له الواقیه تلویزیون سره «د استازو د مجلس د توجیه کولو لپاره توجهیي شبهات او له اسلام سره یې تړاو» تر عنوان لاندې د استاد احمد االصوفي ابو نزار الشامي د مرکې لنډیز
۱۴۳۹ه.ق، د رجب ۸مه، دوشنبه/ ۲۰۱۸م، د مارچ ۲۶مه
وړاندې کوونکی: سیاسي مفکر احمد الخطواني (ابو حمزة)
۱۴۳۹ه، د رجب ۳مه، چهارشنبه/ ۲۰۱۸م، د مارچ۲۱مه
۱۴۳۹ه، د رجب ۸مه، دوشنبه/ ۲۰۱۸م، د مارچ۲۶مه
د حزب التحریر ولایه لبنان د غړي، غښتلي استاد احمد القصص مرکه
وړاندې کوونکی: استاد عدنان مزیان
۱۴۳۹ه، د رجب ۶مه، شنبه/ ۲۰۱۸م، د مارچ۲۴مه
خبر:
د ۲۰١۸م کال، د مارچ په ١۳مه، CNBC رپوټ ورکړ چې د سوداګرۍ لپاره د اروپا کمېشنر، سیلسیا ملمسټرون، یوې سوداګریزې محکمې ته ویلي: «د سپېنې ماڼۍ اوسني ظلم ته که لږ نظر وکړو، پر دې ټینګار کوي چې اروپا باید «د زورګویۍ پر وړاندې ودرېږي» او له ګواښونو ونه وېرېږي.» او دا خبره یې هم څرګنده کړله چې د بروکسل د ټېنک- ټانک رییس ویلي دي چې اورپا باید د هغو محاصرو پر وړاندې کوم امتیاز اخیستلو ته تسلیم نه شي چې د ټرامپ اداره غواړي چې د تعرفو معافیت جوړ کړي.
تبصره:
د مارچ پر ۸مه، ټرمپ یو فرمان لاسلیک کړ چې له مخې به یې ١۵ ورځې وروسته پر فولادو ۲۵سلنه او پر المونیمو ١۰ سلنه تعرفه لګول کېږي او بیا یې وویل چې کاناډا، مکسیکو او آسټرالیا به له دغو تعرفو معاف وي، پر یادو هېوادونو سربېره به ځینې نور هېوادونه هم استثنی وي. که څه هم د کاناډا او مکسیکو معاف کېدل موقتي دي او د امریکا په خوښه شرایطو سره د NAFTA هوکړه لیک په بیا لاسلیک پورې اړه لري. ټرمپ د دې موضوع په اړه په غوسه ټویټ کوي او د دې نیوکې په ځواب کې چې تعرفې به د ویجاړوونکې سوداګریزې جګړې سبب شي، داسې لیکي: (( کله چې یو هېواد(امریکا) له ټولو هغو هېوادونو سره په سوداګرۍ کې بیلیونونه ډالر بایلي چې سوداګریزې اړیکې ورسره لري، سوداګریزه جګړه ترې ښه ده او په اسانۍ ګټل کېدای شي.))
دا لومړی ځل نه دی چې ټرمپ داسې تعرفې اعمال کوي. پر سولرونو او د جامو مینځلو ماشینونو باندې د مارچ پر ۲۳مه تعرفې وضعه شوې دي. پر سولرونو تعرفې، د چینایانو سیالي په نښه کوي او د جامو مینځلو پر ماشینونو د تعرفو هدف د سوېلي کوریا کمپنۍ، اېل جي او سامسونګ، دي. د پام وړ خبره دا ده چې امریکا تهاجمي سوداګریزې تګلارې تعقیبوي چې د امریکا متحدین او دښمنان په یو څه ظاهري توپیر په نښه کوي. ټرمپ په دغو تحریمونو چین په نښه کړ او په دې لټه کې دی چې له چین سره مخ پر ودې سوداګریز کسر را کم کړي؛ دی همداراز ډېر اروپایي هېوادونه په غیر منصفانه سوداګرۍ تورنوي، ټرمپ په دې اړه داسې ټویټ وکړ: « اروپایي اتحادیه، هغه حیرانوونکي هېوادونه چې له امریکا سره په سوداګرۍ کې ناوړه چلند کوي، پر المونیمو او فولادو باندې له تعرفې سر ټکوي. که دوی له هغو امریکایي تولیداتو چې ورځي، خپل لوی خنډونه او تعرفې لرې کړي، موږ به هم هماغسې وکړو. لوی کسر. که نه، موږ پر موټرو او نورو مالیه لګوو. منصفانه!»
