[إِنَّ ٱلَّذِینَ یُحَادُّونَ اللَّهَ وَرَسُولَهُ أُو۟لَئِكَ فِي ‌ٱلۡأَذَلِّینَ]

ژباړه: «په حقیقت سره هغه خلک ډېر ذلیل دي چې د الله سبحانه و تعالی او د هغه د رسول الله صلی الله علیه وسلم پر وړاندې مقابله کوي. [مجادله: ۲۰]

ورځ تر بلې، د فلسطین خلک پر هغو بریاوو ډاډمنېږي چې جنرال ډیټن یې تر لاسه کوي؛ چې له یهودي ادارې او نړۍ سره یې د نوي فلسطین ژمنه کړې ده. همدا فلسطین دی چې ډيټون یې د اسلام او د فلسطین د خلکو دښمن کړی دی. یو فلسطینی چې د خپلو خلکو پر وړاندې له دښمن سره همغږي کوي، د الله سبحانه و تعالی پر مقدساتو، کورونو او عبادت کوونکو بريدونه کوي، د مینې او سولې په چاپيریال کې له هغو کسانو سره ژوند کوي، چې ځمکې یې غصب کړې او له مقدساتو څخه سرغړونه کوي، وینې تویوي او په بدل کې یې هغه کسان نیسي، اعتصاب پرې کوي او فشار پرې راوړي چې د خیانت په څرګندولو سره خپل غږ پورته کوي. یا د دین د رامنځته کېدلو غوښتنه کوي، نو یهودانو او د اسلام دښمنانو ته مبارکي وايو، چې تاسو لري.

اې د فلسطین د سپېڅلې خاورې خلکو: د جمعې په ورځ د فلسطیني ادارې له لوري بل داسې بريد تر سره شو چې د حضرت موسی علیه السلام له زیارت وروسته پر عبادت کوونکو تر سره شوی و، دوی یې له جوماتونو وشړل او په ظالمانه توګه یې په لرګیو، مرمیو او ګاز سره تیت او پرک کړل. همدارنګه د هغوی وینې یې تویې کړې، له مقدساتو څخه یې سرغړونه وکړه او اشرافان یې د دې لپار ونیول چې خلک د جمعې له لمانځه څخه منع کړي. د دغو جنایتونو له ډلې څخه یو یې پر ډاکټر بسم الداور باندې په قلقیلیا کې بريد و، چې ۶۶ کالونه عمر یې درلود. د هغه پوښتۍ ماتې شوې او پرته له دې چې د هغه عمر، موقف یا پوهه په نظر کې ونیسي، تر مرګ پورې یې ورساوه. په ټامون کې یې  ډاکټر فدا بني اودح ونیو او ویې وهلو، پر لسګونو نورو عبادت کوونکو یې بريد وکړ او ویې وهل. پر دوی یې ځکه برید وکړ چې خپل لمونځونه یې کول. دلته موږ د فلسطین ادارې مشر، د هغه لومړي وزیر او د دوی امنیت یا جرمي تجهیز څخه پوښتنه کوو: ایا تاسو د زیتونو ونې د مېشتو کسانو له بریدونو څخه لېرې کړي دي، لکه څنګه چې تاسو خلک له لمانځه څخه ليرې کوئ؟! ایا تاسو پر مهاجرینو خپل غږ داسې پورته کړی، لکه څنګه یې چې تاسو په رکوع او سجده کې پر عبادت کوونکو پورته کوئ؟!

بیا په ابو مشعل ښار، رام الله ولسوالۍ کې د استخباراتي اداري له لوري نامتو ښوونکی حسن المصري ونیول شو، هغه یې وواهه، ویې ځوراوه او د ساتلو ځای یې پټ کړ، الله سبحانه و تعالی دې د دوی لاسونه مات کړي.

په دې اړه پلاوي والیانو ته ورغلل، تر څو د امنیتي خدمتونو له ترسره کولو څخه دوی ته شکایت وکړي او د هغو خلکو د محاسبې غوښتنه وکړي چې د ۲۰۲۱م کال، د جنوري پر ۱۰مه یې پر خلکو یرغل وکړ. موږ د رام الله والي ته یو لیک وسپاره؛ چې د مشهور ښوونکي حسن المصري پر وړاندې د رمله استخباراتو مشر، محمود ابراهیم حماد څخه وضاحت وغواړي او د تر سره شوي جنایت په اړه خپل دریځ بیان کړي. دوی ته مو ۴۸ ساعتونه وخت ورکړ او دوی هېڅ کار ونه کړ.  

اې زموږ خلکو چې اسلام عزت درکړی: دا هغه اداره ده چې ستاسو هېواد ته یې پښې راغلې، له ذلت پرته یې بل هېڅ نه لرل، تاسو هغوی ته پناه او خواړه ورکړل، نو اوس دوی ستاسو وینه څښي، ستاسو پیسې ګرځوي او پر جوماتونو بريدونه کوي. اراده لري چې ستاسو کورنۍ او عفت له منځه یوسي. دوی پر تاسو ظلم کوي، ځکه چې دوی ستاسو د دښمن په لاس کې دي.

