوې او مسلمانانو ته یې د هغو غمیزو یادونه وکړه چې امت وروسته د خلافت له لاسه ورکوو ورسره لاس او ګرېوان دی. پر اسلامي امت واجب ده چې د خلافت د بیا تاسیس لپاره کار وکړي، همدا راز موږ له دوی څخه غواړو چې د حزب التحریر ملاتړ وکړي، څو وکولای شي په رښتینې توګه اسلامي امت ازاد کړي.

د خلافت د راپرځېدو د یوې پېړۍ کمپاین به د رجب په میاشت کې دوام ومومي او په نړیوال او سیمه ییزه کچه به په ټوله نړۍ کې ترې یادونه وشي. 

مسعود مسلم

د حزب التحریرـ تانزانیا مطبوعاتي استازی

پرون، د ۱۴۴۲ هـ.ق کال، د رجب ۱، چې د ۲۰۲۱م کال، د فبرورۍ له ۱۳مې سره سمون خوري، د حزب التحریرـ تانزانیا غړو په بېلا بېلو سیمو کې د خلافت د راپرځېدلو د کلیزې په یاد په رسمي توګه کمپاین پيل کړ، چې سرلیک یې و: «د خلافت د راپرځېدو سلمه کلیزه» چې په ۱۳۴۲ هـ.ق کال، د رجب په میاشت کې دا پېښه رامنځته شوې وه. همدا نېټه لد ۱۹۲۴م کال، د مارچ له میاشتې سره سمون خوري.

مخکې له دې چې د جمادی الاخر په ۳۰مه د جمعې په ورځ د جمعې منشورونه وکاروي، دوی په بېلا بېلو جوماتونو کې لیدونکو ته د هېواد په کچه پيغام واورول، څو دا نړیوال کمپاین عام کړي.

په هغو سیمو کې چې پرون کمپاین پیل شوی: دار السلام، مګومیني جومات، کاریاکو جومات څخه د باندې، د ادریسا جومات او د نورا، مندي، مباګالا جوماتونه.

په زنزیبار ښارګوټي کې د زنزیبار مسجاني او مجیبني جوماتونه، د قطر چک چک جومات، پمبا ټاپو او همدا راز په مانوزا او تانګا سیمو کې ځینې نور مشهور جوماتونه.

د خلکو ډلو ته لنډې ویناوې وشوې او مسلمانانو ته یې د هغو غمیزو یادونه وکړه چې امت وروسته د خلافت له لاسه ورکوو ورسره لاس او ګرېوان دی. پر اسلامي امت واجب ده چې د خلافت د بیا تاسیس لپاره کار وکړي، همدا راز موږ له دوی څخه غواړو چې د حزب التحریر ملاتړ وکړي، څو وکولای شي په رښتینې توګه اسلامي امت ازاد کړي.

د خلافت د راپرځېدو د یوې پېړۍ کمپاین به د رجب په میاشت کې دوام ومومي او په نړیوال او سیمه ییزه کچه به په ټوله نړۍ کې ترې یادونه وشي. 

مسعود مسلم

د حزب التحریرـ تانزانیا مطبوعاتي استازی

یوه پېړۍ وړاندې د ۱۳۴۲هـ.ق، د رجب مبارکې میاشتې په ۲۸مه، چې د ۱۹۲۴م، د مارچ له درېیمې سره برابره ده، د بریتانیا په مشرۍ غربي کفارو د فرایضو مور او امت سپر(خلافت) چې له امت څخه به یې د الله تعالی له دشمنانو څخه ساتنه کوله ونړاوه. د خلافت له ړنګولو وروسته، دوی هغه څه ترلاسه کړل چې په پېړیو پېړیو یې ورته زیار ایستلی و. دغه حالت له رسول الله صلی الله علیه وسلم څخه د امامة الباهلي په واسطه روایت شوی دی:

«لَيُنْقَضَنَّ عُرَى الْإِسْلَامِ عُرْوَةً عُرْوَةً فَكُلَّمَا انْتَقَضَتْ عُرْوَةٌ تَشَبَّثَ النَّاسُ بِالَّتِي تَلِيهَا وَأَوَّلُهُنَّ نَقْضًا الْحُكْمُ وَآخِرُهُنَّ الصَّلَاةُ»

ژباړه: د اسلام ارکان به یو پر بل پسې نه تطبېقېږي، کله چې یو نشي عملي بیا به خلک بل یو راونیسي، خو هغه چې لومړی به له منځه ولاړ شي هغه به خلافت (د اسلام حاکمیت) وي او اخري به لمونځ وي.

