په ادلب، جنوبي حومه کې د معرة النعمان، خان شیخون او حبل الزاویې سیمو خلک او مشران، د ختیځې غوطې او حومه حماة بېځایه شوي په مورک کې د ترکیې څار ادارې ته لاړه چې د حق خبره ورواوروي.
۱۴۴۰هـ.ق، د ربیع الاول ۱۱مه دوشنبه/ ۲۰۱۸م، د نومبر ۱۹مه
(ژباړه)
څنګه کولای شو -د ویښ او باخبره وجدان په درلودو- هره ورځ خپلو بچیانو ته ښه خواړه تیار کړو، پاکې او سوتره جامې ور واغوندو او په مینه او ارامۍ یې د خوب ځای تیار کړو، خو په ورته وخت کې د دغه امت د ژغورلو لپاره په بې حسۍ او له فکر پرته، ۱،۸ میلیونه ماشومان ګورو، چې په یمن کې له سختې خوارځواکۍ سره مخ دي او په بې رحمۍ سره وژل کېږي؟ څنګه خوشالېدلی شو چې زامن مو په وده او روزنه کې دي، په داسې حال کې چې ښایي د اسلام پر ضد په نننیوجګړو کې په یمن کې ۵۰۰ زره ماشومان د زوکړې د راتلونکې کلېزې شاهد نه وي. رسول الله صلی الله علیه وسلم فرمایي:
«مَثَلُ الْمُؤْمِنِينَ فِي تَوَادِّهِمْ، وَتَرَاحُمِهِمْ، وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى» (صحیح بخاری)
ژباړه: د محبت، شفقت او مهربانۍ له پلوه د مومنانو مثال د يو وجود په څېر دی، کله چې د وجود یو غړی په تکليف شي، نو په بې خوبۍ او تبه کې ټول وجود ورسره شريک وي.
آيا هغه وحشي حالت چې نن مسلمانان پکې واقع دي، موږ نه ځوروي؟ ایا نرم زړه نه لرو، چې د اسلامي امت د وروڼو، خویندو او زامنو درد او لوی غم حس کړي؟ ایا دې چلبازې دنیا موږ د ژوند په ډېرو کوچینیو ستونزو کې داسې ډوب کړي یو، چې هغه اسلامي امت چې اوس د ژوندي پاتې کېدو لپاره مبارزه کوي او بې ګناه، مظلوم مسلمان ماشومان، چې د یوې ټوټې وچې ډوډۍ خوب او خیال ویني، هېر کړي مو دي؟ په رښتیا که موږ دغه جنایتونه ووینو او درک یې کړو، نور به مو په زړه او فکر کې ارامي نه وي. لکه څنګه چې رسول الله صلی الله علیه وسلم فرمایي:
«إِنَّ فِي الْجَسَدِ مُضْغَةً إِذَا صَلُحَتْ صَلُحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ أَلَا وَهِيَ الْقَلْبُ» (صحیح بخاری)
ژباړه: د انسان په بدن کې د غوښې یوه ټوټه ده، که هغه جوړه وي د بدن نور غړي هم ورسره جوړېږي او که ناروغه شي د بدن نور غړي ناروغ او فاسدوي، هغه د غوښې ټوټه زړه دی.
د اسلامي امت لپاره د احساساتو لرل ډېر مهم او حتمي دي او همدارنګه د اسلامي امت د حالت په اړه معلومات لرل هم ضروري دي، خو یوازې د احساساتو او معلوماتو لرل د امت د درد درمان لپاره کافي نه دي؛ بلکې دغه دوه یې پیل او بنسټ دی او هغه وخت پوره کېږي چې همدغه احساسات او معلومات په عمل کې پلي کړو. همدارنګه رسول الله صلی الله علیه وسلم فرمایي:
«اللَّهُمَّ إِنِّي أَعُوذُ بِكَ مِنْ عِلْمٍ لَا يَنْفَعُ، وَمِنْ قَلْبٍ لَا يَخْشَعُ، وَمِنْ نَفْسٍ لَا تَشْبَعُ، وَمِنْ دَعْوَةٍ لَا يُسْتَجَابُ لَهَا»
(صحیح المسلم)
ژباړه: اې زما ربه! له هغه علم څخه چې ګټه نه رسوي، له هغه زړه نه چې خشوع او خضوع نه لري، له هغه نفس څخه چې نه مړېږي او له هغه دعا څخه چې نه قبلېږي، تاته پناه دروړم.