هغه څوک چې په رکوع او سجده کې پر عبادت کوونکو برید کوي او د یهودانو د تېري ښکار کېږي، یو مجرم دی چې په سپېڅلې خاوره پورې تړاو نه لري. پر فلسطیني عبادت کوونکو او جوماتونو د چارواکو یرغل، د فلسطین پر خلکو یرغل دی. د فلسطین خلک باید دا جنایتکاران د قومونو له لارې وڅاري او په قانوني ډول تر هغه چې ټول مجرمین په جزا ورسېږي. که د فلسطین اداره هغه جنایتکاران محاسبه نه کړي، چې وینې تویوي او د خلکو مقدساتو ته سپکاوی کوي، نو دا به پر خلکو فشار راوړي چې د خپلو حقونو په وسیله د فلسطین د خلکو لپاره د دوی حقوق خوندي کړي. الله سبحانه و تعالی دوی غوره کړي دي، څو په دې سپېڅلې خاوره کې حق ته غاړه کېږدي. د فلسطیني ادارې لپاره به غوره وي چې د فلسطین د خلکو او اسلام پر وړاندې مبارزه ودروي. الله سبحانه و تعالی د دې امت په لاس هغه ظالمان له منځه وړي، چې فکر یې کاوه دوی به هېڅکه را ونه پرځېږي. د فلسطین اداره د دوی د ځواک په لسمه برخه حساب نه کوي. دا امت د بې عدالتۍ پر وړاندې چوپه خوله نه پاتې کېږي. همدارنګه دوی ظلم کوي او پر دین یې بريد کوي. که د فلسطین په اداره کې یو هوښیار سړی وي، پرېږدئ چې لاړ شي، مخکې له دې چې په پښو وځړول شي. د اسلام سهار د خلافت په تاسیس سره رڼا کېږي او بیا به پوه شئ چې څوک ګټونکي دي. الله سبحانه و تعالی فرمايي:

[وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَاداً يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبّاً لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعاً وَأَنَّ اللَّهَ شَدِيدُ الْعَذَابِ]

ژباړه: «(خو د الله سبحانه و تعالی پر یووالي د دې ښکاره څرګندو دلالت کوونکو نښو نښانو له لیدلو سره هم ) ځینې خلک داسې دي چې له الله سبحانه و تعالی پرته نور د هغه سیالان ګرځوي؛ پر هغو داسې مین دي لکه څنګه چې الله سبحانه و تعالی سره مینه لرل ښايي. په داسې حال کې چې دغو ظالمانو ته د عذاب د ليدو په وخت کې پیدا کېدونکی دی. که همدا نن دوی لیدلی وای؛ نو (باور به یې راغلی وی چې) ټول قوت او ټولې واکمنۍ یوازې د الله سبحانه و تعالی دي او (په دې به یې هم باور شوی وی) چې له الله سبحانه و تعالی سره ډېر سخت عذاب شته.» [بقرة: ۱۶۵]

حزب التحریرـ د فلسطین سپېڅلې خاوره

په بنګله دېش کې پر ښځو او ماشومانو د جنسي تيري، ناوړه چلند او ډله ییزو جنسي تيریو د خطرناک ډېروالي موضوع وروسته له هغه ګرمه شوه، کله چې د پلازمینې ډاکې په یو مشهور ښوونځي کې د چمتووالي ټولګي یو زده کوونکی له جنسي تيري وروسته ووژل شو. خلک همدا راز پر تنکیو ځوانانو د تجاوز په اړه اندېښمن دي، ان د دې کړکېچ او وېرېدونکي حالت په جریان کې روڼ اندي خلک په دې مفسد فکر بې لارې کوي. د دې سترې اندېښنې د اصلي لامل پر ځای، دوی خلک پر نورو شیانو بوخت کړي دي. ځکه چې دوی پوهېږي په دې سره د دوی سېکولر باور او ناسم سیاستونه افشا او زیانمنېږي. دا روڼ اندي دلته دوه ډوله جرمونه تر سره کوي.له یوې خوا دوی هڅه کوي چې د جنسي تسکین له پلوه متناقض سېکولر ارزښتونه خوندي شي او د ښځو له وقار څخه انکار کوي، چې د ښځو پر وړاندې د هر ډول تاوتریخوالی سرچینه ده. له بلې خوا، دوی هڅه کوي چې د خلکو پاملرنه له رښتیني حل لارې څخه واړوي، یعنې پر اسلامي ارزښتونو بريد کوي.

