سه شنبه, ۱۰ ربیع الاول ۱۴۴۲هـ| ۲۰۲۰/۱۰/۲۷م
ساعت: مدینه منوره
Menu
القائمة الرئيسية
القائمة الرئيسية

یوازې اسلامي عدالت کولی شي، چې په موږ کې د امن احساس رامنځته کړي

خبر

لاهور؛ د پنجاب پولیس د سپټمبر په میاشت کې د ډېرو جنسي ځورونو شاهدان وو.

تبصره

د پولیسو ادارې یو داسې راپور خپور کړی، چې  د جنسي ځورونې ۲۵۲۳ پېښې پکې ثبت شوي دي. په دغه راپور کې راغلي، چې په روان کال کې  د ډله ييز جنسي ځورونې ۱۳۲ پېښې ثبت شوي دي. په داسې حال کې چې په لارهور کې ورستۍ ډله ييزې جنسي ځورونې، امت ته يو ځل بیا ټکان ورکړ.

په دغه هېواد کې حاکم نظام او قوانینو ته په کتو دا نه لومړۍ پېښه ده او نه هم وروستۍ، چې هلته مدني ټولنې تبصرې او نیوکې پرې کوي او پېښه يې جنسي جرم وبلله. لاریون والو خپله کرکه د ځورونکو کسانو پر وړاندې څرګنده کړه، په داسې حال کې چې دغه جنایت د قوانینو ضعف دی. 

 جنایتکارانو ډېر داسې څه اورېدلي، چې مجرم له مجازاتو تښتي او لا يې جنایت ته هڅوي.

د جرمونو زیاتوالی نه یوازې دا چې د انحطاط او اخلاقي زوال نښه ده، بلکې د قوانینو او مجازاتو نه پلي کول هم پکې شامل دي. ان که یو چا جرم کړی وي، د محکمې اجراعات دومره اوږده او ناسم دي، چې هڅه کوي د دوسیې راپور ورنه کړي. د هغو دوسیو تر څنګ چې راپور یې ورکړل شوی، داسې دوسیې هم شته چې هېڅکله یې راپور نه دی ورکړل شوی.  

که څه هم ولسمشر ضیاءالحق د اسلامي احکامو د پلي کولو دستور ورکړی و، خو محکمې يې نه پلي کوي، برعکس هغه تورن کسان چې بې ګناه هم وي، په زندان کې یې ساتي.

دغه راز په اوسني سیستم نظام او عدالت کې، موږ داسې مجرمین لرو چې بیا بیا جرم کوي او ازاد ګرځي. خو بې ګناه کسان په بند کې د محکمې په تمه دي.

د دغه ډول جرمونو او ګڼو ستونزو حل یوازې د اسلام د قوانینو په پوره پلي کولو کې دی. ځکه د اسلامي حدودو په پلي کولو سره د جرمونو کچه راښکته کېږي. ځکه چې مجازات په عمومي اماکنو کې د اسلامي احکامو او قوانینو په رڼا کې ترسره کېږي.

همدارنگه دا به یوه نمونه شي او خلک به ژر پوه شي، چې د جرم ترسره کول، بدې پایلې لري. لکه: د ژوند یا  د بدن د غړو له لاسه ورکول.

د پولیسو دنده دا ده چې له خلکو ساتنه وکړي او د خپل امنیت په اړه یې ډاډه کړي. دغه راز په خلکو کې داسې حس رامنځته شي، چې پولیس د دوی د ځان، مال د خوندي کولو په فکر کې دي، تر څو د امن او سکون احساس وکړي. د اسلامي نظام عدالت له داسې قاضیانو جوړ دی، چې له الله سبحانه وتعالی څخه وېریږي او د خپلې پوهې او وړتیا له امله یادو دندو  ته رسېدلي وي.

هو؛ د مجازاتو د پلي کولو دنده د قدرت د حاکمانو او استازو ده. د اسلامي حکومت د نشت له امله چې اسلام پلی کړي. په دې صورت کې ټول مسلمانان باید صادقانه او جدي هڅه وکړي تر څو د اسلام د حاکمیت مرجع تنفیذ کړي. الله سبحانه وتعالی فرمايي:

﴿فَاحْكُم بَيْنَهُم بِمَا أَنزَلَ اللَّهُ وَلَا تَتَّبِعْ أَهْوَاءَهُمْ عَمَّا جَاءَكَ مِنَ الْحَقِّ﴾ [مائده: 48]

ژباړه: څه چې الله سبحانه وتعالی نازل کړي د خلکو په منځ کې حکم  پرې وکړه، له حق پرته د هغوی له نفساني غوښتنو  پیروي مه کوه.

لیکونکی: اخلاق جهان

ژباړن: الهام پردېس

د مطلب ادامه...

د ډیورنډ پر پوله ستونزې: له مجاهدو ولسونو څخه د اشغالګرو انتقام

  • خپور شوی په سیاسي

سيمې ته د امريکايي استعمار له راتګ او د افغانستان له اشغال وروسته، د سيمې مسلمانان له داسې ګڼو ستونزو سره مخ شول چې تر دې مخکې یې په خوب هم نه وې لیدلې. له دغو ستونزو څخه یوه هم پر پوله د مېشتو قومونو تر منځ د تګ راتګ ستونزمن کېدل او دې ته ورته د پاکستان او افغانستان د مسلمانو ولسونو ترمنځ راکړه ورکړه وه. دا هرڅه د امریکا او ناټو او د هغوی د پاکستاني او افغاني لاسپوڅو چارواکو په واسطه له «تروریزم» سره د مبارزې په نامه ترسره شول.

ځکه امريکا خپل لاسپوڅي افغان دولت ته پاکستان د دښمن په توګه معرفي کړ. په دې اړه يې د شوروي پر وړاندې د افغان جهاد په اوږدو کې د ناروا ملي ګټو پر بنسټ د پاکستاني دولت ناسمې پاليسۍ او ستراتيژۍ او د افغان جهادي او سياسي مشرانو غفلتونه د بېلګو په توګه وړاندې کول. تر هغه چې له اشغال څخه زېږېدلو ټولو رسنيو او چارواکو همدا غږ پورته کړی و، چې باالآخره عام ولس يې هم د تبلیغاتو تر تاثیر لاندې راغی او نور نو هغوی هم پاکستان او پاکستانيانو ته د دښمن خطاب کاوه. د يادولو وړ ده چې په دې وروستيو کلونو کې د دواړو هېوادونو ترمنځ کلنۍ سوداګري له دوه نيمو مليارده ډالرو څخه یو ميلیارډ ‌ډالرو ته کمه شوې ده.

خو د اشغال زېږنده افغان دولت تر ننه داسې کومه فعاله ستراتيژي جوړه نه کړه چې د دوی په اند له دښمن څخه د ولس د اړتياوو د پوره کولو مخه ونيسي او په طبیعي ډول خلک له پاکستان سره له راکړه ورکړې مخ واړوي. دا ځکه چې تر شا يې کافر ښکېلاکګر او خاين چارواکي وو. هغوی خپلو کې یو له بل سره تفاهم درلود، خو د دا ډول شرایطو په واسطه يې په مسلسله توګه د سيمې له مجاهد ولس څخه چې د پولې پر دواړو خواوو پروت دی انتقام اخیست. دا انتقام له امريکا او ناټو سره يوازې د روان مقاومت له امله نه و، بلکې د دغه سيمې خلکو (د پولې دواړو غاړو قومونو) له نور افغان ولس سره په مرسته درې ځله انګريزان، یو ځل شورويان او اوس يې امريکايان په ګونډو کړي دي.