په ښکاره وینو چې د اسلام دوښمنانو هېڅکله له اسلامي امت سره مرسته نه ده کړې او هغه ټوټه ټوټه او متفرق کوي او همدارنګه د دوی په منځ کې یې اختلافونه ډېر کړي او د خپلو شومو پلانونو د عملي کولو لپاره له دوی څخه ګټه اخلي.
همدارنګه ښکاره ده چې یوازې د نړیوال قدرت تغیر، چې د نبوت پر منهج د خلافت د دولت له تاسیس څخه عبارت دی، د اسلامي امت د نني ناوړه حالت د تغیر توان لري؛ ځکه یوازې هغه رهبر او حاکم له هرډول قحطۍ، ظلم او تاوتریخوالي څخه د امت ساتندوی او ژغورونکی وي، چې له الله سبحانه وتعالی څخه ووېرېږي او تقوا غوره کړي.
ولې ډېر خلک اوس هم په دې باورمن دي، چې امریکا او یا یې شریکان له مسلمانانو سره د مرستې مینهوال دي؟ ځکه چې داسې فکري لیدلوری تر ټولو اسانه لاره ده، چې مسلمانانو یې په وسیله ځان ته دوکه ورکړې او زړونه یې د الله تعالی په خاطر نه؛ بلکې د دنیا په خاطر اراموي. همدارنګه د دې لامل کېږي چې مسلمانان له دې څخه سترګې پټې کړي چې ننی نړیوال قدرت یا پانګوالي نظام د اسلام تر ټولو ستر دوښمن دی. په پای کې دا هغه لاره ده چې امت پاشي، زړونه یې سختوي او سترګې یې ړندوي.
نو پر دغه اساس دا زموږ په لاس کې ده چې کومه لاره ټاکو، دا چې موږ مسلمانان یو او د اسلام دښمنان خپل دوستان بولو، یا دا چې یوازې د دنیوي کارونو په اړه فکر کوو، یا دا چې په کمو مرستو خپل وجدان اراموو او یا دا چې د یوه مسلمان په توګه له ټولو بدبختیو څخه د اسلامي امت د ژغورلو لپاره شپه او ورځ هڅه کوو یعنې د نبوت پر منهج د خلافت د بیا تاسیس لپاره کار او فعالیت کوو.
﴿يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ﴾ [محمد: ۷]
ژباړه: اې هغو کسانو چې ایمان مو راوړی! که د الله تعالی له دین سره مرسته وکړئ، نو هغه به ستاسو سره مرسته وکړي او قدمونه به مو ثابت کړي.
لیکواله: امانه عابد
د حزب التحریر د مرکزي مطبوعاتي دفتر لپاره
ژباړه: بشارت
د افغانستان لپاره د جنیوا کنفرانس د نومبر په ۲۷ او ۲۸مه په سویس کې جوړ شو، چې د ۶۲ هېوادونو او ۳۵ نړیوالو سازمانونو استازو، د افغانستان د حکومت رهبرانو، د خصوصي سکتور او مدني ټولنو استازو پکې برخه واخیسته، چې په ترڅ کې يې د افغانستان حکومت په تېرو کلونو کې د کړو ژمنو پایلې او د مرستو د مصرف د څرنګوالي راپور نړیوالې ټولنې ته وړاندې کړ.
د جنیوا کنفرانس د تېرو کنفرانسونو په څېر چې کله به د افغانستان د اشغال په موخه، بیا د اشغال د دوام او د افغان دولت د مالي او سیاسي ملاتړ لپاره جوړېدل، نړیوالې ټولنې او په هغې پورې اړوندو سازمانونو ته د افغانستان له لوري د راپور ورکولو یو میکانېزم دی، چې په افغانستان کې د نړیوالې ټولنې په وسیله د تعین شوو موخو او پالیسیو د پرمختګ کچه ارزوي.
