امت حکمرانوں سے چھٹی کا نہیں امریکی ایمبیسی اڈوں کے خاتمے اور سفارت کاروں کی ملک بدری کا مطالبہ کر رہی ہے

آج وفاقی کابینہ نے 21 ستمبر بروز جمعہ کو یوم عشق رسول ﷺ قرار دے کر عام تعطیل کا اعلان کیا ہے۔ امت ان حکمرانوں سے ملک میں موجود امریکی اڈوں، سفارت خانوں کی بندش اور سفارت کاروں کی ملک بدری کا مطالبہ کر رہی ہے اور حکمران چھٹی کا اعلان کر رہے ہیں۔ دراصل جمعہ کی چھٹی کے اعلان کا مقصد توہین رسالت کا بدلہ لینا نہیں بلکہ اس چھٹی کا مقصد امت کو مظاہروں میں شرکت سے روکنا ہے تا کہ یہ تائثر دیا جا سکے کہ صرف چند مذہبی جماعتیں ہی اس مسئلہ پر احتجاج کر رہی ہیں جبکہ عام عوام اس سے لا تعلق ہے۔ اس کے علاوہ اگر حکومت اس اقدام کی ذریعے رسول اللہ ﷺ سے اپنی محبت کو ثابت کرنا چاہتی ہے تو یہ ثابت کرنے کے لیے اس نے ایک انتہائی بھونڈا طریقہ اختیار کیا ہے۔ حکومت کی رسول اللہ ﷺ سے محبت کاتو یہ عالم ہے کہ اب تک امریکی سفیر کو وزارت خارجہ میں بلوا کر باضابطہ تحریری احتجاج تک نہیں کیا گیا بلکہ الٹا وزیر خارجہ حنا ربانی کھر امریکہ سے تعلقات کو مزید فروغ دینے کے لیے امریکی سیکریٹری خارجہ ہیلری کلنٹن سے ملاقات کرنے کے لیے امریکہ پہنچ گئی ہیں۔

حکمرانوں کا چھٹی کا اعلان بھی دراصل اپنے امریکی آقاوں کو تحفظ فراہم کرنے کے لیے ہے جیسا کہ یہ اس سے پہلے تین پاکستانی شہریوں کے قاتل ریمنڈڈیوس کو امریکہ فرار کروا کر تحفظ فراہم کر چکے ہیں۔ حکمرانوں کو چھٹی کا اعلان نہیں بلکہ امریکہ سے سفارتی تعلقات کی منسوخی، امریکی سفارت خانوں کی بندش، سفارت کاروں کی ملک بدری، نیٹو سپلائی لائن کی بندش اور افواج پاکستان کو توہین رسالت کا بدلہ لینے کے لیے بھر پور تیاری کرنے کا حکم جاری کرنا چاہیے تھا۔ یہ حکمران زندہ لاشیں ہیں۔ ان کے لیے اپنے دین اپنے نبی ﷺ اوراپنی امت کی کوئی حیثیت نہیں۔ ان کے لیے جو چیز سب سے اہم ہے وہ اپنے آقا امریکہ کی خوشنودی ہے۔

حزب التحریر پاکستان کے مسلمانوں کو بتا دینا چاہتی ہے کہ یہ غدار حکمران کبھی بھی تمھارے دین، تمھارے رسول ﷺ اور تمھاری امت کے لیے اس کے دشمنوں سے نہیں لڑے گے۔ صرف اور صرف خلافت ہی امت کو ایک ریاست تلے وحدت بخشے گی اور توہین رسالت کے مجرموں سے رسول اللہ ﷺ کے شایان شان بدلہ لینے کے لیے اس کی ساٹھ لاکھ فوج کو متحرک کرے گی۔

پاکستان میں حزب التحریر کے ڈپٹی ترجمان

شہزاد شیخ