کریموف کا ظلم خلافت کے قیام کو روک نہیں سکتا

حزب التحریر ولایہ پاکستان نے ازبکستان کے صدر کریموف کے ہاتھوں حزب التحریر کے رکن شوکت کریموف کے قتل کے خلاف اسلام آباد میں موجود ازبکستان کے سفارتی مشن کے باہر احتجاجی مظاہرہ کیا۔ مظاہرین نے بینرز اور پلے کارڈ اٹھا رکھے تھے جن پر تحریر تھا: "اے ظالم کریموف!!!! مخلص مسلمانوں کی گرفتاریاں، تشدد، اور شہادتیں، خلافت کے قیام اور تمہارے عبرتناک انجام کو روک نہیں سکتے "اور" اے ظالم و جابر کریموف!!!!! مسلمانوں کا قتل عام بند کرو"۔ رکن حزب التحریر شوکت کریموف 1999 میں قید کیے گئے تھے اور 2002 میں جان بوجھ کر انھیں ان قیدیوں کے سیل میں منتقل کر دیا گیاتھا جنھیں تپ دق کی بیماری لاحق تھی۔

اس سال 27 رمضان الامبارک کی رات شوکت تپ دق کی بیماری کے نتیجے میں موت کا شکار ہو گئے۔ مظاہرین نے شوکت کے قتل اور جابر کریموف کے ظلم و ستم کے خلاف شدید نعرے بازی کی۔ مظاہرین نے ازبکستان کے سفارتی مشن کو حزب التحریر ولایہ پاکستان کی جانب سے ایک خط بھی دیا۔ خط میں فرعون صفت کریموف کے ظلم کی شدید مذمت کی گئی اور اسے اس بات سے خبر دار کیا گیا کہ جس طرح عرب دنیا کے ظالم و جابر حکمران اپنی تمام تر قوت اور ظلم و جبر کے باوجود اپنے انجام کو پہنچ رہے ہیں، وہ بھی جلد ہی انھی کی صفوں میں شامل ہو گا۔ خط میں کریموف کو اس بات کی یقین دہانی بھی کرائی گئی کہ دو دہائیوں سے جاری اس کے شدید ترین ظلم کے باوجود حزب التحریر کے شباب آج تک خلافت کے قیام کی جدوجہد سے دستبرادار نہیں ہوئے اور انشاء اللہ شوکت کریموف کی شہادت کے بعد بھی یہ جد و جہد اسی تیزی کے ساتھ جاری و ساری رہے گی۔

خط میں کریموف کو اس بات سے بھی خبردار کیا گیا کہ عنقریب قائم ہونے والی خلافت اس کے ظلم و جبر پر مبنی اقتدار کا خاتمہ کر دے گی اور کریموف کو دوسرے ظالم حکمرانوں کو ان کے انجام سے خبردار کرنے کے لیے نمونہ عبرت بنا دے گی۔ آخر میں مظاہرین "امت کی طاقت ۔ خلافت" کے نعرے لگاتے ہوئے منتشر ہو گئے۔

میڈیا آفس حزب التحریر ولایہ پاکستان