دغه کنفرانس د خلکو پر ژوند هېڅ مثبت اغېز نه لري او د افغانانو هېڅ درد یې نه دی دوا کړی. حتی هغه ستونزې چې د افغانستان دولت افغانانو ته جوړې کړې دي، په دغه کنفرانس کې د لاستهراوړنو په توګه وړاندې شوې. لکه پر سوداګرو او صنعتکارانو د درنو مالیاتو وضع کول، پر وارداتو د ګمرکي تعرفې درې برابره کول، پر تلیفوني مکالمو مالیه لګول، د پانګونې د جلب په پلمه د ډالر او نورو بهرنیو اسعارو په مقابل کې د افغانۍ ارزښت کمول او بالاخره افغانستان د نړیوال بانک، د پيسو نړیوال صندوق او بهرنیو پانګوالو د پور ورکونې شرایطو ته تیارول. په داسې حال کې چې پورتنيو ټولو مواردو د افغانانو د ژوند حالت خورا ناوړه کړی او فقر، بېکاري او جنايي جرمونه یې زیات کړي دي.
د دې تر څنګ هغه لاسته راوړنې چې له اداري فساد سره د مبارزې او په دولت کې د اصلاحاتو په ډګر کې سترې ښودل کېږي، واقعیت یې دا دی چې فساد یې له غیر رسمي حالته د رسمي دولتي ادارو په چوکاټ کې قانوني حالت ته اړولی، چې د نورو مفسدینو لاسونه یې ورلنډ کړي او د ارګ په کړۍ او حاکمه طبقه پورې یې محدود کړی دی او د اداري اصلاحاتو په ډګر کې په دولتي بنسټونو کې د پخوانیو مجاهدو او کمونیستو عناصرو پر ځای په غرب کې روزل شوي عناصر ځای پر ځای شوي دي.
نو د دغه کنفرانس پایله د یو اړخیزو اصلاحاتو په ترسره کولو، درنو مالیاتو لګولو او د ناسمو اقتصادي سیاستونو له لارې د افغانستان د دولت لخوا د خلکو د وینې زبېښل دي، ترڅو د افغانستان دولت د خپلو خلکو د جیب او دسترخوان په لوټلو خپله اتکا له بهرنیو مرستو څخه کورنیو عوایدو ته متمرکزه کړي او په افغانستان کې جګړه خپله د افغانانو له عوایدو څخه د دوی په وینه دوام ومومي.
د حزبالتحریر - ولایه افغانستان مطبوعاتي دفتر
(ژباړه)
د افغانستان سیمه ییزو رسنیو د یکشبنې په ورځ راپور ورکړ، چې د افغانستان لپاره د امریکا ځانګړي استازي د ۲۰۱۹ م د اپرېل تر پیلېدو وړاندې له طالبانو سره د سولې هوکړې ته د رسېدو لپاره هیله څرګنده کړې ده. د امریکا ځانګړي استازي زلمي خلیلزاد خبریالانو ته وویل: «زه هیلهمن یم چې د راتلونکي کال د اپرېل تر ۲۰مې وړاندې له طالبانو سره د سولې هوکړه وکړم.» خلیلزاد په کابل کې د امریکا، طالبانو او افغان حکومت تر منځ د خبرو اترو مشري پر غاړه لري. همدارنګه ټاکل شوې چې د ولسمشرۍ ټاکنې د ۲۰۱۹ م د اپرېل پر ۲۰مه تر سره شي. په افغانستان کې زیږېدلي دغه امریکايي ډیپلوماټ زیاته کړه: «زه د خبرو اترو په قضیه کې تل هیلهمن یم.»
