چهارشنبه, ۰۵ ذیقعده ۱۴۴۲هـ| ۲۰۲۱/۰۶/۱۶م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     7 شوال 1442

میلادی نېټه :     چهارشنبه, 19 می 2021 م

شمېره:      ۷۵/ ۱۴۴۲

ولايه پاكستان
مطبوعاتي دفتر

مطبوعاتي اعلامیه
د فلسطینې مسلمانانو پر وړاندې د ظلم او فتنې د پای ته رسولو لپاره د مسلمانانو د ساتنې لارښود

۱. د مسجد الاقصی ازادول او د فلسطین سپېڅلې خاوره یوازې د فلسطین نه، بلکې یوه اسلامي مساله ده.

 موږ یو امت یو؛ زموږ د کمزورتیا لامل د ملت پالنې پر بنسټ تقسیم دی. الله سبحانه وتعالی فرمايي:

[وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا] [عمران: ۱۰۳]

ژباړه: ټول یو ځای شئ، د الله سبحانه وتعالی رسۍ کلکه ونیسئ او تیت ـ پرک مه کېږئ. د الله سبحانه وتعالی هغه پېرزوینه دریاده کړئ، چې پر تاسو یې کړې ده: تاسو یو د بل دښمنان وئ، هغه ستاسو په زړونو کې مینه واچوله او د هغه په مهربانۍ او لورینې سره تاسو سره وروڼه شوئ...

د مسجد الاقصی دفاع یوازې د فلسطین د بې وسلې مسلمانانو مسوولیت نه، بلکې دا د ټول اسلامي امت د میلیونونو زړورو سرتېرو مسوولیت دی.

نو په خپلو لاریونونو کې د رسول الله صلی الله علیه وسلم له تور او سپين بیرغ پرته، چې د راتلونکي خلافت بیرغ دی او انشاءالله ډېر ژر به بیا تاسیس شي، د فلسطین ملت پال بیرغ مه پورته کوئ.

۲. د استعماري غرب، د هغوی د ګوډاګیانو او ملګرو ملتونو مداخله رد کړئ.

غرب د اسلامي خاورو د نیولو ملاتړ کوي او د هغوی د خلاصون مخه نیسي، لکه د فلسطین، کشمیر او افغانستان حالت. اسلام د الله سبحانه وتعالی له حاکمیت پرته بل حاکمیت نه مني، ځکه چې دا طاغوت دی او باید ونه منل شي. الله سبحانه وتعالی فرمايي:

[أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُوا إِلَى الطَّاغُوتِ وَقَدْ أُمِرُوا أَن يَكْفُرُوا بِهِ وَيُرِيدُ الشَّيْطَانُ أَن يُضِلَّهُمْ ضَلَالًا بَعِيدًا] [نسأ: ۶۰]

ژباړه: اې رسول الله صلی الله علیه وسلم! ایا تا هغو خلکو ته نه دي کتلي چې دعوه کوي: موږ پر هغه کتاب چې تا ته راغلی دی او پر هغو کتابونو چې له تا څخه مخکې نازل شوي وو ایمان راوړی دی؟ ـ خو غواړي چې خپلې چارې د پرېکړې لپاره د طاغوت (شیطان) لوري ته وړاندې کړي. حال دا دی چې هغوی ته د طاغوت څخه د منکرېدو حکم شوی و. شیطان غواړي هغوی وغولوي او له سمې لارې څخه یې ډېر ليرې وباسي.

نو له استعمارګرو څخه مه غواړئ چې د فلسطین په مساله کې منځګړیتوب وکړي، بلکې زموږ د چارو سرپرست په توګه د نبوت پر منهج د خلافت د بیا تاسیس غوښتنه وکړئ.

۳. د مسجد الاقصی او ټول فلسطین د ازادولو لپاره د پاکستان له پوځ څخه غوښتنه وکړئ

د غصب شوې ځمکې د ازادولو لپاره جهاد پر هغه چا فرض دی چې وړتیا یې لري. د پاکستان پوځ دا وړتیا لري، خو د اوسنیو واکمنانو له لوري مهار شوی دی. پر اوسنیو واکمنانو سترګې پټې کړئ، د پاکستان پوځ باید د یهودو اشغال په بشپړه توګه له منځه یوسي، لکه څنګه چې الله سبحانه و تعالی فرمايي:

[وَأَخْرِجُوهُم مِّنْ حَيْثُ أَخْرَجُوكُمْ وَالْفِتْنَةُ أَشَدُّ مِنَ الْقَتْلِ] [بقرة: ۱۹۱]

ژباړه: له هغوی سره هر چېرې چې مخامخ شئ وجنګېږئ، هغوی له هغه ځایه وباسئ چې تاسو یې ایستلي یی؛ ځکه که وژل هر څومره بد عمل دی، خو فتنه له هغه څخه هم ډېره بده ده...

په حقیقت کې ظلم او تېری یوازې د اسلام په چوکاټ کې پای ته رسېدلی شي او خلافت د مسلمانانو، عیسویانو او یهودانو لپاره د امن ځای و.

نو پر هغو واکمنانو غږ مه کوئ چې د مسجد الاقصی غږ نه اوري، د پاکستان پر پوځ غږ وکړئ چې مستقیم حرکت وکړي او هغه واکمنان ونیسي چې د دوی مخنیوی کوي.

د حزب التحریرـ ولایه پاکستان مطبوعاتي دفتر

#Aqsa_calls_armies

#الأقصى_يستصرخ_الجيوش

#OrdularAksaya

#AqsaCallsArmies

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې