پریس ریلیز

مودی کا ہندو ریاست کی یوم آزادی پر خطاب
خطے کی چودھراہٹ سنبھالنے کا باضابطہ اعلان تھا۔ جس کے بعد
ہمارے پاس واحد آپشن خلافت کا قیام یا ہندو ریاست کی غلامی ہے

 

گجرات کے قصاب اور بھارتی وزیر اعظم نریندر مودی نے ہندو ریاست کی یوم آزادی کے موقع پر خطاب کرتے ہوئے کہا؛ "ہم سب جانتے ہیں کہ ہمارے ملک پر ہزار بارہ سو سال پہلے (مسلمانوں کی جانب سے) حملہ کیا گیا تھا۔  ایک چھوٹی سی ریاست (سندھ) اور اس کے بادشاہ (راجہ داہر) کو شکست دی گئی تھی، تاہم ہم (ہندوؤں کو) اندازہ نہیں تھا کہ یہ ایک واقعہ ہندوستان کو ہزار سالہ غلامی میں دھکیل دے گا۔  ہم غلامی کی دلدل میں پھنس گئے، جو بھی آیا، اس نے ہمیں لوٹا اور ہم پر حکومت کی۔  کیا ہی تباہ کن ہزار سال کا یہ دور تھا۔" اور کہا،" مجھے کامل یقین ہے  کہ جس طرح دوسری جنگ عظیم کے بعد نیا ورلڈ آرڈر قائم ہوا، اسی طرح کرونا کے بعد ایک نیا ورلڈ آرڈر، ایک نیا گلوبل آرڈر ایک نئی جیو پولیٹیکل مساوات جنم لے رہی ہے ۔۔۔تمہیں فخر ہو گا کہ دنیا میرے 140 کروڑ ہم وطنوں کی صلاحیتوں کو پہچان رہی ہے۔  تم ایک اہم موڑ  پر کھڑے ہو۔" پس مودی عالمی طاقتوں کی آشیر باد سے نئے عالمی آرڈر، جس میں ہندو ریاست اس خطے کی چودھراہٹ سنبھالے گی، کی آمد کا اعلان کر رہا ہے، جو مسلمانوں سے ان کی ہزار سالہ دور حکومت کا بدلہ لے گی۔  جس کا آغاز مودی پہلے ہی کر چکا ہے۔ تو ہمارے پاس خلافت کے قیام کے سوا عزت کا کیا راستہ بچتا ہے؟

 

بی جے پی حکومت کا ہندو ریاست کو امریکی آرڈر کے ساتھ align کرنے کے بعد، امریکہ اپنی پوری طاقت کے ساتھ ہندو ریاست کا ہمنوا بن چکا ہے۔ جس نے خطے کی اس پرانی ڈائنامکس کو مکمل طور پر تبدیل کر دیا ہے، جس کے تحت امریکہ پاکستان کو ہندو ریاست کے مقابلے میں تعاون مہیا کرتا تھا کیونکہ پاکستان اس خطے میں امریکہ کا اہم ترین پلئیر تھا، جس نے چین کا دروازہ کھولنے سے لے کر افغان جنگ تک ہر امریکی ایجنڈے کی تکمیل کی۔ امریکہ موجودہ چین اور اس خطے میں جلد قائم ہونے والی خلافت کو اہم اسٹرٹیجک خطرہ سمجھتا ہے، جس میں ہندو ریاست اس کی حلیف ہے۔  اسلئے پاکستان حکومت امریکہ کی جتنی بھی چاپلوسی کر لے، پاکستان کو  کمزور کرنا ہی امریکی اسٹرٹیجک ہدف ہے۔ ایف اے ٹی ایف کے ذریعے کشمیری جہادی تنظیموں کا خاتمہ ہو یا آئی ایم ایف کے ذریعے پاکستان کی معیشت کی بربادی، افواج کے بجٹ میں حقیقی قدر کے لحاظ سے مسلسل کمی، میزائیل اور دیگر اسٹرٹیجک اسلحے میں ترقی کو روکنا ہو یا پاکستان کی بہادر افواج کو محض اینٹی ٹیررزم فوج میں بدلنا، سب اسی مکروہ ایجنڈے کی تکمیل کا حصہ ہے۔

 

اے افواج پاکستان!