وروسته له هغه چې امریکا په افغانستان کې خپل لومړیتوبونه له ګواښ سره مخ ولیدل او د هند د لومړیتوبونو ماتې یې درک کړه، په افغانستان کې یې په امریکایي حکومت کې د خبرو له لارې د طالبانو د شاملېدو اقدام وکړ او د خبرو میز ته د طالبانو د مشرانو راوستو لپاره یې د پاکستان په حکومت کې خپل مزدوران وګومارل.
موږ پر طالبانو غږ کوو چې پاکستاني مزدورانو ته لېوال نه شي او د هغوی د نظامي رهبرانو پر وړاندې نرمي ښکاره نه کړي. باید له تېر څخه پند واخلي، ځکه امریکا د پاکستاني مزدورانو له مرستې پرته هېڅ وخت پر افغانستان واکمني نه شي کولی. له شک پرته چې امریکا یو ښکېلاکګر او بالفعل محارب دولت دی او له هغوی سره خبرې کوونکی رسوا دی او دا هغه حقیقت دی چې هېڅ شک پکې نشته. نو پر طالبانو لازمه ده چې د رښتیني بدلون لپاره د یو جدي عمل اقدام وکړي؛ هغه بدلون چې د الله سبحانه وتعالی یې ژمنه کړې او فرض دی او دغه کار زموږ له خارو څخه د ښکېلاک د ریښو په له منځه وړلو او د نبوت پر تګلاره د راشده خلافت د اعلان په واسطه پر بندګانو د الهي نظام په پلي کېدو سره شونی دی.
ژباړه : بهیر «ویاړ»
د ادلب په حومه، کفر دریان سیمه کې د حزب التحریر- ولایه سوریې د غړي استاد محمد البابا له خوا په مسجد کې پیغام وړاندې شو. ۱۴۴۰هـ.ق، د ربیع الاول ۱۴مه، پنجشنبه/ ۲۰۱۸م، د نومبر ۲۲مه
د حزب التحریر- ولایه سوریې مطبوعاتي دفتر د مشرانو د پلاوو کتنې، د څار ادارو د فعالیتونو او د یادو پلاوو پر وړاندې د ترکي افسرانو د عکس العملونو په اړه تصویري راپور جوړ کړی.
۱۴۴۰هـ.ق، د ربیع الاول ۱۱مه دوشنبه/ ۲۰۱۸م، د نومبر ۱۹م
۱۴۴۰هـ.ق، د ربیع الاول ۱۴مه، پنجشنبه/ ۲۰۱۸م، د نومبر ۲۲مه
وړاندې کوونکی: شیخ ابو انس الحصری
۱۴۴۰هـ.ق، د ربیع الاول ۱۲مه، سه شنبه/ ۲۰۱۸م، د نومبر ۲۰مه
په ادلب، جنوبي حومه کې د معرة النعمان، خان شیخون او حبل الزاویې سیمو خلک او مشران، د ختیځې غوطې او حومه حماة بېځایه شوي په مورک کې د ترکیې څار ادارې ته لاړه چې د حق خبره ورواوروي.
۱۴۴۰هـ.ق، د ربیع الاول ۱۱مه دوشنبه/ ۲۰۱۸م، د نومبر ۱۹مه
په پاکستان کې د ملګرو ملتونو د شبیه سازۍ خپرونې ته په ښوونځیو کې د یوې لويې موضوع په سترګه کتل کېږي. داسې برېښي چې په دې خپرونه کې ګډون به د ښوونیزو تجربو یوه بشپړه برخه وي، چې له امله یې سیمهييز ښوونځي له زده کوونکو څخه ګروپونه جوړوي او زده کوونکي په دې خپرونو کې برخې اخیستنې ته هڅوي. هر ښوونځی یو ځانګړی ګروپ لري، چې د ملګرو ملتونو د شبیه سازۍ په یو شمېر فعالیتونو کې ونډه اخلي. ګډونوال له پاکستان څخه بهر او هم په کور دننه کې د ننیو نړیوالو پېښو په اړه خبرې اترې کوي او په نړیواله کچه پر یو لړ هغو کړکېچونو چې له سوريي تر سوډانه رامنځته کېږي بحث کوي، ترڅو یو قانع کوونکی ځواب وموندل شي.