له یوې خوا د ډيورنډ د تحميلي پولې پر دواړو اړخونو باندې پراته قومونه، یو له بل سره خپلوۍ، سوداګري او هر ډول راکړه ورکړه لري. آن تر دې چې یو-یو قوم د مصنوعي او تپل شوې پولې په واسطه دوې ټوټې شوی دی او له بلې خوا د افغان جهاد پرمهال پاکستانيان او افغانان تر پخوا هم سره نژدې شوي وو او یو بل ته يې د انصارو او مهاجرينو په سترګه کتل. مګر صليبي یرغلګر هېڅکله نه غواړي چې دوه مسلمان ولسونه دې یو له بل سره دومره نژدې شي. نو ځکه يې افغانانو ته د خاينو چارواکو او د غرب پر مالي ملاتړ رسنيو پر مټ پاکستان د دښمن په نوم ور وپېژانده. حال دا چې د پاکستان او افغانستان نظامونه دواړه ملي، د امريکا لاسپوڅي او د خاينو او ګوډاګيو مشرانو په واسطه رهبري کيږي. خو دا مسلمان ولسونه دي چې يو له بل سره یې د انصارو او مهاجرينو په توګه چلند کړی دی.

له همدې امله امريکا د شلو کلونو په اوږدو کې پراخه هڅه وکړه تر څو پاکستانيان او افغانان سره بېل کړي او هر يو ځان-ځان ته کافر هندوستان ته اړ کړي. له همدې امله يې د پاکستان خاين چارواکي له کشمير سره خيانت ته چمتو کړل او پاکستاني پوځ چې سياسي عقيده يې پر جهاد ولاړه وه، له کشمير څخه وزيرستان ته د خپلو مجاهدو وروڼو د ځپلو لپاره راووست او د کشمير مسلمانان يې د لاس تړلو اسیرانو په څېر د غوایانو د بندګانو ظلمونو ته پرېښودل. د دغو خاينو چارواکو په واسطه يې د پاکستان مسلمان پوځ دوو سترو ګناهونو ته وهڅاوه؛‌ لومړی، له کشميري اشغال شوې خاورې څخه لاس اخيستل او د هند تر اسارت لاندې مسلمانانو سره مرسته نه کول او دویم، په وزيرستان کې د خپلو مسلمانو او مجاهدو وروڼو وژل او ربړول. دا دواړه هغه ستر ګناهونه وو چې له یرغلګرو کفارو (امريکا او ناټو) سره د دوستۍ په پايله کې هغوی ترسره کړل.‌

بل پلو خاينو افغان چارواکو د امريکا او ناټو په لمسون ويل چې د «تروريزم» ځالې په پاکستان کې دي؛ نو ځکه يې ټول ډيورنډ پر اغزن تار بند کړ، چې تمويل او تطبيق یې د اشرف غني له حکومت سره په بشپړه همغږۍ خپله امريکا وکړ. دغه خيانت له یوې خوا په دواړو ولسونو کې د نشنلیزم پر بنسټ ناروا احساسات را وپارول، له بل پلوه یې افغانان او پر پوله پراته مجاهد اقوام له سختو کړاوونو سره مخ کړل؛ چې وروستۍ بېلګه یې د کرونا د ناورين له امله اووه مياشتې وروسته د پاکستان د وېزې اخيستو په موخه په جلال آباد ښار کې د لسګونه زرو خلکو راټولېدل او د هغوی لپاره ناسم انتظام د دې سبب شو چې تر لسو ډېرې مېرمنې ووژل شوې او سلګونه نور خلک ټپیان شول.

مګر بيا هم دا له پاکستان سره پر پوله د ستونزو پای نه دی. دغه پوله او نشلیستي یا ملت‌پال احساسات به مو همېشه دا ډول د غم په ټغر کېنوي. مریضان به مو پر لاره مري. د سوداګرو مالونه به مو فاسدیږي. مېوې او محصولات به د یو او بل تر مارکېټونو نه رسېږي. د خاينو چارواکو په دستور به مو سرحدي ځواکونه یو له بل سره نښتې کوي او یو او بل به وخت ناوخت په جاهلانه مرګ باندې وژني او ګوډاګي مفکرين به دا هر څه د خيالي هوايي دهلېزونو له لارې راباندې تحميلوي.

پورتني ناوړه جغرافیوي او سياسي واقعيت ته په کتو او له دې ترخې پېښې وروسته باید د دواړو اسلامي خاورو ولسونه دا درک کړي چې افغانان او پاکستانيان د يوې عقيدې وروڼه دي. کفار خپله ټوله هڅه کوي، ترڅو د دغه ورورګلوۍ مخه ونيسي. مګر دغه ورورګلوي باید ټينګه او لا پیاوړې شي، ځکه د اسلامي عقيدې غوښتنه ده. ناروا ملي مفکورې؛ ملي پولې، ملي ګټې، ملي بيرغونه باید پر واحد اسلامي بیرغ، د امت پر ګټو او د داراسلام او دارکفر پر پولو بدلې شي او دا هغه وخت ممکن کېږي چې د افغانانو جنګي او جهادي، د پاکستانيانو سیاسي او ټکنالوژيک ظرفیت د واحد راشده خلافت تر سيوري لاندې را ټول شي او دغه وحدت تر پاکستان او افغانستان اخوا منځنۍ آسيا هېوادونو، بنګلدېش او نورې اسلامي نړۍ ته پراخ شي.‌ دا مهال به موږ د دولت-ملت د کرغېړنې غربي مفکورې له اوسني ذلت څخه خلاص او د خپل تېر زرین تاریخ عزت او برم ته یو ځل بیا ورستانه شو. هغه مهال به د کشمیر آزادي خورا آسانه وي. اسرائیل به د نړۍ له سياسي نقشې د محوه کېدو شېبې شمېري او د هرې اسلامي خاورې مسلمان ولسونه به هڅه کوي، ترڅو له ټولو لومړی خپله خاوره له اسلامي نظام - د نبوت پر منهج راشده خلافت - سره یو ځای کړي.‌

د دغه موخې لپاره د امت تر ټولو ستر او سياسي حزب؛ حزب التحریر، ستاسو په منځ کې هم په پاکستان او هم په افغانستان کې دعوت کوي، د هغه ملاتړ وکړئ، ترڅو الله سبحانه وتعالی ستاسو ملاتړ وکړي او دا د الله متعال لپاره کوم ستونزمن کار نه دی.‌

و ما ذالک علی الله بعزیز!

سیف الله مستنیر

د حزب التحریر - ولایه افغانستان د مطبوعاتي دفتر رییس

د مطلب ادامه...

په تاجکستان کې اسلامي ویښتیا!

خبر

د اګيسټ په ۱۲مه د تاجکستان جنوبي سیمې (فانج) اوسېدونکو، پر سیمه ییزو چارواکو له دې امله لاریون وکړ، چې د حجاب او ږيرې پر ضد راوپورته شوي وو. لاریون والو له سیمه ییزو چارواکو وغوښتل چې، پر ږېره لرونکو سړیو او حجاب لرونکو ښځو ژر تر ژره یرغل ودروي.

خلکو وویل: «څوک چې زموږ د مېرمنو لباس ته لاس اوږدوي او ږېرې مو په زور خريي، ملا يې ماتوو.»

د ځوانانو د سیاست ادارې رییس په فانج (د ګورنو بدخشان خود مختاره سیمه) کې  په یوه ويډیويي پیغام کې د یوې ځانګړې ډلې له جوړښت خبر ورکړ، چې ږېره لرونکي کسان پرې نږدي.

د فلم مسوول د خبرو په وینا: «د ږېرې اوږدول او  ډارونکي کول زموږ د ځوانانو لپاره ښه نه دي. زموږ  ځوانان ږېرې ته څه اړتیا لري؟ موږ یو ځل مخکې هم له ږېرورو ځورېدلي یو.»