په دغه مبارک حدیث کې رسول الله صلی الله علیه وسلم موږ ته د تورو او دردوونکو پېښو، چې هغه د اسلام د حاکمیت له منځه تلل دي، یادونه کړې ده. د هغه دولت له منځه تلل دي، چې د ۱۳۰۰ کلونو لپاره یې په ټوله نړۍ باندې حاکمیت درلود. همدارنګه په پورته حدیث شریف کې د خلافت حاکمیت ته هم اشاره شوې ده. خلافت یوازینی نظام دی، چې د مسلمانانو تر منځ د یووالي لامل ګرځي. له هغو وروسته تر نن پورې حاکمان مسوولیت لري، چې پوره اسلام تطبیق کړي، تر څو د الله سبحانه وتعالی دین عملي شي او ټولنه له هر ډول ستونزو او ناورینونو څخه خوندي وساتل شي.

کفارو د اسلامي دولت (خلافت) د له منځه وړلو لپاره د اسلامي امت تر منځ د تفرقې اچولو لپاره بېلا بېلو لارو چارو لکه له نشنلېزم او د تعصبونو رامنځته کولو څخه کار واخیست. بالاخره اسلامي دولت (خلافت) یې له منځه یووړ. اروپایي قدرتونو د بریتانیې، فرانسې او روسیې په مشرۍ په دې اړه فکر کاوه، چې څنکه د مسلمانانو تر منځ وطن پرستي رامنځته کړي او عثماني خلافت ونړوي. دغه مفکوره یې په ټولو هغو اسلامي خاورو کې خپره کړه، چې د اسلام تر بیرغ لاندې د خلیفه په لاس باندې اداره کېدلې، خو د دوی اصلي هدف عرب او ترکیه وه. د دغه خطرناک ماموریت په وسیله یې وکولای شول چې د مسلمانانو د ښارونو تر منځ بېلابېل مرکزونه لکه بغداد، دمشق، بیروت، قاهره او جده رامنځته کړي. دوه ډېر مهم مرکزونه یې جوړ کړل، تر څو دغه ماموریت په ښه ډول تر سره کړي، یو یې استانبول و، چې اسلامي دولت یې همدلته ونړاوه او بل یې بیروت و، چې هغه یې د عربي ژبو مسلمانانو تر منځ په ولایتونو ووېشلو.

د دغو دسیسو یوه مهمه لاسته راوړنه په ۱۹۱۶م، کال کې وروسته له هغه په ډاګه شوه، چې د بریتانیا جاسوس او ټي لاورنس مکې ته راغی او شریف حسین چې د خلیفه له خوا په استانبول کې ګومارل شوی و، نوموړی یې د حجاز مشر وټاکه. دوی نوموړي ته وویل: «موږ به ستاسو خاورو ته چې ترکي عثمانیان ورته په بده سترګه ګوري ازادي ورکړو او تاسو به ازاد کړو او ته به د عربو پاچا وې.» هغه وخت شریف حسین د ۷میلیونه مسلمانانو پروړاندې خیانت کولو ته ملا وتړله. شریف حسین د مسلمانانو ۱۳۰۰ کلن شان او شوکت له خلافت څخه د ازادۍ اخیستلو سره له منځه یووړ او له خپلو یادو کافرو بادارانو (بریتانویانو) سره یې نظامي اتحاد وکړ. شریف هم د عبدالعزیز السعود تګلاره غوره کړه؛ هغه چې نوموړي د ۱۹۱۵م، د ډسمبر په ۲۶مه له بریتانیې سره یو تړون لاسلیک کړی و، چې له مخې یې په ۱۹۳۲م، کې د سعودي پاچاهي تشکیل کړله.    