زده کوونکو ته دا یوه موقف نیوونکې موضوع ده او د ملګرو ملتونو د شبیه سازۍ د فعالیتونو د یوې برخې په توګه پکې پاتې کېدل، دوی ته یو واقعي باور ورکوي. د دغو فعالیتونه تر شا دلیل دا دی، چې زده کوونکي د بحث کولو وړتیا موندلی شي او دغه فعالیتونه د یوې نوښتګرې سرچینې په توګه کولی شي زده کوونکي چمتو کړي، چې یو مسلک یا حرفه غوره کړي او په کالج کې بریا تر لاسه کړي. ښوونځي د دغه لیدلورې پر بنسټ خپل زده کوونکي هڅوي، چې په نوموړو فعالیتونو کې برخه واخلي او تر څنګ به یې دوی ته یو فرصت وي چې بهر سفر ته وکړي او تر دې ور ها خوا داسې جوتوي چې ښوونیز بنسټونه له زده کوونکو سره مرسته کوي چې خپل راتلونکې ته چمتو شي.
د زده کوونکو استازي د ملګرو ملتونو کارونه ستایي؛ هر استازۍ ناستې جوړوي د خپلو هیوادونو له اړتیاوو، لوړوهیلو او له بهرنیو سیاسي پرېکړو څخه استازيتوب کوي. دوی ټاکلي وخت ته په کتو سره د مسایلو په اړه څېړنې کوي او د هیواد د بهرنۍ تګلارې له دریځ سره سم ور څخه پوښتنه کېږي، ترڅو پټه ستراتیژي تطبیق کړي او شخړو ته د ملګرو ملتونو له اجنډا سره سمې حللارې غوره کړي.
د بېلګې په توګه په روان کال کې د جاپانیانو لپاره د ملګرو ملتونو د شبیه سازۍ موضوع د « لوږې پای ته رسول» و، چې په دې لړ کې څه ډول د خوراکي توکو امنیت ډاډمن شي، په خوړو کې څه ډول سمون او اصلاحات راشي او دوام لرونکې کرهڼه څه ډول پراختیا ومومي. په همدې روان کال کې په ګانا کې د ملګرو ملتونو د شبیه سازۍ موضوع «د بدلون په لور د ګامونو اخیستل» و. په بنکاک کې د ۲۰۱۹م لپاره د ملګرو ملتونو د شبیه سازۍ موضوع «بهرنۍ یووالی » دی، چې څه ډول شونې ده په نړیواله فضا کې بېلابېل نابغه ګان سره یو ځای شي.
د ملګرو ملتونو د شبیه سازۍ په هر کنفرانس کې له بېلابېلو هیوادونو څخه زده کوونکي غوره کوي او مقالې ورکول کېږي، ترڅو پرې بحثونه وکړي. د بحث لپاره په مقالو کې د دیپلوماسۍ، ترهګرۍ، سولې او د ولسونو د راتلونکې په اړه موضوعګانې شته.
که دا ډول فعالیتونو ته په سطحي ډول وکتل شي، نو یوه ستره تجربه او پایله تر سترګو کېږي. خو ستونزه دا ده، چې له دې لارې ځوانان هڅول کېږي چې له یو ټاکلي لیدلوري شیانو ته وګوري یانې له غربي لیدلوري. دا ډول فعالیتونه داسې یو حالت رامنځته کوي چېرته چې زده کوونکي خپلو افکارو او مفکورو ته غربي رنګ ورکوي.