پاکستانی قیادت اپنے اقتدار کے بدلے میں پاکستان کو ہندو ریاست کی باج گزار ریاست میں تبدیل کرنے کی امریکی ڈکٹیشن پر عمل پیرا ہے، لیکن وہ تم سے خوفزدہ ہے کہ تم اس کی اجازت نہیں دو گے۔ اسلئے وہ چالاکی سے پھونک پھونک کر قدم اٹھا رہے ہیں۔ یہ پاکستانی قیادت ہی تھی جس نے مودی کی جانب سے کشمیر کے جبری الحاق کے خلاف پبلک میں احتجاج کے باوجود بیک ڈور میں خفیہ مذاکرات کئے اور لائن آف کنٹرول پر مودی کو سیز فائر کا تحفہ دیا۔   کرتاپور بارڈر کھولا، بھارتی ائیر لائنز کو پاکستانی حدود سے گزرنے کی اجازت دی، مزید اشیاء کی تجارت کی اجازت دی  اور پاکستانی ٹیم بھارت بھیج کر کشمیری قبضے پر خاموشی اختیار کی۔ یہاں تک کہ ہندو ریاست کی جانب سے اسٹرائیک کور کو پاکستانی بارڈر سے چین منتقل کرنے کا بھی فائدہ نہیں اٹھایا گیا۔ ہر گزرتے دن کے ساتھ جان بوجھ کر پاکستان اور ہندو ریاست کے فوجی مقابلے کا توازن بگاڑا جا رہا ہے۔  سرکاری تجزیہ کار پاکستان میں ہندو ریاست کی برتری کے"ثبوت" کا بھاشن دے کر ہماری افواج اور عوام کو غلامی کا درس دے رہے ہیں۔

 

شعور رکھنے والوں پر واضح ہو چکا ہے کہ جمہوریت، ہائبرڈ نظام، ڈکٹیٹرزشپ، ٹیکنوکریٹ اور قومی حکومت، سب ناکام ہو چکی ہیں۔  وقت آ چکا ہے کہ افغانستان کو نیشنلسٹ ایجنڈا کے تحت "اسٹرٹیجک ڈیپتھ" نہیں، بلکہ اسلام کے ایجنڈے کے تحت ہمارا صوبہ بنا کر ایک خلافت کا آغاز کیا جائے۔ وسط ایشیا کے ممالک کا اس خلافت کا حصہ ہونا اس کا فطری طور پر اگلا قدم ہو گا۔ اس خلافت کا گلف تک پھیلاؤ ہندو ریاست کیلئے "چیک میٹ" (شہ مات) ہو گا۔  اور یہ امریکہ کو بھی اس خطے سے باہر پھینک کر مسلم دنیا کو وحدت بخشنے کا آغاز ہو گا۔ افواج پاکستان کے جوان اور افسران  اس عظیم مشن کیلئے تیار ہیں۔ تو اے افواج پاکستان کے افسران، خلافت کے قیام کیلئے حزب التحریر کو نصرہ دو، تاکہ ہم عملی طور پر اس مشن کا آغاز کر سکیں۔ یہی وہ واحد آپشن ہے جو ہمیں ہندو ریاست کی غلامی سے بچانے اور ہندوستان میں اسلام کی حاکمیت دوبارہ قائم کرنے کا موقع فراہم کرے گی۔  اللہ سبحانہ و تعالیٰ نے فرمایا 

 

﴿إِنَّهُمۡ يَرَوۡنَهُۥ بَعِيدٗا وَنَرَىٰهُ قَرِيبٗا﴾

" بیشک ان کی نظر میں یہ بہت دور کی چیز ہے جبکہ ہم اسے بہت قریب دیکھتے ہیں۔" (سورۃ المعارج، 70:6,7)

 

ولایہ پاکستان میں حزب التحرير کا میڈیا آفس