تبصره

د تاجکستان په ښارونو، کلیو، عمومي ځایونو، سړکونو او د لېږد ـرا لېږد په عمومي ځایونو کې دغه ډول کړنې ترسره شوې دي. حجاب لرونکې ښځې او ږېره لرونکي ځوانان هلته نیول شوي او ټولې دولتي دستګاوې له یادو اسلامي صفاتو سره مبارزه کوي. له امنیتي چارواکو او د پولیسو له افسرانو نيولې تر پوهنې وزارت، د ښځو له کومېټې او د ځوانانو چارو تر کومېټې پورې داسې چلند کوي.

د امنیتي ځواکونو له روحي او جسمي فشار سره سره، خلکو د چارواکو پر ضد په ټول تاجکستان کې  لاریونونه  وکړل. په داسې حال کې  چې ډېر څه  شخصي و،  خو له دې سره  خلکو مخالفت وښود او په فانج سیمه کې دغه ډول کړنې ترسره شوې. خلک د خپل دین د دفاع  په موخه را پورته شول او د وېرې لاملونه يې با بېزه وګڼل.

دغه کړنه باید د تاجکستان ټولو بچیانو ته یو مثال وي چې له مېرمنو، خویندو، میندو او دين څخه يې ساتنه وکړه. د دولت د دین ستېزه کړنو او له اسلامي ارزښتونو د تاجکانو لیرې کولو پر وړاندې د خلکو درېدل دا ښيي، چې لا هم هلته اسلام ژوندی دی.  

په یاد ولرئ! د ۲۰۱۹م، په ژمي کې موږ ولیدل چې تاجکانو څرنګه د رحمانوف د رژیم پر وړاندې د ږېرې او حجاب د منع کولو په اړه درېځ څرګند کړ؛ وروسته يې ټولې نړۍ ته ویډیويي پیغامونه ولېږل او له هغوی څخه يې وغوښتل چې د رژيم د اسلام ضد سیاستونو پر وړاندې خپل لاریونونه جاري وساتي، هغه لاسپوڅی رژيم چې د خپلو بادارانو؛ غرب او روسیې په وسیله د خپلو ګټو د خوندیتوب په موخه جوړ شوی. داسې کسان له بېلا بېلو لارو وېروي او مخه یې نیسي؛ هغه کسان چې صادقانه له اسلام او د هغه له ارزښتونو څخه ننګه او دفاع کوي.

خو کله چې مسلمانان یوځای شي او  ټولیز عمل وکړي، جنایتکار رژیم پرېشانه کېږي او کوم ځواک نه ورته پاتې کېږي. الله سبحانه وتعالی فرمايي:

﴿إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ﴾

[آل عمران: 175]

ژباړه: دا یوازې شیطان دی چې تاسو له خپلو ملګرو وېروي، که تاسو مومنان وئ له هغوی څخه مه وېرږئ له ما ووېرېږئ.

لیکوال: فردوس سليمزودا

ژباړن: الهام پردېس

 

د مطلب ادامه...

پانګوال نظام بشریت ګواښي Featured

د سیکولرېزم ايډیالوژي افشا شوه، اسلام یې رښتینی بدیل دی

موږ په داسې وخت کې ژوند کوو چې درواغ، ناسم معلومات او بې اساسه تورونه، د ولسمشرانو او لومړي وزیرانو لپاره ډېر عادي دي او هره ورځ  د مهمو رسنیو له لوري په بې شرمانه توګه خپرېږي. 

د پېړۍ له پیل راهیسې د پانګوال نظام مشران او بانګدارن د جعلي استخباراتو او ناسمو مالي معاملاتو له امله افشا شوي دي او د ناقانونه جګړو او نړیوال مالي بحران لامل ګرځېدلي دي. په وروستیو کې لندن د پيسو مینځلو د اصلي مرکز په توګه په داسې حال کې ظهور وکړ، چې هر ځای له نظام څخه اغیزمن دی او د شتمنو کسانو ملاتړ کوي.

د کرونا ویرس پر وړاندې فاسد غبرګون له دوکې ډک دی. عادي وګړي غواړي پوه شي چې نامسووله او هغه مشران چې د ځان په خدمت لګيا دي، دوی ته کومه بدبختي رامنځته کوي.  دوی له لسیزو راهیسي له قدرت څخه ناوړه ګټې اخیستنې ته دوام  ورکړئ.

د پانګوال نظام ملاتړي په لاندې اصولو باور نه کوي: دوی باید د نورو لږ امتیاز لرونکو خلکو له لوري وڅارل شي. جانسن ګواښ وکړ چې لاسلیک شوي نړیوال تړونونه به مات کړي او همدارنګه ټرامپ ګواښ وکړ چې که د نوامبر ټاکني ونه ګټي نو د واک سوله ییز لېږد ته به زړه ښه نه کړي. د شتمنو او بېوزلو نظام ټوله نړۍ د ويجاړېدو پر لور یوه ناوړه سفر ته اړ کوي، چې یوه ډله یې پر بله اغیزه کوي او شتمن کسان به تر دې ډېره شتمني تر لاسه کړي.

دا هېڅ د حیرانتیا خبره نه ده چې خلک ډېر وېشل شوي او له بهرنیانو او مهاجرینو سره په ښکاره دښمني کوي. پانګوال نظام په هر ځای کې پاتې راغلی، د دوی پاپولیست مشران په ډېرې لیوالتیا سره د وخت پېرودلو لپاره هڅه کوي، د قربانۍ د ګډوري په لټه کې دي، په داسې حال کې چې دا نامعقول دی. په حقیقت کې په فرانسه کې میکرون اعلان کوي، چې هغه د اسلام له خوا ګواښل کېږي او دا یوه ستونزه ګڼي.

د دولت او رسنیو  ګډون خلک دومره ګمراه کړي، لکه د برېټانیا محافظه کار ګوند چې ډېری غړي په درواغو پر دې باور کوي؛ په هغه ځای کې چې مسلمانان اوسیږي غیر مسلمانان نه شي ورتللای. په خواشینۍ سره ډېرو خلکو ادعا کړې، چې دوی د اسلام له خوا ګواښل کېږي.

د پانګوال نظام تسلط پای ته رسيږي. الله سبحانه وتعالی یې ناکامي په ډاګه کړه. ناڅاپه د بدیل نظام په اړه ډېرې خبرې شته؛ ان د انګلستان حکومت هڅه کوي، چې په ښوونځيو کې پر هغو ادبیاتو بندیزونه ولګوي، چې پر پانګوال نظام نیوکه کوي.

اوس د مسلمانانو لپاره فرصت دی، چې نړۍ ته اسلام وړاندې کړي، تر څو د ټولو خلکو لپاره خپل عادلانه نظام روښانه کړي او هغوی ته مفصلې اقتصادي حلارې، سوله او امنیت چې یوازې د خالق له لوري نازل شوي او هغه نظام رامنځ ته کړي، چې  زړه او ذهن پرې قناعت کولای شي.

موږ تاسو ته بلنه درکوو چې د حزب التحریرـ انګلستان په انلاین نړیوال کنفرانس )د اسلامي نړۍ نظم راوګرځوئ( کې ګډون وکړئ.

ویناوال به لاندې موضوعات تر پوښښ لاندې راولي:

ـ له ناورغۍ څخه تر BLM پورې: بشریت په ډېر شدت سره د یو بدیل په لټه کې دی

ـ نوی اقتصاد ۱٪ خدمت هم نه کوي

ـ د خلافت نظام؛ د خلکو پاملرنه

ـ پر ځمکه د اسلامي رهبرۍ تاسیسول او زموږ مسوولیت

وخت: د ۲۰۲۰م، د اکتوبر ۳۱مه، د شنبې ورځ، د ګرنويچ په وخت د ماسپښين ۲:۰۰ بجې

دلته نوملیکنه وکړئ: https://bit.ly/HTBConferences2020

یحی نسبت

د حزب التحریرـ انګلستان مطبوعاتي استازی

 

 

د مطلب ادامه...

په هغه امام پسې لمونځ کول چې له شرابو او الکولو مخلوطو عطرو څخه استفاده کوي!