د دغو هڅوونکو فعالیتونو موخه، د زده کوونکو د مهمو افکارو او د ستونزو حلوونکو وړتیاوو محدودول دي. د ملګرو ملتونو د شبیه سازۍ فعالیتونه داسې کړنلارې دي، چې زموږ راتلونکي نسلونه ملګرو ملتونو او لوېديځوالو ته ژمنوي. کله چې زموږ دغه ځوان نسلونه له ستونزو سره لاس او ګریوان شي، نو حتمي ده چې د حل په موخه یې د ملګرو ملتونو سازمان او لوېدیځ ادرس ته پناه وړي. دوی داسې فکر ته هڅول کېږي چې ایا د دوی دریځ به وکولی شي د کمزورو دولتونو واکمني ماته کړي یا دا چې دوی لیبرال نظام ته ژمن پاتې کېدای شي. د ملګرو ملتونو د شبیه سازۍ له کړنلارو څخه اصلي موخه دا ده چې ورڅخه د یوې وسیلې په توګه د غربي کلتور د خپراوي لپاره ګټه واخیستل شي او ځوانانو ته په داسې انګېزه روزنه ورکړل شي ، چې غربي نظام یو ځواکمن او پیاوړی نظام دی.
د ملګرو ملتونو د شبیه سازۍ کړنلاره په بې سارې توګه یو سیال نندارتون دی، چې د ګروپ غړو ته له درسي ټولګیو وروسته روزنه ورکول کېږي. دوی ته زده کړې ورکول کېږي، ترڅو د هغو ستونزو په اړه چې په نړۍ کې ولسي وګړي ورسره مخ دي، بحث وکړي یا د هغو مفکورو په اړه بحث وکړي چې ولس ورسره مخ کېدونکی دی، لکه دولتي مداخله، بشري نفوذ او د غربي لیبرالو اصطلاحاتو له ګټې اخیستنې څخه دیپلوماتیک ځواب.
په یو شمېر موضوع ګانو کې، لکه د سوریې د کړکېچ په اړه زده کوونکو ته ویل کېږي، فکر وکړئ چې له کومې لارې کېدای شي له جابرو رژیمونو سره مرسته وشي، خو په دې کړکېچ کې د هیوادونو د لاسوهنې د بدۍ په اړه څه نه ویل کېږي؛ ایا امریکا به وغواړي چې نظامي او اقتصادي مرستې وکړی؟ برتانیه به څه ډول وکولی شي چې په عادلانه ډول له سوري وګړو سره مرسته وکړي، کوم چې په وحشت او بې رحمۍ سره وژل کېږي؟ ایا له ملکي وګړو سره مرسته به، ددې لامل شي چې ملګي وګړي خپل استازي ومني؟
اساسي ټکی دا دی چې زده کوونکو ته داسې زده کړه ورکول کېږي، چې دغه کړکېچ دومره وېروونکی وښیي چې په سوریه اغېز کولی شي، ترڅو د نړۍ ولسي وګړي دا ومني او د ملګرو ملتونو د هغې تګلارې په اړه عکس العمل ونه ښيي، چې په سوریه کې یې تطبیقوي.
له زده کړې او تعلیم څخه د غربي مفکورې او ثقافت د خپراوي لپاره د وسلې په توګه ګټه اخیستل کېږي، ترڅو له دې لارې د دوی واکمني او حاکمیت ډاډ من شي. دا داسې یوه وسیله او کړنلاره ده چې له پېړیو را په دې خوا زموږ پر وړاندې ترې ګټه اخیستل کېږي. غربي ښکېلاکګر له تعلیمي نظام څخه د خپل کلتور او ثقافت د خپراوي په توګه ګټه اخلي. په ۱۸۳۵م کې لارډ ماکي اولي د برتانيې د پارلمان په مخکې وویل: « فکر نه کوم چې د دغه هیواد(هند) پر وړاندې موږ بریالي شو، ترڅو مو د هغه ولس د ملاتیر نه وي مات کړی، چې هغه د دوی معنوي او کلتوري میراث دی نو پر همدې بنسټ زه وړاندیز کوم چې موږ د دوی د زاړه تعليمي نظام او کلتور پر ځای یو بل بدیل وړاندې کړو. بیا به هندیان په دې اند شي، چې ټول هغه څه چې له بهر څخه دوی ته راغلي او انګریزي دي هغه د دوی تر خپلو ښه او غوره دي، نو له دې امله به دوی خپل قدر او خپل ژبنی کلتور له لاسه ورکړي او له دوی څخه به هغه څه جوړ شي چې موږ یې غواړو یانې یو ریښتنی ښکېلاک شوی ولس».
