(ژباړه)

الحمد لله والصلاة والسلام على رسول الله، وعلى آله وصحبه ومن والاه وبعد...

الله أكبر الله أكبر الله أكبر، لا إله إلا الله، الله أكبر الله أكبر، ولله الحمد...

ټول اسلامي امت ته ... تر ټولو غوره امت چې بشر ته راغلی دی؛ پر نېکو امر کوي او له بدو منع او پر عزیز او حکیم خدای ایمان لري...

په ځانګړي ډول دعوتګرو ته ... الله سبحانه و تعالی دې د دوی په لاسونو فتح راولي؛ الله سبحانه و تعالی دې دوی ته نصرت ورکړي چې اسلامي دولت، د نبوت پر منهج راشده خلافت تاسیس کړي...

د انلاین پاڼو درنو لیدونکو ته چې دلته په خیر پسې ګرځي، د حقیقت په لټه کې دي او چلوونکو سره یې مرسته کوي.

دغو ټولو ته السلام عليكم ورحمة الله وبركاته

د نېکمرغه لوی اختر د رارسېدو په مناسبت مبارکي درکوم او له قوي او عزیز رب څخه غواړم چې دغه اختر د ټولو مسلمانانو لپاره د خیر او برکت پیل وي.

ګرانو وروڼو او خویندو! زه خپل سلام درته وړاندې کوم او ستاسو په حق کې د خیر دعا کوم. له قوي او عزیز الله څخه غواړم چې دغه سختي، بلا او وبا له مسلمانانو لرې کړي او دغه مبارکه میاشت وروستۍ میاشت شي چې مسلمانان یې د اسلامي دولت- هغه دولت چې مسلمانانو ته عزت او جلال راوړي- په نشتون کې تېروي؛ بېشکه چې الله سبحانه و تعالی پر هر څه لاسبری او حکیم ذات دی.

﴿رِجَا ل لا تُلْهِيهِمْ تِجَارَة وَلا بَيْ ع عَنْ ذِكْرِ اللَِّ وَإِقَامِ الصَلاةِ وَإِيتَاءِ الزَكَاةِ يَخَافُونَ يَوْما تَتَقَلَبُ فِيهِ الْقُلُوبُ وَالَْْبْصَار * لِيَجْزِيَهُمُ اللَّ أَحْسَنَ مَا عَمِلُوا وَيَزِيدَهُمْ مِنْ فَضْلِهِ وَاللَّ يَرْزُقُ مَنْ يَشَاءُ بِغَيْرِ حِسَا ب ﴾

ژباړه: «داسې سړي دي چې سوداګري او راکړه ورکړه یې د الله له یاد، د لمانځه له ادا کولو او د زکات له ورکړې څخه نه غافل کوي. هغوی له هغې ورځې څخه وېرېږي چې په هغې کې به د زړونو د اوړېدو را اوړېدو او د سترګو د رډو ختلو وار راشي.* او (هغوی دا هر څه د دې لپاره کوي) چې الله د هغوی د ډېرو غوره عملونو مکافات ورکړي او لا زیات یې په خپله لورینه سرلوړي کړي. الله هغه چاته چې خوښه یې شي بې حسابه روزي ورکوي.» [نور: ۳۷-۳۸]

ستاسو ورور،

عطا بن خلیل ابو الرشته

د حزب التحریر امیر

۱۴۴۴ هـ.ق د ذولحجې ۱۰مه

۲۰۲۳م کال د جون ۲۸مه