د ۲۰۱۷م د نومبر پر ۲۲مه د چهارشنبې په ورځ، د پاکستان د پوځ یو جنرال اسحاق په اسماعیل خان دیره کې سهار وختي د پلټنې عملیاتو په ترڅ کې خپل ژوند قرباني کړ. پاکستاني ځواکونه د امت بچیان دي او هرکله یې، چې د قربانۍ خبر راشي ټول امت پرې دردېږي. د جنرال اسحاق او د هغه د یو کلن زوی د موسکا انځور د امت زړونه ودردول او د نوموړي د مړینې غم یې لا زیات کړ. الله سبحانه وتعالی دې د هغه ګناهونه وبښي او کورنۍ ته دې صبر ورکړي.

په دغو ورستیو ورځو کې د پاکستان د پوځ زیاتو افسرانو او سرتېرو د عملیاتو او پرې د بریدونو پر مهال خپل ژوند قرباني کړ. په دې کې هېڅ شکه نشته، چې د پاکستان د پوځ افسران او سرتېري زړور، زیارکښ او ځواکمن دي. موږ کولی شو دوی د ځواک او وړتیا له اړخه په نړۍ کې له ټولو ځواکمنو ځواکونو سره پرتله کړو. خو د داسې ځواکمن پوځ  پر درلودلو سربېره، امت بیا هم له خپل قدرت څخه بې برخې دی. سره له دې چې امت دومره زړور افسران او سرتېري لري، هند تر اوسه په کشمیر کې خپل اشغال ته دوام ورکوي او پر مسلمانانو ظلم کوي. دا له حقیقته لرې خبره ده، چې امت داسې زړور افسران او سرتېري ولري؛ خو بیا هم د امریکا سیاسي او پوځي مشران پاکستان ته په کبر راځي او پر موږ امر کوي، په رښتیا چې لوی سپکاوی دی. په حقیقت کې د پاکستان مسلمانان او د دوی پوځ د امت په منځ کې، تر ټولو غوره دي؛ خو د مخلصې رهبرۍ د نشت له امله امت او  پوځي ځواکونو ته په پاکستان کې په نړیواله سطحه سپکاوی کېږي. د پاکستان مسلمانان او پوځي ځواکونه یې له الله سبحانه وتعالی پرته له چا نه وېرېږي؛ خو د دوی په سیاسي او نظامي مشرۍ کې څو خاینان دي، چې د الله سبحانه وتعالی په پرتله له امریکا څخه ډېر وېرېږي. د پاکستان مسلمانان او پوځي ځواکونه د دې وړ نه دې، چې د داسې بې غیرتو او خاینانو له لوري رهبري شي، چې د امریکا د ګټو لپاره زموږ د بچیانو وینې تویوي او د اسلام او مسلمانانو ګټې له پامه غورځوي.  

اې د پاکستان مسلمانانو! اې د پاکستان د پوځ افسرانو او سرتېرو!  جنرال اسحاق او نور افسران د امت بچیان دي او د دوی وینه دومره ارزانه نه ده، چې په سیاسي او پوځي مشرۍ کې یې خاینان د امریکا د ګټو خوندي کولو لپاره وپلوري. دوی د امت بچیان دي او امت پر دوی حق لري، چې وینه یې باید یوازې له اسلام او مسلمانانو څخه په دفاع کې توی شي. خو دا به هغه وخت وشي کله، چې له سیاسي او نظامي مشرۍ څخه خاینان لرې شي او پر نبوي منهج اسلامي خلافت تاسیس شي. بیا به نو راشده خلافت د امت دغه زړور بچیان له اسلام او مسلمانانو څخه د دفاع لپاره خوځوي، دوی به د خالد بن ولید، محمد بن قاسم، طارق بن زیاد او صلاح الدین ایوبي تاریخ را ژوندی کړي او د اسلام بیرغ به پر ټوله نړۍ ورپوي.

﴿إِنَّمَا ٱلْمُؤْمِنُونَ ٱلَّذِينَ آمَنُواْ بِٱللَّهِ وَرَسُولِهِ ثُمَّ لَمْ يَرْتَابُواْ وَجَاهَدُواْ بِأَمْوَالِهِمْ وَأَنفُسِهِمْ فِى سَبِيلِ ٱللَّهِ أُوْلَـٰئِكَ هُمُ ٱلصَّادِقُونَ﴾

[الحجرات:۱۵]

ژباړه: په حقیقت کې هغوی مومنان دي، چې پر الله او د هغه پر پېغمبر ایمان راوړي او شک ونه کړي او په خپلو مالونو او سرونو سره د الله په لاره کې جهاد کوي. همغوی رښتیني خلک دي.

د حزب التحریر- ولایه پاکستان مطبوعاتي دفتر