دا تش په نوم ليبرال مفکرین په ګوته کوي، چې فحشا، پر نشه‌یي توکو روږدې کېدل، ټولنیز تخریب او د کورنۍ کمزورې اړیکې د اوسني ناورین اصلي لاملونه دي. خو دوی دا پوښتنه نه کوي چې ولې زموږ په ټولنه کې ټولنیز او اخلاقي غمیزه شته؟ ځواب یې په غربي سېکولر باور لرونکي نظام کې پروت دی، چې موږ پکې اوسو. دا سېکولر نظام له عامه ځایونو څخه د دين لېرې کولو عقیده لري او د پرمختګ او خوښۍ لپاره یې د اندازې واحد مادي ګټه او جنسي رضایت دی. د نن ورځې نړیوال د حاکمې ايډیالوژۍ په توګه په بنګله دېش کې سېکولریزم هم له ډېرې مودې راهیسې د ښځو حقونو او ازادۍ غوښتنه کوي. خو لا هم نه دي توانېدلي چې د ښځو پر وړاندې تاوتریخوالی لږ را کم کړي. ښځو ته د جنسي توکي په سترګه ګوري، د دوی ښکلا سوداګریز ارزښت بولي. په سېکولر نظام کې له مېرمنو څخه د سوداګریزو، ټلویزیوني اعلاناتو،  بېلبورډونو، فلم جوړونې او مجلو لپاره ګټه اخیستل کېږي.

له بلې خوا، دا ټولنیز او ښوونیز نظام داسې ځوانان روزي چې د ژوند هېڅ رښتینی هدف او د الله سبحانه و تعالی ته د حساب ورکولو حس نه لري. دوی په طبیعي ډول د مادي خواهشاتو او احساساتي قناعت په لټه کې له ښځو سره د جنسي توکو په توګه چلند کوي. په دې توګه، د سېکولرانو غږ د ښځو حق لپاره درېږي او ټولنیز پوهاوی رامنځ ته کوي؛ چې دوی زموږ مېرمنې څاري. سربېره پر دې، د دې پر ځای چې خلکو ته دا سېکولر باور رد کړي، دا روڼ اندي له دوی څخه غواړي چې موږ دې فاسد سېکولر نظرونه له نېږدې وکار وو. دوی اوس د غرب له لوري د جنسي پروګرامونو له لارې «جنسي رضایت» ناوړه نظریو ته خلک هڅوي. زموږ تنکیو ځوانانو ته په ښوونځي کې تدریس کېږي، چې جنسي اړیکه طبیعي ده، که چېرته له رضایت سره تر سره شي! د «شخصي ازادۍ» او «رضایت» تر نومونو لاندې پانګوال نظر ان په سېکولر غرب کې د ښځو پر وړاندې تاوتریخوالی پای ته نه شي رسولای. زنا، فحشا، طلاق او نورې ټولنیزې ستونزې خپروي، چې په عمده ډول پر ښځو اغېزه کوي. نو د حل لارې په توګه د غربي افکارو له لوري دا ډول غمیزې وړاندې کول شر دی.

اې مسلمانانو! اوس هغه وخت رارسېدلی چې سېکولر نظام رد کړئ، چې زموږ د مېرمنو وقار یې زیانمن کړی دی. د نبوت پر منهج د راشده خلافت د تاسیس لپاره لستوڼي بډ وهئ، چې پر ښځو د هر ډول شر او وحشت دروازې وتړي. زموږ د مېرمنو د وقار ساتنه به یې اساسي پالیسي وي. دا به د پرهېزګارۍ پر اساس د ښځو پر وړاندې ټولنیز سلوک پیاوړی کړي، چې د ښځو لپاره د درنښت چاپېریال رامنځ ته کړي. «ښځه ویاړ دی، چې باید ساتنه یې وشي.» [د حزب التحریر د اساسي قانون د خلافت مسودې ۱۱۲مه ماده]. د خلافت دولت به د نارینه او ښځینه وو تر منځ متقابل عمل او همکاري داسې تنظیم کړي چې تاوتریخوالی او اخلاقي فساد به له هغې سرچینې څخه ودرول شي. «د جنسونو بېلوالی اساس ګڼل کېږي، دوی باید یو ځای سره ونه ګوري، خو د اړتیا په صورت کې، چې شرعي اجاز ورکړل شي، چې نارینه او ښځینه وو ته اجازه ورکوي چې ملاقات وکړي، لکه په سوداګريزو چارو یا حج کې [د حزب التحریر د اساسي قانون د خلافت مسودې ۱۱۳مه ماده]. د ښځو پر وړاندې هر ډول تاوتریخوالي لپاره د اشد مجازاتو (پر مرګ محکومولو) تر څنګ، د ښځو وقار ته په پام سره، د خلافت دولت ان د ښځو د وقار ساتنې لپاره خپل پوځ لېږي.