د دې ډول پالیسیو پایله به یوه دوهاړخیزې سوداګریزه جګړه وي. د فرانسې د مالیې وزیر، برونولي مایر، وویل چې اروپا باید د امریکا د تعرفو پر وړاندې غبرګون وښيي؛ که داسې نه وي نو اروپایان به وانګېري چې موږ کمزوري یو. دا چې د تعرفو پلي کېدو ته یوازې یوه اونۍ پاتې ده، نو د یوې مخامخ جګړې د مخنیوي چانس کم دی.
امریکا له نړۍ سره داسې چلند کوي لکه ټوله نړۍ چې د ده خپله ځمکه وي، هر څه یې چې زړه وغواړي ورسره کوي یې، غواړي د سوداګرۍ پخوانی مرکانټلیستي سیاست بیا پلی کړي چې وایي، سوداګرۍ یا د بریا او یا د بایللو حالت دی. له یوې خوا امریکا نوره هم ګستاخه او سپین سترګې کېږي او په عین حال کې خپل تزلزل او سستي هم ښیي. د یوه مخ پر ځوړ ځواک یوه نښه دا ده چې د خپلې شمعې له سوزېدو مخکې ظاهرا له ځوږه ډک وي.
د حزب التحریر مرکزي مطبوعاتي دفتر لپاره
ډاکټر عبدالله رابین
«د روسیې او اروپا اړیکې» تر عنوان لاندې د استاد سالم ابو سبیتان ابو صهیب په ژوندۍ بڼه خبرې اترې.
۱۴۳۹ه.ق، د رجب ۴مه، پنج شنبه/ ۲۰۱۸م، د مارج ۲۲
د حلب د لودیځې حومې، کفر تعال سیمې د مشرانو او خلکو بیانیه چې خلک یې د شام پر اصولو او اساساتو ټینګار او پرې منګلو لګولو ته راوبلل
۱۴۳۹ه.ق، د رجب ۶مه، شنبه/ ۲۰۱۸م، د مارچ ۲۴مه
له الواقیه تلویزیون سره «د استازو د مجلس د توجیه کولو لپاره توجهیي شبهات او له اسلام سره یې تړاو» تر عنوان لاندې د استاد احمد االصوفي ابو نزار الشامي د مرکې لنډیز
۱۴۳۹ه.ق، د رجب ۵مه، جمعه/ ۲۰۱۸م، د مارچ ۲۳مه
د ۲۰۱۸م د مارچ پر ۵ مه، د نړيوال وجهي صندوق اجرايوي بورډ له پاکستان سره د پروګرام ارزونې وروستی بحث پای ته ورسوه. دغه ښکېلاکګر مالي بنسټ وایي: «د لوړ مالیاتي نظام ترڅنګ، د وارداتو زیاتوالی د بودیجې د کسر لامل شوی او په نړیواله سپما کې یې د پام وړ کمښت رامنځته کړی». دغه راز ياد بنسټ يادونه کړې: « زيات واردات د چين-پاکستان اقتصادي دهليز په پروژو پورې تړلي دي». ياد راپور ليکي، چې په ۲۰۱۶ او ۲۰۱۷ کلونو کې په پاکستان کې خالص کورنی توليد سړي سر عايد ۱۴۶۳ ډالره و، په ۲۰۱۲ او ۲۰۱۳ کلونو کې دفقر کچه ۲۹.۵سلنه، د ۲۰۱۴ او ۲۰۱۵ کلونو ترمنځ د وزګارتيا کچه ۵.۹ سلنه وه.
د پاکستان ډېری واردات نساجي (اوبدل شوي توکي) او پروسس کېدونکي غذايي توکي دي او صادرات يې کرهڼيز توکي او سپک صنعتي توليدات دي. له کورنيو ماشینونو، درنو صنعتي ماشينونو او د ساختماني موادو له توليداتو څخه د پاکستان څرګنده کمزوري په ګوته کېږي. په ۲۰۰۷م کې اته قلمو پاکستاني صاداراتو ۱۸ ميليارده ډالره جوړول، چې د صنعت په ډګر کې یې زیاتره نساجي توکي او په کرهڼیز ډګر کې یې پنبه وه. د ۲۰۱۸م د جنوري پر ۱۱مه د پاکستان د احصايې ادارې د راپور پر بنسټ، پاکستان خپل مالي ۲۰۱۶ او ۲۰۱۷کلونه په داسې حال کې پای ته ورسول، چې په سوداګرۍ کې یې ۳۲.۴ ميليارد ډالره کسر درلود او روان کال به لا له وړاندې دغه کسر د جولای او ډيسمبر ترمنځ ۱۷.۹۷ ميليارده وي.