  • خپور شوی په فقهي

(ژباړه)

پوښتنه:

السلام‌علیکم‌ورحمت‌الله‌وبرکاته!

ښاغلی امیر صاحب!

موږ د حزب التحریر ځوانان، په زندان کې یوه ستونزه لرو، موږ په دې پوهېږو  چې هغه دارو او عطر مردار دي، چې له شرابو جوړ شوي دي. خو په زندان کې چې په کوم امام پسې لمونځ کوو، له همدا ډول عطرو استفاده کوي. دغه راز د داسې عطرو د حلال والي په اړه ځینې دلایل هم وړاندې کوي. موږ په دې کې شک لرو چې ایا په دغه امام پسې لمونځ وکړو او که نه؟ ښاغلی امیر صاحب! موږ واضیح ځواب ته اړتیا لرو او ستاسو د ځواب په تمه یو. جزاک الله خیر!

ځواب:

 وعليكم‌السلام‌ورحمة‌الله‌وبركاته!

له شک پرته په دغه امام پسې، چې له داسې عطرو استفاده کوي چې شراب او الکول پکې ګډ دي، سم دی. ځکه په هغه مسلمان پسې لمونځ روا دی، چې د حرامو مرتکب ګرځي، البته امام ګنهکاریږي. د لاندې دلیل پر اساس: بخاري له ابوهریره رضی الله عنه څخه روایت کړی، چې رسول الله صلی الله علیه وسلم وفرمایل:

«يُصَلُّونَ لَكُمْ، فَإِنْ أَصَابُوا فَلَكُمْ، وَإِنْ أَخْطَئُوا فَلَكُمْ وَعَلَيْهِمْ»

ژباړه: هغه څوک چې تاسو ته لمونځ درکوي، که یې ښه کار وکړ، ستاسو په ګټه دی او که یې ناوړه کار وکړ، ستاسو په ګټه او د خپل ځان په زیان به یې شي.

 "فلكم وعليهم" یعنې تاسو ته به د لمانځه اجر او هغه ته د ګناه سزا ورکړل شي.

مسلم له عبدالله بن صامت او هغه له ابوذر څخه رانقل کړي، چې رسول الله صلی الله علیه وسلم هغه ته وفرمایل:

«كَيْفَ أَنْتَ إِذَا كَانَتْ عَلَيْكَ أُمَرَاءُ يُؤَخِّرُونَ الصَّلَاةَ عَنْ وَقْتِهَا؟ - أَوْ - يُمِيتُونَ الصَّلَاةَ عَنْ وَقْتِهَا؟» قَالَ: قُلْتُ: فَمَا تَأْمُرُنِي؟ قَالَ «صَلِّ الصَّلَاةَ لِوَقْتِهَا، فَإِنْ أَدْرَكْتَهَا مَعَهُمْ، فَصَلِّ، فَإِنَّهَا لَكَ نَافِلَةٌ»

ژباړه: یعنې هغه وخت به په څه حال کې وې، چې پر تا داسې امرا حاکم وي، چې لمونځ ناوخته کوي. راوي وایي: ما ورته وویل: ماته څه هدایت کوئ؟ ویې فرمایل: لمونځ دې په وخت سره وکړه او که چېرې له هغوی سره یو ځای شوې بیا هم لمونځ وکړه، دا به ستا لپاره نفل شي.

د دې حدیث مانا دا ده، چې که چېرې ظالم حاکمان لمونځ په خپل وخت سره وکړي، تاسو یې هم پسې وکړئ، لمونځ مو صحیح کېږي.

باید په دې هم پوه شو چې حنفیانو او شافعيانو ویلي؛ چې په فاسق پسې لمونځ کول، که څه هم مکروه دی، خو صحیح دی او ګنهکار امام دی. په داسې حال کې چې خلک له دغه امام څخه ناراضه دي. لکه څرنګه چې ترمذي په خپل سنن کې له ابو امامه څخه حدیث روایت کړی، چې رسول الله صلی الله علیه وسلم فرمایلي دي:

«ثَلَاثَةٌ لَا تُجَاوِزُ صَلَاتُهُمْ آذَانَهُمْ: العَبْدُ الآبِقُ حَتَّى يَرْجِعَ، وَامْرَأَةٌ بَاتَتْ وَزَوْجُهَا عَلَيْهَا سَاخِطٌ، وَإِمَامُ قَوْمٍ وَهُمْ لَهُ كَارِهُونَ».

ژباړه: د دریو کسانو لمونځ د هغوی له غوږونو پورته نه ځي: تښتېدلی مرییه (غلام) تر هغه چې بېرته راوګرځي. هغه ښځه چې شپه په داسې حال کې سبا کړي، چې مېړه یې ورته په غوسه وي او هغه امام چې قوم یې ترې ناراضه وي.

که په داسې امام پسې لمونځ وکړې، چې ښه اعمال تر سره کوي او تقواداره وي، نو لمونځ دې فضیلت لري. که چېرې له داسې حالت  سره مخ شوې، چې په داسې امام پسې لمونځ وکړې، چې له شرابو مخلوطو عطرو څخه استفاده کوي، نو ستا لمونځ صحیح او ګناه د امام په غاړه ده. خپل امام ته مو نصېحت وکړئ. هغه عطر چې الکول ولري، لکه کالونیا او دې ته ورته نور حرام دي. د الکول لرونکو عطرو د حراموالي په اړه، دغه ځواب ورورسوئ، شاید الله تعالی هدایت ورته وکړي.

د الکول لرونکو عطرو په اړه باید ووایم، چې د شرابو حکم ورباندې کېږي. مسلم له ابن عمر رضی الله عنه څخه روایت کوي، چې رسول الله صلی الله علیه وسلم وفرمایل:

«كُلُّ مُسْكِرٍ خَمْرٌ، وَكُلُّ مُسْكِرٍ حَرَامٌ»

ژباړه: هر نېشه کوونکی شی شراب او حر ډول شراب حرام دي.

د ابو داود له روایت سره سم چې جابر بن عبدالله روایت کړي، چې رسول الله صلی الله علیه وسلم فرمایي:

«مَا أَسْكَرَ كَثِيرُهُ، فَقَلِيلُهُ حَرَامٌ»

ژباړه: هر هغه څه چې زیات یې نېشه کوونکي وو، کم یې هم حرام دي.

رسول الله صلی الله علیه وسلم هغه مایع تشریح کړه، چې شراب نومېږي: هر هغه څه چې زیات یا کم یې نېشه کوونکي وو، حرام دي. دلته مساله د مناط په څېړنې پورې اړه لري. پر دې د پوهېدو لپاره چې دغه عطر، کالونیا او یا هم هر څه، کم یا زیات یې، چې ایا د څښلو پر مهال نېشه رامنځته کوي او که نه؟ نو که چېرې نېشه کوونکي وو، شراب دي او د شرابو احکام ورباندې پلي کېږي. دغه راز د هغه حدیث پر اساس چې حاکم په خپل مستدرک کې بیان کړی، شراب په لسو حالتونو کې حرام دي. عبدالله بن عبدالله بن عمر او هغه له خپل پلار څخه روایت کړی، چې رسول الله صلی الله علیه وسلم وفرمایل:

«لَعَنَ اللَّهُ الْخَمْرَ، وَلَعَنَ سَاقِيهَا، وَشَارِبَهَا، وَعَاصِرَهَا، وَمُعْتَصِرَهَا، وَحَامِلَهَا، وَالْمَحْمُولَةَ إِلَيْهِ، وَبَايِعِهَا وَمُبْتَاعَهَا، وَآكِلَ ثَمَنِهَا»

ژباړه: الله تعالی پر شرابو، ساقي، شرابي، تولید کوونکي، کارونکي، لېږدونکي، پلورونکي، پېرودونکي او همدارنګه پر هغه کس هم لعنت ویلی، چې له پیسو یې ګټه اخلي.