په نهمه میلادي پېړۍ کې د عباسي خلیفه معتصم باالله د واکمنۍ پر مهال، په اموریه ښار کې د قوي رومن اډې د نیولو لپاره یو لوی پوځ له پلازمینې بغداد څخه واستول شو چې یوه مسلمانه ښځه وژغوري، چې د رومیانو له لوري نیول شوې وه او ناوړه چلند ورسره شوی و. الله سبحانه و تعالی موږ ته اجازه راکوي چې د خلافت د سملاسي راستنېدلو شاهد پاتې شو، چې په رښتیا سره به د ښځو له حقونو څخه دفاع وکړي او هغه عزت او سپېڅلی ژوند به بېرته ورکړي چې دوی یې مستحق دي. الله سبحانه و تعالی فرمايي:

(وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ)

ژباړه: «مومنان نارینه او مومنانې ښځې، دا ټول د یو بل دوستان دي.» [توبه: ۷۱]

د حزب التحریرـ ولایه بنګله دېش مطبوعاتي دفتر

﴿اِنَّ اللَّهَ لاَ يُحِبُّ مَن كَانَ خَوَّاناً أَثِيما﴾ [نساء: 107]

ژباړه: له شک پرته الله سبحانه و تعالی خیانت کوونکي او ګناهکاره نه خوښوي.

د تمدني جګړې ګواښونه چې له ختيځ څخه تر لوېدیځه يې زموږ پر خاور سیوری غوړولی، د اسلام پر ضد فکري او ثقافتي جګړه ده، چې موخه يې د اسلام له منځه وړل، پاشل، ویجاړول، بدلول، بد رد ویل او د اسلام ناوړه ښکاره کول دي. د دغو جګړو ډېره برخه زموږ هغه ناپوه او ظالم حکام مخته وړي چې زموږ په خاوره کې د لاسپوڅو په توګه ګمارل شوي دي. دوی درباري علما دي او اوسنۍ فتنې دوی زېږوي.

په ننني عصر کې  د دښمن په لاس کې تر ټولو لویه وسله د اسلام دین تحریف دی او کافر غرب چې له فکري او تمدني ماتې سره مخ دی؛ هڅه کوي چې دغه ماتې د اسلام په له منځه وړلو وزغمي او تمدن يې وژغوري. د غرب اصلي موخه په تمدني جګړه کې  په خپله پوچه  فکره او نظام زموږ قانع کول نه دي، بلکې اصلي موخه يې د اسلام بدلول دي، څو اسلامي امت له خپلې عقیدې څخه بېګانه کړي. همدارنګه عقیده يې ترې بېله کړي او په پایله کې د هغه لوړ مقام چې  واحد اسلامي فکر دی، وپاشي. هغه کسان چې د غرب په استازیتوب دا ګناه ترسره کوي، زموږ خپل کسان دي.

هو، زموږ له جنسه، چې زموږ په ژبه خبرې کوي او سترګو ته مو ګوري او زموږ د خاورې تر ټولو مقدس او پاک ځای ته ځي. هو، د جماعتونو په منبرونو، د کفر کلمه په ژبه راوړي او په ټولو د غرب وژونکي زهر شیندي.

یاد کسان پرته له درباري علماوو او فقهاوو چې د غرب په وسیله يي په موږ کې نفوذ کړی، بل څوک نه دي. هغه ډلې چې لويدځ د هغوی په وسیله خپل استعمار پيل کړ او وروسته درباري علما په ناوړه کارونو کې د هغوی ځای ناستي شول. له هغه وخته تر ننه زموږ په منځ کې د ورک، خو وژونکي دښمن په څېر ژوند کوي چې زرګونه غافل انسانان د هغوی د زهرجنو خبرو تر اغېز لاندې راغلي او په ښکلي ظاهر او نیکو خبرو يې باور کړی. علماوو پر همدغه وسیله هر راز شک چې هغوی ته متوجه دی، د خلکو له زړونو لرې کړی او په خپلو دروغجنو خبرو او باطلو کړنو يې د خلکو باور جلب کړی دی.

درباري عالم تبشیري ژبه او مستشرقي مکر لري، یوازې د دې لپاره هڅه کوي چې د غرب بت پرست ثقافت زموږ پر افکارو، ټولنه، ژوند او دین پوره حاکم کړي او موخه يې له دغه کار پرته زموږ د ایمانونو له منځه وړلو څخه بل څه نه دي. پرون د غرب ابزار او وسیله د خلافت او اسلام د له منځه وړلو او د هغوی تر سیوري لاندې د مستشرقینو او مبشرینو په وسیله زموږ د یووالي پاشل و او نن درباري علما  او فتنه اچونکي فقها دي.