د يوه شتمن هيواد د وارداتو او صاداراتو کچه د کرهڼې او صنعتي سکتور د وروسته پاتې کېدو له امله زيانمنېږي. د پاکستان په صنعتي برخه کې له شرعي حکمونو څخه سرغړونه کېږي يعنې له صنعتي سکتور څخه په لاس راغلې پیسې د دولتي خزانې(بیت المال) پرځای د يو شمېر خلکو جېبونو ته ځي. اسلام امر کوي، چې خلک بايد د انرژۍ او کانونو په ګډون له عامه شتمنيو څخه پوره ګټه واخلي. خو په اوسني نظام کې يادې سرچينې خصوصي شوي او يوازې څو د ګوتو په شمار کسان ترې ګټه اخلي، په داسې حال کې چې ټولنه ترې بې برخې ده. اسلام د ګډو ونډو شرکتونه حرام کړي دي. د ګډو ونډو شرکتونه دي چې د شخصي ملکیت پر بنسټ یې د پانګوالو پراخ صنعت ته اجازه ورکړې، لکه: پراخو ساختمانونو، درنو صنعتونو او مخابراتو ته. راتلونکی خلافت دولت به له پراخو او پرېمانه سرچینو څخه د صنعت د جوړولو لپاره کار واخلي او پر مټ به یې د خلکو چارې تنظیم کړي.
حزب التحرير د خلافت دستور په ۷۴ ماده کې ویلي: « د صنايعو وزارت د ټولو هغو چارو چې په صنعت پورې اړوند وي، مسول دی هغه که سپک صنعتي توکي وي او یا هم درانه صنعتي توکي وي، لکه: د ماشينونو تولید، ماشینونه، عراده جات، خام مواد او برېښنايي سامانونه. دولتي کمپنۍ يا هم شخصي کمپنۍ بايد له نظامي صنعت سره اړيکې ولري. ټولې کمپنۍ بايد د نظامي تګلارې پر بنسټ جوړي شي... دولت دنده لري چې پخپله وسلې توليد کړي او دا ورته حرامه ده چې پر نورو دولتونو تکيه وکړي، ځکه دغه چاره نورو دولتونو ته لاره هواروي چې ياد دولت، د هغه اراده، وسله او جګړه مهار کړې. دا هر څه تر هغه وخته نه شي ترلاسه کېدای، چې دولت د دروند صنعت خاوند نه شي او د لويو کمپنيو په جوړولو پیل ونه کړي، چې د درنو صنعتونو تر څنګ نظامي او ملکي دواړه توکي تولید کړي».
حزب التحریر-ولایه پاکستان
سرچینه: khikafat.com
ژباړن: صدیق احمدزی
خبر:
تېره اونۍ ولیعهد محمد بن سلمان په یو مرکه کې خبرداری ورکړ، که ایران اټومي وسله جوړه کړي، نو سعودي عربستان به یې هم جوړه کړي. د محمد بن سلمان خبرداری نه یوازې له ایران سره د هغې اټومي هوکړې پر دوام اغېز لري، چې په ۲۰۱۵ م کال کې ترسره شوه، بلکې د لوېدیځ له اغېز څخه د اسلامي نړۍ د ژغورلو هڅې هم کمزورې کوي.
تبصره:
د ولیهعد محمد بن سلمان دا ډول څرګندونې د امریکا د بهرنیو چارو د وزیر ریکس ټیلرسون له ګوښه کېدو سره سمې رابرسېره کېږي، چې نوموړی له ایران سره د شوې اټومي هوړې د بیا کتنې خلاف و. داسې برېښي چې په سپینه ماڼۍ کې ولسمشر ټرمپ له ایران سره د شوي اټومي تړون د تعدیلولو په لټه کې دی. که ټرمپ او د هغه مرستیالان په ریښتیا هم په منځني ختیځ کې د سولې هیله لري، نو باید د کېنيټ والټز څرګندونو ته په سمه توګه پام واړوي.
د نوي ریالیزم پلار کېنيټ والټز د امریکا له لومړنيو پوهانو څخه دی، چې د شته حالت خلاف یې په منځني ختیځ کې د اټومې وسلو د شتون ملاتړ کړی. والټز څرګنده کړې، چې په منځني ختیځ کې د یهودي دولت اټومي غوراوي دوی ته له خپلو ګاونډیو سره د متعارفي(مخامخ) جګړې زمینه برابره کړې او په ټول منځني ختیځ کې یې ناارامۍ ته لمن وهلې. والټز په دې باور دی چې په اټومي وسلو سمبال ایران به یهودي دولت له متعارفي جګړې څخه را وګرځوي، په ځانګړې توګه په هغو هیوادونو کې چې د ایران تر زیات نفوذ لاندې دي، لکه: لبنان او سوریه.