استامبول چې هغه وخت د خلافت مرکز و، خو د کفارو له خوا د اسلامي دولت په له منځه وړلو کې ورڅخه ګټه اخیستل کېدله. دوی یو څو مهم کارونه وکړل، لومړی مهم او ورانوونکی کار یې دا و چې د ترکي ځوانانو لپاره یې د اصلاح یو سیاسي حرکت جوړ کړ، چې په دغه طریقه یې وکولای شول د عثماني خلافت پر ځای د سېکولر دولت بنسټ کېښود. مصطفی کمال اتاترک د خلافت پر وړاندې جګړه او د خلافت پر ځای د جمهوریت د تاسیس لپاره ترکي جګړه رامنځته کړه. وروسته کمال خپل ماسټر پلان په ډېر احتیاط سره عملي کړ، چې اوسمهال د  کمالېزم یا کمالیستي ایدیولوژي په نوم سره یادېږي. په دغه استراتیژي باندې باورمندو او د اتاترک متحدینو په ښکاره د اسلامي ارزښتونو تر سوال لاندې راوستلو  باندې پیل وکړ او داسې نظریې به یې ورکولې چې اسلام له اوسني ساینس سره سمون نه لري او سېکولرېزم يې د عصري کولو لپاره اړین ګاڼه.  دغه ظالم پاچا په ۱۹۲۳م، او په لاسین کې یو له شرمه ډک تړون لاسلیک کړ، چې په دغه تړون کې بریتانیا د عثماني خلافت پر وړاندې خپلې شومې موخې لکه د خلافت لغوه کول، د خلیفه تبعید یعنې له ترکیې څخه یې د کورنۍ ویستل، د خلیفه د ټولې شتمني ظبتول او د سېکولر دولت اعلانول یې ورباندې ومنل. د مصطفی کمال تر شا کفار ولاړ وو، تر څو دغه لوی خاین یو لوی خیانت لکه په رسمي ډول سره د خلافت لغوه کول یې اعلان کړل او په ترکیه کې یې سېکولر دولت اعلان کړ. دغه راز له هغه اسلامي دولتونو څخه یې ترکیه بېله کړه،  چې د عثماني خلافت یوه برخه وو. په حقیقت کې د دغه تړون توطیې د اسلام د ۱۰۱م عثماني خلیفه په وخت کې ولیدل شوې او سلطان عبدالمجید له اوسنۍ سېکولر ترکیې څخه تبعید شو. 

دا چې ښېکلاکګرو خلافت څه ډول ونړاوه، ځواب دا دی چې هغه وخت اسلامي امت په ناورینونو او کړکېچونو کې و او الله سبحانه وتعالی فرمایي:

﴿وَقَدْ مَكَرُوا مَكْرَهُمْ وَعِندَ اللهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ﴾[ابراهیم: ۴۶]

ژباړه: هغوی خپلې ټولې دسیسې په کار واچولې، خو د هغوی د هرې دسیسې له منځه وړل له الله تعالی سره و، که څه ههم چې د هغوی چلونه قوي وو، خو دومره هم قوي نه وو، چې د الله تعالی د محکمو فیصلو مخه ونیسي.  

له استعمارګرانو سره ملیت پالنې د خلافت په راپرځولو کې ډېره مرسته وکړه او د کارتونيک دولتونو په تاسیس کې یې هم له ستعمارګرانو سره مرسته وکړه. دغه راز له مسلمانانو څخه یې د یووالي فکر واخیست. هر وخت به چې د مسلمانانو د یووالي لپاره هڅې ترسره کېدلې، نو د ډېرو کمزور خلکو لکه عربي ټولنې او د اسلامي هېوادونو سازمان په لاس به یې له منځه وړلې. دغه سازمانونه د دې لپاره تیار شوي وو، چې د مسلمانانو د بچیانو تر منځ بېلتون دایمي کړي، لکه څنګه چې دوی د مسلمانانو تر منځ پولې وساتلې او د مسلمانانو تر منځ یې موانع رامنځته کړي، چې په همدې ډول استعمارګرانو د سایکس ـ پیکو خطرناکه برنامه جوړه کړه.

لویدیځ د خلافت په ارزښت ځان ښه پوه کړ او بیا یې له خپلو ټولو هلو ځلو سره خلافت ونړاوه. په واقعیت کې دوی پوه شول چې یوازینی نهاد، چې د مسلمانانو تر منځ یووالی راولي هغه خلافت دی. بالاخره دوی اوس ډېره هڅه کوي چې د خلافت د بیا تاسیس مخنیوی وکړي او دغه کار ته ورځ په ورځ زور ورکوي. الله سبحانه وتعالی فرمایي:

﴿يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُون﴾[التوبه: ۳۲]

ژباړه: دوی غواړي چې د الله سبحانه وتعالی نور خاموش کړي، خو الله سبحانه وتعالی دغه کار نه غواړي او خپل نور به پوره روښانه کوي، که څه هم په دې کار کفار سخت خواشیني کېږي.

د خلافت د نړېدو د سلمې کالیزې په یاد کې، یوازې موږ مسلمانان یو، چې د راشده خلافت د بیا تاسیس لپاره خپلې هلې ځلې دوه برابره کړو، ځکه چې خلافت یوازینی بنسټ دی، چې په وسیله به یې مسلمانان سره متحد او یو موټی شي او ارام ژوند به وکړي.

خلافت تاسیس کړئ

أقيموا_الخلافة

#ReturnTheKhilafah

د حزب التحریر مرکزي مطبوعاتي دفتر ته

لیکوال: شاباني موالیمو

په کینیا کې د حزب التحریر ویاند