په مایعاتو کې د الکولو د ګډالي په اړه پوهان وایي، چې دغه مایعات عینې لکه شراب نشه رامنځته کوونکي دي. رسول الله صل الله علیه وسلم وفرمایل: «كل مسكر خمر وكل خمر حرام» (رواه مسلم) یعنې نېشه رامنځته کوونکي حرام دي. نو پر الکول لړلو عطرو هم د شرابو حکم پلی کېږي.

ای: یو ځل بیا ټینګار کوم، چې دغه کار باید په سمه توګه او حکمت سره تر سره شي. که یې لاره ومونده نو ښه به وي او که چېرې یې په بې ځایه دلیلونو استدلال کاوه، نو ستاسو لپاره همدا نصېحت کافي دی او تاسو مو اجر تر لاسه کوئ! انشاءالله!

ستاسو ورور عطاء بن خلیل ابوالرشته

ژباړن: حبیب الله حبیب

د مطلب ادامه...

هر څوک دې د خپل وس په کچه دعوت وکړي

  • خپور شوی په فقهي

پوښتنه:

السلام‌علیکم‌ورحمت‌الله‌وبرکاته!

زموږ قدرمن امیر صاحب! له تانه دا پوښتنه کوم چې زه اسلامي دولت د تاسیس لپاره وس نه لرم، نو په دې برخه کې زما رول او مکلفیت څه دی؟ زه د ځواب په تمه یم، له تا نه لارښوونه غواړم، زه حیران یم، نه پوهېږم چې له چا سره شم؟ ستا دې په الله سبحانه وتعالی قسم وي چې زه څه کار وکړم؟

ځواب:

وعلیکم‌السلام‌ورحمت‌الله‌وبرکاته!

ګرانه وروره! الله سبحانه وتعالی هر کس ته د خپل وس په اندازه تکلیف ورکړی. د دعوت رسوونې په برخه کې د خلکو کړنې، توانایي او عملونه توپیر لري. همدارنګه وګړي په علمي او فکري او د حکمت رسولو په مسایلو کې هم توپیر لري. دا هغه مسایل دي چې په بشریت کې دا سې څه نه وو او له شک پرته تکلیف د وس او استطاعت په اندازه دی. څنګه چې دغه مسله په قران کریم او د رسول الله صلی الله علیه وسلم په حدیثونو کې ذکر شوې ده.

الله سبحانه وتعالی فرمایلي دي:

 (لا یكلِّفُ اللَّه نفْسًا إِ لَا وُسْعها)

ژباړه: الله سبحانه وتعالی هېچا ته له خپل وس پورته تکلیف نه دی ورکړی.

 (لا یكلِّفُ اللَّه نفسا الا ما آتاها)

ژباړه: الله سبحانه وتعالی ټولو نفس لرونکو موجوداتو ته د خپل وس او توان په اندازه تکلیف ورکړی دی.

رسول الله صلی الله علیه وسلم فرمایلي دي:

«لا تحْقِرن مِنْ الْمعْرُوفِ شیئا و لوْ أنْ تلْقى اخاك بِوجْهٍ طلْق»

ژباړه: د خیر او معروف هر کار کوچنی مه شمېرئ؛ حتا دا چې په ورین تندي له خپل ورور سره چلند کوئ.

دغه حدیث مسلم روایت کړی دی.

همدارنګه رسول الله صلی الله علیه وسلم فرمایلي دي:

«بلِّغُوا عنّی و لوْ آیةً»

ژباړه: تبلیغ وکړئ، که د یو ایه په اندازه هم وي. (دغه حدیث بخاري روایت کړی دی)

زین بن ثابت له رسول الله صلی الله علیه وسلم څخه روایت کړی چې هغه صلی الله علیه وسلم فرمایلي:

«نضراللَّه امْرأً سمِع مِنا حدِیثا فحفِظهُ فبلغهُ، فرُب حامِلِ فِقْهٍ لیس بِفقِیهٌ»

ژباړه: د هغه چا پر حال خوښي پکار ده چې حدیث اوري او هغه حفظوي او وروسته هغه نورو ته رسوي، ډېر کسان دي چې فقه لېږدوي، په داسې حال کې چې خپله فقیه نه دي. (دغه حدیق طبراتي روایت کړی دی)

نو ګرانه وروره! لازمه ده چې د خپل وس په اندازه په معروف امر وکړې او هغه څه چې منع شوي، ترسره نه کړې. شونې ده چې یو ایت او یا دوه ایتونه تبلیغ کړې. دا شرط نه ده چې د قرانکریم او سنتو شریفو د حافیظینو له ډلې وو. له الله سبحانه وتعالی څخه مرسته وغواړه او پر الله توکل وکړه. الله سبحانه وتعالی له صالحینو سره مینه لري.

ستاسو ورور عطاء بن خلیل ابو الرشته

ژباړن: بهیر «ویاړ»

د مطلب ادامه...

اروپایي وزیر یوازې پر مسلمانانو غږ وکړ چې فحشا ته مخه کړي

خبر

مېټیس ټسفیې (Mattias Tesfaye ) د ډنمارک د همبستګۍ وزیر د اکتوبر په درېیمه د شنبې په ورځ، په خپله فېسبوک پاڼه لیکلي وو: «تېره ورځ ما او د مذهبي چارو وزیر د لویو اسلامي ټولنو له امامانو سره غونډه درلوده. دوی ته مې په مستقیم ډول وویل چې په عام محضر کې ووایي؛ چې مسلمانې ښځې هم د نورو ښځو په څېر له واده کولو مخکې د ناروا جنسي اړیکو لرلو حق لري.» 

تبصره

حقیقت دا دی چې دا د غرب د فرهنګ او ازادو ارزښتونو ډېره بې حیایي ده چې د یوه پرمختللي، عصري او متمدن هېواد وزیر داسې بې ارزښته او سپکې خبرې کوي. په مستقیم ډول د ډنمارک د یووالي وزیر غواړي د دې پر ځای چې خپل خلک اسلامي فرهنګ ته راوبولي، مسلمانان له خپل حلال حق څخه حرامو (زنا) ته راوبولي.

 اسلام ټول بشر ښځې او نر دې ته رابولي، چې یو له بل سره ښه ټولنیز ژوند وکړي، پاکلمني، ابرومندي او احترام په یوه اسلامي ټولنه کې د انسان لپاره شرافتمندانه صفتونه دي، چې باید هر مسلمان نر او ښځه یې په ځان کې ولري او د دوی تر منځ کوم توپیر هم په دغه برخه کې نشته. اسلام د ښځو د احترام په خاطر هغوی ته ځانګړي خصوصیات او ارزښتونه ورکړي، لکه د شرم کول، پاکلمني او احترام.

دې ته اروپایي فرهنګ نه ویل کېږي، چې لویديځ سیاسیون غواړي په زور سره مسلمانان ذلیل کړي. د مي ټو جنبش د جنسې ځورونې اندازه مشخصه کړه. ناوړه ګټه اخیستنه او ښځو ته په سپکه سترګه کتل یې په اروپا او غرب کې په ډاګه کړل، چې د دغه کړنو یو ښکاره دلیل دی. د لویدیځ فرهنګ له ښځو سره د ناوړه چلند او ناوړه ګټې اخیستنې پر اساس باید ولیکل شي. لویدیځې رسنۍ هڅه کوي، تر څو په درواغو او تبلیغاتو سره د اسلام پر ضد تبلیغات وکړي، چې د دوی له ښځو سره د زیاتي کولو له فرهنګ څخه د خلکو پاملرنه واړوي، خو دغه ناوړه حالت اوس هم په هر غربي هېوادونو کې روان دی.

دا باید ثبت کړل شي، چې د غربي ټولنې په هر کونج کې د ښځو پر وړاندې تاوتریخوالی بیخي عام شوی دی. د امریکا په ځینو سیمو کې په هرو دوو دقیقو کې جنسي تېری کېږي. په ۲۰۱۸م کال کې چې کله په ملي کچه په امریکا کې د جرمونو د کچې په اړه څېړنه وشوه، د امریکا د عدالت ګوند له قوله په اوسط ډول په کال کې 433,648  تنه د جنسي تېري ښکار ګرځي.

