(ژباړه)

خبر:

د ترکیې د پارلمان رییس، نعمان کورتولموش وویل: «کومه ټولنه چې د خپلې ټولوژنې عامل ته - چې په نړیوالو محکمو کې محاکمه کېږي- چک چک کوي، پخپله دغه ټولنه هم په دغې ټولوژنه کې شریکه ده. تاسو ته د ننګ ځای دی! » (سرچینه: فتیح مډیا، ۲۰۲۴م کال د جولای ۲۵مه)

تبصره:

په داسې حال کې چې د ۲۰۲۳ م کال د اکټوبر له ۷مې را وروسته پر غزه د یهودي رژیم بریدونه دوام لري او په پایله کې یې لسګونه زره ملکي وګړي وژل شوي دي. د اسراییلو لومړی وزیر بنیامین نتانیاهو د امریکا د کانګرېس د مشرانو په بلنه د کانګرېس ګډې غونډې ته حاضر شو. نتانیاهو په یاده غونډه کې شاوخوا یو ساعت خبرې وکړې او د هرې جملې په پای کې به یې د کانګرېس غړو تود هرکلی کاوه. ټولې نړۍ ته معلومه ده چې د غزې د بې ګناه وګړو د وژلو اصلي عامل امریکا ده، خو د نتانیاهو پر وړاندې د امریکا د کانګرېس دریځ دغه حقیقت تر پخوا ډېر ثابت کړ.

د ترکیې د پارلمان رییس «تعمان کورتولموش» چې د امریکا د دریځ په اړه خپل نظر بیان کړ، البته د پام وړ نظر دی. خو پوښتنه دا ده چې ایا د نوموړي دغه نظر د ترکیې د دولت له اقداماتو سره چې د همدغه پارلمان په واسطه رهبري کېږي، توافق لري که نه؟ ایا د ترکیې دولت د تېرو شپږو میاشتو په اوږدو کې په غزه کې د یهودي رژیم د نسل وژنو له پیل راهیسې ډېری داسې توکي لکه اوسپنه، فولاد او خوراکي توکي د یهودو رژیم ته نه دي رسولي؟ ولې نعمان کورتولموش په هغه وخت کې د ترکیې د دولت دغو اقداماتو ته هېڅ غبرګون ونه ښود؟ د ترکیې دولت ولې د یهودي رژیم لخوا د دغې نسل وژنې د درولو لپاره ځواب ورنه کړ؟ ولې یې هغه وخت دا خبره ونه کړه چې پوځونه باید د غزې د مظلومو او بې وسه خلکو د ژغورلو لپاره حرکت وکړي؟ ایا د نوموړي څرګندونې هغه تشه بیانیه نه ده، چې موخه یې یوازې د ترکیې د مسلمان ولس غلي کول دي؛ لکه د خپل ولسمشر رجب طیب اردوغان د څرګندونو په څېر؟

ټوله نړۍ او ان ماشومان پوهېږي چې امریکا په غزه کې د یهودي رژیم لخوا د نسل وژنې ملاتړ کوي! ایا په دغو شرایطو کې لازمه نه وه چې د نعمان کورتولموش دریځ د امریکا پر ځای د اسلامي خاورو حکامو ته متوجه وای، په ځانګړي ډول ترکیې ته چې د غزې د نسل وژنې په اړه یې چوپتیا غوره کړې ده!؟

پر همدغه اساس، وایو: که نعمان کورتولموش د امریکا په اړه په خپلو څرګندونو کې په رښتیا جدي وي، باید لاندې موارد د رښتیني غبرګون په توګه څرګند کړي:

۱. مسلمان حکام دې په ټوله نړۍ کې په ځانګړي توګه په ترکیه کې له امریکا سره د اړیکو پرې کېدو ته راوبولي.

۲. د اسلامي خاورو ټولو حکامو ته دې ووایي، چې د غزې ازادي یوازې د پوځونو په بسیج سره شونې ده.