تر دې وروسته چې افاک په نجد کې پر خپله خاوره او کورونو یرغل حلال بولي، د ظالمانو لپاره د وینو تویول د امت د بچیانو قاتل او د کفارو مشر ته سر ټيټی حلاله بولي او هغه ستایي.حیرانېږه مه، ځکه هغوی د رسول الله صلی الله علیه وسلم له منبره یهود په نرمۍ ستايي. د اماراتو ځوانان هم تاسو حیران نه کړي چې په منبر کې ناست دي او هلته شراب، سود، زنا حلاله بولي او ځان ته زړورتیا ورکوي چې الاقصی جومات نیول د یهودو لپاره حلال دي.                                          

مه حیرانېږه! په مصر کې کنانه مفتي اعظم د مصر فرعون صفته حاکم، د کنانه د زامنو وینه تویول له دې کبله حلال وګڼل، چې هغوی خوارج دي. وروسته يې وویل: «له دې امله چې هغوی خوارج او ملامت دي، باید خپل توره راوباسئ او د نظام په وسیله یرغل پرې وکړئ.» له دغو خبرو وروسته هغه ښکرور دروغ وویل چې له باطن پرته بل څه نه وو. ایمان يې برباد کړ او د قران کریم ایات يې تحریف کړ. د الله سبحانه و تعالی د دغه قول په اړه يې کفري خبره وکړه:

﴿إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ﴾ [نساء: 105]

ژباړه: موږ دا کتاب په حقه تاسو ته درلېږلی، څو هغه سمه لاره چې الله درښودلې، په هغه سره د خلکو په منځ کې قضاوت وکړئ او داسې څوک مه کېږه چې د خاینانو ملاتړ وکړئ.

د دغه قول په هکله هغه وویل، حاکم کولی شي د خپل میل مطابق حکم وکړي او هر هغه څه چې په وضعي قوانینو کې اړین وي، وضع يې کړي او په وینایې، دا د شریعت یوه برخه ده.

د قطر په جویزره کې دین تعدیلېږي، د منځلارۍ د منلو او له تندلارۍ سره د مبارزې په موخه تحریفېږي. تر هغه ځایه چې د دغه جریان ویاند په مسکو کې پر لپسې لیدنې لرلې، که څه هم د پوتین په وسیله په  ۲۰۱۴- ۲۰۱۵ م کلونو کې د شام په شیشان کې وینه تویندنه له یاده نه وځي. هغه وویل: «د علماوو د جمعیت عمومي ټولنې یو ښکاره او واضح منهج د منځلارۍ مفکورې لپاره د یوه فریب په توګه وضع کړ. همدارنګه دغه اتحادیه چمتو ده چې د روسیې جمهوریت له مذهبي او ديني ادارتو سره همکاري او مرسته وکړي.» د دغې اتحادیې ناوړه کړنه او له اسلام سره د جګړې په موخه له کفارو سره ملګرتیا به کومه ګټه ولري!؟ دې ټولنې له دې وراخوا په یوه ناوړه کار لاس پورې کړ چې د شام د خلکو وینه يې د مسکو وینه څښونکو ته حلاله وبلله.

د دې ټولنې  یوه غړي په مسکو کې په ۲۰۱۵ کال کې وویل: «کوم جنایتونه چې تروریستي سازمانونه يې د اسلام په نوم کوي، اسلام له هغه څخه بېزاره او لرې دی... په همدې دلیل موږ د روسیې د لاسووهنې ملاټر کوو او له هغوی سره د نړیوالو ترهګرو په له منځه وړلو کې ملګرتیا کوو.»  په پایله کې يې زموږ وينه د مسکو وینه څښونکو ته حلاله کړه او د روسیې بم اچونکې الوتکو د حصص او حمات پر کلیو او بانډو بمونه وغورځول او په یو موټی خاورو يې هغه ځایونه بدل کړل. د بمبار شویو سیمو کسان زموږ ماشومان او میندې وې او پر هغوی بمبارۍ همداسې دوام درلود. په داسې حال کې چې د مفتي د څېرې رنګ بدلون و نه کړ، لکه چې د هغه پوست وسپنه و! وروسته بل تړون وشو چې د اسلام  تاج الفروض (خلافت او د حاکمیت نظام) يې رد کړ.

خو په غربي هېوادونو کې د هغوی مشر خپلو دروغ ویلو ته دوام ورکوي، څو په دې سره مسلمه کذاب د نافرمانه دجال په څېر خپل ځای ناستی کړي. تر هغه چې هلته یو مدرسه د دین د تحریف او د احکامو کمزوريکولو لپاره شتون ولري، چې له ټولې اروپا و افریقا نوي تحریف کوونکي هلته زدکړې کوي، ورته نور کارونه به هم ترسره شي. په دې وروستیو کې يې ځینې لیکل شوې پاڼې د اسلامي مفاهېمو او احکامو «د تندلارۍ د علمي دفترونو بېل والی، د جهاد د مفهوم بېل والی، جزیه او حاکمیت» تر سرلیک لاندې خپرې کړې او په دې اړه یې وویل: «اسلام نور لوی مفاهېم هم لري، چې لاندې ټکو ته پکې اشاره کوو: «دین، شریعت، امر په معروف او له منکر څخه نهیې، دار اسلام، دار کفر، دوستي او دښمني، اسلام او کفر، هجرت، نصرت، دولت او دندې يې، امت، خلافت، ایمان، له دین سره د امت اړيکې، الهي ژمنې، حاکمیت، فرمان وړل، قراني مفاهېم او داسې نور.»