د ښځو پر وړاندې تاوتریخوالی د اروپایي فرهنګ طبعي پایله ده. له همدې امله دوی له ښځو سره خیانت کوي، ناروا جنسي اړیکې ورسره نیسي او کورنۍ له منځه وړي. خو دغه کړنې له مسلمانانو سره نه ښایي، ځکه موږ د خپل شخصیت له لاسه ورکول او دنمارکي فرهنګ ته تسلیمېدل نه شو قبلولای.

مسلمانانو ته پکار ده چې دوی پخپله د دغه فرهنګ له ناوړه ګټې اخیستنې او د ښځو له دغو ناوړه نظریاتو څخه ځانونه لیرې وساتي. موږ باید په کلکه ځانونه له غربي سیاسیونو څخه لیرې وساتو، ځکه دوی غواړي چې د مسلمانانو شخصیت، ژوند، فرهنګ او د ژوند قوانین ورته تغیر کړي او خپلو ناروا غوښتنو ته ورسېږي.

د دوی لپاره همدغه بس ده، دوی په دې مغرور دي، چې کولای شي مسلمانان له خپلو ارزښتونو څخه منع کړي، خو هېڅکله به هم داسې ونه شي کړای.

د حزب التحریر مرکزي مطبوعاتي دفتر ته

لیکوال: تیم الله ابو لبان

 

 

د مطلب ادامه...

موږ ستاسو له توقیفونو څخه نه وېرېږو او تاسو د خلافت دولت د تاسیس مخنیوی هم نه شئ کولای! Featured

  • خپور شوی په ترکیه

د ۲۰۲۰م، د سپټمبر په ۲۲مه په انټالیا کې د امنیت ریاست، د حزب التحریر ۱۴غړي ونیول، ۸ ورځې وروسته یې د ناحق توقیف په پای کې محکمې ته ولېږل، چې د ۱۱ غړو پر زنداني کولو یې پرېکړه وکړه او همدارنګه ۲ تنه یې په مشروط ډول خوشي کړل. دغه راز یو بل بیا د عامه څارنوال په غوښتنه خوشې شو. په دې اړه د حزب التحریرـ ولایه ترکیه مطبوعاتي دفتر دریځ په لاندې ډول دی:

حزب التحریر یو سیاسي حزب دی چې ايډیالوژي یې اسلام او فعالیتونه یې فکري او سیاسي دي. هېڅکله زور زیاتي او تاوتریخوالي ته ژمن نه دی، چې دا یې په خپلو فعالیتونو، خپرونو او اعلامیو کې په ډاګه کړي دي. چا چې د ترهګرۍ ضد قانون لوستی وي، پوهېږي چې د هر ډول زور زیاتي، تاوتریخوالي، ظلم، ډار او ترهګریزو ډلو لپاره شرایط شته، تر څو ترهګریز سازمان وبلل شي. د پوهېدو لپاره یې یوازې سالم عقل کافي دی او اړتیا نشته چې یو څوک دې فقیه وي. دغه راز هغوی په دې پوهېږي چې حزب التحریر د تاوتریخوالي او دښمنۍ لار نه غوره کوي.

د ترهګریزو سازمانونو په فهرست کې د حزب درجه بندي کول، په بېلا بېلو تورونو یې د غړو نیول، د دوی نا عادلانه محکمه او نور نه یوازې عجیب دي، بلکې دا د دوی ناوړه ارادې ښيي. حزب التحریر خپل بېلا بېل فعالیتونه لکه؛ کنفرانسونه، غونډې، لاریونونه، مطبوعاتي کنفرانسونه او همدا راز سیاسي تحلیلونه وړاندې کوي، چې د مسلمانانو ګټې په نظر کې نیسي. دا ټول فعالیتونه نه یوازې له زور زیاتي او تاوتریخوالي خالي دي، بلکې ټول هغه ترهګریز فعالیتونه غندي، چې د مسلمانانو پر وړاندې پېښېږي. دغه راز د مسلمانانو د وینو، ناموس او پيسو ساتونکي دي. پر دې سربېره حزب التحریر د ترهګریز سازمان په توګه طبقه بندي کول، په څرګنده توګه ښيي چې ټوله مساله یوه سیاسي مساله ده نه فقهي.

د اساسي قانون محکمې د حزب التحریر اړوند انفرادي غوښتنې و ارزولې او پرېکړه یې وکړه، چې د دوی په قضیو کې له حق څخه سرغړونه شوې ده او په ډاګه یې کړه چې د حزب التحریر په محکمه کې وړاندې شوي شواهد کافي نه دي، چې په دې سره د حزب التحریر ځینې غړي خوشې او پر محکمو یې بیا غور وشو.  فرعي محاکمو د اساسي قانون د محکمې له پرېکړې سره مخالفت وکړ، چې دا په قضايي سیسټم کې په ښکاره ډول د قانون وضعیت په ډاګه کوي. د اساسي قانون محکمه تر ټولو لوړ قضايي مقام دی، چې د هغې د شتون قانونيت باید وڅېړل شي، چې ایا پرېکړه یې اغیزمنه ده! که فرعي محکمې د حزب التحریر د نیول شوو غړو پر وړاندې حکم صادر کړی وي، د اساسي قانون محکمه به خپله پخوانۍ پرېکړه او قانون تکرار کړي، چې دا محکمه د دې  غړو حقونه تر پښو لاندې کوي. له دې امله د دې شبابو نیول او زندانونو ته یې اچول، سربېره پر دې چې د پروسې د پړاو په اړه پوه دي، له فقهي اړخ سره هېڅ اړه نه لري او د کوم فکري منطق له مخې توضیح کېدلای هم نه شي. له همدې امله دا یوازې د مخلصو مسلمانانو پر وړاندې ژوره کرکه څرګندوي.

په پای کې موږ وایو؛ کله چې حزب التحریر یاد شي، نو خلافت د هغې تر څنګ یادېږي، که د خلافت یادونه وشي، حزب التحریر یې تر څنګ یادېږي. حزب التحریر د اسلامي هېوادونو د یووالي، شتمنۍ، ځواک، خپلو پولو او د یوه دولت تر چتر لاندې، د خپل لښکر لپاره کار کوي، چې هغه د نبوت پر منهج راشده خلافت دی. د حزب التحریر پر وړاندې خنډونه جوړول، له خپلې موخې د دوی اړول او له منځه وړل، په حقیقت کې د حق لارې خلافت دولت، د تاسیس پر وړاندې د خنډ جوړولو په مانا دی. هغه څوک چې غواړي  راشده خلافت بیا د اسلامي امت برخه نه شي، دوی بیا یوازې د ښکېلاکګرو  په لاسونو کې وسلې کېدلای شي. دوی پرېږدئ چې پوه شي د خلافت دولت بېرته راستنېدل، د حق او خوښۍ خبره ده او تاسو نه شئ کولای چې پر وړاندې یې خنډ وګرځئ. دا یو مسوولیت، شرعي حکم  او موجود واقعیت دی چې ماتې نه خوري.  

د حزب التحریرـ ولایه ترکیه مطبوعاتي دفتر

 

 

د مطلب ادامه...