۳. هغو ټولو مسلمانانو ته دې ووایي چې د غزې د نسل وژنې دردېدو ته لېوالتیا لري، زړونه یې ورباندې خوږېږي او شپه او ورځ د دغې موخې لپاره لاریونونه کوي، چې د دولتونو ماڼیو او د پوځونو اډو ته لاړشئ او پر خپلو دولتونو فشار راوړئ.

۴. په پایله کې او تر ټولو مهم اقدام دا دی، چې د نبوت پر منهج دې د راشده خلافت دولت تاسیس ته دې دعوت وکړي، ځکه چې د غزې د مظلومو مسلمانانو او ټولو اشغال شویو اسلامي خاورو د ازادۍ لپاره یوازنۍ حللاره ده.

له دې پرته به د نعمان کورتولموش څرګندونې نه د الله سبحانه وتعالی او نه هم د مسلمانانو پر وړاندې کوم ارزښت ولري؛ بلکې که داسې ونه کړي، نو د الله سبحانه وتعالی له قهر سره به مخ شي، ځکه الله سبحانه وتعالی داسې فرمایي:

 ﴿ يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ۞ كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ﴾ [صف: ۲ او ۳]

 ژباړه: «اې هغو کسانو چې ایمان مو راوړی! ولې داسې خبره کوئ چې عمل نه پرې کوئ؟ الله سبحانه ډېر په قهر کېږي چې خبره وکړئ، خو عمل نه پرې کوئ!»

لکه د یوه شاعر د شعر دغه مفهوم:

«له داسې کړنې نهي مه کوه چې خپله یې کوې؛ دا تاته لوی شرم او ننګ دی.»

ټولو مسلمانو حکامو ته په خطاب کې! تاسو وینئ چې د امریکا کانګرېس قاتل نتانیاهو ته چک چکې وهي او هغه ته د یو اتل په سترګه ګوري؛ اې مسلمانو حکامو، ایا نه پوهېږئ!؟

 لیکوال: رمضان ابو فرقان

۱۴۴۶هـ.ق د محرم ۲۱مه

۲۰۲۴م کال د جولای ۲۷مه

ژباړه: بهیر «ویاړ»

(ژباړه)

د صحیح البخاري په شرحه فتح الباري کې په «کن فی الدنیا کاَنّک غریب اَو عابر سبیل» باب کې په لږ بدلون سره، له عبدالله بن عمر رضی الله عنه څخه روایت شوی چې ويلي يې دي:

«أخذ رسول الله صلی الله علیه وسلم بمنکبی فقال؛ "کن فی الدنیا کأنک غریب أو عابر سبیل"وکان ابن عمریقول: إذا أمسیت فلا تنتظرالصباح و إذاإصبحت فلا تنتظر المساء وخذ من صحتک لمرضک ومن حیاتک لموتک»

ژباړه: رسول الله صلی الله علیه وسلم زما اوږه ونيوله او ویې فرمایل؛ په دنیا کې داسې ژوند وکړه، لکه لاروی او یا مسافر. ابن عمر رضی الله عنه وفرمایل: کله چې ماښام شو، د سهار په تمه مه کېږه او کله چې سهار شو، د ماښام په تمه مه کېږه. پخپله روغتیا کې یو څه د ناروغۍ د ورځو او په ژوند کې یو څه د مرګ لپاره په یاد لره!

دغه حدیث د ګټې او ارزښت له پلوه خورا لوی حدیث ګڼل کېږي او لوی نصیحتونه او پندونه پکې بیان شوي دي. همدارنګه دا حدیث یو مومن هغه حقیقي ځای ته هڅوي او بیایي چې ژوند کول ورته غوره دي؛ نه دا چې پر دنیا تکیه وکړي، هغه خپل وطن او استوګنځای وګڼي او هلته د ارمتیا احساس وکړي؛ بلکې باید د مرګ او قیامت لپار چمتو وي. په دې ورځ شتمني او اولاد د یو انسان لپاره هېڅ ګټه نه لري، خو دا چې په سلیم زړه د الله سبحانه وتعالی لوري ته ورشي.

