(ژباړه)

تېره ورځ د نازیح حمود په نامه ځوان، قاتل د ۱.۰۵ مېلیونه لیرو نغدې جریمې له ورکولو وروسته له بند څخه خوشې شو. دا په داسې حال کې ده، چې ددغه  هېواد لومړي وزیر ژمنه کړې وه، چې قاتل ته به جزا ورکوي. نو د یوه بې ګناه مسلمان د وژلو جزا یوازې پنځه میاشتې زندان دی؟!

موږ تر اوسه نه ده هېره کړې، چې د التقوی او السلام په نامه دوو جوماتونو کې یې د چاودنو له عاملینو سره څنګه معامله وکړه، ترڅو د سماحه او لحد په نمونو د استخباراتي مامورانو په جزا کې کمښت راولي.

مسلمان بندیان د ظالمو حکمتونو د ظلم او تیارو د زندان په کنج کې په کلونو کلونو هېر شوي دي، په داسې حال کې چې د مخدره توکو قاچاق وړونکي، کروندګر او سړي تښتوونکي، چې شمېر یې سلګونو ته رسېږي، تر اوسه حتی نیول شوي هم نه دي. کله به چې دولتي چارواکو غوښتل د هغوي د نیولو لپاره امنیتي طرحه جوړه کړي، طرحه یې په عادي توګه خنثی کېده او دولت به اعلان کاوه چې سرغړوونکو توبه وکړه!! اوس دولت وایي: «په لبنان کې هېڅ بې عدالتي نشته ده.»

او موږ یې په ځواب کې وایو: «له ټولو بې عدالتیو سره سره، بیا هم ټول ظلم او بې عدالتۍ یوازې پر بې ګناه مسلمان بچیو تپل کېږي؛ خو نور مجرمان له قانون څخه لوړ دي او د هغو فاسدو په حفاظت کې دي، چې دغه دولت رهبري کوي.»

«دوه‌ګونې ستندرده» پالیسي په ټوله مانا سره موږ ته ښکاره ده. مسلمانان د هېواد اکثریت و او اوس هم دي، خو که وغواړي دغه خوارۍ او سپکاوۍ پای ته ورسوي، دوی د قسم خوړلو رهبرانو له دروغجنو وعدو سره مخ کېږي.

نو ځکه زموږ ټول امید یوازې الله سبحانه وتعالی دی، چې موږ ددغو نظامونو له شر او بې عدالتیو څخه خلاص کړي، اسلامي امت فکري بیدارۍ ته ورسوي او حق ته په رسېدو کې مو ملاتړ وکړي او هغه عدالت د مسلمانانو په خاورو کې حاکم کړي چې د الله تعالی له لوري پر موږ نازل شوی دی.

شیخ ډاکتر محمد ابراهیم

د حزب التحریرـ ولایه لبنان د مطبوعاتي دفتر رئيس