یو بل بحث هم په مخکې شته چې ښیي ایا د ښکېلاک په نني عصر کې غربي نفوذ محدود شوی او که په بشپړه توګه پکې کمی راغلی. دا ډول فعالیتونه چې پرې زیات اعتبار کېږي او د یوه زده کوونکي په غوښتنې پورې تړلي دي، ترڅو زده کونکی په دې ژوند کې بریالیتوب ترلاسه کړي او د غربي نفوذ ژوندي ساتلو ته لاره هواره کړي. لکه څرنګه چې لارډ ماکي اولي وویل، تعلیم د بهرني کلتور د خپراوي یوه کړنلاره ده او په ځوانانو کې د نظرونو حلول او تپل دي. دغه لیدلوری لا تراوسه په ټولې نړۍ کې ژوندی پاتې دی او یو شمېر دولتونه لکه: فرانسه او سويډن د تعلیمي نظام له لارې د زده کوونکو هویت ته ځانګړی رنګ او بڼه ورکوي او ډاډمنوي چې د دوی د کړنو سرچینه پر غربي مفکورو باندې ولاړه ده، نه پر اسلام.
د ملګرو ملتونو د شبیه سازۍ کړنلارې زده کونکو ته یوه ثابته تګلاره نه وړاندې کوي، ترڅو دوی وکولی شي چې خپلواک فکر کوونکي او روڼ اندي شي. دوی له تعلیمي نظام څخه په ګټې اخیستنې داسې حالت رامنځته کوي، چې غربي نظام ته پر الله او اسلام باندې لوړوالی ور کوي. د یو مسلمان په توګه، موږ باید خپلې پرېکړې اسلامي لارښوونو ته په کتو سره وکړو. د یوې موضوع د پوهاوي لپاره قران او سنتو ته ولاړ شو، ترڅو پیداکړو چې الله سبحانه و تعالی په څه امر کړی او له هغه سره سم عمل وکړو.
د ملګرو ملتونو د شبیه سازۍ د کړنلارو لمخې زده کوونکو ته زده کړه ورکول کېږي، چې د بشر په لاس له جوړو شویو قوانینو څخه د یوې سرچینې په توګه ګټه واخلي. دغه د بشر په لاس قوانین خلکو ته له الهي قوانینو پرته بشپړ واک ورکوي او پر همدې بنسټ په پوره توګه له اسلام سره په ټکر کې دي. رښتیا هم د زده کوونکو نظرونه اغېزمن شوي او په بشپړه توګه غربي مفکورې پرې واکمنې شوي دي.
سوریه یوه بېلګه ده چې مسلمانان یې له اسلامي حکمونو سره سمې کړنې ترسره کوي. موږ به د بشار الاسد رژیم شتون په رسمیت ونه پېژنو، د ملګرو ملتونو شتون به هم په رسمیت ونه پېژنو او دغه راز د هغوی هغه کړنلاره هم نه منو چې د ظلمونو د هوارۍ په موخه یې تر سره کوي او د سوریې مسلمانان ورسره مخ دي.
دا هغه بنسټيز بحث دی چې د ملګرو ملتونو د سازمان پر وړاندې ترسره کېږي او د هغه نظام پر وړاندې چې دوی ترې ساتنه کوي. په رښتیا چې د ملګرو ملتونو د شبیه سازۍ کړنلارې به هیڅکله هم دغو ته د پلي کېدو اجازه ورنه کړي.
﴿وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ﴾
[الحشر:۷]
ژباړه: څه چې رسول الله تاسو ته درکوي، هغه واخلئ او له څه شي څخه چې مو منع کوي له هغه څخه منع شئ. له الله سبحانه و تعالی څخه ووېرېږئ، الله سخت سزا ورکوونکی دی.
د حزب التحریر مرکزي مطبوعاتي دفتر لپاره
لیکواله: فاطمه مصعب
ژباړن: خبیب