هغه په خپلو دروغو کې جهاد یو نفسي او معنوي حالت وباله او دار اسلام او دار کفر يې انساني واقعیت وګاڼه. د هغه له درواغو څخه ښکاري چې دغه وېش ناشونی دی. دنیا یو دار دی چې په دوو برخو يې وېشل د اصل خلاف دي. همدارنګه يې ويلي: رسول الله صلی الله علیه وسلم چې په مدینه کې دولت تاسیس کړ، د دولت یوه بڼه ده او داسې نه ده چې باید هغه حتما تاسیس شي.

 تاسو د غرب په ناروغه فهم او کمزورو خبرو کې کوم مثال نه شی پیدا کولی، خو د یمامه مسیلمه کذاب په زمزمو کې چې په ډېر تاسف سره یې وويل: «يا ضفدع بنت الضفدعين، نقي كما تنقين..."، و"الفيل وما أدراك ما الفيل، له زلقوم طويل.» لکه دواړه چې له یوې خېټې وي. تاسو نه پوهېږئ چې د هغوی د مخ پوست له کوم جنسه دی، هېڅ یو له دروغ ویلو او ښکاره فریب ورکولو شرم نه لري، خپل زړونه یې د لېوه په پوستونو پوښلي او له دینار او درهم پرته بل څه نه دي...

هغه چا ته عاقل او عالم ویل چې له خپل دین سره په ښکاره خیانت کوي؛ ناوړه حالت دی. الله سبحانه و تعالی د ادم له اولادې ټينګ قول اخیستی، خو هغه خیانت وکړ او بې ځایه او ناوړه يې وباله، له شک پرته دا لوی خیانت او جفا ده. الله سبحانه وتعالی فرمایي:

﴿وَإِذَ أَخَذَ اللَّهُ مِيثَاقَ الَّذِينَ أُوتُواْ الْكِتَابَ لَتُبَيِّنُنَّهُ لِلنَّاسِ وَلاَ تَكْتُمُونَهُ فَنَبَذُوهُ وَرَاء ظُهُورِهِمْ وَاشْتَرَوْاْ بِهِ ثَمَناً قَلِيلاً فَبِئْسَ مَا يَشْتَرُونَ﴾  [آل عمران: 187]

ژباړه: په یاد ولرئ، کله چې الله سبحانه وتعالی هغو کسانو ته چې اسماني کتاب یې ورکړی، له هغوی یې ژمنه واخیسته چې حتمن به یې خلکو ته وړاندې کوي، خو هغوی شاه ته وغورځاوه او په کمه سترګې یې ورته وکتل. څومره ناوړه کړنه ترسره کوي.

ابن جریر له قتاده څخه روایت کړی چې الله سبحانه و تعالی د علم له څښتن څخه ژمنه اخیستې؛ څوک چې په څه پوهېږي، هغه نورو ته باید ور زدکړي. د علم له پټولو څخه لاس واخلي، ځکه د هلاکت سبب کېږي. ناپوه او بې خبره انسان هېڅ ملکفیت نه لري او همدا د پوهې او حق پټلو سبب کېږي چې پر هغه غاړه خلاصه شي.

﴿إِنَّ الَّذِينَ يَكْتُمُونَ مَا أَنزَلْنَا مِنَ الْبَيِّنَاتِ وَالْهُدَى مِن بَعْدِ مَا بَيَّنَّاهُ لِلنَّاسِ فِي الْكِتَابِ أُولَـئِكَ يَلعَنُهُمُ اللَّهُ وَيَلْعَنُهُمُ اللاَّعِنُونَ﴾  [بقره: 159]

ژباړه: که څوک روښانه دلایل او نازلې شوې لارښوونې پټې کړي، الله سبحانه وتعالی پر هغه لعنت وايي، ځکه دا لارښوونې د خلکو لپاره په قران کریم کې بیان شوې دي. ټول هغه کسان چې لعنت پرې ویل شوي، هغوی به هم پر دغه کس لعنت وایي.

کله چې یو عالم په خپل کار کې مکر او چل وکړي، د الله سبحانه و تعالی کلام تحریف کړي، دروغ ووايي، د باطل د ښه ښکاره لپاره فریب وکړي او عیب يې پټ کړي؛ قسم دې وي چې په دغه ناوړه اعمالو له یوه فقیه عالم څخه د دجال مرتبې ته رسېږي. درباري علما له ظالمو او فاسقو حکامو سره یو ځای شوي او ناوړه کړنې خپروي. همدارنګه دغه عالمان په حقیقت کې د ظالم د ظلم په مقابل کې چوپتیا خیر غوښتنه یادوي، چاپلوسي او منافقت مدنیت تعبیروي؛ د خپلې چوپتیا په مقابل کې بډې اخلي او پر هر ډول خیانت ځان ناخبره اچوي.