همداراز والټز وایي، چې د اټومي وسلو زیاتوالی به یو ډول توازن را منځته کړي، چې د سیالو دولتونو له لورې به د تاوتریخوالي او د جګړې د غوښتنو کچه را ټیټه او د اټومي جګړې مخه به ونیسي. د دې کړنې د ترسره کولو له امله نږدې ده چې سوله د بې ثباتۍ او نفوذ ځای ونیسي.
په ضمني توګه، د والټز د ارزونې پر بنسټ په سیمه کې به د اټومي وسلو پراختیا د هغو دولتونو تر منځ د ثبات په منځته راتګ کې اغېزناکه ثابته شي، چې تر منځ یې د ایډیالوژیو توپیر موجود دی. ځکه د والټز په اند کله چې نړۍ دوه قطبي وه او سړه جګړه روانه وه، همدې اټومي وسلو د ثبات په ساتلو کې مرسته وکړه او په راتلونکې کې به په منځني ختیځ کې د دوو قطبونو د جوړېدو پر مهال ایران او یهودي دولت د دوو بېلو قطبونو برخې وي.
د محمد بن سلمان له لورې د اټومي وسلو د لاسته راوړلو هڅې د والټز د نظریې پر خلاف دي او په سیمه کې د ايران د ځمکنیو ځواکونو د نفوذ پر وړاندې څرګندې هڅې دي. د سعودي عرب له لورې پاکستاني ځواکونو ته له وروستۍ بلنې څخه موخه دا ده، چې د یمن په جګړه او همداراز له شاهي دولت سره په کورني ثبات کې مرسته وکړي. [خلیج ټایمز]
د سعودي او ایران تر منځ اختلافات حتمي دي، خو دا اختلافات ایډیالوژیکي ریښه نه لري. وهابیزم او شیعیهییزم د اسلامي فقې دوه ښاخونه دي. پر دې سربېره د ایران او سعودي عرب ترمنځ اختلافات د یهودي دولت په پرتله ایډیولوژیک نه دي. د دواړو هیوادونو خلک یهودي دولت ته د یو پردي دولت په سترګه ګوري او د صلیبي جګړې یوه برخه ده چې له دولسمې پېړۍ را په دې خوا دوام لري.
د محمد بن سلمان لپاره غوره دا ده، چې د اټومي وسلو لاسته راوړلو هڅې د یهودي دولت د اټومي غوراوي پر وړاندې تر سره کړي. په دې توګه به ان په سیمه کې؛ د ایران تر څنګ د منځني ختیځ ټول اوسېدونکي د دې هڅې پراخ ملاتړ وکړي. د دې کار بله ګټه په سیمه کې د مسلمانانو د زیاتېدونکي ملاتړ خپلول دي، چې له امله به یې په اسلامي نړۍ کې مسلمانان وهڅول شي، چې صلیبي پروژو ته د پای ټکی کېږدي.
محمد بن سلمان ټینګار کوي چې د ایران پر وړاندې به د اټومي وسلو جوړولو ته مخه کړي. په داسي حال کې چې د فلسطین پر سپېڅلې خاوره باندې د یهودي دولت ښکېلاک ته مشروعیت ورکوي. له دې څخه جوتیږي، چې سعودي عرب د ایران پر وړاندې له یهودي دولت سره لاس یو کړی او د مسلمانانو تر منځ د یووالي مخه نیسي.
دا ښکاره ده چې نه ایران او نه هم سعودي عرب د دې وړتیا او ظرفیت لري، چې د اټومي ځواک په لرلو سره یوې باثباته رهبرۍ ته لاره هواره کړي. دوی لا هم د لوېدیځ په ملاتړ د یهودي دولت د پیاوړتیا سبب شوي دي. یوازې خلافت کولای شي، چې په بریالیتوب سره د اټومي پیاوړتیا پر مټ له لوېدیځ سره سیالۍ ته را ودانګي او د لوېدیځ نفوذ نه یوازې په منځني ختیځ کې بلکې په ټوله اسلامي نړۍ کې پای ته ورسوي.
د حزب التحریر مرکزي مطبوعاتي دفتر ته
لیکوال: عبدالمجید بهاټي
ژباړن: عبدالله لطفي