راتلونکی خلیفه به د متعصم په څېر، زموږ د لوڼو او خویندو عزت او عفت وساتي Featured

الله سبحانه وتعالی په اسلام کې زموږ د لوڼو او خویندو حیثیت او مقام ډېر لوړ بللی دی. په داسې حال کې چې اوسمهال له بده مرغه د حسینې د ناوړه سیکولر رژیم تر چتر لاندې، د جنسي تيري ښکار ګرځېدلې دي. د بنګله دېش د محصلینو لیګ (BCL) د سیلهیت MC کالج په لیلیه کې، چې یو سیاسي سازمان دی، څو کسانو پر یوه مېرمن په داسې حال کې  ډله ییز جنسي تيري کړی، چې مېړه یې په رسۍ تړلی و، دا یوه زړه بوږنوونکې پېښه ده او دغه ظالم رژيم یې پټه ساتي. دغه جنایتکاران له ډېرو کلونو راهیسي د رژیم له لوري په امن کې ساتل کېږي، تر څو خلکو ته د وېرې ډک چاپېریال رامنځ ته کړي. کوم جرمونه چې دوی تر سره کوي، په پای کې د د رژيم د قضاییه قوې له لارې، له دې ځای څخه تېښته کوي. د بنګله دېش رژیم غله زموږ د زیانمنو مېرمنو له عزت او عفت څخه سرغړونه کوي، په داسې حال کې چې قضاییه قوه مجرمین پرېږدي. نو یوازې جنسي تېري کوونکي BCL نه شي کولای د دې جرمونو مسوول وګڼو، ځکه چې همدا جنایت کار رژيم له کلونو کلونو راهیسي د دوی باور پیاوړی کوي، تر څو جرمونه ترسره کړي. نو دا د حیرانتیا خبره نه ده چې کله یو رژیم  له مجرمینو او غلو څخه تشکیل شوی وي، د حق ویلو په تور د حزب التحریر مخلص فعالین د کلونو کلونو لپاره په زندانونو کې اچوي، خو مجرمین له ځنډ پرته ازادوي چې  بېرته خپلو ناوړه کارونو ته دوام ورکړي.

اې خلکو، هر څومره چې تاسو ناوړه سیکولر رژیم او خوښۍ یې وزغمئ، همداسې به زموږ ښځې په امن او خوندي چاپېریال کې تګ راتګ نه شي کولای. راځئ چې یوازې پر جنسي تېري کوونکو خپله انرژي ونه لګوو، ځکه چې اصلي ستونزه دا نه ده، بلکې دا د اوږد مهاله ستونزې یوه نښه ده، چې هغه سیکولر ډموکراټیک نظام دی، چې په مسلسله توګه د جنسي تېریو او مجرمینو تولید او ساتنه کوي. نو، له دې رژیم څخه د عدالت غوښتنه کول هېڅ ګټه نه لري، د دې پر ځای هڅه کوي تر څو موږ د جنسي تيري له کلتور سره عادت کړي، چې د همدې لیګ د جنسي تېري کوونکو کچه یې ورځ تر بلې لوړېږي.

اې خلکو، له دې ناورین څخه د وتلو اصلي لاره دا ده، چې په نظامي ځواک کې خپلو مخلصو ملګرو او د کورنۍ غړو ته دعوت ورکړئ، تر څو دا جنایت کار سیکولر رژیم له منځه یوسي، دوی باید ژر تر ژره حزب التحریر ته نصرت ورکړي، تر څو زموږ اصلي ډال ـ د نبوت پر منهج دویم راشده خلافت تاسیس کړي، چې زموږ  د میندو او لوڼو عزت او عفت خوندي کړي. افسران دعوت کړئ، تر څو داسې کار وکړي لکه څنګه چې صالح خلیفه متعصم د یوې ځوانې یتیمې نجلۍ ژړا ته ځواب ورکړی و، چې د رومي سرتېرو له لوري یې سپکاوی شوی و، متعصم یو غښتلی نظامي ځواک ولېږلو او په مالتا کې یې د رومن یوه مهمه اډه فتح کړه چې یوازې د دې مسلمانې له عزت څخه دفاع وکړي. د تاریخ په اوږدو کې، خلافت تل زموږ د خویندو او لورګانو د عزت ساتلو ډال و. دا د دوی مسوولیت و چې د رسول الله صلی الله علیه وسلم لاره تعقیب کړي، چې د بنو قینقا قبایلو پر وړاندې یې خپل وسله وال ځواک ولېږلو، هغه یې محاصره او بیا یې له خپلې خاورې څخه وشړل تر څو د یوې مسلمانې مېرمنې د عزت ساتنه وکړي. هغه ښځه چې د یوه یهودي له لوري یې سپکاوی شوی و، نو راځئ چې له مخلصو مسلمانو وسله والو څخه وغواړو، چې زموږ د لوڼو او خویندو پر وړاندې تاوتریخوالی پای ته رسولی شي. رسول الله صلی الله علیه وسلم فرمايي:

«وَاللَّهِ لَيُتِمَّنَّ هَذَا الأَمْرَ حَتَّى يَسِيرَ الرَّاكِبُ مِنْ صَنْعَاءَ إِلَى حَضْرَمَوْتَ، لاَ يَخَافُ إِلاَّ اللَّهَ أَوِ الذِّئْبَ عَلَى غَنَمِهِ‏»(صحیح البخاري)

ژباړه: ... ولاچې الله سبحانه وتعالی به دغه دین (اسلام) بشپړوي او پای ته به یې رسوي؛ تر هغه ځایه پورې چې یو مسافر له صنعا څخه تر حضر الموت پورې ځي او د الله سبحانه و تعالی او د پسونو لپاره یې د لېوه له ډار پرته له بل هېڅ شي څخه وېره ونه لري.

د حزب التحریرـ ولایه بنګله دېش مطبوعاتي دفتر

 

د مطلب ادامه...

په تفصیلي ډول د تبرج واقعیت

  • خپور شوی په فقهي

پوښتنه:

السلام‌علیکم‌ورحمت‌الله‌وبرکاته!

ښاغلی شیخ صاحب! یوه پوښتنه لرم، هغه دا چې کله ښځې عامه ځایونو ته ځي او خپل مخ پر مکیاج سره پټوي، نو ایا دغه ښځې د تبرج په اصطلاح کې شاملې دي؟ په شریعت کې د انوثیت مانا څه ده؟

وعلیکم‌السلام‌ورحمت‌الله‌وبرکاته!

ځواب:

دواړه پوښتنې دې یوه مساله ده، نو دواړو ته یو ځواب ورکوم. پخوا مو څو ځلې د تبرج پوښتو ته ځوابونه ورکړي وو، چې دلته یې د ۲۰۱۶م، د اکتوبر ۹مې ځواب رانقلوم، انشاءالله همدا به بسنه وکړي.

مخکې له دې چې د دغې مسالې تفصیلي ځواب ته ورشم، په اړه یې ځينې موارد بیانوم، چې د اجتماعي نظام، (ښځې ته کتل) په باب کې په تفصیل سره بیان شوي او دلته یې لویې کرښې رانقلوم:

عامه ځایونو ته چې کله ښځه راوځي، باید شرعي لباس؛ جلباب واغوندي، خپل عورت پټ کړي او تبرج ونه کړي.

له مخ او د لاسونو له مخونو پرته د ښځې ټول بدن عورت دی او د عورت لوڅول ورته حرام دي، دغه راز دا مساله په توجه جلبولو نه مقیدیږي. په دې مانا چې که د ښځې عورت د نر توجه جلب کړي او که نه، ښځې ته د عورت لوڅول حرام دي.

تبرج په لغت کې سړیو ته د ښځې د زینت ښکاره کول دي. په عربي کې راغلي دي: تبرج بېګانه وو ته د ښځې د زینت ښکاره کولو دي او دا یو ناوړه عمل دی. خو خپلو مېړونو ته یې زینت ښکاره کول ناوړه او حرام عمل نه دی. په قاموس المحیط کې راغلي (تبرجت)؛ یعنې ښځې خپل زینت خلکو ته وروښود... . په مختار الصحاح کې راغلي: خکلو ته د ښځې ښکلا او زینت ورښودولو ته تبرج وایي. په مقاییس اللغه کې راغلي: تبرج د ښکاره کولو په مانا دی. تبرج د ښځې هغه ښکلا ښکاره کول دي، چې د «اظهار» او  «ښکاره او ظهور» له کلمې څخه پېژندل کېږي. یعنې په تبرج کې لازمه ده، چې د ښځې زینت توجه جلب کړي. داسې لکه، زینت چې د سړي  لپاره نندارې ته وړاندې کړي، نو په دغه ډول یې شرعي مانا هم له لغوي مانا سره یو شی ده. الله سبحانه وتعالی فرمایلي دي:

﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾

(النور: 31)

ژباړه: باید پښې پر ځمکه په داسې ډول ونه وهي، چې خلک یې پر پټ زینت پوه شي.