د حیرانتیا وړ ده! الله سبحانه و تعالی له علماوو څخه د خلکو په منځ کې د نبوت غوښتنه کړې، چې د هغه پر بنسټ خبرې وکړي، خپل مکلفیت ادا کړي، لاره يې تعقیب او په اخلاقو يې ځان پوه کړي. په داسې حال کې چې درباري علماوو له دې غوښتنې ډډه کړې او پر ضد يې عمل کوي.

همدارنګه یو عالم د شریعت او د هغه په اړه فکر کوي چې الله سبحانه وتعالی د هغه پر اعمالو او اقوالو خبر دی او له هغه څخه به پوښتنه وکړي او درباري عالم په دې فکر کې وي چې د شریعت کتابونه څرنګه تاویل، تحریف، تغییر، پټ او ښکاره کړي.

علما باید له الله سبحانه و تعالی سره رښتينی وي او باید پوه شي چې د هغه قوانین پر امت عملي کېږي او د علماوو عمل له نړيوالو قوانینو څخه ښکلی او د کار وړ دی او کولی شي د نړیوالو قوانینو په تصحیح کې کار ترې واخیستل شي. علما د پیغمبرانو وارثین دي او د خلکو په ژوند کې ځانګړی مسوولیت لري. هغوی د وحيې ساتونکي او شاهدان دي، چې پرې امین شوي دي. څوک چې داسې وي، عابد علما ګڼل کېږي. علما د انبیاوو وارثین دي او تاریخ شاهد دی، داسې پیغمبر نه دی تېر شوی چې د خلکو د هدایت ورښودلو لپاره یې سختۍاو ستونزې نه وي ګاللې.

همدارنګه د باطل په مقابل کې يې مبارزه کړې او د بشر د وضعیت د اصلاح او د خالق لوري ته د هغوی بېرته ګرځولو په موخه يې سختۍ زغملې دي. دا هماغه څه دي چې له انبیاوو باید په میراث پاتې شي.

د دغه زمانې افت ظالم او فاجر حکام، درباري ګمراه او ګمراه کوونکي علما دي او رباني عالم عبدالله بن المبارک رحمه الله ويلي دي: دین پرته له شاهانو او درباري علماوو څخه بل څوک فاسد کوي؟!

د درباري علماوو لپاره پیغام: له ناوړه کړنو لاس په سر شئ، دا ستاسو لپاره غوره ده، ځکه الله سبحانه وتعالی انتقام اخیستونکی، جبار دی او فرمايي:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللَّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ﴾[انفال: 36]

ژباړه: هغوی چې کافران شوي دي، د الله سبحانه وتعالی له لارې څخه د خلکو د راګرځولو لپاره خپل مالونه مصرفوي، هغوی خپل مالونه چې په زحمتونو یې تر لاسه کړي، په همدې لاره کې لګوي؛ خو دا څه به هغوی ته د اندېښنو بنسټ شي. وروسته به له ماتې سره مخ شي او په بله نړۍ کې به ټول کفار د دوذخ لور ته ور وګرځي.

﴿أَلَمْ يَعْلَمُواْ أَنَّهُ مَن يُحَادِدِ اللَّهَ وَرَسُولَهُ فَأَنَّ لَهُ نَارَ جَهَنَّمَ خَالِداً فِيهَا ذَلِكَ الْخِزْيُ الْعَظِيمُ﴾ [توبه: 63]

ژباړه: ایا دوی ته معلومات نه شته چې څوک له الله سبحانه وتعالی او رسول الله صلی الله علیه وسلم سره مقابله کوي، د داسې کسانو لپاره د دوزخ اور دی، چې د تل لپاره به په کې اوسي. دا ډېره لویه رسوايي ده.

﴿كَتَبَ اللَّهُ لأَغْلِبَنَّ أَنَا وَرُسلِي إِنَّ اللَّهَ قَوِيٌّ عَزِيزٌ﴾ [مجادله: 21]

ژباړه: الله سبحانه و تعالی فرمایلي، چې زه او پیغمبران مې بریالي کېږو، ځکه الله سبحانه وتعالی قوي او ماتې نه منونکی دی.

که څه هم پوهېږئ چې الله سبحانه وتعالی مو ویني، خو بیاهم تاسو دروغ وایاست. له شک پرته هغه څه چې الله سبحانه وتعالی غواړي، همغه به کېږي.

اې الله سبحانه وتعالی! څوک چې د اسلام او مسلمینو بدي غواړي، ته هغه له بدبختیو سره مخ کړې او څوک چې د امت لپاره خیر غواړي، له هغه سره مرسته وکړې.