اې مسلمانانو! دنیا د اخرت لپاره لاره ده. مسلمان په دنیا کې داسې ژوند کوي، لکه مسافر یا لاروی او زړه یې په دنیا پسې نه وي تړلی. نوموړی پوهېږي که په دنیا کې یې سفر هر څومره اوږد وي، خو بیا هم له دې لارې تېرېږي او «دارالقرار» ته ځي. له شک پرته چې اخرت دارالقرار دی.

پر همدغه اساس لکه څنګه چې ابن عمر رضی الله عنه د رسول الله صلی الله علیه وسلم له دې وینا خبر شو، پر اوسنیو مسلمانانو هم لازمه ده، چې هغه څه درک کړي کوم چې هغه درک کړي و. همدارنګه د اسلام د مبین دین د عزت او پیاوړتیا لپاره کار کول، د دې خبرتیا په سر کې ځای لري. په ځانګړي ډول وروسته له دې چې اسلام له لسیزو راهیسې د انسانانو له عملي ژوند څخه لرې شوی او مسلمانان باید په چټکۍ او بشپړ جدیت سره د هغه دولت د بیا تاسیس لپاره هڅې وکړي، چې یو ځل بیا پر خلکو بشپړ اسلام پلی کړي.

اې ربه! د نبوت پر منهج راشده خلافت ژر راپه برخه کړه، چې په واسطه یې د مسلمانانو اندېښنې او هغه ستونزې له منځه یوسو، چې د دغه امت لمن یې نیولې ده! اې ربه! ځمکه په خپل کریم نور سره روښانه کړه! الهم آمین!

ژباړه: بهیر «ویاړ»

(ژباړه)

د میرزضیایف نظام د پخوانیو زندانیانو په بیا نیولو، چې د کریموف د وخت له ظلم څخه روغ وتلي وو او په اوږدمهاله بند د هغوی په محکومولو سره يې ځان د نړۍ پر وړاندې رسوا کړ او اوس ټول اسلامي امت د دغه واقعیت شاهد دی. یعنې دا چې د فلسطین په سپېڅلې خاوره کې د جنایتکار یهودي رژیم په واسطه د بې ګناه مسلمانانو په ځانګړې توګه د ښځو او ماشومانو وینې بهېږي، بس نه دي چې هغه حکام هم دغه ځورېدلی امت د خپل خیانت په خنجر ووهي، چې ځانونه مسلمانان ګڼي. د دغه ډول ظلم او تاوتریخوالي د پای ته رسولو هېڅ نښه نشته او له هېڅ ډول منطق سره جوړ نه دی، چې په بشپړه توګه د دوی له غولوونکو ژمنو سره په ټکر کې دی.

همدارنګه د هغه قانون تصویب ته د ازبکستان د دولت تمایل چې د ځوان نسل لپاره اسلامي زده کړې منعه کوي، حجاب ته اجازه نه ورکوي، واده کول سختوي، له یوه زیات ودونه کول منعه کوي او له ټولنې څخه د اسلامي ارزښتونو د لرې کولو هڅې کوي، دا په ډاګه کوي چې دغه دولت په کوم لوري روان دی؛ د اسلام او مسلمانانو له ګټو څخه د ملاتړ پر ځای دا غوره ګڼي چې د روسیې او امریکا په څېر استعمارګران راضي کړي.

حزب التحریر د دغه ظلم او تاوتریخوالي پر وړاندې په ټوله نړۍ کې مسلمانان را پورته کېدو ته دعوت کړل او د «وا امتا؛ هغه اواز چې په ازبکستان کې عقیدتي زندانیان یې زمزمه کوي» تر سرلیک لاندې یې یو کمپاین اعلان کړ. مسلمانان د حزب د شبابو په رهبرۍ په بېلابېلو خاورو لکه پاکستان، تونس او سویډن کې له دغه کمپاین سره یو ځای شول. د بېلګې په توګه؛ په هغه لاریون کې چې د سویډن په مرکز استکهلم کې د ازبکستان د سفارت مخې ته وشو، د ازبکستان-حزب التحریر د مطبوعاتي دفتر رییس استاد اسلام ابوخلیل وینا وکړه او له دولت څخه یې وغوښتل چې هغه ظلم او تاوتریخوالی باید ودروي، چې د استعمارګرو کفارو د خوشالۍ لپاره یې روان کړی او همداراز له اسلام او مسلمان ضد سیاست څخه باید ځان وساتي.

