د حزب التحریر ولایه سوډان لخوا د دارفور د بېلولو د پلان د شنډولو لپاره د تکبیر، تهلیل او ملاتړ سره لاریون، د رسنیو او سیاسي تحرک سره یوځای، د پورټ‌سوډان د لوی جومات مخې ته ترسره شو. خلک د ۱۴۴۷ هـ.ق کال د ربیع الاول په ۲۰مه (د ۲۰۲۵ کال د سپتمبر ۱۲مه) د جمعې تر لمانځه وروسته د پورټ‌سوډان په لوی جومات کې راټول شول ترڅو د حزب التحریر ولایه سوډان لخوا د دارفور د بېلولو د پلان د شنډولو لپاره د کمپاین د یوې برخې په توګه د لوی جومات مخې ته لاریون وکړي.

د لاریون په لړ کې د رسول الله صلی الله علیه وسلم بیرغونه او هغه  نور بنرونه پورته کړل شول چې د دارفور د پلان د شنډولو، د امت د یووالي، د اسلامي حکومت د تاسیس او د نبوت پر منهج د خلافت د تاسیس له لارې د الله تعالی د قانون د پلي کولو غوښتنه یې کوله.

د حزب التحریر ولایه سوډان رسمي ویاند، ابراهیم عثمان (ابو خلیل)، حاضرینو ته وینا وکړه چې هغوی یې د تکبیر ("الله اکبر") او تهلیل ("الله اکبر") په ویلو سره ځواب ورکړ او دا جنایتکارانه دسیسه یې رد کړه. همداسې هغوی د اسلامي امت له یووالي، د هغه د دین د حاکمیت له تاسیس او د الله تعالی د قانون له پلي کولو څخه خپل ملاتړ اعلان کړ.

هغه وویل:«ای د سوډان خلکو: د دسیسې د شنډولو لپاره راپورته شئ، د اجنټانو او منافقانو نفوذ له منځه یوسئ، او د ژوند سمه لاره غوره کړئ. یو مؤمن له یوې سوري څخه دوه ځله نه چیچل کیږي. موږ د جنوبي سوډان په بېلولو سره د امریکا لخوا ځپل شوي یو. ایا موږ باید اجازه ورکړو چې دارفور هم بېل کړي؟ البخاري او مسلم له ابو هریره رضی الله عنه څخه روایت کړی چې رسول الله صلی الله علیه وسلم وفرمایل: (یو مومن له یوه سوري څخه دوه ځله نه چیچل کیږي).»

ډیرو خبري وېب‌پاڼو د لاریون د انځورونو په خپرولو سره په دې اړه راپور ورکړ. دا د رسنیو او سیاسي ډلو ترمنځ د پام وړ سیاسي او رسنیز تفاعل ښکاره کوي چې سیاسي او رسنیز غورځنګ یې رامنځته کړ او د دارفور مسله یې د پام وړ وبلله. کېدای شي دا به د امت مخلص عالمان، سیاستوال،  او د اردو افسران وهڅوي چې دا جرمي دسیسه شنډه کړي.

موږ الله تعالی ته دعا کوو چې اسلامي امت سره متحد کړي او خبرې یې سره یو کړي ترڅو د نبوت پر منهج د اسلامي دولت  (راشده خلافت) په تاسیس سره د الله دین قایم شي، ځکه یوازې هماغه دولت د استعماري کافرانو دسیسې شنډولی شي.

په ولایه سوډان کې د حزب التحریر د رسنیز دفتر استازی

۱۴۴۷ هـ.ق کال د ربیع الاول ۲۰مه

۲۰۲۵م کال د سپتمبر ۱۲مه

• 
• 
• 
• 
• 
• 
• 
• 
• 
•  

د لازیاتو معلوماتو لپاره د حزب‌التحریر ولایه سوډان وېب‌پاڼې وګورئ:

د حزب‌التحریر ولایه سوډان رسمي وېب‌پاڼه

د حزب‌التحریر ولایه سوډان ډیلي‌موشن چینل