پاکستان له روسیې سره ګډ پوځي تمرینونه کوي، خو روسي جیټ الوتکې د سوریې په ادلب کې مسلمانان بمباروي
(ژباړه)

رسول الله صلی الله علیه وسلم فرمایي:

«قَتْلُ الْمُؤْمِنِ أَعْظَمُ عِنْدَ اللَّهِ مِنْ زَوَالِ الدُّنْيَا»
(رواه نسائي)

الله سبحانه وتعالی ته د یو مومن وژنه د نړۍ تر ورانولو هم لویه ده.

پر اسلامي پوځ لازمه ده، چې د یوه مومن د وینې لپاره وخوځېږي. موږ نن وینو، چې په زرګونو، لکونو او میلیونونو مسلمانان له  خپل ډال یعنې د نبوت پر منهج له خلافته بې برخې دي.  خو بیا هم پاکستاني حکام زموږ ځواکمن پوځیان د دوی په پوځ خونو کې ساتلي او د مسلمانانو د پاکې وینې لپاره، یې نه اشغال شوي کشمیر، نه فلسطین، نه برما  او نه هم اوس د سوریې ادلب ته خوځوي. اوسني حکام ان د دغو د غندلو لپاره هم خپله ژبه نه خوځوي، حتی د پاکستان د وسله وال پوځ د عامه اړیکو اداره (ISPR) او بهرنیو چارو وزارت، چې د حکامو لپاره د بیانیې ورکولو سرچینې دي، هم خپلې خولې بندې ساتلې. دوی حتی د اعتراض یوه کلیمه هم له خولې نه را باسي، کله چې یوه اونۍ مخکې د سپټمبر پر ۲۵ مه د روسیې او سوریې د ظالمو حکومتونو په هوایي بریدونو کې لږ تر لږه ۱۵۰ عام وګړي ووژل شول او لسګونه نور ټپیان شول. همدا راز دوی د هغې پېښې پر وړاندې چې د ۲۰۱۷ کال د سپټمبر پر ۲۸ مه په اماناز ښار کې، چې د ترکیې له پولې یوازې څو مایله لرې دی، د شپې لخوا هوایي برید کې چې د څلورو ماشومانو په ګډون لسګونه کسان شهیدان شول، هم د اعتراض یوه کلمه له خولې ونه ایستله.

ایا پاکستاني حکامو ته نه وه په کار چې په چټکۍ سره یې د ځانګړو ځواکونو "DRUZBA 2017"  ګډ پوځي تمرینات، چې د سپټمر پر ۲۴مه د روسیې په مینېرالني دره کې پیل شوي وو، لغو کړي وی؟ ایا پاکستاني چارواکي ویني، چې له هغو دښمنانو سره درېدلي، چې مسلمانان په ډېر حکمت سره وژني، ان چې عقل پرې کار نه کوي؟ ایا پاکستاني حکامو ته پکار نه وه چې ترکیې ته یې د خپلو پوځیانو وړاندیز کړی وی، تر څو مسلمان پوځیان په ګډه سره په شام کې د خاین پر وړاندې سره درېدلي وی او د ادلیب د مسلمانانو ملاتړ یې کړی وی؟ ایا پاکستاني چارواکي په دې اند دي چې زموږ پوځیان یوازې د ټرمپ په لارښوونه، له ترهګرۍ سره د هغه د ملعونې جګړې لپاره، خوځېږي؛ هغه جګړه چې د نړۍ په هر ګوټ کې د اسلام او مسلمانانو پر وړاندې، یوه صلیبي جګړه ده؟ ایا پر هغو پوځیانو او افسران باندې چې په هر ځای کې له اسلام او مسلمانانو سره مینه لري، د اسلام او مسلمانانو حق نه دی چې ترې دفاع وکړي؟

اې د پاکستان د وسله وال ځواک مسلمانانو! موږ نېغ پر نېغه تاسو ته خطاب کوو، چې د دغو حکامو نه شتون به یقینا زموږ د امت او دین په برخه کې هېڅ ارزښت ونه لري. له بده مرغه دوی زموږ له دښمنانو ملاتړ کوي؛ لکه څنګه چې یې د میانمار په ظالم حکومت JF-17 جنګي الوتکې وپلورلې او د ګډو پوځي تمرینونو پر مټ یې ظالمه روسیه، د یوه لوی اسلامي پوځ له وړتیاوو سره اشنا کړه. نن د امت تر منځ جګړه له یوې خوا کافر دولتونه او له بلې خوا د دوی د شریکانو (مسلمانو حکامو) پر مټ پر مخ وړل کېږي. نو پر تاسو لازمه ده، چې له اسلام او مسلمانانو کلک ملاتړ وکړئ، تلوار وکړئ؛ چې پایلې به یې ډیر ژر تر لاسه شي ان شاالله. حزب تحریر ته د نصرت په ورکولو سره د اسلام او مسلمانانو ملاتړ وکړئ، تر څو د رسول الله صلی الله علیه وسلم پر منهج راشده خلافت بیا تاسیس کړي. په خپل نصرت سره د اسلام او مسلمانو ملاتړ وکړئ، تر څو د مومنانو اوښکو ته په وړ توګه، لکه څرنګه چې د دوی حق دی، ځواب ووایئ. همدا اوس نصرت ورکړئ، په دې توګه به د امت دښمنان په خپلو دروازو کې ستاسو د اور او زور په لیدو سخت ووېرېږي! الله سبحانه و تعالی فرمایي:

﴿...وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ فَأَتَاهُمُ اللَّهُ مِنْ حَيْثُ لَمْ يَحْتَسِبُوا...﴾ [حشر:۲]

... هغوی دا ګڼله چې خپلې کلاوې به یې د الله (له عذاب) څخه وژغوري، خو د الله (عذاب) له داسې لوري ورباندې راغی چې دوی یې په اړه فکر هم نه کاوه...

د حزب التحریرـ ولایه پاکستان مطبوعاتي دفتر