(ژباړه)

د اردن امنیتي ځواکونو د ۲۰۱۸م د جنوري په پنځمه د حزب التحریر له لوري له قدس، الاقصی او ټول فلسطین څخه د ملاتړ په موخه د اردن په پلازمېنه عمان او رصیقه ښارونو کې جوماتونو ته څېرمه د لاریونونو مخه ونیوله. د خلکو د لاریونونو ډګرونه د امیتي ځواکونو له لوري پر نظامي زندانونو بدل شول او د دغه هېواد امنیتي ځواکونو د نوموړي حزب درې غړي د «نزال» جامع جومات مخې ته ونیول او د حزب د نورو غړو په نیولو پسې ووتل.

له دې سره سره امنیتي ځواکونو خبریالانو او انځور اخیستونکو ته د دې پېښې د پوښښ اجازه ور نه کړه او ان د دوی د کمرو د اخیستلو هڅې یې وکړې، په ورته وخت کې یې د ځینو انځور اخیستونکو ارتباطي وسایل هم ضبط کړل.

حزب التحریرـ ولایه اردن له خپلو خلکو سره اوږه په اوږه په پوره ویاړ له دغو ځپلو، خنډونو او د اردن د حاکم رژیم له کمزوریو سره سره په ښکاره اعلانوي، چې د قدس، الاقصی مسجد او ټول فلسطین له ملاټړ څخه لاس نه اخلي او د دیني وجیبې د ترسره کولو او د قدس او الاقصی مسچد د دفاع لپاره د اسلامي پوځونو  له رابللو څخه نه تېرېږي او په خپل کار کې قاطع دي.

د اردن د رژیم دا ډول ځپل او خنډونه د دې ښکارندویي کوي چې له بیت المقدس او الاقصی څخه یې د ملاټړ ادعا دروغ ده او یوازې یو رسنییز او سیمه‌ییز لګښت دی.

د حزب التحریرـ ولایه اردن مطبوعاتي دفتر

ژباړن: شجاع