﴿وَاللَّهُ غَالِبٌ عَلَى أَمْرِهِ وَلَـكِنَّ أَكْثَرَ النَّاسِ لاَ يَعْلَمُونَ﴾ [یوسف: 21]

ژباړه: الله سبحانه و تعالی پر خپل کار بریالی دی، خو ډ‌ېری خلک نه پوهېږي.

لیکونکی: مناجي محمد

ژپاړن: الهام پردېس

د الله سبحانه و تعالی په امر، خلافت به ټول بشریت د ډیموکراسۍ له ظلم څخه خلاص کړي

د ټرمپ د پلویانو له لوري په کپیتال هیل کې د ډیموکراسۍ پر پیکر بريد، ډيموکراسي رسوا کړه. دغه ډراماټیک بريد د هغو خلکو ناسمې ادعاوې افشا کړې، چې تر اوسه پورې د ډیموکراسۍ ملاتړ کوي. داسې ادعا کول چې ډیموکراسي ملتونه سره یو ځای کوي، په سوله ییزه توګه د قدرت لېږدولو ته اجازه ورکوي، د ټولو حقوق خوندي کوي، د اقلیت ساتنه کوي، پاڅونونه اراموي، تولیدي بحث ته اجازه ورکوي او ډیموکراسي د تمدن لوړه څوکه بولي. د ډیموکراسۍ په هېواد کې د سپین پوستو ملاتړي رژیمونه قدرت په لاس کې اخلي. د ډیموکراسۍ په رهبرۍ کې یو غیر نظامي امریکایي تور پوستی د پولیسو په واسطه په مرګ محکومیږي، خو  پولیس د سپین پوستو د تاوتریخوالي د مخنیوي په درشل کې یوازې له شرم سره مخ کیږي. د نړۍ په کچه تر ټولو غټ ډیموکرات دولت هند کې، هم مسلمانان په سیستماتیک ډول ځورول کیږي. په فرانسه کې ان د یوې مسلمانې ښځې حجاب نه شي زغمل کېدلای.

ډیموکراسي اقلیتونه د اکثریتو غلامان کوي. له اکثریتو څخه ملاتړ په سیستماتیک ډول پر اقلیتونو باندې ظلم کوي. د ډیموکراسۍ په پرمختګ کې یو کوچنۍ مخکښ ګروپ په قانوني ډول د اکثریتو پر سرچینو تسخیر کوي. په ډیموکراسۍ کې د اکثریت د رایې  ساتلو لپاره سیاستمداران نژاد پرستۍ، توکمپالنې او فرقه پالنې ته لمن وهي، تر څو واک لاسته راوړي، چی دې ته پاپیولیزم وایي. د ډیموکراسۍ د بهرنۍ پالیسۍ یعنی استعمار پر اساس غربي حکومتونو د نړۍ د سرچینو په ایستلو سره «درېیمه نړۍ» جوړه کړې. په پاکستان کې د ډیموکراسۍ د عقیدې یعنې سیکولارېزم له لارې مذهب له عامه دایرې څخه وتلی او مسلمانان د الله سبحانه و تعالی د احکامو له پلي کولو څخه منع کوي. په پاکستان کې ډیموکراسي هم لکه دکتاتوري استعمارانه ګټه اخیستنې ته لاره هواروي.

په یقیني ډول د ډیموکراسۍ ماتې یوه قطعي موضوع ده، ځکه چې د قانون جوړلو حاکمیت د انسان محدود عقل ته ورکوي په داسې حال کې چې د قانون جوړلو حاکمیت یوازې له الله سبحانه و تعالی سره دی، الله سبحانه و تعالی په قرانکریم کې فرمایي:

(يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ)

ژباړه: «اې انسانه څه شي ته د خپل هغه مهربانه خدای له لوري په غولونه کې واچولې؟» [انفطار: ۸۲]

الله سبحانه و تعالی یو نړیوال شریعت را لیږلی،  چی د هر انسان حق په کې خوندي دی. که هر څومره د انسانانو شمېر ډیر هم شي، بیا هم بدلون نه مومي. شریعت به د اسلامي نظام یعنې خلافت په واسطه له فرقه ګرایی، نژاد پالنې او ملیت پالنې پرته پلی کیږي. په خلافت کې خلیفه به د الله سبحانه و تعالی د شریعت د پلي کولو له پاره له امت څخه بیعت اخلي، تر څو د ډیموکراسۍ له ظلم څخه ټول بشریت خلاص کړي. د پاکستان په مسلمان پوځ کې د قدرت لرونکو خلکو په همکارۍ باید ټول مسلمانان د ډیموکراسۍ جرړې له بیخه وباسي او د رسول الله صلی الله علیه وسلم پر منهج خلافت تاسیس کړي. تر څو په دنیا او اخرت کې ښېګڼه تر لاسه کړي.

د حزب التحریرـ  ولایه پاکستان مطبوعاتي دفتر