د اوکراین-حزب التحریر د مطبوعاتي دفتر رییس فضل امزایف په مشرۍ یو پلاوی د ۲۰۲۴م د جولای په ۲۳مه چې د ۱۴۴۶هـ د محرم له ۱۷مې سره سمه ده، په کییف کې د ازبکستان سفارت ته لاړ چې خپل اعتراض‌لیک ورکړي. همدارنګه د الماني ژبو هېوادونو-حزب التحریر د مطبوعاتي دفتر استازي انجینیر شاکر عاصم په مشرۍ یو پلاوی د ۲۰۲۴م د جولای په ۱۷مه چې د ۱۴۴۶هـ د محرم له ۱۱مې سره سمه ده، په ویین کې د ازبکستان سفارت ته لاړ، چې اعتراض لیک ورته وسپاري. د دغه پلاوي مشر د سفارت مسول ته حزب معرفي کړ او زیاته یې کړه چې حزب‌التحریر یو فکري او سیاسي حزب دی او په هېڅ فزیکي فعالیت کې لاس نه لري. برعکس خپل هدف ته د رسېدو لپاره حزب د وسیلې په توګه له تاوتریخوالي ګټه اخیستل ردوي او په اسلامي خاورو کې د نبوت پر منهج د راشده خلافت د تاسیس لپاره پرله‌پسې هڅې کوي.

پر همدغه اساس دا یوه لویه تېروتنه ده، چې د ازبکستان دولت د روسیې په څېر د استعماري دولتونو د راضي کولو لپاره حزب‌التحریر د یوه ترهګریز سازمان په توګه ډلبندي کوي. همدارنګه دا یو ناوړه عمل دی، چې د حزب له غړو څخه دې له بیاځلي نیولو وروسته د دروغو او اجباري اعتراف واخیستل شي او هغوی دې د ژمن‌لیک لاسلیکولو ته اړ ایستل شي او د نه لاسلیک په صورت کې وګواښل شي، چې د دوی پر مېرمنو به تېری وشي او اولادونه به یې بندي کړل شي.

د دغه کمپاین د یوې برخې په توګه یو شمېر مقالې هم خپرې شوې، چې د ازبکستان پر سیمه‌ییزو رسنیو یې د دې لپاره نیوکې وکړې، چې د دولت ظلم او زیاتي ته پاملرنه نه کوي او د دولت سرې کرښې نه شي ماتولی. همداراز د ازبکستان اړوند ځینې بهرنۍ رسنۍ هم په دغو مقالو کې یادې شوې وې.

همدارنګه د ازبکستان په قضایي نظام کې د اصلاحاتو پر اعلان سربېره، دغه نظام د امنیتي دستګاوو تر اغېز لاندې دی؛ لکه څنګه چې د تېر ظالم نظام په وخت کې و او دا موضوع د یو شمېر مقالو له لارې مسلمانو خلکو ته څرګنده شوې ده. همدارنګه د محکمې د حکم له متن سره سم چې د جولای په ۱۵مه ولوستل شو، په ۲۳ کسانو کې چې ډېرو یې لوړې زده کړې درلودې او هره یوه یې لږترلږه ۳ اولادونه درلودل، دغه ځوانان "ډېر خطرناک جنایتکاران" یاد شوي دي! په داسې حال کې چې واقعیت داسې نه دی؛ دغه ځوانان په خلکو کې د نېکو او متقي کسانو په توګه پېژندل کېږي، چې د هېچا په حق کې خیانت نه کوي او یوازې د خپلې خاورې او خلکو ګټې ته اهمیت ورکوي او د خلکو سلامتیا او ګټې ته پر خپلې سلامتیا او ګټه لومړیتوب ورکوي.

هو، په ازبکستان کې بې‌پرې خلکو له دغه کمپاین څخه د ظلم او تاوتریخوالي د سیاستونو پر وړاندې ملاتړ وکړ. دا چاره ځکه د تایید وړ ده چې تصوري او صوتي مواد، مقالې، په ژوندۍ او غیر ژوندۍ بڼه د دغه کمپاین په چوکاټ کې وېشل شوي دي، چې د زرګونو کسانو لخوا لیدل شوي او د سلګونو نورو کسانو لخوا تایید شوي دي. خو ځینې ناپوهان شته چې د الله سبحانه وتعالی دا خبره د دوی په حق کې صدق کوي، چې فرمایي:

﴿أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ﴾ [اعراف: ۱۷۹]

ژباړه: «هغوی د څارویو په شان دي، بلکې له هغو هم بدتر! دا هغه خلک دي چې په غفلت کې لوېدلي دي (د هدایت له ټولو امکاناتو سربېره بیا هم ګمراه دي)!»

په پای کې باید پام وکړو، چې هر وخت یوه قدرت د ظلم لاره ونیوله، هغه به کمزوری او له منځه لاړ شي. تاریخ په خپلو پاڼو کې د دغه ډول حکومتونو ډېرې بېلګې لري او پخپله د کریموف تېر نظام پر دې ښکاره شاهد دی؛ ځکه د خلکو پر وړاندې د ظلم او زیاتي سیاست یوازې د دې ښکارندویي کوي، چې حکومت کمزوری دی او له خپلو خلکو وېرېږي او د دغو حکامو د پاتې کېدو یوازینی هیله د دوی باداران دي.

برعکس غښتلی حکومت د خپلو خلکو ملاتړ او محبت په خپلو لوړو ځانګړتیاوو لکه؛ له مظلوم څخه ملاتړ، د ظالم مخنیوی، د دښمن او دوست تر منځ توپیر او د دښمن پر وړاندې په زړورتیا سره په لاس راوړي. اسلامي امت نن ورځ په ډېرې بې‌صبرۍ سره دغه ډول راشده حکامو ته په تمه دی او شپه و ورځ دعا کوي چې د نبوت پر منهج خلافت دوران را ورسېږي؛ ځکه د الله سبحانه وتعالی ژمنه حق ده او هغه دعاګانې قبلوي، ان که یو څه وخت وروسته هم وي او خپلو بندګانو ته نصرت او توانایي ورکوي!

﴿وَيَوْمَئِذٍ يَفْرَحُ الْمُؤْمِنُونَ۞ بِنَصْرِ اللَّهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ﴾ [روم: ۴-۵]

ژباړه: «او په هغې ورځ به مومنان (د بلې بریا له امله) د الله د مرستې په سبب خوشاله شي؛ هغه چې هر څوک وغواړي مرسته ورسره کوي او هغه برلاسی او پوره رحم لرونکی دی.»

د حزب التحریر – ازبکستان مطبوعاتي دفتر

۱۴۴۶هـ.د محرم ۲۱مه

۲۰۲۴م د جولای ۲۷مه

ژباړن: منصور

(ژباړه)

﴿قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ﴾ [آل عمران: ۱۱۸]

ژباړه: «په رښتیا چې کرکه او دښمني یې له وینا څخه څرګنده ده او هغه څه چې په سینو کې یې پټوي، تر دې هم ستر دي.»

په غزه کې د بې ګناه وګړو له عام‌وژنې لس میاشتې وروسته، چې شهادتونه یې په خورا دقت سره د تصویر، غږ او شمېر له مخې مستند شوي؛ د امریکا کانګرېس په شور او ولولو د صهیونیستي رژیم له لومړي وزیر بنیامین نتانیاهو څخه د خپلو خلکو د یوه «اتل» په توګه تود هرکلی وکړ. داسې لکه د کانګرېس غړو چې ورته ویلي وي: «موږ غواړو چې تا پخپل استازیتوب د غزې د بې ګناه وګړو د وژل کېدو له امله وستایو.» الله سبحانه وتعالی په قران کریم کې فرمایي:

﴿إِن تَمْسَسْكُمْ حَسَنَةٌ تَسُؤْهُمْ وَإِن تُصِبْكُمْ سَيِّئَةٌ يَفْرَحُواْ بِهَا﴾ [آل عمران: ۱۲۰]

ژباړه: «که چېرې تاسو ته نېکي در په برخه شي (او نعمتونه لکه بریا او غنیمتونه ترلاسه کړئ، نو کافران) ناارامه کېږي او که چېرې زیان در ورسېږي، خوشحاله کېږي.»

همدارنګه دا پېښې څرګندوي چې کافر او استعمارګر غرب اسلامي امت ته یوازې د مات شوي امت او خاورو ته یې د خپلې مستعمرې په سترګه ګوري. که غرب دا توان درلودلی، نو مسلمانان به یې ان د ځمکې له مخ څخه ورک کړي وای.

د غرب په لیدلوري کې صلیبي جګړې پای ته نه دي رسېدلې، یوازې نومونه یې بدل شوي دي. هر ځل چې د استعمار یو پړاو پای ته رسېږي، نو بل پړاو یې پیلېږي؛ یوازې څېرې او نومونه بدلېږي، خو کړنې د تېر په څېر پاتې کېږي. همدارنګه نظامي، اقتصادي او فرهنګي بریدونه، له مسلمانانو د دې حق اخیستل چې ځانونه انسانان وګڼي، له ځان، خاورې، عقیدې څخه دفاع وکړي او د دې تر څنګ د استعمار او چپاول د اسانۍ لپاره له خاینو او جنایتکارو حکامو څخه ملاتړ همداسې دوام لري.

هو، له اسلام څخه کرکه کول کافر غرب ته له خپلو صلیبي نیکونو څخه په میراث پاتې ده. که څه هم غرب د رنسانس مسیر وهلی دی، چې د منځنۍ پېړۍ له تیارو څخه یې را ایستلی؛ خو زړه یې اوس هم په همغه تیارو کې ډوب دی؛ په ځانګړي ډول کله چې له اسلام او مسلمانانو سره چلند کوي. همدا دلیل دی چې اوس هم د اسلام په لوري د خپل ذهن له خلاصولو وېرېږي او ښکاره بېلګه یې د مسلمانانو له عفت سره جګړه ده؛ که څه هم ښه پوهېږي چې دغه عفت څه شی دی!

دا غرب دی او دایې سیاستوال دي، چې د غزې د ظالم او جنایتکار نتانیاهو لپاره چکچکې وهي!

 اې مسلمانانو... اې غوره امته چې د خلکو د هدایت او لارښوونې لپاره پیدا شوي یئ!

موږ مسلمانان باید هر څومره چې ژر کېږي خپله نړۍ ورغوو، چې په هغې کې خپل کرامت وساتو او د خپل دین هیبت او دبدبه لوړه کړو او همدارنګه د نبوت پر منهج راشده خلافت تاسیس کړو! پام مو وي چې د اسلام د حاکمیت له راوستولو پرته ستاسو ژوند هېڅ ثبات نشي موندلی. ثبات ته یوازې هغه مهال رسېدلی شو، چې خاین حکام ګوښه کړو، قدرت بیرته ترلاسه کړو، د اسلام حاکمیت راولو او له اسلامي خاورو څخه د کافر او استعمارګر غرب نفوذ ختم کړو.

اې مسلمانانو... اې د منبرونو او رسنیو خاوندانو!

تاسو وګورئ چې کافر غرب څه ډول د غزې خونخوار ته چکچکې ووهلې؛ په داسې حال چې لاسونه یې اوس هم د فلسطین د مبارکې خاورې د اوسېدونکو په وینو رنګ دي! ایا دا تاسو نه را پاروي چې د مسلمانانو د مسایلو په اړه په اسلامي رسنیو کې پر خپل رسالت له سره غور وکړئ!؟ د اسلام دښمنان وتوانېدل چې غزه په کنډواله بدله کړي؛ په داسې حال کې چې ستاسو کمرې هر شېبه یادو پېښو ته پوښښ ورکوي او دوی دغه کار یوازې د دې لپاره ترسره کړ، چې ډاډه وو چې اسلامي پوځونو ته د حرکت نه کولو دستور ورکول کېږي؛ هغه پوځونه چې سرتېري یې ستاسو بچیان او وروڼه دي او ستاسو په پیسو او شتمنیو دوی ته زده کړې ورکړل شوې او ذخیره شوي دي.

پر همدغه اساس چوپ مه پاتې کېږئ، بلکې خپلې ویناوې مو د قدرت او نفوذ خاوندانو ته ورسوئ، ترڅو پوځونه په حرکت راولي او خاین او جنایتکاره حکام رانسکور کړي.

اې د مسلمانانو په پوځونو کې سرتېرو!

لس میاشتې کېږي چې پخپلو اډو کې ناست یئ او د یهودانو له خوا د غزې د ویجاړۍ او د مظلومو خلکو د وژنو ننداره کوئ. په کومو سترګو به د قیامت په ورځ د قهار الله پر وړاندې درېږئ؛ په داسې حال کې چې د مبارکې خاورې خلک ستاسو د سترګو پر وړاندې وژل کېږي او ستاسو په لاسونو کې وسلې دي!؟ له الله سبحانه وتعالی او رسول الله صلی الله علیه وسلم سره ستاسو محبت او دوستي چېري دي؟ او چېرې ده له مومنانو سره ستاسو ملګرتیا؟

ایا تاسو په رښتیا سره د الله سبحانه وتعالی عبادت کوئ او له پیغمبر سره یې مینه لرئ او که د حکامو او پیسو عبادت یې کوئ؟ ستاسو غیرت او مېړانه چېرې دي؟ د کومې جګړې لپاره چمتو کېږئ؟ ایا پر دې د پوهېدو وخت نه دی رارسېدلی چې ستاسو حکام له تاسو څخه یوازې د خپلو خلکو د کورونو د ورانولو لپاره ګټه اخلي؟ نو څه ته په تمه یئ!؟

اسلام پر تاسو واجبوي چې همدا اوس د یهودي رژیم له جنایتونو څخه د خلاصون لپاره د فلسطین د مظلومو وګړو ژوغورلو ته ودانګئ او که مو حکام دا اجازه نه درکوي او مخه مو نیسي، نو دا ستاسو دنده ده چې هغوی د خپل خیانت پر اساس محاکمه کړئ! اوس د مسیر د سمون وخت دی؛ نو د فلسطین مبارکې خاورې او خپلو وروڼو ته د نصرت ورکولو لپاره سره راټول شئ او حرکت وکړئ! ټول امت تاسو ته په تمه دی او دې ته چمتو دی چې له استعمار او د هغه له نفوذ څخه د ازادۍ لپاره ستاسو ملګرتیا وکړي؛ نو څه ته په تمه یئ او څه کوئ!؟ الله سبحانه وتعالی فرمایي:

﴿وَالَّذِينَ آوَواْ وَّنَصَرُواْ أُوْلَـٰٓئِكَ هُمُ الْمُؤْمِنُونَ حَقًّا لَّهُم مَّغْفِرَةٌ وَرِزْقٌ كَرِيمٌ﴾ [انفال: ۷۴]ژباړه: «چا چې پناه ورکړې او مرسته یې کړې (دواړې ډلې( هغوی حقیقي مومنان او ایمان لرونکي دي او د دوی لپاره بښنه (د الله لخوا د ګناهونو) او ډېر د عزت رزق (په جنت کې) دی.»

 لیکوال: د حزب التحریز د مرکزي مطبوعاتي دفتر رییس - انجنیر صلاح الدین عضاضه

۱۴۴۶هـ.ق د محرم ۲۱مه

۲۰۲۴م د جولای ۲۷مه

ژباړه: بهیر (ویاړ)