نو باید ښځه په زوره پر ځمکه پښه ونه وهي، چې د زینت غږ یې واورېدل شي او سړی پر دې پوه شي، چې پر پښه یې پایزیب یا کوم بل زینت دی. تبرج په لغت او شریعت کې د ښځې د زینت ښکاره کېدل دي، چې ولیدل شي، نه یوازې زینت.

تبرج د هغه زینت ښکارېدنې په مانا دی، چې نور یعنې پردي خلک یې وویني او دغه مساله د عورت له پټولو سره توپیر لري. ځکه د عورت لوڅول حرام دي، که یې څوک وویني او که نه. تبرج یوازې زینت ته نه وایي او دا باید ووایم چې یو عادي زینت دی، چې د خلکو د توجه لامل نه ګرځي او دا زینت ښځو ته روا دی او بل هغه زینت دی، چې د خلکو د توجه جلبولو لامل ګرځي، چې همدا زینت د تبرج په نامه یادیږي او حرام دی. دغه راز تبرج په دوو حالاتو کې رامنځته کېږي:

د ښځې د بدن پر مباح برخه زینت؛ یعنې هغه غړي چې عورت نه دي. لکه د لاسونو مخونه، مخ او جامې او دا په داسې حال کې دي، چې د خلکو د توجه جلبولو لامل ونه ګرځي.

د ښځې پر نامباح غړي زینت، پرته له دې چې عورت لوڅ کړای شي؛ مثلاً، کله چې ښځه خپل مړوند په دست بند او یا بل کوم څه زینت کړي او کله چې دغه ښځه خپل لاس وښوروي، نو خلک پرې پوه شي د دغه ښځې لباس زینت شوی، نو دا بیا په تبرج کې راځي. دغه راز که چېرې د دغې ښځې لاس پټ هم وي بیا هم تبرج دی.

خو که چېرې د ښځې پر مباح غړي داسې زینت و، چې د خلکو پام یې ځانته رااړاوه، نو دا هم تبرج ګڼل کېږي او حرام دی. یعنې په داسې ډول، چې کله ښځه د سړیو تر څنګ تېره شي، د سړیو توجه د هغې ښځيتوب ته ورواوړي او که وروانوړي بیا تبرج نه ګڼل کېږي. پر دې مسالې پوهېدل کوم ستونزمن کار نه دی، ځکه په ښځو کې د ښځیتوب او نر کې د نارینه نښې ډېرې واضح دي، ښځه او نر یې ښه پېژني او پر دې هم پوهېږي، چې ایا دغه زینت د توجه جلبولو و او که نه. په ځانګړي ډول ښځه؛ ځکه ښځه پر دې ښه پوهېږي، چې زینت یې عادي دی او که غیر عادي؟ ایا د سړیو توجه جلبولی شي او که نه؟

خو د غیر مباح غړي زینت، پرته له دې چې عورت ښکاره شي؛ دا داسې دی لکه ښځه چې په خپله پښه پایزیب ټینګ کړي او د تګ پر مهال پښه په داسې ډول پر ځمکه ووهي، چې خلک یې د پایزیب اواز واوري او پرې پوه شي، نو دا ډول عمل تبرج ګڼل کېږي او حرام دی. که څه هم د ښځې پښه په دغه حالت کې پټه وي.

د پورته مطالبو له بیانولو وروسته، ستاسو د پوښتنې د ځواب جزیاتو ته ورځم:

د ګوتیو په ګوته کولو سینګار په اړه باید ووایم؛ که چېرې ګوتیې په داسې ډول وي، چې د چا توجه نه جلبوي، نو پروا نه لري، خو کله کله داسې ګوتیې هم وي، چې ځلیږي او یا شرنګهار کوي او د خلکو پام ځانته رااړوي، نو په داسې حال کې یې کارول حرام دي. دغه راز کله کله ښځې داسې غوږولۍ او یا نور څه کاروي، چې د خلکو پام ځانته رااړوي.

له جلباب څخه بیرون د غاړکۍ پر غاړه کول، که توجه جلب کړي او که نه روا نه دي. ځکه له جلباب څخه موخه دا ده، چې داخلي زینت پټ کړي. دغه راز دا هم روښانه ده، چې غاړکۍ د غاړې سینګار دی او غاړه پخپله عورت ده او دا لازمه ده، چې عورت تر جلباب لاندې پټ شي. که ښځه غاړکۍ اچوي، باید په جلباب کې یې پټه کړي.

کله چې د لاسونو پر بازوګانو او مړوندونو په داسې ډول د سینګار توکي تړل کېدل، چې که لاسونه وښوروي غږ یې پورته کېږي، نو دغه ډول سینګار بیا تبرج ګڼل کېږي او حرام دی. 

جلباب هغه جامه ده، چې د ښځې جامې او زینت پټوي. یعنې پخپله جلباب د زینت ځای نه دی، نو پر جلباب برسېره زینت روا نه دی.

د ښځې سترګې تورول د خلکو نظر نه راجلبوي؛ ځکه رانجه د سترګو په داخل کې وي او که ښځه رنګ په سترګو او یا له سترګو پورته ځای باندې وموښي، نو نظر راجلبوي.

دغه راز که ښځې خپل مخ پاک کړ او چرک ترې لیرې شو او یا هم که یې پر مخ باندې ځواني دانې وي او د مخ په پاکولو سره یې د مخ ښکلا څرګنده شوه او دا یې د مخ عادي حالت و، نو توجه نه راجلبوي. خو که یې پر مخ رنګ وموښه، دا بیا نظر راجلبوي. دغه راز د نظر په جلبولو کې د اوسېدو ځای توپیر لري. لکه: په کلي او ښار کې ژوند کول. مهمه دا ده؛ هغه زینت چې په غیر عادي ډول وي او په داسې یوه سیمه کې وي، چې هلته توجه جلبوي، نو دا زینت بیا تبرج ګڼل کېږي.

په پای کې باید ووایم: د عادت له مخې ښځه پر دې پوهېږي، چې زینت یې د سړیو توجه راجلبوي او که نه؟ یعنې د هغه زینت پېژندل ستونزمن کار نه دی، چې توجه جلبوي او ښځې په خپل احساس سره دغه مساله درک کوي. مسلمانه او تقوا داره ښځه یوازې له حرامو نه، بلکې له هغه څه هم ځان ساتي، چې شک پکې وي. ځینې صحابه وو له ځينو مباحاتو ځان ساته، ځکه ډېر داسې مباحات شته، چې حرامو ته نیږدې دي. رسول الله صلی الله علیه وسلم فرمایلي دي:

«لَا يَبْلُغُ العَبْدُ أَنْ يَكُونَ مِنَ المُتَّقِينَ حَتَّى يَدَعَ مَا لَا بَأْسَ بِهِ حَذَراً لِمَا بِهِ البَأْسُ»

ژباړه: هغه څوک متقي دی، چې د حرام له وېرې ډېر مباحات هم پرېږدي. (دغه حدیث ترمذي استخراج کړی او ویلي یې دي، چې حسن دی.)

هیله ده چې دغه ځواب به ستاسو لپاره بسنه وکړي. الله سبحانه وتعالی له ټولو دا او باحکمته دی.

ستاسو ورور عطاء بن خلیل ابوالرشته

ژباړن: حبیب الله حبیب

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې